ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ប្រាក់បៀវត្សជាង១០,៧លានដុល្លារសហរដ្ឋអាមេរិក ត្រូវបានរកឃើញបើកលើស ជូនមន្រ្តីរាជការនៅថ្នាក់ជាតិ និងថ្នាក់ក្រោមជាតិ នៅចន្លោះឆ្នាំ២០២២ និង២០២៤កន្លងមក ដែលក្នុងនោះ ប្រាក់បៀវត្ស ជាង៩លានដុល្លារត្រូវបានបង្វែរចូលថវិកាជាតិវិញ។https://www.facebook.com/photo?fbid=1205804101588716&set=a.492095336292933
ក្រសួងបរិស្ថាន បានបញ្ជាឱ្យក្រុមហ៊ុន និងកសិដ្ឋានយ៉ាងហោចណាស់ចំនួន៥ក្នុងខេត្តចំនួន៣ ត្រូវ​បញ្ឈប់ការបញ្ចេញកាកសំណល់រាវជាបន្ទាន់ ដែលបង្កការបំពុលប្រភពទឹកសាធារណៈ ដើម្បីចៀសវាងវិធានការច្បាប់ជាធរមាន។
https://www.facebook.com/photo?fbid=1205804914921968&set=a.492095336292933
ពន្ធអាមេរិកលើទំនិញនាំចេញរបស់កម្ពុជា ត្រូវបានកែប្រែពី ៤៩ភាគរយមកនៅ ៣៦ភាគរយ។ នេះបើតាមលិខិតដែលប្រធានាធិបតីអាមេរិកផ្ញើរមកភាគីកម្ពុជា។ ក្នុងលិខិតនោះ លោក ដូណាល់ ត្រាំ អះអាងថា ការទម្លាក់អត្រាពន្ធថ្មីមកនៅកម្រិតនេះ គឺជាចំនួនតិចតួចនៅឡើយ បើចង់លុបបំបាត់ឱនភាពពាណិជ្ជកម្មជាមួយកម្ពុជា។ សហរដ្ឋអាមេរិកនៅតែបើកចំហសម្រាប់ការចរចារហូតដល់កាលបរិច្ឆេទអនុវត្តថ្ងៃទី១ខែសីហា។ https://www.facebook.com/photo?fbid=1205806511588475&set=a.492095336292933
សមាគមន៍រោងចក្រ អង្គការក្រៅរដ្ឋាភិបាល និងអ្នកសេដ្ឋកិច្ចបានប្រតិកម្មផ្សេងៗគ្នាពីការសម្រេចរបស់សហរដ្ឋអាមេរិកយកពន្ធនាំចូលទំនិញពីកម្ពុជា៣៦ភាគរយ។ក្រុមអ្នករកស៊ីផ្នែកផលិតទំនិញទៅកាន់សហរដ្ឋអាមេរិក បារម្ភថា រោងចក្រនៅកម្ពុជាមួយចំនួនអាចប្រឈមនឹងបញ្ហា បើសិនជាមិនមានដំណោះស្រាយប្រសើរទេនោះ។
លោក ខេន លូ អគ្គលេខាធិការនៃសមាគមរោងចក្រកាត់ដេរនៅកម្ពុជាបានប្រាប់ប្រជាកាសែតថារោងចក្រមួយចំនួននៅប្រទេសកម្ពុជាអាចនឹងប្រឈមនឹងបញ្ហា នៅពេលដែលកម្ពុជាមានអត្រាពន្ធនាំចូលអាមេរិកខ្ពស់ជាងដៃគូប្រកួតក្នុងទីផ្សារ។ https://www.facebook.com/photo?fbid=1205808411588285&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃអង្គារ ថ្ងៃទី០៨ ខែកក្កដា ឆ្នាំ២០២៥
កម្មវិធី «សំឡេងម្ចាស់ឆ្នោត»
==========================
ប្រធានបទ៖ «វីរភាព និងស្នាដៃបណ្ឌិត កែម ឡី»
វាគ្មិនកិត្តិយស៖
- លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA)
- ព្រះតេជគុណ អួន គង់ ទីប្រឹក្សាបណ្ដាញយុវជនសង្គមស៊ីវិលស្ម័គ្រចិត្ត
សម្របសម្រួលដោយ៖ អ្នកស្រី យ៉ឹង នីម https://www.facebook.com/comfrel.org/videos/1813948566198306
«ប្រសាសន៍បណ្ឌិត កែម ទ្បី ៖ បញ្ហាកើតឡើងដោយសារសម្តីថ្នាក់ដឹកនាំ»
ដើម្បីជាការចូលរួមរម្លឹកវិញ្ញាណក្ខន្ធរបស់បណ្ឌិត កែម ឡី ដែលមកដល់ក្នុងថ្ងៃទី១០ ខែកក្កដា ឆ្នាំ២០២៥នេះ ខុមហ្រ្វែលសូមដកស្រង់វីដេអូមួយចំនួនពីស្ថាប័នពាក់ព័ន្ធយកមកផ្សព្វផ្សាយឡើងវិញ។
ប្រភព WMC
#វីដេអូខ្លី #កែមឡី #KemLey https://www.facebook.com/comfrel.org/videos/1082980833771192
បណ្តាផ្សារទំនើបនានានៅក្នុងរាជធានីភ្នំពេញ និងក្រុងតាខ្មៅ បានចាប់ផ្តើមដាក់លក់បន្លែ-ផ្លែឈើខ្មែរ ក្នុងតម្លៃសមរម្យ ដើម្បីឆ្លើយតបទៅនឹងតម្រូវការរបស់ពលរដ្ឋជាប្រចាំថ្ងៃ។ ការចាប់ផ្តើមលក់បន្ថែ ផ្លែឈើ ដែលផ្សារទំនើបទាំងនេះបានប្រមូលទិញពីកសិករខ្មែរ បានកើតឡើងអំឡុងពេលដែលកម្ពុជាបានបិទការនាំចូលបន្លែ-ផ្លែឈើពីថៃ ដោយសារជម្លោះព្រំដែន។ ពលរដ្ឋជាអ្នកប្រើប្រាស់យល់ថា នេះជាឱកាសល្អសម្រាប់កសិករខ្មែរក្នុងការបង្កើនការដាំដុះ និងបង្កើនគុណភាពកសិផលរបស់ខ្លួន ដើម្បីផ្គត់ផ្គង់ដល់បណ្តាផ្សារទំនើបនានា។ https://www.facebook.com/photo/?fbid=1205857234916736&set=a.492095336292933
អគ្គនាយកដ្ឋានសុខភាពសត្វ និងផលិតកម្មសត្វនៃក្រសួងកសិកម្មបានបង្ក្រាបការនាំចូលសាច់បង្កកខូចគុណភាពពីវៀតណាមប្រមាណជាង១០តោន ត្រឹមរយៈពេល ២ថ្ងៃ។ បើតាមអគ្គនាយកដ្ឋានសុខភាពសត្វ និងផលិតកម្មសត្វ សាច់ទាំង១០តោន បានដឹកចូលមកតាមច្រករបៀងចំនួន២ គឺខេត្តកណ្តាល និងខេត្តកំពង់ចាម ដើម្បីយកមកចែកចាយក្នុងទីក្រុងភ្នំពេញ។ ជាមួយគ្នានេះសមាគមអ្នកចិញ្ចឹមសត្វនៅកម្ពុជាបានទទូចឱ្យមន្ត្រីតាមព្រំដែនពិនិត្យការនាំចូលស្បៀង និងសាច់សត្វឲ្យបានម៉ត់ចត់ ដើម្បីរក្សាសុវត្ថិភាពស្បៀងនៅកម្ពុជា។ https://www.facebook.com/photo/?fbid=1205861708249622&set=a.492095336292933
ក្រសួងការបរទេសកម្ពុជានៅរសៀលថ្ងៃចន្ទ ទី៧ ខែកក្កដា ឆ្នាំ២០២៥នេះ បានចេញមកបញ្ជាក់ជាថ្មីម្តងទៀត​ចំពោះការបេ្តជ្ញាចិត្តឥតងាករេ ក្នុងការដោះស្រាយជម្លោះព្រំដែនជាមួយភាគីថៃដោយសន្តិវិធីស្របតាមច្បាប់អន្តរជាតិ ក្នុងនោះរួមមានធម្មនុញ្ញអង្គការសហប្រជាជាតិ ធម្មនុញ្ញអាស៊ាន និងអនុស្សរណៈយោគយល់គ្នាឆ្នាំ២០០០។ ការបញ្ជាក់ជាថ្មីរបស់ក្រសួងការបរទេសកម្ពុជាយ៉ាងដូចនេះ គឺបន្ទាប់ពីក្រសួងការបរទេសថៃបានចោទកម្ពុជាថាក្បត់ការសន្យារបស់ខ្លួនក្នុងការដោះស្រាយបញ្ហាព្រំដែនតាមរយៈគណៈកម្មាធិការព្រំដែនចម្រុះ JBC ដែលបានចុះក្នុងអនុស្សរណៈយោគយល់គ្នា(MoU)ឆ្នាំ២០០០។ https://www.facebook.com/photo/?fbid=1205863428249450&set=a.492095336292933
តុលាការថៃទើបចេញដីកាចាប់ខ្លួនអ្នក​ឧកញ៉ា កុក អាន សមាជិកព្រឹទ្ធសភាកម្ពុជាក្រោម​បទចោទ «ប្រព្រឹត្តិ​​​​ឧក្រិដ្ឋកម្មអនឡាញ»។ នេះបើតាមការចេញផ្សាយរបស់​កាសែត​ក្នុងស្រុក​ថៃនៅថ្ងៃទី​៨​ ខែ​កក្កដា ឆ្នាំ​២០២៥។ តាមដីកាតុលាការ​ដែលចុះផ្សាយ​ដោយកាសែត​ថៃ ​​ឧកញ៉ា កុក អាន ត្រូវបានរកឃើញថាមានជាប់ពាក់ព័ន្ធនឹង​​ក្រុមបណ្តាញ​ឧក្រិដ្ឋកម្មឆ្លងដែន និងឧក្រិដ្ឋកម្ម​លាងលុយកខ្វក់​។ តែមន្ត្រីកម្ពុជាចាត់ទុកថាករណីនេះ គ្រាន់តែជាល្បិចព្រួស​ឈាមរបស់ថៃដាក់កម្ពុជាប៉ុណ្ណោះ។ https://www.facebook.com/photo/?fbid=1205935121575614&set=a.492095336292933
ជួបគ្នាល្ងាចនេះ ជាមួយកម្មវិធី «សភា រដ្ឋាភិបាល និងអភិបាលកិច្ច»
នៃការផ្សាយសំឡេងសង្គមស៊ីវិល (VoC) សហការជាមួយអង្គការសម្ព័នភាពដៃគូដើម្បីការអភិវឌ្ឍតាមបែបប្រជាធិបតេយ្យ CPDD

ប្រធានបទ ៖ ការចូលរួមចំណែករបស់អង្គការសង្គមស៊ីវិលក្នុងការជម្រុញការផ្តស់សេវាអត្រានុកូលដ្នាននៅរដ្ឋបាលថ្នាក់ក្រោមជាតិ
កាលបរិច្ឆេទ ៖ ថ្ងៃទី ០៩ ខែកក្កដា ឆ្នាំ២០២៥ (៤:០០ ដល់ ៥:០០ ល្ងាច)

លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល។ https://www.facebook.com/photo/?fbid=1206743441494782&set=a.492095336292933
សមាគមមីក្រូហិរញ្ញវត្ថុកម្ពុជា (CMA) បានបញ្ជាក់នៅក្នុងសេចក្តីប្រកាសព័ត៌មានមួយថា​ សមាគមនៅមានការតាំងចិត្តរយៈពេលវែង ក្នុងការការពារអតិថិជននៅទូទាំងប្រទេស តាមរយៈការពង្រឹងប្រព័ន្ធនានារបស់​ខ្លួន ដូចជាការធ្វើឲ្យមានតម្លាភាព និងការគោរពអតិថិជនទាំងអស់។ ការអះអាងរបស់សមាគមយ៉ាងដូចនេះ កើតឡើង ក្រោយមានការចេញផ្សាយរបាយការណ៍ស្រាវជ្រាវមួយដែលបានវាយតម្លៃថា មានការផ្តល់ប្រាក់​ក​ម្ចី​បែប​កេងប្រវ័ញ្ច​​ដោយអតីតគ្រឹះស្ថានមីក្រូហិរញ្ញវត្ថុចំនួន២នៅកម្ពុជា។ ការណ៍នេះ​បង្កឲ្យមានការ​រំលោភ​សិទ្ធិមនុស្ស​យ៉ាង​ធ្ងន់ធ្ងរ​ ​និង​ប៉ះពាល់​ដល់​ជីវភាព​របស់​ពលរដ្ឋ​ដែល​កំពុង​រស់នៅ​ក្នុង​ភាព​ក្រីក្រ។ https://www.facebook.com/photo?fbid=1206740684828391&set=a.492095336292933
ប្រាក់បៀវត្សសរុបចំនួនជាង ១០លានដុល្លារ ត្រូវបានបើកលើសជូនដល់មន្ត្រីរាជការក្នុងរយៈពេល ៣ឆ្នាំ ពោលចាប់តាំងពីឆ្នាំ២០២២ ដល់ឆ្នាំ២០២៤។ នេះបើតាមរបាយការណ៍របស់អង្គភាពប្រឆាំងអំពើពុករលួយ (ACU) ដែលបានចេញផ្សាយនៅថ្ងៃទី៧ ខែកក្កដា ឆ្នាំ២០២៥។ ទឹកប្រាក់ជាង ៩លានដុល្លារ ក្នុងចំនួន ១០លានដុល្លារនេះ ត្រូវ ACU បញ្ជាក់ថាបានផ្ទេរចូលថវិកាជាតិវិញ ខណៈប្រាក់ជាង ១លានដុល្លារផ្សេងទៀតមិនទាន់បានបង្វែរចូលរដ្ឋវិញនៅឡើយ។ https://www.facebook.com/photo?fbid=1206739004828559&set=a.492095336292933
ប្រទេស​កម្ពុជាកំពុង​ជិតសម្រេចបាននូវគោលដៅ​ផ្តល់​អគ្គិសនី​ដល់ប្រជាពលរដ្ឋក្នុង​គ្រប់​ភូមិ​ទូទាំង​ប្រទេស។ របាយការណ៍ឆ្នាំ២០២៤ បង្ហាញថា ៩៩,១៥ភាគរយនៃភូមិនៅកម្ពុជា ឥឡូវនេះមានភ្លើងប្រើប្រាស់រួចហើយ ប៉ុន្តែទីតាំងប្រឈមចំនួន ១២០ភូមិទៀត រួមទាំងភូមិបណ្តែតទឹក និងភូមិដែលគ្មានផ្លូវទៅដល់ កំពុងរង់ចាំការភ្ជាប់បណ្តាញអគ្គិសនី។ https://www.facebook.com/photo?fbid=1206745311494595&set=a.492095336292933
តំណាងពលរដ្ឋពីរសហគមន៍ដែលរស់នៅតាមបណ្តោយផ្លូវរថភ្លើង ក្នុងខណ្ឌទួលគោក ពោធ៍សែនជ័យ និងសែនសុខ និងខណ្ឌដង្កោ នៅថ្ងៃទី៨ ខែកក្កដា បាននាំគ្នាទៅតាមដានលិខិតសាជាថ្មី បន្ទាប់ពីសាលាក្រុងមិនបានផ្តល់ដំណឹងជូនពួកគាត់តាមការសន្យាក្នុងរយៈពេលពីរ​សប្តាហ៍ ក្រោយពីពួកគាត់បានទៅតាមដានម្តងរួចហើយកាលពីខែមុន។ https://www.facebook.com/photo?fbid=1206747778161015&set=a.492095336292933
ក្រុមអង្គការសង្គមស៊ីវិលបានប្រកាសរៀបចំពិធីរម្លឹកខួបឃាតកម្មលើអ្នកវិភាគនយោបាយ លោកបណ្ឌិត កែម ឡី នៅថ្ងៃទី១០ ខែកក្កដា ឆ្នាំ២០២៥។​ នេះជាខួបលើកទី៩ឆ្នាំ ​នៃមរណភាព លោក កែម ឡី ដែលត្រូវបានខ្មាន់កាំភ្លើងបាញ់សម្លាប់ ខណៈពេលដែលលោកកំពុងពិសាកាហ្វេ នៅស្តាម៉ាតស្ថានីយប្រេងឥន្ធនៈកាល់តិច (Caltex) ស្តុបបូកគោ ក្នុងរាជធានីភ្នំពេញ កាលពីថ្ងៃទី ១០ ខែកក្កដា ឆ្នាំ ២០១៦។ https://www.facebook.com/photo/?fbid=1206763774826082&set=a.492095336292933
លោក ស៊ុន ចាន់ថុល អនុប្រធានទី១នៃក្រុមប្រឹក្សាអភិវឌ្ឍន៍កម្ពុជាបានអំពាវនាវដល់ម្ចាស់រោងចក្រ និងអ្នកវិនិយោគនៅក្នុងប្រទេសកម្ពុជាឱ្យរក្សាភាពនឹងនរ និងជឿទុកចិត្ដលើរដ្ឋាភិបាលកម្ពុជាក្នុងការដោះស្រាយ​​បញ្ហាធុរកិច្ច និងវិនិយោគ។ ក្នុងបរិបទថ្មីដែល​អាមេរិកដាក់អត្រា​ពន្ធគយលើ​ទំនិញនាំចេញពីកម្ពុជា ៣៦% ​លោក ស៊ុន ចាន់ថុល បានអះអាងថា រដ្ឋាភិបាលកម្ពុជា​មានយុទ្ធសាស្ត្រ​រឹងមាំ ដើម្បីធានាថា​ការវិនិយោគនៅកម្ពុជានឹងមិនរងផលប៉ះពាល់។ ​ https://www.facebook.com/photo/?fbid=1206767121492414&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី០៩ ខែកក្កដា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
សហការជាមួយអង្គការសម្ព័នភាពដៃគូដើម្បីការអភិវឌ្ឍតាមបែបប្រជាធិបតេយ្យ CPDD
==========================
ប្រធានបទ៖ ការចូលរួមចំណែករបស់អង្គការសង្គមស៊ីវិលក្នុងការជម្រុញការផ្តស់សេវាអត្រានុកូលដ្នាននៅរដ្ឋបាលថ្នាក់ក្រោមជាតិ
វាគ្មិនកិត្តិយស៖
- លោក សាវុន សុភារិទ្ធិ ប្រធានគម្រោងគណនេយ្យភាពសង្គម នៃអង្គការអ្នកអភិវឌ្ឍន៍សហគមន៍ (NAS)
- លោក ពុធ កុលកា មន្ត្រីកម្មវិធីជាន់ខ្ពស់ នៃសម្ព័ន្ធភាពជាដៃគូរដើម្បីការអភិវឌ្ឍតាមបែបប្រជាធិបតេយ្យ (CPDD)
សម្របសម្រួលដោយ៖ លោកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ​ https://www.facebook.com/share/v/16xbQfaATP/?mibextid=wwXIfr
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី១០ ខែកក្កដា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
សហការជាមួយអង្គការសម្ព័នភាពដៃគូដើម្បីការអភិវឌ្ឍតាមបែបប្រជាធិបតេយ្យ CPDD
==========================
ប្រធានបទ៖ ការចូលរួមចំណែករបស់អង្គការសង្គមស៊ីវិលក្នុងការជម្រុញការផ្តស់សេវាអត្រានុកូលដ្នាននៅរដ្ឋបាលថ្នាក់ក្រោមជាតិ
វាគ្មិនកិត្តិយស៖
- លោក សាវុន សុភារិទ្ធិ ប្រធានគម្រោងគណនេយ្យភាពសង្គម នៃអង្គការអ្នកអភិវឌ្ឍន៍សហគមន៍ (NAS)
- លោក ពុធ កុលកា មន្ត្រីកម្មវិធីជាន់ខ្ពស់ នៃសម្ព័ន្ធភាពជាដៃគូរដើម្បីការអភិវឌ្ឍតាមបែបប្រជាធិបតេយ្យ (CPDD)
សម្របសម្រួលដោយ៖ លោកស្រី យ៉ឹង នីម https://www.facebook.com/comfrel.org/videos/621218717664342