ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA) និង អង្គការអុកស្វាម (Oxfam) បានរួមគ្នាប្រារព្ធទិវាអន្តរជាតិកម្មករការងារតាមផ្ទះកាលពីថ្ងៃអាទិត្យ ដោយក្នុងវេទិកានោះកម្មករបានអំពាវនាវឱ្យមានវិធានការច្បាស់លាស់ និងដំណោះស្រាយនានាពីអ្នកបង្កើតគោលនយោបាយ។ https://www.facebook.com/photo/?fbid=1187700603399066&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃចន្ទ ទី១៦ ខែមិថុនា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
សហការជាមួយសមាគមបណ្ដាញយុវជនកម្ពុជា(CYN)
==========================
ប្រធានបទ៖ «ការចាត់ចែងធនធានសាធារណៈប្រកបដោយតម្លាភាព និងគណនេយ្យភាព»
វាគ្មិនកិត្តិយស៖
- លោក ហ៊ឹម យន់ នាយកប្រត្តិបត្តិនៃសម្ព័ន្ធដើម្បីសុចរិតភាព និងគណនេយ្យសង្គម(CISA)
- លោក ពុធ កុលកា មន្ត្រីកម្មវិធីជាន់ខ្ពស់ នៃកម្មវិធីគោលនយោបាយវិមជ្ឈការ-វិសហមជ្ឈការ និងតម្លាភាពប្រជាធិបតេយ្យ នៃអង្គការសម្ព័ន្ធភាពជាដៃគូរដើម្បីការអភិវឌ្ឍតាមបែបប្រជាធិបតេយ្យ (CPDD)
សម្របសម្រួលដោយ៖ កញ្ញា យ៉ឹង នីម https://www.facebook.com/comfrel.org/videos/563341716841091
កម្ពុជា​ទុក​ពេល​២៤​ម៉ោង​ឲ្យ​ទាហាន​ថៃ​បើក​ព្រំដែន​របស់​ខ្លួន​ឲ្យ​ដូច​ដើម​វិញ​ បើ​ពុំ​បើក​វិញ​ទេ​ កម្ពុជា​នឹង​បិទ​ការ​នាំ​ចូល​បន្លែ ​និង​ផ្លែ​ឈើ​ទាំង​អស់​ពី​ប្រទេស​ថៃ ​នៅ​ថ្ងៃ​ទី​១៧​ ខែមិថុនា​ឆ្នាំ​២០២៥​។​ នេះ​ជា​ការ​ព្រមាន​របស់ ​លោក ហ៊ុន សែន ប្រធាន​ព្រឹទ្ធ​សភា​កម្ពុជា​ នៅ​ក្នុង​កិច្ច​ប្រជុំ​ព្រឹទ្ធ​សភា ​នាថ្ងៃ​ចន្ទ​ទី​១៦​ខែ​មិថុនា​នេះ​។ ​អ្នក​តាម​ដាន​សង្គម ​ចាត់​ទុក​ថា ​នេះ​ជា​ការ​ឆ្លើយ​តប​សម​ស្រប​របស់​កម្ពុជា​ទៅ​លើ​ការ​បិទ​ព្រំ​ដែន​ជា​ឯក​តោ​ភាគីរបស់​យោធា​ថៃ​។​ តែ​ពួកគេ ​យល់​ថា ​ផល​ប៉ះ​ពាល់​នឹង​ធ្លាក់​ទៅ​លើ​ប្រជា​ជន​នៃ​ប្រទេស​ទាំងពីរ​ក្នុង​ការ​ធ្វើ​ពាណិជ្ជ​កម្ម​៕ https://www.facebook.com/photo/?fbid=1187770130058780&set=a.492095336292933
ភាពតានតឹងខាងយោធានៅតាមបណ្តោយព្រំដែនកម្ពុជា-ថៃ ជំរុញឲ្យពលរដ្ឋនៃប្រទេសទាំងពីរដែលកំពុងរស់នៅ និងប្រកបអាជីវកម្មក្បែរៗតំបន់ជាយដែនថៃ និងកម្ពុជា មានការត្រៀមលក្ខណៈដូចៗគ្នា ដើម្បីបង្ការសុវត្ថិភាពនូវការប៉ះទង្គិចជាយថាហេតុណាមួយដោយអាវុធ។ ដោយឡែកពលរដ្ឋខ្មែររស់នៅឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ជាច្រើនគ្រួសារ បានផ្ដើមនាំគ្នាជីករណ្ដៅត្រង់សេ ឬលេណដ្ឋាន នៅតាមផ្ទះរៀងៗខ្លួន ដើម្បីការពារសុវត្ថិភាពពីអំបែងគ្រាប់។ https://www.facebook.com/photo/?fbid=1188464146656045&set=a.492095336292933
ភាពតានតឹងរឿងព្រំដែនរវាងកម្ពុជា និងថៃ បានរាលដាលដល់ពលករទេសន្តរប្រវេសន៍ខ្មែរ ដែលកំពុងធ្វើការនៅក្នុងប្រទេសថៃ។ តាមរយៈជម្លោះព្រំដែននេះ ក្រុមអ្នកជាតិនិយមថៃបានបង្ហាញពីការប្រមាថ និងចង់ឲ្យមានការបណ្តេញពលករខ្មែរចេញពីប្រទេសថៃ។ ស្របពេលគ្នានេះ ថ្នាក់ដឹកនាំរដ្ឋាភិបាលកម្ពុជាក៏បានរុញទូកបណ្តោយទឹក ដោយអំពាវនាវឲ្យពលករខ្មែរត្រលប់មកប្រទេសកំណើតវិញ និងប្រាប់ឲ្យអាជ្ញាធរពាក់ព័ន្ធយកចិត្តទុកដាក់ផ្តល់ការងារជូនជាច្រើនកន្លែង និងផ្តល់ការបណ្តុះបណ្តាលជំនាញវិជ្ជាជីវៈផងដែរ។ https://www.facebook.com/photo?fbid=1188465083322618&set=a.492095336292933
អង្គការអ្នកសារព័ត៌មានគ្មានព្រំដែនហៅកាត់ RSF បានអំពាវនាវយ៉ាងទទូចឲ្យអាជ្ញាធរកម្ពុជា បើកការស៊ើបអង្កេតឲ្យបានហ្មត់ចត់លើការបាញ់ប្រហារលើអ្នកកាសែតបរិស្ថានពីរនាក់ នៅខេត្តស្ទឹងត្រែង កាលពីថ្ងៃទី ៥ ខែ មិថុនា ឆ្នាំ២០២៥។ តាមអង្គការការពារអ្នកសារព័ត៌មាន ការបាញ់ប្រហារទៅលើអ្នកកាសែតទាំងពីរនាក់នេះ បានបង្ហាញឲ្យឃើញបរិយាកាសហិង្សាលើអ្នកកាសែតដែលរាយការណ៍អំពីបញ្ហាបរិស្ថាននៅប្រទេសកម្ពុជា។ https://www.facebook.com/photo?fbid=1188468349988958&set=a.492095336292933
ប្រមុខការទូតកម្ពុជាលោក ប្រាក់ សុខុន នៅព្រឹកថ្ងៃទី១៧ មិថុនា ឆ្នាំ២០២៥ បានជួបជាមួយបណ្តាអង្គទូតបរទេសចំនួន២៧ ដើម្បីពន្យល់ពីស្ថានការណ៍ព្រំដែនកម្ពុជា-ថៃ ដែលកំពុងមានភាពតានតឹងខ្លាំង។ នៅក្នុងជំនួបជាមួយបណ្តាអង្គទូតបរទេសប្រចាំកម្ពុជាទាំងនោះ លោក ប្រាក់ សុខុន បានលើកឡើងពីការវិវត្ត និងពន្យល់អំពីការបញ្ជូនសំណុំរឿងប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ទៅកាន់តុលាការយុត្តិធម៌អន្តរជាតិ(ICJ)។ https://www.facebook.com/photo?fbid=1188469693322157&set=a.492095336292933
នៅថ្ងៃទី១៦​ ខែមិថុនា ឆ្នាំ២០២៥នេះ មេដឹកនាំបក្សកាន់អំណាចនិងមេចលនាបក្សប្រឆាំងនៅក្រៅប្រទេស បានបង្ហាញសារក្នុងជំហរដូចគ្នា ដោយជំរុញឱ្យពលករខ្មែររស់នៅនិងធ្វើការក្នុងប្រទេសថៃឱ្យវិលត្រឡប់ចូលមកកម្ពុជាវិញ ខណៈប្រទេសទាំងពីរ កម្ពុជា-ថៃ កំពុងឡើងកំដៅនយោបាយទាក់ទងបញ្ហាព្រំដែន។ https://www.facebook.com/photo/?fbid=1188502179985575&set=a.492095336292933
បើ​ទោះ​ជា​ស្ថាន​ភាព​នៅ​ព្រំ​ដែន​កម្ពុជា​ និង​ថៃ ​ក្នុង​ខេត្ត​ព្រះវិហារ​ មាន​សភាព​ធម្មតា​តែ​ពលរដ្ឋ​ជាង​១​ពាន់​គ្រួសារ​ហើយ​ដែលភាគ​ច្រើន​ជា​ស្ត្រី​ និង​កូន​ក្មេង ​បាន​ចាក​ចេញ​ពី​ផ្ទះ​ ​ទៅ​រក​ទី​កន្លែង​មាន​សុវត្ថិភាព​ក្នុង​ចំងាយ​ជាង​១០០​គីឡូ​ម៉ែត្រ​ពី​តំបន់​ប្រឈម​មុខគ្នា​​ដោយ​អាវុធ​។​ ក្នុង​បទ​សម្ភាស​ជា​មួយ​វិទ្យុ​បារាំង​អន្តរ​ជាតិ​RFI​ នៅ​ថ្ងៃ​ទី​១៧ ខែ​មិថុនា ​លោក គឹម​ ចាន់បញ្ញា អភិបាលរង​ខេត្ត​ព្រះ​វិហារ ​​ថ្លែង​ថា អាជ្ញាធរ​មិន​បាន​ជម្លៀស​ពលរដ្ឋ​ទាំង​នោះ​ទេ ​តែ​ដោយ​សារ​ការ​ភ័យ​ខ្លាច​ ពលរដ្ឋ​បាន​ភៀស​ខ្លួន ​ទៅ​កាន់​មណ្ឌល​សុវត្ថិភាព​បណ្ដោះ​អាសន្ន​ នៅ​វត្ត​ពោធិ៍​៥០០០​ដើម ​ក្នុង​ស្រុក​គូលែន​។ លោក​ថា ​ចំនួន​ពល​រដ្ឋ​ភៀស​ខ្លួន​ដោយ​សារ​ការ​ភ័យ​ខ្លាច​អាច​បន្ត​កើន​ឡើង​៕ https://www.facebook.com/photo?fbid=1188586093310517&set=a.492095336292933
នៅថ្ងៃទី១៧ ខែមិថុនា ឆ្នាំ២០២៥នេះ រដ្ឋមន្ត្រីក្រសួងការបរទេសកម្ពុជាលោក ប្រាក់ សុខុន បានកោះអញ្ជើញអង្គទូតបរទេសចំនួន២៧ ប្រចាំនៅកម្ពុជា ដើម្បីធ្វើការពន្យល់អំពីការវិវត្តនៃស្ថានការណ៍ព្រំដែនកម្ពុជា-ថៃ។ ជំនួបរវាងប្រមុខការទូតកម្ពុជាជាមួយបណ្តាអង្គទូតប្រចាំនៅកម្ពុជាពេលនេះ ត្រូវអ្នកតាមដានសង្គម និងនយោបាយមើលឃើញថាជាពេលវេលាដ៏ល្អ ដែលកម្ពុជាត្រូវបញ្ជូនសារសំខាន់ៗទៅកាន់បរទេស និងសហគមអន្តរជាតិដោយផ្ទាល់ជុំវិញស្ថានភាពជាក់ស្តែងនៃជម្លោះព្រំដែនកម្ពុជា-ថៃ។ https://www.facebook.com/photo?fbid=1188590279976765&set=a.492095336292933
ក្តីក្តាំរបស់សកម្មជនការពារដីធ្លីពីររូបនៅខេត្តកោះកុងគឺអ្នកស្រី ផាវ ញើង​ និង អ្នកស្រី សេង លីន ត្រូវបានតុលាការកំពូលបង្គាប់ឲ្យសាលាឧទ្ធរណ៍ព្រះសីហនុកាត់​ក្តីឡើងវិញ ខណៈស្ត្រីជាសកម្មជនទាំងពីរនាក់ ត្រូវបានដាក់ឲ្យស្ថិតក្រោមការត្រួតពិនិត្យតាមផ្លូវតុលាការ។ មន្ត្រីសិទ្ធិមនុស្សរំពឹងថា សាលាឧទ្ធរណ៍ព្រះសីហនុ នឹងទម្លាក់បទចោទលើសកម្មជនដីធ្លីទាំងនេះ ដោយសំអាងថាអ្នកទាំងពីរមិនបានប្រព្រឹត្តបទល្មើសនោះទេគឺគ្រាន់តែការពារដីសម្បទានសង្គមកិច្ចសម្រាប់ពលរដ្ឋតែប៉ុណ្ណោះ។ https://www.facebook.com/photo/?fbid=1188593613309765&set=a.492095336292933
ជម្លោះព្រំដែនកម្ពុជា-ថៃ បានឈានទៅដល់ការជំរុញឲ្យឈប់ទិញ និងប្រើប្រាស់ទំនិញថៃនៅក្នុងទីផ្សារកម្ពុជា។ បញ្ហានេះក៏ព្រោះតែភាគីថៃបានប្រកាសបិទបើកច្រកទ្វារព្រំដែនមិនប្រក្រតីជាឯកតោភាគី។ កម្ពុជាក៏បានឆ្លើយតបវិញតាមរយៈការបិទមិនឲ្យទំនិញថៃរួមមានបន្លែ និងផ្លែឈើនាំចូល និងឆ្លងកាត់កម្ពុជាដែរ។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី១៨ ខែមិថុនា ឆ្នាំ២០២៥នេះ លោកឧកញ៉ា តែ តាំងប៉ ប្រធានក្រុមប្រឹក្សាភិបាលសម័្ពន្ធសមាគមសហគ្រាសធុនតូច និងមធ្យមកម្ពុជា(FASMEC) បានមើលឃើញថាអវត្តមានទំនិញថៃនៅកម្ពុជា គឺជាឱកាសដ៏ល្អសម្រាប់វិស័យសហគ្រាសធុនតូច និងមធ្យមខ្មែរ។ តាមលោកឧកញ៉ា តែ តាំងប៉ ទំនិញSME កម្ពុជា អាចរ៉ាប់រងតម្រូវការក្នុងប្រទេសបាន ប្រសិនបើពុំមានទំនិញថៃ៕ https://www.facebook.com/photo/?fbid=1190014793167647&set=a.492095336292933
ប្រធានព្រឹទ្ធសភាកម្ពុជា លោក ហ៊ុន សែន នៅថ្ងៃទី១៧​ខែមិថុនា បានប្រតិកម្មទៅនឹងការបង្កើតគណៈកម្មការចំពោះកិច្ច របស់​រដ្ឋាភិបាលថៃ ដើម្បីផ្តល់ការឆ្លើយតបឆាប់រហ័ស និងក្នុងស្មារតីរួបរួម ពាក់ព័ន្ធនឹងភាពតានតឹងរវាងកម្ពុជា និងថៃ​។ ក្រុម​ការងាររបស់ថៃដដែលនេះ ក៏មានភារកិច្ច ឆ្លើយតបនឹងការបង្ហោះសារលើប្រព័ន្ធទំនាក់ទំនងសង្គមប្រចាំថ្ងៃពីខាង​កម្ពុជា​ដែរ។ តែអតីត​នាយក​រដ្ឋមន្ត្រី​កម្ពុជា ឆ្លើយតបថា អ្វីដែលលោកបានបង្ហាញលើបណ្តាញសង្គមហ្វេសប៊ុក គឺជាការប្រាប់ការពិតដល់ប្រជាជនកម្ពុជា។ https://www.facebook.com/photo/?fbid=1190015903167536&set=a.492095336292933
នៅថ្ងៃទី១៤ មិនុថាកន្លងទៅ សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជាបានចេញសេចក្តីថ្លែងការណ៍រួម ដោយអះអាងថា សមាជិករបស់សមាគម នឹងពិនិត្យលទ្ធភាពក្នុងការជួយសម្រួលបន្ទុកហិរញ្ញវត្ថុដល់ពលរដ្ឋខ្មែរដែលត្រឡប់មកពីប្រទេសថៃវិញ ចំពោះអ្នកដែលជាប់បំណុលធនាគារ និងមីក្រូហិរញ្ញវត្ថុ។ https://www.facebook.com/photo/?fbid=1190017859834007&set=a.492095336292933
ប្រធានព្រឹទ្ធសភា និងជាប្រមុខគណបក្សកាន់អំណាច លោក ហ៊ុន សែន បានប្រកាសជាសាធារណៈទទួលស្គាល់សារសំឡេងសន្ទនាបែកធ្លាយរបស់លោកជាមួយ នាយករដ្ឋមន្ត្រីថៃ លោកស្រី ផែថងថាន ស៊ីណាវ៉ាត់ ដែល​ត្រូវបានគេផ្សព្វផ្សាយនៅថ្ងៃទី១៨ ខែមិថុនានេះ។ តាម​ លោក ហ៊ុន សែន ការ​សន្ទនានោះ​បានធ្វើ​ឡើង​នៅថ្ងៃទី១៥ ខែមិថុនា ពាក់ព័ន្ធបញ្ហាដែល​ថៃបិទព្រំដែនជាមួយកម្ពុជា។ https://www.facebook.com/photo/?fbid=1190022146500245&set=a.492095336292933
អង្គ​ការ​លី​កា​ដូ​​ ដែល​ធ្វើ​ការ​លើ​បញ្ហា​សិទ្ធិ​មនុស្ស​នៅ​កម្ពុជា​ ស្នើ​ឱ្យ​រដ្ឋា​ភិ​បាល​ជំរុញ​​ឱ្យ​មាន​ការ​ធ្វើ​វិសោធន​កម្ម​ច្បាប់​ស្តី​ពី​អំពើ​ហិង្សា​ក្នុងគ្រួសារ​ ខណៈ​ច្បាប់កាល​ពី​ឆ្នាំ​ ២០០៥​ ហាក់​មិន​មាន​វឌ្ឍ​នភាព​ និង​មាន​ចំណុច​ខ្វះ​ខាត​ស្ទើ​រគ្រប់​មាត្រា​។​ នេះ​បើ​តាម​សេចក្តី​ថ្លែង​ការ​របស់​អង្គ​ការ​លី​កា​ដូ ចេញ​ផ្សាយ​នៅ​ថ្ងៃ​ទី​១៧​ មិថុនា​ ឆ្នាំ២០២៥ និង​ថា​ការ​ពន្យា​ពេល​ធ្វើ​វិសោធនកម្ម​ច្បាប់​នេះ​នឹង​បន្ត​ឱ្យ​មាន​ការ​គំរាម​កំហែង​ដល់​ជន​រង​គ្រោះ ​ក្នុង​នោះ​ភាគ​ច្រើន​ជា​ស្រ្តី​ កុមារ​ និង​អ្នក​ស្រលាញ់​ភេទ​ដូច​គ្នា​។ https://www.facebook.com/photo?fbid=1190024333166693&set=a.492095336292933
ជួបគ្នាល្ងាចនេះជាមួយកម្មវិធី «ស្រ្តីអាចធ្វើបាន» នៃការផ្សាយសម្លេងសង្គមស៊ីវិល (VOC) ដោយសហការជាមួយសមាគមអាដហុក
កាលបរិច្ឆេទ : ថ្ងៃព្រហស្បតិ៍ ទី១៩ ខែមិថុនា ឆ្នាំ២០២៥
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល។ https://www.facebook.com/photo?fbid=1190053283163798&set=a.492095336292933
ទោះបីជាកម្ពុជាបានកំណត់គោលដៅស្វាគមន៍ភ្ញៀវទេសចរអន្តរជាតិចំនួន ៧,៥លាននាក់នៅឆ្នាំ២០២៥ នេះក៏ដោយ ក៏អ្នកធ្វើការក្នុងវិស័យទេសចរណ៍នៅខេត្តសៀមរាបកំពុងប្រឈមនឹងការខាតបង់សម្រាប់អាជីវកម្មរបស់ពួកគេ នាំឱ្យមានការធ្វើចំណាកស្រុកកាន់តែច្រើន និងជំរុញឱ្យពលរដ្ឋរកម្ហូបអាហារទទួលទានតិចតួចជាងមុនផងដែរ។ ទាំងនេះដោយសារអស្ថិរភាពនៅជុំវិញពិភពលោក និងភាពតានតឹងតាមព្រំដែនកម្ពុជា-ថៃ ដែលរួមចំណែកធ្វើឱ្យចំនួនភ្ញៀវទេសចរធ្លាក់ចុះ។​ https://www.facebook.com/photo/?fbid=1190057213163405&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី១៩ ខែមិថុនា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន!»
ដោយសហការជាមួយសមាគមអាដហុក
==========================
ប្រធានបទ ៖ ស្ត្រីវ័យក្មេង និងការចូលរួមប្រយុទ្ធប្រឆាំងនឹងអំពើជួញដូរមនុស្ស
វាគ្មិនកិត្តិយស :
១. លោក សំ ច័ន្ទគា អ្នកសម្របសម្រួលសមាគមអាដហុក ប្រចាំខេត្តកំពង់ឆ្នាំង
២. កញ្ញា ងេន ស្សាវរីយ៍ និស្សិតជំនាញច្បាប់នៃពុទ្ធិកសាកលវិទ្យាល័យព្រះសីហនុរាជ
អ្នកសម្របសម្រួល៖ កញ្ញា ស្រ៊ី លីដា
==========================
កម្មវិធីសូមស្វាគមន៍ដោយរីករាយ ​ https://www.facebook.com/comfrel.org/videos/719062633856861
អនុប្រធានទី១ក្រុមប្រឹក្សាអភិវឌ្ឍន៍កម្ពុជាលោក ស៊ុន ចាន់ថុល នៅក្នុងពិធីខួប១០ឆ្នាំនៃសហព័ន្ធស្រូវអង្ករកម្ពុជានាដើមសប្តាហ៍នេះ បានដាក់ក្តីសង្ឃឹមថា ការចរចាពន្ធបដិការជាមួយអាមេរិកក្នុងជុំទី៣ នាពេលខាងមុខនឹងទទួលបានជោគជ័យ។ ការជឿជាក់របស់លោក ស៊ុន ចាន់ថុល ធ្វើឡើងបន្ទាប់ពីការចរចាជុំទី២កន្លងទៅ ភាគីកម្ពុជា និងអាមេរិកបានបន្តពិភាក្សាគ្នាលើអត្ថបទសេចក្តីព្រាងកិច្ចព្រមព្រៀងពាណិជ្ជកម្មបដិការ ដោយឈរលើស្មារតីយោគយល់គ្នាខ្ពស់ និងបានឯកភាពគ្នាលើបញ្ញត្តិជាច្រើន។ https://www.facebook.com/photo/?fbid=1190154996486960&set=a.492095336292933