ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ក្រុម​ប្រឹក្សា​អភិវឌ្ឍន៍​កម្ពុជា​បាន​ឲ្យ​ដឹងថា ចិន​បាន​អនុម័តកញ្ចប់​ថវិកា​ចំនួន​២០០​លាន​ដុល្លារ​អាមេរិក​ដើម្បី​គាំទ្រ​ដល់​គម្រោង​ព្រែក​ជីក​ហ្វូណន​តេជោ​របស់​កម្ពុជា​ដែល​មាន​តម្លៃ​សាងសង់សរុប​​១,២ពាន់​លាន​ដុល្លារ​។ ការ​ផ្ដល់​ប្រាក់​កម្ចីនេះ​បានបញ្ចប់​នូវ​ភាព​មិន​ច្បាស់​លាស់​ពីជំហរ​​របស់​​រដ្ឋាភិបាល​​ចិន​ក្នុង​ការ​ជួយ​គាំទ្រ​ដល់​គម្រោង​ហេដ្ឋារចនាសម្ព័ន្ធ​ដ៏​ធំ​មួយ​នេះ។​ https://www.facebook.com/photo?fbid=1540615264774263&set=a.492095336292933
កាលពី​ថ្ងៃ​ទី​២៤ ខែ​កក្កដាថ្មីៗនេះ សកម្មជនកិច្ចព្រមព្រៀងសន្តិភាពទីក្រុងប៉ារីសពីរនាក់​ គឹ​កញ្ញា ភឹង សោភា និងលោក សាន សិទ្ធិ មាន​សេរីភាពវិញ​ហើយ​បន្ទាប់ពី​ការឃុំខ្លួនក្នុង​ពន្ធនាគារចំនួន ២ឆ្នាំ ដែល​តុលាការ​ចោទប្រកាន់ពីបទ «ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម»។ ទោះបី​ជា​យ៉ាងណា កញ្ញា ភឹង សោភា នៅតែ​ប្តេជ្ញាបន្ត​សកម្មភាព​ផ្សព្វផ្សាយ​ច្បាប់ស្តីពី​កិច្ចព្រមព្រៀង​ វប្បធម៌ខ្មែរ និង​សកម្មភាព​ផ្សេងៗជាច្រើន​ទៀតដូចកាលពី​កន្លងទៅ ដើម្បី​ចែករំលែក​ដល់ប្រជាពលរដ្ឋ។​ https://www.facebook.com/photo/?fbid=1540667428102380&set=a.492095336292933
នៅថ្ងៃទី២៨ ខែកក្កដានេះ​ លោក កឹម សុខា ប្រធានអតីតគណបក្សសង្គ្រោះជាតិ បាន​ចុះជួប​ជនភៀសសឹកនៅខេត្តបន្ទាយមានជ័យ មុនបន្តទៅជួបកងទ័ពជួរមុខនៅខេត្តឧត្តរមានជ័យ។ ថ្លែងពីជំរំជនភៀសសឹក «ភូមិរង់ចាំ» ​​​ថា ​​លោកបានដឹងអំពីការលំបាករបស់ពលរដ្ឋខ្មែរ​​ដែលកំពុងជ្រកនៅក្នុងជំរំភៀសសឹកដោយសារតែជម្លោះព្រំដែន​​​កម្ពុជា-ថៃ​។ បន្ថែមពីនេះ ​លោកក៏បាន​ប្រាប់លោក​ ថូម៉ាស អេនឌ្រូ អ្នក​រាយការណ៍ពិសេស​ទទួលបន្ទុក​ស្ថានភាពសិទ្ធិមនុស្សរបស់អង្គការសហប្រជាជាតិប្រចាំកម្ពុជាថា ពលរដ្ឋភៀសសឹកខ្មែរ​​​​ត្រូវបានគេរំលោភសិទ្ធិធ្ងន់ធ្ងរណាស់។ https://www.facebook.com/photo/?fbid=1541344961367960&set=a.492095336292933
មេខ្លោងឆបោកអនឡាញ លោក ចេន ហ្ស៊ី អតីតទីប្រឹក្សារបស់មេដឹកកំពូលៗរបស់​កម្ពុជា ប្រឈមនឹងការកាត់​ទោស​ដោយ​ប្រហារជីវិតនៅចិន បន្ទាប់ពីរដ្ឋអាជ្ញាចិនសម្រេចបន្ថែមបទ​ចោទមួយទៀតលើ​បុរសអាយុ៣៨​ឆ្នាំ​រូបនេះ ពីបទបង្ករបួសស្នាមដោយចេតនា។ នេះបើតាម​ការចុះផ្សាយ​របស់សារព័ត៌មានសិង្ហបុរី CNA ។ https://www.facebook.com/photo/?fbid=1541430354692754&set=a.492095336292933
លោក​នាយករដ្ឋមន្ត្រី ហ៊ុន ម៉ាណែត បានចេញមកបដិសេធព័ត៌មានចចាមអារ៉ាមដែលកំពុងផ្សព្វផ្សាយលើបណ្ដាញសង្គមថា រាជរដ្ឋាភិបាលមានផែនការរំលាយ ឬបង្រួមក្រសួងមួយចំនួនទៅជាអគ្គនាយកដ្ឋាន ដោយអះអាងថា មិនមានគោលនយោបាយបែបនេះឡើយ ខណៈការកែទម្រង់រដ្ឋបាលដែលរដ្ឋាភិបាលកំពុងអនុវត្ត គឺផ្ដោតលើការពង្រឹងស្ថាប័ន បំបាត់មុខងារជាន់គ្នា និងធ្វើឱ្យការផ្តល់សេវាសាធារណៈកាន់តែមានប្រសិទ្ធភាព។ https://www.facebook.com/photo/?fbid=1541534488015674&set=a.492095336292933
ស្ថានទូតអាមេរិកប្រចាំកម្ពុជាបានបញ្ជាក់ឡើងវិញអំពីសារសំខាន់នៃកិច្ចព្រមព្រៀងសន្តិភាពទីក្រុងគូឡាឡាំពួរដែលកម្ពុជា និងថៃបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ក្រោមកិច្ចសម្របសម្រួលរបស់ប្រធានាធិបតីអាមេរិកលោក ដូណាល់ ត្រាំ។ ការរម្លឹកបញ្ជាក់ដូចនេះរបស់ស្ថានទូត ព្រោះថ្ងៃទី២៩ ខែកក្កដា ឆ្នាំ២០២៦ គឺមានរយៈពេល ១ឆ្នាំដែលកិច្ចព្រមព្រៀងសន្តិភាពទីក្រុងគូឡាឡាំពួរបានចូលជាធរមាន។ https://www.facebook.com/photo/?fbid=1542278181274638&set=a.492095336292933
រដ្ឋមន្ត្រីក្រសួងព័ត៌មានកម្ពុជា បានលើកឡើងថា ដំណើរចុះពិនិត្យរបស់អនុព័ន្ធយោធាបរទេសប្រចាំនៅព្រះរាជាណាចក្រកម្ពុជា ទៅកាន់តំបន់អានសេះ ក្រោយបទឈប់បាញ់ខែកក្កដា ឆ្នាំ២០២៥ បានក្លាយជាសក្ខីភាពអន្តរជាតិដែលបង្ហាញពីស្ថានភាពជាក់ស្ដែងនៅលើដី និងពង្រឹងការអះអាងថា តំបន់អានសេះស្ថិតក្រោមអធិបតេយ្យភាព និងការគ្រប់គ្រងជាក់ស្ដែងរបស់កម្ពុជា។ https://www.facebook.com/photo/?fbid=1542478181254638&set=a.492095336292933
លោក Kash Patel នាយកទីភ្នាក់ងារស៊ើបអង្កេតសហព័ន្ធ FBI បានវាយតម្លៃខ្ពស់ចំពោះការខិតខំរបស់កម្ពុជា ក្នុងការងារបង្រ្កាបឧក្រិដ្ឋកម្មឆបោកអនឡាញ ព្រោះ​កិច្ចសហប្រតិបត្តិការជាមួយរដ្ឋាភិបាលកម្ពុជាបាននាំឲ្យអាមេរិកអាចរឹបអូសលុយកខ្វក់ជាង ១៥ពាន់លានដុល្លារពីមជ្ឈមណ្ឌលឆបោកអនឡាញ។ នេះបើតាមការចុះផ្សាយរបស់សារព័ត៌មានអាមេរិក Fox News នាថ្ងៃទី២៧ខែកក្កដា។ https://www.facebook.com/photo/?fbid=1542566397912483&set=a.492095336292933
មន្ត្រីខេត្តមណ្ឌលគិរីម្នាក់បានឱ្យដឹងថា ក្រុមហ៊ុនអភិវឌ្ឍន៍គម្រោងថាមពលអគ្គិសនីដើរ​ដោយ​ខ្យល់​​ដំបូង​​គេនៅកម្ពុជា អាចបាន​ឈូសឆាយចូលក្នុងដែន​ជម្រកសត្វព្រៃដោយខុសពីទីតាំង​ដែល​ទទួល​បានការអនុញ្ញាត ខណៈគម្រោងនេះកំពុងរងការ​រិះគន់​ពី​សហគមន៍ជនជាតិ​ដើម​ភាគតិច​នៅ​ខេត្ត​នេះផងដែរ។ https://www.facebook.com/photo/?fbid=1543221411180315&set=a.492095336292933
ប្រទេសអូស្ត្រាលីបានប្តេជ្ញាផ្តល់ថវិកាបន្ថែមចំនួន ៣លានដុល្លារអូស្ត្រាលី (ប្រហែល ២លានដុល្លារអាម៉េរិក) ដើម្បីពង្រឹងប្រព័ន្ធកិច្ចការពារសង្គមរបស់កម្ពុជា ដោយជួយពង្រីកវិសាលភាព និងលើកកម្ពស់សមត្ថភាពរបស់ប្រទេសក្នុងការឆ្លើយតបទៅនឹងផលប៉ះពាល់ផ្នែកសេដ្ឋកិច្ច គ្រោះមហន្តរាយដែលបណ្តាលមកពីការប្រែប្រួលអាកាសធាតុ និងវិបត្តិផ្សេងៗនាពេលអនាគត។ https://www.facebook.com/photo/?fbid=1543293627839760&set=a.492095336292933
តំណាងអង្គការសង្គមស៊ីវិលខ្លះថ្លែងថា ជំនួបប្រចាំឆ្នាំរវាងអង្គការសង្គមស៊ីវិល និងរដ្ឋាភិបាលមានការវិវត្តខ្លះដែរ តែមិនទាន់បានល្អប្រសើរនៅឡើយទេ។ ការលើកឡើងដូចនេះរបស់តំណាងអង្គការសង្គមស៊ីវិលធ្វើឡើង បន្ទាប់ពីក្រុមអង្គការទាំងនេះបានជួបពិភាក្សាគ្នាប្រចាំឆ្នាំ តាមរយៈវេទិកាស្តីពីភាពជាដៃគូរវាងរដ្ឋាភិបាល និងអង្គការសង្គមស៊ីវិលលើកទី៧កាលពីថ្ងៃទី២៨ ខែកក្កដា ឆ្នាំ២០២៦។ https://www.facebook.com/photo/?fbid=1543420961160360&set=a.492095336292933
គណបក្សនយោបាយមួយចំនួន ត្អូញត្អែរចំពោះការស្នើសុំលើកស្លាកបក្សនៅទីសាធារណៈ ដែលត្រូវបានអាជ្ញាធរបដិសេធក្រោមហេតុ​ផលផ្សេងៗ ស្របពេលដែលបក្សទាំងនោះ សង្កេតឃើញថា ស្លាកគណបក្សប្រជាជនកម្ពុជា អាចលើកនៅទីតាំងទាំងនោះបាន​។ https://www.facebook.com/photo/?fbid=1546074150895041&set=a.492095336292933
ក្រសួងការបរទេសថៃ នៅថ្ងៃសៅរ៍ទី១ ខែសីហា ឆ្នាំ២០២៦ បានប្រតិកម្មទៅនឹងការលើកឡើងរបស់លោក Tom Andrews អ្នករាយការណ៍ពិសេសរបស់អង្គការសហប្រជាជាតិស្តីពីសិទ្ធិមនុស្សប្រចាំកម្ពុជា ថា មានភាពលម្អៀង និងមិនឆ្លុះបញ្ចាំងពីតថភាពជាក់ស្តែងនៃជម្លោះព្រំដែនកម្ពុជា-ថៃ។ ប្រតិកម្មនេះ កើតឡើងបន្ទាប់ពីលោក Tom Andrews បាននិយាយអំឡុងពេលបញ្ចប់បេសកកម្មរបស់ខ្លួន ដោយទាមទារភាគីថៃ​គោរពច្បាប់អន្តរជាតិ អនុញ្ញាតឲ្យពលរដ្ឋកម្ពុជាជាង ២ម៉ឺននាក់ ត្រលប់ទៅផ្ទះសម្បែងរបស់ពួកគេវិញដោយសុវត្ថិភាព។ https://www.facebook.com/photo/?fbid=1546148100887646&set=a.492095336292933
អ្នករាយការណ៍ពិសេសអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជាចង់​ឃើញ​បរិយាកាសនយោបាយកាន់តែបើកទូលាយ ស្របពេលកម្ពុជា​គ្រោងរៀបចំការ​​បោះឆ្នោតក្រុមប្រឹក្សាឃុំ-សង្កាត់នៅឆ្នាំក្រោយ និងការបោះឆ្នោតជ្រើសតាំងតំណាងរាស្ត្រនៅឆ្នាំបន្ទាប់​។ https://www.facebook.com/photo/?fbid=1546238807545242&set=a.492095336292933
ប្រជាពលរដ្ឋប្រមាណ៧០នាក់តំណាងឱ្យ៣០០គ្រួសារមកពីភូមិទុង ឃុំរលួសមានជ័យ ស្រុកអូរគ្រៀងសែនជ័យ​ ខេត្តក្រចេះ ដាក់ញត្តិនៅខុទ្ធកាល័យនាយករដ្ឋមន្ត្រី ដើម្បីស្នើសុំកិច្ចអន្តរាគមន៍​​ពីលោកនាយករដ្ឋមន្ត្រី ហ៊ុន ម៉ាណែត ពាក់ព័ន្ធទំនាស់ដីធ្លី ក្រោយរដ្ឋបាលខេត្តក្រចេះ​ដាក់ឱសានវាទបង្ខំឱ្យចាកចេញពីលំនៅឋានរបស់ពួកគេ។ តែយ៉ាងណា ពួកគេត្រូវបានមន្រ្តីនៅខុទ្ធកាល័យណែនាំឱ្យដាក់សំណើសុំដំណោះស្រាយតាមរយៈអាជ្ញាធរថ្នាក់ក្រោមជាតិដែលពាក់ព័ន្ធវិញ។ https://www.facebook.com/photo/?fbid=1546296454206144&set=a.492095336292933
កងទ័ពជើងទឹកថៃ បានចាប់ខ្លួនពលករចំណាកស្រុកខ្មែរចំនួន ១៦នាក់ ដែលបានលួចឆ្លងដែនខុសច្បាប់ចូលទៅក្នុងទឹកដីថៃ ដើម្បីស្វែងរកការងារធ្វើ។ ទន្ទឹមគ្នានោះ ទាហានថៃក៏បានឃាត់ខ្លួន ពលរដ្ឋថៃចំនួន ៣នាក់ដែរ ដែលជាមេខ្យល់នាំពលករខ្មែរទៅធ្វើការក្នុងខេត្តច័ន្ទបុរី នៃប្រទេសថៃ កាលពីយប់ ថ្ងៃទី៣១ ខែកក្កដា ឆ្នាំ២០២៦។ នេះបើយោងតាមការចុះផ្សាយរបស់កាសែតនានា នៅក្នុងប្រទេសថៃ។ https://www.facebook.com/photo/?fbid=1546349767534146&set=a.492095336292933
ក្រសួងព័ត៌មានបានទាមទារឱ្យស្ថាប័នព័ត៌មាន Channel NewsAsia (CNA) របស់សិង្ហបុរី ចេញសេចក្ដីកែតម្រូវដោយឡែក និងជាសាធារណៈ ក្រោយការស៊ើបអង្កេតរបស់អាជ្ញាធរកម្ពុជា បញ្ជាក់ថា នារីជនជាតិសិង្ហបុរីម្នាក់ ដែលធ្វើដំណើរមកកម្ពុជា មិនមានជាប់ពាក់ព័ន្ធនឹងអំពើជួញដូរមនុស្ស ការចាប់ពង្រត់ ឬបទល្មើសឆបោកតាមអនឡាញ ដូចការសង្ស័យដែលបានលេចឡើងនៅក្នុងការរាយការណ៍ដំបូងរបស់សារព័ត៌មានបរទេសនោះឡើយ។​ https://www.facebook.com/photo/?fbid=1546964357472687&set=a.492095336292933
ថ្ងៃទី៣ ខែសីហានេះ ​កម្មករនិយោជិតរាប់រយនាក់នៅរាជធានីភ្នំពេញ ខេត្តកំពង់ស្ពឺ និង​ខេត្តបន្ទាយមានជ័យ បាន​​ផ្ទុះការតវ៉ា និងស្វែង​រក​ការងារថ្មី ដោយសារ​ពួកគេប្រឈមមុខ​នឹង​ការ​រើសអើង​សហជីព ការបៀតបៀន និងការប្រកាសបិទទ្វាររោងចក្រ​ដែល​ពួកគេ​​ធ្លាប់​ធ្វើការ​។ យោងតាមសហជីព និងកម្មកររោងចក្រលើកឡើង។ https://www.facebook.com/photo/?fbid=1547013357467787&set=a.492095336292933
សកម្ម​ជន​ការពារបរិស្ថាន លោក ម៉ា ចិត្រា ​បានចាត់ទុកជំនួបរវាងលោក រួមជាមួយសហគមន៍ការពារព្រៃឈើ និងតំណាង ក្រសួងបរិស្ថាននៅថ្ងៃទី៣ ខែសីហា ឆ្នាំ២០២៦ ថាអាចជាលទ្ធផលមួយដ៏វិជ្ជមាន។ វិជ្ជមានដោយសារតែមានការអរគុណពីក្រសួងបរិស្ថាន ចំពោះការចូលរួមការពារធនធានធម្មជាតិរបស់លោក និងសហគមន៍។ តែសកម្មជនរូបនេះ អះអាងថាលោកនៅតែបន្តសកម្មភាពរបស់ខ្លួន ក្នុងការការពារព្រៃឈើ។ https://www.facebook.com/photo/?fbid=1547156660786790&set=a.492095336292933
ម្ចាស់ក្រុមហ៊ុននាំចេញសត្វគោម្នាក់ ប្ដឹងស្នងការនិងស្នងការរងនគរបាលខេត្តព្រៃវែង ទៅកាន់​ក្រសួង​មហាផ្ទៃ និងអគ្គស្នងការនគរបាល​ជាតិ ដោយចោទអ្នកទាំង២រូប​នោះ​ថា បានទារប្រាក់​១ម៉ឺន​ដុល្លារ​អាមេរិកប្រចាំខែពីលោក ដើម្បី​សម្រួល​ដល់ដំណើរការអាជីវកម្ម។ https://www.facebook.com/photo/?fbid=1547262504109539&set=a.492095336292933