ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
តំណាង​ប្រជា​នេសាទ​រាប់​រយ​គ្រួសារ​រស់នៅ​ក្នុង​ស្រុក​ចំនួន៣ ក្នុង​ខេត្តកំពង់ឆ្នាំង​ព្រមាន​ថា នឹង​ប្រមូល​ផ្ដុំ​គ្នា​សា​ជា​ថ្មី ឡើង​តវ៉ា​នៅ​ខាង​មុខ​ផ្ទះ​លោក​នាយក​រដ្ឋមន្ត្រី ហ៊ុន ម៉ាណែត ក្នុង​រាជធានី​ភ្នំពេញ ដើម្បី​ស្នើសុំ​ការ​អនុញ្ញាត​បន្ត​រកស៊ី​រាវ​លៀស​ខ្ចៅ​ខ្យង និង​នេសាទ​ត្រី​លក្ខណៈ​គ្រួសារ។ ពួក​គាត់​បាន​ស្នើសុំ​ដល់​អាជ្ញាធរ​ខេត្តកំពង់ឆ្នាំង​ឱ្យ​បញ្ឈប់​ការ​គំរាមកំហែង​ប្រជា​នេសាទ និង​អះអាង​ថា ការ​ប្រកប​របរ​នេសាទ​លក្ខណៈ​គ្រួសារ​របស់​ពួក​គាត់​មិន​មែន​ជា​ការ​ប្រព្រឹត្ត​បទល្មើស​នេសាទ​ឡើយ។ https://www.facebook.com/photo/?fbid=1090114263157701&set=a.492095336292933
កម្ពុជាបានហាមប្រាមការនាំចូលផ្លែឈើស្រស់ ជាពិសេសទុរេនពីប្រទេសវៀតណាម និងថៃ បន្ទាប់ពីគយចិនរកឃើញមានផ្ទុកសារធាតុគីមីគ្រោះថ្នាក់ ដូចជា សារធាតុល័ក្ត Basic Yellow 2 និងកាត់ម្យូម ដែលបង្កហានិភ័យដល់សុខភាពអ្នកទទួលទាន។​ https://www.facebook.com/photo/?fbid=1090239413145186&set=a.492095336292933
រដ្ឋាភិបាលបានសន្យាបន្ថែមទឹកប្រាក់១៨លានដុល្លារសម្រាប់ការចំណាយលើថ្នាំព្យាបាលជំងឺទឹកនោមផ្អែម និងលើសឈាមសម្រាប់ពលរដ្ឋ។ កិច្ចខិតខំប្រឹងប្រែងនេះទទួលបានការសាទរ ប៉ុន្តែអ្នកពាក់ព័ន្ធបន្តអំពាវនាវឱ្យរដ្ឋាភិបាលចាត់វិធានការបង្ការជាបន្ទាន់និងបន្ថែមទៀត ដូចជាការដំឡើងពន្ធលើភេសជ្ជៈមានជាតិស្ករ និងការអនុវត្តបទប្បញ្ញត្តិលើចំំណីអាហារឱ្យបានតឹងរ៉ឹង។ https://www.facebook.com/photo/?fbid=1090241156478345&set=a.492095336292933
ប្រធាន​សហជីព​ទ្រទ្រង់​សិទ្ធិ​ការងារ​បុគ្គលិក​កម្ម​ករ​ខ្មែរ​នៃ​ក្រុម​ហ៊ុន​ណាហ្គាវើលដ៍​ (LRSU) កញ្ញា​ ឈឹម ស៊ីថរ បាន​ប្រលូក​ក្នុង​​វិស័យ​​សង្គម​​ស៊ីវិល ​​និង​​តស៊ូ​​មតិ​​ផ្នែក​​សហជីព​​អស់​​រយៈ​ពេល​​​១៧​ឆ្នាំ​មក​​ហើយ។ ភាព​អយុត្តិធម៌​ និង​​ការ​កេង​​ប្រវ័ញ្ច​កម្លាំង​ពល​កម្ម​របស់​កម្ម​ករនិយោ​ជិត​​ ពីសំណាក់​និយោជក​ ​ធ្វើ​​ឱ្យ​​កញ្ញា​​ពង្រឹង​ស្មារតីខ្លួនឯង និងប្តេជ្ញា​ក្នុងការ​ការ​ពារ​សិទ្ធិ​ក្នុងវិស័យការ​ងារ។ https://www.facebook.com/photo/?fbid=1090249249810869&set=a.492095336292933
ជនជាតិដើមភាគតិចពូនងជាង៦០គ្រួសារ ដែលរងផលប៉ះពាល់ពីទំនប់វារីអគ្គិសនីសេសានក្រោម២ នៅភូមិក្បាលរមាសចាស់ នៃស្រុកសេសាន ខេត្តស្ទឹងត្រែង បានជំរុញទៅអាជ្ញាធរឱ្យពន្លឿនការចេញបណ្ណកម្មសិទ្ធិដីសមូហភាព ដើម្បីឈានទៅរកដោះស្រាយសំណងផលប៉ះពាល់ ក្រោយពួកគាត់មិនព្រមចាក់ចេញពីភូមិចាស់នេះរយៈពេលជាង៧ឆ្នាំ។ https://www.facebook.com/photo/?fbid=1090250249810769&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី២១ ខែកុម្ភៈ ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ស្ថានភាពប្រជាធិបតេយ្យនៅក្នុងពិភពលោកក្នុងឆ្នាំ២០២៤ កន្លងមក
វាគ្មិនកិត្តិយស ៖
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
សម្របសម្រួលដោយ៖ លោក ស៊ិន ទិត្យសីហា https://www.facebook.com/comfrel.org/videos/1307815563834722
ក្រោយពីតុលាការកំពូល បដិសេធសំណើនៅក្រៅឃុំរបស់យុវជនសមាគមសម្ព័ន្ធនិសិត្សបញ្ញវន្តខ្មែរ ២នាក់នេះ កាលពីខែមុន គឺនៅថ្ងៃទី១៨ ខែកុម្ភៈ សាលាដំបូងរាជធានីភ្នំពេញ សម្រេចបន្តឃុំខ្លួនពួកគេបណ្ដោះអាសន្ន ៦ខែបន្ថែមទៀត ដើម្បីបន្តការស៊ើបសួរ។ យ៉ាងណាសាច់ញាតិពួកគេ និងអង្គការសិទ្ធិមនុស្ស ចាត់ទុកការបន្តឃុំខ្លួននេះ ជារឿងអយុត្តិធម៌ ព្រោះយុវជនទាំងនោះមិនបានប្រព្រឹត្តអំពើរួមគំនិតក្បត់ដូចការចោទប្រកាន់ឡើយ។ https://www.facebook.com/photo/?fbid=1090317303137397&set=a.492095336292933
ក្រសួងមហាផ្ទៃ​តៃវ៉ាន់ (Taiwan) បាន​ដាក់​ប្រទេស​ចំនួន ៥ នៅ​អាស៊ីអាគ្នេយ៍ ក្នុង​បញ្ជី​ប្រទេស​គោលដៅ ដែល​មាន​ងាយ​នឹង​មាន​គ្រោះថ្នាក់​សម្រាប់​អ្នកដំណើរ ក្នុងនោះ​ក៏មាន​កម្ពុជា​ដែរ​។​ https://www.facebook.com/photo/?fbid=1090326736469787&set=a.492095336292933
នៅ​ក្នុង​រយៈ​ពេល​មួយ​សប្តាហ៍ចុង​ក្រោយ​នេះ ​មាន​ការ​ពិភាក្សា​ច្រើន​ពី​សារណ​ជន​ពាក់​ព័ន្ធ​នឹង​ក្រម​សីលធម៌​វិជ្ជាជីវៈ​របស់​ប៉ូលិស​ចរាចរណ៍​ ខណៈ​អ្នក​តាម​ដាន​បញ្ហា​សង្គម​បាន​ជំរុញ​ឲ្យមាន​ការ​ពង្រឹង​ក្រម​សីលធម៌​បន្ថែម​លើ​ប៉ូលិស​ចរាចរណ៍​ខ្លះ ដែល​ចុះ​ធ្វើការ​តាម​ដងផ្លូវ​សាធារណៈ។ https://www.facebook.com/photo?fbid=1092521429583651&set=a.492095336292933
បណ្ណាល័យចល័តតាមបណ្តោយផ្លូវព្រះស៊ីសុវត្ថិ មុខព្រះបរមរាជវាំងរៀបចំឡើង ឥតគិតថ្លៃ ដោយអង្គការបារាំងឈ្មោះ «ស៊ីប៉ា» ក្នុងគោលបំណងលើកកម្ពស់ការអានរបស់កុមារ ក្នុងរូបភាពជាច្រើន ដូចជាការនិទានរឿង និងការគូរគំនូរដោយផ្ទាល់ជាដើម។អាណាព្យាបាលរបស់កុមារសំដែងក្តីត្រេកអរ សប្បាយចិត្តនៅពេលឃើញមានបណ្ណាល័យចល័តបែបនេះនៅក្នុងទីក្រុង។ ក្នុងន័យនេះ ពួកគេស្នើឲ្យអាជ្ញាធរគិតគូរពីការរៀបចំបណ្ណាល័យចល័តបែបនេះបន្ថែមទៀត ដើម្បីទាក់ទាញសាធារណជនឲ្យអានកាន់តែច្រើន។ https://www.facebook.com/photo/?fbid=1092526262916501&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ព្រឹកថ្ងៃទី២៤ ខែកុម្ភៈ ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ស្ថានភាពប្រជាធិបតេយ្យនៅក្នុងពិភពលោកក្នុងឆ្នាំ២០២៤ កន្លងមក
វាគ្មិនកិត្តិយស ៖
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
- បណ្ឌិត មាស នី អ្នកសិក្សាសង្គម និងអ្នកវិភា https://www.facebook.com/comfrel.org/videos/1884957118705705
កម្លាំង​ជំនាញ​ផ្នែក​ស្រាវជ្រាវ​និង​បោស​សំអាត​គ្រាប់បែក​ទម្លាក់​ពី​លើ​យន្ត​ហោះ​ ក្នុង​សម័យ​សង្គ្រាម​ឥណ្ឌូ​ចិន ​ចំនួន​ជាង ១៧០​នាក់​ គ្រោង​នឹង​ចូល​បំពេញ​ការងារ​នៅ​តាម​បណ្ដា​ខេត្ត​ចំនួន​៨ នា​ភាគ​ឦសាន​និង​ភាគ​ខាង​កើត​ របស់​ប្រទេស​កម្ពុជា​ឡើង​វិញ​នៅ​ដើម​សប្ដាហ៍​ក្រោយ។ https://www.facebook.com/photo/?fbid=1092529696249491&set=a.492095336292933
ស្ត្រី​ជរា​ម្នាក់​រស់​នៅ​ខេត្ត​សៀមរាប​បាន​ចាប់​អាជីព​លក់​ផ្លែ​ដូង​ខ្ចី តាម​ចិញ្ចើម​ផ្លូវ​ជាង​ ២០​ឆ្នាំ​មក​ហើយ ដើម្បី​រក​ប្រាក់​ចិញ្ចឹម​ជីវិត​ និង​ដោះ​បំណុល។ គាត់​តស៊ូ​ធាក់​កង់​ស្ទើរ​ជា​រៀង​រាល់​ថ្ងៃ​មាន​ចម្ងាយ​ជាង ២០​គីឡូ​ម៉ែត្រ​ទៅ​វិញ​ទៅ​មក​ ដើម្បី​លក់​ផ្លែ​ដូង​ជូន​ភ្ញៀវ​ទេសចរ ដោយ​មិន​ដើរ​សុំ​ទាន​គេ​នោះ​ឡើយ។ https://www.facebook.com/photo/?fbid=1092530352916092&set=a.492095336292933
ពលរដ្ឋ​ហួស​ចិត្ត​នឹង​ឧត្ដម​ក្រុមប្រឹក្សា​នៃ​អង្គ​ចៅក្រម ដែល​មិន​បណ្ដេញ​ប្រធាន​តុលាការ​ខេត្តតាកែវ អ្នកស្រី ពេជ ម៉ារ៉ែន ចេញ​ពី​តំណែង​ពាក់ព័ន្ធ​នឹង​ករណី​ដោះលែង​ឧក្រិដ្ឋជន​ម្នាក់​ឱ្យ​មាន​សេរីភាព ប៉ុន្តែ​បែរ​ជា​ប្ដូរ​តួនាទី​ឱ្យ​ទៅ​កាន់​ជា​អនុប្រធាន​តុលាការ​នៅ​ខេត្តកំពង់ស្ពឺ​ទៅ​វិញ។ ពួក​គាត់​ចាត់​ទុក​ការ​សម្រេច​នេះ​ថា ជា​រំលោភ​លើ​ច្បាប់​រដ្ឋធម្មនុញ្ញ និង​ធ្វើ​ឱ្យ​អំពើ​និទ្ទណ្ឌភាព​កើន​ឡើង។ https://www.facebook.com/photo/?fbid=1092531609582633&set=a.492095336292933
សកម្មជន​បរិស្ថាន​ទាមទារ​ឱ្យ​ក្រសួង​ពាក់ព័ន្ធ​លុប​ចោល​គម្រោង​សាងសង់​អាង​ស្តុក​ទឹក ដែល​នាំ​ឲ្យ​មាន​ការ​បំផ្លិចបំផ្លាញ​ព្រៃឈើ​ជាង ៧​ពាន់​ហិកតារ ស្ថិត​ក្នុង​ឧទ្យានជាតិ​ជួរ​ភ្នំ​ក្រវាញ​ខេត្ត​ពោធិ៍សាត់។ ការ​ទាមទារ​នេះ ធ្វើ​ឡើង​ក្រោយ​ក្រសួង​ធនធាន​ទឹក និង​ឧតុនិយម បង្កើត​គម្រោង​សាងសង់​អាង​ស្តុក​ទឹក​មួយ​ដោយ​ស្ងាត់ៗ​ក្នុង​តំបន់​ស្នូល​នៃ​ឧទ្យានជាតិ​ជួរ​ភ្នំ​ក្រវាញ។ https://www.facebook.com/photo?fbid=1092536826248778&set=a.492095336292933
ខេត្ត​ស្ទឹងត្រែង​កំពុង​ប្រឈម​នឹង​ការ​បណ្ដេញ​ចេញ​ពី​ដី​លំនៅស្ថាន និង​ដី​ស្រែ​ចម្ការ ក្រោយ​ពី​អាជ្ញាធរ​ខេត្ត​នេះ បាន​ប្រកាស​ដក​ហូត​យក​ដី​នោះ ទៅ​ក្រុមហ៊ុន​ចិន​ធ្វើ​អាជីវកម្ម​រ៉ែ​ធ្យូង។ សង្គម​ស៊ីវិល​ថា ការ​ដក​ហូត​យក​ដី​របស់​ប្រជាពលរដ្ឋ​ទៅ​ឱ្យ​ក្រុមហ៊ុន​ឯកជន​ដែល​មិន​បម្រើ​ផល​ប្រយោជន៍​សាធារណ: គឺ​ជា​អំពើ​ខុស​ច្បាប់។ https://www.facebook.com/photo/?fbid=1092537499582044&set=a.492095336292933
រដ្ឋាភិបាលថៃអះអាងថា ខ្លួននឹងបន្តលុបបំបាត់បណ្តាញមជ្ឈមណ្ឌលឆបោកអនឡាញនៅតាមព្រំដែនជាមួយប្រទេសជិតខាង ដោយសហការជាមួយរដ្ឋាភិបាលនៃប្រទេសកម្ពុជា និងឡាវ បន្ទាប់ពីទទួលបានជោគជ័យនៅក្នុងបង្ក្រាបការករណីមជ្ឈមណ្ឌលឆបោកអនឡាញក្បែរព្រំដែនប្រទេសភូមា។ យោងតាមសំណេរនៅលើហ្វេសប៊ុករបស់រដ្ឋមន្រ្តីការពារជាតិថៃលោក ភូមថាំ វីឆាយ៉ាឆៃ ដែលកាសែតថៃ បាងកកប៉ុស្តិ៍ស្រង់មកចុះផ្សាយនៅថ្ងៃអាទិត្យទី ២៣កុម្ភៈ ការឆបោកតាមប្រព័ន្ធអនឡាញនេះគឺជាឧក្រិដ្ឋកម្មឆ្លងដែន ដែលប៉ះពាល់ផ្ទាល់ដល់អាយុជីវិតរបស់ជនជាតិថៃ និងជនបរទេសដូចគ្នា។ https://www.facebook.com/photo/?fbid=1092550499580744&set=a.492095336292933
នៅថ្ងៃអាទិត្យទី២៣កុម្ភៈនេះ ពលរដ្ឋខ្មែរមកពីជុំវិញពិភពលោក និងពលរដ្ឋខ្មែររស់នៅប្រទេសអូស្ត្រាលី បានជួបជុំគ្នាសម្តែងមតិដើម្បីលើកនិយាយពីបញ្ហានយោបាយ និងសង្គមកម្ពុជា។ ពលរដ្ឋខ្មែររស់នៅបរទេស បានស្នើឡើង៣ចំណុច ដើម្បីឲ្យរដ្ឋាភិបាលដោះស្រាយជាបន្ទាន់ នោះគឺការទាមទារចំណែកគ្រប់គ្រងកោះគុត ការរកយុត្តិធម៌ជូនអតីតតំណាងរាស្ត្រលោក លិម គិមយ៉ា និងការដោះលែងអ្នកទោសនយោបាយទាំងអស់ដោយគ្មានលក្ខខណ្ឌ។ អ្នកតាមដាននយោបាយយល់ថា ការស្នើរបស់ពលរដ្ឋរស់នៅក្រៅប្រទេស គ្រាន់ជាសិទ្ធិសម្តែងមតិ តែគ្មានឥទ្ធិពលលើការសម្រេចរបស់រដ្ឋាភិបាលឡើយ។ https://www.facebook.com/photo/?fbid=1092559606246500&set=a.492095336292933
ឧបនាយករដ្ឋមន្ត្រីនិងជារដ្ឋមន្ត្រីក្រសួងការបរទេសកម្ពុជា លោក ប្រាក់ សុខុន នឹងថ្លែងសុន្ទរកថានៅសម័យប្រជុំលើកទីពីរនៃវេទិកាអនាគតអាស៊ាន ហើយនឹងគ្រោងជួបជាមួយសមភាគីអាស៊ានមួយចំនួននៅខាងក្រៅវេទិកានេះផងដែរ។ វេទិកាអនាគតអាស៊ានជាកន្លែងប្រមូលផ្តុំរបស់ អ្នកតាក់តែងច្បាប់ ក្រុមមេដឹកនាំកំពូលៗ ដើម្បីជជែកបញ្ហាជាយុទ្ធសាស្ត្រសំខាន់ៗ សម្រាប់អនាគតរបស់តំបន់។ https://www.facebook.com/photo?fbid=1092576722911455&set=a.492095336292933
រដ្ឋបាលលោក Trump បាននិយាយកាលពីថ្ងៃអាទិត្យថា ខ្លួនកំពុងដាក់បុគ្គលិកស្ទើរតែទាំងអស់នៃទីភ្នាក់ងារសហរដ្ឋអាម៉េរិកសម្រាប់ការអភិវឌ្ឍន៍អន្តរជាតិ ហៅកាត់ថា USAID ឱ្យឈប់សម្រាកនៅទូទាំងពិភពលោក និងបានកាត់បន្ថយការងារសម្រាប់ បុគ្គលិកនៅសហរដ្ឋអាម៉េរិកយ៉ាងហោចណាស់ ១៦០០កន្លែង។ https://www.facebook.com/photo/?fbid=1092577459578048&set=a.492095336292933