ផ្ទះសិល្បៈ(Art Home) ជាផ្ទះសម្រាប់ស្នាក់អាស្រ័យរបស់សិល្បករឯករាជ្យលោក ឃុន វណ្ណៈ។ ផ្ទះនេះជាទីតាំងសម្រាប់ការដាក់តាំងបង្ហាញសា្នដៃសិល្បៈរបស់លោក និងជាទីតាំងសម្រាប់ប្រមែប្រមូលវត្ថុបុរាណចាស់ៗ ទុកឲ្យសាធារណជនចូលទស្សនា។ បើតាមលោក ឃុន វណ្ណៈ ផ្ទះសិល្បៈមិនមែនជាសារមន្ទីរ មិនមែនជាភោជនីយដ្ឋាន ហើយក៏មិនមែនជាបារសម្រាប់កម្សាន្តដែរ តែសាធារណជនដែលមកលេងផ្ទះសិល្បៈ នឹងអាចទទួលបានអារម្មណ៍រីករាយតាមរយៈការទស្សនាវត្ថុបុរាណចាស់ៗនានា។ https://www.facebook.com/photo?fbid=1185092783659848&set=a.492095336292933
ប្រមុខរដ្ឋាភិបាលកម្ពុជាលោក ហ៊ុន ម៉ាណែត នៅថ្ងៃទី១២ មិថុនានេះ បានចេញអនុក្រឹតផ្តល់ប្រាក់ដល់អ្នកទោសជាស្ត្រីក្នុងពន្ធនាគា ដែលកំពងមានផ្ទៃពោះ ឬមានកូនតូចអាយុក្រោម ២ឆ្នាំ រហូតដល់ ១៥២ ០០០០រៀល។ អនុក្រឹតដែលចុះថ្ងៃទី៦ មិថុនា ឆ្នាំ២០២៥បានចែងពីដំណាក់កាលនៃការផ្តល់ប្រាក់ឧបត្ថម្ភចំពោះការពិនិត្យផ្ទៃពោះ ការសម្រាល និងការទទួលសេវាពិនិត្យសុខភាពដល់ស្តី្រជាប់ឃាំង។ សង្គមស៊ីវិលសាទរ និងលើកទឹកចិត្តឱ្យមានការគាំទ្របន្ថែមដល់ស្រ្តីមានផ្ទៃពោះ ពិសេសកុមារដែលរស់នៅជាមួយម្តាយ ដើម្បីឱ្យពួកគេទទួលបានការគាំពាពេញលេញ។ https://www.facebook.com/photo?fbid=1185094916992968&set=a.492095336292933
លោកនាយករដ្ឋមន្ត្រី ហ៊ុន ម៉ាណែត ប្រកាសថា កម្ពុជានឹងឈប់ទិញអ៊ីនធឺណែតពីប្រទេសថៃចាប់ពីយប់នេះតទៅ ដោយលើកឡើងពីកង្វល់សន្តិសុខជាតិ និងបញ្ជាក់ពីសមត្ថភាពរបស់កម្ពុជាក្នុងការផ្គត់ផ្គង់បណ្តាញអ៊ីនធឺណេត និងអគ្គិសនីដោយខ្លួនឯង ចំពេលមានការគំរាមកំហែងពីខាងក្រៅអំពីការកាត់ផ្តាច់បណ្តាញទាំងនេះ។ https://www.facebook.com/photo?fbid=1185097043659422&set=a.492095336292933
នៅថ្ងៃសុក្រទី១៣ ខែមិថុនា ឆ្នាំ២០២៥នេះ អគ្គនាយកដ្ឋានអន្តោប្រវេសន៍បានប្រកាសបិទទាំងស្រុង ច្រកទ្វារព្រំដែនអន្តរជាតិ«ដូង» ដែលជាច្រកទ្វារព្រំដែនរវាងថៃ និងកម្ពុជា ស្ថិតនៅក្នុងស្រុកកំរៀង ខេត្តបាត់ដំបង។ អគ្គនាយកដ្ឋានអន្តោប្រវេសន៍កម្ពុជាបញ្ជាក់ថា ការបិទនេះគឺដើម្បីរក្សាការពារសន្តិសុខ និងសុវត្ថិភាពរបស់ប្រជាពលរដ្ឋ។ លោក សុខ លូ អភិបាលខេត្តបាត់ដំបង បានប្រាប់វិទ្យុបារាំងអន្តរជាតិ RFI នៅថ្ងៃសុក្រនេះថា ការបិទច្រកទ្វារព្រំដែនអន្តរជាតិដូង ធ្វើឡើងសម្រាប់តែរថយន្តដឹកទំនិញចេញចូលកម្ពុជា-ថៃ ប៉ុណ្ណោះ តែប្រជាពលរដ្ឋនៃប្រទេសទាំងពីរនៅតែអាចធ្វើដំណើរឆ្លងកាត់ជាធម្មតា។ អភិបាលខេត្តរូបនេះបញ្ជាក់ថា ការបិទច្រកដូងនឹងធ្វើឲ្យថៃប៉ះពាល់ខ្លាំងជាងភាគីកម្ពុជា។ https://www.facebook.com/photo/?fbid=1185207040315089&set=a.492095336292933
សំបកសត្តសមុទ្រ ឬសិប្បីសត្វសមុទ្រដូចជា សំបកខ្យង សំបកងាវ និងសំបកគ្រំជាដើម ត្រូវបានពលរដ្ឋមួយចំនួនកែច្នៃធ្វើជាវត្ថុអនុស្សាវរីយ៍តាំងលម្អក្នុងគេហដ្ឋាន និងជាគ្រឿងលម្អផ្សេងៗទៀត។ តាមរយៈការលក់វត្ថុអនុស្សាវរីយ៍ចេញពីសំបកសត្វតាមឆ្នេរសមុទ្រឲ្យទេសចរដែលទៅកម្សាន្តនៅខេត្តកែប អ្នកស្រី ឡេង សារ៉ាត់ អាចរកចំណូលបានប្រហែល ២លានរៀល ក្នុងមួយខែសម្រាប់ទ្រទ្រង់ជីវភាពគ្រួសារ។ https://www.facebook.com/photo/?fbid=1185210370314756&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃសុក្រ ទី១៣ ខែមិថុនា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ហេតុអ្វីប្រជាធិបតេយ្យបង្កើតទ្រឹស្តីឃុបឃិត (Conspiracy Theories)
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
-លោក ជន សុខធូធារាជ្យ សមាជិកកាហ្វេនយោបាយ
សម្របសម្រួលដោយ៖ លោក ស៊ិន ទិត្យសីហា https://www.facebook.com/comfrel.org/videos/1549002512791949
សម្រាប់ថ្ងៃសុក្រ ទី១៣ ខែមិថុនា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ហេតុអ្វីប្រជាធិបតេយ្យបង្កើតទ្រឹស្តីឃុបឃិត (Conspiracy Theories)
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
-លោក ជន សុខធូធារាជ្យ សមាជិកកាហ្វេនយោបាយ
សម្របសម្រួលដោយ៖ លោក ស៊ិន ទិត្យសីហា https://www.facebook.com/comfrel.org/videos/1549002512791949
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃសុក្រ ទី១៦ ខែមិថុនា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ហេតុអ្វីប្រជាធិបតេយ្យបង្កើតទ្រឹស្តីឃុបឃិត (Conspiracy Theories)
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
- ោក ជន សុខធូធារាជ្យ សមាជិកកាហ្វេនយោបាយ
សម្របសម្រួលដោយ៖ លោក ស៊ិន ទិត្យសីហា https://www.facebook.com/comfrel.org/videos/3633649743606892
សម្រាប់ថ្ងៃសុក្រ ទី១៦ ខែមិថុនា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ហេតុអ្វីប្រជាធិបតេយ្យបង្កើតទ្រឹស្តីឃុបឃិត (Conspiracy Theories)
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
- ោក ជន សុខធូធារាជ្យ សមាជិកកាហ្វេនយោបាយ
សម្របសម្រួលដោយ៖ លោក ស៊ិន ទិត្យសីហា https://www.facebook.com/comfrel.org/videos/3633649743606892
ប្រធានព្រឹទ្ធសភាកម្ពុជាលោក ហ៊ុន សែន នៅព្រឹកថ្ងៃទី១៦ មិថុនា ឆ្នាំ២០២៥នេះ បានអំពាវនាវបន្ថែមទៀតទៅដល់សមាគមមីក្រូហរិញ្ញវត្ថុ និងធនាគារ ដើម្បីពិនិត្យមើលលទ្ធភាពពន្យារពេលបង់ការប្រាក់មួយរយៈពេលដល់ពលករខ្មែរ ដែលត្រៀមត្រឡប់ពីប្រទេសថៃវិញ។ តាមលោក ហ៊ុន សែន ពលករខ្មែរដែលជាប់ជំពាក់បំណុលធនាគារនឹងទទួលបានការបន្ធូរបន្ថយការបង់សងប្រាក់កម្ចីរបស់ខ្លួន ដើម្បីជួយសម្រួលដល់ការលំបាករបស់ពួកគេ។ https://www.facebook.com/photo?fbid=1187690023400124&set=a.492095336292933
នៅទីបំផុតកិច្ចប្រជុំគណៈកម្មាការចម្រុះព្រំដែន កម្ពុជា-ថៃ ចំនួន២ថ្ងៃ បានបញ្ចប់នៅរសៀលនៅថ្ងៃអាទិត្យទី១៥មិថុនា។ សេចក្តីប្រកាសព័ត៌មានភ្លាមៗរបស់រដ្ឋលេខាធិការដ្ឋានកិច្ចការព្រំដែន បានឲ្យដឹងថា ភាគីកម្ពុជាតាមរយៈលោក ឡាំ ជា ដែលជារដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន បានប្រាប់ទៅភាគីថៃ ថា តំបន់ទាំង៤ដែលកម្ពុជាបានប្តឹងទៅតុលាការយុត្តិធម៌អន្តរជាតិ(ICJ) លែងមានក្នុងរបៀបវារៈជជែកជាមួយថៃ តាមយន្តការគណៈកម្មការចម្រុះព្រំដែន (JBC) តទៅទៀតហើយ។ https://www.facebook.com/photo?fbid=1187691033400023&set=a.492095336292933
ថ្ងៃទី១៥មិថុនាឆ្នាំ២០២៥នេះ ជាខួប៦៣ឆ្នាំ ដែលតុលាការយុត្តិធម៌អន្តរជាតិICJ នៅទីក្រុងឡាអេ បានចេញសាលដីកាឲ្យកម្ពុជាឈ្នះក្តីលើប្រទេសថៃ ក្នុងសំណុំរឿងប្រាសាទព្រះវិហារ។ ការឈានទៅប្រកាសសាលដីការបស់តុលាការទីក្រុងឡាអេ កាលពីឆ្នាំ១៩៦២ គឺយោងទៅលើពាក្យបណ្តឹងរបស់ភាគីកម្ពុជា តាមរយៈព្រះបរមរតនកោដ្ឋ សម្តេចនរោត្តម សីហនុ កាលពីថ្ងៃទី៦តុលាឆ្នាំ១៩៥៩។ បណ្តឹងរបស់កម្ពុជានាគ្រានោះ គឺដោយសារការឈ្លានពានរបស់ភាគីថៃ ដែលបានបញ្ជូនកងទ័ពមកកាន់កាប់ប្រាសាទព្រះវិហារ កាលពីឆ្នាំ១៩៥៤។ https://www.facebook.com/photo?fbid=1187693706733089&set=a.492095336292933
អតីតលោកនាយករដ្ឋមន្ត្រី បានលើកឡើងប្រសិនបើភាគីថៃនៅតែបន្តប្រមាថកម្ពុជាទៀត កម្ពុជានឹងឈានទៅបញ្ឈប់ការប្រើប្រាស់ទំនិញថៃទាំងស្រុងតែម្តង ដោយជំនួសផលិតផលក្នុងស្រុក និងបណ្តាប្រទេសផ្សេងក្រៅពីថៃវិញ។ https://www.facebook.com/photo/?fbid=1187695953399531&set=a.492095336292933
សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA) និង អង្គការអុកស្វាម (Oxfam) បានរួមគ្នាប្រារព្ធទិវាអន្តរជាតិកម្មករការងារតាមផ្ទះកាលពីថ្ងៃអាទិត្យ ដោយក្នុងវេទិកានោះកម្មករបានអំពាវនាវឱ្យមានវិធានការច្បាស់លាស់ និងដំណោះស្រាយនានាពីអ្នកបង្កើតគោលនយោបាយ។ https://www.facebook.com/photo/?fbid=1187700603399066&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃចន្ទ ទី១៦ ខែមិថុនា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
សហការជាមួយសមាគមបណ្ដាញយុវជនកម្ពុជា(CYN)
==========================
ប្រធានបទ៖ «ការចាត់ចែងធនធានសាធារណៈប្រកបដោយតម្លាភាព និងគណនេយ្យភាព»
វាគ្មិនកិត្តិយស៖
- លោក ហ៊ឹម យន់ នាយកប្រត្តិបត្តិនៃសម្ព័ន្ធដើម្បីសុចរិតភាព និងគណនេយ្យសង្គម(CISA)
- លោក ពុធ កុលកា មន្ត្រីកម្មវិធីជាន់ខ្ពស់ នៃកម្មវិធីគោលនយោបាយវិមជ្ឈការ-វិសហមជ្ឈការ និងតម្លាភាពប្រជាធិបតេយ្យ នៃអង្គការសម្ព័ន្ធភាពជាដៃគូរដើម្បីការអភិវឌ្ឍតាមបែបប្រជាធិបតេយ្យ (CPDD)
សម្របសម្រួលដោយ៖ កញ្ញា យ៉ឹង នីម https://www.facebook.com/comfrel.org/videos/563341716841091
សម្រាប់ថ្ងៃចន្ទ ទី១៦ ខែមិថុនា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
សហការជាមួយសមាគមបណ្ដាញយុវជនកម្ពុជា(CYN)
==========================
ប្រធានបទ៖ «ការចាត់ចែងធនធានសាធារណៈប្រកបដោយតម្លាភាព និងគណនេយ្យភាព»
វាគ្មិនកិត្តិយស៖
- លោក ហ៊ឹម យន់ នាយកប្រត្តិបត្តិនៃសម្ព័ន្ធដើម្បីសុចរិតភាព និងគណនេយ្យសង្គម(CISA)
- លោក ពុធ កុលកា មន្ត្រីកម្មវិធីជាន់ខ្ពស់ នៃកម្មវិធីគោលនយោបាយវិមជ្ឈការ-វិសហមជ្ឈការ និងតម្លាភាពប្រជាធិបតេយ្យ នៃអង្គការសម្ព័ន្ធភាពជាដៃគូរដើម្បីការអភិវឌ្ឍតាមបែបប្រជាធិបតេយ្យ (CPDD)
សម្របសម្រួលដោយ៖ កញ្ញា យ៉ឹង នីម https://www.facebook.com/comfrel.org/videos/563341716841091
កម្ពុជាទុកពេល២៤ម៉ោងឲ្យទាហានថៃបើកព្រំដែនរបស់ខ្លួនឲ្យដូចដើមវិញ បើពុំបើកវិញទេ កម្ពុជានឹងបិទការនាំចូលបន្លែ និងផ្លែឈើទាំងអស់ពីប្រទេសថៃ នៅថ្ងៃទី១៧ ខែមិថុនាឆ្នាំ២០២៥។ នេះជាការព្រមានរបស់ លោក ហ៊ុន សែន ប្រធានព្រឹទ្ធសភាកម្ពុជា នៅក្នុងកិច្ចប្រជុំព្រឹទ្ធសភា នាថ្ងៃចន្ទទី១៦ខែមិថុនានេះ។ អ្នកតាមដានសង្គម ចាត់ទុកថា នេះជាការឆ្លើយតបសមស្របរបស់កម្ពុជាទៅលើការបិទព្រំដែនជាឯកតោភាគីរបស់យោធាថៃ។ តែពួកគេ យល់ថា ផលប៉ះពាល់នឹងធ្លាក់ទៅលើប្រជាជននៃប្រទេសទាំងពីរក្នុងការធ្វើពាណិជ្ជកម្ម៕ https://www.facebook.com/photo/?fbid=1187770130058780&set=a.492095336292933
ភាពតានតឹងខាងយោធានៅតាមបណ្តោយព្រំដែនកម្ពុជា-ថៃ ជំរុញឲ្យពលរដ្ឋនៃប្រទេសទាំងពីរដែលកំពុងរស់នៅ និងប្រកបអាជីវកម្មក្បែរៗតំបន់ជាយដែនថៃ និងកម្ពុជា មានការត្រៀមលក្ខណៈដូចៗគ្នា ដើម្បីបង្ការសុវត្ថិភាពនូវការប៉ះទង្គិចជាយថាហេតុណាមួយដោយអាវុធ។ ដោយឡែកពលរដ្ឋខ្មែររស់នៅឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ជាច្រើនគ្រួសារ បានផ្ដើមនាំគ្នាជីករណ្ដៅត្រង់សេ ឬលេណដ្ឋាន នៅតាមផ្ទះរៀងៗខ្លួន ដើម្បីការពារសុវត្ថិភាពពីអំបែងគ្រាប់។ https://www.facebook.com/photo/?fbid=1188464146656045&set=a.492095336292933
ភាពតានតឹងរឿងព្រំដែនរវាងកម្ពុជា និងថៃ បានរាលដាលដល់ពលករទេសន្តរប្រវេសន៍ខ្មែរ ដែលកំពុងធ្វើការនៅក្នុងប្រទេសថៃ។ តាមរយៈជម្លោះព្រំដែននេះ ក្រុមអ្នកជាតិនិយមថៃបានបង្ហាញពីការប្រមាថ និងចង់ឲ្យមានការបណ្តេញពលករខ្មែរចេញពីប្រទេសថៃ។ ស្របពេលគ្នានេះ ថ្នាក់ដឹកនាំរដ្ឋាភិបាលកម្ពុជាក៏បានរុញទូកបណ្តោយទឹក ដោយអំពាវនាវឲ្យពលករខ្មែរត្រលប់មកប្រទេសកំណើតវិញ និងប្រាប់ឲ្យអាជ្ញាធរពាក់ព័ន្ធយកចិត្តទុកដាក់ផ្តល់ការងារជូនជាច្រើនកន្លែង និងផ្តល់ការបណ្តុះបណ្តាលជំនាញវិជ្ជាជីវៈផងដែរ។ https://www.facebook.com/photo?fbid=1188465083322618&set=a.492095336292933
អង្គការអ្នកសារព័ត៌មានគ្មានព្រំដែនហៅកាត់ RSF បានអំពាវនាវយ៉ាងទទូចឲ្យអាជ្ញាធរកម្ពុជា បើកការស៊ើបអង្កេតឲ្យបានហ្មត់ចត់លើការបាញ់ប្រហារលើអ្នកកាសែតបរិស្ថានពីរនាក់ នៅខេត្តស្ទឹងត្រែង កាលពីថ្ងៃទី ៥ ខែ មិថុនា ឆ្នាំ២០២៥។ តាមអង្គការការពារអ្នកសារព័ត៌មាន ការបាញ់ប្រហារទៅលើអ្នកកាសែតទាំងពីរនាក់នេះ បានបង្ហាញឲ្យឃើញបរិយាកាសហិង្សាលើអ្នកកាសែតដែលរាយការណ៍អំពីបញ្ហាបរិស្ថាននៅប្រទេសកម្ពុជា។ https://www.facebook.com/photo?fbid=1188468349988958&set=a.492095336292933
ប្រមុខការទូតកម្ពុជាលោក ប្រាក់ សុខុន នៅព្រឹកថ្ងៃទី១៧ មិថុនា ឆ្នាំ២០២៥ បានជួបជាមួយបណ្តាអង្គទូតបរទេសចំនួន២៧ ដើម្បីពន្យល់ពីស្ថានការណ៍ព្រំដែនកម្ពុជា-ថៃ ដែលកំពុងមានភាពតានតឹងខ្លាំង។ នៅក្នុងជំនួបជាមួយបណ្តាអង្គទូតបរទេសប្រចាំកម្ពុជាទាំងនោះ លោក ប្រាក់ សុខុន បានលើកឡើងពីការវិវត្ត និងពន្យល់អំពីការបញ្ជូនសំណុំរឿងប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ទៅកាន់តុលាការយុត្តិធម៌អន្តរជាតិ(ICJ)។ https://www.facebook.com/photo?fbid=1188469693322157&set=a.492095336292933
នៅថ្ងៃទី១៦ ខែមិថុនា ឆ្នាំ២០២៥នេះ មេដឹកនាំបក្សកាន់អំណាចនិងមេចលនាបក្សប្រឆាំងនៅក្រៅប្រទេស បានបង្ហាញសារក្នុងជំហរដូចគ្នា ដោយជំរុញឱ្យពលករខ្មែររស់នៅនិងធ្វើការក្នុងប្រទេសថៃឱ្យវិលត្រឡប់ចូលមកកម្ពុជាវិញ ខណៈប្រទេសទាំងពីរ កម្ពុជា-ថៃ កំពុងឡើងកំដៅនយោបាយទាក់ទងបញ្ហាព្រំដែន។ https://www.facebook.com/photo/?fbid=1188502179985575&set=a.492095336292933
បើទោះជាស្ថានភាពនៅព្រំដែនកម្ពុជា និងថៃ ក្នុងខេត្តព្រះវិហារ មានសភាពធម្មតាតែពលរដ្ឋជាង១ពាន់គ្រួសារហើយដែលភាគច្រើនជាស្ត្រី និងកូនក្មេង បានចាកចេញពីផ្ទះ ទៅរកទីកន្លែងមានសុវត្ថិភាពក្នុងចំងាយជាង១០០គីឡូម៉ែត្រពីតំបន់ប្រឈមមុខគ្នាដោយអាវុធ។ ក្នុងបទសម្ភាសជាមួយវិទ្យុបារាំងអន្តរជាតិRFI នៅថ្ងៃទី១៧ ខែមិថុនា លោក គឹម ចាន់បញ្ញា អភិបាលរងខេត្តព្រះវិហារ ថ្លែងថា អាជ្ញាធរមិនបានជម្លៀសពលរដ្ឋទាំងនោះទេ តែដោយសារការភ័យខ្លាច ពលរដ្ឋបានភៀសខ្លួន ទៅកាន់មណ្ឌលសុវត្ថិភាពបណ្ដោះអាសន្ន នៅវត្តពោធិ៍៥០០០ដើម ក្នុងស្រុកគូលែន។ លោកថា ចំនួនពលរដ្ឋភៀសខ្លួនដោយសារការភ័យខ្លាចអាចបន្តកើនឡើង៕ https://www.facebook.com/photo?fbid=1188586093310517&set=a.492095336292933