വിശുദ്ധ കോസ്മോസും വിശുദ്ധ ഡാമിയാനും:
ലോകത്തിന്റെ ധനസമ്പാദന തൃഷ്ണയിൽ നിന്ന് അകന്ന്,രോഗശാന്തിയിലൂടെ ദൈവരാജ്യത്തിന്റെ സ്നേഹവും കരുണയും പ്രഘോഷിച്ച തീക്ഷ്ണതയുടെ ജീവിതമായിരുന്നു വിശുദ്ധരായ കോസ്മോസിന്റേയും ഡാമിയാന്റേയും.വൈദ്യശാസ്ത്രം പഠിച്ച് സമർത്ഥരായ ഭിഷഗ്വരന്മാരായി മാറിയ ഇരുവരും,രോഗികളിൽ ഈശോയുടെ മുഖം ദർശിക്കുകയും സൗജന്യമായി അവരെ ചികിത്സിക്കുകയും ചെയ്തു.അതുകൊണ്ടുതന്നെ 'ധനം വാങ്ങാത്തവർ' (Anargyroi) എന്ന് സഭ ഇവരെ ആദരവോടെ വിളിക്കുന്നു.ശരീരത്തിന്റെ രോഗസൗഖ്യത്തോടൊപ്പം ആത്മാക്കളുടെ രക്ഷയ്ക്കായും അഹോരാത്രം പ്രയത്നിച്ച ഈ ഇരട്ടസഹോദരന്മാർ,പ്രാർത്ഥനയും ഈശോയിലുള്ള അചഞ്ചലമായ വിശ്വാസവുമാണ് തങ്ങളുടെ ഏറ്റവും വലിയ ഔഷധമെന്ന് വിശ്വസിച്ചു.ഭരണാധികാരികളുടെ പീഡനങ്ങൾക്കും ഭീഷണികൾക്കും മുന്നിൽ പതറാതെ,ഈശോയോടുള്ള വിശ്വസ്തതയെപ്രതി രക്തസാക്ഷിത്വം വരിച്ച ആ വിശുദ്ധ ജീവിതങ്ങൾ,സ്നേഹത്തിന്റെയും അർപ്പണബോധത്തിന്റെയും ദീപശിഖയായി ചരിത്രത്തിൽ ശോഭിക്കുന്നു.ഈശോയെപ്രതി സ്വയം ശൂന്യരാക്കി മറ്റുള്ളവരുടെ കണ്ണീരൊപ്പിയ ആ ജീവിതം നമ്മോട് ചോദിക്കുന്നു: സ്വാർത്ഥ താല്പര്യങ്ങൾ മാറ്റിവെച്ച്, സൗജന്യമായി ലഭിച്ച ദൈവകൃപകളെ പ്രതിഫലേച്ഛയില്ലാതെ സഹജീവികൾക്കായി പങ്കുവെക്കാൻ നമുക്ക് സാധിക്കുന്നുണ്ടോ?
= പ്രാർത്ഥന=
"ഓ! പരമകാരുണ്യവാനായ ദൈവമേ, അവിടുത്തെ ദാസന്മാരായ വിശുദ്ധ കോസ്മോസിനെയും ഡാമിയാനെയും പോലെ,രോഗികളും നിരാലംബരുമായ സഹോദരങ്ങളിൽ അവിടുത്തെ സ്നേഹം ദർശിക്കാൻ ഞങ്ങളുടെ കണ്ണുകളെ പ്രകാശിപ്പിക്കേണമേ.ഞങ്ങൾക്ക് സൗജന്യമായി ലഭിച്ച ദൈവാനുഗ്രഹങ്ങളെ സ്വാർത്ഥതയില്ലാതെ മറ്റുള്ളവർക്ക് പങ്കുവെക്കുവാനും,ഞങ്ങളുടെ പ്രവൃത്തികളിലൂടെ അവിടുത്തെ നാമം മഹത്വപ്പെടുത്താനും ഞങ്ങളെ പഠിപ്പിക്കേണമേ.ശരീരത്തിന്റെയും ആത്മാവിന്റെയും രോഗങ്ങളിൽ നിന്ന് ഞങ്ങളെ സൗഖ്യമാക്കി, പരിശുദ്ധാത്മാവിന്റെ ശാന്തിയാൽ ഞങ്ങളുടെ ഹൃദയങ്ങളെ നിറയ്ക്കേണമേ,ആമേൻ."
ലോകത്തിന്റെ ധനസമ്പാദന തൃഷ്ണയിൽ നിന്ന് അകന്ന്,രോഗശാന്തിയിലൂടെ ദൈവരാജ്യത്തിന്റെ സ്നേഹവും കരുണയും പ്രഘോഷിച്ച തീക്ഷ്ണതയുടെ ജീവിതമായിരുന്നു വിശുദ്ധരായ കോസ്മോസിന്റേയും ഡാമിയാന്റേയും.വൈദ്യശാസ്ത്രം പഠിച്ച് സമർത്ഥരായ ഭിഷഗ്വരന്മാരായി മാറിയ ഇരുവരും,രോഗികളിൽ ഈശോയുടെ മുഖം ദർശിക്കുകയും സൗജന്യമായി അവരെ ചികിത്സിക്കുകയും ചെയ്തു.അതുകൊണ്ടുതന്നെ 'ധനം വാങ്ങാത്തവർ' (Anargyroi) എന്ന് സഭ ഇവരെ ആദരവോടെ വിളിക്കുന്നു.ശരീരത്തിന്റെ രോഗസൗഖ്യത്തോടൊപ്പം ആത്മാക്കളുടെ രക്ഷയ്ക്കായും അഹോരാത്രം പ്രയത്നിച്ച ഈ ഇരട്ടസഹോദരന്മാർ,പ്രാർത്ഥനയും ഈശോയിലുള്ള അചഞ്ചലമായ വിശ്വാസവുമാണ് തങ്ങളുടെ ഏറ്റവും വലിയ ഔഷധമെന്ന് വിശ്വസിച്ചു.ഭരണാധികാരികളുടെ പീഡനങ്ങൾക്കും ഭീഷണികൾക്കും മുന്നിൽ പതറാതെ,ഈശോയോടുള്ള വിശ്വസ്തതയെപ്രതി രക്തസാക്ഷിത്വം വരിച്ച ആ വിശുദ്ധ ജീവിതങ്ങൾ,സ്നേഹത്തിന്റെയും അർപ്പണബോധത്തിന്റെയും ദീപശിഖയായി ചരിത്രത്തിൽ ശോഭിക്കുന്നു.ഈശോയെപ്രതി സ്വയം ശൂന്യരാക്കി മറ്റുള്ളവരുടെ കണ്ണീരൊപ്പിയ ആ ജീവിതം നമ്മോട് ചോദിക്കുന്നു: സ്വാർത്ഥ താല്പര്യങ്ങൾ മാറ്റിവെച്ച്, സൗജന്യമായി ലഭിച്ച ദൈവകൃപകളെ പ്രതിഫലേച്ഛയില്ലാതെ സഹജീവികൾക്കായി പങ്കുവെക്കാൻ നമുക്ക് സാധിക്കുന്നുണ്ടോ?
= പ്രാർത്ഥന=
"ഓ! പരമകാരുണ്യവാനായ ദൈവമേ, അവിടുത്തെ ദാസന്മാരായ വിശുദ്ധ കോസ്മോസിനെയും ഡാമിയാനെയും പോലെ,രോഗികളും നിരാലംബരുമായ സഹോദരങ്ങളിൽ അവിടുത്തെ സ്നേഹം ദർശിക്കാൻ ഞങ്ങളുടെ കണ്ണുകളെ പ്രകാശിപ്പിക്കേണമേ.ഞങ്ങൾക്ക് സൗജന്യമായി ലഭിച്ച ദൈവാനുഗ്രഹങ്ങളെ സ്വാർത്ഥതയില്ലാതെ മറ്റുള്ളവർക്ക് പങ്കുവെക്കുവാനും,ഞങ്ങളുടെ പ്രവൃത്തികളിലൂടെ അവിടുത്തെ നാമം മഹത്വപ്പെടുത്താനും ഞങ്ങളെ പഠിപ്പിക്കേണമേ.ശരീരത്തിന്റെയും ആത്മാവിന്റെയും രോഗങ്ങളിൽ നിന്ന് ഞങ്ങളെ സൗഖ്യമാക്കി, പരിശുദ്ധാത്മാവിന്റെ ശാന്തിയാൽ ഞങ്ങളുടെ ഹൃദയങ്ങളെ നിറയ്ക്കേണമേ,ആമേൻ."