ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
រដ្ឋមន្ត្រីក្រសួងការងារ លោក ហេង សួរបានថ្លែងថា ប្រទេសកម្ពុជានឹងក្លាយជាគោលដៅទាក់ទាញបន្ថែមទៀតទាំងអាជីវកម្ម និងវិនិយោគទុន។ ការថ្លែងរបស់លោក ហេង សួរដូចនេះធ្វើឡើង អំឡុងពេលនៃកិច្ចប្រជុំកំពូលវាយនភណ្ឌសកលនៅកម្ពុជានាថ្ងៃទី៣១ ខែមីនា ឆ្នាំ២០២៥។ កិច្ចប្រជុំក្រោមប្រធានបទ «កសាងអនាគត៖ បង្កើនភាពប្រកួតប្រជែង និងចីរភាព» បានចូលរួមដោយសមាគមរោងចក្រកាត់ដេរ អង្គការ ILO សភាពាណិជ្ជកម្មអឺរ៉ុបប្រចាំកម្ពុជា តំណាងម៉ាកយីហោអន្តរជាតិធំៗ និងអង្គការអន្តរជាតិមួយចំនួនទៀត។ https://www.facebook.com/photo/?fbid=1125582516277542&set=a.492095336292933
លោក ថេ ឈុនហាក់ អគ្គនាយក​នៃ​អគ្គនាយក​ដ្ឋាន​សមភាព​យេនឌ័រ និង​អភិវឌ្ឍន៍​សេដ្ឋកិច្ច​នៃ​ក្រសួង​កិច្ចការ​នារី​ បាន​ថ្លែង​ថា កម្ពុជា​មាន​ភាព​ប្រសើរ​ឡើង​ក្នុង​ការ​ដោះស្រាយ​បញ្ហា​វិសមភាពយែ​នឌ័រ​ដែល​ត្រូវ​បាន​ទទួល​ស្គាល់​ដោយភាគី​ពាក់ព័ន្ធ​នៅក្នុង​កិច្ច​ប្រជុំ​មួយ​នៅអង្គការ​សហ​ប្រជាតិ​កាល​ពី​ពាក់​កណ្តាល​ខែ​មីនា ឆ្នាំ​២០២៥​។​ ក្នុង​បទ​សម្ភាស​ជាមួយ​វិទ្យុ​បារាំង​អន្តរ​ជាតិ​ RFI នៅ​ថ្ងៃ​ទី​១ ខែ​មេសា លោក ថេ ឈុនហាក់ បាន​អះអាង​ថា ភាព​ប្រសើរ​នៃ​ស្ថាន​ភាព​យែន​ឌ័រ​នៅ​កម្ពុជា គឺ​ដោយសារ​តែ​កម្ពុជា​មាន​គោល​នយោបាយ​គាំពារ​ស្ត្រី ​និង​សមភាព​យែន​ឌ័រ​។​ តែ​លោក​ក៏​ទទួល​ស្គាល់​ថា កម្ពុជា​នៅ​មាន​បញ្ហា​ជា​ច្រើន​ទៀត​ដែល​ត្រូវ​ឆ្លើយ​តប​នឹង​បញ្ហា​យែន​ឌ័រ​។ https://www.facebook.com/photo/?fbid=1125599856275808&set=a.492095336292933
យុវជនខ្មែរដែលមានអាយុពី ១៥ ដល់ ១៩ ឆ្នាំប្រមាណជាង ២៥ភាគរយត្រូវបានរកឃើញថា គឺមានទម្លាប់ផឹកគ្រឿងស្រវឹងជោគជាំ។ នេះបើតាមរបាយការណ៍គោលនយោបាយថ្មីមួយរបស់វិទ្យាស្ថាននយោបាយសាធារណៈអាស៊ីអាគ្នេយ៍ (SEAPPI) និងវិទ្យាស្ថានចក្ខុវិស័យអាស៊ី (AVI) ដែលទើបចេញផ្សាយនៅថ្ងៃទី៣១ មីនា។ តាមរបាយការណ៍ស្រាវជ្រាវដដែល សព្វថ្ងៃនេះ យុវជនខ្មែរផឹកគ្រឿងស្រវឹងខ្លាំងជាងយុវជនថៃទៅទៀត តែនៅចាញ់យុវជនវៀតណាម។ https://www.facebook.com/photo/?fbid=1125600982942362&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ ថ្ងៃទី០២ ខែមេសា ឆ្នាំ២០២៥
នេះជាកម្មវិធីប្រចាំថ្ងៃអង្គារ៍ «សិទ្ធិមនុស្ស និងប្រជាធិបតេយ្យ»
==========================
ប្រធានបទ ៖ អ្នកការពារសិទ្ធិមនុស្ស
វាគ្មិនកិត្តិយស៖
១. លោក អំ សំអាត នាយកទទួលបន្ទុកកិច្ចការទូទៅនៃអង្គការលីកាដូ
២. លោក ស៊ឹង សែនករុណា អ្នកឃ្លាំមើលសិទ្ធិមនុស្ស និងសង្គមឯករាជ្យ
អ្នកសម្របសម្រួល៖ អ្នកស្រី យ៉ឹង នីម https://www.facebook.com/comfrel.org/videos/949928253880131
ទោះបីជាមានការដាក់ចេញនូវផែនការរយៈពេល៥ឆ្នាំថ្មី ដើម្បីប្រយុទ្ធប្រឆាំងនឹងការជួញដូរមនុស្សក៏ដោយ ក៏ប្រទេសកម្ពុជានៅតែបន្តមានកំណើនដ៏គួរឱ្យព្រួយបារម្ភនៃករណីជួញដូរមនុស្ស ជាមួយនឹងកិច្ចខិតខំប្រឹងប្រែងដែលមានភាពស្មុគស្មាញតាមអ៊ីនធឺណិត ដោយទិន្នន័យពីឆ្នាំ២០២៤ បង្ហាញពីការកើនឡើងនៃឧក្រិដ្ឋកម្ម បើធៀបនឹងឆ្នាំមុនមួយទៀត។ https://www.facebook.com/photo/?fbid=1125604926275301&set=a.492095336292933
នៅថ្ងៃអង្គារ ទី១ មេសានេះ ក្រសួងព័ត៌មានបានប្រកាសដាក់ចេញនូវយុទ្ធនាការនិយាយថា « ទេ » ចំពោះព័ត៌មានក្លែងក្លាយ។ យុទ្ធនាការនេះត្រូវបានរដ្ឋមន្ត្រីព័ត៌មានអះអាងថា ជាការបង្ក្រាបរាល់ព័ត៌មានក្លែងក្លាយដែលកំពុងកើនឡើងក្នុងសម័យបច្ចេកវិទ្យាឌីជីថល និងជាការស្តារទំនុកចិត្តរបស់ពលរដ្ឋចំពោះប្រព័ន្ធផ្សព្វផ្សាយដែលមានវិជ្ជាជីវៈ។ អ្នកជំនាញថា យុទ្ធនាការនេះមានប្រសិទ្ធិភាពទៅបាន លុះត្រាណាតែក្រសួងចុះអប់រំពលរដ្ឋនៅតាមមូលដ្ឋានដោយផ្ទាល់។ https://www.facebook.com/photo/?fbid=1125606416275152&set=a.492095336292933
បន្ទាប់ពីអនុបាតការទូទាត់ភាគលាភទាបប្រៀបធៀបនឹងឆ្នាំសារពើពន្ធឆ្នាំ២០២៣ ក្រុមប្រឹក្សាភិបាលរបស់ធនាគារអេស៊ីលីដា ភីអិលស៊ី បានបង្កើនការបង់ភាគលាភដល់ ២២៧,៨រៀល ក្នុងមួយហ៊ុនសម្រាប់ឆ្នាំហិរញ្ញវត្ថុដែលបានបញ្ចប់នៅថ្ងៃទី៣១ ខែធ្នូ ឆ្នាំ២០២៤។ ការនេះទទួលបានប្រតិកម្មចម្រុះពីអ្នកវិនិយោគ។ https://www.facebook.com/photo/?fbid=1125608126274981&set=a.492095336292933
មន្ត្រីរដ្ឋាភិបាលកម្ពុជា ឱ្យដឹងថា​ ក្រសួង​ការងារ បាននិងកំពុង​បន្តសហការជាមួយអាជ្ញាធរ​ថៃ ក្នុងការ​ស្វែងរក​​ពលករ​ខ្មែរ​ចំនួន ២នាក់ទៀត ដែលបាត់ខ្លួន​ក្នុងគ្រោះ​រញ្ជួយដីនៅ​ទីក្រុងបាងកក ក្រោយ​អាជ្ញាធរ​ថៃ បាន​រកឃើញពលករខ្មែរ​ម្នាក់បាន​ស្លាប់ និងម្នាក់​ទៀត​រងរបួសក្នុងគំនរអគារ​ដែលរលំ​បាក់ គិត​ត្រឹម​ថ្ងៃទី០១ ខែមេសានេះ។​ https://www.facebook.com/photo/?fbid=1125609826274811&set=a.492095336292933
Forwarded from Yoeng Nim
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី០២ ខែមេសា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ ៖ ការកសាងមូលដ្ឋានគ្រឹះសម្រាប់ប្រទេសជាតិ
វាគ្មិនកិត្តិយស៖
១. លោក ឯម សុវណ្ណារ៉ា អ្នកស្រាវជ្រាវ និងអ្នកវិភាគនយោបាយ
២. លោក ជន សុខធូធារាជ្យ និស្សិតឆ្នាំទី៤ ជំនាញរដ្ឋបាលធុរកិច្ច
អ្នកសម្របសម្រួល៖ អ្នកស្រី ខេន សុខលេន https://web.facebook.com/comfrel.org/videos/1673605006858354
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី០៧ ខែមេសា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ តួនាទីនៃប្រជាពលរដ្ឋវណ្ណៈកណ្តាល (middle class) ក្នុងនយោបាយនិងប្រជាធិបតេយ្យ
វាគ្មិនកិត្តិយស ៖
- លោក គល់ បញ្ញា ទីប្រឹក្សាអង្គការខុមហ្រ្វែល
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
សម្របសម្រួលដោយ៖ លោក ស៊ិន ទិត្យសីហា https://www.facebook.com/comfrel.org/videos/1286816775715245
លោក ជា មុនី អតីតប្រធានស្តីទីគណបក្សកម្លាំងជាតិ ត្រូវបានសមាជវិសាមញ្ញ​ផ្តល់​សេចក្តីទុកចិត្ត​ឲ្យធ្វើ​ជាប្រធាន​គណបក្ស​នៅថ្ងៃទី​៦ ខែ​មេសា ​ឆ្នាំ​២០២៥នេះ។ នេះបើតាមសេចក្តីប្រកាសព័ត៌មានរបស់បក្សកម្លាំងជាតិ ស្តីពីលទ្ធផលសមាជវិសាមញ្ញនៅក្នុងខេត្តសៀមរាប ដោយមានការចូលរួមពីសមាជិកខ្លួនប្រមាណ ២ពាន់នាក់។ https://www.facebook.com/photo?fbid=1130529809116146&set=a.492095336292933
នាយករដ្ឋមន្ត្រីកម្ពុជា លោក ហ៊ុន ម៉ាណែត បានបញ្ជាឱ្យក្រសួងការពារជាតិពិភាក្សាជាមួយក្រុមប្រឹក្សាអភិវឌ្ឍន៍កម្ពុជា(CDC) ដើម្បីកំណត់ និងដកហូតយកកោះមួយចំនួនដែលគ្មានសកម្មភាពអភិវឌ្ឍន៍ មកធ្វើជាទីតាំងបម្រើដល់វិស័យការពារជាតិ។ ការថ្លែងរបស់លោកនាយករដ្ឋមន្ត្រីយ៉ាងដូច្នេះ ធ្វើឡើងក្នុងពិធីសម្ពោធមូលដ្ឋានកងទ័ពជើងទឹករាមនាថ្ងៃទី៥ ខែមេសា ឆ្នាំ២០២៥។ តាមលោក ហ៊ុន ម៉ាណែត កន្លងមក រដ្ឋាភិបាលបានដកហូតកោះមួយចំនួនពីវិស័យឯកជន ក្រោយមើលឃើញថា ក្រុមហ៊ុនទាំងនោះស្នើសុំអាជ្ញាប័ណ្ណរួច តែទុកចោលមិនអភិវឌ្ឍន៍។ https://www.facebook.com/photo?fbid=1130531229116004&set=a.492095336292933
គិតមកដល់ថ្ងៃអាទិត្យទី៦មេសានេះ មានពលករខ្មែរមួយរូបបានបាត់បង់ជីវិត និងពីររូបរងរបួស ក្នុងហេតុការណ៍បាក់រលំសំណង់អគារក្នុងទីក្រុងបាងកកកាលពីថ្ងៃទី២៨មីនា។ ក្នុងបទសម្ភាសជាមួយវិទ្យុបារាំងអន្តរជាតិ នៅថ្ងៃអាទិត្យទី៦មេសា លោក កត្តា អ៊ន អ្នកនាំពាក្យក្រសួងការងារនិងបណ្តុះបណ្តាលវិជ្ជាជីវៈ បានបញ្ជាក់ថា អាជ្ញាធរខ្មែរបានធ្វើការយ៉ាងយកចិត្តទុកដាក់ជាមួយអាជ្ញាធរថៃ ក្នុងប្រតិបត្តិរុករកពលករដែលបាត់ខ្លួនជាង៧០នាក់ទៀត។ តាមលោក កត្តា អ៊ន បច្ចុប្បន្នក្រសួងការងារកម្ពុជា ក៏ដូចជាតំណាងស្ថានទូតខ្មែរ ក៏កំពុងធ្វើការជាមួយអាជ្ញាធរថៃ ដើម្បីធានាថា ពលករខ្មែរដែលរងគ្រោះទទួលបានសំណងត្រឹមត្រូវតាមច្បាប់ការងាររបស់ថៃ។ https://www.facebook.com/photo?fbid=1130534319115695&set=a.492095336292933
លោក សម សេរី នៅថ្ងៃ​ទី​៥ ខែ​មេសា ឆ្នាំ​២០២៥​ បាន​ប្រកាស​រំលាយ​ចោល​នូវ​«រណសិរ្យ​រំដោះជាតិ​ខ្មែរ ​និង​រដ្ឋា​ភិបាល​ជាតិ​ខ្មែរ​និរទេស»​ ដែល​លោក​ជា​ប្រធាន ​និង​សុំ​ការ​លើក​លែង​ទោស​ពី ​លោក ហ៊ុន សែន និង​លោកនាយក​រដ្ឋមន្ត្រី​ ហ៊ុន ម៉ាណែត​។​ ការ​ប្រកាស​រំលាយ​ចោល ​ចលនា​ប្រ​ឆាំង​នៅ​ក្រៅ​ប្រទេស​នេះ​ត្រូវ​បាន​ លោក សម សេរី អះអាង​ថា ​ធ្វើ​ឡើង​ក្នុង«​ស្មារតី​រួម​សាមគ្គី​ការពារ​សន្តិភាព»។ https://www.facebook.com/photo?fbid=1130535782448882&set=a.492095336292933
ប្រមុខរាជរដ្ឋាភិបាល​កម្ពុជា បានស្នើសុំចរចាជាមួយភាគសហរដ្ឋអាមេរិក និងព្រមបញ្ចុះអត្រាពន្ធគយលើទំនិញនាំចូលពីអាមេរិកចំនួន១៩មុខឬផលិតផល ពីអត្រា៣៥ភាគរយ មកត្រឹម៥ភាគរយ បន្ទាប់ពីអាមេរិកបានចុះហត្ថលេខាលើបទបញ្ជាមួយយកពន្ធលើទំនិញនាំចូលពីកម្ពុជាដល់ទៅ៤៩ភាគរយ។ ​ https://www.facebook.com/photo?fbid=1130547692447691&set=a.492095336292933
អ្នកជំនាញ និងសង្គមស៊ីវិល ស្នើរដ្ឋាភិបាលបង្កើតយន្តការសមស្រប​​មួយ ក្នុង​ការ​រៀប​ចំសណ្ដាប់​​​ធ្នាប់​សាធារណៈ និង​​ដោះ​ស្រាយ​ករណី​អាជីវក​រ​លក់​ដូរ​រំលោភ​ចំណី​ផ្លូវ ដោយឈរ​លើ​​ផលប្រយោជន៍​រួម ទាំង​អាជីវករ និងសាធារណជន។ https://www.facebook.com/photo/?fbid=1130549425780851&set=a.492095336292933
អាជ្ញាធរកម្ពុជាបានឆ្មក់ចូលបង្រ្កាបទីតាំងមជ្ឈមណ្ឌលឆបោកតាមអនឡាញមួយកន្លែងស្ថិតក្នុងរាជធានីភ្នំពេញ កាលពីថ្ងៃទី៣១ ខែមីនា ដោយបានឃាត់ខ្លួនជនបរទេសចំនួន ១៨៦ នាក់ ដែលត្រូវបានចោទ ពីបទប្រតិបត្តិការឆបោកតាម អ៊ីនធឺណិត។ នេះបើតាមការចេញផ្សាយរបស់អង្គភាពសារព័ត៌មាន Cambodia-China Times។ https://www.facebook.com/photo/?fbid=1130577692444691&set=a.492095336292933
នៅ​ថ្ងៃ​ទី​៧ ខែ​មេសា អង្គការ​អាយ​ឌីអ៊ី​កម្ពុជា(IDE)​ដែលធ្វើ​ការ​លើក​ផ្នែក​អនាម័យ​និង​បញ្ចប់​ភាព​ក្រីក្រ ​នៅ​ប្រទេស​កម្ពុជា ​បាន​អះអាង​ថា​ សេវា​កម្ម​ប្រមូល​សំរាម​ថ្មី​ត្រូវ​បាន​ពង្រីក​ទៅ​កាន់​ភូមិ​តាម​ជនបទ ក្នុង​ស្រុកបរិបូរណ៍​ខេត្ត​កំពង់​ឆ្នាំង តាម​រយៈ​គម្រោង​ពន្លឿន​ទីផ្សារ​គ្រប់​គ្រង​កាក​សំណល់​រឹង ដែល​គាំទ្រ​ដោយ​អង្គការ​អាយ​ឌីអ៊ី​។ ​ជាក់​ស្តែង ត្រឹម​រយៈ​ពេល​មួយ​ខែ​ដំបូង​ សេវា​ប្រមូល​សំរាម​ថ្មី បាន​យក​សំរាម​ពី​ផ្ទះ​ប្រជា​ជនប្រមាណ​២​ពាន់​គ្រួសារ​ជា​រៀង​រាល់​សប្តាហ៍ ពោល​កើន​ឡើង​ជាង​៤០០%​។ https://www.facebook.com/photo?fbid=1131448859024241&set=a.492095336292933
នៅព្រឹកថ្ងៃន្ទទី៧ ខែមេសា ឆ្នាំ២០២៥ លោកនាយករដ្ឋមន្ត្រី ហ៊ុន ម៉ាណែត បានអំពាវនាវឱ្យមន្ត្រីជំនាញចុះត្រួតពិនិត្យសំណង់អគារចាស់ៗឡើងវិញ បន្ទាប់ពីកម្ពុជាទទួលចំហាយគ្រោះរញ្ជួយដីក្នុងកម្រិតទាបពីប្រទេសជិតខាង។ ទន្ទឹមនឹងនេះ លោកក៏ណែនាំឱ្យ ក្រុមហ៊ុនម៉ៅការសំណង់ទាំងអស់មិនត្រូវធ្វើសំណង់ដែលខ្វះគុណភាព ហើយកិបកេងសម្ភារៈសំណង់ឡើយ។ ការណែនាំយ៉ាងដូច្នេះរបស់លោកនាយករដ្ឋមន្ត្រី ធ្វើឡើងបន្ទាប់ពីលោកសង្កេតឃើញសោកនាដកម្មស្លាប់មនុស្សជាច្រើននាក់ក្នុងហេតុការណ៍បាក់រលំអគារនៅប្រទេសថៃ និងនៅភូមាកាលពីសប្តាហ៍មុន ដោយសារតែគ្រោះរញ្ជួយដី។ https://www.facebook.com/photo/?fbid=1131457975689996&set=a.492095336292933
អាជ្ញាធរ និងតំណាងសហគមន៍ស្នើដល់ប្រជាកសិករឱ្យបញ្ឈប់ការប្រើប្រាស់ថ្នាំគីមី និងរក្សាគ្រប់ពូជបុរាណ ដើម្បីធានាពីសុវត្តិភាពចំណីអាហារ និងកុំឱ្យប៉ះពាល់ដល់បរិស្ថាន។ https://www.facebook.com/photo?fbid=1131593732343087&set=a.492095336292933