“Forish” tog‘ poligonida “Dovyurak jangchi” nishoni uchun intensiv sinovlar o‘tkazildi

Bellashuvlar bir necha kun davom etib, harbiy xizmatchilar turli mashqlardan iborat uch bosqichli sinovlarda o'z mahoratini namoyish etdi. Xususan, birinchi bosqichda kuch mashqlarini uddalagan harbiy xizmatchilar, yagona to'siqlar yo'lagidan o'tib, umumiy nazorat mashqlarini bajarishdi.  ikkinchi bosqichda eng mashaqqatli shart – belgilangan tartibda 30 kilometrga piyoda yurish (marsh yurish) bo'lib, undan muvaffaqiyatli o'tganlar, uchinchi bosqichda  o'qotar qurollardan otish hamda pichoq uloqtirish amaliyotini bajarishdi.

Saralash nizomiga ko‘ra, bir bosqichdan o‘tolmagan harbiy xizmatchi keyingi bosqichga qo‘yilmasligini inobatga olsak, jarayonlar o‘ta bahsli va murosasiz kechdi.

Bir necha kun davom etgan sinovlarda 400 nafardan ortiq da’vogar ishtirok etgan bo‘lsa, shulardan 300 nafarga yaqin ishtirokchilar shartlarni muvaffaqiyatli bajarib, “Dovyurak jangchi” degan mardonavor nomga sazovor bo‘ldi.

Ma’lumot uchun, ular harbiy unvon va lavozim maoshining bir baravari miqdoridagi biryo‘la to‘lanadigan pul mukofoti bilan ham taqdirlandi va “Dovyurak jangchi” farqlovchi nishoni butun xizmat faoliyati davomida saqlanib qoladi.

𝘾𝙤𝙢𝘽𝙖𝙩.𝙪𝙯

DXX “Temurbeklar maktabi" harbiy-akademik litseyiga topshirmoqchi bo'lganlar uchun ma'lumotnoma

𝘾𝙤𝙢𝘽𝙖𝙩.𝙪𝙯