صندوق النقد مبسوط و بيقول الاقتصاد بيتحسن .. الريس مبسوط و بيقول الاقتصاد بيتحسن و المشكلة مش في الحكومة المشكلة فينا احنا و رئيس الحكومة مبسوط و اتعمله منتدي اتصرف عليه ملايين عشان روحه المعنوية ترتفع

الدولار يقترب من 60 ج زي ما صندوق الغم مخطط .. دي تفاصيل فرعية ياجدع متهمناش في حاجة😒
" بيقولك چيلان قاسم معلقتش علي المنتدي .. طب افتكر اني قولتلك بلاااااش 🙄 "

🔵 تدعو مصر لايه 🤔

احنا رسمنا
و خلصنا
ووثقناها في مجلس الامن
ومعانا خرايط🤷🏻‍♀️

📌مفيش نقاط تماس ما بيننا و ما بين تركيا لأن تركيا ملهاش عندنا حدود اصلا 🤷🏻‍♀️

محدش في الميديا كلها و لا حتي في الاعلام جرؤ يقول ان تركيا هتضربك في ضهرك غييييري .. كله سمعا و طاعة و دلدلة رقاب
و محدش قال ان حفتر خاين و لازم ينداس عليه بالجزمة زي السوستة العاصية عشان اول ما هترفع الحزمة هينط في وشك يعورك غيييري
كله كان بيقدم فروض الولاء و الطاعة التعريضية " بال ص "🙄
احنا داخلين علي حوار رذل بتديره اسرائيل و تركيا مستهدف السيطرة علي غاز شرق المتوسط اللي قامت عشانه ليلة 2011👌🏻

🔵 #نبذة_عن_2027:

سبق و قولنا ان احنا في نهاية دورة ماسونية
و الدورة الجديدة تبدأ مع بداية 2027

كل دورة جديدة بترتبط ب خريطة جديدة
اما خريطة سياسية .. او خريطة نفوذ اقتصادي
او احيانا الاتنين حسب اولوية الاجندات 👌🏻

📌المرة دي الخريطتين معا
🔹خريطة سياسية جديدة
فيها حدود جديدة لدول قائمة بالفعل و اتغيرت حدودها بالتوسع او التقلص
و دول لم تكن موجودة سابقا و سيتم نشأتها .. نقدروا نقولوا دويلات 👌🏻
و دول هتقع تحت نفوذ الكاوبوي

في 2026 قولنا ان فنزويلا معاه
في 2027 هياخد كوبا و كولومبيا
و هينتهي وجود الارجنتين لصالح اسرائيل .. لأن اسرائيل هتنهي سيطرتها علي مناطق الموارد في الارجنتين
" احنا كنا حكينا حكاية شعب المابوتشي و لا لأ 🤔 "

المهم يعني ان الحكومة الارجنتينية نفذت حملة ابادة في شعب المابوتشي و بعدها حملات تهجير للسكان الاصليين و تم بيع الاراضي لشركة منيتون الايطالية اللي بيملكها احد انبياء المال اليهود الاسرائيليين لتنفيذ توسعة اقتصادية معينة 👌🏻
" هراجع كده لو مقولتش موضوع المابوتشي ده قبل كده .. هبقا اشرحه بالتفصيل "

♦ الخريطة السياسية لازم هيتبعها خريطة نفوذ اقتصادي جديد
قبل ما نروح ل 2027
هيتم اعادة تقسيم العالم من جديد

🔸من 2014 وضعت روسيا و الصين أجندة لاقامة عالم متعدد الاقطاب " من وقت عودة القرم لروسيا "
و حددوا اللاعبين اللي هيكونوا معاهم
عالم متعدد الاقطاب معناه عالم اكثر عدالة و تكافؤ فرص
مش بقول عادل .. لأن العالم ده اصلا عالم قذر
لكن يكون فيه نسبة مرضية للشعوب من العدالة و تكافؤ فرص الحياة

روسيا و الصين التزموا
لكن بعض اللاعبين الاساسيين اتسحلوا في حوارات مش بتاعتهم و عطلوا هيكل العالم ده 😏😏
" اشتغلتهم امريكا و فوتت عليهم فرص انهم يكبروا "
لذلك في ترتيب اوراق بيحصل
ان امريكا بتقول لا معلش انا معاكم يا جماعة

التلاتة الكبار بقا
روسيا – الصين – امريكا
هيقعدوا مع بعض لاعادة ترتيب الاوراق
و كله بيقدم حسن النوايا لبعضه أهووو 🤷🏻‍♀️
▪ترامب حاطط علي اوكرانيا و زيلينيسكي بيشهر ب امريكا انها بلد خاينة
و اوروبا في ظل الحرايق الاحتجاجية اللي عندها لا يجرؤ حاكم منها انه يخرج يورو واحد مساعدات ل اوكرانيا
في خلال الاثناء دي بوتين بيفرم في صمت
▪ترامب عارف كويس ان بدايات اشعال هذه الاحتجاجات الاستخبارات الروسية
و لم يعلن اي دعم لاي دولة
بالعكس بيبدي الشماتة و بيستغل الاحداث الاوروبية لتخويف الناخب الامريكي
▪الهجمات السيبرانية اللي بسببها كل يوم يطلع حد يطلب من شعبه تخزين الطعام و الاحتفاظ بالكاش في البيوت
وراه الصين .. دي لعبتهم المفضلة
▪الصين رفعت ايديها عن الاستثمار في جرينلاند " اللي كان مخلي رئيس وزراءها رافض الذهاب للتبعية الامريكية .. معتمد علي ان الصين واقفة معاهم "
بعد اللقاء بين ترامب و تشي .. الصين قالت لا خلاص مليش علاقة بجرينلاند
في المقابل لم يعد ترامب يشير من قريب و لا من بعيد ل تايوان .. لدرجة ان الاعصار اللي حصل من كام يوم ده .. طلبوا منه دعم قالهم الصين اقرب لكم مني كلموهم 👌🏻
▪الصين و روسيا بطلوا يجيبوا سيرة فنزويلا و مادورو
" ياااه بالسهولة دي 🤔
و الله الخيانة عنده من اخطر المؤسسات في اي دولة .. الجيش و القضاء باعوه للامريكان 🤷🏻‍♀️
ان كان اهلك باعوك عشان الفلوس .. مش هبيعك انا عشان مصلحة بلدي و شعبي 🤷🏻‍♀️"
▪ما يحدث في الشرق الاوسط بيصب في مصلحة روسيا و الصين بشكل مؤقت و امريكا بشكل دائم
ازاااااي 🤔
• وقف الامداد السلعي من المنتجات الصينية لاوروبا بيخنق الاسواق الاوروبية اكتر
و لما يخنقها يزيد من غضب الشعوب
و عشان الحكام يحتوا هذا الغضب هيقدموا تنازلات للصين
من اهمها 👈🏻الصين هتحط الرسوم الجمركية اللي علي مزاجها 👌🏻
• نفس الحال بالنسبة لروسيا
احنا بدأنا الشتاء بالفعل في اوروبا .. امدادات الطاقة اللي كانت بتيجي من الخليج لاوروبا هي اللي خلت اوروبا صمدت شوية امام الاستغناء عن الغاز الروسي
طب لما يتوقف طاقات الخليج كمان 👈🏻 تركيع اوروبا
لأن الشعوب الثائرة دي و اللي بتكسر العواصم و بتحاصر البرلمانات لن تتحمل صقيع آخر و لا فواتير باهظة في مقابل الحصول علي الدفء
هتكون ورقة ضغط من الشعوب علي الحكام لرفع العقوبات عن روسيا
• وطبعا المستفيد الاكبر هو امريكا انها تحقق اهدافها من تطبيع السعودية و اسرائيل .. الي ايجاد قدم لنفسها في الممرات الملاحية 👌🏻

ف الناس دي هتقعد مع بعض و توزع الغنايم العالمية
افريقيا من نصيب روسيا و الصين .. و امريكا اللاتينية من نصيب امريكا ما عدا البرازيل 👌🏻

🔸و طبعا في الكومنتات هتسأل 👈🏻 طب ومصر 🤔
مالها مصر يافندم
حضرتك اللي اخترت الحيادية ومسك العصاية من المنتصف
و الانشغال بحل الدولتين و توحيد الدول 🤷🏻‍♀️

موضوع ان اسرائيل تتوسع و تكبر ده ميهمش الصين و روسيا في حاجة
ده لو الصين لقت ان اسرائيل اصبحت تملك تمركزات لوجيستية كتير علي السواحل .. هتدخلها اتفاقية الحزام و الطريق كمان 😒😒

و اقولك كمان ولاااا يهم الفلسطينيين نفسهم و بيتظاهروا قدام المعبر عشان يخرجوا برا غزة و يعملوا لم شمل سواء في مصر او مصر تسفرهم برا

🔹برا فيييين 👈🏻 فاكرين براجراف الاوطان البديلة في الفراندة
اهو ترامب بيعيد حيازة الدول له عشان ترتيب الشعوب من اول و جديد 🤷🏻‍♀️🤷🏻‍♀️

"شكل الخريطة الجديدة في دماغي بس بحاول اصيغه في داتا "

🔘 النقطة اللي مش هتغير شئ في التفاصيل دي 👈🏻 الانتخابات الاسرائيلية
نابليون بونابرت كان له مقولة ان الشعوب الغبية تستحق ما يحدث لها من عواقب
المقولة دي بتنطبق علينا
الناس بتدعم غادي ايزنكوت علي أساس انه هيجي رئيس وزرا بعدها هيقوم الصبح يقول انا حاسس اني عايز ابقا طيب .. انا بحب كل الناس
خد يابني غزة رجعها .. و صحي چوزيف عون من النوم قوله دي مفاتيح جنوب لبنان و ده طبق قطايف من بابا ايزنكوت
و ابعتوا حد يصالح مصر و اديهم بوكيه ورد و شيكولاتة
انا بحب كل الناس و قد ايه احساس علي رأي الشحرورة 🙄

عالم عبيطة تستحق فعلا انها تبقا مفعول به
التعابين مفيهاش مؤمن
و مفيش رئيس وزرا في اسرائيل يجرؤ يضيع مكتسب واحد حققه نتنياهو 🤷🏻‍♀️
ايزنكوت الطيب الكيوت ده يبقا ال case officer بتاع رئيس استخبارات المغرب اللي بيتجسس علي عرب شمال افريقيا لصالح اسرائيل
• سنة 2006 عمل حاجة اسمها عقيدة الضاحية .. اللي جاب علي اساسها موافقة من الكنيست لاستخدام القوة الغير متناسبة في جنوب لبنان و اباد بيها الاف اللبنانيين
• سنة 2018 اتكلف بمسيرات العودة
و نشر 100 قناص علي خط عودة الغزواية بعد النزوح و عودتهم لبيوتهم
و بقوا يصطادوهم كأنهم بيصطادوا عصافير في يوم واحد اسقط 189 طفل
• غير انه اصلا كان عضو في حكومة الحرب من اول سنة 2023 و ابنه مات في غزة و كان بيوافق علي كل خطوات نتنياهو ... و هو اللي امر بضرب المستشفي المعمداني 🤷🏻‍♀️

يعملكم ايه تاني عشان يثبتلكم انه سفاح يعني 😒😒

♦كمان الاخوان المسلمين لعبوا دورهم المفضل و هو دعم ومساندة سيدهم نتنياهو
ما هو في اخوان مسلمين اسرائيليين يا عزيزي 👌🏻
متزعمهم برلمانيا منصور عباس رئيس كتلة الاخوان في الكنيست و عضو القايمة العربية في الانتخابات
اشاعوا طبعا انهم بيدعموا ايزنكوت و واقفين في التحالف بتاعه للخلاص من نتنياهو من اجل غزة و القدس
طبعا ده حفز اليهود اليمينيين كلهم للنزول لانقاذ نتنياهو من السقوط .. و الناخبين الاسرائيليين عاملين نسبة مشاركة 77% .. دي اعلي نسبة في العالم اساسا 🙄

و انا اجزم ان كل الاخوان صوتهم لنتنياهو و حزب الليكود

📌 المؤشرات انهاردة بتقول ان نتنياهو معاه 55 مقعد من اصل 120
و لابد من الحصول علي 61 مقعد
طب لو فاز ايزنكوت و ده احتمال بعيييييد
ده مش معناه ان نتنياهو يمشي 🤷🏻‍♀️🤷🏻‍♀️
▪لأن الامر بيخضع للتحالفات بقا
انه ممكن يجيب ال 6 مقاعد الباقيين من الاحزاب اليمينية زي حزب بن غفير و لا سيموتريتش

▪طب النتيجة النهائية يوم 4 نوفمبر
نتنياهو لو معرفش يجيب ال 6 مقاعد هيمشي يوم 5 نوفمبر
لأ 👈🏻 هيمسك رئيس حكومة تصريف الاعمال لمدة 8 شهور اللي هي وقت تشكيل الحكومة الجديدة
يعني لابسين فيه في 2027 🤷🏻‍♀️🤷🏻‍♀️

نتنياهو امبارح الضهر كان استطلاعات الرأي بتقول ان ايزنكوت متقدم
بعد مؤتمر الاخوان المسلمين و شعارهم القائمة العربية اسقطت نتنياهو
الاسرائيليين سابوا اشغالهم وراحوا يتخانقوا علي ابواب اللجان من اجل التصويت لنتنياهو 🤷🏻‍♀️🤷🏻‍♀️

و سيظل الاخوان محتلين واحد من اوائل الترتيبات في الوساخة 👌🏻👌🏻

نكبر كده بتفكيرنا
العملية الانتخابية الاسرائيلية معقدة للغاية
و مفيش حد هيجي في اسرائيل ياخد العرب بالحضن و يرسي دعائم الحب و المودة
نفكنا من التحليلات اللوذعية المتخلفة عشان احنا ماشيين بالعلاج 🤷🏻‍♀️🤷🏻‍♀️

🔘 يعني مش كان الواحد خلف ولد و اداله اعدادية قد الدنيا و بقا وزير تعليم
و قيف مواد قانون علي قد البيزنس بتاعي🥹
عيني علينا و علي بختنا 🥹

📌مدارس نيرمين اسماعيل ترسل ايميلات لأولياء الامور بضرورة سداد 52 الف جنيه قيمة تدريس مواد الهوية " الهئ هئ هئ"
لو عندها 1000 طالب .. ييقا هتلم 52 مليون جنيه في سنة 🤷🏻‍♀️

أهو ده بر الوالدين اللي علي حق
مش تقولولي طقم كوبايات و طرحة في عيد الام

🔹وعشان يلتحقوا الطلبة دول بالكليات الحكومية لازم يجيبوا 100% .. قوم اييييه ميقدروش
قوم اييييه يروحوا علي الكليات الخاصة
قوم يعملوا اجمالي ايراد 120 مليار جنيه " وزير التعليم بردو له فيهم بيزنس 👌🏻"

احلي بيزنس وناخد عليه موافقة و نبقا وطنيين كمان لما نتسول التعاطف باسم الدين

و البجح يقولك هذا الكلام عاري من الصحة .. أهي امك نفذت
قولتلكم من اول يوم 👈🏻في تهليبة من ورا القانون ده .. ده اصلا واحد مكملش تعليمه لا يفقه قيمة العلوم 👌🏻

" مدبولي بقا هيعمل قوانين تحمي عصابة الاربعين حرامي بتاعته من سلبيات السوشيال ميديا .. ابقا بله و اشرب ميته 🙄"

🔘 هيئة البث الاسرائيلية
و ده ايتاي بلوميتال مراسل عسكري مشهور

في خلال ال 24 ساعة الماضية هبوط 10 طيارات شحن عسكري اتحركت من قواعد تكساس الجوية محملة بعتاد و اسلحة و هبطت في قاعدتين عوفادا و نيفتام الاسرائيلية
و قاعدة انسرليك التركية 😂

🔹و ده في ظل التجهيز للضربة الجديدة علي ايران مقتبل نوفمبر

📌 تقوم ايران ترد
تضرب اسرائيل او تركيا 🤔
نووووو تضرب السعودية و الامارات و الكويت و مول الخليج في البحرين .. معروفة 🤷🏻‍♀️🤷🏻‍♀️

♦اليوم 8:30 بتوقيت مصر
اول سيشن علوم سياسية
علي قناة الدار و المدار

ده اللينك
https://t.me/+EoJAtEMF5whmNjE0

🔹تاااااني 👈🏻 سيادتك لو مش معايا هنا
مش هقبل انضمامك لها 👌🏻

يعني حضرتك تظهر معايا علي الجروب الاساسي عشان اعرف انك معانا

🔘 لااااا يكف الاخوان المسلمين عموما و الفلسطينيين خصوصا عن ابهارنا في إنهم بيعلوا علي نفسهم في الوساخة 🤷🏻‍♀️🤷🏻‍♀️

📌 شروط ايزنكوت :
▪قبول اعلان استقلال اسرائيل
و ده اعلان سنة 1947 اللي فيه الامم المتحدة بتعلن استقلال اسرائيل و عدم وجود ما يسمي بالدولة الفلسطينية لعدم وجود حدود لها 👌🏻
" ده الاعلان اللي بناءا عليه بيكسبوا دايما جولات رفض حل الدولتين "
▪الاعتراف بحماس منظمة ارهابية و يجب تفكيكها
▪علي جميع الشباب في سن التجنيد ممن يحملون الجنسية الاسرائيلية " أيا كانت ديانتهم"
▪الاعتراف بالدستور الاسرائيلي الذي ينص علي انها دولة ديموقراطية و ان جيشها يسمي جيش الدفاع 👌🏻

يارب الموتورين و المأفونين يفوقوا بقا 🤲🏻🤲🏻

🔵 ترامب عايز يقعد فترة تالتة
لكنه للاسف مصطدم بالدستور اللي بيمنع ده

و مش عارف ازاي يقنع الشعب الامريكي انه يجري تعديلات دستورية
" اصل ده حدث خرافي خزعبلي في امريكا .. تعديلات ايييييه ودستور ايه اللي تقرب منه انت مجنون و لا ايه😳😳 "

بالله يا جماعة لو حد معاه رقم الاستاذ مصطفي بكري يديه لترامب يحل له الازمة دي
ده احنا معندناش اسهل من الاقناع بحتمية التعديلات الدستورية
او الاووستاظ نأشت الديكي بتاع سألت الرئيس بوتين في الكركليم و اللقاءات الصحفية دارت في الكرمليم واتصورت في الكريمليم 🙄🙄