ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
នៅក្នុងពិធីបិទសន្និបាតការងារទេសចរណ៍នារសៀលថ្ងៃទី២៧ ខែកុម្ភៈ ឆ្នាំ២០២៥ នេះ លោក ហួត ហាក់ រដ្ឋមន្ត្រីក្រសួងទេសចរណ៍បានថ្លែងថា អង្គសន្និបាតបានគាំទ្រដល់សាលារាជធានីភ្នំពេញដែលបានដាក់ឲ្យដំណើរការផ្លូវថ្មើរជើងប្រកបដោយជោគជ័យ និងស្នើឲ្យខេត្តផ្សេងៗទៀតពិនិត្យលទ្ធភាពរៀបចំដូចគ្នានេះ។ បន្ថែមពីនេះ លោក ហួត ហាក់ក៏បានបង្ហើបផងដែរពីបញ្ហាប្រឈមមួយចំនួនក្នុងវិស័យទេចរណ៍ដូចជាការអនុវត្តក្រមសីលធម៌ ការតម្លើងថ្លៃសេវាកម្មទេសចរណ៍ បញ្ហាអនាម័យនៅតំបន់ទេសចរណ៍មួយចំនួន និងគុណភាពសេវាកម្មទេសចរណ៍ជាដើម។ https://www.facebook.com/photo?fbid=1095970505905410&set=a.492095336292933
Freedom House ដែលជាអង្គការឃ្លាំមើលការអនុវត្តសិទ្ធិសេរីភាពក្នុងពិភពលោកបានចេញផ្សាយរបាយការណ៍ប្រចាំឆ្នាំ២០២៤។ នៅក្នុងរបាយការណ៍ Freedom House បានបន្តចាត់ចំណាត់ថ្នាក់កម្ពុជាជាប្រទេសមិនសេរី។ មិនសេរីដោយ Freedom House មើលឃើញថា កម្ពុជាស្ថិតនៅក្រោមការគ្រប់គ្រងឯកបក្ស គឺគណបក្សប្រជាជនកម្ពុជា និងថា រដ្ឋាភិបាលបានដាក់សម្ពាធលើគណបក្សប្រឆាំង បណ្តេញសារព័ត៌មានឯករាជ្យ និងបានកាត់ទោសលើសកម្មជនក្រោមហេតុផលនយោបាយ។ តែរដ្ឋាភិបាលកម្ពុជាបានច្រានចោលរបាយការណ៍នេះ។ https://www.facebook.com/photo/?fbid=1095972299238564&set=a.492095336292933
នាយករដ្ឋមន្រ្តីថៃលោកស្រី ផែថងថាន ស៊ីណាវ៉ាត់គ្រោងមកបំពេញទស្សនកិច្ចជាផ្លូវការនៅប្រទេសកម្ពុជាដើម្បីអបអរខួបទី៧៥ឆ្នាំនៃទំនាក់ទំនងកម្ពុជា-ថៃ និងដើម្បីពិភាក្សាការងារលើកិច្ចសហប្រតិបត្តិការរវាងប្រទេសទាំង២។ នេះបើតាមសេចក្តីប្រកាសព័ត៌មានរបស់ក្រសួងការបរទេសកម្ពុជាដែលចេញផ្សាយថ្ងៃទី២៧ កុម្ភៈ ស្តីពីជំនួបពិភាក្សាការងាររវាងប្រមុខការទូតកម្ពុជា និងប្រមុខការទូតថៃក្នុងឱកាសចូលរួមវេទិកាអនាគតអាស៊ានលើកទី២ នៅរដ្ឋធានីហាណូយ ប្រទេសវៀតណាមកាលពីថ្ងៃទី២៥ កុម្ភៈ ឆ្នាំ២០២៥។ https://www.facebook.com/photo/?fbid=1095974875904973&set=a.492095336292933
ប្រទេសជប៉ុនបានសន្យាផ្តល់ជំនួយចំនួន ២,៩លានដុល្លារអាម៉េរិក ដើម្បីជួយជំរុញការអភិវឌ្ឍសេដ្ឋកិច្ច និងសង្គមរបស់កម្ពុជា ជាការពង្រឹងបន្ថែមទៀតនូវការប្តេជ្ញាចិត្តរបស់ខ្លួនក្នុងការជួយដល់ការរីកចម្រើនរបស់កម្ពុជា។ https://www.facebook.com/photo?fbid=1095979162571211&set=a.492095336292933
អាណាព្យាបាលមួយចំនួនដែលបានបញ្ជូនកូនៗទៅរៀននៅមជ្ឍមណ្ឌលសិក្សាទំនើប (MLC) បានសម្តែងការសោកស្តាយ បន្ទាប់ពី លោកនាយករដ្ឋមន្ត្រី ហ៊ុន ម៉ាណែត​ ប្រកាសលុបចោលកម្មវិធីសិក្សាទំនើប ដោយសារកម្មវិធីនេះនឹងធ្វើឲ្យរដ្ឋបាត់បង់ភាពជាម្ចាស់ការក្នុងការគ្រប់គ្រង ដែលបណ្តាលឱ្យសាលារៀនមួយមានស្តង់ដាសិក្សាពីរផ្សេងគ្នា។ https://www.facebook.com/photo/?fbid=1096129155889545&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី២៨ ខែកុម្ភៈ ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ តួនាទីនៃប្រជាពលរដ្ឋវណ្ណៈកណ្តាល (middle class) ក្នុងនយោបាយនិងប្រជាធិបតេយ្យ
វាគ្មិនកិត្តិយស ៖
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
សម្របសម្រួលដោយ៖ លោក ស៊ិន ទិត្យសីហា https://www.facebook.com/comfrel.org/videos/1210932087437207
ចូបគ្នាថ្ងៃស្អែកកម្មវិធី «សំឡេងម្ចាស់ឆ្នោត»
នៃការផ្សាយសំឡេងសង្គមស៊ីវិល (VoC)
ប្រធានបទ ៖ ស្ថានភាពសិទ្ធិការងារនៅកម្ពុជា
កាលបរិច្ឆេទ ៖ ថ្ងៃទី០៣ ខែមិនា ឆ្នាំ២០២៥ (៤:០០ ដល់ ៥:០០ ល្ងាច)
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល ឬអាចចូលរួមហៅទូរស័ព្ទមកកម្មវិធី តាមលេខទូរស័ព្ទចូលរួម៖ 012 43 34 37 / 016 54 43 98។ https://www.facebook.com/photo/?fbid=1098616108974183&set=a.492095336292933
រោងចក្រ​អាមេរិក​ដែល​ធ្វើការ​លើ​ផ្នែក​កាត់​ដេរ​មួយ​ក្នុង​ស្រុក​កំពង់​ត្រឡាច ខេត្ត​កំពង់​ឆ្នាំង បាន​បើក​ការ​ដ្ឋាន​សាង​សង់​ទារកដ្ឋាន​កាល​ពី​ថ្ងៃ​ព្រហស្បតិ៍ ដោយស្ថានទូតអាមេរិក​បញ្ជាក់​ថា ​នេះ​គឺ​ជា​ការ​យក​ចិត្ត​ទុក​ដាក់​របស់​រោងចក្រ​ទៅ​លើ​កម្មករ​ខ្មែរ។ https://www.facebook.com/photo?fbid=1098619568973837&set=a.492095336292933
ក្រសួង​ពាណិជ្ជកម្ម​បាន​លើក​ឡើង​ថា ​រដ្ឋាភិបាល​កម្ពុជា​តែង​តែ​ប្រកាន់​ខ្ជាប់​នូវ​ការ​ដាក់​ទណ្ឌកម្ម​ទៅ​លើ​ប្រទេស​កូរ៉េ​ខាង​ជើង ពាក់ព័ន្ធ​នឹង​ពាណិជ្ជកម្មរបស់​ជន​ជាតិនេះក្នុង​ប្រទេស​កម្ពុជា។ https://www.facebook.com/photo?fbid=1098620465640414&set=a.492095336292933
ក្រុម​កម្មករ​សំណង់​ប្រមាណ ៦០នាក់​ដែល​ធ្វើ​ការងារ​សាងសង់​អគារ​អនឡាញ (Online) ឱ្យ​ថៅកែ​ចិន (Chinese) ស្ថិត​នៅ​ភូមិ​ប្រាសាទ ឃុំ​អូរបីជាន់ ស្រុក​អូរជ្រៅ ខេត្តបន្ទាយមានជ័យ នៅ​រសៀល​ថ្ងៃ​ទី២ ខែមីនា ប្រមូល​ផ្ដុំ​គ្នា​តវ៉ា​ជា​ថ្មី​ទាមទារ​ឱ្យ​ថៅកែ​ចិន​បើក​លុយ​ប្រាក់​ខែ​ឱ្យ​កម្មករ​ដែល​នៅ​សល់​ជាង ៣ម៉ឺន ៥ពាន់​ដុល្លារ។ មន្ត្រី​សិទ្ធិ​មនុស្ស​ស្នើ​ឱ្យ​អាជ្ញាធរ​ចាត់​វិធានការ​ឱ្យ​បាន​ម៉ឺងម៉ាត់​លើ​ថៅកែ ឬ​មេការ​ដែល​មាន​ចេតនា​កេង​ប្រវ័ញ្ច​កម្លាំង​កម្មករ។ https://www.facebook.com/photo?fbid=1098622372306890&set=a.492095336292933
អាជ្ញាធរ​កម្ពុជាបណ្ដេញ​ជនជាតិ​ថៃ ចំនួន ១១៩នាក់ តាម​ច្រកទ្វារ​ព្រំដែន​អន្តរជាតិ​ប៉ោយប៉ែត ខេត្ត​បន្ទាយមានជ័យ ដោយ​អាជ្ញាធរ​អះអាង​ថា ពួកគេ​លួច​ចូល​ធ្វើ​ការងារ និង​ស្នាក់នៅ ខុសច្បាប់​ក្នុង​ទឹកដី​កម្ពុជា។ អាជ្ញាធរ​បញ្ជាក់​ថា ជនជាតិ​ថៃ​ទាំងនោះ មាន​ជាប់​ពាក់ព័ន្ធ​នឹង​សកម្មភាព​អនឡាញ​ខុសច្បាប់។ https://www.facebook.com/photo?fbid=1098623062306821&set=a.492095336292933
មជ្ឈមណ្ឌល​សកម្មភាព​កំចាត់​មីន​កម្ពុជា (CMAC) នឹង​ឈប់​យក​គ្រាប់​មីន និង​សំណល់​យុទ្ធភណ្ឌ​សង្គ្រាម​ ដែល​អាច​កែ​ច្នៃ​បាន​​​ទៅ​កំទេច​ចោល​​​​ហើយ​ គឺ​​​មជ្ឈមណ្ឌល​នឹង​យក​សំណល់​ទាំង​អស់​នោះ​​ទៅ​កែ​ច្នៃ​ធ្វើ​ជា​វត្ថុ​អនុស្សាវរីយ៍​​លក់​​ឱ្យ​អ្នក​ទេសចរ​វិញ។ ការ​ចាប់ផ្ដើម​កែ​ច្នៃ​សំណល់​ជាតិ​ផ្ទុះ ​ឱ្យ​ទៅ​ជា​វត្ថុ​អនុស្សាវរីយ៍​នេះ​ គឺ​មាន​ការ​ជួយ​​បណ្ដុះ​បណ្ដាល​ជំនាញ​និង​បច្ចេកទេស​ពី​អង្គការ​អនដឺរ៉ូត (On The Road) របស់​ប្រទេស​ជប៉ុន។ https://www.facebook.com/photo/?fbid=1098624235640037&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ព្រឹកថ្ងៃទី០៣ ខែមីនា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ តួនាទីនៃប្រជាពលរដ្ឋវណ្ណៈកណ្តាល (middle class) ក្នុងនយោបាយនិងប្រជាធិបតេយ្យ
វាគ្មិនកិត្តិយស ៖
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
សម្របសម្រួលដោយ៖ លោក ស៊ិន ទិត្យសីហា https://www.facebook.com/comfrel.org/videos/3168573973283770
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី០៣ ខែមីនា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
ប្រធានបទ ៖ ស្ថានភាពសិទ្ធិការងារនៅកម្ពុជា
==========================
វាគ្មិនកិត្តិយស៖
- អ្នកស្រី យ៉ាង សោភ័ណ្ឌ ប្រធានសម្ព័ន្ធសហជីពកម្ពុជា (CATU)
- កញ្ញា ឈឹម ស៊ីថរ ប្រធានសហជីពទ្រទ្រង់សិទ្ធិការងារបុគ្គលិក កម្មករខ្មែរនៃក្រុមហ៊ុនណាហ្គាវើលដ៍
អ្នកសម្របសម្រួល៖ អ្នកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ ​
តាមរយៈ៖ វិទ្យុ FM102 MHz
លេខទូរស័ព្ទចូលរួម៖ 016 544 398 / 012 433 437 https://www.facebook.com/comfrel.org/videos/910426957665599
ធនាគារអេស៊ីលីដា បានក្លាយជាធនាគារពាណិជ្ជដំបូងគេក្នុងប្រទេសកម្ពុជា ដែលត្រូវបានអនុញ្ញាតឲ្យដើរតួជាអន្តរការីមូលបត្រសាធារណៈ ដែលអាចឱ្យសាធារណជនធ្វើការជួញដូរមូលបត្របំណុលរបស់រដ្ឋាភិបាលបាន ហើយដែលត្រូវបានគេរំពឹងថានឹងបង្កើនប្រាក់ចំណូលចំនួន ១២៣លានដុល្លារនៅឆ្នាំនេះ។ https://www.facebook.com/photo/?fbid=1098703352298792&set=a.492095336292933
ថ្ងៃទី០៣ ខែមីនា ឆ្នាំ២០២៥នេះ គឺជាទិវាវប្បធម៌ជាតិលើកទី២៧ ក្រោមប្រធានបទ «យុវជនដើម្បីវប្បធម៌ជាតិ»។ តែពិធីអបអរទិវាវប្បធម៌ជាតិនេះត្រូវបានលើកទៅធ្វើនៅថ្ងៃទី០៥ ខែមីនា ឆ្នាំ២០២៥ វិញ ដោយភ្ជាប់ជាមួយនឹងកម្មវិធីជួបជុំសំណេះសំណាលប្រចាំឆ្នាំរវាងនាយករដ្ឋមន្ត្រី និងអ្នកសិល្បៈ។ នៅក្នុងកិច្ចសម្ភាសជាមួយវិទ្យុបារាំងអន្តរជាតិ RFI នាថ្ងៃទី០៣ ខែមីនា ឆ្នាំ២០២៥នេះ លោក ហេង សុផាឌី សាកលវិទ្យាធិការនៃសាកលវិទ្យាល័យភូមិន្ទវិចិត្រសិល្បៈបានកត់សម្គាល់ឃើញថា ក្នុងរយៈពេលចុងក្រោយនេះ យុវជនខ្មែរបានចូលរួមគាំទ្រ និងលើកស្ទួយយ៉ាងផុលផុសដល់វិស័យសិល្បៈវប្បធម៌ខ្មែរ ពិសេសតាមបណ្តាញសង្គម។ https://www.facebook.com/photo/?fbid=1098727868963007&set=a.492095336292933
លោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយមអំពាវនាវឲ្យប្រជាកសិករត្រូវតាមដានព័ត៌មាន និងស្ដាប់តាមការណែនាំរបស់ក្រសួងពាក់ព័ន្ធ មុននឹងសម្រេចិត្តធ្វើស្រូវរដូវប្រាំងដើម្បីកុំឲ្យខាតបង់ដោយសារតែខ្វះទឹក។ តាមរដ្ឋមន្រ្តីរូបនេះ ក្រសួងធនធានទឹកបានបង្កើនលទ្ធភាពស្រោចស្រពទឹកលើផ្ទៃដីចំនួន ១,៩៦៩,៨៤៣ហិកតាគិតត្រឹមឆ្នាំ២០២៤ ក្នុងនោះស្រូវរដូវវស្សាមាន ១,៣៨៧,០៥១ហិកតា និងស្រូវរដូវប្រាំងមានចំនួន ៥៨២,៧៩២ហិកតា។ https://www.facebook.com/photo?fbid=1098714078964386&set=a.492095336292933
នៅ​ថ្ងៃ​ទី​៣ ខែមីនា ឆ្នាំ ២០២៥ តំណាង​ពលរដ្ឋ​ជាង​១០​នាក់​មក​ពី​សហគមន៍​ជន​ជាតិ​ដើម​ភាគ​តិច​កួយក្នុង​ភូមិ​ដងផ្លិត ឃុំឆែប២ ស្រុកឆែប ខេត្តព្រះវិហារ​អំពាវ​នាវ​ឲ្យ​បញ្ឈប់​រាល់​ការ​ឈូស​ឆាយ​ដី​ប្រើប្រាស់​ជាក់​ស្ដែង និង​ដីព្រៃ​បម្រុង​ទុក​ប្រមូល​ផល​អនុផល​ធន​ធាន​ធម្មជាតិ​របស់​ពលរដ្ឋ​ក្នុង​ភូមិ​ដង​ផ្លិត និង​ភូមិណារ៉ុង​។​ ការ​អំពាវ​នាវ​នេះ​ធ្វើ​ឡើង​តាម​រយៈ​សន្និសីទ​កាសែត​មួយ​នៅ​រាជធានី​ភ្នំពេញ​។ https://www.facebook.com/photo?fbid=1098712462297881&set=a.492095336292933
ព្រះ​មហា​ក្សត្រ ​ព្រះបាទ​នរោត្តម​សីហមុនី ​និង​សម្តេច​ម៉ែ ​កាល​ពី​ព្រឹក​ថ្ងៃ​ចន្ទ ​បាន​យាង​ទៅ​ទីក្រុង​ប៉េកាំង ​ប្រទេស​ចិន ​ដើម្បី​ពិនិត្យ​ព្រះរាជ​សុខភាព​របស់​ព្រះ​អង្គ។​ https://www.facebook.com/photo?fbid=1099216115580849&set=a.492095336292933
រដ្ឋាភិបាល​ថៃ​កំពុង​ពិចារណា​សាងសង់​ជញ្ជាំង​នៅ​តាម​ផ្នែក​ខ្លះ​នៃ​ព្រំដែន​របស់​ខ្លួន​ជាប់​ជាមួយ​ប្រទេស​កម្ពុជា។ គម្រោង​សាងសង់​ជញ្ជាំង​តាម​ព្រំដែន​នេះ គឺ​ដើម្បី​ដោះស្រាយ​បញ្ហា​ឆ្លងដែន​ខុសច្បាប់ ជា​ពិសេស​ប្រព្រឹត្ត​ដោយ​ក្រុម​ឧក្រិដ្ឋជន​ដែល​ពាក់ព័ន្ធ​នឹង​ប្រតិបត្តិការ​មជ្ឈមណ្ឌល​ឆបោក​តាម​អនឡាញ និង​ក្រុម​ជនល្មើស​រត់ពន្ធ​គ្រឿងញៀន​ជាដើម។ https://www.facebook.com/photo?fbid=1099220265580434&set=a.492095336292933