ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
នៅក្នុងសន្និបាតបូកសរុបការងារគ្រឿងញៀននាថ្ងៃទី១២និងទី១៣ ខែមីនា ឆ្នាំ២០២៥នេះ លោក ស សុខា ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃមានជំនឿថា បញ្ហាគ្រឿងញៀនមិនអាចក្លាយទៅជាបញ្ហាធំដុំឡើយប្រសិនបើមិនមានជាប់ពាក់ព័ន្ធនឹងសមត្ថកិច្ច។ ការលើកឡើងរបស់លោក ស សុខា ធ្វើឡើងស្របពេលដែលសមត្ថកិច្ចបានរកឃើញ និងរឹបអូសបានគ្រឿងញៀនសរុបជិត ១៥តោន នៅឆ្នាំ២០២៤ ពោលកើនឡើង៤ដង បើធៀបនឹងឆ្នាំ២០២៣។ ជាមួយគ្នានេះ លោក ស សុខា ក៏បានព្រមាន កាត់សាច់ស្អុយផងដែរ ដែលជាមន្ត្រីខិលខូច។ https://www.facebook.com/photo/?fbid=1108309968004797&set=a.492095336292933
ក្រុមការងាររដ្ឋាភិបាលទទួលបន្ទុកការអនុវត្តន៍មុខងារសេសសល់របស់អង្គជំនុំជម្រះវិសាមញ្ញនៅក្នុងតុលាការកម្ពុជា (អ.វ.ត.ក.) ឬសាលាក្តីខ្មែរក្រហមកាលពីថ្ងៃទី១២ ខែមីនា ឆ្នាំ២០២៥ បានជួបប្រជុំគ្នាដើម្បីជជែកជុំវិញការបង្កើតស្ថាប័នកេរដំណែល។ ការបង្កើតស្ថាប័នកេរដំណែលនេះ គឺដើម្បីរក្សា ការពារសមិទ្ធផលទាំងឡាយដែលប្រទេសកម្ពុជា និងអង្គការសហប្រជាជាតិបានធ្វើរួមគ្នាក្នុងការនាំយកមេដឹកនាំជាន់ខ្ពស់នៃរបបកម្ពុជាប្រជាធិបតេយ្យមកកាត់ទោស និងទុកជាប្រវត្តិសាស្ត្រសម្រាប់មនុស្សជំនាន់ក្រោយ។ https://www.facebook.com/photo/?fbid=1108311481337979&set=a.492095336292933
នគរបាលស្រុកស្នួលខេត្តក្រចេះបានអះអាងថា ខ្លួនបាន និងកំពុងស្រាវជ្រាវចាប់ខ្លួនជនជាតិចិនចំនួន ៤នាក់ដែលជាមេការនៅកាស៊ីណូ Gold City ក្រោយរកឃើញថា ពួកគេបានចាប់បង្ខាំងបុគ្គលិកខ្មែរ ៣នាក់ធ្វើទារុណកម្ម និងជំរិតទារប្រាក់ចំនួន ១៥០០០ដុល្លារ។ នេះបើតាមសេចក្តីបំភ្លឺរបស់អធិការដ្ឋាននគរបាលស្រុកស្នួលខេត្តក្រចេះនៅថ្ងៃទី១២ មីនា និងដោយបន្ថែមថា ការចាប់ជម្រិតនេះកើតមានបន្ទាប់ពីបុគ្គលិកខ្មែរទាំង៣នាក់រៀបចំគម្រោងធ្វើបៀឱ្យភ្ញៀវឈ្នះលុយពីការលេងល្បែងនៅកាស៊ីណូ។ https://www.facebook.com/photo/?fbid=1108314931337634&set=a.492095336292933
ក្រុមគ្រួសាររបស់កម្មករដែលស្លាប់ដោយឆក់ខ្សែភ្លើងពេលបំពេញការងារនៅក្នុងរោងចក្រ សានី(ខេមបូឌា) ហ្វើនីឈ័រ ឯក (SHANE(CAMBODIA)FURNITURE CO.,LTD) ស្ថិតនៅឃុំព្រៃគគីរ ស្រុកចន្រ្ទា ខេត្ដស្វាយរៀង បានទាមទារឱ្យថៅកែផ្តល់សំណងតាមផ្លូវច្បាប់ ដោយចោទថា ថៅកែរោងចក្រនេះកំពុងគេចវេសពីការទទួលខុសត្រូវ។ https://www.facebook.com/photo/?fbid=1108326804669780&set=a.492095336292933
អ្នកនាំពាក្យក្រសួងការបរទេសកម្ពុជាបាននិយាយប្រាប់វិទ្យុបារាំងអន្តរជាតិ នៅថ្ងៃអាទិត្យទី១៦មីនានេះថា កម្ពុជានៅមិនទាន់ទទួលបានព័ត៌មានផ្លូវការណា ដែលថាអាមេរិកបានដាក់កម្ពុជាក្នុងបញ្ជីពណ៌លឿង ដែលជាបញ្ជីក្រុមប្រទេសដែលអាមេរិក ពិចារណារឹតត្បិតការចេញចូលទៅក្នុងទឹកដីអាមេរិកនៅឡើយទេ។ សារព័ត៌មាន New York Times នៅចុងសប្តាហ៍នេះ បានចុះផ្សាយថា កម្ពុជាស្ថិតក្នុងបញ្ជីព៌ណលឿងក្នុងរដ្ឋបាល លោក ដូណាល់ ត្រាំ ដែលកំពុងពិចារណារឹតត្បិត ឬហាមឃាត់ការធ្វើដំណើរចូលទឹកដីអាមេរិក ចំពោះប្រជាពលរដ្ឋមកពីជាង៤០ប្រទេស។ https://www.facebook.com/photo?fbid=1110592877776506&set=a.492095336292933
រដ្ឋាភិបាលកាណាដា តាមរយៈគេហទំព័រផ្លូវការរបស់ខ្លួន បានព្រមានពីហានិភ័យសន្តិសុខសង្គមដល់ពលរដ្ឋខ្លួននៅពេលធ្វើដំណើរទៅប្រទេសកម្ពុជា។ នៅក្នុងនោះ រដ្ឋាភិបាលកាណាដាបានលើកឡើងពីសកម្មភាពឆក់ប្លន់ទ្រព្យសម្បត្តិផ្ទាល់ខ្លួនរបស់ភ្ញៀវទេសចរ ការប្រើប្រាស់អំពើហិង្សា និងអំពើឆបោកភ្ញៀវទេសចរបរទេសនៅក្រោមរូបភាពជាច្រើន។ https://www.facebook.com/photo?fbid=1110594041109723&set=a.492095336292933
កម្ពុជា និងឥណ្ឌាបានឯកភាពគ្នាចែករំលែកព័ត៌មាន ដើម្បីសហការប្រយុទ្ធប្រឆាំងនឹងបទល្មើសឆ្លងដែន ការជួញដូរមនុស្ស និងការឆបោកតាមប្រព័ន្ធអនឡាញ។ នេះបើតាមសេចក្តីប្រកាសព័ត៌មានរបស់ក្រសួងការបរទេសនៅថ្ងៃសុក្រទី ១៤មីនា។ ការសម្រេចនេះធ្វើឡើងនៅក្នុងជំនួបរវាងមន្ត្រីជាន់ខ្ពស់របស់ក្រសួងការបរទេសកម្ពុជា និងអនុរដ្ឋមន្ត្រីក្រសួងការបរទេសឥណ្ឌា កាលពីថ្ងៃចន្ទដើមសប្តាហ៍ ទី១០មីនា។ https://www.facebook.com/photo?fbid=1110595174442943&set=a.492095336292933
សមត្ថកិច្ចថៃបានអះអាង កាលពីថ្ងៃសៅរ៍ ទី១៥ មីនាថា តុលាការបានចេញដីកាចាប់ខ្លួនជនជាតិថៃចំនួន១៥នាក់ ដែលជាប់ពាក់ព័ន្ធនឹងការរៀបចំសកម្មភាពឆបោកតាមប្រព័ន្ធអនឡាញ នៅក្នុងក្រុងប៉ោយប៉ែត ប្រទេសកម្ពុជា។ នេះបើតាមព័ត៌មានចុះផ្សាយដោយកាសែតថៃ បាងកកប៉ុស្តិ៍ នៅថ្ងៃទី១៥ មីនា ឆ្នាំ២០២៥ ដោយបញ្ជាក់ថា ដីកាចាប់ខ្លួននេះ ធ្វើឡើងបន្ទាប់ពីអាជ្ញាធរថៃរួមគ្នាជាមួយអាជ្ញាធរកម្ពុជាបង្រ្កាបមជ្ឈមណ្ឌលបោកប្រាស់អនឡាញមួយនៅក្រុងប៉ោយប៉ែត ដោយចាប់ឃាត់ខ្លួន ជនជាតិថៃចំនួន១១៩នាក់ កាលពីខែកុម្ភៈ។ https://www.facebook.com/photo?fbid=1110596391109488&set=a.492095336292933
ក្រសួងពាណិជ្ជកម្មកម្ពុជាបានផ្សព្វផ្សាយឲ្យដឹងនៅថ្ងៃទី១៥ ខែមីនាថា មានក្រុមហ៊ុនរដ្ឋចិនមួយបានចុះកិច្ចព្រមព្រៀងទិញ-លក់ដំឡូងមីស្ងួតកម្ពុជា ដោយបាននាំចូលទៅកាន់ទីផ្សារចិនជាលើកដំបូង នូវដំឡូងមីស្ងួតចំនួន៥ពាន់តោន និងត្រៀមនាំចូល២០ម៉ឺនតោនបន្ថែមទៀតសម្រាប់ឆ្នាំ២០២៥-២០២៦។ បើតាមក្រសួងពាណិជ្ជកម្ម ការចុះកិច្ចព្រមព្រៀងនេះ នឹងជួយពង្រឹង និងពង្រីកកិច្ចសហប្រតិបត្តិការពាណិជ្ជកម្មរវាងកម្ពុជា និងចិន ពិសេសលើផ្នែកជំរុញការនាំចេញដំឡូងមីរបស់កម្ពុជាទៅកាន់ទីផ្សារចិន។ https://www.facebook.com/photo/?fbid=1110598691109258&set=a.492095336292933
ជួបគ្នាល្ងាចនេះ ជាមួយកម្មវិធី «សំឡេងម្ចាស់ឆ្នោត» នៃការផ្សាយសំឡេងសង្គមស៊ីវិល (VOC)
ប្រធានបទ ៖ ការធានា និងគាំពារលើបញ្ហាសន្តិសុខសង្គម
កាលបរិច្ឆេទ ៖ ថ្ងៃទី១៧ ខែមីនា ឆ្នាំ២០២៥ (៤:០០ ដល់ ៥:០០ ល្ងាច)
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល ឬអាចចូលរួមហៅទូរស័ព្ទមកកម្មវិធី តាមលេខទូរស័ព្ទចូលរួម៖ 012 43 34 37 / 016 54 43 98។ https://www.facebook.com/photo/?fbid=1110644667771327&set=a.492095336292933
ប្រជាពលរដ្ឋ​នៅ​ឃុំ​កំពង់ស្រឡៅ​២ ​ស្រុក​ឆែប​ ខេត្ត​ព្រះវិហារ​ព្រួយ​បារម្ភ​ចំពោះ​ការ​បាត់​បង់​ព្រៃ​ឈើ​នៅ​ក្នុង​សហគមន៍​របស់​ពួក​គេ។ ពួក​គាត់​ថា ប្រសិន​បើ​អាជ្ញាធរ​មូលដ្ឋាន​និង​មន្ត្រី​សង្កាត់​រដ្ឋបាល​ព្រៃឈើ​ទីនោះ​ មិន​បង្ក្រាប​និង​ទប់​ស្កាត់​ការ​លួច​កាប់​ឈើ​ខុស​ច្បាប់ ​ទៅ​លក់​នៅ​ឯ​ប្រទេស​ឡាវ​ទេ ​គឺ​ព្រៃ​ឈើ​ក្នុង​ដែន​សហគមន៍​និង​រង​ការ​វិនាស។ https://www.facebook.com/photo?fbid=1110725814429879&set=a.492095336292933
បទបញ្ជា​ប្រតិបត្តិ មាន​គោលដៅ​លុបចោល​ទីភ្នាក់ងារ​មេ​របស់​ស្ថាប័ន​សំឡេង​សហរដ្ឋ​អាមេរិក (VOA), វិទ្យុ​អាស៊ី​សេរី (RFA), វិទ្យុ​អឺរ៉ុប​សេរី (RFE/RL) និង​អង្គភាព​ព័ត៌មាន​ដទៃ​ទៀត​ដែល​ទទួល​មូលនិធិ​ពី​រដ្ឋាភិបាល​សហរដ្ឋ​អាមេរិក។ https://www.facebook.com/photo?fbid=1110727127763081&set=a.492095336292933
សាច់ញាតិជនរងគ្រោះ និងមន្ត្រី​សង្គម​ស៊ីវិល​គាំទ្រ​ឱ្យ​សាលាឧទ្ធរណ៍​ភ្នំពេញ តម្កល់​កាល​ដីកា​សំណុំ​រឿងឃាតកម្មលើគូដណ្ដឹងវ័យ​ក្មេង​ពីរ​នាក់ ដែល​បង្ក​ឡើង​ដោយ​អតីត​ឧកញ៉ា ស្រី ស៊ីណា ទុក​ជា​បាន​ការ​ដដែល។ ពួក​គាត់​រំពឹង​ថា តុលាការ​នឹង​ឆាប់​បិទ​បញ្ចប់​សំណុំរឿង​នេះ ហើយ​ត្រូវ​បង្គាប់​ឱ្យ​ជន​បង្ក​ឆាប់​ផ្ដល់​សំណង​ជំងឺ​ចិត្ត​មក​ឱ្យ​គ្រួសារ​ជន​រងគ្រោះ​ទៅ​តាម​សេចក្ដី​សម្រេច​របស់​សាលា​ដំបូង​រាជធានី​ភ្នំពេញ។ https://www.facebook.com/photo/?fbid=1110728501096277&set=a.492095336292933
សហភាពអឺរ៉ុប (EU) ​វិនិយោគទឹកប្រាក់ប្រមាណជិត៨៧លានដុល្លារ ដើម្បីធ្វើទំនើបកម្មវិស័យកសិកម្មកម្ពុជា និងលើកកម្ពស់លទ្ធភាពចូលទៅកាន់ទីផ្សាររបស់កសិករកម្ពុជាទាំងក្នុងស្រុក និងអន្តរជាតិ។ ការវិនិយោគនេះត្រូវបានគេរំពឹងថានឹងផ្ដល់អត្ថប្រយោជន៍​ដល់​សហគ្រាស​កសិកម្ម​ និងកសិកររាប់​សែន​នាក់ ជា​ពិសេស​នៅ​ក្នុង​សហគមន៍​ជន​បទ។ https://www.facebook.com/photo/?fbid=1110730437762750&set=a.492095336292933
Forwarded from PISETH NEM
https://www.facebook.com/comfrel.org/videos/957982959774589
==========================
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី១៧ ខែមីនា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
ប្រធានបទ ៖ ការធានា និងគាំពារលើបញ្ហាសន្តិសុខសង្គម
==========================
វាគ្មិនកិត្តិយស៖
- លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA)
- លោក សាន់ ម៉ាឡា ប្រធានកម្មវិធីបណ្ដាញ និងតស៊ូមតិនៃអង្គការភាពជាដៃគូដើម្បីបរិស្ថាន និងការអភិវឌ្ឍ (PED)
អ្នកសម្របសម្រួល៖ អ្នកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ ​
តាមរយៈ៖ វិទ្យុ FM102 MHz
លេខទូរស័ព្ទចូលរួម៖ 016 544 398 / 012 433 437
ក្រសួងពាណិជ្ជកម្មបានច្រានចោលការអំពាវនាវរបស់កសិករឱ្យហាមឃាត់ការនាំចូលសាច់បង្កកព្រោះវាស្ថិតក្រោមកិច្ចព្រមព្រៀងពាណិជ្ជកម្មសេរី។ ទោះជាយ៉ាងណាក៏ដោយ ក្រសួងធានាថាសាច់បង្កកមានសុវត្ថិភាពសម្រាប់ការបរិភោគ ដោយសារពួកវាត្រូវបាននាំចូលដោយផ្អែកលើស្តង់ដារសុវត្ថិភាព និងគោលនយោបាយពាណិជ្ជកម្ម។ https://www.facebook.com/photo?fbid=1110851254417335&set=a.492095336292933
នៅក្នុងលិខិតដាច់ដោយឡែកចំនួន៦ ច្បាប់នាថ្ងៃទី១៤ មីនា គណបក្សកម្លាំងជាតិបានស្វះស្វែងរកកិច្ចអន្តរាគមន៍ពីសំណាក់ប្រទេសហត្ថលេខីនៃកិច្ចព្រមព្រៀងសន្តិភាពទីក្រុងប៉ារីសចំពោះបញ្ហានយោបាយក្នុងប្រទេសកម្ពុជា។ តាមគណបក្សកម្លាំងជាតិ ស្ថានភាពនយោបាយកម្ពុជាកាន់តែពិបាកទទួលយកនៅចំពោះមុខនៃការចាប់ខ្លួនសកម្មជននយោបាយជាច្រើនរូប។ តែអ្នកនាំពាក្យរដ្ឋាភិបាលបានចាត់សំណើរបស់បក្សកម្លាំងជាតិថាជារឿងគ្មានបានប្រយោជន៍អ្វីទេ។ https://www.facebook.com/photo/?fbid=1110855487750245&set=a.492095336292933
គ្រោះថ្នាក់ធម្មជាតិខ្យល់កន្ត្រាក់ដ៏ធ្ងន់ធ្ងរបានកើតឡើងនៅក្នុងខេត្តសៀមរាបកាលពីល្ងាចថ្ងៃអាទិត្យ ទី១៦មីនា។ លោក លី វណ្ណៈ នាយករដ្ឋបាលសាលាខេត្តសៀមរាបបានប្រាប់វិទ្យុបារាំងអន្តរជាតិថា មានមនុស្ស ៣នាក់បានរងរបួសធ្ងន់ និង២នាក់រងរបួសស្រាលនៅក្នុងឧបទ្ទវហេតុគ្រោះធម្មជាតិមួយនេះ។ តាមលោក លី វណ្ណៈ ហេតុការណ៍ខ្យល់កន្ត្រាក់នេះបានប៉ះពាល់ស្រុករហូតដល់ចំនួន៨ ដែលបានធ្វើឲ្យខូចខាតផ្ទះសម្បែងពលរដ្ឋ និងអគាររដ្ឋបាលជាង១០០ខ្នង។ https://www.facebook.com/photo/?fbid=1110862264416234&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី១៨ ខែមីនា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
ប្រធានបទ ៖ ការធានា និងគាំពារលើបញ្ហាសន្តិសុខសង្គម
==========================
វាគ្មិនកិត្តិយស៖
- លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA)
- លោក សាន់ ម៉ាឡា ប្រធានកម្មវិធីបណ្ដាញ និងតស៊ូមតិនៃអង្គការភាពជាដៃគូដើម្បីបរិស្ថាន និងការអភិវឌ្ឍ (PED)
អ្នកសម្របសម្រួល៖ អ្នកស្រី យ៉ឹង នីម https://www.facebook.com/comfrel.org/videos/3822162931428286
សមត្ថកិច្ច​បាន​ឃាត់​ខ្លួន​ជនសង្ស័យ​ជនជាតិ​ចិន (Chinese) ២នាក់ និង​ជនជាតិ​មីយ៉ាន់ម៉ា (Myanmar) ២នាក់​ដោយ​ចោទ​ប្រកាន់​ពួកគេ​ថា បាន​លាក់​កំបាំង​សាកសព​ជនជាតិ​ចិន​ម្នាក់​ដែល​បាន​ស្លាប់​ដោយសារ​តែ​ធ្លាក់​ពី​លើ​អគារ​នៅ​ខេត្ត​ត្បូងឃ្មុំ។ មន្ត្រី​សិទ្ធិ​មនុស្ស​សង្ស័យ​ករណី​នេះ​ថា ជនរងគ្រោះ​អាច​ស្លាប់​ដោយសារ​តែ​ក្រុម​ឧក្រិដ្ឋជន​ដែល​កំពុង​រកស៊ី​ឆបោក​តាម​អនឡាញ (Online) និង​ស្នើ​ឱ្យ​សមត្ថកិច្ច​បើក​ការ​ស៊ើបអង្កេត ដើម្បី​ផ្ដល់​យុត្តិធម៌​ដល់​ជនរងគ្រោះ។ https://www.facebook.com/photo/?fbid=1111382874364173&set=a.492095336292933