Эргиэн үлэһиттэрин күнүгэр урбаанньыт Анастасия Ноева салайааччылаах «Алаас» остолобуой Чурапчы сүрүн гастрономическай точката буолан, ТРМП резиденин статуһун тутта. Резидент статуһун ылыы «Алаас»-ка үлэни-хамнаһы өссө күүскэ сайыннаран, ас-үөл эйгэтигэр үлэтэ кыаҕырарыгар уонна социальнай эппиэтинэһэ үрдүүрүгэр улахан суолу арыйда.

Бу ТРМП диэн нолуок чэпчэтиилэрин, административнай өйөбүлү уонна чэпчэки усулуобуйалары биэрэр бэртээхэй статус. Маны туһанан «Алаас» остолобуой куухунатын саҥардарыгар кэҥэтэригэр уонна өссө элбэх дьону аһатарыгар үчүгэй усулуобуйаланыыта - сайдыыга хардыы!

Биһиги "Алаас" остолобуойбут чахчы да Чурапчыбыт биизитнэй карточката буолан, ыраахтан, чугастан сылдьар ыалдьыттарын тэҥэ бэйэбит олохтоохторбутун гастрономическай туризм иитинэн ыҥырар-угуйар кыахтанара үөрдэр. Алаас ахтылҕаннаах, абылаҥнаах амтанын амсайан биһирээбит бар дьон улуус таһыгар ыраахха тиийэ тарҕаммыт үтүө сыанабыллара саҥаттан саҥа ыалдьыттары угуйа турар.
Чурапчы сирин бэйэ тус кылаатынан сайыннарыыга, аатын-суолун биһирэбиллээхтик киэн тутта ааттатыыга, олохтоох дьону, ыалдьыттары бэйэ оҥорон таһаарар минньигэс, иҥэмтиэлээх эгэлгэ аһынан хааччыйыыга "Алаас" остолобуой дьоһун холобуру көрдөрөр.

"Алаастарга" ылсыбыт улахан суолталаах үлэҕит өссө сайдарыгар, үрдүк таһаарыылаах буоларыгар, бар дьону минньигэс, тотоойу аһынан хааччыйыыны сэргэ инникитин өрөспүүбүлүкэ гастрономическай туризмын биир бастыҥ тэрилтэтэ буола үүнэргитигэр баҕарабын!

Улуус баһылыгын планеркатыгар ааспыт нэдиэлэҕэ ыытыллыбыт үлэлэр түмүктэрэ, үүммүт нэдиэлэ былааннара, бара турар үлэлэр хаамыылара көрүлүннүлэр. Ол курдук, ааспыт нэдиэлэҕэ улуус дьаһалтатыгар ситиһиилээх оҕолору чиэстээһин, ититэр систиэмэлэри кыстыкка киириигэ бэлэмнээһин, пааспардарын толорууга үлэ,  оттооһун боппуруостарыгар суһал ыстаап мунньаҕа, олохтоох салайыныы Сэбиэтин мунньаҕа, спортиҥҥа сүүмэрдиир чемпионакка кыттыы уонна Д.П.Коркин үбүлүөйдээх сылыгар бэлэмнэнии уо.д.а. боппуруостарыгар улуус дьаһалтатыгар сүбэ мунньахтар ыытыллыбыттара,  прокуратураны кытта улуус баһылыга Мындаҕаайыга суолу уонна уһуйааны өрөмүөннээһин хаамыыларын көрбүттэрэ. Улуус салалтатын ааспыт нэдиэлэттэн нэһилиэктэргэ оттооһун, үүт соҕотуопкатын хаамыыларын көрөр-истэр сырыылара бу нэдиэлэҕэ салгыы барыахтара.

Үүммүт нэдиэлэҕэ Чурапчы нэһилиэгин иһэр уунан хааччыйар тутуу боппуруоһугар улуус дьаһалтатыгар сүбэ мунньах, тус туруорсуулаах дьоҥҥо улуус баһылыгын приема, атырдьах ыйын 4 күнүгэр буолуохтаах өрөспүүбүлүкэ бастакы президенин М.Е.Николаев сырдык кэриэһигэр анаммыт күнү тэрийэн ыытыыга сүбэ мунньах, Дьокуускайга Чурапчы колхуостарын күүс өттүнэн көһөрүү 85 сылын бэлиэтээһин боппуруоһугар хамыыһыйа мунньаҕа, Чурапчы улууһугар “Биир ньыгыл Арассыыйа” паартыйа өрөспүүбүлүкэтээҕи ситэриилээх кэмитиэтин салалтата кыттыылаах семинардар, улуус баһылыгын нэһилиэктэргэ оттооһун, үүт соҕотуопкатын хаамыыларын тугурун көрөр сырыылара уонна да атын кэккэ тэрээһиннэр, үлэлэр былааҥҥа турдулар.

Полиция отделын нэдиэлэтээҕи сводкатын иһиннэриитинэн, ааспыт нэдиэлэҕэ барыта  51 салайабылыанньа киирбититтэн 17 микрозайм ылан баран төлөөбөт буолууга, МТС оператора атын киһи аатыттан дуогабары оҥоруутугар үҥсүү, биир төрөппүккэ кыра оҕотун  көрүүтэ суох хаалларбытыгар, дьиэҕэ-уокка айдаарсыыга 3, уопсастыбаннай миэстэҕэ арыгы иһэн баран сылдьыыга 3 боротокуол толоруллан үлэ барар.

ГАИ хайысхатынан барыта 292 массыына бэрэбиэркэлэммититтэн 73 боротокуол толоруллан үлэ барар. Ол иһигэр бырааба суох уруулга олорбут 9 суоппарга, суол быраабылатын кэһии түмүгэр штрафстоянкаҕа туруоруллубут 9 массыына, биир матассыыкыл суоппарыгар боротокуоллар толоруллубуттар. Маны таһынан Хатылыттан матассыыкыллаах оҕолор түүн утуппаттар диэн үҥсүү киирбит.

Микрозайм ылыыта үксэ эдэр оҕолор, устудьуоннар өттүлэриттэн тахсара, ол займ барыта соҕурууҥу бааннартан интернетинэн онлайн иэс ылыы буолара, сорох түгэҥҥэ уонтан тахсалыы микрозаймнаахтар бааллара бэлиэтэнэр. Улуус баһылыга Степан Саргыдаев бу боппуруоска уонна көҥүлэ суох хатааһылааһыҥҥа матассыыкыллаах оҕолору көрүүгэ-истиигэ нэһилиэк, оскуола салалталарын, төрөппүттэр уонна кылаас салайааччыларын өттүттэн сэрэтэр үлэ, тыаҕа сир астыы барааччыларга сүтүү тахсыбатын наадатыгар бары нэһилиэктэргэ профилактическай үлэ тиһигин быспакка барыахтааҕын бэлиэтээтэ.

Билигин улуус иннигэр тирээн турар соругунан бары күүһү оттооһуҥҥа уурууга уонна кыстыкка бэлэмнэниигэ туһулуурга планеркаҕа өссө төгүл чопчулаан этилиннэ.

Бүтүн өрөспүүбүлүкэтээҕи гражданнары приемнуур күҥҥэ сөп түбэһиннэрэн, бу күннэргэ олохтоохтору кытта көрсөн кэпсэттим.

Гаастааһын, киирии суоллар өрөмүөннэрин, байыаннай дьайыыга сылдьар уолаттарбытыгар көмө, ТОС-тар кыһалҕалара турдулар.

Маны быһаарарга тустаах үлэ-хамнас барыаҕа.

Сегодня вместе с заместителем Председателя Правительства России – полномочным представителем Президента Российской Федерации в Дальневосточном федеральном округе Юрием Петровичем Трутневым посетили учебно-стрелковый центр «Сулус» и Якутскую кадетскую школу-интернат, пообщались с инструкторами. Юрий Петрович отметил важность этой работы для воспитания молодежи и особенно – участия в ней наставников, прошедших школу боевых действий. «Сулус», созданный по его инициативе, сегодня является одним из немногих полигонов страны, где доступны дистанции стрельбы до 3,8 километра.

Отдельно обсудили подготовку четвертого турнира по стрельбе на дальние дистанции памяти Героя Советского Союза Федора Матвеевича Охлопкова. В этом году он впервые пройдет в международном статусе, заявки уже поступают от зарубежных участников. По предложению Юрия Петровича вместе с основным турниром пройдут командные соревнования для ребят 16–18 лет из регионов Дальнего Востока. Молодежный турнир пройдет в формате стрельбы из малокалиберных винтовок. Для Якутии турнир по стрельбе на дальние дистанции неразрывно связан с именем Героя Советского Союза, великого снайпера Федора Матвеевича Охлопкова. Его судьба и подвиги остаются примером мужества, ответственности и служения своей стране. Такие примеры и должны воспитывать новые поколения.

max.ru/aisen_nikolaev