Tergov organlari

O'zbekistonda 3 ta tergov organi mavjud:

⏺Prokuratura tergovchilari
⏺Ichki Ishlar vazirligi tergovchilari
⏺DXX tergovchilari

Qaysi jinoyatni qaysi organ tergov qiladi?

Prokuratura tergovchilari — korrupsiya, mansabdorlik bilan bog‘liq ayrim jinoyatlar, davlat va konstitutsiyaviy tuzumga qarshi ayrim jinoyatlar hamda qonunda belgilangan boshqa jinoyatlar

IIV tergovchilari — Qotillik, tan jarohati yetkazish, o‘g‘rilik, talonchilik, bosqinchilik, firibgarlik, mulkiy jinoyatlar, jamoat tartibiga qarshi ko‘plab jinoyatlar, giyohvandlik bilan bog‘liq ayrim jinoyatlar va boshqalar

DXX tergovchilari — Terrorizm, davlat xavfsizligiga tahdid qiluvchi jinoyatlar, davlat sirlariga oid jinoyatlar, konstitutsiyaviy tuzum va milliy xavfsizlikka qarshi ayrim jinoyatlar hamda qonunda belgilangan boshqa ishlar

𝘾𝙤𝙢𝘽𝙖𝙩.𝙪𝙯

Tezkor-qidiruv faoliyati haqida

Tezkor-qidiruv faoliyati Qonun bilan maxsus vakolat berilgan davlat organlarining tezkor boʼlinmalari tomonidan tezkor-qidiruv tadbirlari oʼtkazish orqali amalga oshiriladigan faoliyat turidir.

Tezkor-qidiruv faoliyatining asosiy vazifalari quyidagilardan iborat:

➡️inson huquqlari, erkinliklari va qonuniy manfaatlari, yuridik va jismoniy shaxslarning mol-mulki himoya qilinishini, shaxs, jamiyat va davlat xavfsizligini taʼminlash;
➡️jinoyatlarning oldini olish, ularni aniqlash, ularga barham berish va ularni fosh etish, shuningdek jinoyatlarni tayyorlash va sodir etishga daxldor shaxslarni aniqlash hamda topish;
➡️surishtiruv, tergov organlaridan va suddan yashirinib yurgan, jinoiy jazodan boʼyin tovlayotgan shaxslarni, bedarak yoʼqolgan shaxslar va qonunchilikda nazarda tutilgan hollarda boshqa shaxslarni qidirishni amalga oshirish, shuningdek tanib olinmagan murdalarning shaxsini aniqlash;
➡️shaxs, jamiyat va davlat xavfsizligiga tahdid solayotgan shaxslar, hodisalar, harakatlar (harakatsizlik) haqida axborot toʼplash.

O‘zbekiston Respublikasi hududidaTezkor-qidiruv faoliyatini amalga oshiruvchi organlar:
⏺O‘zbekiston Respublikasi Ichki ishlar vazirligi;
⏺O‘zbekiston Respublikasi Davlat xavfsizlik xizmati;
⏺O‘zbekiston Respublikasi Prezidenti davlat xavfsizlik xizmati;
⏺O‘zbekiston Respublikasi Mudofaa vazirligi harbiy razvedkasi;
⏺O‘zbekiston Respublikasi Davlat bojxona qo‘mitasi;
⏺O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti;
⏺O‘zbekiston Respublikasi Bosh prokuraturasi huzuridagi Majburiy ijro byurosi.

❌Boshqa davlat organlari, shuningdek yuridik va jismoniy shaxslar tomonidan tezkor-qidiruv faoliyatini amalga oshirish taqiqlanadi.

𝘾𝙤𝙢𝘽𝙖𝙩.𝙪𝙯