#bilasizmi

1️⃣2️⃣3️⃣4️⃣5️⃣

CES 2026: texnologiyalar ko‘rgazmasida e’tibor tortgan eng g‘ayrioddiy startaplar

Consumer Electronics Show 2026 (CES 2026) xalqaro ko‘rgazmasi Las-Vegas shahrida bo‘lib o‘tdi. Bu yilgi tadbir texnologik ishlanmalarning amaliyotga yo‘naltirilganligi va kreativ yondashuvlari bilan ajralib turdi. Startaplar sun’iy intellekt, robototexnika va raqamli texnologiyalarni kundalik hayotga integratsiya qilish bo‘yicha yangi yechimlarni taqdim etdi.

✔️ Musiqa uzatuvchi innovatsion qurilma

CES 2026 doirasida namoyish etilgan Lollipop Star ishlanmasi oddiy xo‘rozqand emas, balki iste’mol jarayonida musiqa uzatadigan innovatsion qurilmadir.
Ixtiro suyak o‘tkazuvchanligi (bone conduction) texnologiyasiga asoslangan: shirinlikdan hosil bo‘lgan tovush tebranishlari tishlar va bosh suyagi orqali bevosita ichki quloqqa yetkaziladi.


✔️ Intellektual uy yordamchisi

LG kompaniyasi tomonidan taqdim etilgan CLOiD roboti maishiy jarayonlarni avtomatlashtirishga qaratilgan. Sun’iy intellekt asosida ishlovchi ushbu tizim turli vazifalarni bajarishi va foydalanuvchi bilan interaktiv muloqot qilishi mumkin.

✔️ MyPersonas — raqamli nusxa

MyPersonas platformasi insonning “raqamli ikkiligini” yaratadi. Dastur foydalanuvchining nutq uslubi, yozish tarzi va javob berish modelini o‘rganadi.

Shundan so‘ng u huddi shu uslubda, inson nomidan muloqot qilish imkoniga ega bo‘ladi. Oddiy qilib aytganda, bu — shaxsiy virtual assistent.

✔️ Robotlashtirilgan terapevtik hamroh

Kaliforniyalik Tombot kompaniyasi tomonidan ishlab chiqilgan robot-labrador emotsional qo‘llab-quvvatlash maqsadida yaratilgan. Sensorlar orqali ta’sirga javob qaytaradigan ushbu robot ayniqsa yolg‘iz keksalar va terapiya muhtojlari uchun mo‘ljallangan.

✔️ Aqlli soch mashinasi

Shuningdek, Glyde kompaniyasi dunyodagi birinchi aqlli soch olish mashinasini taqdim etdi. Qurilmaning o‘ziga xosligi shundaki, foydalanuvchi maxsus ilova orqali soch turmagini tanlaydi, shundan so‘ng mashina avtomatik ravishda tanlangan uslubda sochni kesadi va shakllantiradi.

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

#tijoratlashtirish

Innovatsion rivojlanish agentligi va Intellektual mulk markazi hamkorlikni yangi bosqichga olib chiqmoqda

Innovatsion rivojlanish agentligi hamda Intellektual mulk markazi vakillari o‘rtasida sohada o‘zaro hamkorlikni yanada takomillashtirish masalalariga bag‘ishlangan uchrashuv bo‘lib o‘tdi.

🌐 Batafsil

Bizni kuzating

Web-site | Instagram | Facebook | YouTube | LinkedIn

#Qonunchilikdagi_yangiliklar

❗️ Ilmiy faoliyat sohasidagi tashkilotlar laboratoriya uskunalari bilan ta’minlanadi

Hukumat qarori (65-son, 17.02.2026-y.) bilan “Ilmiy faoliyat sohasidagi tashkilotlarni laboratoriya asbob-uskunalari, sarflov materiallari va butlovchi qismlar bilan ta’minlash tartibi to‘g‘risida”gi nizom tasdiqlandi.

🔰 Nizomga ko‘ra, quyidagi mas’ullar tomonidan xarid uchun ariza amalga oshiriladi:

🔹 ilmiy loyihada – loyiha rahbari;

🔹 ilmiy mavzuda – ilmiy bo‘linma rahbari yoki ilmiy-tadqiqot dasturida tegishli ilmiy mavzuga rahbarlik qilishi belgilangan shaxs;

🔹 dissertatsiya tadqiqotida – doktorantlarning ilmiy rahbari yoki o‘zaro kelishilgan holda ilmiy daraja va unvonga ega bo‘lgan doktorantlar biri.

⏭️ Arizada ilmiy faoliyat yo‘nalishlarini ko‘rsatgan holda markazlashgan davlat xaridi yoki mustaqil ravishda xarid usullaridan birini amalga oshirish ko‘rsatiladi.

✔️ Ariza, maxsus axborot tizimida ma’lum bir ilmiy faoliyat yo‘nalishidagi tadqiqotni bajarishga mas’ul tashkilot rahbari tomonidan kelishilgach, yuboriladi.

⌛️ Agentlik qabul qilingan arizalar bo‘yicha shakllantirilgan buyurtmalarni 10 ish kuni ichida belgilangan talablarga muvofiqligini ko‘rib chiqadi.

📁 Ko‘rib chiqish natijalari bo‘yicha ma’qullangan arizalar maxsus axborot tizimi orqali Xarid komissiyasiga yuboriladi.

Bizni kuzating

Web-site | Instagram | Facebook | YouTube | LinkedIn

🛰 Prezidentga birinchi milliy sun’iy yo‘ldosh maketlari taqdim etildi

Taqdimot davomida mutaxassislar yo‘ldoshning konstruksiyasi, asosiy foydali yuklamasi, quyosh panellari, shuningdek, uning orbita sharoitida ishlash mexanizmi haqida batafsil axborot berildi.

Shu bilan birga, birinchi milliy kosmonavtni saralash maqsadida umummilliy tanlov tashkil etish rejalashtirilayotgani ma’lum qilindi.

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

#internship

🇩🇪 Germaniyada kompyuter fanlari yo‘nalishida to‘liq moliyalashtiriladigan amaliyot dasturi

Germaniyadagi Max Planck Society institutlari kompyuter fanlarining barcha yo‘nalishlari bo‘yicha tadqiqot olib borish uchun amaliyot dasturini taklif etadi.

Dastur bakalavriat, magistratura, doktorantura talabalari hamda kompyuter fanlari sohasida ilmiy izlanish olib borishga qiziqqan mutaxassislar uchun ochiq. Tanlov jarayoni yuqori raqobat asosida amalga oshiriladi.

Har bir ishtirokchi mentor bilan biriktiriladi va loyiha nomzodning akademik qiziqishlari hamda tajribasiga mos ravishda belgilanadi. Dastur odatda 12–14 oy davom etadi va ingliz tilida olib boriladi.

Moliyaviy ta’minot:
– oylik stipendiya;
– turarjoy xarajatlari;
– borish va qaytish yo‘l xarajatlari kompensatsiyasi.

➡️Batafsil: https://www.cis.mpg.de/internships/

https://apply.cis.mpg.de/register/internship

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

#bilasizmi

1️⃣2️⃣3️⃣4️⃣5️⃣

Data-markaz (data center) — bu katta hajmdagi ma’lumotlarni saqlash, qayta ishlash va uzatish uchun mo‘ljallangan maxsus serverlar majmuasi. Internet, bulutli xizmatlar va sun’iy intellekt tizimlari aynan shu infratuzilmaga tayanadi.

2026 yilgi tahlillarga ko‘ra, data-markazlar soni bo‘yicha mutlaq yetakchi — AQSh. Mamlakat hududida qariyb 4000 ga yaqin data-markaz joylashgan bo‘lib, bu ko‘rsatkich ko‘plab davlatlarning umumiy sonidan ham yuqori.

Yevropada Buyuk Britaniya, Germaniya va Fransiya yetakchi o‘rinlarni egallagan.

Osiyoda esa Xitoy, Yaponiya va Hindiston raqamli infratuzilmani jadal rivojlantirmoqda. Shuningdek, Singapur va Gonkong strategik joylashuvi tufayli mintaqaviy markazga aylangan.

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

#foydali

1️⃣2️⃣4️⃣4️⃣5️⃣6️⃣

Dissertatsiya yozishda foydali ilmiy bazalar

🇺🇿 Milliy bazalar

🔹 Unilibrary.uz
Oliy ta’lim va ilmiy muassasalarining yagona elektron kutubxonasi. Darsliklar, monografiyalar, dissertatsiyalar mavjud.
🔹 Alisher Navoiy nomidagi O‘zbekiston Milliy kutubxonasi
Himoyalangan dissertatsiyalar bilan tanishish imkoniyati (ko‘rish rejimida).

🌐 Mintaqaviy va xalqaro bazalar

🔹 eLIBRARY.ru — rus tilidagi maqolalar va avtoreferatlar.
🔹 DisserCat — dissertatsiya avtoreferatlari.
🔹 Open Access Theses and Dissertations — ochiq xalqaro dissertatsiyalar.
🔹 EThOS — Buyuk Britaniya PhD ishlari.
🔹 DART-Europe — Yevropa universitetlari bazasi.

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

🟦🟦🟦

🌐 Innovatsion rivojlanish agentligi huzuridagi Ilmiy-texnik axborot markazi "Robototexnika va nanotexnologiya sohasidagi ilmiy va innovatsion ishlanmalar" bo‘yicha so‘nggi yangiliklarni taqdim etadi!

00:19 – AGIBOT robotlari CES 2026da bir necha mukofotni qo‘lga kiritdi;

01:10 – Robotlar bilan real vaqt rejimida muloqot qilish imkoniyati yaratildi;

01:44 – Saratonning immun himoyasini bloklovchi nanorobot yaratildi.

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube