#успуорт
#ыһыах

💪🔥 Бэрэмэдэйдээх сүүрүү, 80 киилэ ыйааһыннаах:

🥇 Семен Ануфриев (Дьокуускай) - 15.88;

🥈Ньургун Лавров (Чурапчы)- 16.54;

🥉Айлан Николаев (Хатас) - 16.81

@sanaoloh
#СэмэнЖендринскэй
@ulusmedia

#успуорт
#ыһыах

💪👍🔥"9 Томтор оонньуулара": Тутум эргиир:

🥇 Айхал Бюлтясов (Чурапчы) - 61;

🥈 Айсен Ботуев (Үөһээ Бүлүү) - 59;

🥉 Артем Оконешников (Орто Халыма) - 54.

@sanaoloh
#CэмэнЖендринскэй
@ulusmedia

#успуорт
#ыһыах

💪👍🔥"9 Томтор оонньуулара": Мас тардыһыыта:

🥇 Владимир Федоров (Ньурба);

🥈Дьулустан Ноговицын (Горнай);

🥉 Семен Ануфриев (Дьокуускай).

@sanaoloh
#CэмэнЖендринскэй
@ulusmedia

#успуорт
#ыһыах

💪🔥 "9 Томтор оонньууларын" бастакы күнүн түмүгүнэн:

🥇 Семен Ануфриев (Дьокуускай) - 13 очукуо;

🥈 Дьулустан Ноговицын (Горный) - 14 очукуо;

🥉 Айхал Бюлтясов (Чурапчы) - 18;

4 миэстэ - Ньургун Лавров (Чурапчы) - 23 очукуо.

Түөрт көрүӈ түмүгүнэн туоратыылар: Владислав Корякин (Хатас), Мохсоҕол Ахсым (Чурапчы), Данил Моисеев (Ньурба).


@sanaoloh
#СэмэнЖендринскэй
@ulusmedia

Чурапчы улууһун олохтоохторун, аатырбыт сылгыһыт дьоммут удьуордарын, күн бүгүн үлэлии-хамсыы сылдьар бука бары сылгыһыттары, ат сүүрдээччилэри, ыһыахпыт дьоһун-мааны ыалдьыттарын Саха сирин бастакы Социалистическэй үлэ Дьоруойа, Ленин аатынан уордьан кавалера, “Сиэрпэ уонна балта” Кыһыл Сулус хаһаайына, биир дойдулаахпыт, аатырбыт сылгыһыт Роман Иннокентьевич Константинов-Дьоруой Арамаан сырдык аатыгар анаммыт улууспут ыһыаҕын үрдүк үөрүүлээх күнүнэн улуус салалтатын уонна тус бэйэм ааппыттан итиитик, истиҥник эҕэрдэлиибин!

Сылгы иитиитэ – үйэттэн үйэҕэ бэриллэн кэлбит өбүгэбит ытык дьарыга. Саха омуга, сылгы иитиитэ уонна Дьөһөгөй Айыыта - норуот дириҥ силистээх, баай ис хоһоонноох  төрүт култууратын, духуобунаһын, итэҕэлин тулхадыйбат ытык тирэхтэрэ. Өбүгэбит сылгы тула Дьөһөгөй Айыы тыынынан үөскэппит өлбөт-сүппэт үгэстэрин, үтүөкэннээх сиэрин-туомун кэрэһилиир ыһыахпыт саха олоҕун оҥкулун олохтуу, барҕарда, киэргэтэ, үйэтитэ турар улуу аналлаах.

Ытык ыһыахпытыгар Чурапчы улууһа былыргыттан бүгүҥҥэ диэри сылгы иитиитигэр айымньылаах үлэнэн үүнэн-сайдан кэлбит кэрэ-бэлиэ суолун бэлиэтиибит. Онуоха Чурапчыны Чурапчы дэтэн, үтүө аатын үрдэппит, сайдыы суолугар дабаппыт биир дойдулаахпыт Социалистическай үлэ Дьоруойа Роман Константинов томороон тымныыттан, өҥүрүк куйаастан толлубат чахчы да дьоруойдуу уонна айымньылаах үлэтинэн киллэрбит кылаата кэмнэммэт сүүнэ, сүдү. Роман Иннокентьевич өбүгэ үөрүйэхтэригэр тирэҕирэн, байытан үлэлээбит тус уопута  күн бүгүн улууспутугар сылгыны иитиигэ, бары сылгыһыттарга тирэх буолан, бу салааны сайыннарыыга  күүс-көмө буола турарыгар махтанабыт, сүгүрүйэбит. Бу дьоһун суолталаах ыһыахха Дьоруой Арамаанынан сирэйдээн араас кэмнэргэ тахсыылаахтык үлэлээбит  улууспут туруу үлэһит сылгыһыттарыгар сылаас, истиҥ махтал тылларын аныыбыт.

Бүгүн - үрдүк Айыыларга, чуолаан, Дьөһөгөй Айыыга анаан сүгүрүйэр, айгыр-силик айылҕабытын кытта алтыһар дьоро күммүтүгэр бар дьоммут өйө-санаата түмүллэр, үс кута бөҕөргүүр, өрөгөй талаана арыллар. Үлэ Дьоруойун уруйдуур үрүҥ тунах ыһыахпыт арчылыыр-харыстыыр күүстээх алгыһынан күрүөлэнэн, улууспутугар биллэрбит Оҥорон таһаарыы сылыгар сыспай сиэллээхпитин сыһыы аайы сырыырҕатан, хороҕор муостаахпытын дэлэтэн, күөх сайын бэрсэр уйгутун сомсон, чэгиэн, чэбдик туруктаах, үөрэ-көтө олох дьолун айан-тутан, бука бары этэҥҥэ дьоллоохтук олороргутугар баҕарабын!

Уруй! Туску!

Убаастабыллаах доруобуйа харыстабылын үлэһиттэрин, медиктэри улуус салалтатын уонна тус бэйэм ааппыттан идэлээх бырааhынньыккытынан – Медицина үлэһиттэрин күнүнэн ис сүрэхпиттэн эҕэрдэлиибин!

Дьон чөл туруктаах, доруобай буоларын туһугар дириҥ билии, аһыныгас, амарах буолуу, идэҕэ бэринии - Чурапчы улууһун медиктэригэр толору баар хаачыстыбалар. Быраас, медсиэстэрэ идэлэрэ, медицинскэй персонал үлэтэ хайдах курдук суолталаахтарын билэбит, өйдүүбүт. Эһиги күннэтэ дьон олоҕун араас ыарахан ыарыылартан быыһыыр, харыстыыр туһугар охсуһуугут чахчы дьоруойдуу быһыы чаҕылхай холобура. Үгүскүт тус олоҕор кутталлаах үлэлэртэн чаҕыйбакка, сүҥкэн эппиэтинэһи сүгэн, күннэтэ идэҕит туһаайар тургутууларын чиэстээхтик туоруугут.

Эһиги тулуургут, бэйэ туһун санаабат бастыҥ майгыгыт уонна идэҕитигэр дириҥ бэриниигит иһин махтанабын. Доруобуйа харыстабылын бэтэрээннэригэр туспа улахан эҕэрдэбин уонна махталбын тиэрдэбин. Эһиги баай уопуккут, олохтообут үтүө үгэстэргит инникитин даҕаны улууспут нэһилиэнньэтин доруобуйатын харыстабылыгар көмөлөһө, көдьүүстүү туруохтарыгар, утумнаахтык салҕаныахтарыгар эрэнэбин!

Улууспут үрүҥ халааттаах аанньалларыгар, эһиэхэ уонна эһиги чугас дьоҥҥутугар, дьолу, этэҥҥэ буолууну, кытаанах доруобуйаны уонна үлэҕитигэр саҥаттан саҥа ситиһиилэри баҕарабын!