ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ជនជាតិ​ថៃចំនួន​ ២៤​នាក់ (ស្រី​១១នាក់) និង​បរទេស​ចំនួន​ ៣៦នាក់ រួម​មាន​ចិន ៣១នាក់ (ស្រី២នាក់) មីយ៉ាន់ម៉ា១នាក់ និង​ឥណ្ឌូនេស៊ី៤នាក់ ត្រូវបាន​ឃាត់​ខ្លួន នៅក្រុងប៉ោយប៉ែត ខេត្ត​បន្ទាយមានជ័យ បន្ទាប់ពី​កម្លាំងគណៈបញ្ជាការឯកភាព​ខេត្តបន្ទាយមានជ័យ បាន​ចុះត្រួតពិនិត្យ និងរក​ឃើញថា ពួកគេ​មាន​​ពាក់ព័ន្ធនឹងបទល្មើស Online Scamsនោះ។​ https://www.facebook.com/photo/?fbid=1505836794918777&set=a.492095336292933
ស្ត្រីអ្នកសារព័ត៌មាននៅ​កម្ពុជា ​នៅតែងាយ​ប្រឈមហានិភ័យ​រឿងយេនឌ័រ ក្រៅពី​បញ្ហាប្រឈមទូទៅក្នុង​អាជីពរបស់ពួកគេ ទោះបីជាតួលេខស្រ្តី​ដែល​ធ្វើការក្នុង​វិស័យ​សារព័ត៌មាន​ មាន​ការ​កើនឡើង​​ក៏ដោយ។ នេះ​បើតាម​ការ​ចេញ​របាយការណ៍​ស្តីពី បញ្ហាប្រឈម​នៃ​ប្រព័ន្ធ​ផ្សព្វផ្សាយ​ឯករាជ្យឆ្នាំ​២០២៥ របស់​​មជ្ឈមណ្ឌលកម្ពុជាដើម្បី​ប្រព័ន្ធ​ផ្សព្វផ្សាយឯករាជ្យ ហៅកាត់ថា CCIM កាលពី​ពេលថ្មីៗ​នេះ។ https://www.facebook.com/photo/?fbid=1505869104915546&set=a.492095336292933
តុលាការកំពូលបានសម្រេចតម្កល់ការផ្តន្ទាទោសលោក រ៉ុង ឈុន មេដឹកនាំសកម្មជនការងារ និងជាបក្សប្រឆាំង កាលពីឆ្នាំ២០២៥ ដោយបន្ថែមការហាមប្រាមមិនឱ្យធ្វើដំណើរទៅក្រៅប្រទេស និងដកហូតសិទ្ធិធ្វើនយោបាយរយៈពេល ៥ឆ្នាំ ប៉ុន្តែបន្ធូរបន្ថយទោសពី ៤ឆ្នាំមកត្រឹម ៣ឆ្នាំក្រោមការត្រួតពិនិត្យតាមផ្លូវតុលាការ។ https://www.facebook.com/photo/?fbid=1505914134911043&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃអាទិត្យ ទី២១ ខែមិថុនា ឆ្នាំ២០២៦
កម្មវិធី «សំឡេងម្ចាស់ឆ្នោត»
==========================
ប្រធានបទ៖ ការបង្កើតកន្លែងការងារដែលមានសុវត្ថិភាព៖ ការប្រែក្លាយអនុសញ្ញាអន្តរជាតិលេខ១៩០ ទៅជាការពិតមួយ
វាគ្មិនកិត្តិយស៖
1. អ្នកស្រី យ៉ាង សុភ័ណ្ឌ ប្រធានសហព័ន្ធសហជីពកម្ពុជា
2. អ្នកស្រី វុន សម្ផស្ស ប្រធានកម្មវិធីនៃសហព័ន្ធសហជីពឯករាជ្យ
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ ​https://www.facebook.com/share/v/1CjMFSTpeE/?mibextid=wwXIfr
ឯកអគ្គរដ្ឋទូតសហភាពអឺរ៉ុបប្រចាំកម្ពុជារូបនេះបានអះអាងថា សហភាពអឺរ៉ុបនឹងបន្តតស៊ូមតិចំពោះលំហ និងសេរីភាពនយោបាយនៅកម្ពុជា ពិសេសក្នុងពេលបោះឆ្នោតឃុំសង្កាត់ឆ្នាំ២០២៧ និងការបោះឆ្នោតថ្នាក់ជាតិឆ្នាំ២០២៨។ សហភាពអឺរ៉ុបស្វាគមន៍ចំពោះការវិវត្តដ៏វិជ្ជមានមួយនេះ និងបន្តចង់ឃើញលោក កឹម សុខាអាចមានសិទិ្ធសេរីភាពពេញលេញឡើងវិញ ទាំងសិទ្ធិនយោបាយ និងសិទ្ធិពលរដ្ឋ។ https://www.facebook.com/photo/?fbid=1508445934657863&set=a.492095336292933
យោង​តាម​ការចងក្រងអត្ថបទរបស់​អង្គការលីកាដូ​ បង្ហាញ​ថា ពលរដ្ឋ​ស្រីប្រុស អ្នកសារព័ត៌មាន អ្នកនយោបាយ សកម្មជន រួមទាំង​អ្នកដែល​សកម្ម​ក្នុង​ការ​បញ្ចេញមតិ​តាម​បណ្តាញសង្គមជាដើម ​ជាង១០០នាក់​ជា​បន្តបន្ទាប់ ត្រូវ​បាន​ចាប់​ខ្លួន ឃុំខ្លួន និង​ផ្តន្ទាទោសតាម​ផ្លូវ​ច្បាប់ ដោយសារតែ​ការបញ្ចេញ​មតិរបស់​ពួកគេ​ជុំវិញ​បញ្ហា​ព្រំដែន​កម្ពុជា-ថៃ បញ្ហាបរិស្ថាន និងសង្គម។ https://www.facebook.com/photo/?fbid=1508487754653681&set=a.492095336292933
ក្រសួងការបរទេសកម្ពុជា តវ៉ាជំទាស់ចំពោះសកម្មភាពរបស់យោធាថៃ ដែលរំលោភលើអធិបតេយ្យ និងបូរណភាពទឹកដីរបស់កម្ពុជា នៅតំបន់ច្រកទ្វារអន្តរជាតិថ្មដា តំបន់អូរស្មាច់ និងតំបន់ប្រាសាទតាក្របី។ https://www.facebook.com/share/p/1AixzB5yhV/
កម្ពុជា-ថៃបានអះអាងពីការយល់ព្រមកំណត់ព្រំដែនស​មុទ្រប្រទេសទាំងពីរ ដោយផ្អែកទៅតាមយន្តការផ្សះផ្សាដោយបង្ខំ ក្រោមអនុសញ្ញាស្តីពីច្បាប់សមុទ្ររបស់អង្គការសហប្រជាជាតិ។ ការព្រមព្រៀងនេះ ធ្វើឡើងក្នុងជំនួបក្រៅផ្លូវការមួយរវាងលោកនាយករដ្ឋមន្ត្រី ហ៊ុន ម៉ាណែត និងលោកនាយករដ្ឋមន្ត្រីថៃ អានុធិន ឆានវីរៈគូន អំឡុងពេលមេដឹកនាំទាំងពីរចូលរួមកិច្ចប្រជុំអាស៊ាន-រុស្ស៊ី នាទីក្រុងកាហ្សាន ។ ទន្ទឹមនឹងការយល់ព្រមកំណត់ព្រំដែនទឹកតាមយន្តការ UNCLOS ប្រទេសទាំងពីរនៅមិនទាន់មានការឯកភាពគ្នាឲ្យប្រាកដប្រជាចំពោះព្រំដែនគោកនៅឡើយ។ https://www.facebook.com/photo/?fbid=1508624954639961&set=a.492095336292933
អ្នក​កាសែត​ពីរ​រូប លោក ផន សុភាព និង​លោក ភាព ភារ៉ា អ្នក​សារព័ត៌មាន​ TSP 68 TV Online ដែល​​ត្រូវ​បាន​តុលាការថ្នាក់​ក្រោម​​កាត់​ទោស​ឲ្យ​ជាប់​ពន្ធនាគារ​​១៤​ឆ្នាំ ក្រោមបទចោទ​ទាក់ទង​នឹងអំពើ​ក្បត់​ជាតិ​ ថា​បាន​ផ្ដល់ព័ត៌មាន​ដល់​រដ្ឋបរទេស​នាំ​ឲ្យ​អន្តរាយ​ដល់​ការការពារ​ជាតិ បាន​ស្នើ​ឲ្យ​តុលាការ​កំពូល​ទម្លាក់​ចោល​បទចោទ ខណៈ​ក្រុម​អង្គការ​ការពារសិទ្ធិអ្នកសារព័ត៌មាន​បាន​​ថ្កោល​ទោស​នឹងការសម្រេច​របស់​តុលាការ​នា​ពេល​កន្លង​មក​។​ https://www.facebook.com/photo/?fbid=1508664297969360&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃចន្ទ ទី២២ ខែមិថុនា ឆ្នាំ២០២៦
កម្មវិធី «សំឡេងម្ចាស់ឆ្នោត»
==========================
ប្រធានបទ៖ សារៈសំខាន់នៃការចូលរួមតាមដានក្នុងដំណើរការបោះឆ្នោត
វាគ្មិនកិត្តិយស៖
1. អ្នកស្រី អ៊ូច​ បូរ​ ​លេខាខុមហ្វ្រែលខេត្តកំពត
2. លោក ហេង សុជាតិ លេខាអង្គការខុមហ្វ្រែលប្រចាំខេត្តក្រចេះ
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ ​https://web.facebook.com/share/v/1CA87DPzJX/
របាយការណ៍ថ្មីមួយបានរកឃើញថា ក្រុមគណនីហ្វេសប៊ុកមិនពិតប្រាកដកំពុងធ្វើការរួមគ្នា ដើម្បីដៅមុខសញ្ញាយាយីទៅលើអង្គការសង្គមស៊ីវិលមួយចំនួននៅកម្ពុជា។ លោក ង៉ែត ម៉ូសេ អ្នកប្រឹក្សាយោបល់ផ្នែកសន្តិសុខឌីជីថល បានកត់សំគាល់នេះ មិនមែនជាសេរីភាពបញ្ចេញមតិទេ ផ្ទុយទៅវិញ វាជាទម្រង់នៃពាក្យសម្ដីស្អប់ខ្ពើម និង​​ភាសាប្រមាថដែលស្ថាប័នរងគ្រោះ គួរតែរកការអន្តរាគមន៍ពីក្រុមហ៊ុនហ្វេស​ប៊ុ​​កដើម្បីដកចេញការយាយីទាំងនេះ។ https://www.facebook.com/photo/?fbid=1508731317962658&set=a.492095336292933
សាលដីការបស់សាលាឧទ្ធរណ៍រាជធានីភ្នំពេញ បានប្រកាសតម្កល់ការផ្តន្ទាទោស​លើសំណុំរឿង​រិះគន់ប្រព័ន្ធតុលាការនេះរបស់លោក ស្រ៊ុន ស្រ៊ន ព្រមទាំងសំណុំរឿងញុះញង់របស់អតីតពលការិនីនិងមន្ត្រីបក្សប្រឆាំង២រូបទៀត ដោយរក្សាការសម្រេចរបស់តុលាការជាន់ទាបទុកជាបានការដដែល។ សហមេធាវីមួយរូបរបស់លោកស្រ៊ុន អះអាងថា នឹងដាក់ពាក្យប្តឹងជំទាស់ទៅនឹងការសម្រេចនេះទៅតុលាការកំពូល ដោយយល់ថាជារឿងមិនអាចទទួលយកបាន។ https://www.facebook.com/photo/?fbid=1509413654561091&set=a.492095336292933
មន្ត្រីជាន់ខ្ពស់យោធាថៃបានចេញមុខមកបដិសេធចោលរាល់ការចោទប្រកាន់របស់កម្ពុជាដែលថា ថៃបានរំលោភទឹកដី និងដុតបំផ្លាញឃ្លាំង ដែលស្ថិតនៅតាមបណ្តោយព្រំដែនប្រទេសទាំងពីរ។ នេះបើតាមសេចក្តីរាយការណ៍របស់កាសែតថៃ The Nation។ គួររម្លឹកថា កាលពីថ្ងៃទី១៩មិថុនា កម្ពុជាបានចោទថៃថា បានរំលោភដែនអធិបតេយ្យខ្លួន​ តាមរយៈការបង្ហូតទង់ជាតិថៃ នៅតំបន់ច្រកទ្វារអន្តរជាតិថ្មដា ខេត្តពោធិ៍សាត់ និងថាកងកម្លាំងប្រដាប់អាវុធថៃ បានដុតបំផ្លាញឃ្លាំងមួយស្ថិតនៅក្នុងបរិវេណសណ្ឋាគារ និងរមណីយដ្ឋាន Royal O Smach ស្ថិតក្នុងក្រុងសំរោង ខេត្តឧត្តរមានជ័យ។ https://www.facebook.com/photo/?fbid=1509481914554265&set=a.492095336292933
ជនជាតិចិន ចំនួន៣១៩នាក់ទៀត ក្នុងនោះស្រី១៣នាក់ ពាក់ព័ន្ធករណីឆបោកតាមប្រព័ន្ធបច្ចេកវិទ្យា (Online Scams) និងករណីលួចស្នាក់នៅ ធ្វើការងារខុសច្បាប់ ត្រូវបាន​បណ្ដេញចេញពី​កម្ពុជា កាលពីយប់ថ្ងៃទី២០ ខែមិថុនា ឆ្នាំ២០២៦។ https://www.facebook.com/photo/?fbid=1509565327879257&set=a.492095336292933
នាពេលថ្មីៗនេះ អាជ្ញាធរថៃបានចាប់បញ្ជូនពលករខ្មែរចំនួន ៤០នាក់ ដែលបានចូលទៅធ្វើការនៅប្រទេសថៃដោយខុសច្បាប់ ហើយពលករខ្មែរ ១០នាក់ផ្សេងទៀត ត្រូវបានអាជ្ញាធរថៃសម្រេចឃុំខ្លួន​ និងចោទប្រកាន់ពីបទចូលទឹកដីថៃដោយខុសច្បាប់។ ​នេះបើតាម មន្ត្រីអង្គការសង់ត្រាល់ ដែលធ្វើការទាក់ទងទៅនឹងពលករចំណាកស្រុក និងកាសែតថៃ Bangkok Post។ ​ https://www.facebook.com/photo/?fbid=1509601361208987&set=a.492095336292933
អាជ្ញាធរក្រុងប៉ោយប៉ែត បានចាប់ខ្លួនជនជាតិចិន និងម៉ាឡេស៊ីចំនួន៦នាក់ ដែលត្រូវបានចោទប្រកាន់ថា បានធ្វើសកម្មភាពឆបោកតាមប្រព័ន្ធអ៊ីនធឺណិត សំដៅលើអ្នកវិនិយោគហុងកុង ពីខាងក្នុងរថយន្តទំនើបមួយគ្រឿង ដោយរឹបអូសឧបករណ៍រាប់សិបគ្រឿង។ https://www.facebook.com/photo/?fbid=1509669137868876&set=a.492095336292933
ក្រុមអ្នកសង្កេតការណ៍អាស៊ាន (AOT) ដឹកនាំដោយប្រធានបេសកកម្មក្រុមអ្នកសង្កេតការណ៍អាស៊ាន (HOM AOT) ហ្វីលីពីន បន្ត​ចុះ​សង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលជាទីតាំងត្រូវបានទទួលរងការវាយប្រហារ រាយបន្លាលួស និងដាក់ពង្រាយទូកុងតឺន័រកាន់កាប់ដោយខុសច្បាប់របស់យោធាថៃ។ https://www.facebook.com/photo/?fbid=1510316331137490&set=a.492095336292933
អង្គការឃ្លាំមើលសិទ្ធិមនុស្សអន្តរជាតិ Human Rights Watch បានចោទប្រកាន់រដ្ឋាភិបាលកម្ពុជាថា កំពុងប្រើប្រាស់ការចោទប្រកាន់បែបព្រហ្មទណ្ឌ ការឃុំខ្លួន និងការបង្ខំឲ្យសារភាពជាសាធារណៈ ដើម្បីបង្ក្រាបសកម្មជននយោបាយ និងសមាជិកគណបក្សប្រឆាំង។ តែមន្ត្រីជាន់ខ្ពស់រដ្ឋាភិបាលកម្ពុជា បានបដិសេធការចោទប្រកាន់នេះ ដោយអះអាងថា វិធានការច្បាប់ធ្វើឡើងចំពោះតែអ្នកប្រព្រឹត្តបទល្មើស និងថាការចូលរួមជាមួយគណបក្សកាន់អំណាចគឺជាជម្រើសដោយសេរីរបស់បុគ្គលម្នាក់ៗ។ https://www.facebook.com/share/p/1ECergGBQw/
សហរដ្ឋអាមេរិក បានដាក់ទណ្ឌកម្មលើបុគ្គលចំនួន៩នាក់ និងអង្គភាពចំនួន២៦ ដែលមានទំនាក់ទំនងជាមួយបណ្តាញអង្គការឧក្រិដ្ឋកម្មឆ្លងដែន ព្រីនស៍គ្រុប (Prince Group Transnational Criminal Organization – TCO) និងថ្នាក់ដឹកនាំរបស់បណ្តាញនេះ។ យោងតាមសេចក្តីថ្លែងការណ៍របស់លោក Tommy Pigott អ្នកនាំពាក្យក្រសួងការបរទេសនៃសហរដ្ឋអាមេរិក នៅថ្ងៃទី២៤ ខែមិថុនា ឆ្នាំ២០២៦។ https://www.facebook.com/photo/?fbid=1510468851122238&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃអង្គារ៍ ទី២៣ ខែមិថុនា ឆ្នាំ២០២៦
កម្មវិធី «សំឡេងម្ចាស់ឆ្នោត»
==========================
ប្រធានបទ៖ សារៈសំខាន់នៃការចូលរួមតាមដានក្នុងដំណើរការបោះឆ្នោត
វាគ្មិនកិត្តិយស៖
1. អ្នកស្រី អ៊ូច​ បូរ​ ​លេខាខុមហ្វ្រែលខេត្តកំពត
2. លោក ហេង សុជាតិ លេខាអង្គការខុមហ្វ្រែលប្រចាំខេត្តក្រចេះ
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ https://www.facebook.com/share/v/1E431kkAEF/