ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ក្រុមអង្គការសង្គមស៊ីវិលនៅកម្ពុជាកំពុងខ្នះខ្នែងស្វែងការគាំទ្រផ្នែកថវិកាពីសហគមន៍ខ្មែរនៅក្រៅប្រទេសដើម្បីបន្តសកម្មភាពការងាររបស់ខ្លួនទៅមុខទៀត បន្ទាប់ពីអង្គការក្រៅរដ្ឋាភិបាលមួយចំនួនជួបប្រទះបញ្ហាខ្វះថវិកា ដោយសាររដ្ឋបាលលោក ដូណាល់ត្រាំ កាត់ផ្តាច់ជំនួយរបស់USAIDទៅកាន់បណ្តាប្រទេសនានា។ យុទ្ធនាការស្វែងរកជំនួយនេះ ត្រូវបានផ្តួចផ្តើមឡើងដោយអង្គការ Save Cambodia ដែលមានមូលដ្ឋាននៅសហរដ្ឋអាមេរិ និងជាអ្នកដែលបានសម្របសម្រួលឲ្យមានការសន្ទនាគ្នារវាងពលរដ្ឋកម្ពុជា និងសហគមន៍ខ្មែរ នៅក្នុងវេទិកាតុមូលមួយ ជាមួយមន្ត្រីក្រសួងការបរទេសអាមេរិកកាលពីពេលថ្មីៗនេះ។ https://www.facebook.com/photo?fbid=1144792117689915&set=a.492095336292933
នៅក្នុងឱកាសបំពេញទស្សនកិច្ចនៅកម្ពុជារបស់លោកស្រី ផែថងថាន ស៊ីណាវ៉ាត្រ នាយករដ្ឋមន្ត្រីថៃ នាថ្ងៃទី២៣ ខែមេសា ឆ្នាំ២០២៥នេះ លោកនាយករដ្ឋមន្ត្រី ហ៊ុន ម៉ាណែត បានលើកឡើងពីសារៈសំខាន់នៃការតភ្ជាប់វិស័យទេសចរណ៍រវាងប្រទេសកម្ពុជា និងថៃ។ ក្រោមទិសស្លោក«ព្រះរាជាណាចក្រពីរ ក្នុងគោលដៅតែមួយ» អ្នកជំនាញក្នុងវិស័យទេសចរណ៍បានសម្តែងសុទិដ្ឋិនិយមចំពោះការរួមគ្នារវាងថៃ និងកម្ពុជា ដើម្បីស្រូបទាញទេសចរអន្តរជាតិឲ្យបានជាអតិបរមា។ តែខ្លះទៀតយល់ថា កម្ពុជាត្រូវតែរៀបចំខ្លួនឲ្យបានរួចរាល់ និងមានសមត្ថភាពគ្រប់គ្រាន់។ https://www.facebook.com/photo?fbid=1144794451023015&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី២៤ ខែមេសា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ ៖ ឥទ្ធិពលពីការកែសម្រួលអត្រាពន្ធរបស់សហរដ្ឋអាមេរិក
វាគ្មិនកិត្តិយស៖
១. លោក ឯម សុវណ្ណារ៉ា អ្នកស្រាវជ្រាវ និងអ្នកវិភាគនយោបាយ
២. លោក មឿន តុលា ប្រធានអង្គការមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស
អ្នកសម្របសម្រួល៖ លោក ស៊ិន ទិត្យសីហា
==========================
កម្មវិធីសូមស្វាគមន៍ដោយរីករាយ ​
វិទ្យុ (FM102 MHz) https://www.facebook.com/comfrel.org/videos/2075327779652966
មន្រ្ដីបរិស្ថានខេត្ដកោះកុងត្រូវបានពលរដ្ឋចោទថា អនុវត្តច្បាប់មិនស្មើភាពគ្នា និងធ្វើឱ្យខូចខាតទ្រព្យសម្បត្តិ ក្រោយមន្រ្ដីបរិស្ថានចំនួន៤នាក់ចុះទៅចាប់យកផ្លែសំរ៉ងពីប្រជាពលរដ្ឋ។ https://www.facebook.com/photo?fbid=1144799654355828&set=a.492095336292933
ក្នុងអនុក្រឹត្យមួយដែលចេញកាលពីថ្ងៃទី១៣ ខែមករា ឆ្នាំ២០២៥ ដែលទើបផ្សព្វផ្សាយនៅខែមេសានេះ បានឱ្យដឹងថា ផ្ទៃដីជំហំ៩៩ ហិកតាស្ថិតនៅក្នុងដែនជម្រកសត្វព្រៃ ព្រៃឡង់ នៅភូមិសាស្ត្រឃុំបឹងចារ ស្រុកសំបូរ ខេត្តក្រចេះ ត្រូវបានរាជរដ្ឋាភិបាលសម្រេចធ្វើជាអនុប្បយោគពីទ្រព្យសម្បត្តិសាធារៈរបស់រដ្ឋ មកជាទ្រព្យសម្បត្តិឯកជនរបស់រដ្ឋ ហើយបានផ្តល់ដីនោះក្រោមលក្ខខណ្ឌជួលមិនឱ្យលើសពី៥០ឆ្នាំ​ទៅឱ្យក្រុមហ៊ុន ខេភីស៊ីមេន អ៊ិនដាសស្ទ្រី ឯ.ក សម្រាប់វិនិយោគធ្វើជារោងចក្រផលិតស៊ីម៉ងត៍។ https://www.facebook.com/photo?fbid=1144802347688892&set=a.492095336292933
នៅថ្ងៃទី២៣ ខែមេសា ឆ្នាំ២០២៥នេះ ក្រសួងបរិស្ថានបានបង្ហាញករណីថ្មីមួយបន្ថែមទៀតទាក់ទងការបង្ហូរទឹកកខ្វក់ចូលប្រភពទឹកធម្មជាតិ ដែលបណ្តាលឱ្យប៉ះពាល់ដល់បរិស្ថាន និងការរស់នៅរបស់ពលរដ្ឋស្ថិតនៅភូមិកប៉ាល់គឿង សង្កាត់សំពៅពូន ក្រុងសំពៅពូន ខេត្តកណ្ដាល។ ករណីនេះក្រសួងព្រមានបិទទ្វារក្រុមហ៊ុនតែម្តង បើសិននៅតែមិនរាងចាលបន្តបង្ហូរទឹកកខ្វក់ចូលប្រភពទឹកធម្មជាតិទៀតនោះ។ https://www.facebook.com/photo?fbid=1144807074355086&set=a.492095336292933
ការដាច់ចរន្តអគ្គិសនីទ្រង់ទ្រាយធំបានវាយប្រហាររាជធានីភ្នំពេញ ធ្វើឱ្យរាំងស្ទះដល់ប្រតិបត្តិការដែលពឹងផ្អែកលើអគ្គិសនី ខណៈប្រជាពលរដ្ឋរាជធានីភ្នំពេញអំពាវនាវឱ្យរកដំណោះស្រាយជាបន្ទាន់។ https://www.facebook.com/photo?fbid=1144811894354604&set=a.492095336292933
ក្រសួងពាណិជ្ជកម្មកំពុងរៀបចំនីតិវិធីពិសេសបន្ថែមសម្រាប់ការនាំចេញទៅកាន់សហរដ្ឋអាម៉េរិក ដើម្បីពង្រឹងយន្តការត្រួតពិនិត្យការប្រើប្រាស់វត្ថុធាតុដើម និងតម្លៃបន្ថែមក្នុងស្រុក ដើម្បីធានាតម្លាភាព និងអនុលោមតាមបទប្បញ្ញត្តិនៃច្បាប់ស្តីពីវិធានដើមកំណើតទំនិញ និងវិធានដើមកំណើតទំនិញរបស់សហរដ្ឋអាម៉េរិក។ នីតិវិធីពិសេសបន្ថែមនេះមានគោលបំណងការពារផលប្រយោជន៍របស់អ្នកផលិត និងអ្នកនាំចេញ។ https://www.facebook.com/photo?fbid=1144813161021144&set=a.492095336292933
ជួបគ្នាល្ងាចនេះ ជាមួយកម្មវិធី «ស្រ្តីអាចធ្វើបាន»
កាលបរិច្ឆេទ : ថ្ងៃព្រហស្បតិ៍ ទី២៤ ខែមេសា ឆ្នាំ២០២៥
ប្រធានបទ ៖ ការត្រៀមខ្លួនរបស់ស្ត្រីវ័យក្មេងចូលរួមក្នុងវិស័យនយោបាយ
វាគ្មិនកិត្តិយស :
១. កញ្ញា អ៊ី ម៉ូណា យុវជនសកម្មក្នុងកិច្ចការងារសង្គម
២. លោក សឿន វ៉ាន់ យុវជនសកម្មក្នុងកិច្ចការងារសង្គម
អ្នកសម្របសម្រួល៖ កញ្ញា ស្រ៊ី លីដា
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល ឬអាចចូលរួមហៅទូរស័ព្ទមកកម្មវិធី តាមលេខទូរស័ព្ទចូលរួម៖ 012 43 34 37 / 016 54 43 98។ https://www.facebook.com/photo?fbid=1144968771005583&set=a.492095336292933
របាយការណ៍ថ្មីរបស់ការិយាល័យអង្គការសហប្រជាជាតិប្រឆាំងគ្រឿងញៀន និងឧក្រិដ្ឋកម្ម ហៅកាត់ជាភាសាអង់គ្លេសថា UNODC បានបង្ហាញថា ឧក្រិដ្ឋកម្មឆ្លងដែននៅអាស៊ីអាគ្នេយ៍ ដែលរួមមានកម្ពុជាផង កំពុងវិវឌ្ឍលឿនជាងពេលណាទាំងអស់ និងកំពុងរាលនៅទូទាំងពិភពលោក។ បើតាម UNODC ទោះរដ្ឋាភិបាលនៃប្រទេសក្នុងតំបន់អាស៊ីអាគ្នេយ៍បានបង្កើតកិច្ចសហការបោសសម្អាតឧក្រិដ្ឋកម្មឆ្លងដែនរួមគ្នា ប៉ុន្តែស្ថាប័នរបស់អង្គការសហប្រជាជាតិមួយនេះនៅតែកត់សម្គាល់ឃើញ ការរីកសាយភាយនៃមជ្ឍមណ្ឌលបោកប្រាស់តាមអ៊ីនធ័រនែត ទំហំឧស្សាហកម្មដែលបាន និងកំពុងជំរុញឱ្យមានការកើនឡើងនៃក្រុមឧក្រិដ្ឋកម្មឆ្លងដែនសម័យទំនើប បណ្តាញលាងលុយកខ្វក់ ការជួញដូរមនុស្ស ឬការលួចប្លន់យកទិន្នន័យជាដើម។ https://www.facebook.com/photo?fbid=1144974801004980&set=a.492095336292933
Forwarded from Yoeng Nim
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃព្រហស្បតិ៍ ទី២៤ ខែមេសា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន»
==========================
ប្រធានបទ ៖ ការត្រៀមខ្លួនរបស់ស្ត្រីវ័យក្មេងចូលរួមក្នុងវិស័យនយោបាយ
វាគ្មិនកិត្តិយស :
១. កញ្ញា អ៊ី ម៉ូណា យុវជនសកម្មក្នុងកិច្ចការងារសង្គម
២. លោក សឿន វ៉ាន់ យុវជនសកម្មក្នុងកិច្ចការងារសង្គម
សម្របសម្រួលដោយ៖ កញ្ញា ស្រ៊ី លីដា
==========================
កម្មវិធីសូមស្វាគមន៍ដោយរីករាយ
តាមរយៈ៖ វិទ្យុ FM102 MHz
លេខទូរស័ព្ទចូលរួម៖ 016 544 398 / 012 433 437​ https://www.facebook.com/comfrel.org/videos/1874714356701301
សាលាដំបូងរាជធានីភ្នំពេញ បានចេញដីកាសម្រេចចាប់ផ្តើមការលក់ដោយបង្ខំនូវអចលនវត្ថុ(ផ្ទះ)របស់លោក រ៉ុង ឈុន កាលពីថ្ងៃទី២៧មីនា ដើម្បីជាថ្នូរនឹងសំណងទឹកប្រាក់ចំនួន១០ម៉ឺនដុល្លារ ដែលលោករ៉ុងឈុន ត្រូវបង់សងជំងឺចិត្តទៅឲ្យគណៈកម្មាធិការចម្រុះកិច្ចការព្រំដែន ដែលជាម្ចាស់ដើមបណ្តឹង។ ដីការបស់ចៅក្រម យី សុខវួច ដែលចេញតាំងពីថ្ងៃទី២៧មីនានោះ ទើបតែទៅដល់ដៃលោក រ៉ុង ឈុន នាព្រឹកថ្ងៃព្រហស្បតិ៍នេះ ដែលធ្វើឲ្យលោករ៉ុង ឈុនមានការភ្ញាក់ផ្អើលជាខ្លាំង។ នៅក្នុងបទសម្ភាសន៍ជាមួយ ជួប នរក្សានៅថ្ងៃនេះ លោក រ៉ុង ឈុន និយាយថា ពេលនេះលោកមិនទាន់ឃើញវត្តមានអាជ្ញាធរចុះទៅរឹបអូសផ្ទះរបស់លោក តាមដីការបស់តុលាការនៅឡើយ។ ​https://www.facebook.com/photo/?fbid=1145687037600423&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី២៥ ខែមេសា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន»
==========================
ប្រធានបទ ៖ ការត្រៀមខ្លួនរបស់ស្ត្រីវ័យក្មេងចូលរួមក្នុងវិស័យនយោបាយ
វាគ្មិនកិត្តិយស :
១. កញ្ញា អ៊ី ម៉ូណា យុវជនសកម្មក្នុងកិច្ចការងារសង្គម
២. លោក សឿន វ៉ាន់ យុវជនសកម្មក្នុងកិច្ចការងារសង្គម
សម្របសម្រួលដោយ៖ កញ្ញា ស្រ៊ី លីដា https://www.facebook.com/comfrel.org/videos/1303075620790283
📈 កម្មករមានបាន សេដ្ឋកិច្ចរីកចម្រើន!
✊🏽 កម្លាំងរបស់អ្នកទាំងអស់គ្នាគឺជាឆ្អឹងខ្នងនៃសេដ្ឋកិច្ចរបស់ប្រទេសយើង។
#ទិវាពលកម្មអន្តរជាតិ #labordaykh #workersrightskh
អនុប្រធានគណ:កម្មាធិការប្រតិបត្តិបណ្តោះអាសន្ន គណបក្សកម្លាំងជាតិ ស្រុកតាំងគោក ខេត្តកំពង់ធំ លោក យ៉ាង សុខឃាង ត្រូវបានអាជ្ញាធរចាប់ខ្លួនពីបទ ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម និងបទប្រមាថ ចំពោះអង្គព្រះមហាក្សត្រ កាលពីថ្ងៃទី២២ ខែមេសា ឆ្នាំ២០២៥។ https://www.facebook.com/photo?fbid=1145710467598080&set=a.492095336292933
អាជ្ញាធរបានដាក់បម្រាមប្រឆាំងនឹងការផ្សាយពាណិជ្ជកម្មឱសថបុរាណដែលក្លែងបន្លំថា អាចព្យាបាលបញ្ហាតម្រងនោមបាន ដោយអ្នកជំនាញអះអាងថាវាអាចបង្កផលប៉ះពាល់ដល់សុខភាព។ https://www.facebook.com/photo?fbid=1145720594263734&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី២៥ ខែមេសា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ប្រជាធិបតេយ្យ និងការផ្តល់សេវាសាធារណៈប្រកបដោយប្រសិទ្ធភាព
វាគ្មិនកិត្តិយស ៖
- លោក គល់ បញ្ញា ទីប្រឹក្សាអង្គការខុមហ្រ្វែល
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
សម្របសម្រួលដោយ៖ លោក ស៊ិន ទិត្យសីហា https://www.facebook.com/comfrel.org/videos/4180466912180597
[English below] - ប្រាក់ឈ្នួលទាប នាំឱ្យកម្មករធ្លាក់ក្នុងអន្ទាក់បំណុល
📢នៅថ្ងៃ #ទិវាពលកម្មអន្តរជាតិ សូមស្តាប់ក្តីបារម្ភរបស់កម្មករ-និងអនុវត្តន៍ការស្នើសុំនេះ។
🕊រួមគ្នាបន្តអនុវត្តសេរីភាពមូលដ្ឋានដើម្បីធានាយុត្តិធម៌សង្គម។
---------------
Low wages push workers into debt traps.
On #LaborDaykh, let’s listen to the concerns of workers and take action.
Together, continue to implement fundamental freedoms to ensure social justice.
#WorkersRightskh #RespectWorkers #HardWorkPaysOff
#ទិវាពលកម្មអន្តរជាតិ #labordaykh #workersrightskh https://www.facebook.com/photo/?fbid=1145916270910833&set=a.492095336292933
ប្រមុខ​រដ្ឋាភិបាល​កម្ពុជា លោក ហ៊ុន ម៉ាណែត បានថ្លែង​នៅថ្ងៃអាទិត្យទី២៧ ខែ​មេសា​ឆ្នាំ​២០២៥ថា លោក​បាន​សួរទៅ​មន្ត្រីជាន់​ខ្ពស់​ព្រឹទ្ធសភាអាមេរិក​ដែល​មកទស្សនកិច្ចនៅកម្ពុជា​ក្នុង​សប្តាហ៍នេះ ពីជោគវាសនាពន្ធដែលអាមេរិកបានដាក់មកលើ​កម្ពុជាចំនួន៤៩% តែទម្លាក់​មកនៅ១០% ​ដោយ​ទុកពេល៩០ថ្ងៃឲ្យចរចា ។​ ការ​លើកឡើង​របស់ លោក ហ៊ុន ម៉ាណែត គឺនៅក្នុងពេលជួបសំណេះសំណាលជាមួយអ្នក​ប្រកប​របរសេដ្ឋកិច្ច​ក្រៅ​ប្រព័ន្ធនៅថ្ងៃអាទិត្យនេះ ​ដោយ​បញ្ជាក់ថា លោកនៅមិនទាន់ដឹងពីជោគវាសនា​ពន្ធ​ដែល​អាមេរិកបានដាក់ចេញនោះទេ។ https://www.facebook.com/photo?fbid=1148123560690104&set=a.492095336292933
នាពេលថ្មីៗនេះ កាសែតរដ្ឋវៀតណាមបានចុះផ្សាយអំពីការហាត់សមដំណើរព្យុហយាត្រា ដើម្បីអបអរកម្មវិធីខួបទី៥០ នៃការបង្រួបបង្រួមជាតិវៀតណាម។ អ្វីដែលការកត់សម្គាល់ នេះជាលើកទី១ដែលភាគីវៀតណាមបានអញ្ចើញកងទ័ពបរទេសចូលរួមដង្ហែព្យុហយាត្រារបស់ខ្លួន រួមមានកង​ទ័ព​មក​ពី​ប្រទេស​ចិន ឡាវ និង​កម្ពុជា។ ចំពោះអ្នកតាមដានសង្គមកម្ពុជា ការបញ្ជូនកងទ័ពកម្ពុជាទៅអបអរថ្ងៃបង្រួបបង្រួមជាតិវៀតណាមនាពេលនេះ គឺបានបង្ហាញពីទំនាក់ទំនងការពារជាតិដ៏រឹងមាំរបស់ប្រទេសទាំង២។ ប៉ុន្តែពួកគេថា កម្ពុជាក៏ត្រូវតែបញ្ជាក់ជំហរខ្លួនទៅកាន់ភាគីវៀតណាម ដើម្បីរំឭកថាកម្ពុជាបានរួមចំណែកដល់ឯករាជ្យភាពរបស់វៀតណាមកាលពី៥០ឆ្នាំមុន។ https://www.facebook.com/photo?fbid=1148126127356514&set=a.492095336292933