#Chinoz_tumani

Mahalladagi yoshlar yetakchisi tomonidan amalga oshirilayotgan tadbirlar samaradorligi, yoshlar bandligi o'rganildi

🔰 Xalq deputatlari Chinoz tumani Kengashiga 13-Ko'tarma saylov okrugidan saylangan deputat Farxod Ibragimov tomonidan Kengashning ish rejasiga muvofiq hududlarda o‘rganish ishlari olib borildi.

O‘rganishlar davomida mahalladagi yoshlar yetakchisi tomonidan yoshlarni har tomonlama qo‘llab-quvvatlash, ularning bo‘sh vaqtini mazmunli tashkil etish, bandligini ta’minlash hamda tadbirkorlik va kasb-hunarga yo‘naltirish borasida amalga oshirilayotgan ishlar samaradorligi atroflicha tahlil qilindi.

Shuningdek, yoshlar bilan ishlash tizimining samaradorligini yanada oshirish, aniqlangan muammo va kamchiliklarni bartaraf etish yuzasidan tegishli tavsiyalar berilib, belgilangan vazifalar ijrosini ta’minlash va nazoratni kuchaytirish bo‘yicha mas’ullarga zarur ko‘rsatmalar berildi.

#24_ta_masala #18_band_ijrosi #Deputat_o‘rganishi

NOGIRONLIGI BO‘LGAN SHAXSLARGA KO‘RSATILAYOTGAN IJTIMOIY XIZMATLAR VA BERILAYOTGAN IMTIYOZLAR O‘RGANILDI

🏛 Xalq deputatlari Chinoz tumani Kengashining ish rejasiga muvofiq, Kengash deputati A. Aliyevga biriktirilgan kotibiyat bosh mutaxassisi B. Ortiqboyev tomonidan Chinoz tumanidagi “Inson” ijtimoiy xizmatlar markazi faoliyati o‘rganildi.
🔎 O‘rganish davomida nogironligi bo‘lgan shaxslarning huquq va manfaatlarini ta’minlash, ularga davlat tomonidan belgilangan imtiyoz va yengilliklardan foydalanish imkoniyatlarini yaratish, shuningdek, ijtimoiy xizmatlarning sifati va manzilliligini ta’minlash masalalariga alohida e’tibor qaratildi.
📊 Chinoz tumanidagi mavjud holat:
🔹 Tumandagi 40 ta mahalla fuqarolar yig‘inida jami 40 nafar ijtimoiy xodim faoliyat yuritmoqda.
🔹 Tumanda jami 3 065 nafar nogironligi bo‘lgan fuqaro istiqomat qiladi. Jumladan:
▪️ 339 nafari — I guruh; ▪️ 2 345 nafari — II guruh; ▪️ 381 nafari — III guruh nogironligi bo‘lgan shaxslar.
♻️ O‘rganish jarayonida fuqarolarning ijtimoiy ehtiyojlarini aniqlash, ularni zarur ijtimoiy xizmatlar bilan qamrab olish, reabilitatsiya vositalari bilan ta’minlash hamda murojaatlarini o‘z vaqtida ko‘rib chiqish holatlari tahlil qilindi.
🤝 Shuningdek, ijtimoiy xizmatlar ko‘rsatishda individual yondashuvni kuchaytirish, mavjud muammolarni joyiga chiqqan holda aniqlash va ularni tegishli tashkilotlar bilan hamkorlikda hal etish masalalari ko‘rib chiqildi.
✅ Nogironligi bo‘lgan shaxslarning jamiyat hayotida faol ishtirokini ta’minlash, bandligini qo‘llab-quvvatlash, mehnat faoliyatiga jalb etish hamda ularning mustaqil hayot kechirishi uchun zarur shart-sharoitlarni yaratish muhim vazifalardan biri ekani ta’kidlandi.
✍️ O‘rganish yakunlari bo‘yicha aniqlangan holatlar yuzasidan tegishli taklif va tavsiyalar ishlab chiqish hamda mavjud muammolarni bartaraf etish choralarini ko‘rish belgilandi. Mazkur yo‘nalishdagi ishlar deputatlik nazoratida davom ettiriladi.

🇺🇿 Xalq deputatlari Chinoz tumani Kengashi

#Chinoz_tumani
#Deputat_o'rganish

Chinozda “Yangi O‘zbekiston” qiyofasi sari bunyodkorlik ishlari davom etmoqda

O‘zbekiston Respublikasi Prezidentining PQ–298-sonli qarori asosida Chinoz tumanini “Yangi O‘zbekiston qiyofasidagi tuman”ga aylantirish bo‘yicha amalga oshirilayotgan loyihalar izchil davom etmoqda.

Shu munosabat bilan Xalq deputatlari Chinoz tumani Kengashi deputati Mirsoat Mirsodiqov tomonidan tumandagi Alisher Navoiy MFY Z.Nosirov ko'chasida joylashgan 21-22-ko'p qavatli uylarda olib borilayotgan qurilish, obodonlashtirish va infratuzilma loyihalarining ijro holati joyiga chiqib o‘rganildi.

O‘rganish davomida ishlar sifati, belgilangan muddatlarga rioya etilishi va hududlarning obod qiyofasini ta’minlash masalalariga alohida e’tibor qaratildi.

📍 Aniqlangan kamchiliklarni bartaraf etish hamda loyihalarni sifatli va o‘z vaqtida yakunlash yuzasidan mas’ullarga aniq topshiriqlar berildi.

🇺🇿 Xalq deputatlari Chinoz tumani Kengashi

#Chinoz_tumani
#Deputat_o'rganish

Kuz-qish mavsumiga tayyorgarlik holati o‘rganildi

Xalq deputatlari Chinoz tumani Kengashiga 20-Eshonobod saylov okrugidan saylangan deputat Alimjon Adilbekov Kengashning ish rejasiga muvofiq, Eshonobod mahalla fuqarolar yig‘ini hududida joylashgan 35-sonli umumta’lim maktabining kuz-qish mavsumiga tayyorgarlik holatini o‘rgandi.

O‘rganish davomida ta’lim muassasasining isitish tizimi ko‘zdan kechirilib, uning mavsumga tayyorligi, sovuq kunlarda sinfxonalarda me’yoriy haroratni ta’minlash hamda tizimning uzluksiz va barqaror ishlashiga qaratilgan ishlar holati tahlil qilindi.

O‘rganish natijalariga ko‘ra, maktabning kuz-qish mavsumiga tayyorgarlik holati qoniqarli ekani aniqlandi. Shuningdek, isitish tizimining mavsum davomida barqaror ishlashini ta’minlash bo‘yicha amalga oshirilgan ishlar ko‘zdan kechirilib, o‘rganish jarayonida muammo va kamchiliklar aniqlanmadi.

Bundan tashqari, maktab direktori bilan suhbat o‘tkazilib, kuz-qish mavsumini betalafot o‘tkazish, isitish tizimining doimiy nazoratini ta’minlash hamda o‘quvchilar uchun qulay va xavfsiz ta’lim sharoitlarini yaratish yuzasidan tegishli tavsiya va takliflar bildirildi.

Mazkur o‘rganishdan ko‘zlangan asosiy maqsad — ta’lim muassasasining mavsumga tayyorgarligini ta’minlash, mavjud sharoitlarni nazorat qilish hamda qish mavsumida o‘quv jarayonining uzluksizligini ta’minlashdan iborat.