مفيش جهة امنية اخدت كلام الست دي بعين الاعتبار
و قالت لا ده موضوع التعليم ده امن قومي .. و نتواصل مع المنظمة نشوف الكلام ده حقيقي و لا لا 🤷🏻‍♀️🤷🏻‍♀️
▪في اي حد طلع لسيادتك تقرير عن تنسيق الثانوية العامة 🤔
نسبة الاتاحة للوصول لفرصة تعليمية جامعية مجانية قبل 2011 كانت 62%
نسبة الاتاحة السنة دي 35.8% و السنة اللي فاتت كانت 38%

في 2014 كان هيعمل ايه التعليم في وطن ضايع .. الوطن مبقاش ضايع يافندم
بس التعليم اللي ضاع بقا

ف الاكل و الشرب مش ذات اهمية قصوي مااااشي .. التعليم و الصحة كمان عااادي بردو 🤷🏻‍♀️

يافندم ال 13 مليار دولار بتوع المونوريل و الترددي اللي ملهمش اي تلاتين لازمة .. لو كانوا اتحطوا في التعليم
كان زماننا عندنا صف اول و تاني و تالت يقود الحكومة بدل العاهات اللي خربتها 🤷🏻‍♀️🤷🏻‍♀️
" بالمناسبة ياريس cbc كانت منزلة انفوجراف عن انجازات وزير التعليم .. اخدته انا و دخلته ل شات چي بي تي ... ضحك و قالي انه كله كدب في كدب ..... ما علينا 🙄"
و صح انا بطالب من سيادتك حمايتي من السيدة ام وزير التعليم عشان اي حد بينتقده بتهدده انها هتجيبه في شوال .. و انا عندي حساسية تلامس و الخيش بتاع الشوال هيتعبني .. الزيرتك عليكم
بمناسبة الزيرتك كان في 2022 ب 27 جنيه .. انهاردة ب 100 جنيه 🙄"

🔸انا مش بعسكر الدولة :
عسكرها يا ريس عادي
مش هنزعل 🤷🏻‍♀️
عسكرها و طبق عليها القانون العسكري
يعني بابا الله يرحمه كان يقول اتنين ميكملوش في الجيش
الحرامي و استغفر الله العظيم 🙄
ف عسكرها و طبق القانون العسكري علي الحرامي و المختلس و اللي عليه تهم تربح و رشاوي
علي الاقل هنضمن ان محدش من النوعية دي هيتعين وزير اسكان او رئيس مجلس ادارة شركة زي العاصمة الادارية
و هيروحوا مكانهم الطبيعي 👈🏻 السجن 🤷🏻‍♀️🤷🏻‍♀️

ف ياريت تتعسكر بس بمشتملات العسكرة 👌🏻

🔸ما حدث في 2011 و 2013 :
و الله يافندم ما ناسيين
و حياة ربنااااا ما ناسيين
و عارفين ان احنا الدولة الوحيدة اللي نجت في المنطقة
و ده بفضل الله اولا
ثم الجيش اللي رفض يمد ايده علي الشعب و تفهم صراخه و انينه
" اللي سببه الجوع اللي سيادتك مصمم تحتسبه فضيلة اخلاقية اختيارية و فريضة دينية و الفساد اللي احنا غرقانين فيه حاليا بزيااااادة "
و المخابرات العامة اللي تبنت تنحي مبارك لأن خلاص مفيش مصري هيقبل باستمراره لحظة تانية 🤷🏻‍♀️
و الشعب اللي عمره ما كان جاهل و الله و لا غير واعي
و رجع البيوت و تحمل سنة من العذاب ثم جه الاخوان و اتحملنا عذاب اشد
و سيادتك بنفسك اللي تدخلت و اطاحت بالاخوان
بعد ما انكشفت للشعب سوءة عواراتهم 🤷🏻‍♀️🤷🏻‍♀️

و هو هو الشعب اللي انهاردة بيتهم بنكران الجميل و عدم الوعي .. اللي آتي بسيادتك علي حكم مصر
لا جاب سيادتك دبابة زي جمال عبد الناصر .. و لا نيابة زي السادات و مبارك و لا جماعة و اجهزة معادية زي مرسي و لا انتقالية زي المستشار عدلي منصور المحترم
آتت بسيادتك رغبة شعبية جارفة 👌🏻👌🏻

ف متقلقش يا فندم
الشعب المصري هيحافظ علي البلد لاخر يوم في بقاءه علي الكوكب
و محدش هينزل الشوارع .. لأن كل الناس و انا اولهم خايفين من ضيوف سيادتك علي البلد
و لأن كل الناس و انا اولهم عارفين كويس ان ضيوف سيادتك هيستهدفوا المؤسسة العسكرية عشان الرؤوس تتساوي

اطمن يافندم
مش هندي فرصة لحد ايا كان و لا اي جهاز معادي انه يستغل المصريين تاني
اتعلمنا احنا گ شعب الدرس
السؤال 👈🏻 هل النظام تعلم بقا الدرس و لا لأ
الازمة يافندم مش عندنا
الازمة عندكم سيادتك

🔘نيجي للمسار الجاد :

📌 اول حاجة يا فندم عشان نوجد المسار الجاد لازم نخرج من مجموعة اساطير
🔹الاسطورة الاولي : ان الدول بتبني بالجوع و ان الحصول علي نتائج بعد عشرات السنوات
زي التجربة الصينية اللي سيادتك مؤمن بيها و رئيس الوزرا بيضرب بيها المثل
" مش عارفة مين اقنع مين بفكرة التجربة الصينية اللي نتايجها بعد 45 سنة دي 🤔"

لأننا بعاد جداااا عن تجربة النهضة الصينية
هو تقريبا حضراتكم قرأتوا اول 5 صفحات فقط و قفلتوا الكتاب علي كده
▪الصين لم تقترض تماما و اصلا كانت في عزلة اقتصادية
▪الصين احتفظت بكل اصولها و مشروعاتها لنفسها
▪الصين عملت مشروعاتها بنفسها مدخلتش دول اخدت السواحل و الاراضي الزراعية و المواني " حتي لو استثمارات "
هو حديثا بس بعد الحكم الذاتي لهونج كونج حولوها لمنطقة استثمارية و بعدين شنغهاي و هتقوم حرب عالمية و لا انها تسيب تايوان لحد
▪الصين حرصت علي خلق وظيفة لكل المواطنين
و حولت البيوت الي ورش و مصانع صغيرة و مولتهم بقروض بلا فوايد و تعهدت بشراء الانتاج و تسويقه

احنا في مصر بطالة رهيبة لأن الدولة سايبة الناس للقطاع الخاص و التوكتوك و الديلفري
" انت معندكش جهة اساسا تقدم قياس لمعدل البطالة لان معندكش مكاتب طلب تعيين و لا توظيف
ف اي رقم انت بتطلعه ده رقم مزيف 🤷🏻‍♀️"
▪الصين عملت ميزان مدفوعات عملاق للصادرات
مش ميزان مدفوعات وارداته ضعف صادراته

انهاردة الصين هي مصنع العالم حرفيا 🤷🏻‍♀️🤷🏻‍♀️
صنااااااعة وطنية .. صناااااااعة وطنية .. صناااااااعة وطنية
مطلعتش مصانعها في برنامج الطروحات عشان الديون
و لا عملت مجمع سكر عملاق بالديون و بعدين باعته لشركة الغرير الاماراتية 😒

الصين نظام اشتراكي يعتمد علي ملكية الدولة بالتالي عندها جبل ايرادات مع مشاركة للقطاع الخاص في تحمل مسئولية اقتصادية .. و احنا مش نظام اصلا احنا بنطلع للي يدفع دولار بالتالي لم نعد نملك اي ايرادات
و بعد سنين المشروعات اللي هترجع من عقود حق الانتفاع .. هترجع خردة و انهت عمرها الافتراضي 🤷🏻‍♀️

🔹الاسطورة التانية : اننا نضحي بجيلين عشان احصد ثمار النجاح
التضحية بالاجيال دي فكرة نازية بامتياز
لو وباء ماشي .. لو حرب ماشي .. لو كارثة طبيعية ماشي
انما ليه نضحي بأجيال في الولا حاجة يعني
هو عبد الناصر لما بني المصانع و المدارس و الجامعات مضحاش بالناس ليه 🤷🏻‍♀️🤷🏻‍♀️
السادات راح لحد اتفاقية السلام و تحمل قطيعة العرب عشان ميضحيش بأجيال

و بعدين الاطفال اللي هتتولد سنة 2040 .. هتتولد مديونة و مشروعاتها في حق الانتفاع
ف كده 5 و 6 اجيال كمان 🙄

🔹الاسطورة التالتة :
لو وفقنا من الله و ان اخفقنا فمن انفسنا
و ربنا اللي يحاسب المقصر

الكلام ده في الحج لو في رفث او فسوق او جدال .. في العمرة لو فلوسها حرام .. في الفلوس مدفعناش زكاة المال .. بنفطر في رمضان بدون عذر و مطلعناش كفارة

انما المسئولية الارضية لها قانون وضعي غير قوانين السماء
لأن السادة المسئولين في اي دولة معينيين موظفين
مش أنبياء و رسل
و يا تري الفكرة دي هي اللي مخليانا ندي ادارة اكبر مشروع عقاري في الدولة لواحد عليه تهمة اختلاس و تربح في 2017 🤔
ان ربنا هيحاسبه بقا هيروح من ربنا فين 🤔

🔘 المؤتمر اللي سيادتك اوصيت بيه :
و الله العظيم لو قعدنا نحشد في ورق فلوسكاب مكتوب فيه الانجازات
و المواطن بيصرخ من كارت شحن الكهربا ما هيصدقنا 🤷🏻‍♀️

مصاريف و تكلفة علي الفاضي
و في النهاية توصيات السادة الاقتصاديين لن تجد صدي
و مصيرهم زي ما اتهانوا المؤتمر اللي فات و سيادتك قولتلهم مع احترامي لكم اللي بتقولوه ده يقوله اي طالب في اولي اقتصاد 🙄

ما هو اللي قالوه ده يا فندم اللي درسناه في الكيلاس
كون ان المشكلات الاقتصادية في مصر تحولت لمعضلات .. دي مش مشكلتهم هما خاااالص ولا مشكلة اللي وضعوا علم الاقتصاد .. دي مشكلة اللي ميعرفوش اقتصاد اصلا بس مصممين ياخدوا قرارات اقتصادية 🤷🏻‍♀️🤷🏻‍♀️

سيادتك مش محتاج توصيات
سيادتك محتاج اجراءات عاجلة

هتقمص انا شخصية احد مستشاريك " بس عنده ضمير و خايف علي البلد 👌🏻"
و اقولك ايه الحلول العاجلة اللي تساهم في الاستقرار

🔸المعاشات :
◾رئيس هيئة المعاشات لازم يتم اقالته و محاسبته
لسببين :
▪الاول : الناس من شهر 12 مقبضتش معاشاتها
يعني بقالهم 10 شهور بسبب مشكلة السيستم
ازاي 10 شهور دولة مش عارفة تحل ازمة تعطل سيستم يخص شريحة زي دي من الشعب
▪النائب احمد البرلسي في برنامج تلفزيوني قال ان السيستم ده اتكلف مليار و 140 مليون جنيه اموال اتاخدت من المعاشات
ده سيستم البنتاجون و لا ايه 🙄
و رئيس الهيئة لحد انهاردة مش عارف راحوا فين .. وكان بردان و مراحش الاستجواب و اما راح قال معرفش فين

ف مش محتاجة فكاكة
الفلوس تم اختلاسها
و السيستم مرجعش لحد انهاردة عشان اما هيرجع لازم يتحط رصيد الوديعة و يبدأ يخصم اتوماتيك و هما مش عارفين يفندوا المليار و 140 مليون جنيه 🤷🏻‍♀️🤷🏻‍♀️

◾المعاشات بقا و وضعها السئ :
هي ليه محطوطة في بنك الاستثمار بفايدة 7.25%
في حين ان الفايدة علي الاقراض في الدولة 20%
▪انقلها من الاستثمار للمركزي بفايدة الاقراض
الوديعة قيمتها 732 مليار جنيه .. عائدها هيكون 146.6 مليار جنيه
يتمول بيها تحسين هيكلها بدون ما تكون عبء🤷🏻‍♀️🤷🏻‍♀️

🔸من فضل حضرتك دراسات الجدوي مش رفاهية
دراسة الجدوي علم كامل
له متخصصين
و له اهمية اقتصادية
كل المشروعات اللي محتاجة تمويل اقتراض .. لازم تتوقف و يتعمل لها دراسة جدوي
▪مش منطقي اعمل خط المترو الرابع بقروض و فرق العملة يخليني اخسر لمدة 20 سنة بعد الانتهاء منه
▪مش طبيعي اعمل مشروع زي المونوريل يكون كفاءة تشغيله 8%

بسبب جهل تشغيل
انك بدأت تشغيله من صحرا مفيهاش بشر
▪مشروع تبطين الترع
سيادتك وصلك اللي حاصل فيه
شوفت الانفاق فيه كان قد ايه و مصيره ايه و لا لأ
في مشروعات لازم تقف
رؤية 2030 مش الصيت و لا الغني
لازم تكون مديونيات اقل و تحسن جودة الحياة
مفيش حاجة اسمها ننتظر 10 سنين و لا 20 سنة
الاتفاق اصلا كان 6 شهور و بعدين سنتين ... وصلنا ل 12 سنة 🤷🏻‍♀️

🔸اللاجئين :
لما هو مواردنا قليلة " و ده مش حقيقي .. ربنا لما وصف ملك مصر علي لسان سيدنا يوسف اجعلني علي خزائن الارض "
▪اتفاقيات الاتحاد الاوروبي لازم تقف
مش هناخد حد تاني
و حضرتك تقلل العدد اللي بيقاسمنا في الموارد
" علي فكرة انا مواطنة مصرية مش موافقة ان غير مصري ياخد حصتي من النيل و لا من الكهربا و لا من القمح و العيش و لا مكان اطفال اسرتي في المدرسة و لا الكرسي بتاع في المواصلات ... و ده حقي و مش من حق حد ينتزع مني الحق ده
و الدستور مش بيمنح حد انه يجبرني علي ذلك 👌🏻"

مواردك قليلة متجيبش ربع تعداد الشعب اغراب و تسكنهم معاه 🤷🏻‍♀️🤷🏻‍♀️

🔸تصدير العقار :
لا هتكلم في امن قومي و لا غير امن قومي
سيادتك اجدر الناس بهذه المسألة
اللي هتكلم فيه نقطة اقتصادية
▪هنجيب بنية تحتية لكم العقارات دي منين
مياه شرب .. صرف صحي .. غاز .. كهربا
▪اللي هيجوا عشان يسكنوا في العقارات دي
مش محتاجين خدمات معيشية
مش هيبقا عندهم عربيات محتاجة بنزين
هنجيب منين برغم فاتورة الاستيراد
هنستورد زيادة و نحملها للمواطن كالعادة 🤷🏻‍♀️🤷🏻‍♀️
▪تقييم العقارات بالدولار بقا معمم في مصر و محدش قادر يشتري
لازم تتحل هذه المأساة

📌هو هيئة المجتمعات العمرانية اللي بتعمل سكن لكل المصريين و بتعمل طروحات
بتحاسب المواطن علي تمن الارض بسعر بيع + هامش ربح يتجاوز 30% لييييييه
+ فوايد التمويل العقاري
الوحدة بتبقا خرافية السعر
مش المفروض ده مشروع تنموي خدمي
لازم يرجع تنموي خدمي
لازم الناس تشعر انها لها فرصة في بلدها 🤷🏻‍♀️
فكرة الحكومة المقاول دي لازم تتوقف ... كمان البنوك مبقتش قادرة تمول حد عقاريا 🤷🏻‍♀️

🔸ملف البترول :
يجب تتشكل لجنة مختصة تراجع عقود البترول اللي مصر ملهاش فيها نسبة انتاج
و تتثبت نسبة لا تقل عن 25% من الانتاج بالاضافة للاتاوة
و الباقي يتوزع بين الشركات
زي ما كل العالم بيعمل .. اشمعني احنا اللي بنشتري انتاجنا كامل و بالدولار اللي ذاللنا 🤷🏻‍♀️

ده هيخفض فاتورة الاستيراد

انا فاهمة اننا في خلال 10 سنين انتاجنا هيبقا عالي
بس 10 سنين دول كتير
الناس مش هتتحمل سنة كمان 🤷🏻‍♀️

🔸تكافل و كرامة :
بدل ما نشيل الناس منها
نزودهم
و نزود الدخل عشان الاطفال متتسربش من التعليم و تاكل كويس و صحتها تكون كويسة
مش الاكاديمية العسكرية اللي هتطلع مواطن قويم .. البيئة اللي اتربي فيها هي اللي هتعمل ده
▪عبء مالي علي الموازنة
و ماله .. نساعدوا مع الموازنة
1% من ارباح الصناديق السيادية زي مستقبل مصر و تحيا مصر و الصندوق السيادي و كذلك 1% من ارباح كافة الهيئات الاقتصادية " ده مليارات علي فكرة .. الهيئات الاقتصادية بتعمل ارباح فوق ال 2 تريليون جنيه .. بدل ما بيتنهب منها كتير للمحاسيب .. ناخد معلقة كشري للمصريين 😒"
يتوجه للدعم المالي للاسر المحتاجة و تتوسع المظلة بعدد اكتر ... و الابن اللي يتخرج يتشال الجزء المستحق له
و يدخل طفل تاني من اسرة تانية و هكذاااا
مفيش بلد اهلها بيدفعوا بس 😒😒

🔸الاراضي اللي اتنزع حيازتها :
هو احنا في رضا ربنا ماشيين علي سطر و سايبيين سطر
يعني بنرضي ربنا سبت و اتنين و اربع و بنعصاه باقي الاسبوع
الاراضي اللي تم انتزاعها من اصحابها بعد ما عملوا تصالح و دفعوا فلوس و سددوا اقساط
رئيس الوزرا لغي قرار سيادتك بالتخصيص لهم و انتزعها منهم عشان تتباع للمستثمر الاماراتي اللي عايز 90 الف فدان جدد و محدد مناطقهم

ده غير اللي انتزعها جهاز مستقبل مصر و تم طرحها لاعادة بيعها
▪بتبيعوا اراضي متباعة لفلاحين زرعوها و سددوا منها ليييييه و ازااااي
طب ما ابن البلد اولي من الغرير و ابوظبي القابضة اللي هتبيعلك المحاصيل بالدولار

سلوك غير مفهوم بالمرة
يصل لدرجة الشذوذ الفكري 🤷🏻‍♀️🤷🏻‍♀️

و بعدين ازاي رئيس الوزرا يلغي قرار رياسي ... ده محصلتش في تاريخ الكوكب قبل كده 🙄

🔸الجنون في الاقتراض الحكومي من الداخل :
ده هيوصل لمرحلة ان البنوك تعجز عن اقراضها
يعني لما في اسبوع يقترضوا 300 مليار جنيه .. و بعدها بأسبوع ينزلوا اذون خزانة ب 500 مليار جنيه
ف احنا بنتكلم عن رقم خرافي و الله 🤷🏻‍♀️🤷🏻‍♀️
لازم تتوقف و تتجه لانشاء وحدة جلب ايرادات
يعني برنامج الطروحات هيخلي الحكومة من الغارمات 😏
لازم يتم انشاء كيان تباع له مصادر الدخل و الايرادات
تبقا نفذت طلبات الصندوق .. و مخسرتش مواردك
الكيان ده ممكن يتمول من الاوعية الادخارية للمصريين في مقابل جزء من العوائد .. عاااادي 🤷🏻‍♀️

♦لو انا في مؤتمر هقول الكلام ده
لو انا مستشار عندي ضمير هقول الكلام ده و انشالله اتعدم بعدها .. محدش بيسيب من عمره ساعة هقول الكلام ده
لو انا حد بيسألني ازاي نزيل حالة الاحتقان الداخلي و نحترم آدمية الشعب عشان نمنع تكرار 2011 هقول الكلام ده

انما فكرة ان الشعب مش واعي .. الشعب مش فاهم .. الشعب مش عارف
و اعملوا مؤتمرات عشان تعرفوا الشعب احنا ازاي فضلنا عليهم
" قل إن الفضل كله لله "

الشعب واعي جدا
الشعب خايف علي بلده جدااا .. حكومة سيادتك هي اللي لا خايفة علي بلد و لا شعب و لا عليك شخصيا 👌🏻
الشعب فيه متعلمين كتير لحقوا الشهادات و الدرجات العلمية ايام الخير بقا و مثقفين و بيوعوا غيرهم
بس ده مش معناه انهم يطبلوا للفساد و الغلط و يغالطوا ضمايرهم و يقفوا في صف فرد واحد و يدوسوا علي 109 مليون فرد

📌سيادة الرئيس /
▪الشعب المصري هو اللي شال مبارك بلا دماء
ده تسامح معاه كمان
و اولاده عايشين بينه
▪الشعب المصري هو اللي مسيحييه و مسلميه متنبهين جدااا للفتنة الطائفية و بيوأدوا اي محاولة في مهدها
▪الشعب المصري هو اللي اتبرع بكل ما يملك للجيش في المجهود الحربي و لو انطلب منه هيكررها
▪الشعب المصري كل بيت منه فيه شهيد .. و بيفتخر بذلك
▪الشعب المصري اللي حارب في 2012 و 2013 من اجل حماية هويته و وسطيته و رفض يستعبد لجماعة من الماسون
و دفع دم ولاده في المدابح المتتالية و التفجيرات و كمان الحرب الشاملة علي الارهاب اللي مولها ماليا هو الشعب
▪الشعب المصري الذي آتي بك رئيسا له و علق صورك في البيوت و المحلات
▪الشعب المصري اللي وقف في ضهر سيادتك و جمع 64 مليار جنيه في اسبوع عشان مشروعك
و هو اللي صبح علي مصر بجنيه
و هو اللي دفع الفكة و المجمد كمان
و هو اللي صبر بدل ال 6 شهور و السنتين .. 12 سنة
▪الشعب المصري بإصراره علي سيادتك اجبر دول العالم علي الاعتراف بالتغيير في مصر انه ارادة شعبية مش انقلاب و اجبر الماتريكس يجي لحد عندك
" و ده أمر لو تعلمون عظيم "

ف من غير المقبول ان هو انهاردة اللي يبقا غلطان و غير واعي و ازمته اكل وشرب
و حضراتكم حسابكم عند الله يوم القيامة 🤷🏻‍♀️🤷🏻‍♀️

اقسملك بالله ما حد هيتابع مؤتمرات و لا يتفرج علي انجازات و لو الشمشرجية قعدوا يطبلوا سنة
لو لم تتحسن جودة معيشة المصري ف سيادتك بتخسر كل يوم

رجاءا يا سيادة الرئيس
احنا عارفين دورنا ومستحيل هنخاطر ببلدنا و نكرر 2011
ف لو سيادتك تنظر حولك
و تعالج الكوارث اللي بتخلق بيئة خصبة يستغلها اعدائك
اه يا فندم اعداء سيادتك
احنا گ شعب ملناش اعداء .. و اللي بيجي علينا بنحطوه تحت رجلينا

الضغوط الخارجية كلهاااااا و لا هتأثر عليك طول ما الناس معاك

شعب هين لين بيرضي بقليله .. فبلاش تستكتروا عليه القليل
عشان متخسرهوش 👌🏻👌🏻

حلول بسيطة وسريعة
اما بقا لو عايز استقرار و محاربة فساد بصحيح
يبقا تحل مجلس الشعب
و تتخلص من الحزب الفاسد فساد بروماكس
يعني لو الوطني كان فاسد زراير
ف مستهبل الوطن ده فساده فساد بروماكس 🤷🏻‍♀️🤷🏻‍♀️

علي الاقل هتضمن موازنة و حساب ختامي بلا سرقة و نهب

اي معضلة في مصر لها حل
الاقتصاد علم ايجاد الحلول
المهم يكون في رغبة في الحل و رغبة ان سيادتك متخسرش اكتر من كده ... سهلة 🤷🏻‍♀️🤷🏻‍♀️

لو انقذت الداخل
و لاااااا تشيل هم حد
ولا مخابرات معادية و لا موساد و لا امريكان و لا الجن الازرق نفسه
لأن هتبقا كسبت اللي حماك و حمي بلده من 8000 سنة لحد انهاردة 👌🏻👌🏻

دعواتي الخالصة لسيادتك بسداد الرؤية و أن يلهمك الله البصيرة
مادمت محاط بعميان الضمائر 🤲🏻🤲🏻

🔵 مع ان الاقتصاد لا يدار بالفويس نوت .. فاكرين 😂
" دي چيلان قاسم اللي تحذر 😎"

قاعدة برنسيسة انا هنومة ستوووتة و بغني كوكو واوا كااك
و انا بتفرج عليكم و انتوا بتيجوا لحد عند الماما مدلدلين كده 🤷🏻‍♀️🤷🏻‍♀️

🔵 مساء الخير علي حضراتكم :

غالبا كده 2026 بتلم ورقها

♦ ترامب اخد جرينلاند خلاص 😂
و بلااااا اي تكلفة مالية و لا تدخل عسكري
▪ السيطرة الامنية التامة علي الجزيرة و حرية بناء القواعد العسكرية بدون شراء ارض و تؤول ملكيتها للجانب الامريكي
▪ منع وصول الخصوم عسكريا لامريكا من اقامة قواعد عليها و حدد الخصوم روسيا و الصين .. قابلة للزيادة
▪ ضمان احقية سكان الجزيرة في تقرير مصيرهم " هيتعمل استفتاء و هيبقوا امريكان "
▪ مفيش اي استثمارات او انشطة اقتصادية علي الجزيرة الا امريكية و يحظر عمل اي نشاط الا بموافقة واشنطن
▪ الاتفاق ابدي و نهائي حتي لو قررت الجزيرة الانفصال عن الدانمارك .. و هتنفصل 👌🏻

الاتفاق تم مع رئيس وزراء الدانمارك و رئيسة وزراء جرينلاند و بدعم من المعارضة
" اللي تلقت رشاوي مالية كبيرة بالمناسبة 👌🏻"

و طبعا الموافقة تمت
بعد الضغط المتزايد اللي بيعمله بوتين في القطب الشمالي
و تخويف النرويج و الدانمارك انه هيسيطر علي بحر الشمال لوحده

يبدووو ان في صفقة بين بوتين و ترامب
تولاها كوشنر و ويتكوف في الزيارة الاخيرة لموسكو .. و بوتين وافق عليها
لأن في نفس اليوم
حصل استفزاز روسي للنرويج
و بعدها ترامب علق علي ان للاسف النرويج و الدانمارك بيواجهوا الخطر الروسي وحيدين 🤷🏻‍♀️🤷🏻‍♀️
دول الناتو الاوروبية عندها مشاكل اقتصادية لا تؤهلها لاي مواجهة 🤷🏻‍♀️

📌 و في النقطة دي هو عنده حق :
🔸ميتريتس بيواجه خطر العزل و شعبية حزبه انهارت
و البديل من اجل ألمانيا متقدم
🔸ماكرون بيعيط لنيجيريا و قطر عايز وقود و ديزل
و الفرنسيين في احتجاجات بسبب ارتفاع الاسعار و مولعين الشوارع و قاطعين الطرق
و هو مضطر يزود عشان المعروض قليل
بالاضافة لعجز الموازنة
اللي مخلي بنك الاتحاد الاوروبي يهدده بالطرد
🔸اندي بورنهام كل المؤشرات بتقول انه رئيس الوزراء الاخير للتاج البريطاني
و ان ايرلندا و ويلز و اسكتلندا هينفصلوا
" من 4 سنين كنت انا اول حد تنبأ بالحدث ده .. و ازااااي و مستحيل
انهاردة بيتفاوضوا علي موعد الاستفتاءات 👌🏻 "
🔸ميلوني البرلمان الايطالي مستلمها يوميا .. بيحاسبها علي وعودها الانتخابية اللي مقدرتش تحققها
و عدد المهاجرين غير الشرعيين اللي مقدرتش تخفضه
و الست عمالة تقول انا هكمل فترتي .. انا مش هسمح بعمل انتخابات مبكرة

ف فعلا الناتو مش فاضي لحد
و ترامب بعد شوية هيطلب من الصين تعاون اقتصادي في جرينلاند عاااادي 🤷🏻‍♀️🤷🏻‍♀️

لكن ايه بقا اللي استفاده بوتين 🤔
هنعرف مع الايام

♦حتي قانون ليندسي جراهام للعقوبات علي روسيا
اللي صدق عليه امبارح
و هو فرض 500% علي الواردات الروسية لامريكا
روسيا مش متأثرة بيه 🤷🏻‍♀️🤷🏻‍♀️

اللي هيدفع تمنه المواطن الامريكي
ليييييه 👈🏻 لأن امريكا بتستورد من روسيا كم كبير جدااا من الاسمدة الزراعية و اليورانيوم
فرض 500% رسوم
ده هيرفع الاسعار بتاعت المحاصيل الزراعية 500% و اسعار الطاقة المنتجة من المفاعلات الشمالية بردو 500%

ف روسيا عااادي هتورد كمياتها بنفس السعر .. هو بقا يتعامل مع مواطنيه 🤷🏻‍♀️
▪طب ايه رد الفعل 👈🏻 ان المستوردين الامريكيين يوقفوا استيراد من روسيا
و يدوروا علي بديل
▪عالميا مفيش ارخص من الاسمدة الروسية
و كمان 👈🏻 مأساة النقل و الامداد في ظل اغلاق المضايق 🤷🏻‍♀️

📌كمان فرض 100% رسوم جمركية علي الدول اللي بتستورد نفط و غاز من روسيا
طبعا مين 👈🏻 الصين و الهند
و دول بيضحكوا من امبارح
لأن هما عارفين كويس ان ده اجراء لاااا يمكن يتخذ و إلا هيوقفوا توريد و يهدوا السوق الامريكي 🤷🏻‍♀️

يعني ترامب ريح الكونجرس و قالهم عينيا
واشتغل زيلينيسكي و الناتو
و هو عارف ان بعد كام شهر الكونجرس هيجتمع لخفض الرسوم و إلغاء قانون جراهام 👌🏻👌🏻

🔸و في نفس ذات الوقت بتاع التصديق علي القانون
ترامب بيعرض علي بوتين 16 صفقة كبري تخدم الاقتصاد الروسي و الامريكي
في مقابل السلام 🤷🏻‍♀️🤷🏻‍♀️

📌 ترامب كل اللي قال عليه في الكوكب بينفذه
و بيحصل علي اللي عايزه
بيدير العالم بسياسة الشوارع
مش سياسة المصطلحات و العبارات الاخلاقية
و رئيسة وزراء جرينلاند حسبتها صح و بعقلانية
هما اقرب للمجتمع الامريكي عن الروسي
و تدخل في اتفاقيات تضمن بقاء الجزيرة بنفس ادواتها السياسية .. احسن ما يتم احتلالها 🤷🏻‍♀️

و ترامب مكمل في اهدافه 👌🏻

♦علي الجانب الاخر نتنياهو اليوم اعلن عن البرنامج الانتخابي لحزب الليكود " اللي هو بيتزعمه "
▪اسقاط الجنسية عن اي شخص يسئ الي الجيش الاكثر اخلاقية في العالم 🙄
▪توفير المياه بشكل آمن ل 4 عقود " طبعا اخد نهر الليطاني و الاردن و اليرموك 🤷🏻‍♀️"

▪حماية المستوطنين
▪تحويل جزء كبير من اسرائيل الجديدة " اخدلي بالك من الجديدة دي 🙄" الي مدن سياحية عملاقة لتوفير وظائف بدخول عالية لابناء اسرائيل
▪قال ان محبين اسرائيل كثر للغاية و انهم تعهدوا له ان في حالة نجاحه في الانتخابات .. هيمولوا الخزينة بمبالغ كبيرة جدا تساهم في تحسين هيكل الاجور و تقديم دعم للعائلات التي تحتاج لذلك " دعم .. اليهود هيدعموا الشعب🙄 .. يعني احنا محصلناش اليهود حتي 🙄"
▪في حلول كتير لازمة تجنيد الحيريدم و انه مستحيل يجبر حد مش عايز يخدم بلاده علي خدمتها .. هو بيجاهد عشان يمنح شرف الدفاع عن اسرائيل لكل مواطنيها " اما قصة عبرة بصحيييح 🤔"

بعد عرض البرنامج ده
اتقدم نتنياهو في الاحصاءات من 38.5% الي 52%
و تراجع ايزنكوت " اللي اصلا اصله السفرديم مش مخلي في رضا عليه اوي من الكنيست و التشكيل الحكومي الحالي اللي اغلبه اشكيناز

كمان الكتلة العربية في التصويت " عرب اسرائيل " لهم 4 احزاب
لما راحوا في تحالف مع ايزنكوت
ده خلي نتنياهو لعب علي حتة ان العرب دايما بيمثلوا الارهاب حتي لو اسرائيليين الجنسية اضطرارا
و انه لو كان موجود سنة 48 مكنش هيمنح عربي الجنسية 🤷🏻‍♀️🤷🏻‍♀️

🔸يوم 24 سبتمبر هيبان ان كان نتنياهو مكمل و لا ماشي
و لو ان المؤشرات بالنسبة لي بتقول انه مكمل 👌🏻

🔘 اما عن زيارة مدير ال CIA لمصر :
بغض النظر عن التصريحات اللي هي ديباجة اعتيادية

هو جي عشان يقنع مصر تحارب الحوثي و تنقذ السعودية
عشان يوفروا علي نفسهم تكلفة الحرب 🤷🏻‍♀️
و الحقيقة يعني ان تم الرفض👌🏻
" احنا مش هنطلعوا نتعاركوا مع حد برا .. اللي عايز يحاربنا يجيلنا مدينة نصر احنا مفرهدين خلقة 😒"

🔹قولتلكم الزيارة بتاعت بن سلمان و لا محتاجة تحليلات و لا مصادر و لا معالم
ده عيل خفيف
جي عشان يساومنا
استثمارات 10 مليار دولار علي 5 سنين و تجديد الوديعة في مقابل نتصرف احنا مع الحوثي

و كله طلع فشنك 🤷🏻‍♀️

و قولتلكم انه هيرجع للاب الروحي بتاعه يعيط له

و انهاردة بينسحب من اتفاقيته مع الصين الخاصة بالعملات الرقمية لمنصة إم بريدچ

" هو اصلا انسحب من مايو 2025 .. لكن كان سايب ارصدة
فبيسحبها بقا 👌🏻"

هو بيعمل اي حاجة بس عشان ينول رضا ترامب
و يجي يخلصه من اللي هو فيه 🙄🙄

🔸علي فكرة لا في اي شماتة في ضرب السعودية و لا شئ
انا ضد ده اصلا
و ضد الاعتداء الايراني الصهيوني

كل القصة ان اللي بيحصل ده نتيجة سياسة الفهلوة اللي اتبعها بن سلمان
و بعد الرفض اللي قوبل بيه رئيس ال CIA انهاردة
هينضغط علي بن سلمان انه يوافق علي التطبيع في مقابل ان اسرائيل تساعده
" و بمجرد الموافقة .. نتنياهو هيرن علي الحوثي يقوله بس خلاص أديت مهمتك 👏🏻👏🏻"

لكن الداخل السعودي مش هيقبل ده بسهولة
لذلك من المتوقع ان الحوثي يكثف الضربات .. عشان يكون السعوديين بين مطرقة القصف و سندان التطبيع 👌🏻👌🏻

يعني مفيش حاجة نقولوها الصراحة غير لله الامر من قبل و من بعد 🤷🏻‍♀️🤷🏻‍♀️

🔵 #اكتساح_الانتخابات_والليلة_الليلاء :

امبارح كان ليلة صعبة جدااااا علي موسكو
صعبة لدرجة ان محدش من السكان في مناطق كتير كان فاهم في ايه

📌 اكبر هجوم اوكراني منذ بدء العملية العسكرية
اكتر من 2000 مسيرة في نفس التوقيت انطلقت باتجاه مناطق مختلفة في موسكو
الدفاعات الجوية استطاعت التصدي ل 1600 مسيرة

لكن في 450 مسيرة و اكتر لم يستطيعوا التصدي لها
منها مسيرات وقعت داخل الاراضي الاوكرانية .. و مسيرات تانية اصابت هايبرات و مخطة قطار و مصافي و شوارع

🔸خلينا عقلانيين
و نقول ان ده حق مشروع لأوكرانيا انها تدافع عن نفسها
لكنه بردو فيه تناقض بين تنسيق هجوم يستهدف منشآت الطاقة بعد تعهد زيلينيسكي لترامب بتوقف استهدافها
و بوتين كمان اخد نفس التعهد و التزم
و كده يبقا زيلينيسكي خرق الاتفاق
و بين دعوته للسلام
و طلبه من ترامب انه ينسق لقاء ثلاثي يجمعه ب بوتين
" اه بوتين رفض و قال ان ولاية زيلينيسكي الرئاسية انتهت .. بالتالي هو لا يمثل اي صفة في اوكرانيا ... ف لو توصلنا لاتفاق معين .. بعد سنة هيجي الرئيس الجديد و يقول لأ اوكرانيا لم تتفق .. و زيلينيسكي بلا شرعية 🤷🏻‍♀️🤷🏻‍♀️ "

ف منين انت بتدعو للسلام و توقف الحرب و بناءا علي طلبك من ترامب انه يبلغ بوتين بألا يستهدف منشآت الطاقة لأن حياة الاوكران بقت جحيم
و منين بتنسق هجوم زي ده
انت و كل العالم عارف انه مش هيعدي ابدااااا 🤔🤔

♦السؤال ده هيجاوبنا عليه شخصيتين :
▪الاولي 👈🏻 يوليا مينديل
و دي المتحدثة الرئاسية باسم زيلينيسكي من سنة 2019 ل سنة 2021
ثم تحولت لأبرز معارضيه و اسوأ كوابيسه
لدرجة انه وقع عليها هي و اسرتها عقوبات
▪التاني 👈🏻 روسلان كرافيتشيكنو المدعي العام الاوكراني

📌 يوليا مينديل صحفية لما زيلينيسكي رشح نفسه في الانتخابات
وقفت جنبه و دعمت الحملة بتاعته ... لانها كانت رافضة فساد الرئيس بيترو بورشينكو
اللي بمجرد توليه السلطة روسيا اخدت القرم و من فساده مقدرش يعمل حاجة
و ده خلي الشباب الاوكران يكونوا جبهة معارضة له
و لما زيلينيسكي عمل حزب خادم الشعب .. ساعدوه و عاونوه
و نجح في 2019 و جاب مينديل متحدث رئاسي

🔹بتقول انها تركت منصبها و استقالت لما اكتشفت ان هناك جهات خارج اوكرانيا هي التي آتت ب زيلينيسكي
و ان تمويل حملته و حزبه كان تمويل خارجي
و ان في خلال العامين اللي كانت فيهم لا تترك القصر الرئاسي حتي في اوقات النوم .. بدأت ترصد الفساد الذي اتي به زيلينيسكي و زوجته
▪في الوقت اللي الشعب بيعاني فيه من ظروف اقتصادية صعبة و الرواتب لا تكفي احتياجات الشتاء ايلينا زيلينيسكا كانت بتقتني المجوهرات بشكل اشبه بالسعار لدرجة انها عملت تاج دهب مرصع بالماس
و موظفين الرئاسة بيتقاضوا نصف راتب لعجز الموازنة 👌🏻
و تحولت أيلينا من ناشطة مجتمعية ترتدي بنطال چينز و حذاء رياضي .. لسيدة اعمال يوميا بيوت الازياء العالمية تأتي لها بفواتير باهظة
▪اسرة زوجته فجأة بقت تملك شركات سياحة و تصدير حاصلات زراعية و طاقة
▪سبب الاستقالة انها وقع في ايديها اوراق و مستندات
تقول ان القروض اللي منحها صندوق النقد الدولي لاوكرانيا تحولت الي حسابات خاصة
و ان كل اللي عمله زيلينيسكي انه دهن وجه المنزل المتهدم بطلاء جديد .. بينما المنزل آيل للسقوط
معملش حاجة في الاقتصاد
كله كان ظاهريا فقط
و لما واجهته نصحتها أيلينا بالاستقالة او هتنفيها و تسجنها

مينديل فضلت ساكتة سنة
حتي بعد الحرب فضلت ساكتة بردو .. عشان ظروف الحرب و عشان متفقدش الشعب الاوكراني عزيمته و يفضل يتصدي للعدوان الروسي

لكن بعد مرور عامين من الحرب بدأت تهاجم زيلينيسكي جدااا .. و تفضحه
تقريبا كل يوم بترقعله صداغه بالمعلومات اللي عندها
و المعلومات اللي بيدعمها بيها اشخاص من داخل القصر و البرلمان
▪لدرجة انها اثارت ملف السلاح الاوروبي اللي بيبعه زيلينيسكي في السوق السودا في افريقيا
و الصواريخ اللي باعها لاسرائيل
و النفط اللي بيكذب و يقول ان الابار استهدفت و هو بيبيع انتاجها لامريكا و كندا و الاموال بيتم تحويلها لحساباته و حسابات زوجته
▪كمان فتحت ملف تسبب زيلينيسكي في انهيار القطاع المصرفي بعد يومين من اندلاع الحرب
و ان هو وحزبه سحبوا الاحتياطي النقدي من البنك المركزي و حولوه لحسابات غير معروفه بمبرر انهم بيحموه لكن الاحتياطي لم يعد

🔸علي حسب كلامها :
زيلينيسكي كاذب .. مهما يطلب السلام هو كاذب
و هو حاليا اسوأ حاجة حصلت لأوكرانيا ... و من مصلحته ان الحرب تفضل دائرة لأنه منتفع ماليا منها
و في نفس الوقت بمجرد توقف الحرب ربما يتم اعدامه علي كل السرقة و الخيانة اللي ارتكبها

لذلك نجده دائما يحاول خلق اجواء من الرعب للاوكران .. ان استمراره هو الداعم الوحيد للأمن

و بتتسائل عن اي أمن يتحدث
الحرب شغالة .. المساعدات و القروض بتتسرق .. الفساد مستشري .. الجوع و البرد يحاصر الاوكرانيين .. العاملين لا يتقاضوا رواتب
و انت و اسرتك غارقين في السيارات الفارهة و المجوهرات لدرجة ان أيلينا ارتدت حذاء كعبه مصنوع من الدهب

هي الحقيقة الست مش مخلية .. و فضايح و طرقعة في كل حتة
لدرجة ان الاتحاد الاوروبي بقا خايف منها
لأنها كمان عملت حاجة مكنتش تيجي علي البال
و اتكلمت في علاقة البيزنس اللي بتجمع زيلينيسكي و بوريس چونسون و اورسولا فون دير لاين 👌🏻👌🏻
مينديل حاليا ملاحقة أمنيا بتهمة الترويج للدعاية الروسية و التحريض علي الرئيس 🙄

📌كرافتشينكو بقا اللي هو المدعي العام
جه المنصب اصلا و هو بيخدع زيلينيسكي
يعني انت الرئيس العظيم .. انا معاك و اللي تؤمر بيه
لحد ما اتعين
لكن هو بالاساس جي معاه ملف فساد كبير 👈🏻 عجز 27 مليار دولار مساعدات قدمها الاتحاد الاوروبي لتعزيز الدفاعات الاوكرانية و اتسرقت و ملهاش اثر
يعني الفارق بين الاموال المقدمة من الاتحاد الاوروبي و امريكا و الاموال اللي دخلت اوكرانيا بالفعل من اول الحرب 👈🏻 27 مليار دولار
▪راح اعد قائمة اتهام لكل مكتب مكافحة الفساد و اولهم رئيس المكتب سيمون كريفنوس " و ده ابن خال ايلينا زيلينيسكا "
وطلب التحقيق معاهم
لأن الاموال دي المفروض جالكم بيها مستندات
ف راحت فين 🤔

فورا رد فعل زيلينيسكي انه اقاله بتهمة بث روح الاحباط للشعب الاوكراني في الظروف العصيبة " تفتيت الجبهة الداخلية 😂😂 .. الاتهام بتاع كل الفاسدين اللي في الكوكب 😂😂"

روسلان غادر اوكرانيا
لكن مش ساكت
بيتتبع املاك العصابة .. و بيفضحهم و بيطالب بعزل هذا اللص و سجنه و اجراء انتخابات رئاسية تؤدي بعد ذلك لعقد اتفاقيات سلام
و ان لازم زيلينيسكي يرجع الاموال المسروقة

🔘 في ظل الحرب و الهجمات الاوكرانية
بيتقدم حزب روسيا الاتحادية برئاسة بوتين في انتخابات الدوما
و بيحصد اكتر اصوات ناخبين
و الجميع بيؤكد قناعته بما يفعله بوتين
" علي فكرة معندهمش 200 جنيه و زيت و سكر .. و الروس بيحبوا فكرة الاستحقاقات السياسية و المشاركة فيها "

هما عندهم قناعة انه يجب استعادة الاراضي السوفيتية من جديد اللي أضاعها جورباتشوف الخائن 👌🏻👌🏻

♦الهجمات اللي طالت المصافي النفطية في روسيا
هتأثر علي امدادات الطاقة
و علي سعر برميل النفط
و علي حجم المنتج من اوبك
+ ما تتعرض له السعودية
+ اغلاق مضيق هرمز

ف العالم هيكون امام اسعار جديدة للطاقة و قلة معروض

و ده هيخلي ترامب يضايق زيلينيسكي الفترة الجاية
و هنسمع چي دي فانس و هو بيهاجمه .. و الجمهوريين في الكونجرس و هما بيطالبوا بوقف المساعدات و السلاح 👌🏻👌🏻

📌ده غير طبعا الرد الروسي
ده بوتين هيحتفل بنتيجة الانتخابات في اوكرانيا 🙄

زيلينيسكي مصلحته الحرب تستمر عشان يفضل مستخبي بعصابته
و بوتين مش مستعجل انها تخلص لأنه بينفذ اهداف معينة داخل اوروبا

و ترامب مولع الكوكب كله و معتقد انه بيصنع السلام 🙄