Joriy yilning yanvar oyida qizim — Milliy gvardiya harbiy xizmatchisi Hojixonova Mastona og‘ir dard, ya’ni o‘pka saratoni tashxisi bilan yuzlashdi. Bu sinov oilamiz uchun juda og‘ir kechdi. Ammo Mudofaa vazirligi harbiy gospitalidagi tibbiy xizmat tizimi bizga umid va ishonch bag‘ishladi.

Qizimni shifokor Babur Usmanov Jenisbayevich shaxsan operatsiya qildi. Murakkab jarrohlik amaliyoti qariyb 12 soat davom etdi. Ushbu jarayon davomida shifokor nafaqat o‘zining yuksak kasbiy mahorati va tajribasini, balki bemorga bo‘lgan mehr-muruvvati, mas'uliyati va fidoyiligini ham namoyon etdi. Uning sa'y-harakatlari, shuningdek, operatsiyada va keyingi davolash jarayonida ishtirok etgan barcha shifokorlar hamda hamshiralarning xizmatlari tufayli bugungi kunda qizimning sog‘lig‘i tiklandi va u o‘z xizmat faoliyatini davom ettirish imkoniga ega bo‘ldi.

Shu o‘rinda Babur Usmanov Jenisbayevichga hamda u bilan birga mehnat qilgan barcha shifokor va hamshiralarga chin yurakdan minnatdorlik bildiraman. Ularning kasbiy mahorati, intizomi, fidoyiligi va insonparvarligi oilamiz qalbida unutilmas iz qoldirdi. Bu esa harbiy tibbiyot tizimining yuksak saviyada tashkil etilgani, unda faoliyat yuritayotgan yosh va malakali mutaxassislarning inson hayotini saqlab qolishdagi beqiyos o‘rnini yaqqol namoyon etadi.

Hurmatli general-leytenant!
Sizning rahbarligingiz ostida poytaxtimizdagi harbiy gospitalning yosh, bilimli va fidoyi mutaxassislar bilan mustahkamlanayotgani bizni cheksiz quvontiradi. Ayniqsa, Babur Usmanov kabi yuksak salohiyatli shifokorlarning faoliyati nafaqat bemorlar hayotini saqlab qolmoqda, balki harbiy tibbiyot tizimiga, Qurolli Kuchlarimizga va davlatimizga bo‘lgan ishonchni yanada mustahkamlamoqda.

Shu bois, oilamiz nomidan Sizdan bir iltimosimiz bor. Imkon qadar shunday yuksak malakali, yosh va fidoyi mutaxassis — Babur Usmanov Jenisbayevichning poytaxtimizdagi harbiy gospitalda o‘z faoliyatini davom ettirishi uchun ko‘mak berishingizni so‘raymiz. Uning bilim va tajribasi, bemorlarga bo‘lgan samimiy munosabati hali ko‘plab harbiy xizmatchilar va ularning oila a'zolari hayotini saqlab qolishiga ishonamiz.
Bunday mutaxassislarni qo‘llab-quvvatlash, ularning kasbiy salohiyatini to‘liq namoyon etishlari uchun munosib sharoit yaratish — kelajakda yana ko‘plab insonlarning hayotini asrab qolishga xizmat qiladi.
Biz, harbiy xizmatchi oilasi sifatida, bunday yosh va iste'dodli shifokorlarni qadrlash va qo‘llab-quvvatlash nihoyatda muhim, deb hisoblaymiz. Zero, inson hayotini saqlab qolgan shifokor Vatan oldidagi eng sharafli va eng oliy xizmatni ado etadi.

Sizga va Mudofaa vazirligining butun jamoasiga yana bir bor samimiy minnatdorligimizni izhor etamiz. Qizimning hayotini saqlab qolishda ko‘rsatgan yuksak e'tibor va g‘amxo‘rligingizni oilamiz hech qachon unutmaydi.
Sizga mustahkam sog‘liq, mas'uliyatli va sharafli faoliyatingizda ulkan muvaffaqiyatlar tilaymiz.

Dastlabki portlashda taxminan 70–80 ming kishi halok bo'ldi. 1945-yil oxirigacha radiatsiya va jarohatlar oqibatida qurbonlar soni 140 ming nafarga yetdi.

Dastlabki portlashda taxminan 40 ming kishi halok bo'ldi. 1945-yil oxirigacha umumiy qurbonlar soni 70–80 ming nafarga yetdi.