🔘 يعني مش كان الواحد خلف ولد و اداله اعدادية قد الدنيا و بقا وزير تعليم
و قيف مواد قانون علي قد البيزنس بتاعي🥹
عيني علينا و علي بختنا 🥹

📌مدارس نيرمين اسماعيل ترسل ايميلات لأولياء الامور بضرورة سداد 52 الف جنيه قيمة تدريس مواد الهوية " الهئ هئ هئ"
لو عندها 1000 طالب .. ييقا هتلم 52 مليون جنيه في سنة 🤷🏻‍♀️

أهو ده بر الوالدين اللي علي حق
مش تقولولي طقم كوبايات و طرحة في عيد الام

🔹وعشان يلتحقوا الطلبة دول بالكليات الحكومية لازم يجيبوا 100% .. قوم اييييه ميقدروش
قوم اييييه يروحوا علي الكليات الخاصة
قوم يعملوا اجمالي ايراد 120 مليار جنيه " وزير التعليم بردو له فيهم بيزنس 👌🏻"

احلي بيزنس وناخد عليه موافقة و نبقا وطنيين كمان لما نتسول التعاطف باسم الدين

و البجح يقولك هذا الكلام عاري من الصحة .. أهي امك نفذت
قولتلكم من اول يوم 👈🏻في تهليبة من ورا القانون ده .. ده اصلا واحد مكملش تعليمه لا يفقه قيمة العلوم 👌🏻

" مدبولي بقا هيعمل قوانين تحمي عصابة الاربعين حرامي بتاعته من سلبيات السوشيال ميديا .. ابقا بله و اشرب ميته 🙄"

🔘 هيئة البث الاسرائيلية
و ده ايتاي بلوميتال مراسل عسكري مشهور

في خلال ال 24 ساعة الماضية هبوط 10 طيارات شحن عسكري اتحركت من قواعد تكساس الجوية محملة بعتاد و اسلحة و هبطت في قاعدتين عوفادا و نيفتام الاسرائيلية
و قاعدة انسرليك التركية 😂

🔹و ده في ظل التجهيز للضربة الجديدة علي ايران مقتبل نوفمبر

📌 تقوم ايران ترد
تضرب اسرائيل او تركيا 🤔
نووووو تضرب السعودية و الامارات و الكويت و مول الخليج في البحرين .. معروفة 🤷🏻‍♀️🤷🏻‍♀️

♦اليوم 8:30 بتوقيت مصر
اول سيشن علوم سياسية
علي قناة الدار و المدار

ده اللينك
https://t.me/+EoJAtEMF5whmNjE0

🔹تاااااني 👈🏻 سيادتك لو مش معايا هنا
مش هقبل انضمامك لها 👌🏻

يعني حضرتك تظهر معايا علي الجروب الاساسي عشان اعرف انك معانا

🔘 لااااا يكف الاخوان المسلمين عموما و الفلسطينيين خصوصا عن ابهارنا في إنهم بيعلوا علي نفسهم في الوساخة 🤷🏻‍♀️🤷🏻‍♀️

📌 شروط ايزنكوت :
▪قبول اعلان استقلال اسرائيل
و ده اعلان سنة 1947 اللي فيه الامم المتحدة بتعلن استقلال اسرائيل و عدم وجود ما يسمي بالدولة الفلسطينية لعدم وجود حدود لها 👌🏻
" ده الاعلان اللي بناءا عليه بيكسبوا دايما جولات رفض حل الدولتين "
▪الاعتراف بحماس منظمة ارهابية و يجب تفكيكها
▪علي جميع الشباب في سن التجنيد ممن يحملون الجنسية الاسرائيلية " أيا كانت ديانتهم"
▪الاعتراف بالدستور الاسرائيلي الذي ينص علي انها دولة ديموقراطية و ان جيشها يسمي جيش الدفاع 👌🏻

يارب الموتورين و المأفونين يفوقوا بقا 🤲🏻🤲🏻

🔵 ترامب عايز يقعد فترة تالتة
لكنه للاسف مصطدم بالدستور اللي بيمنع ده

و مش عارف ازاي يقنع الشعب الامريكي انه يجري تعديلات دستورية
" اصل ده حدث خرافي خزعبلي في امريكا .. تعديلات ايييييه ودستور ايه اللي تقرب منه انت مجنون و لا ايه😳😳 "

بالله يا جماعة لو حد معاه رقم الاستاذ مصطفي بكري يديه لترامب يحل له الازمة دي
ده احنا معندناش اسهل من الاقناع بحتمية التعديلات الدستورية
او الاووستاظ نأشت الديكي بتاع سألت الرئيس بوتين في الكركليم و اللقاءات الصحفية دارت في الكرمليم واتصورت في الكريمليم 🙄🙄

🔵 #لعبة_الديموقراطية:

فاكرين محمد صبحي في مسرحية تخاريف اما بيقول للمواطن 👈🏻 بالدستور اعطيتك الكلمة و بالدستور سحبتها منك 🤔

📌 اللي اتعمل في انتخابات اسرائيل ده محتاج حد يطيب بخاطر ابليس
لأنه معديه بشوية

🔹ال4 احزاب عربية اللي منهم كتلة الاخوان المسلمين
و اللي الطيبي رئيس حزب القائمة الموحدة مش مبطل صياح انه هيغيروا رئيس الكنيست .. وهيجيبوا رئيس كنيست عربي
ادوا دور وظيفي يستحقوا عليه جايزة اوسكار 🤷🏻‍♀️🤷🏻‍♀️

نتنياهو لازم يكسب 👈🏻 عشان يكمل مهمته في فرض الخريطة الجديدة لاسرائيل
و لكن عشان يكسب
لازم يكون بطريقة ديموقراطية

▪ تميم بن موزة يغدق علي الاحزاب العربية و الاخوان بالفلوس 👈🏻ده يتيح لهم تمويل يدفعوا رشاوي انتخابية للحشد للتصويت بين مجتمع عرب اسرائيل 👈🏻 هووووب الاحزاب العربية تحصد 19 صوت 👈🏻 يروح ايزنكوت بصفته المعارضة يتحالف معاهم 👈🏻يوصلوا ل 48 مقعد و نتنياهو ل 53 مقعد 👈🏻يطلع يصيح احمد الطيبي ان رئيس الكنيست القادم عربي مسلم و يصيح جنبه منصور عباس اننا سنحكم اسرائيل 👈🏻 تبدا القنوات ال 14 و ال12 تنزل اخبار الرشوة القطرية الانتخابية للسيطرة علي اسرائيل 👈🏻 ينزل يتظاهر الاسرائيليين في تل ابيب امام الكنيست انهم ينقذوا اسرائيل 👈🏻 الكنيست يلجأ للمحكمة الدستورية 👈🏻 اللي بتستند الي فضيحة تمويل الاحزاب العربية من قطر للعبث بالانتخابات 👈🏻 وتصدر حكمها بشطب القائمة العربية بال 19 مقعد بتوعها 👈🏻يقوم يتقهقر ايزنكوت ل 29 مقعد و يتصدر نتنياهو بعد مقاعد الانحياز ل 56 مقعد و يبقا فاضله 5 مقاعد علي تشكيل الحكومة

و اغرورقت عيناه من الدمع
و حدق في سارة قائلا : شايفة تميم ده .. اهم عندي من ابنك الصايع يائير 🥹🥹

🔸ايه يا شيخ تميم العظمة دي
ده انت اخون من الاستاذ نور الشريف في بئر الخيانة .. ده انت اللي شربت مية البئر ده كله 🙄🙄

و بكده يا ولاد
يبقا الانتخابات مشيت بالديموقراطية
لكن العرب هما اللي مقدروش نعمة الديموقراطية الاسرائيلية و اخدوا رشاوي
عشان يأذوا هذا المجتمع الطيب اللي احتواهم
و علينا ان ندعم استمرار نتنياهو الوحيد القادر علي حماية دولة اسرائيل 🤷🏻‍♀️🤷🏻‍♀️

حبايينا العبط اللي كانوا معشمين نفسهم ب ايزنكوت علي اساس ان التعابين فيها مؤمن .. العواف عليكم 😎

🔵 #سكان_كوكب_الاوهام:

لو مدينا خط مستقيم في عقليات المهللين لانتصار الحزب الديموقراطي الساحق
▪ هنلاقيهم هما هما اللي هللوا لفوز ترامب في 2024 علي اساس انه هيوقف الحروب
وكانوا بيروجوا لأن الرئيس السيسي مجند ترامب مقابل 10 مليون دولار سنويا " هو الادمن بتاع جروب الاسكريبتات مكنش يعرف ان في ارقام بعد ال 10 مليون 🙄 .. مفكر بعدها علامة ∞"
▪ هما هما اللي ايدوا نجاح بايدن عشان اتقمصوا من ترامب لما اعلن القدس كاملة عاصمة اسرائيل
▪ هما هما اللي فاكرين ايزنكوت بيبيع سبح في الحسين مع انه مثله الاعلي اريل شارون
▪ و لو طولت بالخط شوية هتلاقيهم بتوع بوستات المجهولة و الزغلولة و اثبت حضورك ب تحيا مصر و لو بتحب مصر اعمل لايك و لو بتكره اسرائيل اعمل ريأكت هاها 🙄
▪ هما بردو اللي هللوا لزهران ممداني اللي بعد الفوز راح باس علي ايد حاخامات ايباك
و حاليا بيهللوا للواد الجربوع عبدول السيد اللي اصلا تنصل من مصريته و أهان مصر كلها لما قال انه بيشكر والده علي الهجرة لامريكا و إلا كان زمانه في مصر شغال سواق تاكسي زي ولاد عمته " مؤيدين بلا كرامة 🤷🏻‍♀️ "

هي دي يا عزيزي القماشة المتاحة
عقليات مهزقة علميا
تعلق حريتها و استقرارها بدول تانية خاااالص .. تبحث عن المخلص في بقاع اخري

♦يعني مثلا تاريخ الديموقراطيين مع العالم :
▪ رودرو ويلسون مثلا دخل الحرب العالمية الاولي جنب دول الوفاق
▪ روزفلت و هاري ترومان ورطوا اوروبا ماليا اثناء دعم امريكا لها في الحرب العالمية التانية و دي كانت مقدمة مخطط صعود الدولار
▪ ترومان اللي جاب اجل كوريا الجنوبية لما استخدمها بالوكالة لمحاربة الصين و الاتحاد السوفيتي
▪ حرب فيتنام اللي اشعلها كينيدي و چونسون
و كانوا في منتهي الوحشية مع الفيتناميين
▪ محاولة الاطاحة بفيدل كاسترو في كوبا و ازمة الصواريخ الكوبية و حرب خليج الخنازير عملها چون كينيدي
▪ حرب الدومينيكان اشعلها ليندون چونسون
▪ بيل كلينتون و التدخل ضد يوغوسلافيا بزعم انقاذ ألبانيين كوسوفو
▪ ضربات اوباما علي ليبيا سنة 2011 وقبلها من 2009 و التوحش الغير ادمي مع الافغان في افغانستان ... ومش بتكلم علي طالبان و لا القاعدة .. بتكلم علي ملايين المدنيين اللي سقطوا ضحايا
▪ اوباما و عملية عمود السحاب الاسرائيلية علي غزة و 9 مليار دولار مساعدات عسكرية في شهرين لاسرائيل
و في 2014 العصف المأكول علي غزة
و بعده چو بايدن عملية حارس الاسوار في 2021 اللي مصر طلعت فيها نص مليار دولار مساعدات اعادة اعمار
و في 2023 عملية طوفان صهيون " و بندفع فيها الجلد و السقط حاليا الحمد لله 🙄 "

لا في جمهوري و لا ديموقراطي هيعمل لصالح اي مكان في الكوكب غير امريكا 🤷🏻‍♀️🤷🏻‍♀️

🔸اهو مكسب الديموقراطيين ده في الكونجرس مثلا هيديهم حق التصويت بالاغلبية علي وقف المعونة العسكرية لمصر اللي لسسسسسه كنتوا بتهللوا لها من اسبوعين 🤷🏻‍♀️

لان الديموقراطيين اصلا شايفين ان الحكم في مصر حكم عسكري فاشي
بايدن كان بيقول علي الرئيس 👈🏻ديكتاتور ترامب المفضل
و چون ماكنزي في كل جلسات استماع الكونجرس بخصوص مصر كان بيخرج بنتيجة واحدة 👈🏻اننا دولة فاشية ديكتاتورية

اوباما نفسه معترفش ان 30 يونيو مش انقلاب الا في نهاية 2015
وكان بيردد دايما 👈🏻 جنرال سيسي قائد الانقلاب
ومعترفش عشان بقا يحبه
لااا خاااالص
دي ضغوط دبلوماسية بعد عملية العصف المأكول علي غزة .. عشان الخليج كانوا راهنين تمويل اعادة الاعمار بالاعتراف بإن ما حدث لم يكن انقلاب انما ثورة و ارادة شعب
و اسرائيل نفسها موقفتش للموضوع
لأن الحكومة الاسرائيلية بتحصل علي 31.5% ضرائب من اموال اعادة الاعمار او التبرع لغزة او الضفة 🤷🏻‍♀️🤷🏻‍♀️

◾يا حبيبي انت منطقة مفعول بها و ليست فاعل
يعني هتقعد تنتظر الامر يرسي علي ايه في امريكا ... و تأثيره عليك
زي ما بايدن في 2022 تحول لبطة عرجاء بعد فوز الجمهوريين
ترامب كمان تحول لبطة عرجاء
لكنه يملك حق الفيتو
يعني هيقعدوا يرازوا في بعض ثم يذهبوا للموائمات 👌🏻👌🏻

🔘 الصح انك تفهم ايه اسباب فوز الديموقراطيين
ايه اللي خلي المواطن الامريكي بعد ما هزم كامالا هاريس .. تخلي عن الجمهوريين
▪ هتلاقيها في التفاصيل اللي استغلها المرشحين الديموقراطيين زي عبدول لما اشتغل علي ارتفاع اسعار الغذاء و البنزين و انفاق الضرائب علي تمويل اوكرانيا و اسرائيل و ليس علي التعليم
▪ كمان اللي فاز في تكساس چيمس تالاريكو ابن بالتبني لعائلة ايطالية مهاجرة و تالاريكو لقب زوج امه اللي اتبناه
اشتغل في حملته علي قضايا المهاجرين اللي مرمطهم ترامب ... و كذلك الاطفال المتبنيين اللي اعتبرهم ترامب و حملته اطفال العار

▪ دور الاعلام " الاعلام المحترم المثقف 🙄 " زي تاكر كارلسون مثلا
المؤيد بشدة لترامب وقت حملته الانتخابية لأنه آمن بمقولة وشعار ترامب " لنجعل امريكا عظيمة مجددا "
فجأة حس انه اتخدع
و ان ترامب مش البطل الامريكي الوطني
و انه بيعمل لمصالح دول اخري زي اسرائيل
ان الوعود اللي وعدها للناخبين و روج لها كارلسون في كل حلقاته
خفض التضخم - حياة افضل للمولطن الامريكي - التركيز علي دعم التعليم و تمويله - توفير وظائف و اعانات بطالة محترمة - دعم عمليات السلام و اخراج امريكا من دايرة الحروب

كل ده طلع دعاية انتخابية
و ترامب اهمل المواطن الامريكي و فقره بسبب اساطير مسيطرة علي دماغه و جنون العظمة و الايجو اللي فشخ دماغه نصين
السعي ورا مجد مزيف مصنوع علي الايد .. لكن الحقيقة انه ورط بلده و شعبها

ده خلي تاكر كارلسون يتراجع عن دعمه
لان ولاءه للوطن .. للمواطن
مش لشخص زائل 🤷🏻‍♀️👌🏻

جرأة تاكر كارلسون
و صراع ترامب مع الصحافة
انه عايزهم يطبلوله بس
قلب الاعلام علي الجمهوريين عموما

لذلك الناخب تأثر
• احوال اقتصادية سيئة
• نقص سلاح في المخازن
• تردي حال التعليم
• ضرايب عالية
• ارتفاع اسعار الديزل و البنزين

عناصر كافية انها تحول دفة الناخب الي الديموقراطيين لعل و عسي يصدقوا في وعودهم 🤷🏻‍♀️🤷🏻‍♀️

📌 اثرياء سيلكون ڤالي نفسهم مولوا الديموقراطيين لوعدهم بخفض الضرائب علي البيزنس بتاعهم

ترامب حاول يرمي اخر كارت في ايده للناخب الامريكي
▪ هحاول ألم حرب ايران اللي مستنزفة تفكيري و اركز معاكم
▪ وقف المساعدات لاسرائيل بحلول نهاية العام عشان ضرائبكم تنفق من اجلكم
" هو كداب و عارف انه كداب و عارف ان الامريكان عارفين انه كداب 🙄 "

دي اسباب نجاح الديموقراطيين انهم يعملوا ريمونتادا زي اللي عملها الجمهوريين في 2022
عشان يفضل النهج السياسي متوازن
و يقبل به المواطن الامريكي
لا انت مهم عندهم و لا لك اي تأثير اصلا

و لو علي النواب المسلمين و السراب ده
ف رشيدة طلب فلسطينية
معملتش حاجة حتي و لا جناح فراشة في موقف فلسطين .. كبيرها تتقمص و تسيب الجلسة
و إلهان عمر اللي كانت بتصوت مع منع المساعدات عن الصومال بلدها الاصلي .. وطلعت اتجوزت اخوها عشان تستقدمه من الصومال
ف كفاية اوهام
و نصحوا من النوم كده .. نطسوا وشنا بشوية ميه ..... عشان نستوعب الصراعات الجديدة بين المعسكرين 😒😒

🔵 #عقليات_الماعز_الاليف:

في فيلم الماعز الاليف
المخالب اللي ماسكة خيوط الماريونت غيرت جورچ بوش الابن ل اوباما
من جمهوري لديموقراطي
و كل واحد فيهم ادي دوره المطلوب منه
▪ الجمهوري اجتاح افغانستان و العراق و دمرهم تماما و استولي علي كل ثرواتهم و تركهم بقايا دول و بقايا شعوب
▪ الديموقراطي من بعد السلام عليكم بتاعت جامعة القاهرة المنطقة كلها جابت دم 🙄
و تحولت دول صاحبة حضارات وتاريخ الي مأوي و تجمعات للتنظيمات الارهابية و الميليشيات
و ده سهل توسع خريطة اسرائيل 👌🏻

📌 الحقيقة ان في شئ مش مريحني لصعود كل النواب من اصول غير امريكية و تحديدا صعود عدد مسلم
مفيش صدفة في السياسة العالمية
و ده مش تفوق منهم
▪ لكن ده توجه لدعم فكر التهجير و الاوطان البديلة 👌🏻

المنطقة العربية وتحديدا الدول المطلوب تفريغها دول ذات اغلبية مسلمة
لذلك ما يحدث هو الاغراء المقدم لهم لترك دولهم 👌🏻
انت تقدر تنجح في مكان تاني
و توصل لأرفع المناصب الدبلوماسية كمان
لأن ارضك مفيهاش فرص
و قالها الجربوع عبدول انه لو استمر في مصر كان زمانه سواق تاكسي مش طبيب زي ما هو حاليا
علي اساس ان مصر عدمت الدكاترة و المهندسين و اساتذة الجامعات او حد قاله اننا قفلنا كليات الطب 😒

• الدكتور التاني آدم حمودي من اصل مصري و هاجر رضيع مع اسرته و عاش في نيوچيرسي
مواطن امريكي صالح
اشتغل في الخدمات الطبية للجيش الامريكي و سافر شارك في غزو العراق كمان وحاصل علي نوط الشجاعة العسكرية لخدمته في الجيش الامريكي .. جيش بلده 🙄
" ف نيلة عليه وعلي اللي خلفوه "

اااه كنت هنسي
بس راح غزة يعالج الاطفال و عالج 17 طفل جريح
لا كده تمام
مغفور له دم 3 مليون طفل عراقي
يغور اطفال الكوكب كله المهم اطفال البلاست الاسطورة .. غندور المجرة و دلوعته 👌🏻👌🏻

بالاضافة لنائبة من جيل زد عمرها 29 سنة من اسرة مهاجرة اثيوبية
بتخاطب اهلها في اثيوبيا
ان امريكا كانت و مازالت حليف موثوق فيه لدولة اثيوبيا

اتوقع ان كل الوجوه دي جاية بأجندة تأثيرية علي شباب المنطقة المبتلاة بتاعتنا

🔸وظهور الحزب الديموقراطي بمظهر الحزب الحاضن للمهاجرين و اللاجئين
ده وراه حاجة كبيرة

مين الحمار اللي قال ان ايباك مبتدعمش الجمهوريين
مين اللي مول حملة چورچ بوش و ابنه
و مين اللي دفع ل البانيا و مالطا رشاوي تصويتية عشان تصوت لضرب العراق

ماهي الايباك 🤷🏻‍♀️

اليستر كراولي اللي هو جد چورچ دبليو بوش و مؤسس كنيسة الشيطان
كان من اقرب اصدقاء اشعيا كاينين مؤسس الايباك
‏( ما فضحهم جوزيف كانون الصحفي و طلع علاقة بولين بيرس جدة بوش بأليستر و لقاءاته بيها في فرنسا و انه الوالد البيولوچي لباربرا مارفين ام چورچ دبليو
و ان مارفين بيرس زوج الام قبل بنسب البنت نظير ربع ثروة اليستر
و في النهاية انتحر الصحفي يا عيني .. رمي نفسه من الدور التاسع في بناية في لندن .. عاصمة الانتحارات 🙄‏)

المهم ان اللي بيحكم امريكا هو الايباك
و اي رئيس بيفكر يحيد هكا و لا هكا
بتحوله لبطة عرجاء
و انتفاضة قنوات و حسابات و مواقع الاخوان المسلمين للاحتفاء بعبدول السيد " مع ان في غيره مسلمين "
يعرفك توجه الواد ده و اجندته 👌🏻

🔘 النقطة الاخري 👈🏻 سقوط اوروبا
كل يوم بتدخل دولة جديدة علي الخط
و الحكومات عاجزة تماما حتي عن اصدار تصريحات
▪ هولندا هي كمان دخلت في الاحتجاجات
و اول مؤسسة هدف للمحتجين شركة مايكروسوفت
الهولنديين معترضين علي وجود الشركات ‏{ الاستثمارية ‏} بهذا العدد
لانها بتستهلك كميات كبيرة من السلع الاستراتيجية اللي بيحتاجها الشعب متمثلة في الكهرباء و الغاز والمياه " اللي بقا فيهم شح و الشتاء الاوروبي بدأ 👌🏻"
و ايضا تستحوذ علي الاراضي

📌 خلونا نقول انها معادلة غريبة شوية
يعني الشركات دي بتدفع مقابل الكهرباء و الغاز و المياه
و كمان بيدفعوا ضرايب
لكن الهولنديين شايفين ان لو الشركات دي ملك الدولة .. كانت الايرادات العملاقة عادت علي الشعب
و قدرت تجيب موارد تدفع تمن الغاز و الديزل 🤷🏻‍♀️🤷🏻‍♀️

📌 و ألمانيا الخراب و التدمير اللي فيها ده مش من الالمان
ده من اللاجئين
انما المواطن الالماني مواطن شوفوني جدا و قومي ميدمرش بلده و ينهبها
لذلك حزب البديل من اجل ألمانيا رفع شعار " الترحيل اولا " 👌🏻

و مازالت فرنسا بحكومتها بماكرونها ب بابا غنوج متجاهلة تماما ما يحدث من احتجاجات و تظاهرات
لدرجة ان مدينة ليون امبارح اعلنته الخميس الاسود لما حدث فيه من دماء و حرائق 👌🏻

♦غير تفاصيل تانية مؤدية لحالة ذعر في اوروبا عموما
▪ التوصيات المستمرة من الحكومات بتخزين الطعام و الادوية و الاحتفاظ بجزء كاش
ده مش عشان ضربات عسكرية ولا حاجة
الموضوع كله عبارة عن الهجمات السيبرانية اللي بتأثر علي انظمة تبريد و حفظ الطعام زي ما حصل في فرنسا و تلف اطنان من السلع الغذائية في ليلة و خسرت سلاسل السوبر ماركت 50 مليون يورو 👌🏻

نفس الهجمات بتطال خطوط تصنيع الادوية و ماكينات سحب الاموال و شبكات التليفونات
ما دي اصلا انيل من الحرب العسكرية
التجويع سلاح طبعا 🤷🏻‍♀️

▪ في ظل حالة الفوضي في الشوارع الاوروبية
الشرطة و الجيش مشغولة مع المحتجين
بيتم تهديد المطارات بالقنابل
و كذلك استهداف الطائرات
و لسه من كام ساعة هيئة الاذاعة الايرلندية تم اخلاءها بسبب قنبلة

سواء كان تهديد او حقيقة
فلا ننكر حالة الفزع اللي عايشين فيها 🤷🏻‍♀️

الغريب يا اخي ان ما يحدث اساسه هو تردي الاوضاع الاقتصادية
و عجز الرأسمالية عن انقاذ نفسها
و كشف قناع الرفاهية الزائف لاقتصاد السوق الحر
و مع ذلك الحكومات الغبية ذات النهج الفاشل الجاهل مصممة تخوض التجربة للاخر 🤷🏻‍♀️🤷🏻‍♀️

🔘 هل في ضربة نووية لايران :
الحقيقة اللي قال احتمالية الضربة النووية لايران هو تاكر كارلسون علي حسابه علي إكس
و ببررها انه قال ان جاتله معلومات من مصادر صحفية مقربة منه و من البيت الابيض

📌 لكن ترامب قال 👈🏻 انا مقولتش هوجه ضربة نووية .. انا قولت هوجه ضربة لمنشآتهم النووية بجبل الفأس
و ان بالفعل قصفنا جزيرة قشم بضربة قوية

🔸انا مفهمش في موضوع النووي قد كده
لكن اللي اعرفه ان وجود اسرائيل في المنطقة يمنع حدوث هذه الضربة
حتي لو عندهم ملاجئ
ف تلوث انهار المنطقة كفيل يدمر محاصيلها لسنين 🤷🏻‍♀️

📌بالاضافة لأن ده لو حصل
يبقا خرق للعقيدة النووية
و ده مش اتفاق معنوي
دي اتفاقية ملزمة لل 9 دول النووية
▪ تبعيات خرق الاتفاقية دي
روسيا هتستخدمها ضد اوكرانيا
كوريا الشمالية هتروق علي اليابان و كوريا الجنوبية
و اللي اخطر من ده 👈🏻 الهند و باكستان اللي مش طايقين بعض و اساسا بيهددوا بالنووي لمحو بعض 🤷🏻‍♀️

و في حاجات كتير اسوأ من النووي
و اسلحة تملكها امريكا تعوض بيها ضربة نووية .. ده اساسا لو مكنش كل التهديدات دي طق حنك مراد به تخويف و ترهيب دول الخليج 👌🏻


هانت هانت كلها شهر و 20 يوم علي انتهاء هذه السنة الثقيلة
و ربنا يخرجنا منها علي خير 🤲🏻🤲🏻