#InnoWeek_2026

🇦🇿 Hasan Hasanli — Ozarbayjon Respublikasi fan va ta’lim vaziri o‘rinbosari “InnoWeek-2026” doirasida bo‘lib o‘tadigan “Turkiy davlatlar ilm-fan va innovatsiyalar kuni” forumida ishtirok etadi.

Tadbir maqsadi: turkiy davlatlar o‘rtasida fan va innovatsiyalar sohasidagi hamkorlikni rivojlantirish, ilmiy-tadqiqot muassasalari, innovatorlar va real sektor vakillari o‘rtasidagi aloqalarni mustahkamlash.

📍 Manzil: Alpha Hall
⏳ Vaqt: 14:30–17:30, 27-oktabr

🔴Ro‘yxatdan o‘tish uchun innoweek.uz.

Bizni kuzating

Web-site | Instagram | Facebook | YouTube

#Nobel

🧪 2026-yilgi Nobel mukofoti kimyo yo‘nalishida

2026-yilgi Nobel mukofoti kimyo yo‘nalishida fransiyalik olim Anri B. Kagan va yaponiyalik olim Kenso Soiga berildi.

Olimlar asimmetrik organik sintezda nochiziqli effektlar va avtokatalizni kashf etgani uchun taqdirlandi.

🔬 Bu kashfiyot nimasi bilan muhim?
Ko‘plab molekulalar bir-birining ko‘zgudagi aksi bo‘lgan ikki xil shaklda mavjud bo‘lishi mumkin. Ular tashqi ko‘rinishidan juda o‘xshash bo‘lsa-da, tirik organizmda ta’siri butunlay boshqacha bo‘lishi mumkin.

Masalan, ayrim dori molekulalarining ikki xil «ko‘zgudagi» shaklidan faqat bittasi kerakli davolovchi ta’sirni berishi, ikkinchisi esa samarasiz yoki nojo‘ya ta’sirga ega bo‘lishi mumkin.

Kagan va Soi tadqiqotlari kimyoviy reaksiyalarni molekulaning kerakli ko‘zgudagi shaklini hosil qilish tomon yo‘naltirish imkonini berdi. Bu yondashuv dori vositalari, xushbo‘y moddalar va yangi materiallarni yaratishda muhim ahamiyatga ega.

✅ Olimlarning ishlari, shuningdek, tirik organizmlarda nega ayrim molekulalarning aynan bitta «ko‘zgudagi» shakli ustun ekanini tushuntirishga yordam berdi. Bu hodisa gomoxirallik deb ataladi va kimyoda bir asrdan ortiq vaqt davomida o‘rganib kelinayotgan masalalardan biri hisoblanadi.

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

#InnoWeek_2026

✅ Yangi g‘oya bugungi tez o‘zgarayotgan dunyoning eng qimmat aktivlardan biri!

➡️ Har qanday katta biznes, yangi texnologiyalar g‘oyadan yaraladi. Muammoga topilgan samarali yechim esa katta imkoniyatga aylanishi mumkin.

InnoWeek-2026 — yangi g‘oyalarni izlayotganlar uchun eng muhim maydon.

Bu yerda siz:
⚫️ yangi texnologik yechimlar bilan tanishasiz;
⚫️ ilmiy ishlanmalar va startaplarni kashf etasiz;
⚫️ tadbirkorlik uchun yangi g‘oya va yo‘nalishlarni ko‘rasiz;
⚫️ istiqbolli loyihalar mualliflari bilan muloqot qilasiz;
⚫️ yangi hamkorlik aloqalarini o‘rnatasiz.

➡️ Sarmoyadorlar va yangi g‘oyalar mualliflarini bir manzilda jamlovchi InnoWeek-2026 — xalqaro innovatsion g‘oyalar haftaligi oʻzgarayotgan dunyo uchun zarur innovatsiyalar bilan yaqindan tanishish imkoniyati.
Balki siz izlayotgan keyingi biznes g‘oyasi aynan shu yerdadir.

🔍 InnoWeek-2026 | 27–29-oktyabr | CAEx

Yangi g‘oyalarni ko‘ring. Yangi imkoniyatlarni kashf eting. Kelajak texnologiyalari bilan bugun tanishing!

Bizni kuzating

Web-site | Instagram | Facebook | YouTube

#InnoWeek_2026

🤔 InnoWeek–2026’da ishtirok etish uchun ro‘yxatdan o‘ting!

Agar siz o‘tgan yili InnoWeek’da ro‘yxatdan o‘tgan bo‘lsangiz, qaytadan ro‘yxatdan o‘tishingiz shart emas. Avvalgi telefon raqamingiz va parolingiz orqali shaxsiy profilingizga kirish tartibi bilan videoqo‘llanmada batafsil tanishib chiqishingiz mumkin.

Bu yil ham InnoWeek’dagi ishtirokingiz uchun sertifikat olish imkoniyati mavjud. Qiziqqan tadbirlaringizni oldindan tanlab, ularda ishtirok etish uchun ro‘yxatdan o‘ting.

⚪️ InnoWeek 2026: ro‘yxatdan o‘tish

⚪️ Inno Market: ro‘yxatdan o‘tish

InnoWeek–2026’da sizni kutamiz! Hoziroq ro‘yxatdan o‘ting va innovatsiyalar haftaligida o‘z ishtirokingizni tasdiqlang.

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

#InnoWeek_2026

🇮🇹 Paolo Tarolli — Padova universiteti professori “InnoWeek-2026” doirasida o‘tkaziladigan “Innovate Together: Xalqaro ilm-fan va innovatsiyalar forumi” tadbirida ishtirok etadi.

Forumda xalqaro ilmiy hamkorlikni rivojlantirish, ilmiy tadqiqotlarning dolzarb yo‘nalishlari, sun’iy intellekt, raqamli transformatsiya, ilmiy loyihalar hamda xorijda tahsil olgan vatandosh olimlarning ilmiy faoliyati va yutuqlari muhokama qilinadi. Shuningdek, davlat ilmiy dasturlari doirasida moliyalashtirilgan loyiha rahbarlarini taqdirlash marosimi o‘tkaziladi.

📍 Manzil: CAEx | Beta hall
⏳ Vaqt: 10:00–13:30, 28-oktabr

🔴Ro‘yxatdan o‘tish uchun innoweek.uz.

Bizni kuzating

Web-site | Instagram | Facebook | YouTube

1️⃣2️⃣3️⃣4️⃣5️⃣

Saudiya birinchi, Oʻzbekiston 88,8 ball: dunyoda raqamli taraqqiyot reytingi eʼlon qilindi

Internetdan foydalanish imkoniyati qanchalik keng? Mobil tarmoqlar qamrovi qanday? Ulanish xizmatlari aholiga qanchalik qulay?

Raqamli infratuzilma rivoji qay darajada?

Bu savollarga javob berishda Xalqaro elektraloqa ittifoqining (ITU) AKTni rivojlantirish indeksi — IDI muhim xalqaro ko‘rsatkichlardan biri hisoblanadi.

📊 2026-yilgi natijaga ko‘ra, O‘zbekiston 88,8 ball to‘pladi. Bir yil avval bu ko‘rsatkich 86,5 ball edi.

🔎 88,8 ball qanday shakllangan?

Indeks raqamli ulanishning ikki tomonini baholaydi:
1. Universal ulanish — 88,9 ball
Aholining internet va mobil keng polosali xizmatlardan foydalanish imkoniyatlari.
2. Mazmunli ulanish — 88,7 ball
Internet sifati, mobil tarmoqlar qamrovi, foydalanish hajmi hamda ulanishning qulayligi va hamyonbopligi kabi omillar.

📼 Taqqoslash uchun, eng yuqori natija Saudiya Arabistonida — 99,8 ball qayd etilgan.

📍 Nega bu ko‘rsatkich muhim?
Raqamli rivojlanish faqat internetga ulanganlar soni bilan belgilanmaydi. Zamonaviy yondashuvda ulanishning sifati, undan foydalanish imkoniyati va raqamli xizmatlarning aholi uchun amalda qanchalik qulay ekani ham hisobga olinadi.

Shu jihatdan, IDI natijalari mamlakatning raqamli infratuzilmasi va undan foydalanish imkoniyatlarini xalqaro mezonlar asosida baholashga yordam beradi.

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

#Nobel

Adabiyot bo‘yicha Nobel: 2026-yil laureati ma’lum

2026-yilgi Nobel mukofoti adabiyot yo‘nalishida kanadalik shoir va yozuvchi Enn Karsonga berildi.

Shvetsiya akademiyasi uni klassik an’analar bilan ijodiy muloqotga kirishib, zamonaviy adabiyot uchun yangi shakllar yaratgan jasur va o‘ziga xos ijodkor sifatida e’tirof etdi.

✍️ Enn Karson ijodining o‘ziga xosligi nimada?

Karson ijodida she’riyat, nasr, esse va tarjima kabi turli janrlar bir-biri bilan uyg‘unlashadi. U qadimgi yunon va rim adabiyoti hamda mifologiyasiga murojaat qilib, ularni zamonaviy insonning his-tuyg‘ulari va hayotiy tajribasi bilan bog‘laydi.

Uning mashhur asarlaridan biri — „Autobiography of Red“. Unda qadimgi yunon mifologiyasidagi Geryon obrazi zamonaviy qahramonning ulg‘ayishi va o‘zligini izlash haqidagi hikoyaga aylantirilgan.

✅ Karsonning ijodi adabiyotdagi an’anaviy janr chegaralarini kengaytirib, qadimiy manbalar va zamonaviy adabiy shakllarni bir asarda uyg‘unlashtirish imkoniyatini namoyon etadi.

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

#InnoWeek_2026

🇺🇿 Shavkat Ayupov — O‘zbekiston Fanlar Akademiyasi prezidenti “InnoWeek-2026” doirasida bo‘lib o‘tadigan Xalqaro ilm-fan kengashi Markaziy Osiyo va Janubiy Kavkaz mintaqaviy ofisining rasmiy ochilish marosimi va mintaqaviy ilmiy muloqot tadbirida ishtirok etadi.

Tadbirda ISCning mintaqadagi yangi ofisi rasman ishga tushiriladi. Shuningdek, mintaqada ilmiy hamkorlik, ilmiy diplomatiya, qo‘shma tadqiqotlar va innovatsiyalarni qo‘llab-quvvatlash, barqaror rivojlanish hamda ilmiy asoslangan qarorlar qabul qilinishiga ko‘maklashuvchi platforma sifatidagi faoliyatining asosiy yo‘nalishlari taqdim etiladi.

📍 Manzil: CAEx | Conference Hall
⏳ Vaqt: 11:30–17:00, 27-oktabr

🔴 Ro‘yxatdan o‘tish: innoweek.uz

Bizni kuzating

Web-site | Instagram | Facebook | YouTube

#InnoWeek_2026

Biror imkoniyatni o‘tkazib yuborayotgan bo‘lishingiz mumkin…

Balki, aynan siz izlayotgan g‘oya, bo‘lajak hamkor yoki yangi imkoniyat InnoWeek–2026’da sizni kutayotgandir?

📍 27–29-oktabr | CAEx

🌀 Imkoniyatni boy bermang — hoziroq ro‘yxatdan o‘ting: innoweek.uz

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

#InnoWeek_2026

🇰🇬 Gulzat Isamatova — Qirg‘iziston ilm-fan, oliy ta’lim va innovatsiyalar vaziri “InnoWeek-2026” doirasida bo‘lib o‘tadigan “Turkiy davlatlar ilm-fan va innovatsiyalar kuni” forumida ishtirok etadi.

Forumda turkiy davlatlar o‘rtasida fan va innovatsiyalar sohasidagi hamkorlikni natijaga yo‘naltirilgan va amaliyotga qaratilgan platformaga aylantirish, ilmiy-tadqiqot muassasalari, innovatorlar hamda real sektor vakillari o‘rtasidagi aloqalarni mustahkamlash masalalari muhokama qilinadi.

📍 Manzil: CAEx | Alpha Hall
⏳ Vaqt: 14:30–17:30, 27-oktabr

🔴Ro‘yxatdan o‘tish: innoweek.uz

Bizni kuzating

Web-site | Instagram | Facebook | YouTube

#Nobel

🌍 Tinchlik, huquq va adolat: 2026-yilgi Nobel mukofoti

2026-yilgi Nobel tinchlik mukofoti Janubiy Afrikalik huquqshunos va inson huquqlari himoyachisi Navanethem (Navi) Pillayga berildi. Norvegiya Nobel qo‘mitasi uning xalqaro huquqni mustahkamlash va tinchlikni ta’minlashga qo‘shgan hissasini e’tirof etdi.

Navi Pillay kim?

1941-yilda Janubiy Afrikaning Durban shahrida tug‘ilgan Navi Pillay faoliyatini huquqshunos sifatida boshlagan. U aparteid davrida irqiy kamsitishga qarshi kurashgan va inson huquqlarini himoya qilish bilan shug‘ullangan.
U Janubiy Afrika Oliy sudida, Ruanda bo‘yicha Xalqaro jinoiy tribunaldа hamda Xalqaro jinoiy sudda sudya sifatida faoliyat yuritgan. 2008–2014-yillarda esa BMTning Inson huquqlari bo‘yicha Oliy komissari lavozimida ishlagan.

Mukofot nima uchun berildi?

Nobel qo‘mitasi Pillayning harbiy jinoyatlar, insoniyatga qarshi jinoyatlar va genotsid uchun javobgarlikni ta’minlashga qaratilgan faoliyatini alohida qayd etdi. Uning faoliyati xalqaro huquq institutlarini mustahkamlash va og‘ir jinoyatlar uchun javobgarlik tamoyilini ilgari surish bilan bog‘liq.
Xalqaro huquqning izchil qo‘llanilishi nizolarni huquqiy yo‘l bilan hal etish, inson huquqlarini himoya qilish va tinchlikni mustahkamlashda muhim o‘rin tutadi.

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

🟦🟦🟦

🌐 Innovatsion rivojlanish agentligi huzuridagi Ilmiy-texnik axborot markazi “Qishloq xo‘jaligi sohasidagi ilmiy va innovatsion ishlanmalar” bo‘yicha so‘nggi yangiliklarni taqdim etadi!

00:23 – Nanozarrachalar yordamida uzum hosili oshirildi;

00:52 – Tuproq holatini doimiy nazorat qiluvchi yangi datchik yaratildi;

01:25 – AI yordamida pomidorning issiqqa chidamliligi oshirildi.

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

#Nobel

Iqtisodiy barqarorlikni ta’minlashga xizmat qiluvchi tadqiqotlar Nobel mukofoti bilan e’tirof etildi

2026-yilgi Iqtisodiyot fanlari bo‘yicha Alfred Nobel xotirasiga bag‘ishlangan Shvetsiya davlat banki mukofoti amerikalik iqtisodchilar Robert E. Hall va Michael Woodfordga berildi. Ular makroiqtisodiy barqarorlashtirishning mikroiqtisodiy asoslarini ishlab chiqqani uchun taqdirlandi.

🗣 Tadqiqotlarning mohiyati nimada?
Olimlar uy xo‘jaliklari va korxonalarning iqtisodiy qarorlari umumiy iqtisodiy jarayonlarga qanday ta’sir qilishini hisobga oluvchi makroiqtisodiy modellarni rivojlantirdilar. Ushbu modellar iqtisodiyotdagi o‘zgarishlarni chuqurroq tahlil qilish va iqtisodiy siyosat choralarining samaradorligini oshirishga yordam beradi.

🗣 Bu nima uchun muhim?
Iqtisodiyotda inflyatsiya, energiya narxlarining keskin o‘zgarishi yoki aholining iste’mol xarajatlaridagi o‘zgarishlar iqtisodiy barqarorlikka ta’sir ko‘rsatishi mumkin. Hall va Woodfordning tadqiqotlari davlatlar hamda markaziy banklarga bunday iqtisodiy siljishlarni tahlil qilish, pul-kredit va budjet siyosati choralarini asoslash uchun nazariy poydevor yaratdi.

🗣 Ma’lumot uchun: Iqtisodiyot fanlari bo‘yicha ushbu mukofot Shvetsiya davlat banki — Sveriges Riksbank tomonidan 1968-yilda ta’sis etilgan va ilk bor 1969-yilda topshirilgan. U Alfred Nobel vasiyatida ko‘rsatilgan dastlabki beshta mukofot tarkibiga kirmaydi.

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

#sceince_interview

Suvni 50 foizgacha tejab, paxta hosildorligini oshirish mumkinmi?

Innovatsion rivojlanish agentligi tomonidan moliyalashtirilgan ilmiy loyiha doirasida g‘o‘za yetishtirishda suv va mineral o‘g‘itlardan samarali foydalanishga qaratilgan yangi agrotexnologiya ishlab chiqildi.

Toshkent irrigatsiya va qishloq xo‘jaligini mexanizatsiyalash muhandislari instituti Milliy tadqiqot universiteti dotsenti, qishloq xo‘jaligi fanlari doktori Normat Durdiyev tomonidan olib borilgan tadqiqotlar natijasida:

🟢 sug‘orish suvi sarfini 40–50 foizgacha kamaytirish;
🟢 mineral o‘g‘itlarni 30–40 foizgacha tejash;
🟢 paxta hosildorligini gektariga 8–10 sentnerga oshirish;
🟢 yoqilg‘i va mehnat xarajatlarini 25–30 foizga qisqartirish imkoniyati aniqlandi.

🔥 To‘liq videoni YouTube kanalimizda tomosha qiling!

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

#Inno_time
#hafta_yangiliklari

🌐Ilm-fan va innovatsiyalar dunyosidagi eng so‘nggi yangiliklar!

00:12 – Gen terapiyasi yordamida ko‘rish qobiliyatining bir qismi tiklandi;

00:46 – Quyosh tizimidagi sirli to‘qqizinchi sayyoraga oid yangi dalil topildi;

01:18 – Suhbatni matnga aylantiradigan aqlli soat taqdim etildi;

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

AI Station, Agrobank va AgroVentures startaplar uchun korporativ akselerator dasturiga arizalar qabul qilmoqda.

Agrotexnologiyalar, moliyaviy texnologiyalar, sun’iy intellekt yoki bank va fermerlar faoliyati uchun foydali yechim ishlab chiqyapsizmi? Endi o‘z g‘oyangizni Agrobank va uning hamkorlari bilan real sharoitda sinab ko‘rish imkoniyati mavjud.

12 haftalik akseleratsiya dasturi doirasida ishtirokchilarni quyidagi imkoniyatlar kutmoqda:

🔘 Agrobank, uning korxonalari va portfel kompaniyalarida pilot loyihalarni amalga oshirish;
🔘 Har bir jamoa uchun shaxsiy mentor hamda xalqaro va mintaqaviy ekspertlar bilan haftalik uchrashuvlar;
🔘 Loyihani Demo Day tadbirida AgroVentures fondi va hamkor investorlarga taqdim etish;
🔘 Dasturni muvaffaqiyatli yakunlagan startaplar uchun 500 ming AQSh dollarigacha investitsiya jalb qilish imkoniyati.

📌 Dasturda ishtirok etish bepul. Startaplardan ulush olinmaydi. Jami 20 tagacha startap saralab olinadi.

🤩 Arizalar 9-noyabrga qadar qabul qilinadi.
➡️ Ariza topshirish

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube

#Nobel

🏅 Nobel mukofoti laureatlarini kim tanlaydi?

Nobel mukofoti laureatlarini tanlash jarayoni turli ilmiy va akademik muassasalar tomonidan amalga oshiriladi. Alfred Nobelning vasiyatiga ko‘ra, mukofotning har bir yo‘nalishi uchun alohida mas’ul tashkilot belgilangan.

📌 Laureatlarni qaysi tashkilotlar tanlaydi?

🟠 Fizika, kimyo va iqtisodiyot fanlari — Shvetsiya Qirollik fanlar akademiyasi.
🟠 Fiziologiya yoki tibbiyot — Karolinska institutining Nobel assambleyasi.
🟠 Adabiyot — Shvetsiya akademiyasi.
🟠 Tinchlik — Norvegiya Nobel qo‘mitasi.

Tanlov jarayoni qanday kechadi?

Nomzodlar belgilangan tartibda ko‘rsatiladi. Tegishli Nobel qo‘mitalari nomzodlarni o‘rganadi, mutaxassislar xulosalarini tahlil qiladi va laureatlikka nomzodlar bo‘yicha tavsiyalar tayyorlaydi. Yakuniy qaror esa tegishli mukofot beruvchi muassasa tomonidan qabul qilinadi.

Nomzodlarni tanlash va baholashga oid hujjatlar 50 yil davomida maxfiy saqlanadi.

🗓 Nobel mukofotlari laureatlari odatda oktabr oyida e’lon qilinadi, taqdirlash marosimlari esa har yili 10-dekabr — Alfred Nobel vafot etgan kuni o‘tkaziladi. Tinchlik mukofoti Oslo shahrida, qolgan Nobel mukofotlari esa Stokgolmda topshiriladi.

➡️ Rasmiy manba: Nobel Prize — Prize-Awarding Institutions

Bizni ijtimoiy tarmoqlar orqali kuzatib boring⬇️

🚀 Telegram 🔵 Facebook 📷 Instagram 🎬 YouTube