ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ការ​ចរ​ចា​បញ្ហា​ពន្ធ​គយ​រវាង​កម្ពុជា ​និង​សហរដ្ឋ​អាមេ​រិក​នឹង​ត្រូវ​បន្ត​ធ្វើ​នៅ​ជុំ​ទី​៣​បន្ត​ទៀត​ នៅ​រដ្ឋ​ធានី​វ៉ា​ស៊ីន​តោន​ នា​ពេល​ឆាប់​ៗ​ខាង​មុខ​។​ នេះ​ជា​ការ​គូស​បញ្ជាក់​នៅ​ក្នុង​សេច​ក្តី​ប្រកាស​ព័ត៌​មាន​របស់​អង្គ​ភាព​អ្នក​នាំ​ពាក្យ​រដ្ឋា​ភិបាល​កម្ពុជា​នៅ​ថ្ងៃ​ទី​៧ ​ខែ​មិថុនា ​ឆ្នាំ​២០២៥​។​ បើ​តាម​សេច​ក្តី​ប្រកាស​ព័ត៌​មាន​ដដែល​នេះ​ លទ្ធផល​នៃ​ការ​ចរ​ចា​រវាង​ប្រទេស​ទាំង​ពីរ​នៅ​ជុំ​ទី​២ ​ដែល​បាន​ធ្វើ​ឡើង​ចន្លោះ​ពី​ថ្ងៃ​ទី​៤​ដល់​ទី​៦ ​ខែ​មិថុនា​ ភាគី​ទាំង​ពីរ​បាន​បន្ត​ពិភាក្សា​គ្នា​លើ​អត្ថ​បទ​សេច​ក្តី​ព្រាង​កិច្ច​ព្រម​ព្រៀង​ពាណិជ្ជ​កម្ម​បដិការ ​ដោយ​ឈរ​លើ​ស្មារតី​យោគ​យល់​គ្នា​ខ្ពស់ ​និង​បាន​ឈាន​ទៅ​ឯក​ភាព​គ្នា​លើ​បញ្ញត្តិ​ជា​ច្រើន​។ https://www.facebook.com/photo?fbid=1181919593977167&set=a.492095336292933
ប្រធានព្រឹទ្ធសភាកម្ពុជា លោក ហ៊ុន សែន បានអំពាវនាវកុំឱ្យពលរដ្ឋខ្មែរពង្រីកទំនាស់ជុំវិញជម្លោះព្រំដែនជាមួយថៃ ហើយរហូតឈានដល់ការស្អប់ខ្ពើមជាតិសាសន៍។ ការទទូចរបស់ប្រធានព្រឹទ្ធសភាកម្ពុជារូបនេះ ធ្វើឡើងបន្ទាប់ពីពលរដ្ឋខ្មែរមួយចំនួននាំគ្នាប្រកាសធ្វើពហិការឈប់ប្រើប្រាស់ផលិតផលរបស់ថៃ ក្រោយភាគីថៃប្រកាសដោយ​ឯកតោភាគីបិទច្រកព្រំដែនមួយចំនួនជាមួយកម្ពុជានៅមុនម៉ោងកំណត់។ តាមលោក ហ៊ុន សែន ពលរដ្ឋខ្មែរត្រូវតែមានភាពចាស់ទុំថ្លៃថ្នូរ និងមិនត្រូវបង្កហេតុឡើយ។ https://www.facebook.com/photo?fbid=1181925020643291&set=a.492095336292933
នៅព្រឹកថ្ងៃអាទិត្យទី៨មិថុនានេះ គណបក្សឆន្ទៈខ្មែរ បានធ្វើសមាជដើម្បីកែប្រែលក្ខន្តិកៈមួយចំនួនសម្រាប់ការធ្វើសម្ព័ន្ធភាពជាមួយបក្សដទៃ ក្នុងដំណើរឆ្ពោះទៅរកការបោះឆ្នោតពេលខាងមុខ។ ក្នុងចំណោមលក្ខន្តិកៈដែលកែសម្រួលនោះ គណបក្សដែលមានកៅអីក្នុងព្រឹទ្ធសភាមួយនេះ ក៏មានកែសម្រួលលក្ខខណ្ឌនៃការចងសម្ព័ន្ធភាពជាមួយគណបក្សដទៃ ដើម្បីឲ្យស្របនឹងច្បាប់កំណត់របស់ក្រសួងមហាផ្ទៃ។ https://www.facebook.com/photo?fbid=1181923537310106&set=a.492095336292933
មិត្តរួមការងារលោក ឈឿង ឈឹង និងមន្រ្តីសិទ្ធិមនុស្ស សម្តែងការមិនពេញចិត្តចំពោះការសម្រេចផ្តន្ទាទោសលើឃាតករបាញ់សម្លាប់អ្នកសារព័ត៌មានបរិស្ថានលោក ឈឿង ឈឹង ត្រឹមតែ១២ឆ្នាំ និងសងសំណងជាង ១ម៉ឺនដុល្លារ។ ការមិនសូវពេញចិត្តនេះ អ្នកពាក់ព័ន្ធខាងលើយល់ថា ឃាតកម្មនេះគឺជាករណីរៀបចំទុកជាមុនមានផែនការច្បាស់លាស់ ពោលគឺពុំមែនរឿងបាញ់សម្លាប់ដោយចៃដន្យ។ https://www.facebook.com/photo?fbid=1181935483975578&set=a.492095336292933
កញ្ញា ឆន ស្រីណេត ដែលគេស្គាល់ថាជាបវរកញ្ញាឯករងទី១ នៃបរវកញ្ញាចក្រវាលកម្ពុជា មិនទទួលការផ្សព្វផ្សាយគ្រឿងស្រវឹង និងគ្រឿងសម្អាងដែលមានផលប៉ះពាល់សុខភាពពលរដ្ឋឡើយ ខណៈកញ្ញាចង់ប្រើប្រជាប្រិយភាពនេះ ទៅបង្ហាញជាគំរូដល់ស្ដ្រីខ្មែរកម្ពុជាក្រោមផ្សេងទៀត ឱ្យមានភាពសាមគ្គីគ្នា កុំបោះបង់ការសិក្សាភាសាខ្មែរ និងរក្សាទំនៀមទម្លាប់ប្រពៃណីខ្មែរនៅកម្ពុជាក្រោម។ https://www.facebook.com/photo?fbid=1181946150641178&set=a.492095336292933
ជួបគ្នាល្ងាចនេះ ជាមួយកម្មវិធី «សំឡេងម្ចាស់ឆ្នោត»
នៃការផ្សាយសំឡេងសង្គមស៊ីវិល (VoC)
ប្រធានបទ ៖ ការចាត់ចែងធនធានសាធារណៈប្រកបដោយតម្លាភាព និងគណនេយ្យភាព
កាលបរិច្ឆេទ ៖ ថ្ងៃទី០៩ ខែមិថុនា ឆ្នាំ២០២៥ (៤:០០ ដល់ ៥:០០ ល្ងាច)
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល។ https://www.facebook.com/photo/?fbid=1182044260631367&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃចន្ទ ទី៩ ខែមិថុនា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
សហការជាមួយសមាគមបណ្ដាញយុវជនកម្ពុជា(CYN)
==========================
ប្រធានបទ៖ «ការចាត់ចែងធនធានសាធារណៈប្រកបដោយតម្លាភាព និងគណនេយ្យភាព»
វាគ្មិនកិត្តិយស៖
- លោក ហ៊ឹម យន់ នាយកប្រត្តិបត្តិនៃសម្ព័ន្ធដើម្បីសុចរិតភាព និងគណនេយ្យសង្គម(CISA)
- លោក ពុធ កុលកា មន្ត្រីកម្មវិធីជាន់ខ្ពស់ នៃកម្មវិធីគោលនយោបាយវិមជ្ឈការ-វិសហមជ្ឈការ និងតម្លាភាពប្រជាធិបតេយ្យ នៃអង្គការសម្ព័ន្ធភាពជាដៃគូរដើម្បីការអភិវឌ្ឍតាមបែបប្រជាធិបតេយ្យ (CPDD)
សម្របសម្រួលដោយ៖ កញ្ញា យ៉ឹង នីមhttps://www.facebook.com/comfrel.org/videos/1761753204764675
នារសៀលម៉ោង៤ នៅថ្ងៃអាទិត្យ អាជ្ញាធរថៃប្រមាណ ១០នាក់ក្នុងឯកសណ្ឋានពណ៌ខ្មៅបានដើរចេញពីអគារក្បែរនោះដើម្បីទាញទ្វាររបងបិទប៉ុស្តិ៍ត្រួតពិនិត្យ។ ជាមួយគ្នានោះ អាជ្ញាធរកម្ពុជាប្រមាណ ៣០នាក់ ដែលឈរក្បែររបងព្រំដែនក៏បានចាប់ផ្ដើមបិទច្រកទ្វារព្រំដែន ស្របពេលពលរដ្ឋខ្មែរបានប្រញាប់ប្រញាល់ចាកចេញពីប្រទេសថៃត្រឡប់មកផ្ទះវិញ។ https://www.facebook.com/photo/?fbid=1182143693954757&set=a.492095336292933
លោក ហ៊ុន សែន ប្រធានព្រឹទ្ធសភាកម្ពុជា នៅថ្ងៃទី​៨មិថុនា ឆ្នាំ​២០២៥ បានអះអាងថា ​​មេបញ្ជា​ការកងទ័ព​កម្ពុជា និងថៃបានព្រមព្រៀង​​កែសម្រួល​កម្លាំង​ទ័ព​នៅតំបន់មានជម្លោះ​ ក្រោមហេតុផលបញ្ជៀស​​ការប៉ះទង្គិច​គ្នាដោយបង្ហូរឈាមក្នុងទ្រង់ទ្រាយធំ​។ ​ការព្រមព្រៀង​យ៉ាងដូច្នេះ​ត្រូវបាន​មតិ​សាធារណៈ និងក្រុមជាតិនិយមខ្មែរ​ខ្លះ​ចាត់ទុកជាការលុតជង្គង់​ ឬការចុះញ៉មជាមួយ​​​ភាគីថៃ​។​ ​តែលោក ហ៊ុន សែន បានបញ្ជាក់ថា ទោះមានការ​​​​កែសម្រួលកម្លាំងទ័ពនៅព្រំដែនថៃ កម្ពុជានៅតែបន្តប្តឹងទៅ​តុលាការយុត្តិធម៌អន្តរជាតិ ICJ និង​គ្មានការកែសម្រួល​បន្ទាត់ព្រំដែន​អ្វីទាំងអស់​។ https://www.facebook.com/photo/?fbid=1182151720620621&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃចន្ទ ទី១០ ខែមិថុនា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
សហការជាមួយសមាគមបណ្ដាញយុវជនកម្ពុជា(CYN)
==========================
ប្រធានបទ៖ «ការចាត់ចែងធនធានសាធារណៈប្រកបដោយតម្លាភាព និងគណនេយ្យភាព»
វាគ្មិនកិត្តិយស៖
- លោក ហ៊ឹម យន់ នាយកប្រត្តិបត្តិនៃសម្ព័ន្ធដើម្បីសុចរិតភាព និងគណនេយ្យសង្គម(CISA)
- លោក ពុធ កុលកា មន្ត្រីកម្មវិធីជាន់ខ្ពស់ នៃកម្មវិធីគោលនយោបាយវិមជ្ឈការ-វិសហមជ្ឈការ និងតម្លាភាពប្រជាធិបតេយ្យ នៃអង្គការសម្ព័ន្ធភាពជាដៃគូរដើម្បីការអភិវឌ្ឍតាមបែបប្រជាធិបតេយ្យ (CPDD)
សម្របសម្រួលដោយ៖ កញ្ញា យ៉ឹង នីម https://www.facebook.com/comfrel.org/videos/1948658749223461
លោកនាយករដ្ឋមន្ត្រី ហ៊ុន ម៉ាណែត បានធ្វើដំណើរទៅកាន់ប្រទេសបារាំងនៅថ្ងៃអាទិត្យនេះ ដើម្បីចូលរួមសន្និសីទស្ដីពីមហាសមុទ្ររបស់អង្គការសហប្រជាជាតិ។ អ្នកឃ្លាំមើលបានយល់ឃើញថា លោក ហ៊ុន ម៉ាណែត គួរឆ្លៀតឱកាសស្វែងរកការគាំទ្រពីសហគមន៍អន្តរជាតិ ដើម្បីជំរុញឱ្យប្រទេសថៃជ្រើសរើសយន្តការអន្តរជាតិដើម្បីដោះស្រាយបញ្ហាព្រំដែន។ https://www.facebook.com/photo?fbid=1182828317219628&set=a.492095336292933
ពលករខ្មែរមួយចំនួនធ្វើការនៅប្រទេសថៃព្រួយបារម្ភពីសុវត្ថិភាព បន្ទាប់មានជម្លោះភាពតានតឹងនៅតំបន់ព្រំដែនប្រទេសទាំងពីរ។ មន្ត្រីសង្គមស៊ីវិលលើកឡើងថា រដ្ឋាភិបាលកម្ពុជាគួរតែជូនដំណឹងអំពីដំណោះស្រាយជាក់លាក់ជាមួយថៃ ដើម្បីផ្ដល់ទំនុកចិត្តដល់ពួកគាត់។ ​https://www.facebook.com/photo?fbid=1182829753886151&set=a.492095336292933
ប្រជាសហគមន៍ក្នុងតំបន់ឆ្នេរខេត្តកំពត បានចែករំលែកបទពិសោធន៍របស់ពួកគេក្នុងការចូលរួមការពារអភិរក្ស និងស្តារប្រព័ន្ធអេកូឡូស៊ីក្នុងសមុទ្រកម្ពុជា។ ទោះប្រឈមនឹងបញ្ហាជាច្រើន ប៉ុន្តែប្រជាសហគមន៍នៅតែបន្តសកម្មភាពរបស់ខ្លួន រហូតដល់អាចរក្សាបាននូវដើមកោងកាង និងជីវៈចម្រុះក្នុងសមុទ្រកម្ពុជា។ ក្នុងន័យនេះ ពួកគេចង់ឃើញយុវជនជំនាន់ក្រោយ បន្តចូលរួមការងារការពារបរិស្ថាន ដើម្បីអភិរក្សធនធានក្នុងសមុទ្រឲ្យស្ថិតនៅបានគង់វង្សតទៅទៀត។ https://www.facebook.com/photo?fbid=1182835217218938&set=a.492095336292933
រយៈពេល៤ខែ ក្នុងឆ្នាំ២០២៥ ប្រទេសកម្ពុជាបាននាំចេញសម្លៀកបំពាក់ ស្បែកជើង និងផលិតផលធ្វើដំណើរកើនឡើងប្រមាណ ៤,៥ពាន់លានដុល្លារ ស្មើនឹង ២១,៩ភាគរយ ធៀបទៅនឹងរយៈពេលដូចគ្នានៅក្នុងឆ្នាំ២០២៤។ កំណើននៃការនាំចេញសម្លៀកបំពាក់ ស្បែកជើង និងផលិតផលធ្វើដំណើររបស់កម្ពុជាពេលនេះ ត្រូវក្រសួងការងារអះអាងថាបណ្តាលមកពីកត្តាមួយចំនួនដូចជាសក្តានុពលនៃការផលិត ទំនុកចិត្តរបស់អ្នកវិនិយោគលើរដ្ឋាភិបាល និងកត្តាភូមិសាស្ត្រជាដើម។ https://www.facebook.com/photo?fbid=1182839460551847&set=a.492095336292933
អគ្គនាយកដ្ឋានសេដ្ឋកិច្ចឌីជីថល នៃក្រសួងសេដ្ឋ​កិច្ច​បានក្រើនរំឮកឱ្យពលរដ្ឋមានការប្រុងប្រយ័ត្នចំពោះករណីឆបោក តាមរយៈការប្រើប្រាស់បច្ចេកវិទ្យាទំនើបនៃបញ្ញាសិប្បនិម្មិត ឬ AI។ តាមសំណេររបស់ខ្លួននៅថ្ងៃទី៦ មិថុនា ឆ្នាំ២០២៥ អគ្គនាយកដ្ឋានសេដ្ឋកិច្ចឌីជីថលបានបង្ហាញពីសញ្ញាដែលគួរសម្គាល់ ដើម្បីជៀសវាងការចាញ់បោកក្នុងរូបភាពណាមួយ។ ដោយឡែកអ្នកតាមដានសង្គមស្នើឱ្យរដ្ឋាភិបាលផ្សព្វផ្សាយឱ្យកាន់តែទូលំទូលាយបន្ថែមទៀត ខណៈចង់ឱ្យមានការការពារសុវត្ថិភាព និងសីលធម៌ក្នុងសង្គម។ https://www.facebook.com/photo?fbid=1182840667218393&set=a.492095336292933
ចាប់ពីថ្ងៃសៅរ៍ទី៧ ខែមិថុនា ឆ្នាំ២០២៥ ថៃបានសម្រេចជាឯកតោភាគីបិទច្រករបៀងព្រំដែនជាមួយកម្ពុជា ខណៈច្រកទ្វារអន្តរជាតិនៅជាប់ខាងកម្ពុជាក៏ថៃដាក់កំហិតម៉ោងចេញ-ចូលផងដែរ។ ការណ៍នេះបានបង្កការលំបាកដល់ប្រជាពលរដ្ឋដែលរស់នៅតាមច្រកទាំងនោះ ដូចយ៉ាងនៅច្រកទ្វារអន្តរជាតិប៉ោយប៉ែត។ នៅថ្ងៃទី១០ ខែមិថុនា ឆ្នាំ២០២៥នេះ ហ៊ុល រស្មី អ្នកយកព័ត៌មានវិទ្យុបារាំងអន្តរជាតិ RFI កំពុងស្ថិតក្នុងតំបន់ច្រកទ្វារអន្តរជាតិ ប៉ោយប៉ែត ជាទីដែលការបើកច្រកទ្វារត្រូវបានប្តូរពីម៉ោង ៦ ទៅម៉ោង ៩ នៅពេលព្រឹក និងបិទនៅម៉ោង ៤រសៀល។ ពោលគឺខុសពីពេលមុនដែលច្រកទ្វារអន្តរជាតិប៉ោយប៉ែតត្រូវបានបិទនៅម៉ោង១០យប់។ https://www.facebook.com/photo?fbid=1182842853884841&set=a.492095336292933
លោក​នាយក​រដ្ឋ​មន្ត្រី​ ហ៊ុន ម៉ាណែត បាន​បញ្ជាក់​ឡើង​វិញ​នៅ​ថ្ងៃ​ទី​៩ ខែ​មិថុនា​ថា​ រដ្ឋាភិបាល​កម្ពុជា​នឹង​បន្ត​រក្សា​ទំនាក់​ទំនង​រវាង​ប្រទេស​កម្ពុជា និង​ថៃ តាម​គ្រប់​យន្ត​ការ​ដែល​មាន​ស្រាប់ ​ដើម្បីជា​ប្រយោជន៍​សម្រាប់​ប្រជា​ពលរដ្ឋ​នៃ​ប្រទេស​ទាំង​ពីរ​។​ បើ​តាម​ប្រមុខ​រដ្ឋា​ភិបាល​កម្ពុជា ​ក្នុង​ករណី​ចាំបាច់​ ដូចជា​ករណី​ប្រា​សាទតាមាន់​ធំ ​ប្រាសាទ​តាមាន់​តូច​ ប្រាសាទ​តាក្របី និង​តំបន់​មុំបី ​កម្ពុជា​នឹង​បញ្ជូន​សំណុំ​រឿង​នេះ​ទៅ​តុលា​ការ​យុត្តិ​ធម៌​អន្តរ​ជាតិ​(ICJ)​នៅ​ទីក្រុង​ឡាអេ​។ https://www.facebook.com/photo/?fbid=1182867723882354&set=a.492095336292933
វិធីបោកដោយផ្តល់ការងារក្លែងក្លាយជាមួយនឹងប្រាក់ខែខ្ពស់នៅហុងកុង បានអូសទាញនិស្សិតតៃវ៉ាន់ ២នាក់ ឱ្យធ្លាក់ក្នុងការបោកបញ្ឆោតនិងត្រូវបានគេជួញដូរមកកម្ពុជា និងបង្ខំឱ្យធ្វើការនៅក្នុងមជ្ឈមណ្ឌលបោកប្រាស់តាមអ៊ីនធឺណិត។ ពេលនេះ ពួកគេទាំង២ ត្រូវបានជួយសង្គ្រោះ និងត្រឡប់ទៅផ្ទះវិញដោយសុវត្ថិភាព។ https://www.facebook.com/photo/?fbid=1182872780548515&set=a.492095336292933
ការកាត់បន្ថយម៉ោងឆ្លងដែនជាឯកតោភាគីរបស់អាជ្ញាធរថៃនៅច្រកព្រំដែនបឹងត្រកួន នាព្រឹកថ្ងៃទី៩ ខែមិថុនា បានធ្វើឱ្យកម្មករ និងអាជីវករខ្នាតតូចខ្មែររាប់រយនាក់រងគ្រោះ។ ក្នុងនោះដែរ ពួកគេភាគច្រើនបារម្ភថាការបន្តភាពតានតឹង​នៅព្រំដែននេះគំរាមកំហែងដល់ជីវភាពរស់នៅរបស់ពួកគេ ជាពិសេសនៅក្នុងសហគមន៍ដែលកំពុងរងគ្រោះស្រាប់។ https://www.facebook.com/photo/?fbid=1182900663879060&set=a.492095336292933
មន្ត្រី​ច្រក​ទ្វារ​អន្តរ​ជាតិ​ប៉ោយ​ប៉ែត​ខាង​ភាគី​កម្ពុជា ​បាន​បដិសេធ​សំណើ​ផ្ទាល់​មាត់​របស់​មន្ត្រី​ច្រក​ទ្វារ​អន្តរ​ជាតិ​ខ្លង​លឹក​ខាង​ភាគី​ថៃ​ ដែល​ស្នើ​ឲ្យ​កម្ពុជា​បើក​ទ្វារ​ព្រំ​ដែន​នៅ​ម៉ោង​៨​ព្រឹក​វិញ​។​ ក៏ប៉ុន្តែ​មន្ត្រី​ច្រក​ទ្វារ​ខាង​ភាគី​កម្ពុជា​ឆ្លើយ​តប​ថា កម្ពុជា​នៅ​រក្សា​ជំហរ​ដដែល​គឺ​បើក​ទ្វារ​ព្រំ​ដែន​នៅម៉ោង​៩ព្រឹក​។​ ការ​ដែល​កម្ពុជា​ពន្យារ​ពេល​បើក​ទ្វារ​ព្រំដែន​បែប​នេះ ធ្វើ​ឡើង​បន្ទាប់ពី​ អាជ្ញាធរ​ថៃ​បាន​សម្រេច​ជា​ឯក​តោភាគី ​កាល​ពី​ចុង​សប្តាហ៍​មុន​ ដោយ​សម្រេច​បិទទ្វារ​ព្រំដែន​នៅម៉ោង​៤​រសៀល គឺ​មុន​ម៉ោង​ដែល​បាន​កំណត់​។ https://www.facebook.com/photo?fbid=1183584803810646&set=a.492095336292933