🔵 #مستجدات:

🔘 نبدأ بما حدث في السعودية و قصف مطار أبها :

نرجع بس للخلف خطوات :
📌محاولة بن سلمان التفاوض مع الحوثي
و قولنا انه عرض يسلمه مدينتي حيس و خوخة
في مقابل توحيد العملة

و انا قولت ان ده تصرف أحمق
و هيزيد مطامع الحوثي وهيشعره انه قوة لها ثقل
🔹ده يا فندم اللي حصل بالظبط
سقف طلباته زاد
لدرجة انه طالب ان القطاع المصرفي يتحط تحت سلطته

و ده طبعا مش تفكيره و لا تخطيطه 🤷🏻‍♀️🤷🏻‍♀️

و لما بن سلمان رفض 👈🏻 يوم 5 يوليو الحالي بدأت ميليشيا الحوثي تقصف مدينة حيث بمنتهي القوة و اسقطت ضحايا مدنيين كتير اغلبهم نساء و اطفال
" زي اسرائيل ما بتعمل بالظببببط 👌🏻"

📌 يوم 8 يوليو الحالي
ماركو روبيرو اجري مكالمة مع بن سلمان يسأله عن التقدم في ملف التطبيع
بن سلمان رد : انه مازال الشروط اللي طلبوها لم تتحقق
و وزير الخارجية السعودي قال ل روبيرو ان مفيش ضمانة تجاه اسرائيل .. اللي برغم من وقف اطلاق النار في غزة
الا ان مسلسل الخروقات مستمر و بتقوم يوميا بنسف احياء كاملة

و ده عصب روبيرو
لأن كان عشمان يتقدموا في الترويج للدين الابراهيمي 🤷🏻‍♀️

♦في هدفين بتسعي خلفهم اسرائيل من ورا التطبيع ده :
▪ الاول : دخول المدينة و السيطرة عليها لانهم بيروجوا انها املاكهم .. و كأن محدش عاش فيها غيرهم😏
▪ التاني : السيطرة علي قطاع الطرق و البنية التحتية و المقاولات بهدف طرد مصر منه 👌🏻

ف لما يتم اغلاق باب التطبيع امام اسرائيل و امريكا بالشكل ده
لازم ندفع السعودية التمن
و نحسسها بالخوف
عشان ترجع تعيط لماما امريكا و تقولها تعالي شوفي حل 🤷🏻‍♀️🤷🏻‍♀️

📌 و طول شهر يوليو
و في طيارات مجهولة بتنزل مطار صنعاء
تنزل ركاب و تاخد ركاب
و لا حد عارف هوياتهم و لا حد عارف هما مين
فلما رشاد العليمي يعلن انه مبيسألش عشان يحافظ علي حياة الركاب " اللي هو نفسه ميعرفهمش و جايز يكونوا اسرائيليين "
لازم تشك انه قابض تمن الصمت ده 🤷🏻‍♀️🤷🏻‍♀️

بالتفاصيل دي
تقدر تعرف ليه مطار أبها انضرب و خرج من الخدمة 👌🏻

و لما الحوثي يملك القوة العسكرية اللي تخليه يخرج مطار كبير زي أبها من الخدمة
و هو بيعلن عن نفسه انه محور مقاومة
▪ مخرجش مطار بن جوريون ليه من الخدمة
▪مخرجش مطار رامون ليه من الخدمة
▪مخرجش ميناء عسقلان اللي فيها خط استلام نفط ايران المورد لاسرائيل ليه من الخدمة
▪مقصفش حيفا ليه و قتل اطفال و نساء الصهاينة بدل ما قتل اطفال و نساء مدينة حيس اليمنية

هل الناس اللي بتروج له علي انه بيقاوم الصهاينة يقدروا يجاوبوا علي الاسئلة دي 🤔🤔

ترامب قاعد مستني ان بن سلمان يكلمه و يقوله إلحقني 🤷🏻‍♀️🤷🏻‍♀️

" اتوقع ان المكالمة دي هتتمنع بفعل فاعل اسمه الرئيس السيسي .. لأن شروط ترامب هتكون عنيفة علي السعودية "
-------------------------------------------------------
🔘 احمدي نجاد الجاسوس الاسرائيلي :
يوم 25 يونيو 2025
يعني من سنة
انا قولتلكم ان نجاد متجند " و هنزلكم الاسكرين و احنا لا بنعمل edit و لا بنحذف كلمة من اقوالنا 👌🏻 "
و قولتلكم في فراندة 2025 هتسمعوا عن سعي نجاد للرئاسة و اللي هيصعده اسرائيل
و قولتلكم في فراندة 2026
اللي صعد نجاد اول مرة امريكا .. عشان يدعم تنظيم الاخوان المسلمين ف مصر و السودان و ليبيا و يفتح معاهم باب يدخل ايران و جواسيسها للدول التلاتة

و ان تصعيد نجاد للحكم جزء من الدورة العشرينية للصهيونية العالمية في التوقيت ده ... حصصصل 🤷🏻‍♀️🤷🏻‍♀️

📌 ف ايه وجه الاستغراب ن ان نيويورك تايمز تعرض مقابلات و لقاءات و مبالغ بالدولارات اتصرفت عليه
او سعي جديد لتشغيله 🤔

يافندم المرشد خامئني كان متجند من ال MI 6 و المرشد اللي لفوا بيه الدنيا خوميني ما هو واحد من رجال ال CIA
و اللي مصدق المسرحية اللي بتحصل دي يبقا ذنبه علي جنبه بقا ملناش دعوة 🤷🏻‍♀️🤷🏻‍♀️

♦طب ده ترامب لسه مهدد بنسف جبل بيكاكس عشان النووي اللي جواه
تااااني نووي 🙄
يا عم تخيييييل 🤷🏻‍♀️🤷🏻‍♀️

▪طب نسأل سؤال صغنن 👈🏻 فين جبل بيكاكس ده 🤔
ده جبل موجود داخل سلسلة جبال زاجروس .. المفروض ان الايرانيين حفروا الجبل ده عشان يعملوا منشأة نووية لتخصيب اليورانيوم
و تحديدا في مدينة اصفهان

أصفهان 🤔
اللي سكانها يهود 🤔 " اللي وفقا لرواية الحديث النبوي انها مكان خروج الدجال و يهود الطيالسة 🤷🏻‍♀️"

و لما ترامب بقا ينسف الجبل بالنووي اللي فيه .. هيمحي اصفهان .. باليهود اللي فيها عشان اصل اليهود بيسكتوا لو حد يهودي اخد ضربة شمس في اي حتة في الكوكب و يعتبروها معاداة سامية .. ترامب بقا ابو السامية هيعادي السامية 🤔

حاضر .. هنصدق ان في نووي و ترامب هينسف النووي فوق دماغ اليهود اللي هناك 🙄

🔹طب هو ليه الهدنة الايرانية الامريكية دي مش بيعيشلها بنود يا عيني و بيموتوا اول باول 😒

الحرب دي لازم تفضل مستمرة شوية لعدة اسباب :
▪اولا : ترامب لازم ينتهي من بيع النفط الفنزويلي التقيل اللي عنده لأنه كميات ضخمة
و الفلوس دي بتدخل الخزانة الامريكية گ عوائد بيع نفط امريكي
و المبالغ الضخمة اللي دخلت .. قدرت تعمل توازن في السوق الامريكي مما كبح التضخم
و بناءا عليه :
الفيدرالي بدأ يسرب اخبار ان الفايدة في السوق هتستقر .. و هيتم قبول بعض طلبات اعانة البطالة
و بالتالي ده اثر ايجابيا علي حركة البورصات و علي معدلات الاستهلاك
و دي خطوة محتاجها ترامب قبل ما جلسات التجديد النصف سنوي للكونجرس 🤷🏻‍♀️
▪ثانيا : طول ما الخليج بينضرب و مهدد
ده مصدر رزق لترامب
* هات انظمة دفاع جوي يا عم ترامب
يعني الامارات اللي لسه مضروبلها سفينتين من ساعة .. هتجيب انظمة دفاع منين 🤷🏻‍♀️
* خد فلوس اهي و ابعدهم عننا
* تدفقات النفط الخليجي متوقفة بالتالي السوق مفتوح للنفط الامريكي
* الصين متأثرة بسبب سلاسل امداد الطاقة

ف هو كسبان كتير .. غير شبكة المراهنات اللي بيديرها 🤷🏻‍♀️
و بيلعب بالخليج الكورة
اهو من ساعة بالظبط تصريح 👈🏻 هستبدل نسبة ال 20% رسوم عبور هرمز .. بصفقات تجارية من الخليج للولايات المتحدة

🔸التصريح ده هيبيع فيه سندات بمليارات الدولارات للكواحيل و مش هيسددها
و هتدخل لانعاش الخزينة الامريكية

هو بيقولهم انا بلعب بيكم .. بيعترف بنفسه 🤷🏻‍♀️🤷🏻‍♀️

▪ثالثا : لما بتتوقف الضربات الايرانية الامريكية
بترجع انظار العالم تتجه نحو غزة و جنوب لبنان
و ده يعطل اجندة استيلاء اسرائيل عليهم

و انت بنفسك هتلاحظ ده 🤷🏻‍♀️
يعني من اول امبارح العالم ملوش سيرة الا الاحداث و التصريحات و التهديدات الايرانية
في حين ان اسرائيل قامت امبارح بنسف شمال غزة تماماااا و ارجعته صحرااااء
و قصفت حي المواصي بخان يونس و قطعت السكة بينه و بين رفح
و قصفت الخيام اللي علي ساحل غزة و حرقتها بمن فيها
و اعلنت في الكنيست استيلاءها علي 70% من القطاع
و في جنوب لبنان نسفت حي بحاله .. ومحت 8 عائلات لبنانية من السجلات " نفسسس السلوك اللي اتبعته في غزة "
ليه بتبيد العائلات بالشكل الوحشي ده 👈🏻 عشان ميبقاش في نازحين يطالبوا بالعودة .. عشان تبقا اراضي بلا شعب 🤷🏻‍♀️🤷🏻‍♀️

▪رابعا : امريكا في ظل زخم الاحداث و كل العصافير الحالية
استردت احتلال العراق بدووون رصاصة واحدة 👌🏻
جابوا الخاين الزيدي عملوه رئيس وزرا .. و الراجل مقصرش
لم كل فلوس الحملات التوقيفية للنواب سلمها ل مسعد بولس
و امبارح راح واشنطن قابل ترامب و سلم النفط العراقي كله لشركات شيفر و جنرال اليكتريك
" كل حقول النفط و الغاز و كل مشروعات الطاقة يا باشا اتفضل اهي .. عايزين تدوا العراقيين فتافيت من ثرواتهم يبقا كرم منكم .. مش عايزين يولعوا
كده كده احنا بنفضي العراق عشان نسلمها لاسرائيل 🤷🏻‍♀️🤷🏻‍♀️ "

و بيفضوها ازاي 👈🏻 امريكا مقابل النفط هتسلم الجيش العراقي اسلحة يحاربوا بيها الجماعات المسلحة الموالية لايران

يعني العراق علي اعتاب حرب اهلية هتنتهي باحتلالها
و مجلس سلام من الصهاينة 🤷🏻‍♀️🤷🏻‍♀️

لازم المسرحية تكمل
و اللي يقولك الاحداث و هتغير الخريطة
يا حبيبي الخريطة متجهزة و معدة في ال CIA من 2018 من وقت اعلان ترامب تهويد القدس بالكامل

و بعدها بدأت عمليات الاعداد لها .. وكل مرة مصر كانت بتدخل و تقطع الطريق عليهم
و كللللل مررررة بيبدأها حماس

* نوفمبر 2018 : عملية حد السيف
* نوفمبر 2019 : عملية الحزام الاسود
* مايو 2021 : عملية سيف القدس
* اغسطس 2022 : عملية الفجر الصادق
* اكتوبر 2023 : عملية طوفان الاقصي

اسامي مجعلصة في الاونطة كلها .. النتيجة بتكون تدمير غزة و ابادة اهلها
لما لقوا ان آن اوان تنفيذ الاجندة بقا .. نزلوا بالخطة المعدة مسبقا بين ايران و حماس و الاخوان في مصر و اسرائيل و امريكا و مؤجلة من 2012
اللي هي طوفان الاقصي اللي كانت معنية بالتهجير القسري من غزة لسينا لتنفيذ صفقة القرن 🤷🏻‍♀️🤷🏻‍♀️

✨ الليلة دي مش هتنتهي يا عزيزي الا بحاجتين :
▪اعلان الخريطة الاسرائيلية الجديدة بعد التوسع
▪وصول ترامب لتارجت احكام السيطرة علي نفط العالم العربي


" و بعدين الموضوع ده فاتح بيوت ناس كتير
اومال فيديوهات ايران انتصرت و ربط ايران بانتصارات دينية و الترويج للحوثي قاتل اطفال اليمن علي انه بطل عشان يكمل اجندته المكلف بيها في ابادة اليمنيين .. مش لازم خدامين يابني يخدموا علي الصهاينة بتغذية اوهام السذج و البسطاء ان الحرب حرب دينية 🤷🏻‍♀️🤷🏻‍♀️ "

محدش عارف مين هيقلب الدفة و ازاي
و في ظل الضبابية الحالية التوقع يحتاج التدقيق و التركيز 👌🏻👌🏻

🔺ملحوظة :
الصور المرفقة كلها لاحداث انهاردة
ماعدا قصف مدينة حيس بتاريخ 5 يوليو 2026

في فيديو ارفقته لتجول دورية اسرائيلية عند نهر الليطاني و الظايط بيقول انهم في ارضهم اهو 🙄

🔵 وفقا لتعليمات سيادة الرئيس .. الدكتور مصطفي مدبولي رئيس الوزراء يوجه بتشكيل لجنة لخفض اسعار السلع لتخفيف الاعباء عن المواطن
" تشكيل لجنة 🤔 "

🔹الدكتور مصطفي مدبولي يزور مقر مزرعة عمار لمتابعة 15 ألف راس ماشية في اطار سعي الرئيس لخفض الاسعار
" ال 15 الف راس ماشية هما اللي هيخفضوا الاسعار 🤔 "

🔘 سيادة الرئيس / تحية طيبة و بعد
الاعباء علي المواطنين مش مشكلة مؤقتة
و لا أزمة غير اعتيادية

الاعباء علي المواطنين سحبت كل شرايح المجتمع اللي اقل من الاثرياء
الي تحت خط فقر

♦و ده مش كلامي .. ده تقرير البنك الدولي اللي تم ارساله الي حكومة جمهورية مصر العربية بتاريخ 8 يوليو 2026
تحت بند المراسلات الدولية العاجلة

و الذي ينص علي تقرير معدلات الفقر عن مصر للنصف الاول من عام 2026
وفقا للرواتب .. معدلات التضخم .. اسعار السلع الغذائية .. اسعار الدواء .. الاقبال علي الادخار

🔸معرفش وصل لسيادتك و لا لأ
بس بما ان البنك الدولي هو احد الشركاء التمويليين لمصر
و مطلع علي الموازنات
و علي خطط الانفاق
و علي هيكل الدين العام

ف تقاريره و ارقامه صحيحة 100%

التقرير يا فندم قال ان الاسرة عدد 4 افراد
و التي يقل دخلها عن 21900 الي 22100 جنيه
هي اسرة تقع تحت خط الفقر

🔸المعادلة اللي عملها التقرير :
▪ الفرد في مصر سواء طفل او بالغ لكي يحيا حياة آدمية ذات جودة متوسطة " ده توصيف التقرير "
اللي بيسمي خط الفقر للدول ذات الدخل المتوسط الادني " و اللي منها مصر طبعا "

خط الفقر للفرد = 3.65 دولار يوميا / فرد
تنضرب في 30 يوم = 109.5 دولار شهريا
تنضرب في 4 افراد = 438 دولار شهريا
تنضرب في 50.44 ج سعر الصرف = 22092.72 جنيه اليوم

📌 سيادتك متخيل يا ريس
ان بناءا علي الحسبة دي يتحول 9 مليون و 700 الف مواطن من اسر اصحاب المعاشات الي مواطنين تحت خط الفقر
و اسر 70% من موظفي القطاع الخاص الغير سلعي
زي الكافيهات و المطاعم و دور الترفيه و خدمات الاونلاين و التسويق .. تحت خط الفقر
و 53% من عاملي القطاع الخاص السلعي و البناء .. تحت خط الفقر

و تصبح رواتب الاطباء و المعلمين لا تجابه خط الفقر 🤷🏻‍♀️🤷🏻‍♀️

انا بوجه كلامي لسيادتك يا ريس
عشان الشمشرجية اللي بيهللوا لفشل الحكومة ..ميتدخلوش بينا

🔹عارف المفارقة الاقتصادية فين يا ريس :

في 3 ارقام المواطن بيدور حاير بينهم :
📌الرقم الاول : تقرير صندوق النقد الدولي " اللي محتلنا ده "
عن معدل القوة الشرائية في مصر اللي هو معامل PPP
و اللي بيقول ان الحياة الكريمة للمصري تتحدد بقوة شرائية و استهلاكية قدرها من 1400 الي 1600 دولار
للحصول علي نفس السلع التي يحصل عليها المواطن الامريكي بالقيمة العادلة للدولار

اللي هي كام 👈🏻 37 جنيه لكل دولار
نضرب × متوسط 1500 دولار
هيساوي 55.5 الف جنيه شهريا

التقرير ده فيه اعترافين اقذر من بعض :
🔹 الاول 👈🏻 ان سعر الدولار الحالي ليس سعر مرن و انما سعر مبالغ فيه
و ان الدولار مقوم اكتر من قيمته ب 13 جنيه كاملة
" عارف مين اللي عامل العبث ده يا ريس 👈🏻 البنك المركزي
عشان يستقطب اموال ساخنة ..المستثمر يكسب منها مرتين
مرة من الفوايد
و مرة من جني ارباح فرق العملة
و الضحية هي العملة 🤷🏻‍♀️🤷🏻‍♀️ "

🔹الاعتراف التاني محتاج شرح :
يعني ايه القوة الشرائية المكافئة لنفس متحصلات المواطن الامريكي :

يعني مقومات الحياة
و اللي منها تعليم مجاني و فواتير الصحة المغطاة بالتأمين الصحي
العقد الاجتماعي يعني

اعتي رأسماليات العالم بتقدم تعليم مجاني تماما من الروضة للثانوي بنفس الفرص
و بتوفر في الجامعة حاجة اسمها pell grant
و الصحة ممولة بالكامل لبرنامجين medicare & medicied

و كذلك الايجار و فواتير الطاقة
و كذلك السلع الغذائية

و بردووو عايزيننا نخصخص التأمين الصحي و نخصخص التعليم
و هما في دولهم مبيعملوش كده 🤷🏻‍♀️🤷🏻‍♀️

شوفت الصندوق بيتنصل مننا ازااااي
زي الشيطان يوم القيامة لما قال " وَمَا كَانَ لِيَ عَلَيْكُم مِّن سُلْطَانٍ إِلَّا أَن دَعَوْتُكُمْ فَاسْتَجَبْتُمْ لِي ۖ فَلَا تَلُومُونِي وَلُومُوا أَنفُسَكُم ۖ مَّا أَنَا بِمُصْرِخِكُمْ وَمَا أَنتُم بِمُصْرِخِيَّ "

📌الرقم التاني : هو نصيب الفرد من الناتج المحلي :
المفروض ان نصيب الفرد من الناتج المحلي
كام بقا نصيب الفرد وفقا لارقام السنة دي
نصيب الفرد الواحد = 300 دولار

بيتاخد منهم نصيبه في اعباء الدين اللي هو 87% و يتحصل علي 13%
هيبقا 300×13% = 39 دولار 🤷🏻‍♀️🤷🏻‍♀️

لذلك نسبة مخصصات موازنة الصحة و التعليم متدنية و مخالفة للدستور
المعاشات مهترئة و لا تكفي اصحابها اسبوع
المصريين غااااارقين في الديون الاستهلاكية لشركات التمويل " شعب مهدد بتصنيفه غارمين بين يوم و ليلة 😒 "

📌 الرقم التالت : رقم معدل خط الفقر بتاع البنك الدولي
و اللي هو 109.5 دولار للفقير

و بين هذا و ذاك المواطن مبيتحصلش علي اي رقم من دول 🤷🏻‍♀️🤷🏻‍♀️

طيب بالله عليك يا سيادة الرئيس اسعار ايه اللي ممكن تتخفض
ف تحل الكارثة اللي فوووق دي ☝🏻☝🏻

لازم حل جذري يأتي من معالجة الاصل و ليست الفروع

و الحل خطوتين :
▪ الانتهاء من اكذوبة دعم المحروقات " مصر دولة لا تدعم المحروقات يا ريس 🤷🏻‍♀️"
▪ حل مشكلة القمح

♦المشكلة الاولي 👈🏻 اكذوبة دعم المحروقات و الكهرباء

الحكومة اللي تبيع الغاز و البنزين و السولار بالسعر العالمي دي حكومة بتنصب علي الشعب يا ريس 🤷🏻‍♀️🤷🏻‍♀️

مفيش حاجة اسمها دعم محروقات في مصر
لكن في حاجة اسمها عملة رديئة
بنحتاج منها وحدات نقدية كثيرة لتوفير واحد دولار

يعني لو لتر البنزين = واحد دولار
ف لو الدولار ب 20 جنيه هيساوي 1 دولار
و لو الدولار قفز ل 30 جنيه
و بعدها قفز ل 50 جنيه
دي مش مأساة الدولار
دي مأساة الجنيه

و مش مأساة المواطن .... دي ازمة الحكومة اللي اخدت خطوة تخفيض قيمة العملة دون النظر لعواقب الخطوة دي الوخيمة

حضرتك مش بتمول دعم المحروقات
حضرتك بتمول انخفاض العملة يا فندم " يعني حضرتك بتدعم العملة مش السلعة ... بنبيع دعم وهمي 🤷🏻‍♀️ "
الفرق بين ال 20 ج و ال 50 ج مش ارتفاع سعر
ده انخفاض عملة

🔸بالاضافة لأن الدولة بتحصل الضرايب و الرسوم و الدمغات من سعر كل لتر بنزين او سولار من محطات الوقود
فبيتم تحميلها كده كده علي المستهلك

ف دعم ايه اللي بتقدمهولي
انت بتكسب مني ارباح و بتاخد مني ضريبة و بتاخد مني رسوم للهيئة 🤷🏻‍♀️🤷🏻‍♀️

♦المأساة الكبري التي ابتدعها اللص يوسف بطرس غالي
انك بتبيع للمصريين النفط بتاعهم بسعر خام برينت

في مصر تكلفة انتاج النفط من الحقول البرية 23 دولار للبرميل .. و من الحقول البحرية 36 دولار للبرميل
حضرتك بتبيعه للمصريين ب 85 دولار يا فنننننندم ... في عرف مين ده
يعني مين الدولة اللي بتعمل ده 🤷🏻‍♀️🤷🏻‍♀️

بنستورد من 30% ل 35% من احتياجاتنا اللي هي متسعرة علي 85 دولار

يعني فرق العملة يحمل علي الواردات فقط مش علي الامدادات كلها

🔹لكن انت هترد عليا بايه 👈🏻 الشريك الاجنبي
و تطلع كل عقود التنقيب اللي طارق الملا عملها .. عقود اجحاف مصر طالعة فيها من المولد بلا حمص
يا دووووب ال 18% بتوع اتاوة التنقيب ... انما الخير كله للاجنبي
لأ ده احنا بنشتري منهم كمان بسعر خام برنت 😏

و ده مش كلامي
ده كلام النائب رضا عبد السلام في البرلمان
الراجل فتح ملف خطير جدااا
ازااااي ثروات و حقوق الاجيال بيتم التفريط فيها بالشكل العبثي ده .. و ازاي حق امتياز يقسم 45% لشركة و 55% لشركة اخري وسنوات الامتياز من 20 ل 25 سنة

هي البلد كلها فجأة اتأجرت 25 سنة للاجنبي كده
" ده حتي القطار السريع اللي لسه مخلصش و واخدين اخر شريحة قرض له 3.9 مليار يورو = 4.5 مليار دولار
من اتحاد البنوك الالمانية ... طلعتوا مانحين شركة ألمانية حق تشغيل و ادارة لمدة 25 سنة في مقابل 2% من الايرادات
مش الارباح لأ الايرادات
يعني بعد تكلفة التشغيل و الصيانة و نفقات الرواتب و الطاقة و اقساط القرض الكبير بفوايده .. يطلعوا كسبانين اكتر مننا "

العيب في مين عايزة افهم 🤷🏻‍♀️🤷🏻‍♀️

النائب الدكتور طالب بإعادة تقييم العقود عن طريق لجنة من حملة الماجستير و الدكتوراه في الاقتصاد الحديثين .. لحساب المكاسب و الخسائر
و اعادة التفاوض مع الشركات من اجل الحفاظ علي حقوق الاجيال القادمة
و قال اللجنة يا سيادة رئيس البرلمان جاهزة ومتطوعين .. لابد ان ينال المصريين جزء من خيراتهم

السيد رئيس البرلمان قاله اه طيب 😒😒

الراجل بيدافع عن حق اجيال الفشل الحكومي أورثها ديون و قروض .. و لم يكتفوا
لأ ده ضيعوا حقهم من الثروات
يتقاله اه طيب 😒😒
المفروض اللي عمل العقود دي يتحول للمحاكمة .. عقود الاجحاف مخالفة للقانون و الدستور اصلا 🤷🏻‍♀️🤷🏻‍♀️

♦طب مش عايزين نزعلوا الاجانب .. مش هناموا الليل لو الاجنبي زعلان و مقموص :

في وسط العدد اللامتناهي من القروض اليومية ده
عادي اخصص 300 مليون دولار تكلفة انشاء شركة تنقيب مصرية وطنية

اه و الله دي تكلفة انشاء شركة تنقيب
و تقدر تجيب كل معداتك من روسيا .. اللي بتصنع محليا كل معداتها و ادواتها و بتستورد 10% من التكنولوجيا العكسية من الصين
و تدفعلهم بالجنيه كمان 🤷🏻‍♀️🤷🏻‍♀️

3 شركات تنقيب تكلفتهم مليار دولار
ايييييه يعني مليار دولار
ما صرفنا مليارات علي الاسمنت
نجرب نصرف مرة في حاجة تدر عوائد

و نقترض ليه اصلاااا
ما انا ممكن اعملها اسهم و سندات دولارية للمغتربين
يعني المغتربين ممكن يمولوا لك انشاء مجمع تنقيب قوامه 3 شركات 🤷🏻‍♀️🤷🏻‍♀️

و تقدر متخسرش دولارات
و تسدد بالجنيه .. تسحب من جبل الجنيهات اللي في السوق ده

و توفر عندك سيولة دولارية قيمة الاسهم و السندات

و الفترة الزمنية 3 شهور لإنشاء الشركة الواحدة

و تشغل زوربيح موظفين و عمال و مهندسين و محاسبين و سواقين و عتالين

و عندك شركات المقاولات و الانشاءات جوا البلد .. حسن علام .. و طلعت مصطفي .. و المقاولين العرب

اييييييه ناقصك عشان ميبقاش عندك شركات تنقيب مصرية 🤷🏻‍♀️🤷🏻‍♀️

📌 تخيل يا عزيزي ان تكلفة انتاج برميل النفط للشركة المصرية للبترول
" اللي هي من الستينات دي "
من 10 الي 15 دولار فقططط

مفيش نقطة زيت بتطلع برا
مفيش دولار بيطلع برا

فأنا يبقا عندي امكانية ان تكلفة برميل النفط تكون 15 دولار .. انا بقا عشان حكومة عويلة بقترض عشان اسدد قروض راحت علي الارض .. اروح اشتريه ب 85 دولار
حاجة تنقط مش كده 😏😏

🔹و لو المحتل مانعنا اننا نملك شركات عملاقة تقوم الاقتصاد الوطني
ف ممكن نتحايل علي الاوضاع الاستعمارية بقانون الشركات

قانون الشركات في مصر يسمح للمواطنين بتأسيس شركات مساهمة و توصية بالاسهم

ف عااادي يتم انشاءها
و يتعمل مجلس ادارة يترأسه وزير البترول بشخصه و ليس صفته 🤷🏻‍♀️🤷🏻‍♀️

🔘 الخطوة التانية متعلقة ب أكذوبة دعم القمح :
" و رغيف العيش اللي السيد رئيس الوزرا ذالل كرامة ام المصريين بيه كأنه بيدفع تمنه من ميراثه
السيد رئيس الوزرا غايب عن باله انه موظف عند المصريين .. و مرتبه بيدفعه المصريين ... مش المصريين اللي عبيد عنده 🤷🏻‍♀️🤷🏻‍♀️"

📌 بعد اذن سيادتك ياريس هعرض عليك مفارقة عجيبة :

ايه هي بقا 👈🏻 طن القمح المحلي اغلي من طن القمح المستورد

عارف ليه يا ريس
لسببين :
▪تحرير مقومات الزراعة و رفع الدعم عنها اللي اجبرنا عليه الصندوق
▪رفع سعر السولار اللي هو احد أسس الزراعة اللي بردو اجبرنا عليه الصندوق

🔹طب هل دي المشكلة فقط 🤔
لأ 👈🏻 و يبقا الدولار ازمة العمر

اني بنوع مصادر الاستيراد دون الحاجة لذلك
يعني انا ممكن اكتفي من بريكس باستيراد القمح الروسي
و اسدده بالجنيه و الروبل

ليه بشتري قمح اوكراني و روماني و بلغاري و فرنسي " الفرنسي ده غااااالي جدااااا " .. ليه بقا بشتريهم 🤔

الدول التي تعاني من ازمات اقتصادية لااااا ينبغي لها البحث عن الرفاهية قبل الاحتياجات الاساسية

▪الطبيعي اني بجيب 60% من احتياجاتي من روسيا .. ارفعها ل 90%
بلغاريا و رومانيا مين اللي انا مهتم بيهم ان كان اوروبا نفسها مش شيفاهم 🤷🏻‍♀️🤷🏻‍♀️
و اوفر علي نفسي دعم فرق العملة بردووووو
انت مش بتدعم رغيف العيش .. انت بتمول فرق سعر القمح نتيجة خفض العملة اللي انت عملته 👌🏻👌🏻

▪لما الهند في بعض المواسم ترفع حظر التصدير
اجيب منها
و ادفع بالجنيه

ليه كل الدول اللي في بريكس استفادت منها .. و البرازيل قدرت تصنع اقتصاد كامل من بريكس
و معانا احنا مش شغالة يا شيخ شعلاااان .. مش شغالة 😏😏

" كل ما اقرأ الملف الكامل اللي عملته لبريكس .. ونشرته هنا علي القناة سنة 2022
و اقارن بالواقع اتحسر و اتقهر .. كان ممكن نعمل مليارات الدولارات 🤷🏻‍♀️🤷🏻‍♀️ "

🔸 طب احنا خلاص اتحطينا في مفارقة القمح و مش عارفين تتحل ازاي
و لازم ارفع سعر الرغيف
و بالتالي سعر المكرونة هيرفع
و كل ما هو متعلق بالطحين .. و بمجرد رفع سعر الرغيف لازم هتحصل موجة تضخمية🤷🏻‍♀️🤷🏻‍♀️

في حل بقا :
حضرتك بتستورد طن القمح بسعر البورصة العالمية ب 240 دولار ... بينما تكلفته عليا محليا 282 دولار

اعمل ايه 👈🏻 هبيع القمح بتاعي
هصدره
و اعتمد علي المستورد

▪طب اصدره ب 240 دولار .. ازاااي 🤔
لاااا يا فندم
في مجموعة دول في العالم لا تعتمد اسعار البورصات السلعية

زي مين 👈🏻زي الدول الحبيسة الافريقية الكونغو .. اوغندا
بيشتروا القمح الزامبي ب 1500 دولار الطن 🤷🏻‍♀️🤷🏻‍♀️

▪هل زامبيا بتكفي احتياجاتهم
ابدااا ده كلهم 350 الف طن الفائض عندها

خد عندك بقا ليستة الدول الافريقية اللي بتستورد احتياجاتها بالكامل
اوغندا .. موزمبيق .. ليسوتو .. بيتسوانا .. انجولا .. ناميبيا .. الصومال .. الكونغو زائير و الكونغو بزرافيل .. كينيا .. رواندا .. بروندي .. السنغال .. كوت ديڤوار

بلاااااعة قمح أهي
و كلها بتستورد بأسعار من 900 ل 1460 دولار لللطن

▪طب انت هتبقا عجبة يعني من بين الدول لو عملت كده
لاااا خالص
دي حاجة اسمها تعظيم مورد اقتصادي للفرصة البديلة
و لجأت لها البرازيل عشان تعالج عجز ميزان المدفوعات بدون ما تلجأ للاقتراض
جت في مواسم الحصاد بتاع القمح بتاعها و صدرته كله و حصلت عملة صعبة سددت بيها بوااااقي الديون اللي عليها .. و استوردت احتياجاتها من الارجنتين باسعار زهيدة

باعت قمحها ب 220 دولار للطن و استوردت من الارجنتين ب 73 دولار للطن 🤷🏻‍♀️🤷🏻‍♀️

ليه دول بتبيع اغلي و دول بتبيع اقل 👈🏻 بسبب الفائض
عنده فائض انتاج لو اتخزن هيخرب .. يبقا يتباع 🤷🏻‍♀️🤷🏻‍♀️

فرق السعر بين الواردات و الصادرات ده هتمول بيه فرق العملة و تعالج بيه ميزان مدفوعاتك و توفر عملة صعبة

اللي مفهمين سيادتك ان هي دي الحلول المتاحة لازماتنا و معندناش غيرها .. هم حفنة من الاغبياء
معرفش ازاي ممكن نعتمد علي مهندس و علي واحد خريج ادارة اعمال في حل ازمات اقتصادية
لكن ده اصبح مكلف جداا
و بيودينا في داهية كل يوم اكتر من اللي قبله
ازاي عايزين حكومة مفيهاش اقتصادي واحد تحل ازمات اقتصادية لدولة .. معرفش 🤷🏻‍♀️🤷🏻‍♀️

🔶 ف ماذا ستفعل اللجنة الوطنية لخفض الاسعار 🤔
هتنزل سعر ازازة الزيت جنيه و لا اتنين جنيه
و سعر كيس المكرونة 75 قرش
و سعر كيلو الرز جنيه

بمجرد خروج 25% من الاموال الساخنة من السوق
هيرفع الدولار فجأة
و ترفع معاه الاسعار اكتر🤷🏻‍♀️

اللي سحب الدولار ل 54 ج مش السعر المرن
تؤ تؤ 👈🏻 ده ال 17 مليار دولار من الاموال الساخنة اللي خرجوا في مارس
و اللي رجع الدولار انهاردة ل 50.44 جنيه بعد النزول ل 48.15 من اسبوع
بردو الاموال الساخنة اللي بتتلاعب بالسوق 🤷🏻‍♀️🤷🏻‍♀️

ف اللجنة دي هتدي السوق قرصين باراسيتامول تخفض السخونية شوية
انما مش هتتعامل مع الفيروس المسبب لارتفاع درجة الحرارة

ف علي المدي الطويل حضرتك معملتش حااااجة بردو 🤷🏻‍♀️🤷🏻‍♀️

هما اجرائين :
▪ تصحيح اوضاع المحروقات و الثروة البترولية في الموازنة
لأن في كارثة اخري يا فندم 👈🏻 ان الموازنة كده محملة بمصروفات وهمية غير مدفوعة .. بتروح فييييين بقا 🤔🤔
▪ استخدام مبدأ العائد من اقتصاد الفرصة البديلة مع القمح

جرب و شوف الفرق وحجم العوائد اللي هتحصلها 🤷🏻‍♀️🤷🏻‍♀️

✨ اتمني بقا يا ريس الاستاذ وزير الاعلام ميطلعش يرد عليا و يهبد في الاقتصاد و يمسك رغيف كايزر و رغيف باجيت
عشان ردي هيبقا عنيف و الله
يعني عنده مشاغل كتير
ال 30 مليون جنيه التمويل الاستثنائي لصندوق معاشات الصحفيين اللي لسه مسلكهم من وزير المالية و طالعين من خزينة الدولة
و ده مخالف للدستور يا فندم وفقا للمادة 9 و المادة 53 الخاص بتنظيم اموال المعاشات من الدستور المصري
و التي تحظر التمييز من اجل عدالة تكافؤ الفرص

و في حتة تزوير صغننة كده 👈🏻 الفلوس طلعت من وزارة المالية تحت بند : تقديم خدمات جليلة

و جليلة عارفة الكلام ده 🤔

جليلة في الدستور محددة نفسها
* العجز في تمويل صندوق شهداء الجيش و الشرطة و المدنيين
* مصابي و ضحايا الكوارث و الاوبئة

هما دول بتوع الخدمات الجليلة وفقا للمادة 71 لسنة 1964
و اللي مستمرة معانا لحد انهاردة

بس يا سيدي وزرا بقا مع بعضهم و الورق ورقهم و الدفاتر دفاترهم و لازم نسلك 30 مليون هنا و لا هنا ... ربنا يهني سعيد بسعيدة 🤷🏻‍♀️🤷🏻‍♀️

ف يعني ملوش دعوة بينا گ شعب بقا .. احنا مخاصمينه 🙄

✨ و بالمناسبة يا ريس :
جوقة الاعلاميين اللي ماشي وراهم لجان مدعي الوطنية
باعوووا الحكومة عند اول قلم
ااه و الله
نادي القضاة تقدم ببلاغ للنائب العام ضد 3 من الاعلاميين اياهم و قناة اياهم
و هيحبسوهم
اصل مين ممكن يقف قصاد نادي القضاة 🤷🏻‍♀️🤷🏻‍♀️

قوم الجوقة قرروا يروحوا لحد نادي القضاة يعتذروا و يتأسفوا و يبوسوا الايادي .. لانهم عارفين انهم هيلبسوا حكم 7 سنين و القضاء هينتصر لنفسه

ده مش كده و بس
ده شتموا الحكومة و رئيس الحكومة و قالوا ان اختيار الوزراء بالتوصية و ليس الكفاءة
و بعد ما شتموا احكام القضاء المصري بناءا علي توجيهات السيد وزير الاعلام
لقوا فيها حبس
راحوا معظمين في القضاء و بايعين الوزير و رئيس الوزرا 🤷🏻‍♀️🤷🏻‍♀️

هو ده بقا الاعلام اللي عايزين الناس تاخد بكلامه 😒😒

يادوووب المركب اتهزت .. راحوا لابسين اللايف چاكيت وناطين من حوالين وزير

علي فكرة
هما هما التلاتة اللي باعوا مبارك و نطوا من مركبه ... ده لما لقوا الموجة عالية اتنين منهم نزلوا التحرير يتظاهروا ضده 🙄🙄

صدقني
حصنك الوحيد هو شعبك
و كل اللي حواليك بيفسدوا هذا الحصن
مؤلم جدااا علي اي شخص ان من خانوا امانته يدمروا انجازاته علي حياة عينه

الله يكون في عونك و يعينك الحقيقة
حلول ازماتنا كلها عند المخلصين من ابناء هذا الوطن و ليسوااا اصحاب التصريحات الكاذبة
و ربنا يجازي من افسدوا كل شئ جهنم جزاءا موفورا 🤲🏻🤲🏻