ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ប្រជាពលរដ្ឋ​​​ជនជាតិដើមភាគតិច​​កួយ រស់នៅក្បែរតំបន់ព្រៃឡង់ ក្នុង​​ស្រុក​សៀម​​​បូក ​​ខេត្ត​ស្ទឹង​ត្រែង ត្អូញត្អែរពីការ​ធ្លាក់ចុះ​នៃ​តម្លៃ​ជ័រ​ទឹក ដែលធ្វើឱ្យ​ពួកគាត់ជួប​ការលំបាក​​​​​ក្នុងជីវភាព ខណៈពលរដ្ឋ​ខ្លះ​បាន​សម្រេច​បោះបង់​មុខរបរ​ដែលធ្លាប់ធ្វើតាំងពីដូនតា​​​​នេះ ហើយទៅចំណាក​ស្រុក​ទាំង​ប្រថុយ​​ប្រថាន​។ ​ https://www.facebook.com/photo?fbid=1116871027148691&set=a.492095336292933
ប្រជាពលរដ្ឋមកពីសហគមន៍មួយចំនួន​នៅរាជធានីភ្នំពេញ ស្នើរដ្ឋាភិបាល​​​​ពន្លឿន​​ការ​​ចុះ​​បញ្ជីដីធ្លី​​ពួក​គេ​ឆាប់​រហ័ស ដើម្បីធានាបាននូវសិទ្ធិលំនៅឋានរបស់ពួកគេ និងបង្កើនសុវត្ថិភាពក្នុងការកាន់កាប់ ក្រោយពួកគេ​បានរង់ចាំ​អស់រយៈពេលជាងមួយទស្សវត្សរ៍។ https://www.facebook.com/photo/?fbid=1116874597148334&set=a.492095336292933
សម្ដេច ហ៊ុន ម៉ាណែត នាយករដ្ឋមន្ត្រីកម្ពុជា ចាប់ផ្ដើមឱ្យក្រសួង ស្ថាប័ននានាទាំងថ្នាក់ជាតិ និងថ្នាក់ក្រោមជាតិ ធ្វើជំរឿនមន្ត្រីរាជការក្នុងស្ថាប័នពួកគេ ដើម្បីកាត់បន្ថយការចំណាយថវិកាជាតិ និងពង្រឹងប្រសិទ្ធភាពការងាររបស់ស្ថាប័នទាំងនោះ។ https://www.facebook.com/photo/?fbid=1117006243801836&set=a.492095336292933
មន្រ្តីអាជ្ញាធរអេដស៍កម្ពុជាប្រាប់វិទ្យុស្រ្តីនៅថ្ងៃទី២១ ខែមីនា ឆ្នាំ២០២៥នេះថា ដំណើរការផ្តល់ថ្នាំប្រឆាំងនឹងមេរោគអេដស៍ទៅកាន់អ្នកផ្ទុកជំងឺអេដស៍នឹងអាចដំណើរការជាប្រក្រតីធម្មតានោះទេ ទោះបីជាអនាគតដ៏ខ្លីខាងមុខនេះ សហរដ្ឋអាមេរិកផ្អាកជំនួយក៏ដោយ។ ការហ៊ានអះអាងពីនិរន្តភាពបែបនេះ ដ្បិតអាជ្ញាធរអេដស៍ថា ស្ថាប័នខ្លួនមានប្រភពជំនួយពីស្ថាប័នអន្តរជាតិផ្សេងៗទៀតក្រៅតែពីជំនួយរបស់អាមេរិក ពិសេសគឺថវិកាជំនួយពីរដ្ឋាភិបាលកម្ពុជា។ https://www.facebook.com/photo/?fbid=1117015560467571&set=a.492095336292933
Forwarded from PISETH NEM
https://www.facebook.com/comfrel.org/videos/988848429520000
==========================
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី២៤ ខែមីនា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
សហការជាមួយសមាគមបណ្ដាញយុវជនកម្ពុជា(CYN)
ប្រធានបទ ៖ លទ្ធផលនៃការប្រារព្ធទិវាព្រៃឈើអន្តរជាតិឆ្នាំ២០២៥
==========================
វាគ្មិនកិត្តិយស៖
- អ្នកស្រី គង់ ស្រីលាប មន្ត្រីគម្រោងនៃអាក់សិនអេតកម្ពុជា
- លោក ខុន ប្រុសពៅ យុវជនមកពីខេត្តស្វាយរៀង
អ្នកសម្របសម្រួល៖ អ្នកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ ​
តាមរយៈ៖ វិទ្យុ FM102 MHz
លេខទូរស័ព្ទចូលរួម៖ 016 544 398 / 012 433 437
ពន្ធនាគារ​ខេត្ត​បន្ទាយមាន​ជ័យ​បាន​ចេញ​មុខ​បំភ្លឺ​នៅ​ថ្ងៃ​ទី​២៣ ខែ​មីនា ឆ្នាំ​២០២៥ ពាក់​ព័ន្ធ​នឹង​ការ​ស្លាប់​អ្នក​ទោស​ម្នាក់ ក្រោយ​ពី​បាន​បញ្ជូន​ទៅ​ដល់​មន្ទីរ​ពេទ្យ​មិត្តភាព​កម្ពុជា-ជប៉ុន ក្នុង​ស្រុក​មង្គល​បុរី​។ ​ការ​បំភ្លឺរបស់​ពន្ធនាគារ​ខេត្ត​បន្ទាយ​មានជ័យ​ដោយសារ​តែ​គ្រួសារ​ជន​រង​គ្រោះសម្តែង​ការ​មិន​អស់​ចិត្ត​ចំពោះ​ករណី​ស្លាប់​កូន​ប្រុស​របស់​ខ្លួន​ដោយ​ពន្យល់​ហេតុ​ផល​ថា គឺ​មក​ពី​មាន​ការ​យឺត​យ៉ាវ​ក្នុង​ការ​បញ្ជូន​អ្នក​ជំងឺ​ទៅព្យាបាល​។ https://www.facebook.com/photo?fbid=1117723490396778&set=a.492095336292933
នៅថ្ងៃចន្ទ ទី២៤ មីនា អ្នកនាំពាក្យលោក ស ខេង អនុប្រធានគណបក្សប្រជាជនកម្ពុជាបានចេញសេចក្តីថ្កោលទោស និងបដិសេធលើព័ត៌មានដែលថា លោក ស ខេង គឺជាក្បាលម៉ាស៊ីននៃ «ចលនាជាតិតស៊ូ»។ ប្រតិកម្មថ្កោលទោសភ្លាមៗនេះធ្វើឡើង បន្ទាប់គណនីហ្វេសប៊ុកមួយឈ្មោះ Samdach Seng Ratana បានសរសេរថា លោក ស ខេង ជាប្រធានដឹកនាំចលនាជាតិតស៊ូប្រចាំកម្ពុជាដែលជាប់ពាក់ព័ន្ធនឹងអ្នកប្រឆាំងនៅក្រៅប្រទេស។ https://www.facebook.com/photo?fbid=1117777517058042&set=a.492095336292933
នៅថ្ងៃចន្ទទី២៤ មីនានេះ សមាជិកគណបក្សភ្លើងទៀនចំនួន៣រូបត្រូវបានដោះលែងឲ្យមានសេរីភាពឡើងវិញ ក្រោយពីបានអនុវត្តទោសក្នុងពន្ធនាគារចំនួន២ឆ្នាំ។ តាមអ្នកនាំពាក្យគណបក្សភ្លើងទៀន និងសម្ព័ន្ធឆ្ពោះទៅអនាគត សមាជិកគណបក្សភ្លើងទៀនទាំង ៣រូបបានស្នើសុំសម្រាកពីសង្វៀននយោបាយមួយរយៈដោយមិនបានកំណត់ពេលច្បាស់លាស់។ https://www.facebook.com/photo?fbid=1117779087057885&set=a.492095336292933
ក្នុងរយៈពេល ១សប្តាហ៍ពីថ្ងៃទី១៧ ដល់ថ្ងៃទី២៣មីនា កម្ពុជាមានភ្លើងឆេះព្រៃ ឬចំណុចឆេះជាង ៦០០ករណី។ នេះបើតាមមជ្ឈមណ្ឌលជំនាញឧតុនិយមអាស៊ាន (ASMC) ដែលទើបត្រូវបានក្រសួងបរិស្ថានកម្ពុជាចេញផ្សាយនៅថ្ងៃទី២៤ មីនានេះ។ ក្នុងចំណោមចំណុចភ្លើងឆេះព្រៃទាំងនោះ គឺមាននៅក្នុងខេត្តខ្មែរជាប់ព្រំដែនប្រទេសឡាវ និងវៀតណាម ដូចជា ស្ទឹងត្រែង មណ្ឌលគីរី និងរតនៈគីរីដែលត្រូវបានគេរកមានករណីភ្លើងឆេះព្រៃច្រើនជាងគេ។ https://www.facebook.com/photo/?fbid=1117782797057514&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី២៥ ខែមីនា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
សហការជាមួយសមាគមបណ្ដាញយុវជនកម្ពុជា(CYN)
ប្រធានបទ ៖ លទ្ធផលនៃការប្រារព្ធទិវាព្រៃឈើអន្តរជាតិឆ្នាំ២០២៥
==========================
វាគ្មិនកិត្តិយស៖
- អ្នកស្រី គង់ ស្រីលាប មន្ត្រីគម្រោងនៃអាក់សិនអេតកម្ពុជា
- លោក ខុន ប្រុសពៅ យុវជនមកពីខេត្តស្វាយរៀង
អ្នកសម្របសម្រួល៖ អ្នកស្រី យ៉ឹង នីម https://www.facebook.com/comfrel.org/videos/1795578224353541
លោក តូច ថឹង លោក ខឿន វីរ៉ាត់ និងលោកស្រី នូ សិទ្ធារី ដែលជាមន្ត្រីជាន់ខ្ពស់គណបក្សភ្លើងទៀន និងគណបក្សឆន្ទៈខ្មែរត្រូវបានដោះលែងឲ្យមានសេរីភាពវិញនៅថ្ងៃចន្ទ ទី២៤ មីនា។ ពួកគេត្រូវបានតុលាការកាត់ទោសឲ្យជាប់ក្នុងពន្ធនាគាររយៈពេល២ឆ្នាំ និងទើបបញ្ចប់ការអនុវត្តទោស។ នៅក្នុងកិច្ចសម្ភាសជាមួយវិទ្យុបារាំងអន្តរជាតិ RFI នាថ្ងៃទី២៤ ខែមីនា ឆ្នាំ២០២៥នេះ លោក លី សុធារ៉ាយុត្តិ អគ្គលេខាធិការគណបក្សភ្លើងទៀនបានបញ្ជាក់ថា គណបក្សសម្តែងការស្វាគមន៍ដល់មន្ត្រីបក្សដែលទទួលបានសេរីភាពឡើងវិញ និងថាគណបក្សនឹងបន្តស្នើសុំឲ្យរដ្ឋាភិបាលដោះលែងមន្ត្រីរបស់ខ្លួនទាំងអស់ចំនួនជិត២០នាក់នៅក្នុងឱកាសបុណ្យចូលឆ្នាំខ្មែរខាងមុខ។ https://www.facebook.com/photo?fbid=1117785957057198&set=a.492095336292933
ថ្មីៗនេះ នាយករដ្ឋមន្ដ្រីកម្ពុជា លោក ហ៊ុន ម៉ាណែតបានស្នើឲ្យអ្នកវិនិយោគក្នុងវិស័យទេសចរណ៍កុំសាងសង់អគារខ្ពស់ៗ ឬផ្ទះបុរីនៅលើតំបន់ដែលជាគោលដៅទេសចរណ៍ធម្មជាតិ។ តាមលោក ហ៊ុន ម៉ាណែត ការសាងសង់នៅលើតំបន់ទាំងនោះនឹងនាំឲ្យបាត់បង់សម្រស់ពីធម្មជាតិ និងប៉ះពាល់ដល់ចំណូលរបស់ពលរដ្ឋសហគមន៍។ អ្នកជំនាញក្នុងវិស័យទេសចរណ៍ និងអចលនទ្រព្យគាំទ្រចំពោះការលើកឡើងរបស់នាយករដ្ឋមន្ដ្រី។ តែក្នុងពេលជាមួយគ្នា ពួកគេស្នើឲ្យរដ្ឋគិតគូរ និងធ្វើបច្ចុប្បន្នភាពច្បាប់ស្តីពីការគ្រប់គ្រងដីធ្លី ពិសេសការពារដីធ្លីនៅតំបន់ទេសចរណ៍ធម្មជាតិ។ https://www.facebook.com/photo?fbid=1117788223723638&set=a.492095336292933
សមតុល្យឥណទានរបស់កម្ពុជាកើនឡើងដល់ ៦០ពាន់លានដុល្លារ។ នេះបើតាមរបាយការណ៍កម្ចីរបស់ការិយាល័យឥណទានកម្ពុជាឆ្នាំ២០២៤ ដែលបង្ហាញថាស្ត្រីមានចំនួន ៥២ភាគរយនៃអ្នកខ្ចីសរុប។ ទោះជាយ៉ាងណាក៏ដោយ អ្នកជំនាញនិយាយថា អត្រាខ្ពស់នេះទំនងជាឆ្លុះបញ្ចាំងពីការចូលរួមច្រើនរបស់ស្ត្រីនៅក្នុងវិស័យសេដ្ឋកិច្ច។ https://www.facebook.com/photo/?fbid=1117789510390176&set=a.492095336292933
កម្ពុជា ចិន ឡាវ មីយ៉ាន់ម៉ា ថៃ និងវៀតណាម កំពុងប្រារព្ធខួប៩ឆ្នាំនៃកិច្ចសហប្រតិបត្តិការមេគង្គ-ឡានឆាង ដោយបានគូសបញ្ជាក់ពីសមិទ្ធផលក្នុងការអភិវឌ្ឍតំបន់ ការតភ្ជាប់ និងកិច្ចសហប្រតិបត្តិការទៅវិញទៅមក ខណៈដែលសង្កត់ធ្ងន់ជាថ្មីនូវការប្តេជ្ញាចិត្តរបស់ពួកគេចំពោះកំណើនប្រកបដោយចីរភាព និងវិបុលភាពរួមគ្នា។ https://www.facebook.com/photo/?fbid=1117798413722619&set=a.492095336292933
ទីប្រឹក្សាសមាគមគ្រូបង្រៀនឯករាជ្យ និងជាទីប្រឹក្សាគណបក្សកម្លាំងជាតិ លោក រ៉ុង ឈុន បានប្រលូកក្នុងការ​ងារ​សង្គម​ប្រមាណជា ២៥ឆ្នាំមកហើយ។ កត្តាដែលបានជំរុញឱ្យលោកចូលរួមកិច្ចការសង្គម គឺដោយសារលោក​សង្កេតឃើញមានបញ្ហាលក្ខខណ្ឌការងារមិនល្អ នៅប្រទេសកម្ពុជា កាលពីជាង២០ឆ្នាំមុន តួយ៉ាងដូចជាបញ្ហាប្រាក់ឈ្នួលកម្មករកម្មារិនីរោងចក្រ និងប្រាក់បៀវត្សន៍គ្រូ​បង្រៀន​​​ទាបជាដើម ដែលធ្វើឱ្យពួកគេមានបញ្ហាជីវភាព។ https://www.facebook.com/photo/?fbid=1117803000388827&set=a.492095336292933
Forwarded from PISETH NEM
https://www.facebook.com/comfrel.org/videos/1192048565588001
==========================
ការផ្សាយឡើងវិញសំឡេងសង្គមស៊ីវិល(VOC)
សម្រាប់ ថ្ងៃទី២៥ ខែមីនា ឆ្នាំ២០២៥
នេះជាកម្មវិធីប្រចាំថ្ងៃអង្គារ៍ «សិទ្ធិមនុស្ស និងប្រជាធិបតេយ្យ»
==========================
ប្រធានបទ ៖ ការឆ្លុះបញ្ចាំងពីលទ្ធផលនៃការប្រារព្ធទិវានារីអន្តរជាតិឆ្នាំ២០២៥ របស់សង្គមស៊ីវិល
វាគ្មិនកិត្តិយស៖
១. អ្នកស្រី អ៊ូ ទេពផល្លីន ប្រធានសហព័ន្ធសហជីពកម្មករចំណីអាហារ និងសេវាកម្មកម្ពុជា
២. កញ្ញា ឈឹម ស៊ីថរ ប្រធានសហជីពទ្រទ្រង់សិទ្ធិការងារបុគ្គលិក កម្មករខ្មែរនៃក្រុមហ៊ុនណាហ្គាវើលដ៍
អ្នកសម្របសម្រួល៖ អ្នកស្រី យ៉ឹង នីម
យុវជនជនជាតិដើមភាគតិច ខេត្តស្ទឹងត្រែង និងព្រះវិហារ ស្នើឱ្យក្រសួងបរិស្ថានសហការជាមួយពួកគេ ដើម្បីបើកលំហសេរីភាពចុះល្បាតព្រៃឡង់ ក្រោយការងារល្បាតព្រៃរបស់យុវជនទាំងនោះ ត្រូវរឹតត្បិត និងប្រឈមគ្រោះថ្នាក់ដល់ជីវិត ដោយសារការគំរាមពីជនល្មើសកាប់បំផ្លាញព្រៃឈើ។ យ៉ាងណាក្រសួងបរិស្ថាន បដិសេធថាមិនបានហាមឃាត់ការងារល្បាតព្រៃរបស់យុវជនឡើយ ដោយក្រសួងស្វាគមន៍កិច្ចសហការរបស់យុវជន និងសហគមន៍ ដែលចង់ចូលរួមទប់ស្កាត់បទល្មើសព្រៃឈើ។ https://www.facebook.com/photo?fbid=1117994100369717&set=a.492095336292933
នៅថ្ងៃទី២៥ ខែមីនា ឆ្នាំ២០២៥នេះ តុលាការកំពូលបានសម្រេចតម្កល់ការផ្តន្ទាទោសលើសមាជិកសហគមន៍ឡពាងចំនួន ៣នាក់ ឱ្យទទួលទោសដដែលស្របតាមការសម្រេចរបស់សាលាដំបូង និងសាលាឧទ្ធរណ៍។ មន្រ្តីអង្គការសិទ្ធិមនុស្សឃ្លាំមើលរឿងនេះយល់ថា ការអូសបន្លាយពេលយ៉ាងយូរជាង១០ឆ្នាំសម្រាប់ដំណើរការក្តីក្នុងសំណុំរឿងដីធ្លីបែបនេះ គឺបង្ហាញឱ្យឃើញពីភាពអយុតិ្តធម៌សម្រាប់ជនរងគ្រោះនៅសហគមន៍ឡពាង។ https://www.facebook.com/photo?fbid=1117996137036180&set=a.492095336292933
ក្រសួងបរិស្ថានរកឃើញរោងចក្រកែច្នៃផ្លែឈើនិងស្វាយចន្ទីមួយកន្លែងស្ថិតនៅឃុំត្រែង ស្រុករតនមណ្ឌល ខេត្តបាត់ដំបង បានបង្កជាការរំខានដល់ប្រជាពលរដ្ឋតាមរយៈការបញ្ចេញសំណល់រាវរបស់រោងចក្រចូលទៅក្នុងទឹកអូរ ដែលធ្វើឱ្យពលរដ្ឋត្រូវផ្អាកដងទឹកពីប្រភពទឹកនេះមួយរយៈ។ យ៉ាងណាមន្រ្តីជំនាញបានចុះទៅពិនិត្យ និងរកចាំចាត់វិធានការតាមផ្លូវច្បាប់ជាបន្ត។ https://www.facebook.com/photo/?fbid=1117999007035893&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ ថ្ងៃទី២៦ ខែមីនា ឆ្នាំ២០២៥
នេះជាកម្មវិធីប្រចាំថ្ងៃអង្គារ៍ «សិទ្ធិមនុស្ស និងប្រជាធិបតេយ្យ»
==========================
ប្រធានបទ ៖ ការឆ្លុះបញ្ចាំងពីលទ្ធផលនៃការប្រារព្ធទិវានារីអន្តរជាតិឆ្នាំ២០២៥ របស់សង្គមស៊ីវិល
វាគ្មិនកិត្តិយស៖
១. អ្នកស្រី អ៊ូ ទេពផល្លីន ប្រធានសហព័ន្ធសហជីពកម្មករចំណីអាហារ និងសេវាកម្មកម្ពុជា
២. កញ្ញា ឈឹម ស៊ីថរ ប្រធានសហជីពទ្រទ្រង់សិទ្ធិការងារបុគ្គលិក កម្មករខ្មែរនៃក្រុមហ៊ុនណាហ្គាវើលដ៍
អ្នកសម្របសម្រួល៖ អ្នកស្រី យ៉ឹង នីម https://www.facebook.com/comfrel.org/videos/666180819159015