🔵 #الصومال_وإثيوبيا:

من امبارح و الاخبار عبارة عن خيانة الصومال لمصر
بناءا علي مقتطفات اذاعتها قناة الجزيرة من لقاءها مع حسن شيخ محمود رئيس الصومال

🔸اولا : انا مبخدش من الجزيرة .. يعني لا اعتمد الجزيرة گ شبكة اعلامية
و حاليا ضميت لها العربية
🔸ثانيا : التوقيت اللي ذهبت فيه الجزيرة لرئيس الصومال هو توقيت مريب
و ده بعد قطع اريتريا مباشرة للعلاقات الدبلوماسية مع اثيوبيا

ما اذيع هو سماح الصومال لإثيوبيا للوصول للبحر الاحمر من خلالها

♦نرجع بس لشوية تفاصيل :
📌هل مصر رافضة وصول اثيوبيا للبحر للاحمر
و لا بتستخدم الحصار البحري كارت ضغط عشان نفتح باب لوضع آلية سليمة لتشغيل السد
▪ لو نظرنا للامور بحكمة
ف احنا اساسا معندناش مانع ان اي دولة تعمل سدود
احنا بنينا سد تنزانيا
و وافقنا علي السد الجديد لجنوب السودان

• الناس تواصلت مع المعنيين في مصر
و وضعوا دراسات الجدوي و الخرايط تحت الدراسة المصرية
و لما تم مراجعة كل شئ
تمت الموافقة علي السد
" يعني لم يكن الامر كما تم الترويج له .. ان وافقنا غصب و جنوب السودان هتنشف النيل و كل الكلام ده "

▪ ايه مشكلتنا مع السد الاثيوبي 👈🏻 آلية التشغيل
و هما اصلا مش عارفين يشغلوه
بس صياح من اجل الصياح 🤷🏻‍♀️

📌 هل الصومال رافضة ان اثيوبيا يكون لها منفذ بحري :
هنا هنرجع لحدث اسمه 👈🏻 اعلان انقرة
و ده بمثابة اتفاقية سلام بين اثيوبيا و الصومال بوساطة تركية يوم 12 ديسمبر 2024

🔸ليه وصلوا لمرحلة نزاع :
لان اثيوبيا اساسا دولة معتدية
مش دولة حسن جوار
و بدأت بالاعتراف بصوماليلاند دولة مستقلة
و عرضت عليهم دخول اتفاقية موانئ
في مقابل الحشد الافريقي لدعم استقلالية الاقليم

لكن اثيوبيا اساسا ليست ذي ثقل دبلوماسي اقليميا
و النزاع كان بدأ يدخل في مرحلة انه يكون نزاع مسلح
و الصومال مش متحملة ده 🤷🏻‍♀️

🔹بنود الاتفاقية عبارة عن 3 بنود ملهمش رابع :
▪ اثيوبيا تحترم وحدة الاراضي الصومالية و سيادتها علي كافة الاقاليم
و ده يعتبر تراجع عن موقفها مع صوماليلاند .. و يعتبر مكسب كبير للصومال
▪ منح حق الوصول البحري لاثيوبيا
" الكلام اهو من سنتين 🤷🏻‍♀️"
لكن الشرط 👈🏻 ان يكون ذلك الوصول تحت السيادة الفيدرالية الصومالية و بمعرفة القوات الصومالية
و لا يتضمن اي سيادة اثيوبيا
و الوصول مش عبر ال 3 موانئ
لأ ده عبر ميناء لاسقري
• ليه 👈🏻 لان ميناء بربرة موجود في صوماليلاند و ممكن جدا او ده اكيد ان اثيوبيا تغدر و تعلن احتلال الميناء بمساعدة الحكومة المنشقة
و كذلك مينا صوصا موجود في اقليم بونتلاند اللي عايز ينفصل هو روووخر 🤷🏻‍♀️

او بديل اخر 👈🏻 اثيوبيا تاخد حق انتفاع و تأجير ارض علي الساحل و تستثمر فيها و تعملها مينا و حق الانتفاع ممكن يصل ل 50 سنة حتي .. الصومال معندهاش مانع

▪ عودة العلاقات الدبلوماسية و فتح السفارات من جديد

📌 السؤال المهم 👈🏻 هل اثيوبيا إلتزمت
اطلاقاااا
اثيوبيا عايزة مينا محدد .. مينا بربرة 👌🏻
و توقيعه علي اعلان انقرة
كان استنزاف وقت مش اكتر

📌طب هل عادت العلاقات الدبلوماسية
ابدا .. مجرد فتح السفارة و استقبل 3 او 4 دبلوماسيين

📌 طب هل التزم ب بند وحدة وسيادة الاراضي الصومالية
بردو ابدا 🤷🏻‍♀️
و لسه من 5 ايام و تحديدا يوم 30 سبتمبر
عاودت اثيوبيا طلب شراء حصة من ميناء بربرة بالتعاون مع منظمة DP World

لكن منفعش
لان الاقليم غير معترف بيه و لم يتم اعلانه دولة .. ف اي اتفاقية او شراء هيكون بمثابة إلقاء الاموال في البحر 🤷🏻‍♀️

♦ نقطة مهمة لا يجب اغفالها :
ان يوم اعلان انقرة
اردوغان و حسن شيخ محمود اعلنوا ان البنود تم الاتفاق مسبقا عليها مع حلفاء الصومال الاستراتيجيين
اللي علي رأسهم مصر
و ان تم ابلاغ مصر و جيبوتي بتفاصيل الاعلان قبل التوقيع عليه 👌🏻

و في تقديري ان ده السبب اللي خلي ابي احمد لا يلتزم بالبنود

يعني الاتفاق تم بمعرفتنا
و عدم تواجدنا فيه لدرء تعنت ابي احمد ليس إلا 🤷🏻‍♀️

يبقا ليه بيتم الترويج علي ان الصومال خانت مصر و طعنة في الظهر
و الكلام الفارغ ده
يا فندم الكلام ده انت اللي مرتبه من سنتين
و أناب عنك تركيا ليس إلا
و رئيس الصومال لم يقل اي جديد او مخالف لما تم 👌🏻

▪ ليه انت حصرت اثيوبيا في ميناء لاسقري 👈🏻 قولنا لعدم الغدر فيما بعد
▪ طب ليه اثيوبيا مصممة علي بربرة 👈🏻 لقربه من مضيق باب المندب و خليج عدن
و دي لم تعد موانئ فقط
اصبحت اصول استراتيجية
اللي يملكها بيملك ركيزة في التجارة العالمية

📌 خد تفصيلة كمان :
يوم اعتراف اسرائيل ب صوماليلاند
انا قولتلك القصة مش قصة انها ارض للتهجير فقط
قولتلك 👈🏻 ميناء بربرة و موطئ قدم لاسرائيل عند باب المندب 👌🏻

اسرائيل بتضغط من ناحية
و ذيلها اثيوبيا بتضغط من ناحية اخري

و الحوثي بيضغط من الناحية التالتة
و الهدف واحد 👈🏻 باب المندب

♦شئ يثبتلك الاستماتة الصهيونية عموما مش الاسرائيلية فقط علي باب المندب
🔹هل تعلم يا عزيزي
ان في تعاون عسكري بين حركة شباب المجاهدين الصومالية المبايعة لتنظيم القاعدة اللي هي اصلا بتكفر الشيعة بكل مذاهبها و خاصة الشيعة الزيدية
و بين الحوثيين اللي هما شيعة زيدية 🤷🏻‍♀️

▪ وتقارير اممية من سنة 2025
بتثبت تهريب سلاح و مسيرات و تبادل عناصر للتدريب
التواصل ده بيتم عن طريق البحر الاحمر

طب ايه اللي جاب القلعة جنب البحر 🤔
ما يا فندم اللي بيدير كل الميليشيات دي هما شخصين
واحد قاعد في ال MI 6 و التاني قاعد في ال CIA
و الشخصين بيصبوا عند تالت في المنظومة الصهيونية 🤷🏻‍♀️

وحتي الصراع بين فرع القاعدة في اليمن و الحوثيين
كان صراع مفتعل لتصفية قادة معينيين
كانوا كروت اتحرقت

كل التقارير الاممية دي بناءا علي اعترافات و تسجيلات من اجهزة غير الشيطانيين
و حتي القراصنة في بونتلاند بيعملوا تحت حماية شباب المجاهدين
و بيتولوا توصيل السلاح و العناصر الارهابية 🤷🏻‍♀️🤷🏻‍♀️

📌ابي احمد لم يعد كارت هام للمنظومة
و وجب التخلص منه
لانه فشل في اجندته
و اخر فشل له 👈🏻 كان كشف مخطط الاطاحة ب آسياس افورقي رئيس اريتريا واحتلالها 👌🏻

لذلك هو بيرفص في كل اتجاه
عشان يثبت انه لسه يقدر يعمل دوشة
او لسه لديه ما يقدمه لاسياده 🤷🏻‍♀️

و هيفضل حبيس بردو
لانه غرضه استعماري و ليس توسع تجاري
و يصد بس علي اللي عنده من تحالف المتمردين و الانفصاليين

📌حاجة تانية مهمة 👈🏻 مصر شرعت في بناء قاعدة جوية كبيرة جدا في مقديشيو
و ده من ايام او اسابيع
القاعدة دي المستفيد منها هو الصومال
هتكون اكبر داعم له للتخلص من الميليشيات الارهابية
ف ازاي هيروح رئيس الصومال للجزيرة يقولهم انا هدي مواني لاثيوبيا و يتفضل 🤷🏻‍♀️

🔸الراجل بمنتهي الوضوح اعلن ثبات موقفه علي اعلان انقرة ليس إلا 👌🏻

و دي كل الحكاية
مازلنا متماسكين جدااا في القرن الافريقي
و الامور هناك تدار وفقا للرؤية المصرية
و الحمد لله 👌🏻

⚫ اليمن ليست بخير 😞

اينما وجد الاخوان .. وجدت الخيانة

الاخبار بتقول ان تعز اوشكت علي السقوط بيد ميليشيا المجرم الحوثي
و السبب الاخوان
اللي خانوا تعز من الداخل

📌 الخبر الجيد ان المجلس الجنوبي اعلن التعبئة
لمواجهة الحوثي

" ارجعوا للمقالات عن اليمن في القناة هنا عشان لو مش مجمعين الخناقة علي ايه و بين مين و مين 👌🏻 "

♦حد سألني ليه متعاطفة مع اليمن علي غير عادة
مش عارفة علي غير عادة التعاطف و لا علي غير عادة مع اليمن
" هو انا شريرة اوي كده 🙄"

اليمن دولة سلام
و حضارة من قديم الازل
شعبها عمره ما كان لقيط و لا هجين
بالعكس كانت ممالك كبري
العرب كلهم " عرب شبه الجزيرة " اصلهم يمني 👌🏻
الشعب نفسه في حاله
مفيش مرة في التاريخ ذكر ان اليمن اعتدت علي حد 🤷🏻‍♀️
و لا تحرك اهلها لاحتلال حد 🤷🏻‍♀️

حتي لما انهارت ثرواتهم
شعبها عاش علي قد حاله و بردو مسالم

🔹مأساة اليمن ليست في ثرواتها
انما في موقعها
اللي يحكم سواحل اليمن
يبقا حكم التجارة العالمية 👌🏻👌🏻

نتمني لمصابيهم السلامة و المعافاة
و لشهداءهم اعلي منازل الجنة
و لا نزكي علي الله أحد 🤲🏻

🔵 #متفرقات_كوكبية:

♦اليمن الغير سعيد حاليا :
تضارب الاخبار يدل علي عدم صدقها .. و عدم اليقين في تقدير الموقف

لا يمكن الاعتماد علي قناة العربية اللي بتبث انتصارات نصفها غير حقيقي
🔹 تقريبا تعز سقطت
لدرجة ان الحوثيين استولوا علي منزل رشاد العليمي الرئيس نفسه
و قطعوا السكة للامدادات
بينما محافظة المخا القوات الحكومية تقدمت فيها و استرجعت مناطق كان استولي عليها الحوثيين
🔹قوات التحالف بقيادة السعودية طبعا
وجهت ضربات جوية لجزيرة ميون لفتح باب المندب بالقوة القاهرة
و فعلا نجحت في ذلك
في حين ان في معارك دامية في الحديدة الغلبة فيها للحوثيين
🔹الاخوانية القذرة توكل كرمان بدأت تظهر تاني لدعم اخوان اليمن الخونة
و بتنصح اهالي تعز بتسليمها للحوثي 👈🏻 بحجة تجنب اراقة الدماء
علي اساس ان الحوثي لا يريق الدماء مثلا 🙄
لكن الاخوان معروفين بموالتهم للميليشيات الارهابية لانهم في الاصل تنظيم ارهابي 👌🏻

اليمن مطول معانا شوية
و اعتقد ان وجب تدخل الامارات في الجنوب لدعم المجلس الجنوبي للتخلص من الاخوان .. و ده في مصلحة السعودية لو بن سلمان ترك العنجهية و الغرور الاحمق
و هيجنبه الاجتياح البري سواء هو من قام بالاجتياح او اجتياح عكسي من الحوثي لجازان 👌🏻

🔸اعتقد ان موقفي واضح من زمان و اللي كان متابعني علي تويتر يعرف اني كنت بدعم قوات التحالف ضد الحوثي .. لكن مض ضد اهل اليمن و ضد قصفهم و التضحية بيهم
انا عمري ما هاخد صف ميليشيا تورطت في دماء شعبها و لا عشان اقصي و لا عشان قدس .. دي تفاصيل مش ذات اهمية
البشر قبل الحجر 👌🏻
وهما اصلا ضاحكين علي المتخلفين عقليا بالصاروخ الكرتون اللي بيتحدف علي تل ابيب كل 4 شهور مرة 😏
–––––––––––––––––––––––
♦روسيا و اوكرانيا :
الحقيقة روسيا معلية الاداء جدااا .. و زيلينيسكي يتألم في صياح
يعني مش صمت و لا حاجة
▪ضرب جسور نهر دينبرو
▪ضرب مبني معالجة البيانات الحكومية
▪ضرب محطات الكهربا المتبقية في كييف
▪ضرب السكك الحديدية
▪نوع جديد من المسيرات الروسية بيصب نار
" لا مش هزار .. المسيرة طايرة بتشتي اعمدة نار 🙄"
▪ضرب مقرات لتصنيع المسيرات الاوكرانية

زيلينيسكي في مأزق
و بيقول كييف تتمزق 🤷🏻‍♀️
ما تتمزق يا اخي .. معلش 🙄

📌ميرتيس المستشار الالماني في اوكرانيا تحت عنوان تحدي روسيا
بس الحقيقة ميرتيس بيفتعل شو .. بيحاول انه يخلق فكرة ان ألمانيا علي وشك الحرب مع روسيا
في محاولة منه للتشبث بمقعده الذي بات في خطر
ميرتيس اصبح المستشار الاكثر فشلا في ألمانيا .. تقريبا طوال عام في السلطة معرفش يحل ازمة واحدة
في حين ان الاحزاب اليمنية و اليسارية المتطرفة اللي نجحت في بعض المقاطعات آتت بحلول سهلة 🤷🏻‍♀️
لانها تخلت عن الفكر الرأسمالي الغبي
▪ميرتيس رايح كييف يستفز بوتين يمكن يضربله اي حتة في ألمانيا بمسيرة تثبت حكمه و لا حاجة 🙄
––––––––––––––––––––––––
♦منتدي العلمين افريقيا :
الحقيقة الانجاز ذات القيمة بالنسبة لي هو خماسية مصر -السودان - اريتريا -چيبوتي - الصومال
و توحيد التوجه نحو اثيوبيا
▪خطوة اثيوبيا انهاردة انها لغت الاعتراف بانفصال اريتريا و اعلنتها اقليم متمرد
ده يا فندم مش خطوة عبيطة زي ما بيتم الترويج لها
لأ .. ده تفكير ابليس 👌🏻
استفزاز ل اريتريا عشان تدخلها مطحنة المعارك الدائرة
هي و اللي وراها " وطبعا انتوا عارفين مين اللي وراها 🙄"
▪و هنا الرد الافضل هو التجاهل التام 👌🏻

ابي احمد بيجري بنفسه نحو الهاوية .. امبارح كان متقدم داخل اقليم التيجراي
انهاردة قوات فانو تذيقه الويل 🤷🏻‍♀️🤷🏻‍♀️
الكر و الفر ده مطول معانا شوية بردو 👌🏻

و في كل ده بيستغل السد اللي مفيش منه منفعة ده گ كارت هجوم علي مصر
ابي احمد بالسد ده بقا عامل زي الجدي اللامؤاخذة .. لا .... و لا بيبطل مأمأة 🙄
–––––––––––––––––––––––––
♦بيدرو سانشيز رئيس الوزراء الاكثر اخلاقا في العالم :
سانشيز انسان ذكي جداا
▪استخدم دعمه لغزة في تحقيق مكتسبات من الاتحاد الاوروبي اسبانيا جاهدت كتير للحصول عليها وفشلت
زي مثلا تسوية و اسقاط بعض الديون
حاضر هنسقط الدين الفلاني بس بطل تهاجم نتنياهو 🙄
▪استخدم ازمة مهاجري المغرب لسبتة بالعدد المهول اللي دخلوا بيه من شهر كده
ف تخويف الاتحاد الاوروبي بردو لاسقاط بعض ديون اسبانيا لليورو بنك
هااا معييش ادفع .. بس ممكن افتح الهاويس و الالافات دي تبقا بتتنطط جوا اوروبا كلها الصبح 🤷🏻‍♀️

📌لكن لما الاسبان تظاهروا ضده بسبب ازمة السكن
قرر انه يحل البرلمان و يدعو لانتخابات مبكرة ممكن تفقده منصبه .. و بمنتهي الصراحة قال ان مفيش عنده حل
ف هيترك الفرصة لغيره يمكن يتقدم بحل لخدمة المواطن الاسباني 👌🏻

▪و لو انت مش عارف ايه ابعاد ازمة السكن في اسبانيا
ف يا عزيزي هي ازمة كبيرة
• عدم توفر عدد كافي للشقق لطالبي الشراء وده رفع الاسعار فوق طاقتهم
• مالكي الشقق استغلوا السياحة الرخيصة اللي حققها سانشيز .. و العدد الضخم من السياح
ف حولوا شققهم وحدات فندقية تدر دخل
ده بالطبع قلل من المعروض للايجار
• بسبب قلة المعروض في مدريد و برسلونة الموظفين بيضطروا يسكنوا في مدن اخري
و ده بيحملهم تكلفة مواصلات اعلي لمقار وظايفهم بالاضافة للمجهود البدني
• مقاطعة كتالونيا تنادي بالاستقلال منذ وقت طويل و بدأوا يرفضوا تدفق الاسبان عليهم لتجنب مزاحمتهم في السكن

تخيل ازمة وااااااحدة تكاد تطيح بواحد من افضل رؤوساء الوزراء لاسبانيا في ال100 سنة الماضية 🤷🏻‍♀️

لكن المواطن الاوروبي عارف حقوقه كويس .. و عارف ان الحكومة بتشتغل عنده
مش العكس
تنجح 👈🏻 ده شغلك اللي بتاخد عليه رواتب و مزايا
مش هسجد و اسبح باسمك علي السبحة
تفشل 👈🏻 في اقرب باسكت و هتترمي 🤷🏻‍♀️
––––––––––––––––––––––––
♦فرنسا و انقلاب شعبي هائل:

تقريبا يا فندم فرنسا كلها في الشارع 🤷🏻‍♀️
العمال .. المزارعين .. الاطباء .. التمريض .. المدرسين .. طلاب الثانوي .. موظفي الاطفاء .. سائقي المواصلات العامة .. المتقاعدين
و بعض قوات الشرطة كمان متعاطفة معاهم و بتتظاهر ضد ماكرون و ضد زمايلهم لاستخدامهم العنف مع طلاب الثانوي 🤷🏻‍♀️🤷🏻‍♀️

🔹الشعب الفرنسي اصلا من ايام الثورة الفرنسية و هو عرف ان الشارع هو الحل عنده لنيل مطالبه
و يميل للاحتجاجات بطبعه لتخوفه من صنع ملك اله جديد زي لويس و ماري انطوانيت كده

و اي حاكم بيجي عارف كده
و كل من حكم فرنسا خرجت ضده مظاهرات فئوية 👌🏻

🔸سبق و قولنا ان الرأسمالية قائمة علي سلب و نهب الشعوب الاخري
و لأن فرنسا دولة استعمارية .. حوشت ثروة كبيرة تقدر تقدم بيها لشعبها رفاهية الرأسمالية و لا تلقي بهم في آتون الفقر .. زي الدول الفقيرة اللي بيتفرض عليهم الرأسمالية ف بيجوعوا الشعب 😏
▪بدأت ازمة موازنة فرنسا بعد طردها من دول الساحل الافريقي اللي كانت بتنهب اليورانيوم و الدهب بتاعهم بداية من 2022 و حتي 2023 لم يعد لها موطأ قدم
• اليورانيوم كان بيشغل ال 23 مفاعل الفرنسي مجانا
و الباقي بيصدروا مخصب تخصيب خفيف و بيكسبوا مليارات سنويا من وراه
• الدهب مغطي احتياطي اليورو و كمان بيستوردوا بيه احتياجاتهم من السلع الغذائية

فجأة العم بوتين اداهم الشلوت التمام من افريقيا و كله اتدمر كله اتكسسسسر 🤷🏻‍♀️🤷🏻‍♀️
▪بدأ الانهيار :
• بدأ يظهر عجز الموازنة
• ازمة التقاعد و رواتب التقاعد
• ازمة ذوي الاحتياجات الخاصة
• ازمة الرواتب اللي مش قادر يزودها

و زاد و غطي بقا التعليم 👌🏻
اي دولة محترمة في العالم بتلتزم بالعقد الاجتماعي اللي هو الصحة و التعليم
فشلتوا فيه
اتفضلوا ورونا عرض اكتافكم 🤷🏻‍♀️🤷🏻‍♀️

مع بداية العام الدراسي
طلاب الثانوي لقوا نفسهم مكتظين داخل الفصول .. في ظروف غير آدمية " 40 طالب في الكلاس 🙄 .. شعوب دلوعة و الله احنا 40 طالب في الديسك 😎"
مع عجز مدرسين " ما في اوروبا مفيش سنتر و مستر درس خصوصي دي جريمة لها عقاب جنائي 👌🏻"
و المدارس لم يتم تجديدها

الطلاب نزلوا الشوارع بيطالبوا بحقهم .. نزلت قصادهم الشرطة
اشتبكوا معاهم
و اعمال عنف
الطلاب ده اهاليهم العمال و الموظفين اللي اساسا بيتظاهروا .. و جدودهم المتقاعدين اللي بردو بيتظاهروا 🤷🏻‍♀️🤷🏻‍♀️
زادت اعمال العنف و الحرائق وقطع الطرق

🔹المعارضة طبعا اطلعت علي الموازنة الجديدة
ملقتش فيها حلول كافية
و خاااااصة لأزمة التعليم
انضمت للشوارع هي كمان
و مادام مش قادرين تعلموا اولادنا .. امشوووووووا 👌🏻👌🏻

حزب ماكرون مش هيكسب في الانتخابات .. هو اصلا ملوش ترشح تاني
بس حزبه له ثقل
ماكرون و حزبه فقدوا شرعيتهم تماما في فرنسا 👌🏻👌🏻

و مش هيشوفوا اغلبية تاني لمدة 20 سنة جاية

تخيل يا عزيزي ان فرنسا دي جزء من الماتريكس
الجدة بطة دي بريجيت ماكرون هي حفيدة لعائلة روتشيلد
و مع ذلك
امام حقوق الشعب لازم يركعوا 👌🏻👌🏻
––––––––––––––––––––––

دي جولة في البقاع الساخنة من الكوكب
معرفش الكوكب عايز مني ايه
مع اننا في شهر اكتوبر المعظم اعاده الله بالتورتات و الجاتوهات و البيرث دايهااات 🥹🥹

ما خلاص بقا يا جماعة
اهدوا شوية 😞😞

🔘 ايواااا كده يا جماعة 🤷🏻‍♀️🤷🏻‍♀️

ورونا الهمة
اللحظة اللي انا منتظراها .. اشوف تحركات جيش تاحر النسوان " sorry الحليف .. بنسي الله 🙄"
و طيرانه
و بيرقداره
و راجمات الصواريخ اللي واكل دماغنا بيها 🤷🏻‍♀️

📌 ترسي العملية علي 2000 جندي تبعتهم السعودية و تقلب الطموح في 2 و لا 3 مليار .. و الله ازعل 😒

أسلام عليكي أبت أچكاچيكو .. لما كتبت #المقعد_البديل مكنش من فراااغ
اما نشوف طريقة التنفيذ و فرض السيطرة و التواجد
ومفيش اسرع من الايام .. و لا اعجب من #الفراندة 😎😎

🔵 صباح اكتوبري جمييييل 🇪🇬🇪🇬

من المفارقات المضحكة في اكتوبر
مش حالة الانكار اللي بيعيشها الصهاينة
لا خاااالص .. ده شئ عادي و متوقع و معذورين عليه 🤷🏻‍♀️

احنا الهزيمة الوحيييييدة التي لحقت بهذا الجيش اللعين من يوم تكوينه من عصابات الهاجاناه و الارجون 👌🏻
يعني تقريبا الكابوس بتاعهم

📌 ايه بقا المفارقة 👈🏻 الاخوان
بيبدأوا يا عيني من 6 اغسطس 😂
ااه والله
انهم يروجوا لفكرة اننا محاربناش و مفيش انتصار علي اسرائيل و لا حاجة .. اصلا مفيش شهر اسمه اكتوبر
ده اسمه احمد علي اسم جده 🙄

🔸و ميعرفوش بقا في رواية الحرب
الا تقدم اريل شارون نحو السويس بدباباته

• ايوا و ايه اللي حصل بعدها 🤔
هو مش هيقولك ان تم حصاره و بقا يلطم طلبا للنجدة
لا هو رواية الاخواني القذر هتقف لحد تقدمه نحو السويس

🔸هيقول رواية خناقة بين القادة و بعضهم زي مثلا خناقة المشير الجمسي و الفريق عبد المنعم رياض
متناسي تماما ان الفريق رياض استشهد سنة 1969 ومحضرش حرب اكتوبر اساسا 🙄

🔸هيقولك ان سمعوا خبر العبور و هما قاعدين بيتغدوا الساعة 2 الضهر
فقاموا يتنططوا من الفرحة " اقوال مأثورة لصبحي صالح 🙄"
مش واخدين بالهم ان ده كان صيام رمضان بقا كل سنة و انت طيب 🙄
ما جايز مبيصوموش
او في عذر يمنع الصيام 🤔

🔸هيحكيلك عن ازاااي جولدا مائير كانت متماسكة .. لا و اتصلت بالسادات و شخطت فيه و قالتله يجب ان تنهي هذا الان
• مع ان جولدا مائير نفسها في مذكراتها قالت عن اليوم ده 👈🏻 في مساء نفس هذا اليوم شعرت و كأنني شخص آخر .. شخص يتجرع الالم النفسي و الجسدي .. لم أعد ابدا هذا الشخص الذي كنت اعرفه بالأمس 🤷🏻‍♀️🤷🏻‍♀️

♦صحافة العالم كله كتبت عن العبور و التمكن من الجبهة
• دير شبيجل مانشيت :رئيسي المصريون و السوريون سيبيدون اسرائيل
• نيوزويك مانشيت : اندلعت حرب الشرق الاوسط الكبري
و تحت المانشيت صدمة مما فعله الجيش المصري
• الجارديان مانشيت : الجيش المصري و الجيش السوري علي خط المواجهة .. الجيش المصري استعاد سيناء

اللي حصل حقيقة و واقع لا يمكن تزييفه و لا تزويره 🤷🏻‍♀️🤷🏻‍♀️

🔹الحقيقة ان احنا الدولة الوحيدة اللي قدرت تسعيد ارض احتلتها اسرائيل و تفكك مستوطنتها و تطردها
و تمنعها من العودة لها مجددا
🔹الحقيقة ان قرار وقف اطلاق النار اتخذته امريكا انقاذا لاسرائيل مش لمصر بعد فشل الجسر الجوي في قلب المعادلة لصالح اسرائيل
🔹الحقيقة ان جولدا مائير فضل يتحقق معاها 8 شهور كاملة في اسباب الهزيمة اللي لحقت بيهم و كذلك التحقيق مع موشي دايان
و عزل 13 قيادة من الجيش و الموساد و تحديد اقامتهم في بيوتهم

♦والحقيقة اللي اصبحت بوضوح الشمس ان كل الصهاينة بيتفقوا في كراهية 6 اكتوبر لأنه بيفكرهم بتدمير أجندتهم اللعينة
الاخوان الصهيونيين أبناء حسن الساعاتي اليهودي و النزعة الصهيونية اللي اتربوا عليها .. الجولاني الارهابي او في رواية اخري " ديفيد ناثان " ظابط الموساد اللي اتصعد لحكم سوريا و اول قرار كان إلغاء الاحتفال بحرب تشرين .. و كذلك اليمين المتطرف الصهيوني اللي عاملين زي العفريت اللي اتقرأ عليه آية الكرسي بقالهم كام يوم 😏😏

الحقيقة اللي محدش هيقدر يزيفها ما حيينا
اننا عبرنا القنال و دمرنا خط بارليف بخرطوم ميه و استردينا سينا و وصلنا لقلب الدفاعات الاسرائيلية و اخدنا آلاف الاسري و استردينا رفات ابناءنا و آسرانا من يوم النكسة و مسحنا آلام الهزيمة و مرارة النكسة
و صنعنا تاريخ جديد احنا ابطاله
و الجميع بجوارنا كومبارسات 🤷🏻‍♀️🤷🏻‍♀️

و بعد ما الصهيونية العالمية تيقنت ان مفيش حرب مع مصر تاني يقدروا عليها
هماااا اللي عرضوا السلام .. مش احنا🤷🏻‍♀️🤷🏻‍♀️

🔹لذلك .. الصياح السنوي لن يجدي
لأن الروايات التي سطرها أبطالها بالدماء و الارواح .. لا تحذف من ذاكرة التاريخ 👌🏻👌🏻

كل 6 اكتوبر و انتوا موجوعين .. اوي يعني 🙄

🔘 السرب شغال علي روتانا سينما

ارفعوا من معنوياتكم معايا

🔸الدواعش و الجماعات دول قتلوا المسلمين و المسيحيين و الدروز و الايزيدين و الملحدين و البهائيين و الهندوس و السنة و الشيعة و الصوفيين و عبدة القرود حتي

الغريب انهم مقتلوش يهودي واحد 🤔

🔹هاجموا كل دور العبادة
الاااا الكنيسات اليهودية

سبحان الله في الصدف دي 🙄

📌دايما بنسي كده ان اليهود أهل كتاب معاهدين
انما الباقي اهل كشكول 60 ورقة جلاد اخضر 😒😒

⚫ هابي خازوق داي للمنطقة :

الذكري الثالثة:
▪ لنجاح مخطط انهاء وجود فلسطين
▪و اتاحة الفرصة للصهيونية العالمية السيطرة علي المضايق الاكثر اهمية علي الاطلاق في العالم
▪و تسريح اكبر عدد من العاملة الوافدة في دول الخليج نظرا لظروف الحرب و توقف الانتاج
▪و خسائر 20 مليار دولار لقناة السويس
▪و انزلاق مصر في مستنقع غزة و تعطل المشروعات المستقبلية
▪و اتمام اكبر عملية نصب و احتيال في العالم يقوم بها ترامب في اسعار النفط و تحقيق مكاسب امريكية فقط
▪وبحث العالم عن ممرات ملاحية آمنة بعيدا عن قناة السويس
▪و ابادة اكبر عدد من النساء و الاطفال في القرن ال 21

صفقة قذرة قام بها مجموعة من الحمير .. لتحقيق مصالح مجموعة من الخنازير 👌🏻👌🏻

♦يلااااا الرهان التاني

يلااااا فتشوا نفسكم كده
2026 مفيهاش ضفة 🤷🏻‍♀️🤷🏻‍♀️

يلا متفرهدونيش
المصري يروح كده و اليورو يروح كده😎

🌺 ومع اولي فقرات حفلنا السااااااهر

نرحب بالاستاااااذ چامايكا و نقفل معاه الكوكب 😎😎😎

عيد ميلاد عم المجااااال كله 😂😂

🌺 ومع تااااني فقرة من فقرات حفلنا العسسسسسسل السكر


بناتات قلبي
اخواااااتي و حبيباتي ❤💋❤

اللي عمر المسافات ما هتبعد بين قلوبنا ابدااا
و كل سنة و انتوا فرحتي في عيد ميلادي 💋💋