ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃព្រហស្បតិ៍ ទី០៧ ខែមីនា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន»
==========================
ប្រធានបទ ៖ ស្រ្តីក្នុងវិស័យនយោបាយ
វាគ្មិនកិត្តិយស :
១. លោកស្រី អេង ចាន់ឌី នាយិកាប្រតិបត្តិអង្គការយេនឌ័រ និងអភិវឌ្ឍន៍ដើម្បីកម្ពជា
២. លោកស្រី សឺនកេត សិរីលក្ខណ៍ អ្នកសម្របសម្រួលកម្មវិធីអប់រំ និងយេនឌ័រនៃអង្គការខុមហ្វ្រែល
អ្នកសម្របសម្រួល៖ កញ្ញា ស្រ៊ី លីដា https://web.facebook.com/comfrel.org/videos/1792807734837241
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី១០ ខែមីនា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ តួនាទីនៃប្រជាពលរដ្ឋវណ្ណៈកណ្តាល (middle class) ក្នុងនយោបាយនិងប្រជាធិបតេយ្យ
វាគ្មិនកិត្តិយស ៖
- លោក គល់ បញ្ញា ទីប្រឹក្សាអង្គការខុមហ្រ្វែល
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
សម្របសម្រួលដោយ៖ លោក ស៊ិន ទិត្យសីហា https://www.facebook.com/comfrel.org/videos/1167252348303539
អ្នកឃ្លាំមើល​កម្ពុជា​លើកឡើង​ថា ការ​សង់​របង​តាម​ព្រំដែន​របស់​ថៃ ជាប់​នឹង​កម្ពុជា អាច​នឹង​មាន​ផល​ប៉ះពាល់​ដល់​បូរណភាព​ទឹកដី​កម្ពុជា ខណៈ​ការ​កំណត់​ព្រំដែន​នៃ​ប្រទេស​ទាំង២ នៅ​ក្នុង​តំបន់​មួយ​ចំនួន មិនទាន់​មាន​ភាព​ច្បាស់លាស់​នៅឡើយ។ គម្រោង​សាងសង់​របង​តាម​ព្រំដែន​នេះ រដ្ឋាភិបាល​ថៃ​បាន​អះអាង​ថា ដើម្បី​ទប់ស្កាត់​ឧក្រិដ្ឋកម្ម​ឆបោក​តាម​អនឡាញ ដែល​មាន​ទីតាំង​នៅ​លើ​ទឹកដី​កម្ពុជា ក្នុង​តំបន់​ក្រុង​ប៉ោយប៉ែត នៃ​ខេត្ត​បន្ទាយមានជ័យ។ https://www.facebook.com/photo/?fbid=1104555831713544&set=a.492095336292933
គណបក្សប្រឆាំង​លើកឡើង​ថា សិទ្ធិ​របស់​ស្រ្តី​នៅ​កម្ពុជា​បាន​ធ្លាក់​ ដោយសារ​រដ្ឋាភិបាល​រំលោភ​សិទ្ធិមនុស្ស ស្របពេល​ពិភពលោក​កំពុង​ប្រារព្ធ​ទិវា​សិទ្ធិនារីអន្តរជាតិ​នៅ​ថ្ងៃ​ទី៨ មីនា។ អ្នក​នយោបាយ​ទាំងនោះ​ អំពាវនាវ​ឱ្យ​រដ្ឋាភិបាល​យកចិត្តទុកដាក់​ក្នុង​ការ​លើកស្ទួយ​អំពី​សិទ្ធិនារី និង​ដោះលែង​ស្រ្តី​ដែល​កំពុង​ជាប់​ក្នុងពន្ធនាគារ​ក្រោមហេតុ​នយោបាយ​ទាំងអស់​ដោយ​ឥត​លក្ខខណ្ឌ។ https://www.facebook.com/photo/?fbid=1104557275046733&set=a.492095336292933
អង្គការ​ការពារ​សិទ្ធិមនុស្ស​ខ្មែរ​ក្រោម​គ្រោង​នឹង​ដាក់​ពាក្យ​ទៅកាន់​អង្គការសហប្រជាជាតិ​ដើម្បី​តវ៉ា​មិន​ឲ្យ​វៀតណាម​ឈរ​ឈ្មោះ​ជា​បេក្ខភាព​សមាជិក​ក្រុមប្រឹក្សា​សិទ្ធិមនុស្ស​របស់​អង្គការ​សហប្រជាជាតិ ដោយសារ​តែ​រដ្ឋាភិបាល​កុម្មុយនីស្ត​វៀតណាម​បន្ត​ធ្វើ​ទុក្ខបុកម្នេញ​ជនជាតិ​ដើម​ខ្មែរ​កម្ពុជា​ក្រោម។ https://www.facebook.com/photo/?fbid=1104558081713319&set=a.492095336292933
ការ​គ្រប់គ្រង​សំរាម​មិន​បាន​ត្រឹមត្រូវ​កំពុង​ធ្វើ​ឲ្យ​ដង​ផ្លូវ​មួយ​ចំនួន ស្ទើរ​តែ​ក្លាយ​ទៅ​ជា​ទីលាន​ចាក់​សំរាម បើ​ទោះ​ជា​រដ្ឋាភិបាល​ទទួល​ស្គាល់ និង​បាន​ដាក់​ចេញ​នូវ​វិធានការ​ដោះស្រាយ​យ៉ាងណាក្ដី ។ សកម្មជន និង​អ្នកជំនាញ​បរិស្ថាន ស្នើ​ដល់​រដ្ឋាភិបាល​ឲ្យ​បង្កើន​ការ​ផ្សព្វផ្សាយ​អប់រំ ឲ្យ​ពលរដ្ឋ​យល់​ដឹង​ពី​ការ​គ្រប់គ្រង និង​បែងចែក​សំណល់ និង​ប្លាស្ទិក​ឲ្យ​បាន​ត្រឹមត្រូវ។ https://www.facebook.com/photo/?fbid=1104559125046548&set=a.492095336292933
អាជ្ញាធរ​មូលដ្ឋាន​នៅ​ស្រុក​ឆែប ខេត្ត​ព្រះវិហារ​ថា អះអាង​ថា ដី​ព្រៃ​ជំនឿ​ដែល​កំពុង​មាន​បញ្ហា​រវាង​អ្នក​ភូមិ​ដងផ្លឹត និង​ភូមិ​ណារ៉ុង ជាមួយ​ក្រុមហ៊ុន សាន់ តាណា អាហ្គ្រោ ប្រូដាក់ (Santana Agro Products) គឺ​អាជ្ញាធរ​ថ្នាក់​ជាតិ​ជា​អ្នក​ចេញ​ប័ណ្ណ​កម្មសិទ្ធិ​ឲ្យ​ទៅ​ក្រុមហ៊ុន​ឯកជន​មួយ​នេះ។ សហគមន៍​ថា អាជ្ញាធរ​កំពុង​តែ​ឆ្លើយ​យក​រួច​ខ្លួន គេច​វេះ​មិន​ទទួល​ខុស​ត្រូវ​ចំពោះ​បញ្ហា​នេះ។ https://www.facebook.com/photo/?fbid=1104559835046477&set=a.492095336292933
កម្លាំង​អគ្គ​ស្នងការដ្ឋាន​នគរបាល​ជាតិ​បាន​បង្ក្រាប​ទីតាំង​អគារ​ឆបោក​តាម​អនឡាញ (Online) របស់​ក្រុម​ឧក្រិដ្ឋជន​ស្ថិត​ក្នុង​ខេត្តមណ្ឌលគិរី និង​បាន​ឃាត់​ខ្លួន​ជនបរទេស​ជិត ៣រយ​នាក់ (២៥៨នាក់)។ មន្ត្រី​សិទ្ធិ​មនុស្ស និង​អ្នក​តាម​ដាន​បញ្ហា​ឆបោក​តាម​អនឡាញ​ថា ក្រុម​ឧក្រិដ្ឋជន​កំពុង​ពង្រីក​បណ្ដាញ និង​អគារ​ឆបោក​តាម​អនឡាញ​នៅ​កម្ពុជា​កាន់​តែ​ខ្លាំង។ https://www.facebook.com/photo/?fbid=1104560425046418&set=a.492095336292933
បន្ទាប់ពីជោគជ័យជាច្រើនឆ្នាំជាប់គ្នា ទិវាជាតិអំណានលើកទី១០បាននាំយកសៀវភៅច្រើនប្រភេទមកបង្ហាញដល់សាធារណជននៅក្នុងឱកាសតាំងពិព័រណ៍សៀវភៅ។ ទិវាជាតិអំណាន និងការដាក់តាំងពិព័រណ៌សៀវភៅ រយៈពេល៤ថ្ងៃ ចាប់ពីថ្ងៃទី៨មីនាដល់ថ្ងៃទី១១មីនាប្រព្រឹត្តទៅនៅបរិវេណវិទ្យាស្ថានបច្ចេកវិទ្យាកម្ពុជា ឬសាលាតិចណូ។ អ្នកចូលរួមក្នុងពិព័រណ៌សៀវភៅបានបង្ហាញចំណាប់អារម្មណ៍រីករាយជាពន់ពេក ដោយសារតែវាឱកាសមួយសម្រាប់ទិញសៀវភៅដែលពួកគេចូលចិត្ត។ ក្នុងន័យនេះ ពួកគេចង់ឲ្យមានការរៀបចំកម្មវិធីបែបនេះជាប្រចាំ ក៏ដូចជាការរៀបចំបណ្ណាល័យដែលអាចចូលអានសៀវភៅឥតគិតថ្លៃ។ https://www.facebook.com/photo/?fbid=1104565241712603&set=a.492095336292933
សេចក្តីថ្លែងការណ៍រួមរបស់ក្រុមអង្គការសង្គមស៊ីវិលដែលធ្វើការលើការគោរពសិទិ្ធមនុស្ស និងសិទ្ធិស្រ្តី ចេញផ្សាយថ្ងៃទី៨ មីនា បានលើកឡើងពីសំណូមពរឲ្យភាគីក្រុមហ៊ុននិយោជកចូលតុចរចាជាមួយកម្មករ និងសហជីពដើម្បីដោះស្រាយបញ្ហាទាក់ទងនឹងករណីកេងបន្លំប្រាក់ឈ្នួល និងអត្ថប្រយោជន៍នានាក្នុងអំឡុងវិបត្តិជំងឺកូវីដ១៩ជាពិសេសក្នុងករណីដែលរោងចក្របញ្ឈប់ប្រតិបត្តិការ។ មេដឹកនាំសហជីពបានបញ្ជាក់ថា ក្រុមហ៊ុនម៉ាកយីហោមួយចំនួនបានបិទទ្វារ ដោយមិនបានទូទាត់ប្រាក់សំណងត្រឹមត្រូវតាមច្បាប់ការងារ។ក្នុងន័យនេះ ក្រុមមេដឹកនាំសហជីពចង់ឃើញភាគីក្រុមហ៊ុនម៉ាយីហោ និងក្រសួងការងារចេញមុខដោះស្រាយបញ្ហាទាំងនេះ ដើម្បីផ្តល់អត្ថប្រយោជន៍ផ្សេងៗដែលបាត់បង់ ជូនកម្មករនិយោជិតវិញ។ https://www.facebook.com/photo/?fbid=1104566841712443&set=a.492095336292933
តុលាការអាមេរិកបានកាត់ទោសអតីតមេធាវីសញ្ជាតិអាមេរិកម្នាក់នៅរដ្ឋផ្លរីដា ឱ្យជាប់ពន្ធនាគារចំនួន៩ឆ្នាំ ពីបទបង់ប្រាក់ឱ្យកុមារកម្ពុជាដើម្បីរួមភេទជាមួយខ្លួន។ នេះបើតាមសេចក្តីប្រកាសរបស់ក្រសួងយុត្តិធម៌អាមេរិក កាលពីថ្ងៃព្រហស្បត្តិ៍ទី ៦មីនា។ អតីតមេធាវីអាមេរិកត្រូវបានអាជ្ញាធរកម្ពុជាចាប់ខ្លួននៅឆ្នាំ២០១៩ មុននឹងត្រូវតុលាការកម្ពុជាកាត់ទោសឲ្យជាប់ពន្ធនាគារ២ឆ្នាំកន្លះ ពីបទរំលោភផ្លូវភេទលើកុមារកម្ពុជា។ https://www.facebook.com/photo/?fbid=1104568931712234&set=a.492095336292933
អធិការស្រុកស្វាយទាបខេត្តស្វាយរៀងម្នាក់ត្រូវដកចេញពីមុខតំណែង ដោយសារប្រព្រឹត្តអំពើពុករលួយ ដូចជាដោះលែងជនសង្ស័យប្រើប្រាស់គ្រឿងញៀន និងជនបរទេសឆ្លងដែនខុសច្បាប់ជាថ្នូរនឹងការទទួលបានទឹកប្រាក់រាប់ពាន់ដុល្លារ។ ចំណែកមន្រ្តីនគរបាល៣រូបផ្សេងទៀតរងការពិន័យរដ្ឋបាល។ នេះបើយោងតាមលិខិតរបស់ក្រសួងមហាផ្ទៃដែលទើបបង្ហាញជាសាធារណៈនាថ្ងៃទី៨ ខែមីនា ឆ្នាំ២០២៥។ ការដាក់ទណ្ឌកម្មលើមន្ត្រីនគរបាលស្រុកស្វាយទាបទាំង៤នាក់នេះធ្វើឡើង បន្ទាប់ពីពលរដ្ឋម្នាក់ផ្ញើសារទៅកាន់ហ្វេសប៊ុករដ្ឋមន្ត្រីក្រសួងមហាផ្ទៃ លោក ស សុខា ដើម្បីស្នើសុំឲ្យស៊ើបអង្កេតករណីចោទប្រកាន់ថា អធិការស្រុកស្វាយទាបប្រព្រឹត្តអំពើពុករលួយ។ https://www.facebook.com/photo/?fbid=1104570635045397&set=a.492095336292933
ចួបគ្នាល្ងាចនេះ ជាមួយកម្មវិធី «សំឡេងម្ចាស់ឆ្នោត»
នៃការផ្សាយសំឡេងសង្គមស៊ីវិល (VoC)
ប្រធានបទ ៖ ការធ្លាក់ចុះនៃសីលធម៌សង្គម
កាលបរិច្ឆេទ ៖ ថ្ងៃទី១០ ខែមិនា ឆ្នាំ២០២៥ (៤:០០ ដល់ ៥:០០ ល្ងាច)
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល ឬអាចចូលរួមហៅទូរស័ព្ទមកកម្មវិធី តាមលេខទូរស័ព្ទចូលរួម៖ 012 43 34 37 / 016 54 43 98។ https://www.facebook.com/photo/?fbid=1104613731707754&set=a.492095336292933
អ្នកឃ្លាំមើលបញ្ហាសង្គម បានលើកឡើងថា ករណីចោរដែលជាប់គុកហើយពេលដោះលែងទៅវិញ ពួកគេនៅប្រព្រឹត្តអំពើឬមុខរបរទាំងនោះដដែល អាចដោយសារការអនុវត្តច្បាប់ និងប្រព័ន្ធនៃការអប់រំដល់ពួកគេនៅមានកម្រិត ព្រមទាំងបញ្ហាបណ្តាញរបស់ពួកគេនៅតែមានទំនាក់ទំនងគ្នាដើម្បីធ្វើការងារនេះបន្តទៀត។ https://www.facebook.com/photo/?fbid=1104670391702088&set=a.492095336292933
បើតាមអ្នករៀបរៀងរបាយការណ៍មួយមកពីវិទ្យាស្ថានសេដ្ឋកិច្ចថាមពល និងការវិភាគហិរញ្ញវត្ថុ (Institute for Energy Economics and Financial Analysis) បានឱ្យដឹងថា កម្ពុជាគួរអភិវឌ្ឍរោងចក្រផលិតថាមពលពីឧស្ម័នធម្មជាតិរាវ (LNG) ប្រកបដោយការប្រុងប្រយ័ត្នខ្ពស់។ https://www.facebook.com/photo/?fbid=1104675055034955&set=a.492095336292933
លោក ហ៊ុន ម៉ាណែត ជំរុញឱ្យសមត្ថកិច្ចផ្តល់អាទិភាពដល់រថយន្តសង្គ្រោះបន្ទាន់ អំឡុងពេលមានក្បួនរថយន្ត VIP បន្ទាប់ពីមានការបង្ហោះតាមបណ្តាញសង្គមហ្វេសប៊ុក បង្ហាញពីរថយន្តសង្គ្រោះបន្ទាន់មួយដែលត្រូវជាប់គាំងចរាចរណ៍។ លោកបានសង្កត់ធ្ងន់លើតុល្យភាពសន្តិសុខជាមួយនឹងសុខុមាលភាពសាធារណៈ និងអំពាវនាវឱ្យប្រជាពលរដ្ឋមានការយោគយល់អធ្យាស្រ័យអំពីការរំខានចរាចរណ៍ដែលជៀសមិនផុត។ https://www.facebook.com/photo/?fbid=1104677828368011&set=a.492095336292933
ពលរដ្ឋនៅក្រុងប៉ោយប៉ែត ជួបផលលំបាកទាំងមុខរបរ និងការរស់នៅប្រចាំថ្ងៃ ដោយសារអគ្គិសនីនៅក្នុងក្រុងមួយនេះ ផ្គត់ផ្គង់មិនគ្រប់គ្រាន់ ដោយពលរដ្ឋទាំងនោះស្នើឱ្យអាជ្ញាធរ និងក្រុមហ៊ុនអគ្គិសនីអានកូ ជួយដោះស្រាយបញ្ហាផ្គត់ផ្គង់ចរន្តអគ្គិសនីនេះ។ https://www.facebook.com/photo/?fbid=1104678551701272&set=a.492095336292933
យ៉ាងហោចសិស្សវិទ្យាល័យ ហ៊ុន សែន ត្រើយស្លាចំនួន ១២នាក់ ក្នុងនោះមានសិស្សស្រីចំនួន​ ៥នាក់ផង ត្រូវបានសមត្ថកិច្ចនៃស្នងការដ្ឋាននគរបាលខេត្តកណ្តាល នាំខ្លួនមកសាកសួរធ្វើកិច្ចសន្យាអប់រំ បន្ទាប់ពីសិស្សទាំងនេះ បានប្រមូលផ្តុំគ្នាជក់បារី ហើយថតបង្ហោះលើបណ្តាញសង្គមហ្វេសប៊ុក។ នេះបើតាមការចេញផ្សាយលើទំព័រហ្វេសប៊ុករបស់ស្នងការដ្ឋាននគរបាលខេត្តកណ្តាលនៅថ្ងៃទី០៧ ខែមីនា ឆ្នាំ២០២៥នេះ
។ https://www.facebook.com/photo/?fbid=1104679668367827&set=a.492095336292933
តើគណៈកម្មាធិការជាតិរៀបចំការបោះឆ្នោត គួរមានវិធានការបែបណាខ្លះ ដើម្បីបង្កើនតំណាងស្ត្រីជាប់ឆ្នោត?
This project is co-funded by @European Union in Cambodia
#EUfunded
#PromotingAccontbleGovernment
#FreeFairElections
#Smartvoter
សូមទស្សនាវិដេអូខ្លីខាងក្រោម https://www.facebook.com/comfrel.org/videos/665045302718253