ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ក្រសួងស្ថាប័នរដ្ឋ និងក្រុមអង្គការសង្គមស៊ីវិលមួយចំនួនដែលស្និទ្ធនឹងរដ្ឋាភិបាល បានចេញញត្តិគាំទ្រ​​​​ការផ្តួចផ្តើមការធ្វើវិសោធនកម្មច្បាប់​​ដកសញ្ជាតិពលរដ្ឋខ្មែរ ដែលគប់គិតជាមួយបរទេសមកបំផ្លាញជាតិឯង។ ​​ការចេញញត្តិគាំទ្រច្បាប់​ដកសញ្ជាតិយ៉ាងព្រោងព្រាត​​នាពេលនេះធ្វើឡើង បន្ទាប់លោក ហ៊ុន សែន ប្រធានព្រឹទ្ធសភា​កម្ពុជា​​​មើលឃើញ​ថា ​កម្ពុជាកំពុងត្រូវការច្បាប់នេះ ​ដើម្បីការពារផលប្រយោជន៍ជាតិខ្មែរក្នុងពេលមានជម្លោះព្រំដែនជាមួយថៃ។ តែទង្វើនេះ ត្រូវបានជំទាស់ពីសំណាក់អ្នកនយោបាយ​ប្រឆាំង និង​អ្នកជំនាញច្បាប់​មួយចំនួន។ ​ https://www.facebook.com/photo?fbid=1200093968826396&set=a.492095336292933
បាយការណ៍​ស្ទង់​មតិ​មួយ​ បាន​រក​ឃើញ​ថា​ ៩១​ភាគរយនៃ​អ្នក​សារ​ព័ត៌មាន​ដែល​បាន​ចូល​រួម​ស្ទង់​មតិ​ បាន​ឆ្លើយ​ថា​ពួកគេ​ព្រួយ​បារម្ភ​អំពី​សុវត្ថិភាព​អាយុ​ជីវិត​ នៅពេល​បំពេញ​វិជ្ជាជីវៈ​ជា​អ្នក​សារ​ព័ត៌​មាន​ឯករាជ្យ​នៅកម្ពុជា​ ហើយ​៤៤​ភាគរយ​បាន​អះអាងថា ធ្លាប់​ជួប​បញ្ហា​សុវត្ថិភាព​ ក្នុង​ឆ្នាំ២០២៤​។​ ក្នុង​បទ​សម្ភាស​ជា​មួយ​វិទ្យុ​បារាំង​អន្តរ​ជាតិ​ RFI​ នៅ​ថ្ងៃទី​១​ខែ​កក្កដា​នេះ ​លោកស្រី ឆន សុគន្ធា នាយិកា​នៃ​មជ្ឈ​មណ្ឌល​កម្ពុជា ដើម្បី​ប្រព័ន្ធ​ផ្សព្វ​ផ្សាយ​ឯក​រាជ្យ​(CCIM)​ បាន​ថ្លែងថា​ ការ​ស្ទង់​មតិនេះ​ ដើម្បី​ចង់ដឹងថា ​តើ​អ្នកសារ​ព័ត៌​មាន​ដែល​រាយការណ៍​ពី​រឿង​រសើបៗ ​មាន​បញ្ហា​ប្រឈម​អ្វី​ខ្លះ ​ក្នុង​ន័យ​ឲ្យ​ភាគី​ពាក់​ព័ន្ធ​ជួយ​រក​ដំ​ណោះ​ស្រាយ​។ https://www.facebook.com/photo?fbid=1200094845492975&set=a.492095336292933
តុលាការធម្មនុញ្ញនៅថ្ងៃអង្គារ ទី១ ខែកក្កដា បានទទួលយកញត្តិដែលដាក់ដោយសមាជិកព្រឹទ្ធសភាប្រឆាំងនឹងនាយករដ្ឋមន្ត្រី។ លើសពីនេះ ចៅក្រមតុលាការធម្មនុញ្ញបានបោះឆ្នោត ៧សំឡេង ទល់នឹង២សំឡេង ដើម្បីព្យួរលោកស្រី Paetongtarn ពីតួនាទីជានាយករដ្ឋមន្ត្រី។ ឧបនាយក​រដ្ឋមន្ត្រី និងជារដ្ឋមន្ត្រីក្រសួងសាធារណការ លោក Suriya Juangroongruangkit នឹងបំពេញតួនាទី​ជា​នាយក​រដ្ឋមន្ត្រី​ស្តីទី។ https://www.facebook.com/photo?fbid=1200095695492890&set=a.492095336292933
អង្គការ​សិទ្ធិមនុស្ស​នៅ​ប្រទេស​កូរ៉េ ស៊ើបអង្កេតឃើញធនាគារអ៊ូរីប៊ែង និងធនាគារខេប៊ី ប្រាសាក់ ​ផ្តល់​ប្រាក់​ក​ម្ចី​បែប​កេងប្រវ័ញ្ចដល់ប្រជាពលរដ្ឋកម្ពុជា ដែលធ្វើឱ្យប៉ះពាល់​ដល់​ជីវភាព​ពលរដ្ឋ​ដែល​កំពុង​រស់នៅ​ក្នុង​ភាព​ក្រីក្រ​ ​និង​​សហគមន៍​ជនជាតិ​ដើម​ភាគតិច​​។​ តាមរយៈការរកឃើញនេះ អង្គការលីកាដូ ស្នើឱ្យអ្នកវិនិយោគធនាគារទាំងនោះ កែប្រែដំណើរការមិនប្រក្រតីដែលធ្វើឱ្យប៉ះពាល់ជីវភាពពលរដ្ឋជាអ្នកខ្ចីប្រាក់។ https://www.facebook.com/photo?fbid=1200708608764932&set=a.492095336292933
ប្រធាន​ព្រឹទ្ធសភា លោក ហ៊ុន សែន បញ្ជាក់​ប្រាប់​ទៅ​​លោក Nagashima Akihisa ទីប្រឹក្សាពិសេសនាយករដ្ឋមន្ត្រីជប៉ុន ថា កម្ពុជា​​មិន​ទាន់​ត្រូវ​ការ​ប្រទេស​ទី៣​សម្រាប់​ដោះស្រាយ​ជម្លោះ​ព្រំដែន​ជាមួយ​ថៃ​ទេ ដោយ​កម្ពុជា​ផ្ដោត​អាទិភាព​លើ​តុលាការ​អន្តរជាតិ​ ICJ ជាមុន​សិន។​ https://www.facebook.com/photo?fbid=1200710922098034&set=a.492095336292933
ទេសចរណ៍អន្តរជាតិទៅកាន់ប្រាសាទអង្គរវត្តបានធ្លាក់ចុះយ៉ាងខ្លាំងនៅក្នុងខែមិថុនា ឆ្នាំ ២០២៥ ជាមួយនឹងការធ្លាក់ចុះចំនួន ១៩ភាគរយនៃចំនួនភ្ញៀវទេសចរបរទេស និងប្រាក់ចំណូលធ្លាក់ចុះដល់ជិត១,៧លានដុល្លារ ពោលគឺថយចុះ ១៨,៧៧ភាគរយបើធៀបនឹងខែមិថុនាឆ្នាំមុន ដោយអ្នកជំនាញបានលើកឡើងពីបញ្ហាប្រឈមភូមិសាស្ត្រនយោបាយជាកត្តាចម្បងសម្រាប់ការធ្លាក់ចុះនេះ។ https://www.facebook.com/photo?fbid=1200712248764568&set=a.492095336292933
ការផ្លាស់ប្តូរពន្ធគយ គម្រាមកំហែងដល់វិស័យនាំចេញសំខាន់ៗ ខណៈដែលការចរចាជាមួយសហរដ្ឋអាម៉េរិកនៅតែមិនទាន់ដោះស្រាយចប់ជាស្ថាពរនៅឡើយនោះ ភាពមិនច្បាស់លាស់នេះបានបង្កើនសម្ពាធលើកម្មករ និងសហគ្រាស ក្នុងឧស្សាហកម្ម ក៏ដូចជាគម្រាមកំហែងដល់កំណើនសេដ្ឋកិច្ច ធ្វើឱ្យកំណើនមិនប្រាកដប្រជា ។ https://www.facebook.com/photo?fbid=1200713208764472&set=a.492095336292933
លោក ហ៊ុន ម៉ាណែត ព្រមានថា នឹងមានរឿងកើតឡើង បើថៃហ៊ានរារាំងមិនឱ្យពលរដ្ឋខ្មែរទៅទស្សនាប្រាសាទតាមាន់ធំឬតំបន់ជម្លោះ ដោយលោកប្រកាសថា ថៃមិនអាចឃាត់ពលរដ្ឋខ្មែរដែលមានបំណងចូលទៅទស្សនាប្រាសាទតាមាន់ធំឬតំបន់ដែលកំពុងមានជម្លោះនោះឡើយ ។ https://www.facebook.com/photo?fbid=1200714502097676&set=a.492095336292933
កែម ឡី ជាបណ្ឌិតដើរដី និងមនុស្សសាមញ្ញ
«កែម ឡី ជាបណ្ឌិតដើរដី និងមនុស្សសាមញ្ញ»
ដើម្បីជាការចូលរួមរម្លឹកវិញ្ញាណក្ខន្ធរបស់បណ្ឌិត កែម ឡី ដែលនឹងមកដល់ក្នុងថ្ងៃទី១០ ខែកក្កដា ឆ្នាំ២០២៥ ខាងមុខនេះ ខុមហ្រ្វែលសូមដកស្រង់វីដេអូមួយចំនួនពីស្ថាប័នពាក់ព័ន្ធយកមកផ្សព្វផ្សាយឡើងវិញ។
ប្រភព ៖ The Cambodia Daily Khmer
#វីដេអូខ្លី #កែមឡី #KemLey https://www.facebook.com/comfrel.org/videos/2762027213987281
មួយ​ឆ្នាំ​បន្ទាប់​ពី​សកម្មជន​អង្គការ​មាតា​ធម្មជាតិ​កម្ពុជាប្រាំ​នាក់​ត្រូវ​បាន​ចាប់​ដាក់​ពន្ធនាគារ ក្រុមសង្គម​ស៊ីវិល និង​ក្រុម​គ្រួសារ ​អំពាវនាវ​ឱ្យដោះលែង​ពួកគេ​ជា​បន្ទាន់។ ដើម្បីប្រារព្ធខួបនៃការឃុំខ្លួនរបស់ពួកគេ ក្រុមសិទ្ធិមនុស្សបានចាប់ផ្តើមយុទ្ធនាការរយៈពេលប្រាំថ្ងៃដើម្បីទាមទារយុត្តិធម៌ ដោយបង្ហាញថាតើការបន្តឃុំខ្លួនរបស់ពួកគេប៉ះពាល់ដល់កិច្ចខិតខំប្រឹងប្រែងការពារបរិស្ថាននិងក្រុមគ្រួសាររបស់សកម្មជនរបៀបណា។ https://www.facebook.com/photo?fbid=1200792015423258&set=a.492095336292933
សហគមន៍កសិកម្មចំនួន ១៤ ក្នុងខេត្តព្រះវិហារកាលពីថ្ងៃទី២៦និងទី២៧ ខែមិថុនា ឆ្នាំ២០២៥ បានទទួលម៉ាស៊ីនកែច្នៃគ្រាប់ស្វាយចន្ទីពាក់កណ្តាលសម្រេចសរុបចំនួន ៤៤គ្រឿង ដែលជាជំនួយគាំទ្រពីកម្មវិធីអភិវឌ្ឍន៍សហប្រជាជាតិ (UNDP)។ អនុប្រធានការិយាល័យអភិវឌ្ឍសហគមន៍កសិកម្មនៃមន្ទីរកសិកម្មខេត្តព្រះវិហារបង្ហាញការសាទរដោយរំពឹងថា ម៉ាស៊ីនបកគ្រាប់នេះនឹងក្លាយជាចលករមួយជួយជំរុញល្បឿននៃការផលិតគ្រាប់ស្វាយចន្ទីពាក់កណ្តាលសម្រេចរបស់ប្រជាសហគមន៍បានកាន់តែលឿននិងច្រើនជាងមុន ដែលប្រការនេះអាចហុចឱកាសឱ្យកសិករចាប់យកទីផ្សារលក់កាន់តែសម្បូរបែប ក្រៅតែពីការលក់គ្រាប់ឆៅសុទ្ធទៅឈ្មួញ។ https://www.facebook.com/photo?fbid=1200805062088620&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី០២ ខែកក្ដដា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖ ការឃ្លាំមើល និងវាយតម្លៃស្ថានភាពសង្គម
វាគ្មិនកិត្តិយស៖
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
- លោក សេក សុជាតិ អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ
សម្របសម្រួលដោយ៖ អ្នកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ https://www.facebook.com/share/v/16zmbfNEth/?mibextid=wwXIfr
សេចក្តីថ្លែងការណ៍រួម៖
សេចក្តីថ្លែងការណ៍រួម៖
មួយឆ្នាំក្រោយ ៖ ការផ្តន្ទាទោសលើសកម្មជនចលនាមាតាធម្មជាតិ គឺនៅតែជារឿងគួរឱ្យអាម៉ាស់
ចេញផ្សាយថ្ងៃទី០២ ខែកក្កដា ឆ្នាំ២០២៥ https://www.facebook.com/comfrel.org/videos/1282453490222153
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី០៣ ខែកក្ដដា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖ ការឃ្លាំមើល និងវាយតម្លៃស្ថានភាពសង្គម
វាគ្មិនកិត្តិយស៖
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
- លោក សេក សុជាតិ អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ
សម្របសម្រួលដោយ៖ អ្នកស្រី យ៉ឹង នីម https://www.facebook.com/comfrel.org/videos/725977203415418
ក្រុមប្រឹក្សាធម្មនុញ្ញកម្ពុជា នៅថ្ងៃទី ២ ខែកក្កដា នេះ បានទូលថ្វាយព្រះមហាក្សត្រ ព្រះបាទ សម្តេចនរោត្តមសីហមុនី ថា វិសោធនកម្មរដ្ឋធម្មនុញ្ញត្រង់មាត្រា៣៣ អាចធ្វើទៅបាន។ ការទូលថ្វាយព្រះមហាក្សត្រដោយក្រុមប្រឹក្សាធម្មនុញ្ញកម្ពុជាយ៉ាងដូចនេះ កើតមានឡើង តែប៉ុន្មានថ្ងៃក្រោយអតីតនាយករដ្ឋមន្ត្រីកម្ពុជា លោក ហ៊ុន សែន ផ្តួចផ្តើមគំនិតឲ្យមានវិសោធនកម្មរដ្ឋធម្មនុញ្ញ ដើម្បីដកសញ្ជាតិខ្មែរពីពលរដ្ឋខ្មែរណាម្នាក់ដែលគប់គិតជាមួយបរទេសមកបំផ្លាញខ្មែរ។ https://www.facebook.com/photo?fbid=1201446248691168&set=a.492095336292933
ទំនៀមទម្លាប់​ប្រពៃណី​នៃកា​រ​រៀប​អាពាហ៍​ពិពាហ៍​របស់​ជន​ជាតិ​ដើម​ភាគ​តិចព្នង (ពូនង) នៅក្នុង​​​ភូមិ​ប្អៀរ ឃុំថ្មី​ ស្រុកចិត្របុរី ​​ខេត្តក្រចេះ ដែលជាខេត្តមួយ​នៅ​ភូមិភាគ​ឦសានប្រទេស​កម្ពុជា កាន់​តែមាន​​ការ​វិវត្តន៍​​ពី​មួយ​​សម័យ​​កាល​ ទៅ​មួយ​​សម័យកាល ស្របពេល​ដែល​វប្បធម៌ប្រពៃណីបែប​​​សម័យ​​​ទំនើប ​​បាន​ជ្រាប​ចូលកាន់តែខ្លាំង​​​​ដល់​​សហគមន៍ នាពេល​បច្ចុប្បន្ន​នេះ។ https://www.facebook.com/photo?fbid=1201463902022736&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃសុក្រ ថ្ងៃទី០៤ ខែកក្កដា ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ តើប្រជាធិបតេយ្យជួយ ឬរាំងសិទ្ធិ LGBT+?
វាគ្មិនកិត្តិយស៖
-លោក គល់ បញ្ញា ទីប្រឹក្សាអង្គការខុមហ្រ្វែល
-លោក សេង សុវឌ្ឍនា នាយកប្រតិបត្តិនៃមជ្ឈមណ្ឌលសិទ្ធិមនុស្សកម្ពុជា
សម្របសម្រួលដោយ៖ លោក ស៊ិន ទិត្យសីហា
==========================
កម្មវិធីសូមស្វាគមន៍ដោយរីករាយ​ https://www.facebook.com/share/v/1EszUkn1kb/?mibextid=wwXIfr
សាលា​ដំបូង​រាជធានី​ភ្នំពេញ​ នៅ​ថ្ងៃ​ទី៤ ខែកក្កដា ​បាន​បដិសេធ​មិន​ឱ្យ​សកម្មជន​ចំនួន​ប្រាំបី​នាក់ ​រួម​ទាំង​លោក ស្រ៊ុន ស្រ៊ន អ្នកនិយាយបន្តពីកិច្ច​ព្រមព្រៀង​សន្តិភាព​ទីក្រុង​ប៉ារីស នៅ​ក្រៅ​ឃុំ ​​ពាក់ព័ន្ធនឹង​បទ​ញុះញង់​បណ្តាលឱ្យប៉ះពាល់​ដល់​សណ្តាប់​ធ្នាប់​សន្តិសុខ​សង្គម។ https://web.facebook.com/photo/?fbid=1202546465247813&set=a.492095336292933
អង្គការការពារសិទ្ធិមនុស្សលីកាដូ បាន​ទទូចឱ្យតុលាការដោះលែងលោក កើត សារ៉ាយ សកម្មជនការពារសិទ្ធិមនុស្ស និង​សកម្មជន​ដទៃ​ទៀត​ដោយ​ឥតលក្ខខណ្ឌ។ សំណើរ​សុំ​ដោះ​លែង​របស់​អង្គការការពារសិទ្ធិមនុស្សលីកាដូធ្វើឡើង​ក្រោយ​សាលា​ឧទ្ធរណ៍​ភ្នំពេញ​បានបដិសេធសំណើរសុំដោះលែងលោក កើត សារ៉ាយ កាលពី​ថ្ងៃ​ទី៣ កក្ក​ដា​ ឆ្នាំ២០២៥។​ https://web.facebook.com/photo?fbid=1202544941914632&set=a.492095336292933
កាលពីថ្ងៃទី៣ ខែកក្កដា លោក ហ៊ុន សែន ប្រធានព្រឹទ្ធសភាកម្ពុជាបានណែនាំឱ្យលោក ហ៊ុន ម៉ាណែត នាយករដ្ឋមន្ត្រីកម្ពុជា កុំបន្តទិញទំនិញជាយុទ្ធសាស្ត្រដូចជា អគ្គិសនី អ៊ីនធឺនែត ប្រេងឥន្ទនៈ និងឧស្ម័ន ពីថៃជាដាច់ខាត ទោះបីចរចាគ្នាត្រូវរ៉ូវក៏ដោយ។ អ្នកជំនាញកិច្ចការអន្តរជាតិមើលឃើញពីជំហរដ៏រឹងមាំ និងភាពជាម្ចាស់ការរបស់កម្ពុជាក្នុងការឆ្លើយតបទៅនឹងសកម្មភាពគំរាមកំហែងពីបរទេស។ តែអ្នកជំនាញព្រួយបារម្ភថា កម្ពុជាអាចរងផលប៉ះពាល់មួយផ្នែក បើមិនខំស្វះស្វែងរកទីផ្សារដទៃទៀតមកជំនួសទំនិញថៃ ឬមិនព្យាយាមប្រឹងប្រែងផលិតទំនិញទាំងនេះដោយខ្លួនឯង។ https://web.facebook.com/photo?fbid=1202542748581518&set=a.492095336292933