Forwarded from СТЕПАН САРГЫДАЕВ
Өрөспүүбүлүкэтээҕи психологическай киин дириэктэрин муниципальнай тэриллиилэри кытта үлэҕэ солбуйааччытын Татьяна Ивановна Иванованы уонна методическай отдел сэбиэдиссэйин Туйаара Петровна Окоемованы кытта көрүстүм. Сүрүн кэпсэтии Өрөспүүбүлүкэтээҕи психологическай киин ыытар үлэтин, муниципальнай тэриллиилэргэ, тэрилтэлэргэ уонна нэһилиэнньэҕэ Киин үлэтин хайысхаларынан өҥөнү, көмөнү оҥоруу уонна "Лидеры перемен" кэлим бырагыраама кэнсиэпсийэтин тула ыытылынна.
Көрсүһүү кэмигэр бу этиллибит хайысхаларынан бииргэ үлэлээһини салгыы сайыннарыы боппуруостарыгар санаалары атастастыбыт, инники үлэбит былааннарын торумнаатыбыт.
Көрсүһүү кэмигэр бу этиллибит хайысхаларынан бииргэ үлэлээһини салгыы сайыннарыы боппуруостарыгар санаалары атастастыбыт, инники үлэбит былааннарын торумнаатыбыт.
Forwarded from СТЕПАН САРГЫДАЕВ
Убаастабыллаах Чурапчы улууһун «Саҥа олох» хаһыатын эрэдээктэрин Людмила Владимировнаны, айар кэлэктиибин, бэтэрээннэрин, бэчээт бары үлэһиттэрин уонна бэриниилээх ааҕааччыларын хаһыат тэриллибитэ 95 сыллаах үбүлүөйүнэн улуус салалтатын уонна тус бэйэм ааппыттан истиҥник эҕэрдэлиибин!
Биһиги Чурапчыбыт оройуонугар Петр Николаевич Гоголев эрэдээктэрдээх «Сэссэлиисимэ суола» хаһыат 1931 сыллаахха аан бастаан тэриллибитэ. Хаһыат бастакы хардыыларыттан ыла сүһүөҕэр туруутугар диэри оройуон бары олоҕун-дьаһаҕын күүскэ сырдатыыга Семен Степанович Яковлев-Эрилик Эристиин, Степан Афанасьевич Саввин-Күн Дьирибинэ, Алексей Алексеевич Бэрияк курдук биллэр-көстөр суруйааччылар уонна уопсастыбаннай диэйэтэллэр айымньылаахтык үлэлээн-хамсаан, тус кылааттарын киллэрбит үрдүк үтүөлээхтэр. Онтон ыла хаһыаппыт сэбиэскэй уонна аныгы кэмнэр усталарын тухары Чурапчы улууһун олоҕун устуоруйатын кырдьыктаах сиэркилэтинэн, үлэттэн күннэрин таһаарар дьонун-сэргэтин, норуот хаһаайыстыбатын тэрилтэлэрин үлэтин-хамнаһын уонна ситиһиилэрин сиэрдээхтик сырдатар, үйэтитэр, инники көлүөнэлэргэ тиэрдэр туохха да холооно суох улахан суолталаах летопиһынан буолар. Биһиги «Саҥа олох» хаһыат бу аналын утумнаахтык, чиэстээхтик толорорунан киэн туттабыт уонна махтанабыт.
Күн бүгүн аныгы кэм ирдэбилинэн хаһыат айар кэлэктиибин суруналыыс идэтин дэгиттэр баһылаабыт мультимедийнэй исписэлиистэрин хас биирдии суруйуулара, видеонан устуулара, хаартыскаҕа түһэриилэрэ, кумаҕы хаһыаты таһаарыыны сэргэ саайтка сонуннары тиһигин быспакка таһаарыылара, суруналыыстыка бары көрүҥнэрин, араас ньымаларын табыгастаахтык баһылааһыннара улууспут олоҕун сырдатыыны саҥа таһымҥа таһаарда, хаһыат тыла-өһө, көстөр көрүҥэ өссө итэҕэтиилэнэн, ыйааһыннанан, баай ис хоһооннонон, ааҕааччы кэрэхсии кэтэһэр хаһыатынан буола сайынна. Бүгүҥҥү үөрүүлээх 95 сыллаах үбүлүөйүнэн хаһыат үтүө үгэстэрин салгыы сайыннарыыгыт, бэчээт эйгэтигэр саҥа технологиялары тэтимнээхтик киллэриигит, кырдьыктаах сырдатыыгытынан улууспут үтүө аатын-суолун күннэтэ киэҥ эйгэҕэ иһитиннэрэ, үрдэтэ, тэнитэ туруугут иһин бука барыгытыгар дириҥ махталбын тиэрдэбин.
Олохпут сайдыытыгар туһуламмыт үгүс үлэлэри, түгэннэри, саҕалааһыннары сыыска түһэрбэккэ сырдатар, күннэтэ сибиэһэй сонуннары сэһэргиир, кэрэ кэпсээн кэһиилээх айар куттаах дьоммут сытыы бөрүөҕүт хаһан даҕаны сыппаабатын. Ааҕааччыгыт ахсаана аҕырымнаабакка, күн ахсын эбиллэн, сэргээччилэргит, биһирээччилэргит сылтан сыл халыҥаан истиннэр. Киһи кутун тутар кэрэхсэтэр сытыы ыстатыйалар, саҥа сонун бырайыактар, ситиһиилээх үлэлэр үксүү турдуннар. Кэлэктиипкэ сомоҕолоһуу, өйдөһүү уонна саҥа үрдэллэри дабайар күүс-уох өрүү баар буоллун!
«Саҥа олох» хаһыат эрэдээксийэтин кэлэктиибигэр уонна бэтэрээннэригэр кытаанах доруобуйаны, уостубат айар кыаҕы уонна дьолу-соргуну баҕаран туран, эһиэхэ бука барыгытыгар “Чурапчы күүһэ - түмсүүгэ, түмсүү күүһэ – сайдыыга!” диэн үтүө бачыыммытын өрө тутан, улууспут ааспыт, бүгүҥҥү олоҕун уонна кэскилин түстүүр саҕалааһыннарын өрүү бэриниилээхтик сырдата, айа-тута, үтүө аатын үрдэтэ сылдьыҥ диэн бастыҥ баҕабын тиэрдэбин!
Биһиги Чурапчыбыт оройуонугар Петр Николаевич Гоголев эрэдээктэрдээх «Сэссэлиисимэ суола» хаһыат 1931 сыллаахха аан бастаан тэриллибитэ. Хаһыат бастакы хардыыларыттан ыла сүһүөҕэр туруутугар диэри оройуон бары олоҕун-дьаһаҕын күүскэ сырдатыыга Семен Степанович Яковлев-Эрилик Эристиин, Степан Афанасьевич Саввин-Күн Дьирибинэ, Алексей Алексеевич Бэрияк курдук биллэр-көстөр суруйааччылар уонна уопсастыбаннай диэйэтэллэр айымньылаахтык үлэлээн-хамсаан, тус кылааттарын киллэрбит үрдүк үтүөлээхтэр. Онтон ыла хаһыаппыт сэбиэскэй уонна аныгы кэмнэр усталарын тухары Чурапчы улууһун олоҕун устуоруйатын кырдьыктаах сиэркилэтинэн, үлэттэн күннэрин таһаарар дьонун-сэргэтин, норуот хаһаайыстыбатын тэрилтэлэрин үлэтин-хамнаһын уонна ситиһиилэрин сиэрдээхтик сырдатар, үйэтитэр, инники көлүөнэлэргэ тиэрдэр туохха да холооно суох улахан суолталаах летопиһынан буолар. Биһиги «Саҥа олох» хаһыат бу аналын утумнаахтык, чиэстээхтик толорорунан киэн туттабыт уонна махтанабыт.
Күн бүгүн аныгы кэм ирдэбилинэн хаһыат айар кэлэктиибин суруналыыс идэтин дэгиттэр баһылаабыт мультимедийнэй исписэлиистэрин хас биирдии суруйуулара, видеонан устуулара, хаартыскаҕа түһэриилэрэ, кумаҕы хаһыаты таһаарыыны сэргэ саайтка сонуннары тиһигин быспакка таһаарыылара, суруналыыстыка бары көрүҥнэрин, араас ньымаларын табыгастаахтык баһылааһыннара улууспут олоҕун сырдатыыны саҥа таһымҥа таһаарда, хаһыат тыла-өһө, көстөр көрүҥэ өссө итэҕэтиилэнэн, ыйааһыннанан, баай ис хоһооннонон, ааҕааччы кэрэхсии кэтэһэр хаһыатынан буола сайынна. Бүгүҥҥү үөрүүлээх 95 сыллаах үбүлүөйүнэн хаһыат үтүө үгэстэрин салгыы сайыннарыыгыт, бэчээт эйгэтигэр саҥа технологиялары тэтимнээхтик киллэриигит, кырдьыктаах сырдатыыгытынан улууспут үтүө аатын-суолун күннэтэ киэҥ эйгэҕэ иһитиннэрэ, үрдэтэ, тэнитэ туруугут иһин бука барыгытыгар дириҥ махталбын тиэрдэбин.
Олохпут сайдыытыгар туһуламмыт үгүс үлэлэри, түгэннэри, саҕалааһыннары сыыска түһэрбэккэ сырдатар, күннэтэ сибиэһэй сонуннары сэһэргиир, кэрэ кэпсээн кэһиилээх айар куттаах дьоммут сытыы бөрүөҕүт хаһан даҕаны сыппаабатын. Ааҕааччыгыт ахсаана аҕырымнаабакка, күн ахсын эбиллэн, сэргээччилэргит, биһирээччилэргит сылтан сыл халыҥаан истиннэр. Киһи кутун тутар кэрэхсэтэр сытыы ыстатыйалар, саҥа сонун бырайыактар, ситиһиилээх үлэлэр үксүү турдуннар. Кэлэктиипкэ сомоҕолоһуу, өйдөһүү уонна саҥа үрдэллэри дабайар күүс-уох өрүү баар буоллун!
«Саҥа олох» хаһыат эрэдээксийэтин кэлэктиибигэр уонна бэтэрээннэригэр кытаанах доруобуйаны, уостубат айар кыаҕы уонна дьолу-соргуну баҕаран туран, эһиэхэ бука барыгытыгар “Чурапчы күүһэ - түмсүүгэ, түмсүү күүһэ – сайдыыга!” диэн үтүө бачыыммытын өрө тутан, улууспут ааспыт, бүгүҥҥү олоҕун уонна кэскилин түстүүр саҕалааһыннарын өрүү бэриниилээхтик сырдата, айа-тута, үтүө аатын үрдэтэ сылдьыҥ диэн бастыҥ баҕабын тиэрдэбин!
Forwarded from СТЕПАН САРГЫДАЕВ
Бүгүн Чурапчы улууһун муниципальнай тэриллиитин олохтоох салайыныыга Сүбэтин мунньаҕын ыыттым. Манна биһиги улууска Госдуума IX ыҥырыытыгар депутааттары талыы түмүктэрин туһунан улуус баһылыгын солбуйааччы Алексей Лобанов, улуус бары тэрилтэлэрэ, олорор дьиэ-уот кыстыкка киириигэ сылааска холбонууларын хаамыытын туһунан улуус баһылыгын бастакы солбуйааччы Рустам Данилов, улууска сүөһү кыстыыр аһылыгынан хааччыллыытын түмүгүн уонна кыстыкка киириигэ ылыллыбыт дьаһаллар тустарынан улуус баһылыгын тыа хаһаайыстыбатын боппуруостарыгар солбуйааччы-тыа хаһаайыстыбатын управлениетын начаалынньыга Анжелика Неустроева иһитиннэриилэри оҥордулар.
Мунньахха көрүллүбүт боппуруостары истэн, ырытан баран, эбии чопчу дьаһаллары ылынныбыт. Туһааннаах хайысхаларынан үлэ салҕанар.
Мунньахха көрүллүбүт боппуруостары истэн, ырытан баран, эбии чопчу дьаһаллары ылынныбыт. Туһааннаах хайысхаларынан үлэ салҕанар.
Forwarded from СТЕПАН САРГЫДАЕВ
Бүгүн С.К. Макаров аатынан Чурапчы гимназиятын аактабай саалатыгар «Учуутал, Эн үрдүк аакка сүгүрүйэн...» диэн Чурапчы улууһа, өрөспүүбүлүкэ тумус туттар Россия үтүөлээх учуутала, физика, информатика үрдүк категориялаах учуутала, Учууталлар учууталлара, Саха Өрөспүүбүлүкэтин Норуотун учуутала Мария Иустиновна Хоютанованы уонна аангылыйа тылын учуутала, “Саха сирин методиһа” бэлиэ хаһаайката, “Сыл бастыҥ учуутала” өрөспүүбүлүкэтээҕи күрэх муҥутуур кыайыылааҕа, Бүтүн Арассыыйатааҕы күрэх кыттааччыта Юлия Мироновна Макарованы чиэстиир тэрээһиҥҥэ улуус салалтата, үөрэхтээһин салаатын салайааччылара, ыҥырыылаах ыалдьыттар, учууталлар, үөрэнээччилэр, төрөппүттэр кытыннылар.
Ол курдук, манна «Учуутал, Эн үрдүк ааккар сүгүрүйэн...» диэн быыстапканы сэргэ “Оскуола киэн туттуута – биһиги 100 бааллаахтарбыт” стендэни арыйыы, “Көлүөнэ ситимэ” диэн бэтэрээн учууталлар кыттыылаах кылаас чаастара, үөрүүлээх линейка, «Кэскили түстээччи, үөрэҕи-билиини тарҕатааччы” истиҥ сэһэргэһии тэрээһин бары кыттааччыларын болҕомтолорун тарта.
Биир Кэлим Эксээмэни ситиһиилээхтик туттарбыт оҕолор ааттара гимназия историятыгар көмүс буукубанан тиһиллэн, “Оскуола киэн туттуута – биһиги 100 бааллаахтарбыт” стендэҕэ элбэх үтүө тыллары этэн туран, үөрүүлээх быһыыга-майгыга киллэрилиннэ.
С.К. Макаров аатынан Чурапчы гимназиятын дириэктэрэ Юрий Слепцов, улуус баһылыга Степан Саргыдаев, Чурапчы нэһилиэгин баһылыгын социальнай боппуруостарга солбуйааччы Варвара Макарова, улууһун үөрэҕин салаатын салайааччыта Юрий Посельскай, бэтэрээн учууталлар, улуус физика уонна аангылыйа тылын предметтэригэр учууталларын холбоһуктаах салаатын аатыттан бэрэстэбиитэллэр, араас сылларга үөрэнэн ааспыт выпускниктар уонна төрөппүттэр, тэҥҥэ үлэлии-хамсыы сылдьар кэллиэгэлэрэ эҕэрдэ эгэлгэтин эттилэр, баҕа санааларын тиэртилэр. Улуус биллэр-көстөр учууталларын чиэстээһин уопсай хаартыскаҕа түһүүнэн түмүктэннэ.
Ол курдук, манна «Учуутал, Эн үрдүк ааккар сүгүрүйэн...» диэн быыстапканы сэргэ “Оскуола киэн туттуута – биһиги 100 бааллаахтарбыт” стендэни арыйыы, “Көлүөнэ ситимэ” диэн бэтэрээн учууталлар кыттыылаах кылаас чаастара, үөрүүлээх линейка, «Кэскили түстээччи, үөрэҕи-билиини тарҕатааччы” истиҥ сэһэргэһии тэрээһин бары кыттааччыларын болҕомтолорун тарта.
Биир Кэлим Эксээмэни ситиһиилээхтик туттарбыт оҕолор ааттара гимназия историятыгар көмүс буукубанан тиһиллэн, “Оскуола киэн туттуута – биһиги 100 бааллаахтарбыт” стендэҕэ элбэх үтүө тыллары этэн туран, үөрүүлээх быһыыга-майгыга киллэрилиннэ.
С.К. Макаров аатынан Чурапчы гимназиятын дириэктэрэ Юрий Слепцов, улуус баһылыга Степан Саргыдаев, Чурапчы нэһилиэгин баһылыгын социальнай боппуруостарга солбуйааччы Варвара Макарова, улууһун үөрэҕин салаатын салайааччыта Юрий Посельскай, бэтэрээн учууталлар, улуус физика уонна аангылыйа тылын предметтэригэр учууталларын холбоһуктаах салаатын аатыттан бэрэстэбиитэллэр, араас сылларга үөрэнэн ааспыт выпускниктар уонна төрөппүттэр, тэҥҥэ үлэлии-хамсыы сылдьар кэллиэгэлэрэ эҕэрдэ эгэлгэтин эттилэр, баҕа санааларын тиэртилэр. Улуус биллэр-көстөр учууталларын чиэстээһин уопсай хаартыскаҕа түһүүнэн түмүктэннэ.
👏2
Forwarded from СТЕПАН САРГЫДАЕВ
This media is not supported in your browser
VIEW IN TELEGRAM
Чурапчы улууһугар Россияҕа Аҕа уонна Саха Өрөспүүбүлүкэтигэр Ийэ күннэригэр "Ыал саргыта" пилотнай бырайыак чэрчитинэн "Киэҥ туттабын аҕабынан, ийэбинэн" диэн истиҥ уонна үөрүүлээх тэрээһин улуус дьаһалтатын аактабай саалатыгар ыытылынна.
Улуус баһылыга Степан Саргыдаев бары ийэлэри, аҕалары истиҥник эҕэрдэлээн туран, элбэх оҕону төрөппүт, оҕону иитиигэ бастыҥ дьиэ кэргэттэргэ итиэннэ үйэ аҥардыыта, өр сылларга бииргэ олорбут ыалларга “Дьиэ кэргэн килбиэнэ”, “Аҕа килбиэнэ”, “Ийэҕэ махтал” бэлиэлэри, 50 000 солкуобайдаах сэртипикээти, Чурапчы улууһун баһылыгын Махтал суруктарын үөрүүлээх быһыыга-майгыга туттартаата. "Аҕа килбиэнин" үрдүк бэлиэтин туппут Василий Николаевич Дьячковскай кэргэнинээн ыал буолан бииргэ олорбута 65 сылын туолбута уонна иккиэн быйыл 90 саастарын туолаллара кэрэхсэбиллээх.
"Арассыыйа Ийэлэрэ" Бүтүн Арассыыйатааҕы общественнай хамсааһын Саха сиринээҕи салаатын бэрэссэдээтэлэ Прасковья Петровна Борисова Россияҕа Аҕа уонна Саха Өрөспүүбүлүкэтигэр Ийэ күннэринэн итиэннэ "Ыал саргыта" пилотнай бырайыак чэрчитинэн "Киэҥ туттабын аҕабынан, ийэбинэн" диэн дьоһун тэрээһининэн улуус бары төрөппүттэрин эҕэрдэлээн туран, аҕыс оҕону соҕотоҕун атаҕар туруорбут улуус киэн туттар биир дьоһун ийэтин, өр сылларга кыра саастаах оҕолору иитиигэ-харайыыга үгүс сыратын биэрбит тарбахха баттанар туруу үлэһит уонна улуус киэн туттар ытык киһитэ, сенатор Е.А.Борисов төрөппүт ийэтин П.И.Борисова аатынан бириэмийэни Болтоҥо нэһилиэгиттэн 10 оҕолоох Мария уонна Авсентий Григорьевтар, Хоптоҕоттон 7 оҕолоох Айталина Андреева уонна Ренат Толстоухов дьиэ кэргэннэригэр дохсун ытыс тыаһынан доҕуһуоллатан туттарда.
Ийэҕэ, аҕаҕа, дьиэ кэргэҥҥэ аналлаах тэрээһиҥҥэ “Ийэлэр мөссүөннэрэ” диэн уруһуй быыстапкатын кыайыылаахтарын уонна “Дьиэ кэргэн флешмоба” диэн тулаайах уонна төрөппүт көрүүтэ-истиитэ суох хаалбыт оҕолор уонна кинилэри иитэр дьиэ кэргэттэр ортолоругар ыытыллыбыт онлайн-куонкурус кыайыылаахтарын наҕараадалааһын бэрт сэргэхтик ыытылынна.
Үөрүүлээх тэрээһин бары бииргэ хаартыскаҕа түһүүнэн үтүө өйдөбүл буола үйэтийдэ.
Улуус баһылыга Степан Саргыдаев бары ийэлэри, аҕалары истиҥник эҕэрдэлээн туран, элбэх оҕону төрөппүт, оҕону иитиигэ бастыҥ дьиэ кэргэттэргэ итиэннэ үйэ аҥардыыта, өр сылларга бииргэ олорбут ыалларга “Дьиэ кэргэн килбиэнэ”, “Аҕа килбиэнэ”, “Ийэҕэ махтал” бэлиэлэри, 50 000 солкуобайдаах сэртипикээти, Чурапчы улууһун баһылыгын Махтал суруктарын үөрүүлээх быһыыга-майгыга туттартаата. "Аҕа килбиэнин" үрдүк бэлиэтин туппут Василий Николаевич Дьячковскай кэргэнинээн ыал буолан бииргэ олорбута 65 сылын туолбута уонна иккиэн быйыл 90 саастарын туолаллара кэрэхсэбиллээх.
"Арассыыйа Ийэлэрэ" Бүтүн Арассыыйатааҕы общественнай хамсааһын Саха сиринээҕи салаатын бэрэссэдээтэлэ Прасковья Петровна Борисова Россияҕа Аҕа уонна Саха Өрөспүүбүлүкэтигэр Ийэ күннэринэн итиэннэ "Ыал саргыта" пилотнай бырайыак чэрчитинэн "Киэҥ туттабын аҕабынан, ийэбинэн" диэн дьоһун тэрээһининэн улуус бары төрөппүттэрин эҕэрдэлээн туран, аҕыс оҕону соҕотоҕун атаҕар туруорбут улуус киэн туттар биир дьоһун ийэтин, өр сылларга кыра саастаах оҕолору иитиигэ-харайыыга үгүс сыратын биэрбит тарбахха баттанар туруу үлэһит уонна улуус киэн туттар ытык киһитэ, сенатор Е.А.Борисов төрөппүт ийэтин П.И.Борисова аатынан бириэмийэни Болтоҥо нэһилиэгиттэн 10 оҕолоох Мария уонна Авсентий Григорьевтар, Хоптоҕоттон 7 оҕолоох Айталина Андреева уонна Ренат Толстоухов дьиэ кэргэннэригэр дохсун ытыс тыаһынан доҕуһуоллатан туттарда.
Ийэҕэ, аҕаҕа, дьиэ кэргэҥҥэ аналлаах тэрээһиҥҥэ “Ийэлэр мөссүөннэрэ” диэн уруһуй быыстапкатын кыайыылаахтарын уонна “Дьиэ кэргэн флешмоба” диэн тулаайах уонна төрөппүт көрүүтэ-истиитэ суох хаалбыт оҕолор уонна кинилэри иитэр дьиэ кэргэттэр ортолоругар ыытыллыбыт онлайн-куонкурус кыайыылаахтарын наҕараадалааһын бэрт сэргэхтик ыытылынна.
Үөрүүлээх тэрээһин бары бииргэ хаартыскаҕа түһүүнэн үтүө өйдөбүл буола үйэтийдэ.
Forwarded from СТЕПАН САРГЫДАЕВ
Бүгүн Россия үрдүнэн бэлиэтэнэр Аҕа күнүн бырааһынньыгынан улууспут бары аҕаларын улуус салалтатын уонна тус бэйэм ааппыттан истиҥник эҕэрдэлиибин!
Дойдубут Президенэ Владимир Владимирович Путин 2021 с. илии баттаабыт Ыйааҕынан олохтоммут бу бырааһынньык алаһа дьиэ аҕа баһылыга дьиэ кэргэнин, оҕолорун иитиигэ улахан эппиэтинэһин уонна суолтатын үрдэтиигэ туһаайыллар. Аҕа буолуу - бу улуу дьол, ону сэргэ дьоһун иитиилээх уолаттары уонна кыргыттары уһуйан-такайан таһаарыыга сүдү эппиэтинэс. Аҕалар тус сиэрбитинэн-майгыбытынан ийэҕэ, оҕоҕо харыстабыллаах сыһыан үтүө холобурун көрдөрөбүт, күүстээх үлэбитинэн дьиэ кэргэммит эрэ буолбакка, тулалыыр дьоммут кэтит кэскиллэрин, уйгулаах, нус-хас олохторун түстүүбүт.
Биһиги улууспутугар Ытык аҕа үрдүк аатыгар дьүөрэлии дьоһун-мааны аҕалар элбэхтэринэн киэн туттабыт. Улуус аҕаларын Сэбиэтин сүрүннээһининэн, нэһилиэктэргэ аҕалар Сэбиэттэрин көхтөөх үлэлэринэн Аҕа күрэҕэ, Булчут күнэ, Уол оҕо күнэ курдук үрдүк тэрээһиннээх, кэтэһиилээх кэрэ-бэлиэ бырааһынньыктар номнуо дьоһун үгэскэ кубулуйбуттара астыннарар. Маннык кэрэхсэбиллээх тэрээһиннэр биһиги улууспут уолаттарын уонна аҕаларын сылтан сыл өбүгэ үйэлээх үгэстэригэр иитэ, сомоҕолуу, түмэ, аҕа диэн эрэллээх эркиммит, халыҥ хаххабыт, суон дурдабыт, бигэ тирэхпит уонна үтүө сүбэһиппит буоларын бигэргэтэ турдуннар!
Эһиэхэ уонна чугас дьоҥҥутугар кытаанах доруобуйаны, дьиэ кэргэҥҥитигэр этэҥҥэ буолууну, уйгулаах, дьоллоох олоҕу баҕарабын!
Дойдубут Президенэ Владимир Владимирович Путин 2021 с. илии баттаабыт Ыйааҕынан олохтоммут бу бырааһынньык алаһа дьиэ аҕа баһылыга дьиэ кэргэнин, оҕолорун иитиигэ улахан эппиэтинэһин уонна суолтатын үрдэтиигэ туһаайыллар. Аҕа буолуу - бу улуу дьол, ону сэргэ дьоһун иитиилээх уолаттары уонна кыргыттары уһуйан-такайан таһаарыыга сүдү эппиэтинэс. Аҕалар тус сиэрбитинэн-майгыбытынан ийэҕэ, оҕоҕо харыстабыллаах сыһыан үтүө холобурун көрдөрөбүт, күүстээх үлэбитинэн дьиэ кэргэммит эрэ буолбакка, тулалыыр дьоммут кэтит кэскиллэрин, уйгулаах, нус-хас олохторун түстүүбүт.
Биһиги улууспутугар Ытык аҕа үрдүк аатыгар дьүөрэлии дьоһун-мааны аҕалар элбэхтэринэн киэн туттабыт. Улуус аҕаларын Сэбиэтин сүрүннээһининэн, нэһилиэктэргэ аҕалар Сэбиэттэрин көхтөөх үлэлэринэн Аҕа күрэҕэ, Булчут күнэ, Уол оҕо күнэ курдук үрдүк тэрээһиннээх, кэтэһиилээх кэрэ-бэлиэ бырааһынньыктар номнуо дьоһун үгэскэ кубулуйбуттара астыннарар. Маннык кэрэхсэбиллээх тэрээһиннэр биһиги улууспут уолаттарын уонна аҕаларын сылтан сыл өбүгэ үйэлээх үгэстэригэр иитэ, сомоҕолуу, түмэ, аҕа диэн эрэллээх эркиммит, халыҥ хаххабыт, суон дурдабыт, бигэ тирэхпит уонна үтүө сүбэһиппит буоларын бигэргэтэ турдуннар!
Эһиэхэ уонна чугас дьоҥҥутугар кытаанах доруобуйаны, дьиэ кэргэҥҥитигэр этэҥҥэ буолууну, уйгулаах, дьоллоох олоҕу баҕарабын!
❤1
Forwarded from СТЕПАН САРГЫДАЕВ
Чурапчы улууһун күн күбэй ийэлэрин хас биирдиибит сүрэҕин таарыйар, амарахтан амарах уонна истиҥ бырааһынньыгынан – Саха сиригэр Ийэлэр күннэринэн улуус салалтатын уонна тус бэйэм ааппыттан ис сүрэхпититтэн итиитик эҕэрдэлиибин!
Оҕону төрөтөн улаатыннарыы уонна иитэн-такайан таһаарыы – бэйэни бүүс-бүтүннүү аныыр, улахан сыралаах, эппиэтинэстээх уонна сүҥкэн үлэ. Биһиги Чурапчыбыт улууһугар элбэх оҕолоох ыаллар сыллата эбиллэн иһиилэрэ үөрдэр. Бу кинилэр оҕолорун атахха туруорарга, инникигэ эрэллээхтэрин кэрэһилиир. Бүгүн биһиги эһиэхэ, бары ийэлэргэ, эбэлэргэ, тулаайах уонна төрөппүт көрүүтэ-истиитэ суох хаалбыт оҕолору иитэр Күн Айыы санаалаах ийэлэргэ оҕоҕо, дьиэ кэргэҥҥитигэр итии тапталгыт, тулуургут, бүппэт түбүктээх айымньылаах үлэҕит, дойдуга бэриниилээх, бар дьоҥҥо көдьүүстээх ыччаты иитэн таһаарыыгыт иһин махтал сылаас тылларын аныыбыт.
Эһиэхэ барыгытыгар ийэ дьолун, кытаанах доруобуйаны, этэҥҥэ буолууну уонна бастыҥ баҕа санааларгыт туолан иһэллэригэр баҕарабыт. Дьиэ кэргэҥҥит туһугар бэриниигит, тулуургут уонна бүппэт түбүктээх үлэҕит түмүгэ оҕолоргут уонна бар дьон ытыктабыла, махтала уонна таптала буолан эргийдин!
Оҕону төрөтөн улаатыннарыы уонна иитэн-такайан таһаарыы – бэйэни бүүс-бүтүннүү аныыр, улахан сыралаах, эппиэтинэстээх уонна сүҥкэн үлэ. Биһиги Чурапчыбыт улууһугар элбэх оҕолоох ыаллар сыллата эбиллэн иһиилэрэ үөрдэр. Бу кинилэр оҕолорун атахха туруорарга, инникигэ эрэллээхтэрин кэрэһилиир. Бүгүн биһиги эһиэхэ, бары ийэлэргэ, эбэлэргэ, тулаайах уонна төрөппүт көрүүтэ-истиитэ суох хаалбыт оҕолору иитэр Күн Айыы санаалаах ийэлэргэ оҕоҕо, дьиэ кэргэҥҥитигэр итии тапталгыт, тулуургут, бүппэт түбүктээх айымньылаах үлэҕит, дойдуга бэриниилээх, бар дьоҥҥо көдьүүстээх ыччаты иитэн таһаарыыгыт иһин махтал сылаас тылларын аныыбыт.
Эһиэхэ барыгытыгар ийэ дьолун, кытаанах доруобуйаны, этэҥҥэ буолууну уонна бастыҥ баҕа санааларгыт туолан иһэллэригэр баҕарабыт. Дьиэ кэргэҥҥит туһугар бэриниигит, тулуургут уонна бүппэт түбүктээх үлэҕит түмүгэ оҕолоргут уонна бар дьон ытыктабыла, махтала уонна таптала буолан эргийдин!
❤2
Урбаан эйгэтигэр уһуйар сыаллаах үөрэнээччилэргэ анаммыт өрөспүүбүлүкэтээҕи
"Поколение бизнес" олимпиада улуустааҕы түһүмэҕэ түмүктэннэ.
Биһиги улууспутугар уопсайа 26 үөрэнээччи 15 бырайыагынан кытыннылар. Бырайыагы улуус баһылыгын социальнай боппуруостарга солбуйааччыта Мария Кронникова бэрэссэдээтэллээх хамыыһыйа көрдө.
Оҕолор чэйи, сувенирдары, балык аһы, сахалыы остуол оонньууларын оҥоруу, куһу иитии, уо.д.а араас бырайыактары толкуйдаабыттар.
Түмүккэ 8 бырайыак талыллан, салгыы өрөспүүбүлүкэтээҕи түһүмэххэ кыттар быраабы ыллылар. Ол курдук Дириҥтэн Дайаана Луковцева, Илья Васильев, Сылаҥтан Андрей Протодьяконов, Егор Макаров, Саяна Собакина, Арчын Макаров, Артем Сивцев, Хайахсыттан Лилия Маркова уонна Чурапчытааҕы спорт оскуолаттан Роберт Саввин буоллулар. Оҕолорбутун эҕэрдэлээн туран, ситиһиилэри баҕарыаҕыҥ!
"Поколение бизнес" олимпиада улуустааҕы түһүмэҕэ түмүктэннэ.
Биһиги улууспутугар уопсайа 26 үөрэнээччи 15 бырайыагынан кытыннылар. Бырайыагы улуус баһылыгын социальнай боппуруостарга солбуйааччыта Мария Кронникова бэрэссэдээтэллээх хамыыһыйа көрдө.
Оҕолор чэйи, сувенирдары, балык аһы, сахалыы остуол оонньууларын оҥоруу, куһу иитии, уо.д.а араас бырайыактары толкуйдаабыттар.
Түмүккэ 8 бырайыак талыллан, салгыы өрөспүүбүлүкэтээҕи түһүмэххэ кыттар быраабы ыллылар. Ол курдук Дириҥтэн Дайаана Луковцева, Илья Васильев, Сылаҥтан Андрей Протодьяконов, Егор Макаров, Саяна Собакина, Арчын Макаров, Артем Сивцев, Хайахсыттан Лилия Маркова уонна Чурапчытааҕы спорт оскуолаттан Роберт Саввин буоллулар. Оҕолорбутун эҕэрдэлээн туран, ситиһиилэри баҕарыаҕыҥ!
👏4