Biz uxlayotganda ular bedor

𝘾𝙤𝙢𝘽𝙖𝙩.𝙪𝙯

Harbiy xizmatni oʻtash bilan bogʻliq cheklovlar

❌Harbiy xizmatchilar quyidagilarga haqli emas:

➖oʻzaro yaqin qarindoshlikda yoki quda tomondan qarindosh boʻlgan shaxslar bilan (ota-onalar, aka-ukalar, opa-singillar, oʻgʻillar, qizlar, er-xotinlar, shuningdek, er-xotinlarning ota-onalari, aka-ukalari, opa-singillari va farzandlari) aynan bitta harbiy qismda (aynan bitta boshqaruv organi, harbiy xizmat nazarda tutilgan vazirlik yoki idoraning harbiy tuzilmasi) birga xizmat qilishga, agar ularning birga xizmat qilishi ulardan birining ikkinchisiga bevosita boʻysunishiga olib kelsa;

➖ilmiy, ijodiy va pedagogik faoliyatdan tashqari haq toʻlanadigan boshqa faoliyat bilan shugʻullanishga;

➖tadbirkorlik faoliyati bilan shugʻullanishga;

➖tadbirkorlik faoliyati subyektlarini tashkil etishga, ularning muassisi (ishtirokchisi) boʻlishga, tadbirkorlik faoliyati subyektida tashkiliy-boshqaruv, maʼmuriy-xoʻjalik vazifalarini bajarishga;

➖oʻz xizmat vakolatlarini jismoniy va yuridik shaxslarning manfaatlarini koʻzlab bajarish yoki bajarmaslik evaziga ulardan biron-bir mukofot, foyda yoki sovgʻalar olishga;

➖qonunchilikda nazarda tutilmagan imtiyozlardan, preferensiyalar yoki afzalliklardan oʻz xizmat mavqei bilan bogʻliq holda foydalanishga;

➖qimor va tavakkalchilikka asoslangan boshqa oʻyinlarda, shu jumladan axborot-kommunikatsiya texnologiyalaridan foydalangan holda ishtirok etishga;

➖chet davlat fuqaroligini yoki chet davlatda doimiy yashash huquqini beruvchi hujjatni olish maqsadida murojaat qilishga;

➖Oʻzbekiston Respublikasi hududidan tashqarida hisobvaraqlar ochishga va ularga ega boʻlishga, koʻchmas mulkka va boshqa mol-mulkka egalik qilishga, bundan chet davlatda taʼlim olish, stajirovka oʻtash va tibbiy xizmatlardan foydalanish maqsadida ochilgan hisobvaraqlar mustasno;

➖oʻzining vakolatlarini siyosiy partiyalarning, boshqa jamoat birlashmalarining va ular organlarining manfaatlarini koʻzlab amalga oshirishga, xizmat majburiyatlarini amalga oshirish bilan bogʻliq hollar bundan mustasno;

➖xizmatni oʻtash vaqtida diniy rasm-rusumlar va marosimlarni bajarishga, qonunchilik hujjatlarida nazarda tutilgan alohida hollar bundan mustasno;

➖harbiy xizmat nazarda tutilgan vazirlik yoki idoraning harbiy qismi, boshqaruv organi, muassasasining binolarida va hududida diniy rasm-rusumlar va marosimlarni tashkil etishga, diniy mazmundagi materiallar va buyumlarni saqlashga, xizmat majburiyatlarini amalga oshirish bilan bogʻliq hollar bundan mustasno;

➖Internet jahon axborot tarmogʻiga harbiy xizmatga oid maʼlumot va materiallarni, shuningdek harbiy qism, boshqaruv organi, harbiy xizmat nazarda tutilgan vazirlik yoki idoraning harbiy tuzilmasiga mansubligini oshkor etuvchi axborotni (foto, video, matn va boshqalar) joylashtirishga, matbuot xizmatlari tomonidan chop etilgan materiallar bundan mustasno.

Ushbu moddaning birinchi qismida nazarda tutilgan cheklovlarga rioya etmaganlik harbiy xizmatchilarni qonunga muvofiq javobgarlikka tortish uchun asos boʻladi.

📖Asos - OʻR-1008-son Qonuni 45-moddasi

𝘾𝙤𝙢𝘽𝙖𝙩.𝙪𝙯

⚡️Bugun 21-avgust — Ofitserlar kuni ekan (norasmiy)

Elning kuchga toʻlgan beliman,
Hech narsadan qaytmas sheriman.
Sadoqatim bilan ushbu kun
Vatanimning ofitseriman!

Vatan xizmatidagi ofitserlarni bayram bilan qutlab qoʻyamiz!

𝘾𝙤𝙢𝘽𝙖𝙩.𝙪𝙯

#TAYINLOV

ICHKI ISHLAR VAZIRIGA BIRINCHI O‘RINBOSAR TAYINLANDI!

Polkovnik Timur Kamalatdinovich Ismoilov O‘zbekiston Respublikasi ichki ishlar vazirining birinchi o‘rinbosari — Jamoat xavfsizligi departamenti boshlig‘i lavozimiga tayinlandi.

Timur Ismoilov bunga qadar Surxondaryo viloyati Ichki ishlar boshqarmasi boshlig‘i lavozimida faoliyat yuritgan.

U 1983-yilda Qoraqalpog‘iston Respublikasining To‘rtko‘l tumanida tug‘ilgan.

Shuningdek, Timur Ismoilov IIV tizimida terrorizmga qarshi kurashish yo‘nalishida rahbarlik lavozimlarida ham faoliyat yuritgan.

𝘾𝙤𝙢𝘽𝙖𝙩.𝙪𝙯

#tarixiy_natija

Jaloliddin Manguberdi nomidagi harbiy- akademik litseyi tarixiy natijaga erishdi

Mazkur harbiy-akademik litseyini 2025/2026-o‘quv yilida bitirgan barcha o‘quvchilar oliy ta’lim muassasalariga o‘qishga qabul qilinib, talabalik maqomiga erishdi!

Bu yuksak natija yillar davomidagi mashaqqatli mehnat, ustozlarning fidokorona saboqlari, ota-onalarning duosi va yoshlarning o‘z maqsadiga bo‘lgan qat’iy ishonchi samarasidir.

Harbiy akademik litseyning jami 147 nafar bitiruvchisidan 144 nafari davlat granti, 3 nafari to‘lov-kontrakt asosida oliy ta'lim muassasalariga o‘qishga qabul qilingan.

Shuningdek, ularning 42 nafari oliy, 105 nafari oliy harbiy ta’lim muassasalarida o‘qish baxtiga muyassar bo‘ldi.

Bu natija litsey jamoasi uchun katta faxr, bitiruvchilar uchun esa yangi marralar sari dadil qadamdir.

𝘾𝙤𝙢𝘽𝙖𝙩.𝙪𝙯

#Arxiv

Sariosiyo va Uzun voqealari

22-avgust 2000-yilda Qurolli Kuchlar Oliy Bosh Qo‘mondoni Islom Karimov Sariosiyo va Uzun tumanlarining tog‘li hududlariga tashrif buyurgan.

U Sariosiyo aeroportidagi birlashgan qurolli kuchlar shtabida bo‘lib, operatsiyada qatnashayotgan askar va ofitserlar bilan uchrashgan. Bu voqea Prezidentning aksilterror operatsiyasi borayotgan hududga bevosita tashrifi sifatida tarixda qayd etilgan."

𝘾𝙤𝙢𝘽𝙖𝙩.𝙪𝙯

O‘zbekiston Respublikasi Prezidentining “O‘zbekiston Respublikasi davlat mustaqilligining 35 yilligi munosabati bilan harbiy xizmatchilar va huquqni muhofaza qilish organlari xodimlaridan bir guruhini mukofotlash to‘g‘risida”gi Farmoni

𝘾𝙤𝙢𝘽𝙖𝙩.𝙪𝙯

Qonunchilikka ko'ra, harbiy xizmatchilar harbiy tashish hujjatlari (VPD) orqali quyidagi transport vositalaridan foydalanish huquqiga ega:

a) havo yoʻllari transportida:
“biznes klass”da — vazirliklarning rahbarlari va ularning oʻrinbosarlari;
“ekonom klass”da — boshqa toifadagi barcha harbiy xizmatchilar;

b) temir yoʻl transportida:
yuqori tezlikda harakatlanuvchi va tezkor toifadagi poyezdlarning “VIP klass” (“lyuks”), tezyurar va yoʻlovchi tashish toifasidagi poyezdlarning “SV” (“lyuks”) vagonlarida — vazirliklarning rahbarlari va ularning oʻrinbosarlari;
yuqori tezlikda harakatlanuvchi va tezkor toifadagi poyezdlarning “biznes klass”, tezyurar va yoʻlovchi tashish toifasidagi poyezdlarning “SV” (“lyuks”) vagonlarida — generallar va polkovniklar;
yuqori tezlikda harakatlanuvchi poyezdlarning “ekonom klass”, tezkor toifadagi poyezdlarning “biznes klass”, tezyurar va yoʻlovchi tashish toifasidagi poyezdlarning “kupe” vagonlarida — “podpolkovnik” va undan quyi harbiy unvondagi ofitserlar, oddiy askar va serjantlar tarkibiga mansub kontrakt boʻyicha harbiy xizmatchilar;

v) avtomobil transportida (yoʻnalishli va yoʻnalishsiz taksilardan tashqari) — shaharlararo va viloyatlararo yoʻnalishlarda muntazam qatnovchi avtobuslarda barcha toifadagi harbiy xizmatchilar;

g) harbiy xizmatchilarning oila aʼzolari va harbiy pensionerlar harbiy xizmatdan boʻshatilgan vaqtdagi harbiy unvoniga muvofiq mazkur bandning “a”, “b” va “v” kichik bandlarida belgilangan tartibda;

d) yuqori tezlikda harakatlanuvchi va tezkor toifadagi poyezdlarning “ekonom klass”, tezyurar va yoʻlovchi tashish toifasidagi poyezdlarning umumiy yoki platskart vagonlarida — yuqoridagi kichik bandlarda koʻrsatilmagan boshqa harbiy xizmatchilar.

Bundan tashqari, oddiy askarlar tarkibiga mansub muddatli harbiy xizmat harbiy xizmatchilari, shuningdek, oddiy askarlar va serjantlar tarkibiga mansub kontrakt boʻyicha harbiy xizmatchilar qoʻshimcha ravishda shahar ichi, shahar atrofi va mahalliy yoʻnalishlarda qatnovchi jamoat transportining barcha turlaridan (yoʻnalishli va yoʻnalishsiz taksilardan tashqari) bepul foydalanish huquqiga ega.

𝘾𝙤𝙢𝘽𝙖𝙩.𝙪𝙯

#tarixiy_natija

DXX CHEGARA QO‘SHINLARI “YOSH CHEGARACHILAR” HARBIY-AKADEMIK LITSEYIDA MUVAFFAQIYATLI NATIJA!

“Yosh chegarachilar harbiy-akademik litseyini 2025/2026-o‘quv yilida bitirgan 100 nafar o‘quvchidan 99 foizi oliy ta’lim muassasalariga o‘qishga qabul qilinib, talabalik maqomiga erishdi!

NATIJALAR:
➖Jami bitiruvchilar — 100 nafar
➖Oliy ta’limga qabul qilingan — 99 nafar (99%)
➖Davlat granti asosida — 97 nafar
➖To‘lov-kontrakt asosida — 2 nafar
➖Oliy ta’lim muassasalariga — 22 nafar
➖Oliy harbiy ta’lim muassasalariga — 75 nafar

Ushbu yuksak natija jamoamiz uchun fidoiylik e’tirofi, bitiruvchilarimiz uchun esa buyuk kelajak sari boshlanayotgan yangi va sharafli bosqichdir.


Yoshlarimizning kelgusidagi o‘qishlari va Vatan ravnaqi yo‘lidagi faoliyatlariga ulkan zafarlar tilaymiz!

𝘾𝙤𝙢𝘽𝙖𝙩.𝙪𝙯

Domla tinchlik haqida qattiq gapiribdilar

𝘾𝙤𝙢𝘽𝙖𝙩.𝙪𝙯