ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ថ្មីៗនេះ សហភាពអឺរ៉ុបបានបញ្ជូនអង្ករខ្មែរមួយចំនួនឲ្យត្រលប់មកប្រទេសកម្ពុជាវិញ បន្ទាប់ពីបានរកឃើញនៅមានសំណល់ថ្នាំកសិកម្មលើសកម្រិតបញ្ញត្តិ។ នេះបើតាមក្រសួងកសិកម្មក្នុងថ្ងៃទី២០ មករាដោយអះអាងបន្ថែមថា បញ្ហានេះពិតជាបាន និងកំពុងជះឥទ្ធិពលអាក្រក់ដល់ការនាំចេញអង្ករខ្មែរទៅកាន់សហភាពអឺរ៉ុប។ https://www.facebook.com/photo/?fbid=1067308708771590&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី២២ ខែមករា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
សហការជាមួយសម្ព័ន្ធភាព CPDD
==========================
ប្រធានបទ ៖ ការយល់ដឹងស្ដីពីការធ្វើមូលដ្ឋានីយកម្មគោលដៅអភិវឌ្ឍប្រកបដោយចីរភាពកម្ពុជា(CSDG) នៅថ្នាក់ក្រោមជាតិ
វាគ្មិនកិត្តិយស៖
១. លោក ជា វិបុល អនុប្រធានការិយាល័យស្រាវជ្រាវ និងអភិបាលកិច្ចមូលដ្ឋាននៃក្រសួងមហាផ្ទៃ
២. លោក មុត ពិសី នាយកប្រតិបត្តិ អង្គការសង្គ្រោះជនងាយរងគ្រោះកម្ពុជា (SVC)
៣. កញ្ញា ផេង រចនា យុវជនបង្គោលការចូលរួមរបស់ប្រជាពលរដ្ឋ
អ្នកសម្របសម្រួល៖ អ្នកស្រី ខេន សុខលេនhttps://www.facebook.com/comfrel.org/videos/969244164625459
លោកនាយករដ្ឋមន្ត្រីបានប្រកាសពីការលើកលែងពន្ធជាបន្តបន្ទាប់សម្រាប់កសិករ និងអ្នកវិនិយោគក្នុងវិស័យកសិកម្មក្នុងរយៈពេល៩ឆ្នាំខាងមុខ ក្នុងគោលបំណងទាក់ទាញការវិនិយោគកាន់តែច្រើន និងជំរុញការនាំចេញ។ ខណៈពេលដែលការលើកទឹកចិត្តទាំងនេះត្រូវបានស្វាគមន៍ អ្នកជំនាញសង្កត់ធ្ងន់លើតម្រូវការសម្រាប់វិធានការគាំទ្របន្ថែម ជាពិសេសការធានារ៉ាប់រងដំណាំ ដើម្បីការពារកសិករពីវិបត្តិដែលមិនបានព្រៀងទុក។ https://www.facebook.com/photo?fbid=1067318925437235&set=a.492095336292933
តុលាការ​កំពូល​គ្រោង​ប្រកាស​សាល​ដីកា​លើ​សំណុំ​រឿង​អតីត​ប្រធាន​គណបក្ស​ភ្លើង​ទៀន​ក្រុងប៉ោយប៉ែត លោក ចៅ វាសនា នៅ​ថ្ងៃ​ទី២៤ ខែមករា។ គ្រួសារ​ និង​មន្ត្រី​អង្គការ​សង្គម​ស៊ីវិល​ស្នើ​​ឱ្យ​តុលាការ​កំពូល​ផ្ដល់​ភាព​ស្អាតស្អំ​ដល់​លោក ចៅ វាសនា ជា​ជាង​​សម្រេច​សេចក្ដី​ដោយ​លំអៀង​ផ្នែក​នយោបាយ​។ https://www.facebook.com/photo/?fbid=1067396492096145&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ព្រឹកថ្ងៃទី២៣ ខែមករា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
សហការជាមួយសម្ព័ន្ធភាព CPDD
==========================
ប្រធានបទ ៖ ការយល់ដឹងស្ដីពីការធ្វើមូលដ្ឋានីយកម្មគោលដៅអភិវឌ្ឍប្រកបដោយចីរភាពកម្ពុជា(CSDG) នៅថ្នាក់ក្រោមជាតិ
វាគ្មិនកិត្តិយស៖
១. លោក ជា វិបុល អនុប្រធានការិយាល័យស្រាវជ្រាវ និងអភិបាលកិច្ចមូលដ្ឋាននៃក្រសួងមហាផ្ទៃ
២. លោក មុត ពិសី នាយកប្រតិបត្តិ អង្គការសង្គ្រោះជនងាយរងគ្រោះកម្ពុជា (SVC)
៣. កញ្ញា ផេង រចនា យុវជនបង្គោលការចូលរួមរបស់ប្រជាពលរដ្ឋ
អ្នកសម្របសម្រួល៖ អ្នកស្រី ខេន សុខលេនhttps://www.facebook.com/photo/?fbid=1067902968712164&set=a.492095336292933
អង្គការ​សុខភាព​ពិភព​លោក​ WHO បាន​ចេញ​សេចក្តី​ថ្លែងការណ៍មួយ​បង្ហាញ​ការ​ «សោក​ស្តាយ​»ភ្លាមៗ​ ចំពោះ​ការ​ដក​ខ្លួនរបស់​សហរដ្ឋ​អាមេរិក​ចេញពី​អង្គការអន្តរជាតិមួយ​នេះ​ តាម​រយៈបទ​បញ្ជា​របស់​លោក Donald Trump ដែលបាន​ចូល​កាន់​តំណែង​ជាប្រធានាធិបតីទី ៤៧​ របស់​សហរដ្ឋ​អាមេរិក​កាល​ពី​ថ្ងៃ​ចន្ទ។ https://www.facebook.com/photo/?fbid=1067902968712164&set=a.492095336292933
តុលាការកម្ពុជា​បានដោះលែងជាបន្តបន្ទាប់​ពលរដ្ឋរាប់សិបនាក់​ដែល​ជា​សកម្មជន​និង​អ្នក​ពាក់ព័ន្ធ​នឹងការតវ៉ា​គម្រោង​អភិវឌ្ឍន៍​តំបន់​ត្រី​កោណ​កម្ពុជា​ ឡាវ វៀតណាម ហៅ​កាត់​ថា CLV-DTA បន្ទាប់ពី​ពួកគេ​ត្រូវ​បាន​អាជ្ញាធរចាប់​ដាក់ពន្ធនាគារ​អស់ជាច្រើនខែ​ ក្រោមការចោទ​ប្រកាន់​ភាគ​ច្រើន​ពីបទញុះញង់។ នេះបើ​តាម​អាជ្ញាធរនិង​មន្ត្រី​សិទ្ធិមនុស្ស​។ https://www.facebook.com/photo/?fbid=1067906895378438&set=a.492095336292933
ទោះបី​ជា​អំពើ​ឃាតកម្ម​លើ​លោក ជា វិជ្ជា មាន​រយៈ​ពេល ២១ឆ្នាំ​ហើយ​ក៏​ដោយ សំឡេង​នៃ​ការ​ទាមទារ​រក​យុត្តិធម៌ សម្រាប់​ប្រធាន​សហជីព​សេរី​កម្មករ​រូប​នេះ នៅ​តែ​ខ្លាំង​ក្លា និង​ប្ដេជ្ញា​ជំរុញ​រហូត​ទាល់​តែ​រដ្ឋាភិបាល អាច​ចាប់​ជន​ដៃ​ដល់ និង​អ្នក​នៅ​ពី​ក្រោយ​ឃាតកម្ម យក​មក​ផ្ដន្ទាទោស​តាម​ច្បាប់។ អ្នក​ចូលរួម​ទាមទារ​យុត្តិធម៌ ជិត ១០០នាក់ ភាគ​ច្រើន​ជា​កម្មករ មន្ត្រី​សហជីព មន្ត្រី​សង្គម​ស៊ីវិល និង​គណបក្ស​នយោបាយ​ក្រៅ​រដ្ឋាភិបាល បាន​អុជ​ធូប​និង​ដាក់​កម្រង​ផ្កា គោរព​វិញ្ញាណ លោក ជា វិជ្ជា នៅ​កន្លែង​តម្កល់​រូប​សំណាក​របស់​លោក ក្បែរ​របង​វត្ត​លង្កា​រាជធានី​ភ្នំពេញ។ ការ​បន្ត​ទាមទារ​យុត្តិធម៌​នេះ គឺ​ដោយសារ​តែ​រដ្ឋាភិបាល​នៅ​មិន​ទាន់​បាន​បង្ហាញ​លទ្ធផល​ស៊ើបអង្កេត​អ្វី​ទាំងអស់ ករណី​ឃាតកម្ម​លើ​លោក ជា វិជ្ជា។ https://www.facebook.com/photo?fbid=1067911368711324&set=a.492095336292933
ក្រុម​ស្ត្រី​រងគ្រោះ​ពី​ការ​រំលោភ​យក​ដីធ្លី និង​ជា​អ្នក​តស៊ូ​មតិ​មួយ​ចំនួន​កំពុង​ប្រឈម​នឹង​បញ្ហា​សម្ពាធ​ផ្លូវចិត្ត និង​ការ​រស់នៅ​ព្រាត់ប្រាស​ពី​ក្រុម​គ្រួសារ បន្ទាប់​ពី​ដីធ្លី​របស់​ពួកគាត់​រង​ការ​រំលោភ​យក​ពី​សំណាក់​អ្នក​មាន​លុយ​មាន​អំណាច និង​ពុំ​ទទួល​បាន​សំណង​សមរម្យ។ ពួកគាត់​អះអាង​ថា កាន់តែ​ឈឺ​ចាប់​ជាង​នេះ​ទៅ​ទៀត​នោះ នៅ​ពេល​ពលរដ្ឋ​រង​គ្រោះ​ដីធ្លី ស្នើសុំ​កិច្ច​អន្តរាគមន៍​ពី​រដ្ឋាភិបាល​ឱ្យ​ដោះស្រាយ​វិវាទ​ដីធ្លី ពួកគាត់​បែរជា​រង​ការ​ចោទ​ប្រកាន់​ពី​តុលាការ​ទៅ​វិញ។
គណៈកម្មការ​គ្រប់គ្រង​គ្រោះ​មហន្តរាយ និង​ក្រសួង​កសិកម្ម នៅ​ថ្ងៃ​ទី២២ មករា​នេះ បាន​ជួយ​សង្គ្រោះ​ស្រូវ​ប្រាំង​របស់​កសិករ ៣៩៩គ្រួសារ នៅ​ខេត្តក្រចេះ ដែល​កំពុង​ខ្វះ​ទឹក​បូម​បញ្ចូល​ស្រែ។ ប្រជា​កសិករ និង​មន្ត្រី​សង្គម​ស៊ីវិល​ចាត់​ទុក​វិធានការ​នេះ​ថា មិន​ចំ​ទិសដៅ​ស្នូល ដើម្បី​ជួយ​កសិករ​នោះ​ឡើយ។ https://www.facebook.com/photo?fbid=1067914302044364&set=a.492095336292933
តុលាការ​ខេត្ត​សៀមរាប កាល​ពី​ថ្ងៃ​ទី២១ មករា ម្សិលមិញ​នេះ បាន​ប្រកាស​សាលក្រម​ផ្ដន្ទាទោស​សកម្មជន​គណបក្ស​ប្រឆាំង ៣ នាក់ ឱ្យ​ជាប់​ពន្ធនាគារ​ចំនួន ១៨ ខែ និង​ពិន័យ​ជា​ប្រាក់​ចំនួន ១៨ លាន​រៀល ពី​បទ «គំរាមកំហែង និង​គំរាមកំហែង​ដោយ​មាន​បញ្ជា​ឱ្យ​បំពេញ​លក្ខខណ្ឌ​អ្វីមួយ»។ អ្នក​ទាំង ៣ រួម​មាន លោក ព្រហ្ម សុព្រឹក្ស លោក នង ធារ៉ា និង​លោក អាំង សុផារិទ្ធ។ https://www.facebook.com/photo?fbid=1067930318709429&set=a.492095336292933
សមត្ថកិច្ចនៃស្នងការដ្ឋាននគរបាលរាជធានីភ្នំពេញបានឃាត់ខ្លួនអ្នកកាសែតអនឡាញ ២នាក់ ក្រោមបទចោទប្រកាន់ «ញុះញង់បង្កភាពវឹកវរធ្ងន់ធ្ងរដល់សន្តិសុខសង្គម»។ នេះបើតាមការបញ្ជាក់របស់អ្នកនាំពាក្យស្នងការដ្ឋាននគរបាលរាជធានីភ្នំពេញនៅថ្ងៃទី២២ មករា ឆ្នាំ២០២៥នេះ និងដោយបន្ថែមថា ការចោទប្រកាន់នេះ គឺបន្ទាប់ពីអ្នកកាសែតទាំង ២នាក់បានផ្សព្វផ្សាយព័ត៌មានមិនពិត។ https://www.facebook.com/photo?fbid=1067935375375590&set=a.492095336292933
កម្ពុជា និងវៀតណាមប្តេជ្ញារួមគ្នាពង្រឹង និងពង្រើកកិច្ចសហប្រតិបត្តិការ និងកិច្ចសន្ទនាឱ្យឡើងដល់កម្រិតខ្ពស់មួយ។ ការប្តេជ្ញានេះធ្វើឡើងនៅក្នុងជំនួបរវាងលោក អ៊ុច បូររិទ្ធ អនុប្រធានទី១ព្រឹទ្ធសភាកម្ពុជា និងលោក តូ ឡឹម អគ្គលេខាបក្សកំម្មុយនិស្តវៀតណាមកាលពីថ្ងៃទី២០ ខែមករា ឆ្នាំ២០២៥។ ជាមួយគ្នានេះ ភាគីទាំងពីរក៏បានសន្យាពង្រឹងមិត្តភាពក្នុងនាមជាប្រទេសជិតខាងលើគ្រប់វិស័យ និងឱ្យកាន់តែស៊ីជម្រៅ។ https://www.facebook.com/photo?fbid=1067937398708721&set=a.492095336292933
លោក នេត្រ ភក្ត្រា រដ្ឋមន្ត្រីក្រសួងព័ត៌មានបានបញ្ជាក់នៅក្នុងសន្និបាតបូកសរុបលទ្ធផលការងារឆ្នាំ២០២៤ នាថ្ងៃទី២១ មករាថា ក្រសួងមានគម្រោងដកអាជ្ញាបណ្ណសារព័ត៌មានទាំងឡាយណាដែលសម្ភាសប្រភពស្ថិតក្នុងស្ថានភាពមិនប្រក្រតី តួយ៉ាងក្នុងស្ថានភាពញៀនថ្នាំ ឬគ្រឿងស្រវឹង។ នៅក្នុងកិច្ចសម្ភាសជាមួយវិទ្យុបារាំងអន្តរជាតិ RFI នាថ្ងៃទី២២ មករានេះ លោក ណុប វី នាយកប្រតិបត្តិសម្ព័ន្ធអ្នកសារព័ត៌មានកម្ពុជា ហៅកាត់ ខេមបូចា យល់ថា គម្រោងរបស់លោក នេត្រ ភក្ត្រា នឹងធ្វើឲ្យប៉ះពាល់ធ្ងន់ធ្ងរដល់សេរីភាពសារព័ត៌មាននៅកម្ពុជាដែលកំពុងតែរួមតូចស្រាប់។ តាមលោកណុប វី ក្រសួងគួរអប់រំជាជាងព្រមានដកអាជ្ញាបណ្ណ។ https://www.facebook.com/photo?fbid=1067939748708486&set=a.492095336292933
លោក ដូណាល់ ត្រាំ បានស្បថចូលកាន់តំណែងជាប្រធានាធិបតីទី៤៧ របស់សហរដ្ឋអាមេរិកកាលពីថ្ងៃទី២០ មករា សម្រាប់រយៈពេល ៤ឆ្នាំ។ នៅក្នុងពិធីស្បថចូលកាន់តំណែង លោក ដូណាល់ ត្រាំបានផ្ញើសារជាច្រើនទៅកាន់ពលរដ្ឋអាមេរិក និងពិភពលោក។ អ្វីដែលគ្រប់គ្នាកំពុងចាំមើលពេលនេះ គឺទំនាក់ទំនងរវាងអាមេរិកក្នុងជំនាន់លោកត្រាំ ជាមួយបណ្តាប្រទេសក្នុងលោក ដែលលោកត្រាំ បានគិតប្រយោជន៍អាមេរិកជាចម្បង។ តែជាមួយកម្ពុជា ត្រូវបានអ្នកតាមដានភូមិសាស្ត្រនយោបាយនានាមើលឃើញថា គឺមិនមានអ្វីប្រែប្រួលលើសពីអ្វីដែលកម្ពុជា និងអាមេរិកធ្លាប់មានកន្លងមកនោះទេ។ https://www.facebook.com/photo/?fbid=1067941772041617&set=a.492095336292933
UNOPS បានសហការជាមួយក្រសួងចំនួនបី ដើម្បីជំរុញហេដ្ឋារចនាសម្ព័ន្ធ និងការអភិវឌ្ឍន៍ប្រកបដោយនិរន្តរភាព ការធន់នឹងអាកាសធាតុ គាំទ្រដល់គោលដៅរបស់កម្ពុជាក្នុងការក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ ២០៣០ និងជាប្រទេសដែលមានចំណូលខ្ពស់នៅឆ្នាំ ២០៥០។ https://www.facebook.com/photo/?fbid=1067947132041081&set=a.492095336292933
គោលការណ៍ក្រមសីលធម៍សំខាន់ៗ ទំាង៥ ក្នុងវិជ្ជាជីវៈសាព៍ត៌មាន
អ្នកសារព័ត៌មានប្រកបដោយក្រមសីលធម៌វិជ្ជាជីវៈ ឬឯករាជ្យតាមគោលការណ៍សំខាន់ៗ៥ គឺ៖
សូមទស្សនាវិដេអូខាងក្រោម!https://www.facebook.com/comfrel.org/videos/572766425583814
សិទ្ធិ និងការទទួលខុសត្រូវ!
សូមទស្សនាវិដេអូខាងក្រោម!
#comanimation2019 https://www.facebook.com/comfrel.org/videos/933146351884061
ការផ្សាយឡើងវិញសំឡេងសង្គមស៊ីវិល(VOC)
សម្រាប់ព្រឹកថ្ងៃ ទី២៤ ខែមករា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន»
==========================
ប្រធានបទ ៖«ការលើកម្ពស់អភិបាលកិច្ចល្អ និងសមភាពយេនឌ័រនៅក្នុងសង្គម»
វាគ្មិនកិត្តិយស :
១. លោកស្រី ពៅ ចាន់ស្រីល័ក្ខ ប្រធានគម្រោងបរិយាបន្នខ្សែច្រវ៉ាក់តម្លៃកសិកម្មនៃអង្គការសីលការ
២. កញ្ញា អាន វណ្ណៈ និស្សិតច្បាប់
អ្នកសម្របសម្រួល៖ កញ្ញា ស្រ៊ី លីដាhttps://www.facebook.com/comfrel.org/videos/955901873300786
មនុស្ស​ចំនួន ៤​នាក់​បាន​ស្លាប់ និង​ ៥​នាក់​ទៀត ពេទ្យ​កំពុង​សង្គ្រោះ​​នៅ​មន្ទីរពេទ្យ ដោយសារ​របួស​ធ្ងន់ ក្នុង​ហេតុការណ៍​ប្រជ្រៀតគ្នាពេល​ទៅទទួល​អំណោយ​អាំង​ប៉ាវ​នា​ឱកាស​បុណ្យ​ចូលឆ្នាំ​ចិន និង​វៀតណាម។ ហេតុការណ៍​នេះ​កើត​ឡើង​​ នៅ​ខាងមុខ​ភូមិគ្រឹះ​អ្នកឧកញ៉ា សុខ គង់ ស្ថិត​នៅ​តាម​បណ្ដោយ​ផ្លូវ​នរោត្ដម រាជធានី​ភ្នំពេញ​ នៅ​ថ្ងៃទី​២៣ ខែមករា។ https://www.facebook.com/photo?fbid=1068643701971424&set=a.492095336292933