الديباجة اللي حافظنها عايز تخرس حد و تخوفه انه يعارض الحكومة في قراراتها اللي هتسلم البلد تسليم اهالي .. عشان الحكومة تسلك امورها في هدوء في غفلة من الشعب
يقولوا عليه بيحرض علي الرئيس .. هما معندهمش غيرها حاليا تخوف الناس
اصل مش هينفع يقولوا اخوان لأن مفيش اخواني واااحد بيتكلم عن اللاجئين او التوطين .. بالعكس هما يهمهم خراب البلد اصلا 🤷🏻‍♀️
زمن لكع بن لكع فعلاااا 👌🏻 "

لما تحط كل التفاصيل دي جنب بعض
هتعرفوا مين اللي ورا ترويج السردية دي .. و لحساب مين و عشان ايه
هتعرفوا مين اللي يهمه قبول التجنيس و التوطين .. مين اللي قابل المؤثرين و صناع المحتوي في نيويورك عشان يشتغلوا لصالح السرديات اليهودية في الشرق الاوسط و حق اسرائيل في الدفاع عن نفسها و التعظيم في اداء حزب الليكود ونفكر بردو في دور الشخص المسمي عمر المحبة اللي بيدير شبكة التيك توك الاسرائيلي الجنسية مسلم الديانة و اللي بيدير في نفس الوقت صفحات كتير من مؤثري إكس و انستجرام و فيسبوك
و ليه حاليا اسرائيل بتقتحم الاعلام بوجوه مسلمة زي كابتن ايلا و زي عمر المحبة
و ليه بتعمل جنازة عسكرية للظابط احمد عبداللطيف اللي من عرب اسرائيل المنضم لجيش الاحتلال و اللي قتل في غزة .. مع ان في جنود كتير يهود ماتوا يعني .. اشمعني ده 🤷🏻‍♀️🤷🏻‍♀️

و ليه اي حد بيعارض قرارات مخيفة حكومية بيتنكل بيه و بيتشهر بيه في حملات تشويه سمعة 👈🏻 عشان كله يخاف و محدش يتكلم و كله يتمرر بهدووووء 👌🏻
زي قانون منح الجنسية مقابل 7 مليون جنيه اللي طلع مدبولي عمله في بداية تعيينه رئيس وزرا في 2018 و احنا مغفلين مش حاسين 🤷🏻‍♀️🤷🏻‍♀️
و زي قانون فتح تملك الاجانب بلا قيود و اللي طلع من 2023
هو بس البرلمان وقتها خاف .. فاتعمل برلمان عمولة في 2026 عشان يعديه
" سنة 2023 اللي قامت فيها الحرب الاهلية السودانية اللي وراها اسرائيل .. وكذلك طوفان الخيانة اللي وراه اسرائيل بردو 🤔 .. سنة لطييييفة 😒 "

كل حاجة بقت بتتدوب في كوباية ميه و تتسرسب لنا
▪الديانة الابراهيمية و توغل اليهود وسطنا او الصهاينة عشان اليهودية انتهت و الموجود حاليا الصهيونية
و لأنها انتهت و بفعل فاعل عايزين يخفوا اثار الانتهاء ده في ديانة معمولة علي الايد تمحي الاسلام و المسيحية بالمرة ... لمحو عبادة الله من علي الارض
▪مبدأ ان الارض مش بتاعت حد .. دي ملك اللي يقعد عليها
حتي انتوا نفسكم مش اصحابها .. انتوا لقطاء جغرافيا 🤷🏻‍♀️
▪مفيش حاجة اسمها شوفونية وطنية دي اسمها عنصرية
ياما حكام مكنوش مصريين وحبوا مصر ... متبقاش افقك ضيق كده انت هتعرف اكتر من الحكومة و لا ايه

♦مع ان التاريخ الحديث لسه منتهاش
شبكة لاڤون او جواسيس سوزانا
ابطالها يهود
اللي حرقوا مصر
مارسيل نسيم و فيكتور سانحا و فيليب ناتانسون و روب داسا
و تجنيدهم لشباب اليهود لزرع القنابل في المنشآت الاجنبية في مصر عشان يفرضوا عزلة غربية علي مصر بعد رحيل الملك

هنري كوريال اللي أسس الحركة الوطنية للتحرر " حدتو " اسم عبري اصلا
و اتاري الحركة الوطنية دي كانت بتهرب المجوهرات و الدهب والفلوس من مصر و تحولها لاسرائيل 🤷🏻‍♀️

موشي شارت " شارتوك " مبعوث الوكالة الاوروبية اليهودية لبناء اسس الاعلام الحر في مصر
و اللي اصدر جرايد و مجلات و كان علي تواصل مع كل المقرات للحركة الصهيونية
و هو اللي عمل ابراهام دار الشهير ب چان دارلنج البطل اليهودي اللي مجده يهود مصر و اخدوه قدوة في الهجرة لاسرائيل و عطوه ثرواتهم يهربها لهم 🤷🏻‍♀️🤷🏻‍♀️

ليه مبنتعلموش من التاريخ
عمر ما كانت سردياتهم بريئة .. طول عمرهم طمعانين في ارضنا و بيكونوا شبكات اعلامية و بيزنس و تعاون مالي عشان يجبرونا نتوائم مع طموحاتهم 🤷🏻‍♀️🤷🏻‍♀️

و أهم وصلوا لدرجة من البجاحة و الفجور انهم جايبين رجالتهم لحد عندنا عشان يقولوا لنا اننا مجرد سكان علي ارض مصر .. انما مصر و حضارتها لهم اصحاب اصليين 👌🏻👌🏻

و بردو لا عزاء للمغفلين و المراكيب و عرايس الماريونت خدامين عمر المحبة 😒😒
" ابقوا سيرشوا عن الاسم ده و شوفوا امبراطوريته علي الميديا شكلها و حجمها ايه 👌🏻 "

" طبعا انا عارفة ان بمجرد البوست ما يوصل فيسبوك و الخوارزميات تلقط اسمه
هلاقي كل كلابه بتعوي عليا
But it's oook 😎 "

🔵 #صراصير_الهند :

ما يحدث في الهند ليس بثورة لاسقاط حكومة او عزل رئيس
هو رفض للفساد و عدم تكافؤ الفرص و مطالبة بمحاسبة الفاسد

📌 كل الحكاية ان امتحان التقدم لدراسة الطب بيتقدم له 2.3 مليون طالب بيتنافسوا علي 137 الف مقعد فقط في الجامعات الحكومية " الباقي يا يغير مسار يا يتجه للجامعات الخاصة "

الامتحان ده اتسرب لناس معينة و تم اختيار ال 137 الف طالب اللي حصلوا علي 100%

الطلبة راحت تقدمت بشكوي و دعوي قضائية في المحكمة العليا الهندية

الراجل المهزق رئيسها بدل ما يستخدم سلطة القانون لاستعادة الشباب دول لحقوقهم
استخف بيهم و عايرهم
طلع تصريح قذر شبهه قال فيه : ان هؤلاء الصراصير الذين يريدون املاء رغباتهم علي الحكومة هم طفيليات
صراصير تتصارع علي مقاعد مجانية بدلا من شكر الحكومة لتوفيرها

‏( نفس فكرة اللصوص بتوع : الدولة بتدفع لكم .. الدولة بتدعمكم .. الدولة بتديكم
تعددت الدول و فكر اللصوص واحد 👌🏻‏)

📌 الشباب معجبهمش الاهانة
فوضوا منهم مجموعة و عملوا ورقة مظلمة اعتراضية توجهوا بيها للبرلمان
" احنا الصراصير وعايزين حقنا في تكافؤ الفرص و عايزين اعتذار عن وصفنا بهذا الوصف و محاسبة المسئول عن تسريب الامتحان "

عندهم بقا ايه في الهند يا عزيزي 👈🏻 معارضة في البرلمان ... معارضة بتحاسب الحكومة 🤔🤔
" ازاي معندهمش وزير شئون نيابية اخد 30% من فيزيتا رشوة دخول البرلمان و قيف اقذر مجلس شعب في تاريخ دولته🤔 ... ياااااي مش متقدمين 🤷🏻‍♀️ "

المعارضة حاولت تتفاهم مع وزير التعليم لاعادة الامتحان .. رفض
حاولوا يوصلوا لوزير الداخلية اللي بتليفون من وزير التعليم سحب الحراسة عن مقر طباعة الامتحان يدلي بشهادته امام البرلمان .. رفض روووخر

الشباب نزلوا الشارع
و انضم لهم الشباب العاطل عن العمل اللي وزير العمل بيقولهم الدولة مش مسئولة تشغلكم .. روحوا القطاع الخاص
و القطاع الخاص مرتباته زهيدة
و الحياة غالية 🤷🏻‍♀️🤷🏻‍♀️

المعارضة هنا تركت مبني البرلمان و نزلت 8 احزاب بنوابها واعضاءها تحمي هؤلاء الشباب .. بعد ما وزير الداخلية خلي قواته تتعدي عليهم

مع الضغط
و الحراك الشعبي الاخلاقي
و انضمام الاهالي لابناءهم
و انضمام احزاب تانية مؤيدة للحكومة
ارتفع سقف المطالب بدلا من اعادة الامتحان .. لا ده كمان اقالة وزير التعليمو الداخلية و رئيس المحكمة 👌🏻

▪ نجحوا في اقالة وزير التعليم .. مع تعهد بإلغاء الامتحان و اعادته
▪ رئيس المحكمة مستخبي و عنجهيته مخلياه رافض الاعتذار او اخلاء منصبه
▪ وزير الداخلية بيتودد للمعارضة

لكن الشباب فهمت اللعبة
ان القبول بأنصاف الحلول بينتزع كافة المكتسبات
ف قاعدين لحين القاء القبض علي رئيس المحكمة .. و اقالة وزير الداخلية
و غالبا كده وزير العمالة و التوظيف بالمرة

♦حكومة نارنديرا مودي قدمت حاجات كتير كويسة للهند
و اشتغل علي ملفات كتير حقق فيها تقدمات
زي ملف الزراعة .. وملف تجارة الطاقة .. وملف تطوير التسليح بجهود ذاتية

لكن ارث الرأسمالية اللي ورثه من مانومهان سينج رئيس الوزرا اللي قبله .. مقدرش يتعامل فيه بكفاءة عالية
القطاع الخاص لاااا يستوعب عمالة
و لو استوعب 60% منهم مثلا .. ف لا يخلق فرص حياة جيدة .. يعني مبيرفعش مستوي المعيشة للافراد
لذلك الهند تعاني من بطالة متسببة في فقر 🤷🏻‍♀️🤷🏻‍♀️

و فكرة انك تدوس علي شريحة الشباب
و تخلي مستقبلهم ضبابي بالشكل ده
انك عاجز تستوعب 50% حتي من الطلبة في جامعات حكومية و عايزهم يتوجهوا لجامعات خاصة
انت بتساومهم علي مستقبلهم و طموحهم و مصاريف بيصرفوها بقالهم 15 سنة في التعليم من اجل تحقيق طموح
تيجي انت تدوس عليه
ف طبيعي يفرموك 🤷🏻‍♀️🤷🏻‍♀️

اااه يا سيد مودي
انت اجتهدت
و نجحت في حاجات
لكن الشباب شايفة ان مستقبلها في خطر
ف عادي بقا .. ادفع الفاتورة 🤷🏻‍♀️🤷🏻‍♀️
و ده اللي البرلمان الهندي بيتداوله حاليا
يا سيد مودي هل ستستطيع دفع الفاتورة 👌🏻

🔵 #ما_يحدث_بالخليج:

♦مبدئيا بس اوكرانيا لا ضربت السعودية و لا العراق
و معرفش ايه مصدر المعلومة دي
و معرفش اللي صدقها محسبش المسافة بين كييف و جدة ازااااي 🤷🏻‍♀️🤷🏻‍♀️

لكن ضربت سفينة في بحر قزوين تابعة لايران كانت بتحمل مسيرات " شاهد "
و ده مش حقيقي لأن المسيرات بتاخدها روسيا عن طريق كازاخستان بريا
بالرغم من اشتراك روسيا و ايران في حدود مائية في بحر قزوين
روسيا شمالا و ايران جنوبا
لكنها سفينة رايحة تاخد حبوب

📌هل ايران هترد علي اوكرانيا :
فولديمير زيلينيسكي يهودي
دي تفصيلة بننساها احنا
و بيتزعم لوبي اليهود جوا اوكرانيا 🤷🏻‍♀️🤷🏻‍♀️

🔸هل ايران من بداية الضرب في مارس اللي فات لحد اليوم تعرضت لاسرائيل
ابدااا 🤷🏻‍♀️🤷🏻‍♀️
بتستهدف دول الخليج و بنيتها التحتية و بتستهدف مصر عن طريق عرقلة حركة الملاحة في قناة السويس

هيطلع واحد يقول بتستهدف القواعد الامريكية في الخليج
محصلش 🤷🏻‍♀️
ايران بتنفذ التعليمات باستهداف البنية التحتية للخليج
▪محطات تحلية المياه و محطات الكهربا في الكويت
▪مطار السليمانية في الكويت
▪مصافي ارامكو في السعودية
▪محاولات استهداف مستمرة لسد الوحدة علي نهر اليرموك في الاردن و سد الموجب و سد الملك طلال
عشان لما السدود دي تنقصف و تنهار الاردن هتغرق
و هيحصل فيها كارثة
و ساعتها هيسهل علي اسرائيل اجتياحها و نقل باقي سكان الضفة لها بالقوة و كمان هتسيطر علي نهر اليرموك من اوله
ما هي كده كده اخدت محافظة اليرموك في سوريا 🤷🏻‍♀️🤷🏻‍♀️
و طبعا استهداف السدود ده صدفة بحتة ملوش علاقة ب ان اسرائيل ابلغت الاردن بوقف اتفاقية الكهرباء مقابل الماء و رغبتها في السيطرة علي نهر الاردن اللي هو مصبه في البحر الميت 🤷🏻‍♀️
" هو لما افصل الكهربا عن دولة و امنع عنها المياه و اقصفها بالصواريخ ده مش تمهيد للاحتلال بردو 🤔 "
▪قصف مولات و بنوك الامارات
و من ساعة ما الامارات ردت و كان الرد جامد .. و ايران بعدت عنها
" اه الامارات نفت و قالت دي تسريبات مجهولة ... بس امريكا و ايران و اسرائيل عارفين ان الضرب طلع من الامارات 👌🏻"
▪قصف الفنادق و مقرات الشركات و المواني في البحرين

كل ده ايه علاقته ب امريكا و بالقواعد الامريكية

نفس خطورة ايران علي المنطقة هي هي نفس خطورة اسرائيل
لأن ايران خادمة اسرائيل هي اللي بتمهد لها الطريق لتنفيذ اجندتها
زي 7 اكتوبر
و زي الانسحاب المفاجئ من سوريا و تسليم بشار لولا روسيا تدخلت
و زي توريط حزب الله لتسهيل احتلال جنوب لبنان

♦طب ما السعودية ردت بقصف العراق 🤔
لأ هي السعودية مضربتش العراق
ضربت مقرات الحشد الشيعي الموالي لاسرائيل داخل العراق " ما هو موالي لايران و ايران خدامة اسرائيل يبقوا هما خدامين اسرائيل بالتبعية "
" الشيعة دول اللي خانوا العراق و اسقطوها و اللي صدام كان عنده حق لما ضربهم بالكيماوي
و اللي بلغوا عن كل الظباط العراقيين و سلموهم للامريكان "

يبقا منيييين اصلا بتستأمن خونة بالفطرة 🤷🏻‍♀️🤷🏻‍♀️

ارامكو هي اكل عيش السعودية كلها
مش طبيعي ابداااا انها تتساب فريسة للحوثي مرة و الحشد مرة
و شئ غريب ان كل الضربات اللي بتوجهها بريطانيا و امريكا للحوثي دي .. و مش بتحدث اي خساير خالص كده 🙄🙄

احنا قاعدين بنسمع اخبار الخساير الايرانية من مواقع الاخبار الامريكية
فين مواقع الاخبار الايرانية
ليه ايران فاصلة الانترنت عن الشعب الايراني 👈🏻 عشان العالم يفضل عايش وهم الحرب الامريكية الايرانية .. انما الحقيقة هي خطة تكليف ايران ب استنزاف الخليج لاخضاعه لاسرائيل
بالتالي تتحكم اسرائيل في مصادر المياه .. في البترول .. في الغاز .. في السياحة .. حتي القوة العسكرية يكون الامر الناهي فيها اسرائيل 👌🏻👌🏻

و مش محتاجة تفسير و لا شرح
▪ترامب رمي للسعودية كارت السماح لهم ببناء مفاعل
▪لكن بشرط الدخول في اتفاقية ابراهام و التطبيع مع اسرائيل
▪السعودية رفضت اتفاقية ابراهام لخطورتها علي العقيدة الاسلامية
▪بعدها ب 24 ساعة الحشد الشيعي دور الضرب في السعودية
▪الكويت رفضت تشتري سندات امريكية بتاعت شهر اغسطس بتاعت تمويل الخزانة الامريكية نظرا لارتفاع تكلفتها و انخفاض الفايدة علي
▪تاني يوم ايران ضربت محطة التحلية و الكهربا و ضلمت الكويت

هو بس شوية تشغيل دماغ هنعرف مين اللي بيدي تعليمات لايران بضرب المنطقة 🤷🏻‍♀️🤷🏻‍♀️

كل ده و اسرائيل بتتفرج
و ماشية في اجندتها
و ضمت فلسطين و جنوب لبنان و جنوب سوريا
و مجندة ايران عشان تأمنلها مصادر المياه لتأمين الاحتياجات المائية للدولة الجديدة
و امريكا نجحت مع #البديل لها في المنطقة 👈🏻 ترميا
انها تكون ممر نفطي عن طريق خطين نقل
🔹الخط السوري : بانياس - ميرسين
🔹الخط العراقي : كركوك –بانياس– اضنة
🔹الممر البري العراقي دهوك – شرناق

و مش هنتفاجئ بقا لما نلاقي امريكا بتمول تركيا لعمل مصافي نفط
و بالفعل تركيا اعلنت عن بدء تجهيز مواني ميرسين و انتاليا و اضنة

من حقهم طبعا يستفيدوا
بس للاسف ده علي دماغك انت گ مصر ... لأن المرور ده هيتخفض من حصة قناة السويس 🤷🏻‍♀️🤷🏻‍♀️

ف يا ريت ندرك ان اسرائيل و ايران الاتنين اعدائنا و الاتنين اضروا باقتصادنا 🤷🏻‍♀️

🔸تيجي بقا تروج لاكذوبة الوقيعة بين اسرائيل و امريكا
اقولك ده كلام لا يقوله و لا يصدقه الا حد اهبل ... امريكا بتجاهد عشان تسخر المنطقة لبسط نفوذ اسرائيل عليها
▪ اصل زهران ممداني هيعتقل نتنياهو 🙄
و لا زهران ممداني
و لا اي كائن في الكوكب يجرؤ ياخد الخطوة دي لأن نتنياهو بتحميه الصهيونية العالمية

اللي طلعت كريم خان المدعي العام للجنائية الدولية اللي اصدر قرار اعتقال نتنياهو
متحرش و جابوله 23 طفل و 17 امرأة يتهموه بالتحرش الجنسي
و الراجل اتفاجئ ان عنده 3 حسابات بنكية بتدير شبكة غسيل اموال هو نفسه ميعرفش عنهم حاجة
و بيواجه حاليا مجموعة تهم كفيلة تسجنه مدي الحياة بعد عزله من منصبه لسوء سلوكه و بقت الفضايح تلاحقه هو و اسرته 🤷🏻‍♀️🤷🏻‍♀️

و امريكا بتحكمها منظمة " ايباك " اللي اصلا بتتحكم مين يبقا رئيس امريكا و مين يسقط في الانتخابات علي حسب تعهداته بخدمات يقدمها لاسرائيل

اعتقد اننا محتاجين نخرج من دايرة العته و الاكاذيب و الاساطير السرمدية بقا
عشان امور المنطقة تؤول للاسوأ
و كله من تحت راس العبط اللي صدقوا ان حماس مقاومة و بتحرر فلسطين 😒😒

🔵 ان تابت اللامؤاخذة .. ت... لامؤاخذة 🙄

و لا في مسيرة و لا قصف
حريق في غرفة ماكينات سفينة تغييز
بلا خساير بشرية
و المهندس كريم بدوي انتقل للموقع علي الفور .. وقوات الحماية المدنية

📌 المسيرة اللي الاهالي اسقطوها في السويس .. مصنوعة تحت بير سلم
و كانت بتنقل مخدرات
و الداخلية جابتهم كلهم

اعتقد اننا كبرنا علي اننا نمشي ورا الجزيرة و لااا ايييييه 🤷🏻‍♀️🤷🏻‍♀️

يعني المفروض اتعلمنا الدرس
الجزيرة دي بالاخبار المزيفة يوم دخول امريكا العراق .. هي اللي اسقطت العراق بيها
هي اللي روجت لاخبار مزيفة عملت تخبط بين الاهالي و بين قوات الجيش نفسه 👌🏻👌🏻

لو الجزيرة قالت البحر مليان .. اعرفوا انه نشف 🤷🏻‍♀️🤷🏻‍♀️

🔵 مساء الخير :

الحقيقة الواحد قرفان من غباء ادارة الازمات

لو المواني المصرية كلها لاااا قدر الله انضربت بمسيرات
هل مثلا حد متوقع اننا هنشمت في بلدنا او هنفرح
اكيد هيركبنا الغم و الهم
و ايا كان توجهاتنا ف هنقف في ضهر البلد و اللي تشوفه البلد تحت امرها

📌 ليه يحصل حدث
فتكذب و تسحلنا كلنا وراك من خوفنا علي بلدنا

🔹اولا : احنا في منطقة كلها بتتلاش مسيرات و صواريخ و مقاتلات و من كله
لما المسيرة الاسرائيلية وقعت جنب الحدود في سينا
محدش اتكلم
و دعمناك
اصل ده حدث وارد
🔹لما الدهابة قتلوا العقيد و الصف ظابط في حدودنا في الجنوب في رمضان
احتسبناهم شهداء
و انتظرناك تاخد ب الثأر
و مخذلتناش

♦ايه سبب الانكار غير انه فشل ادارة ازمة
و مفيش حاجة اسمها مكناش نعرف
مسيرة يعني واضحة وضوح الشمس

يا عزيزي روسيا بيدخلها يوميا زوعرميت مسيرة
محدش اتهمها بالضعف 🤷🏻‍♀️🤷🏻‍♀️

و الصراحة بيان هزيل
مسيرة مجهولة ولم تعلن اي جهة عن مسئوليتها

طب حاضر هندخل ننام شوية
علي ما نشوف مين هيلعب بينا الكورة و يشقطونا لبعض 🙄

المسيرة اللي انفجرت فيها قطع
القطع دي بتقولك ان كانت تصنيع محلي او صناعات حربية 🤷🏻‍♀️

انا مفهمش عسكرية و مش شغلتي
بس هو محدش عسكريا بيستهدف بمسيرة
بيبقا 2 و لا 3
ناس بتقول طارت علي ارتفاع منخفض وبالتالي لم يتم رصدها من الرادارات
الله اعلم الحقيقة

▪ حسب ما تردد بعد البيان
انها انطلقت من الاراضي المصرية
طب ما السوريين اللي اتقبض عليهم في السويس بعد اسقاط الاهالي لمسيرة المخدرات عندك
حقق معاهم و اعرف جابوا المسيرة منين
مش كانوا 3 سوريين و مصري بردو 🤔

و انت اصلا مسلم دمياط الجديدة للسوريين من بابها .. لدرجة ان اهالي دمياط هيبقا اسمهم السكان الاصليين بعد كده 🙄

📌 لو عمل ارهابي بعد كم الشماتة اللي شوفناها علي اكونتات و قنواتهم
بعد فيمتو ثانية من اذاعة الجزيرة للخبر
بردو قولنا
ده اكونتات مطاريد لندن نزلت الشماتة وهاشتاج النصر لايران قبل الجزيرة ما تذيع اصلا ب 6 دقايق كاملة
فكروني بمعركة الشيخ زويد
اما اعلنوا رفع علم التكفيريين قبل رفعه ب 38 دقيقة 🙄

📌 لو ايران اللي ضربتنا الضربة دي
بعد اعلانها ان الموانئ في دمياط و ادكو من خريطة اهدافها
بردو قولنا عشان نعرف اعدائنا
بدل ما انت عندك قطييييع من البهايم شاري ايران و بايعك عشان اسطورة اسمها القضية الفلسطينية
و كل جهودك بيدوسوا عليها

و في الاول و في الاخر
لااااا يمكن هنتخلي عن جيشنا و لا هناخد اي اجراء الا اللي تشاور عليه بلدنا
و هنفضل كتف بكتف معاك و مع بلدنا

انما مجهولة و مستنيين حد يجي يحلف لنا بالطلاق ان هو
انتوا كده بتستحمرونا يا جماعة

و دي مش ازمة كسر ماسورة صرف صحي عشان تدار بالشكل ده

و بردوووو مش هنسمع لأي موقع اعلامي لأن كلهم اظهروا نواياهم لمصر
هننتظر نتيجة التحقيقات و هنحترمها
لأن ده امن قومي لبلدنا مش منازعات كيد نسا 🤷🏻‍♀️🤷🏻‍♀️

🔵 #الهروب_الكبير_والزلزال_الاوروبي:

صحينا الصبح علي طلب عاجل متقدمة بيه ميلوني رئيسة وزراء ايطاليا الي مفوضية الاتحاد الاوروبي .. بتطالبهم بسرعة طرد اسبانيا من الاتحاد
وطلب جلسة عاجلة لمناقشة الكارثة البشرية التي تحدثها اسبانيا

ايه يا اخواننا اللي حصل 🤔

📌 اللي حصل هو ان المغاربة بينفذوا من اول امبارح اكبر عملية ترك و هروب من بلدهم و بيتوجهوا لأسبانيا .. لدرجة ان في 24 ساعة فقط استطاع 49 الف مهاجر غير شرعي الدخول للأراضي الاسبانية و التوجه لاثبات نفسه في مراكز الاستقبال

الحقيقة ان التفاصيل اكتر من مرعبة .. و هي بمثابة فضيحة مغربية " او تقدر تقول فضيحة انسانية "

🔹مدن سبتة و مليلة مدن المفروض انها مغربية
لكنها تحت الاحتلال الاسباني
" تخيلوا بيدرو سانشيز زعيم الانسانية و المناضل من اجل فلسطين ... هو نفسه محتل ارض مش ارضه
لكن القانون الدولي اعطاها له .. و ملك المساطيل من 1994 بيطالب بيها و لا حياة لمن تنادي
ف راح اخد ارض مش ارضه " الصحراء المغاربية "

🔸يوم 28 يوليو ظهر الملك علي الشاشات ومعاه واحد من افشل رؤوساء الحكومات اللي جت المغرب في تاريخها حتي من ايام الاحتلال عزيز اخنوش
في خطابه بمناسبة الاحتفال بيوم تنصيبه علي العرش

انا مبفهمش المغاربة و لا التوانسة و لا الجزائريين " العب ده كله لو يتكلم فرنسي هفهم انما لغتهم دي مبفهمش منها جملة مفيدة 🤷🏻‍♀️ "

لكن اللي تستنجه من الخطاب و من ترجمته للفرنسية
ان الراجل عايش في كوكب موازي و عالم منفصل تماما عن الشارع المغربي
معتمد 100% علي التقارير اللي بيطلعها له اخنوش عن الاوضاع .. لدرجة ان المغاربة حصلهم صدمة من الخطاب
▪بيتكلم في تعبيد طريق تكلفته مليار دولار يربط بين مدن المغرب و الصحراء المغاربية و هيطلق عليه طريق دونالد ترامب " امتنانا من المغاربة للبطل اللي رجعلهم ارض مش ارضهم اصلا 🙄 "
▪عطي اوامر لرئيس الحكومة انه يبدأ في التجهيزات لاستضافة كأس العالم 2030
و عمله موازنة مفتوحة .. عطاه صلاحيات الانفاق
هيصرف علي الاسمنت و سايب التعلين والصحة رايحيين في داهية
▪قعد يحكي عن انجازات وهمية موجودة في خياله بس
انما المغاربة مشفوش منها اي تقدم
▪كل الاحزاب .. النقابات .. الطلاب .. الشارع كله
بيصرخ من فشل اخنوش اقتصاديا و بيشتكوا من تردي المعيشة
لدرجة ان معظم الاطفال في المرحلة الاعدادية متسربين من التعليم لأنهم مش قادرين علي مصروفات التعليم و في نفس الوقت الفقر نهش العائلات
و ده بيوجه الشكر للسيد رئيس الوزراء علي قيادته الحكيمة للحكومة و مجهوداته
الناس اتجلطت طبعااا

ردة الفعل جاءت قاسية جدااا
اليأس من ان الحاكم سامعك بيخليك تكرهه و تكره المكان اللي بيجمعك بيه ... و ده رأي ابن خلدون و هو بيشرح ازاي الحكام بتهد الاوطان في موسوعة انهيار الحضارات 👌🏻

شباب .. بنات .. عائلات .. معاقين جسديا .. اطفال
توجهت لمدينة الفنيدق
و رموا نفسهم في البحر .. سباحة الي مدينة سبتة الاسبانية
عاموا حوالي 5 كيلو
المناظر المعروضة تقهر
شباب بيعوموا بصديقهم المبتورة رجليه ... رجل بيعوم بزوجته و شايل طفل رضيع مكملش سنة اعتقد 6 شهور او اقل
امهات واقفة علي الشط بتلبس اطفالها لايف چاكت و بتقولهم روحوا امشاوو لسبتة .. اطفال 10 سنين و 8 سنين بدون ذويهم
عجائز ستات و رجالة
السلطات الاسبانية اصلا في حالة صدمة
و حاكم سبتة اعلن الطوارئ و طلب نزول الجيش و امدادات من مدريد

♦طبعا بالنسبة للصحافة ده سبق صحفي كبير
لكن الجيد في الموضوع ان لأول مرة الصحافة تخدم قضية الفقر في مكان ما في الوطن العربي المختل
▪ام بتقول اه انا تركت بنتي و ابني يروحوا سبتة عشان يلاقوا فرصة للتعليم .. التعليم في المغرب صار للاغنياء فقط و اللي معندهمش دراهم مش من حقهم التعليم
و اما الصحفي بيقولها كده اتحرمتي منهم .. قالتله خلي الملك يفرح انه وصلنا بفساده و فساد حكومته لاننا نلقي بأطفالنا في البحر يمكن يتوفر لهم فرصة افضل للحياة
▪راجل عجوز سبح بيه بنته و ابنه
بيقولوا مبقوش قادرين علي تكلفة علاجه ... اسبانيا عندها نظام علاج مجاني
▪شباب 18 و 19 سنة بيقولوا احنا تركنا التعليم من 5 سنين و مش لاقيين شغل " مكاينش خدمة " بنخدم في الشوارع نجمع قمامة و نوصل طلبات
▪حتي الراجل اللي عام بالرضيع الصحفية الاسبانية بتقوله مخوفتش يموت
قالها كان في احتمال يعيش و احتمال يموت .. اما لو فضلنا في المغرب الاكيد كان هيموت انا فاقد وظيفتي من سنة و مش قادر اوفرله الحليب و لا الحفاض انما انتوا هترحموا حاله في مراكز اللجوء

حفاة الاقدام .. عراة الاجساد .. مبللين تماما .. دخلوا من دولة لدولة عراة
و وسط ناس معرفتش تكمل ف غرقت في البحر
مشاهد مرعبة و مخيفة

و يقف أخنوش بمنتهي البجاحة يتحاكي بإنجازاته الاقتصادية و مشروعاته و اتفاقياته ... و الملك يهز دماغه و يبتسم للكذب

🔸اللي حاصل انهاردة في المغرب غير عادي
لأنه قسم الشعب
حفنة من المرتزقة آكلي الجيفة من الصحفيين و صناع المحتوي اللي الحكومة بتقبضهم عشان يروجوا لانجازاتهم الكاذبة و يخدروا الشعب بخير جاي بس الطريق مقفول 😒😒
و ازااااي سيدنا صنع مغرب جديد

و باقي الشعب و بعض الوطنيين اللي بجد بقا
بيقولوا لأ انتوا كاذبين
و رئيس الحكومة حرامي و فاسد هو وحزبه ... و الملك مش مهتم بينا
احنا عايشين في فقر و بطالة و مفيش برامج تعليم مناسبة لظروف الفقر بتاعتنا ومفيش رعاية صحية و العجائز بتموت من نقص الادوية

حرب دايرة في المغرب
بقا فيها الملك و حكومته و شمشرجيته و مرتزقته واعلامه في جبهة .. و المغاربة گ شعب في جبهة

لما المرتزقة لقوا الموج عالي عليهم .. راحوا مروجين لكذبة تانية 👈🏻 اصل ده مخطط خفي لسيدنا انه يخلي الشباب دول يدخلوا سبتة بالاجتياح ده عشان يحررها .. دي تعليمات خفية راحتلهم في رسايل علي التليفون 🙄 " استراتيجية الحكومات لاستغباء الشعوب واعتبارهم من المتخلفين عقليا و ان الحكومة بس هي اللي بتفهم علي الرغم ان بيبقا في الحكومات دي وزراء مكملوش تعليمهم و وزراء علي قضايا اختلاس اصلا 🙄"
طبعا الصحافة الاسبانية فضحت الكذبة دي علي لسان المغاربة انفسهم اللي شتموا الحكومة و الملك و الاعلام الكاذب 🤷🏻‍♀️🤷🏻‍♀️

🔹و امعانا بقا في الهروب
الناس عملت نزوح من مدن الجنوب متوجهين لمدينة مليلة او يرموا نفسهم في البحر للوصول لسبتة
الامن المغربي حاول يمنعهم
حصلت اشتباكات و ولعوا في عربيات و مقرات الامن و اعتدوا علي الامن سواء شرطة او قوات مساعدة

و اضطرت حكومة أخنوش انها تعطل المواصلات من المدن الجنوبية للشمال
اتوبيسات و قطارات و قطعوا طرق السيارات
المصيبة ان الناس بتروح مشي
مشهد كأنه نزوح في قلب غزة
الشعب سايبله البلد و بيهج و لا حول و لا قوة الا بالله
امبارح اعلنوا ان العدد 49 الف .. من ساعة كده اعلنوا انهم تجاوزوا ال 60 الف
ومازالت نوبات النزوح مستمرة و لو الشرطة اتعرضت لهم بيعتدوا عليهم 🤷🏻‍♀️🤷🏻‍♀️

و هسبريس وكالة الانباء المغربية مش عارفة تمنتچ الكلام بتاع الناس اللي كلهم متفقين في ان خطاب العرش لا يعني شئ سوا ان الملك مش معانا و في عالم آخر و مكاينش أي امل في الحياة بالمغرب 🤷🏻‍♀️🤷🏻‍♀️

لأول مرة في حياتي بتعاطف مع حد من العب بتاع بزاف و ديال ده 😒😒

♦و طبعا الاعداد دي ناقوس مرعب للاتحاد الاوروبي اللي اصلا بينضف بلاده وبيدور علي صناديق قمامة يلقي فيها بالمهاجرين و اللاجئين
بينما اسبانيا واخدة خط تاني
بسبب تدهور الاوضاع الاقتصادية و ارتفاع التضخم و النتيجة المهببة اللي صندوق النقد اوصل لها الاوضاع الاسبانية .. غرقهم و مشي 🤷🏻‍♀️🤷🏻‍♀️

شباب اسبانيا اصلا بيهربوا منها

واصلا احد اسباب بريكست بريطانيا و خروجها من الاتحاد الاوروبي .. هو هجرة الاسبان و اليونانيين لها بعد ما صندوق النقد دمر اقتصادهم و بيعهم اصولهم و سابوهم في فقر .. قعد الاتحاد الاوروبي يحاول ينقذ فيهم لحد ما عرف ان مفيش امل فسابهم يواجهوا الفقر لوحدهم بقا 🙄

شباب اسبانيا بيتلقوا تعليمهم المجاني لكن الرواتب بعد ذلك متكفيش الايجارات
معظم العائلات في مدريد و اشبيلية و برشلونة بتأجر بيوتها للسائحين و بتروح تقعد في كرافنات طول موسم السياحة عشان يقدروا يكملوا احتياجاتهم

جيل ورا جيل بيهرب من اسبانيا .. الحكومة عشان تعوض و تقدر تجيب شباب تشتغل في وظايف الدرجة التانية و التالتة
اقرت شوية قوانين من حوالي شهر كده منها ما ينص علي توفيق اوضاع المهاجرين الغير شرعيين و ايقاف ترحيلهم
و تسليمهم كارت يقدروا بيه يتقدموا للمدارس و الجامعات و مكاتب تصاريح العمل

ده طبعا شجع المغاربة اكتر
علي الاقل هيحصلوا علي تعليم مجاني و صحة مجانية
و لو هما بيجمعوا قمامة في بلدهم ببلاش .. في اسبانيا هيوفروا بعض اليوروهات يوميا 🤷🏻‍♀️🤷🏻‍♀️
و بعد فترة هيقدروا يدخلوا كل دول الاتحاد الاوروبي

و ده بقا اللي خوف ايطاليا و شاركها الخوف هولندا و فرنسا
و خلي ايطاليا تدعو لطرد اسبانيا من الاتحاد الاوروبي
و تقفل علي نفسها بمهاجريها وهؤلاء الهمج وتبعد عننا

📌الدول اللي سرقتنا و نهبتنا و استولت علي كل مقدراتنا في فترات الاحتلال
و لما اتحررنا من الاحتلال العسكري .. اعادوا احتلالنا اقتصاديا و مكنوا الخونة و العملا من مفاصل دولنا
جايين انهاردة قرفانين مننا
و شايفننا همج
لدرجة انهم ممكن يقاطعوا بعض لو حد منهم استقبل مهاجرينا الغير شرعيين
بعد عملوا رأسماليات بثرواتنا .. و هننوا شعوبهم و دلعوهم بفلوسنا
انهاردة قرفانين مننا 😒😒

الاتحاد الاوروبي في مأزق كبير انهاردة و بكرة و لشوية حلوين
▪هل هيطرد اسبانيا و بكده يحصل شقاق بينهم
▪هل هيكهرب الحدود بسياج زي ما عملت بريطانيا في غابة كالي و كل يوم بيسقط عشرات القتلي بفعل الصعق الكهربي
و يرتكبوا ابادة
▪هل في حل ينقذ المغرب من الفضيحة الدولية دي

انا عارفة ان لو اتفتحت السواحل مفيش شاب و لا بنت هتفضل في الاوطان المنهوبة
و هيقعد الحكومات لوحدها 😏😏
لكن هل اوروبا زي زمان اصلا عشان تستوعب ... اطلاااااقا
ده ألمانيا مش قادرين يركبوا تكييفات بسبب عدم قدرتهم علي تحمل فواتير الطاقة 🤷🏻‍♀️🤷🏻‍♀️

♦ناس مغاربة سياسيين بس ناس نضيفة
شايفين ان اسرائيل هي من تتحكم في أخنوش
و تضع له خطة افقار الشعب .. من اجل تفريغ المغرب و الاستيلاء عليه ... لضمان تطويق شمال افريقيا و التحكم في المطلات البحرية علي المحيط
و بيبرهنوا علي فرضيتهم .. بإن عدد الاتفاقيات اللي قام أخنوش بعملها مع اسرائيل من يوم توليته اكتر من كل الاتفاقيات اللي عملها المغرب مع دول العالم مجتمعة من يوم تحرره من فرنسا
لدرجة ان بالرغم من شح الموارد المائية الا ان اخنوش باع لاسرائيل قطع زراعية كبيرة جدااا بيزرعوا فيها الافوكادو اللي بيحتاج مياه كتير ... لأنه من ضمن المحاصيل اللي اسرائيل بتعتمد عليها في الصادرات
و كذلك محطات الكهربا اللي راحت بعقود انتفاع الي اسرائيل
علي الرغم ان لما رجال الاعمال المغاربة حبوا ياخدوا منطقة اشجار زيتون بالشراء او حق الانتفاع طويل الاجل .. الحكومة الاسرائيلية رفضت

هي وجهة نظر تحترم بردو
الاعتماد علي الخونة في صناعة القرار بتخدم الطرف الاخر دوما
و هما شايفين عزيز أخنوش خائن تم فرضه علي الملك .. لذلك لم يحقق الا الخراب و الفشل و الفقر 🤷🏻‍♀️🤷🏻‍♀️
" علي فكرة دول الناس اللي اجبرت الحكومة علي الافراج عن المتظاهرين من الشباب بتوع حركة جيل زد اللي كانت بتتظاهر من كام شهر بيطالبوا بتعليم مجاني و رعاية صحية تكلفتها في المتناول

طلبات مشروعة
لكن حكومات اللصوص متعرفش غير الاعتقالات و السجن للي يشاور علي فسادها 😏😏

شمال افريقيا بعافية و الله
و شعوب تعبت و جابت اخرها و مبقتش طايقة تسمع مبررات و اكاذيب .. لدرجة انها شايفة ان البحر أرحم بيهم من حكوماتهم 🤷🏻‍♀️🤷🏻‍♀️

اما نشوف القرارات الصارمة اللي هيصدرها الاتحاد الاوروبي
و الصراع اللي هيدخلوا فيه
عارفين خناقة حرامية العصابات مع بعض علي مين اللي اخد اكبر سرقة ولازم يتحمل .. اهي هتكون دي 👌🏻👌🏻

🔵 #ارثر_بابا_والاربعين_حرامي:

في كل مكان في مصر مافيا
لكن اوسخ مافيا بقا .. هي مافيا الحكومة لبيع أراضي و اصول الدولة

و انهاردة معانا مصيبة .. اه و الله مصيبة حرفيا
مزيج من الخيانة و الخسة و الاختلاس و العمولات

♦عندنا في سهل حشيش في البحر الاحمر منتجع سياحي ملك للدولة اسمه " اوبروي بيتش "
منتجع سياحي اسمه براند في الضيافة العالمية و السياحة
و مسجل في كل الجهات السياحية في العالم
▪ ركز معايا ان الاسم بس له تقييم اقتصادي گ علامة تجارية و اسم شهرة قيمته 2 مليار جنيه

في غفلة من الزمن كده
قرروا يبيعوه
▪مين اللي قرروا يا چيلان 🤔
الحكومة يا حبيبي 🤷🏻‍♀️
ما هي الحكومة دي اعتبرت ان البلد ورث امها و عمالة تبيع شمال و يمين .. اما عيالنا هتكبر مش هتلاقي بلد اصلا
" عيالكم انتوا .. اصل في عالم وسخة بتقولي انتي زعلانة ليه ما انتي عايشة برا و عيالك معاكي .. وكأن اللي عايشين برا دول مش المفروض يرجعوا يلاقوا بلد 😒😒"

المهم .. المنتجع ده ب أرضه بمبانيه بأصوله بالشاطئ بتاعه بالعلامة التجارية بتاعته اتباااااع
لمين 👈🏻 لمجموعة الباتروس بتاعت كامل ابو علي
بكاااااام يا ولاد قيمة الصفقة شاكب راكب بكل الحاجات اللي تخصها 👈🏻 ب 3.8 مليار جنيه

يا رااااجل 😳😳
نفند بقا المنتجع :
▪المنتجع عبارة عن 800 الف متر ما يعادل 190 فدان
سعر المتر كاااام في المكان ده حاليا
يتراوح من 175 دولار الي 400 دولار
ده في منطقة سهل حشيش الواقع فيها المنتجع ... طب القيمة السوقية لسعر المتر كاااام بقا للمنتجع 👈🏻330 دولار

يبقا قيمة الارض بس كام 👈🏻 اضرب 800 الف متر × 330 دولار
هتطلع 264 مليون دولار
بالمصري الحزين يبقا 13.5 مليار جنيه

ده يا باشا قيمة الارض بسسسسس
حط عليهم براند ب 2 مليار جنيه
يبقا 15.5 مليار جنيه
حط عليهم قيمة مباني بالميت 2 مليار جنيه " لو متهالكة "
يبقا 17.5 مليار جنيه
انا لسه محطتش رسوم ترخيص استغلال الشاطئ اللي طوله 850 متر و اللي بتعادل 35 دولار للمتر 🤷🏻‍♀️🤷🏻‍♀️

♦بأمارة ايه يا حبيبي يتباع ب 3.8 مليار جنيه في صفقة استحواذ نهائية و انتقال ملكية 🤔🤔


اتلعبت ازاي يا ولاد الحرااااااام

🔹 انا اقولك اتلعبت ازاي :
اللي بيملك اوبروي بيتش شركتين
شركة الاستثمارات السياحية بسهل حشيش و شركة تنمية السياحة المصرية
و الشركتين حكوميتين و مملوكين لبنك تنمية الصادرات الحكومي

البنك هنا بقا اعلن عن البيع بس بنظام القيم السوقية العادلة للأسهم حاملة الحصص

يعني حول قيمة المنتجع
من ارض و اصول مباني و شاطئ و علامة تجارية
لمجموعة اسهم
و حط قيمة للاسهم دي 3.3 مليار جنيه گ قيمة عادلة
هوووووب ظهر الباتروس
لأ يا عم انا هشتري ب 3.8 مليار جنيه و نقدااا
يبقا هنا البنك الشاطر الممتاز جايب صفقة اعلي من قيمتها العادلة بنصف مليار جنيه مرة واحدة 🤷🏻‍♀️🤷🏻‍♀️
بييييييع يا لطفي
في حين ان قيمة المنتجع العادلة من 17 ل 19 مليار جنيه 🤷🏻‍♀️🤷🏻‍♀️

🔸ايوا مين بردو اللي قيم القيمة العادلة دي ب 3.3 مليار جنيه 🤔
اتلعب عليها مضاربات من تحت لتحت في البورصة يا بيه 🤷🏻‍♀️🤷🏻‍♀️
" اتفاق بين مجموعة من الاشخاص انهم يعملوا حملة بيع جماعي للسهم
يقوم معروضه يزيد فسعره يقل
يقوم اللي اشتروا يبيعوا تاني ارخص .. و هكذاااا لحد ما يخسفوا بيه الارض "
طبعا التلاعب ده مكنش ممكن يحصل لو احمد الشيخ كان لسه رئيسها ... لكن لأن احمد الشيخ وقف للمستر و لشركة القلعة وعلق الاسهم بتاعتهم اما حبوا يتلاعبوا
اتقاله شاكرين خدماتك 🤷🏻‍♀️🤷🏻‍♀️

يا حكومة حرامية بتعملوها ازااااي

الصفقة دي عشان تتنفذ بتمر علي الحكومة كلهاااااا
▪وزارة المالية باعتبارها الخزينة اللي اتورد فيها الرسوم
▪وزارة الاسكان من خلال الهيئة العامة للتنمية السياحية
▪البنك المركزي باعتباره المشرف علي محافظ الاصول السياحية و العقارية للبنوك الحكومية و بنك الصادرات حكومي 🤷🏻‍♀️

و في النهاية بقا مكتب السيد رئيس الوزرا اللي بيوقع علي الفايل كله منوبا عن ام الشعب الاهبل ابو ريالة اللي مقدراته بتتسرق عيني عينك كده بلا حسيب و لا رقيب و لا اي جهة و لا اي ابن جزمة قالهم اراجع قيمة الارض بسسسسس 🙄🙄

طبعا بالاضافة ل 3.8 مليار جنيه قيمة الصفقة .. في 3.8 مليار جنيه كمااااان اندفعوا رشاوي و عمولات و سمسرة
و بردوووو الباتروس كسبان 10 مليار جنيه
و اما يجي يبيع للمستثمرين الاجانب بقا هيبيع علي 450 دولار و 500 دولار للمتر

لا جهاز مركزي عارف ياخد حق و لا باطل مع الحكومة
لا رقابة ادارية قادرة تحافظ علي مقدرات البلد
مجلس شعب عرة مكسور عينيهم كلهم و الشرفاء اللي فيه عددهم 37 نائب
مجلس شوري جمع كوكبة من المتخلفين عقليا ما بين البت الهبلة بتاعت صانعة الاجيال و الفنان اللي مش قادر يعيش ب 10 مليون جنيه في الشهر

لو جبنا محامي يقاضي الحكومة .. ساعتين زمن و هيشرف في سجن العاشر مع عبد الرحمن عوف و روماني غريب و محمد زهران

نروحوا نعملولكم محاضر في الاقسام طيب 🤔🤔

اثناء ما احنا مشغولين بمايوهات هايدي زيدان .. اتلسعنا في 15 مليار جنيه زي الضرب ع القفا كده

و ده مش الاخر
ده لسه الاول
اصل مننساش ان اراضي و فنادق و منتجعات البحر الاحمر بقت تحت ولاية وزيرة الاسكان
اللي كان عليها قضية اختلاس و تربح سنة 2017 هي و خالد عباس اللي اتعين في سنة 2022 رئيس مجلس ادارة شركة العاصمة الادارية 🙄

وطلع علينا السيد ضياااء رشوان يوم التشكيل الوزاري يقول ده كان خطأ انما لا يرقي للتربح و تم تسويته

يا خويا انا اول مرة اشوف خطأ مالي بيصدرله اذن نيابة و ضبط و احضار و تحقيقات 3 شهور
و بعدها يتدخل السيد المهندس مصطفي مدبولي وزير الاسكان وقتها ... و يتم تسوية المبلغ و رده للهيئات
هو في خطأ بيتم رده من الحسابات البنكية للمتهمين 🤔
و موظفين حكومة ايه دول اللي حساباتهم البنكية فيها ملايين 🤔

و بعد شبهة تربح و اختلاس و استغلال نفوذ
المتهم الاول يبقا وزير و التاني رئيس مجلس ادارة اكبر شركة حكومية عقارية 🤔🤔

" طبعا انا عارفة كويس اني هدفع تمن الكلام ده .. وكلاب الست هتعوي علي اللي خلفوني للصبحححح 🤷🏻‍♀️🤷🏻‍♀️ "

🔘استنوا اما اقولكم بوستات المطبلاتية و خدامين الست هتبقا ازاي
▪ده مش وقته كشف فساد انتي مش شايفة الظروف السياسية
" اومال امتي .. لما تخرب مالطا اكتر 🤔
ولا انتوا بتنصصوا معاهم .. بيرمولكم العضم 🤔"
▪اللي بتعمله چيلان قاسم ده تحريض علي الحكومة و الدولة
" ايه مفهوم الدولة عندكم
محدش قالكم ان الدولة دي مقدرلا و ثروات لا ينبغي انها تتسرق و نسكت 🤔"
▪شوفتووووا لو كانت الست دي وطنية مكنتش اتكلمت في حاجة زي كده و المينا في دمياط مضروب بمسيرات 🥹🥹
"اوووووه .. يا حرااااام .... و سرقة اراضي الدولة اراااااضينا فلوسناااا و ثروات عيالنا مش اخطر من المسيرات 🤔
و بعدين هي لسه المسيرة مجهولة 🤔
السونار لسه مقالش واد و لا بنت 🙄"
▪شايفين بتتشر طاقة سلبية
" لأ حووووووش الطاقة الايجابية اللي بتوزعها عليكم الحكومة يا ولا
ده انتوا لسه ملسعوين 12% زيادة كهربا هتاكل اكتر من ال 15% اللي لسه واخدينهم 😏 "

دي اول قضية فساد في عام اغسطس المجيد
لسسسسسه بقا عقود شرا الكهربا بتاعتنا اللي بنشتريها من محطات الكهربا بتاعتنا .. اللي خدتها الامارات حق انتفاع شخروميت سنة 🙄
عشان نسدد الديون اللي اتعملت بيها المحطات فحتي نهاية المعادلة مش صفر ... ده بالسالب 👌🏻👌🏻
و في النهاية الناس عمالة تلبس زيادات
مفيش دولة في العالم بتزود الكهربا كل شهر يا حرااااامية يا لصوص

كل البلد حقوق انتفاع
حتي القطر السريع اللي لسه مخلصش اصلااااا ... و قدامه سنتين علي ما يخلص
مديينه عقد حق انتفاع 25 سنة لشركة ألمانية جابها اتحاد البنوك اللي مسلفكم القرض .. و هو اصلا عمره الافتراضي 28 سنة 🤷🏻‍♀️🤷🏻‍♀️
في اجيال هتتولد بلااااا مقدرات
حكومة بتتنفس فساد

ف اللي هيطلع يرد
يجيب ارقام اهلا بيه
مفيش ارقام تروح تحط رجلين الست في طشت ميه و ملح و تعملها كعوبها بالحجر و الجزمة في بوقك 👌🏻👌🏻

كل البيانات بتاعت الصفقة اللطشييييفة دي علي اكتر من موقع منهم بانكير اللي بيطبل للحكومة تحت عنوان مافيااااا فنادق البحر الاحمر
اكتب بس علي جوجل كده و اتبسط يا عزيزي 👌🏻👌🏻

" وبالنسبة لنصيحة انتي كده بتدخلي عش الدبابير .. و الله لو كلنا قررنا نتفرج علي الدبابير من بعيد .. بعد ما تخلص اكل خيرنا هتيجي تنهش مصاريننا 🤷🏻‍♀️🤷🏻‍♀️"

🔵 #معركة_البقاء_للأعبط:

في كل مرة بيتم تحريك الاسعار للاعلي و اللي بيترتب عليه ارتفاع اسعار و تضخم بيخرب بيت ام البلد
بنخوض معركة مع أبواق العبط بتاعت الحكومة بتصرف عليكم و بتتحمل عنكم
و حتي حكومة اللصوص نفسها بتطلع تقول " و جدير بالذكر ان الدولة تتحمل كذا كذا "

و ده يا فندم اسمه فن تسويق النصب لأن الحكومة مبتصرفش علي حد
ده المأساة و التربع علي الفشل الاقتصادي ان المواطن المصري اصبح هو اللي بيصرف علي الحكومة

و ده باعتراف الحكومة في الموازنة و بأرقامهم 👌🏻
🔹ايرادات الموازنة التي بلا ايرادات جاية من الضرايب
بص كده يا شاطر :
▪ الضرايب علي الدخل 2.02 تريليون جنيه
موازنة العام الماضي 1.44 تريليون جنيه
الزيادة في الضرايب 40.27% .. في حين ان زيادة الدخول 15% فقط و موصلتش كمان
" يبقا مين اللي بيصرف علي ميييين 🤔 "
▪ضريبة القيمة المضافة 1.2 تريليون جنيه
موازنة العام الماضي 967.9 مليار جنيه
الزيادة 23.97%
ضريبة بلا خدمة
هي عافية كده هتتحصل
▪الضرائب الجمركية 150.6 مليار جنيه
مقابل 135.7 مليار جنيه موازنة العام الماضي
الزيادة 11%
وهنا بقا المفارقة العجيبة
ان الفئة اقل زيادة في الضرايب السادة رجال الاعمال المستوردين
يعني الحوافز الضريبية و الدعم الضريبي بيروح للفئات الاعلي دخلا 😒

طب تقولي بقا ان الضرايب دي بتتحصل من الشعب عشان تتصرف عليه
هتحسن التعليم .. هتحسن الصحة .. هتروح لدعم هيكل المعاشات المتدني

اقولك لأ 👈🏻 100.4% من حصيلة الضرايب هتروح لسداد فوااااائد الديون
يعني كل اللي هيتحصل من الشعب .. الحكومة الفاشلة هتستلف عليه 0.4% عشان تسدد الفوائد المستحقة عليها بسسسس

طب لو قولنا هنسدد اقساط + فوايد 👈🏻 هنبقا محتاجين 155% من اجمالي قيمة الايرادات بقا
مش ايرادات الضرايب
لأ ايرادات الموازنة كلها


فين يا حبيبي الصرف اللي بتصرفه الحكومة علي الشعب ده 🤔

باقي نفقات الموازنة هتيجي منييييين طيب 👈🏻 من القروض تااااني .. هتستلف عشان توفي النفقات
و ترجع الموازنة الجديدة بتاعت 2028 تحصل زيادة 65% ضرايب عشان تسدد فوااااايد السنة من الكوارث اللي استلفتها 🤷🏻‍♀️🤷🏻‍♀️

♦الاهم بقا ايه 👈🏻 ان مفيش حاجة اسمها دعم اصلااااا
وكنا شرحنا اكذوبة الدعم دي في بوست سابق
انت نصباية الدعم اللي بتقول عليها موجهها لبندين
القمح ... المحروقات
📌 القمح :
كانت الحكومة بتدعمه لحد كامب ديفيد
يعني بتشتري احتياجاتها بسعر و تبيعه للمواطنين اقل .. لأنه سلعة استراتيجية لا استغناء عنها " رغيف العيش اللي المساس بيه بيضيع دول 👌🏻 "
🔹ايه حصل بعد كامب ديفيد بقا يا سيدي 👈🏻 امريكا طبقت عليك قانون PL 480 و برنامج Food for peace
و بقت بتعوضلك فرق احتياجاتك في المعونة اللي كانت 2.1 مليار دولار
منهم 1.3 مليار دولار عسكرية و 800 مليون اقتصادية
لحد سنة 87 كانت بتديك بيهم قمح ... و بتساعدك تجيب قمح رخيص من خريسون في اوكرانيا بقروض ميسرة بفايدة 0.2% علي 10 سنوات
و اللي مبارك راح لنادي باريس و اسقطهم 🤷🏻‍♀️🤷🏻‍♀️
🔹لكن الجاسوس يوسف بطرس غالي عملها سلو بقا في التمويل المالي لوزارة التموين بعد كده
ان في مخصص مالي قيمته كذا ده مخصصات دعم قمح 🤷🏻‍♀️🤷🏻‍♀️

و حكينا حدوتة الاستغلال الخاطئ لمحصول القمح المصري
و قولنا علاجها و لا حياة لمن تنادي
لأن السبوبة دي لو وقفت
في مصاريف جامعات اوروبية مش هتدفع .. و اقساط شاليهات هاسيندا .. و عربيات مرسيدس و أودي ........ وراهم مصاريف وراهم بيسرقوا شعبهم مش احسن ما يبيعوا مخدرات 🙄🙄

📌المحروقات و الغاز :
انا گ مواطن مليش علاقة ان كل الحقول اللي تم اكتشافها من 2016 و اللي المفروض دخلت حيز الانتاج في 2017 و 2018 و 2019 و 2020 و 2021 و 2022 و 2023 معمولة بعقود اجحاف 🤷🏻‍♀️🤷🏻‍♀️

🔹يعني ايه عقود إجحاف 👈🏻 يعني انتاج الحقول مستحوذ عليه شركات التنقيب و انا گ دولة بشتري منهم انتاج حقولي اللي بيتكلف 35 دولار ب 85 دولار و ب 90 دولار 🤷🏻‍♀️🤷🏻‍♀️
ده يا فندم اسمه ايه 👈🏻 خيانة امانة .. لأن الحقول ده بتخضع لبند اسمه ثروات الاجيال القادمة
ف انت مش فرطت في حق اللي عايش و بس
لاااااء .. ده اللي هيتولد هينزل من بطن امه شحات .. لا يملك ثروات لأنها راحت بعقود اجحاف مقابل حفنة من الدولارات اتقبضت و اندفعت في ساقية الديون الدايرة 👌🏻

الناس يا عيني مفكرة اننا بنستورد بترول من برا .. لا يا حبيبي احنا بنستورد شحنات غاز
انما البترول احنا بنصدروا منه
و بنستوردوا بترولنا

بنصدروا 🙄 ازاااي 🙄
اااه ما دي بلوة تانية