ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
លោក ហ៊ុន សែន ថ្លែង​សំដៅ​ទៅ​លើ​លោក​ ថាក់​ស៊ីន ស៊ីណាវ៉ាត្រា ដែល​ធ្លាប់​ជា​មិត្ត​របស់​លោក​ថា លោក​ ថាក់​ស៊ីន​ បាន​ក្បត់​លោក​ហើយ ហើយ​លោក​ព្រមាន​បក​អាក្រាត​លោក​ ថាក់​ស៊ីន អំពី​សកម្មភាព​ក្បត់​ជាតិ​របស់​ខ្លួន រួម​ទាំង​ការ​ក្បត់​ព្រះ​មហាក្សត្រ​ថៃ​ផង​ដែរ។ ប៉ុន្តែ លោក​រង់​ចាំ​មើល​ប្រតិកម្ម​ពី​ទីក្រុង​បាងកក​សិន។ https://www.facebook.com/photo?fbid=1196535715848888&set=a.492095336292933
របាយការណ៍របស់មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) បានបង្ហាញឱ្យដឹងថា សេរីភាពសារព័ត៌មាននៅកម្ពុជាបន្តធ្លាក់ចុះ ចំពេលមានការគំរាមកំហែងផ្នែកច្បាប់ ការថយចុះជំនួយ និងការរឹតត្បិតកាន់តែខ្លាំង។ របាយការណ៍ឆ្នាំ២០២៤នេះ ក៏បង្ហាញ​ពីការតស៊ូរបស់អ្នកសារព័ត៌មានស្ត្រី ដោយអំពាវនាវឱ្យមានកំណែទម្រង់ និងបង្កើនការការពារជាបន្ទាន់​។ https://www.facebook.com/photo?fbid=1196537149182078&set=a.492095336292933
អង្គការលើកលែងទោសអន្តរជាតិ បានចោទប្រកាន់រដ្ឋាភិបាលកម្ពុជា ថា មានចេតនាព្រងើយកន្តើយចំពោះការរំលោភបំពានសិទ្ធិមនុស្សយ៉ាងទូលំទូលាយ រួមមានការជួញដូរមនុស្ស ពលកម្មដោយបង្ខំ ការជ្រើសរើសកុមារចូលធ្វើការងារ ទាសភាព និងការធ្វើទារុណកម្ម ដែលត្រូវបានអង្គការនេះអះអាងថាបានកើតឡើងក្នុងបរិវេណបោកប្រាស់ជាង៥០កន្លែងនៅទូទាំងប្រទេស។ https://www.facebook.com/photo?fbid=1196539662515160&set=a.492095336292933
«កម្ពុជា គ្រាន់តែជាជនរងគ្រោះ នៃអនឡាញរបស់ថៃតែប៉ុណ្ណោះ! ហេតុអី? (ព្រោះ) មាន​ប្រទេសថៃមួយគត់ ដែលមានជើងហោះហើរតភ្ជាប់ពីប្រទេស​ខាងក្រៅចូលមក​ក្នុងប្រទេសថៃ។ មីយ៉ាន់ម៉ា ឡាវ និងកម្ពុជា គ្មានជើងអាកាសធុនធំ ហោះត្រង់ចូលមកទេ។ អ៊ីចឹងអ្នកឆបោកអនឡាញទាំងប៉ុន្មាន ត្រូវសម្រួលដោយអាជ្ញាធរថៃ។»។ នេះការគូសបញ្ជាក់របស់សម្តេច ហ៊ុន សែន ប្រមុខព្រឹទ្ធសភាកម្ពុជា ឆ្លើយតបនឹងទៅការអះអាង ក្នុងចេតនាចោទប្រកាន់របស់នាយករដ្ឋម​ន្ត្រីថៃ ដែលថាការបិទច្រកព្រំដែនជាមួយកម្ពុជា គឺក្រោមហេតុផល បង្ក្រាប និង​ទប់ស្កាត់បទល្មើសឆបោកតាមអនឡាញ។ https://www.facebook.com/photo?fbid=1196553969180396&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃសុក្រ ទី២៧ ខែមិថុនា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ភាពជាអ្នកដឹកនាំនៅតែមានសារៈសំខាន់ក្នុងការរក្សាស្ថិរភាពប្រជាធិបតេយ្យ
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
សម្របសម្រួលដោយ៖ លោក ស៊ិន ទិត្យសីហា
==========================
កម្មវិធីសូមស្វាគមន៍ដោយរីករាយ https://www.facebook.com/comfrel.org/videos/1217031279696517
ប្រធានព្រឹទ្ធសភាកម្ពុជាលោក ហ៊ុន សែន​ លើកយោបល់ឱ្យរដ្ឋមន្ត្រីក្រសួងយុត្តិធម៌សិក្សាអំពីការធ្វើវិសោធនកម្មច្បាប់រដ្ឋធម្មនុញ្ញដកហូតសញ្ជាតិពលរដ្ឋខ្មែរដែលគប់គិតជាមួយបរទេសក្នុងចេតនាបំផ្លាញជាតិ​។ សំណើរបស់​លោក ហ៊ុន សែន ធ្វើឡើង ដើម្បីឆ្លើយតបទៅក្រុមប្រឆាំងដែលបាន​ស្រែក​ទាមទារ​ឱ្យ​​រដ្ឋាភិបាលកម្ពុជា​​​​បង្ហាញឯកសារច្បាប់​ទៅ​តុលាការ ICJ ​​ក្នុងសំណុំរឿងជម្លោះព្រំដែនជាមួយថៃ។ https://www.facebook.com/photo/?fbid=1196686362500490&set=a.492095336292933
សកម្មជនមាតាធម្មជាតិ ....................
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃអង្គារ ទី០១ ខែកក្ដដា ឆ្នាំ២០២៥
កម្មវិធី «សំឡេងម្ចាស់ឆ្នោត»
សហការជាមួយសមាគមបណ្ដាញយុវជនកម្ពុជា(CYN)
==========================
ប្រធានបទ៖ «មួយឆ្នាំនៃការឃុំខ្លួន៖ ករណីសកម្មជនមាតាធម្មជាតិ និងផលប៉ះពាល់ដល់ចលនាសកម្មជនបរិស្ថានកម្ពុជា»
វាគ្មិនកិត្តិយស៖
- លោក អំ សំអាត នាយកទទួលបន្ទុកកិច្ចការទូទៅនៃអង្គការលីកាដូ
- យុវសង្ឍ ប៉ុល សុគុណ យុវសង្ឍមកពីខេត្តបាត់ដំបង
សម្របសម្រួលដោយ៖ អ្នកស្រី យ៉ឹង នីម https://www.facebook.com/comfrel.org/videos/1285610766343992
«ប្រសាសន៍បណ្ឌិត កែម ទ្បី ៖ បើសិនយើងនាំគ្នាខ្លាចស្ថានភាពរងគ្រោះ គឺយើងមិនអាចផ្តល់សេចក្តីសុខដល់ក្មេងៗជំនាន់ក្រោយបានទេ»
ដើម្បីជាការចូលរួមរម្លឹកវិញ្ញាណក្ខន្ធរបស់បណ្ឌិត កែម ឡី ដែលមកដល់ក្នុងថ្ងៃទី១០ ខែកក្កដា ឆ្នាំ២០២៥នេះ ខុមហ្រ្វែលសូមដកស្រង់វីដេអូមួយចំនួនពីស្ថាប័នពាក់ព័ន្ធយកមកផ្សព្វផ្សាយឡើងវិញ។
#វីដេអូខ្លី #កែមឡី #KemLey https://www.facebook.com/comfrel.org/videos/1782814319271025
ជារៀងរាល់ព្រឹក ប្រជានេសាទផ្តើមចេញទូកទៅនេសាទ ឬរាវខ្យងក្រោមបាតសមុទ្រដើម្បីផ្គត់ផ្គង់ជីវភាពប្រចាំថ្ងៃ។ ប៉ុន្តែបច្ចុប្បន្ននេះ ទីតាំងដែលអ្នកនេសាទធ្លាប់អាស្រ័យផល ទឹកសមុទ្រប្រែជាល្អក់ខុសប្រក្រតី និងឡើងកករកើតជាភក់។ ផលវិបាកនេះធ្វើឲ្យប្រជានេសាទនៅភូមិព្រែកអំពិល ត្រូវបង្ខំចិត្តធ្វើដំណើរទៅរាវខ្យងកាន់តែឆ្ងាយទៅៗពីដីគោក។ https://www.facebook.com/photo?fbid=1199888348846958&set=a.492095336292933
អតីតនាយករដ្ឋមន្ត្រី និងជាប្រធានព្រឹទ្ធសភាកម្ពុជា បានប្រាប់ទៅពលរដ្ឋខ្មែរទាំងអស់ឱ្យធ្វើការរួបរួមគ្នាជាចលនាជាតិនិយមតែមួយ ដើម្បីត្រៀមទប់ទល់ទៅនឹងការចិញ្ចឹមចិត្តឈ្លានពានទឹកដីខ្មែរពីសំណាក់ភាគីអ្នកនយោបាយជ្រុលនិយមថៃជាយូរអង្វែង។ https://www.facebook.com/photo?fbid=1199903375512122&set=a.492095336292933
ពលរដ្ឋស្រុកឯកភ្នំ ខេត្តបាត់ដំបង មួយចំនួនបានបង្ហាញអារម្មណ៍រីករាយក្រោយដំណាំបន្លែបង្ការរបស់ពួកគាត់ដែលផលិតបាន លក់បានតម្លៃខ្ពស់ជាងពេលមិនទាន់មានបញ្ហាជាមួយថៃ ប៉ុន្តែពួកគេស្នើឱ្យពលរដ្ឋនាំគ្នាបន្តគាំទ្រផលិតរបស់ខ្មែរឱ្យបានកាន់តែផុសផុលបន្ថែមទៀត។ https://www.facebook.com/photo?fbid=1199906338845159&set=a.492095336292933
នៅសល់តែ១០ថ្ងៃទៀតប៉ុណ្ណោះ មុនពេលពន្ធគយបដិការរបស់សហរដ្ឋអាមេរិកចូលជាធរមាន ប្រធានាធិបតី ដូណាល់ ត្រាំ បានបញ្ជាក់ជាថ្មីថា លោកនឹងមិនបន្ដការផ្អាករយៈពេល ៩០ថ្ងៃលើសពីកាលបរិច្ឆេទកំណត់ថ្ងៃទី៩ ខែកក្កដាទេ ដែលជាសញ្ញាបញ្ជាក់ថា ទណ្ឌកម្មពាណិជ្ជកម្មនឹងត្រូវអនុវត្ត លុះត្រាតែមានកិច្ចព្រមព្រៀងថ្មីជាមួយសហរដ្ឋអាមេរិក។ https://www.facebook.com/photo?fbid=1199916725510787&set=a.492095336292933
កម្មករក្នុងវិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ មានការព្រួយបារម្ភថា ការដំឡើងពន្ធរបស់សហរដ្ឋអាមេរិក ៤៩ ភាគរយនឹងធ្វើឱ្យពួកគេប្រឈមនឹងការបាត់បង់ការងារ លក្ខខណ្ឌការងារមិនល្អ និងការកេងប្រវ័ញ្ចកើនឡើង ខណៈដែលប្រាក់ឈ្នួលអប្បបរមារបស់ពួកគេមិនអាចបន្តនឹងអតិផរណាបានទេ។ https://www.facebook.com/photo?fbid=1199918202177306&set=a.492095336292933
ការស្ទង់មតិមួយបានរកឃើញថា ភាពមិនច្បាស់លាស់នៃការដំឡើងពន្ធពីសហរដ្ឋអាមេរិក កំពុងប៉ះពាល់ដល់ដំណើរការរោងចក្រមួយចំនួននៅកម្ពុជា ខណៈរោងចក្រខ្លះបានរាយការណ៍ថា អាចបន្តប្រតិបត្តិការបានត្រឹមតែរយៈពេល៣ខែទៀត ដោយសារបញ្ហានៃការបញ្ជាទិញ។ https://www.facebook.com/photo?fbid=1199927852176341&set=a.492095336292933
ក្រសួងសុខាភិបាលពង្រឹងមណ្ឌលសុខភាពអាទិភាព ជាង១២០នៅតាមព្រំដែន ដែលរួមទាំងការត្រៀមក្រុមបុគ្គលិក និងបរិក្ខារបន្ថែម ជូនប្រជាពលរដ្ឋ ពិសេសកងទ័ពតាមបណ្តោយព្រំដែនកម្ពុជា-ថៃ បន្ទាប់​ពីជម្លោះព្រំដែនបានកើតឡើងសាជាថ្មី កាលពីចុងខែឧសភាកន្លងមក។ https://www.facebook.com/photo?fbid=1199924782176648&set=a.492095336292933
លោក សឺន ជុំជួន សហមេធាវីការពារក្ដីឱ្យសកម្មជនកិច្ចព្រមព្រៀងទីក្រុងប៉ារីស ថ្លែងប្រាប់វិទ្យុស្ដ្រីនៅថ្ងៃទី៣០ ខែមិថុនានេះថា បច្ចុប្បន្នកូនក្ដីរបស់លោកនៅតែបន្តជាប់ឃុំក្នុងពន្ធនាគារនៅឡើយ។ ក្រោយពីមានសវនាការជំនុំជម្រះនៅសាលាឧទ្ធរណ៍រាជធានីភ្នំពេញ កាលពីថ្ងៃទី២៥ ខែកុម្ភៈកន្លងទៅ សំណុំរឿងកូនក្ដីលោកទាំង ៣នាក់ ស្ងប់ស្ងាត់ក្នុងរយៈពេល ៤ខែនេះ។ ៤ខែនេះ លោកជាមេធាវីតែងតែសួរនាំតុលាការឱ្យពន្លឿននីតិវិធីសំណុំរឿងនេះ ប៉ុន្តែជាលទ្ធផលនៅតែស្ងប់ស្ងាត់ដដែល។ https://www.facebook.com/photo?fbid=1200081138827679&set=a.492095336292933
លោក​នាយករដ្ឋមន្ត្រី ហ៊ុន ម៉ាណែត បាន​ឲ្យ​ដឹង​ថា​ ក្រុម​អ្នក​ច្បាប់​អន្តរជាតិ​មក​ដល់​កម្ពុជា​នៅ​ថ្ងៃ​ទី១ ខែ​កក្កដា​នេះ​ដើម្បី​ពិភាក្សា​រឿង​បណ្ដឹង​របស់​កម្ពុជា ៤ ចំណុច​ទៅ​តុលាការ​យុត្តិធម៌​អន្តរជាតិ​ ហើយ​កម្ពុជា​មាន​ភាព​ម្ចាស់​ការ​ដែល​មិន​អាច​មាន​អ្នក​ណា​មក​មើល​ងាយ​ ឬ គំរាម​បាន។ https://www.facebook.com/photo?fbid=1200090932160033&set=a.492095336292933
តាមលោក ហ៊ុន ម៉ាណែត កម្ពុជាក៏គ្មានសេចក្តីត្រូវការចូលរួមកិច្ចប្រជុំ JBC​ ជាមួយភាគីថៃដោយខាងកម្ពុជាមានរដ្ឋមន្ត្រីការពារជាតិលោកទៀ សីហា ជាអ្នកដឹកនាំកិច្ចប្រជុំនោះដែរ។ លោកបានសង្កត់ធ្ងន់ថា ទាល់តែស្ថានភាពវិលមករកភាពប្រក្រតីឡើងវិញ ទើបកម្ពុជាវិលទៅរកការប្រជុំJBC ឬក៏ការពិភាក្សាគ្នាជាលក្ខណៈទេ្វភាគីផ្សេងទៀតឡើងវិញ។ https://www.facebook.com/photo?fbid=1200093008826492&set=a.492095336292933
ក្រសួងស្ថាប័នរដ្ឋ និងក្រុមអង្គការសង្គមស៊ីវិលមួយចំនួនដែលស្និទ្ធនឹងរដ្ឋាភិបាល បានចេញញត្តិគាំទ្រ​​​​ការផ្តួចផ្តើមការធ្វើវិសោធនកម្មច្បាប់​​ដកសញ្ជាតិពលរដ្ឋខ្មែរ ដែលគប់គិតជាមួយបរទេសមកបំផ្លាញជាតិឯង។ ​​ការចេញញត្តិគាំទ្រច្បាប់​ដកសញ្ជាតិយ៉ាងព្រោងព្រាត​​នាពេលនេះធ្វើឡើង បន្ទាប់លោក ហ៊ុន សែន ប្រធានព្រឹទ្ធសភា​កម្ពុជា​​​មើលឃើញ​ថា ​កម្ពុជាកំពុងត្រូវការច្បាប់នេះ ​ដើម្បីការពារផលប្រយោជន៍ជាតិខ្មែរក្នុងពេលមានជម្លោះព្រំដែនជាមួយថៃ។ តែទង្វើនេះ ត្រូវបានជំទាស់ពីសំណាក់អ្នកនយោបាយ​ប្រឆាំង និង​អ្នកជំនាញច្បាប់​មួយចំនួន។ ​ https://www.facebook.com/photo?fbid=1200093968826396&set=a.492095336292933
បាយការណ៍​ស្ទង់​មតិ​មួយ​ បាន​រក​ឃើញ​ថា​ ៩១​ភាគរយនៃ​អ្នក​សារ​ព័ត៌មាន​ដែល​បាន​ចូល​រួម​ស្ទង់​មតិ​ បាន​ឆ្លើយ​ថា​ពួកគេ​ព្រួយ​បារម្ភ​អំពី​សុវត្ថិភាព​អាយុ​ជីវិត​ នៅពេល​បំពេញ​វិជ្ជាជីវៈ​ជា​អ្នក​សារ​ព័ត៌​មាន​ឯករាជ្យ​នៅកម្ពុជា​ ហើយ​៤៤​ភាគរយ​បាន​អះអាងថា ធ្លាប់​ជួប​បញ្ហា​សុវត្ថិភាព​ ក្នុង​ឆ្នាំ២០២៤​។​ ក្នុង​បទ​សម្ភាស​ជា​មួយ​វិទ្យុ​បារាំង​អន្តរ​ជាតិ​ RFI​ នៅ​ថ្ងៃទី​១​ខែ​កក្កដា​នេះ ​លោកស្រី ឆន សុគន្ធា នាយិកា​នៃ​មជ្ឈ​មណ្ឌល​កម្ពុជា ដើម្បី​ប្រព័ន្ធ​ផ្សព្វ​ផ្សាយ​ឯក​រាជ្យ​(CCIM)​ បាន​ថ្លែងថា​ ការ​ស្ទង់​មតិនេះ​ ដើម្បី​ចង់ដឹងថា ​តើ​អ្នកសារ​ព័ត៌​មាន​ដែល​រាយការណ៍​ពី​រឿង​រសើបៗ ​មាន​បញ្ហា​ប្រឈម​អ្វី​ខ្លះ ​ក្នុង​ន័យ​ឲ្យ​ភាគី​ពាក់​ព័ន្ធ​ជួយ​រក​ដំ​ណោះ​ស្រាយ​។ https://www.facebook.com/photo?fbid=1200094845492975&set=a.492095336292933