ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
អ្នករាយការណ៍ពិសេសអង្គការសហប្រជាជាតិស្តីពីស្ថានភាពសិទ្ធិមនុស្សនៅកម្ពុជាចង់​ឃើញ​បរិយាកាសនយោបាយកាន់តែបើកទូលាយ ស្របពេលកម្ពុជា​គ្រោងរៀបចំការ​​បោះឆ្នោតក្រុមប្រឹក្សាឃុំ-សង្កាត់នៅឆ្នាំក្រោយ និងការបោះឆ្នោតជ្រើសតាំងតំណាងរាស្ត្រនៅឆ្នាំបន្ទាប់​។ https://www.facebook.com/photo/?fbid=1546238807545242&set=a.492095336292933
ប្រជាពលរដ្ឋប្រមាណ៧០នាក់តំណាងឱ្យ៣០០គ្រួសារមកពីភូមិទុង ឃុំរលួសមានជ័យ ស្រុកអូរគ្រៀងសែនជ័យ​ ខេត្តក្រចេះ ដាក់ញត្តិនៅខុទ្ធកាល័យនាយករដ្ឋមន្ត្រី ដើម្បីស្នើសុំកិច្ចអន្តរាគមន៍​​ពីលោកនាយករដ្ឋមន្ត្រី ហ៊ុន ម៉ាណែត ពាក់ព័ន្ធទំនាស់ដីធ្លី ក្រោយរដ្ឋបាលខេត្តក្រចេះ​ដាក់ឱសានវាទបង្ខំឱ្យចាកចេញពីលំនៅឋានរបស់ពួកគេ។ តែយ៉ាងណា ពួកគេត្រូវបានមន្រ្តីនៅខុទ្ធកាល័យណែនាំឱ្យដាក់សំណើសុំដំណោះស្រាយតាមរយៈអាជ្ញាធរថ្នាក់ក្រោមជាតិដែលពាក់ព័ន្ធវិញ។ https://www.facebook.com/photo/?fbid=1546296454206144&set=a.492095336292933
កងទ័ពជើងទឹកថៃ បានចាប់ខ្លួនពលករចំណាកស្រុកខ្មែរចំនួន ១៦នាក់ ដែលបានលួចឆ្លងដែនខុសច្បាប់ចូលទៅក្នុងទឹកដីថៃ ដើម្បីស្វែងរកការងារធ្វើ។ ទន្ទឹមគ្នានោះ ទាហានថៃក៏បានឃាត់ខ្លួន ពលរដ្ឋថៃចំនួន ៣នាក់ដែរ ដែលជាមេខ្យល់នាំពលករខ្មែរទៅធ្វើការក្នុងខេត្តច័ន្ទបុរី នៃប្រទេសថៃ កាលពីយប់ ថ្ងៃទី៣១ ខែកក្កដា ឆ្នាំ២០២៦។ នេះបើយោងតាមការចុះផ្សាយរបស់កាសែតនានា នៅក្នុងប្រទេសថៃ។ https://www.facebook.com/photo/?fbid=1546349767534146&set=a.492095336292933
ក្រសួងព័ត៌មានបានទាមទារឱ្យស្ថាប័នព័ត៌មាន Channel NewsAsia (CNA) របស់សិង្ហបុរី ចេញសេចក្ដីកែតម្រូវដោយឡែក និងជាសាធារណៈ ក្រោយការស៊ើបអង្កេតរបស់អាជ្ញាធរកម្ពុជា បញ្ជាក់ថា នារីជនជាតិសិង្ហបុរីម្នាក់ ដែលធ្វើដំណើរមកកម្ពុជា មិនមានជាប់ពាក់ព័ន្ធនឹងអំពើជួញដូរមនុស្ស ការចាប់ពង្រត់ ឬបទល្មើសឆបោកតាមអនឡាញ ដូចការសង្ស័យដែលបានលេចឡើងនៅក្នុងការរាយការណ៍ដំបូងរបស់សារព័ត៌មានបរទេសនោះឡើយ។​ https://www.facebook.com/photo/?fbid=1546964357472687&set=a.492095336292933
ថ្ងៃទី៣ ខែសីហានេះ ​កម្មករនិយោជិតរាប់រយនាក់នៅរាជធានីភ្នំពេញ ខេត្តកំពង់ស្ពឺ និង​ខេត្តបន្ទាយមានជ័យ បាន​​ផ្ទុះការតវ៉ា និងស្វែង​រក​ការងារថ្មី ដោយសារ​ពួកគេប្រឈមមុខ​នឹង​ការ​រើសអើង​សហជីព ការបៀតបៀន និងការប្រកាសបិទទ្វាររោងចក្រ​ដែល​ពួកគេ​​ធ្លាប់​ធ្វើការ​។ យោងតាមសហជីព និងកម្មកររោងចក្រលើកឡើង។ https://www.facebook.com/photo/?fbid=1547013357467787&set=a.492095336292933
សកម្ម​ជន​ការពារបរិស្ថាន លោក ម៉ា ចិត្រា ​បានចាត់ទុកជំនួបរវាងលោក រួមជាមួយសហគមន៍ការពារព្រៃឈើ និងតំណាង ក្រសួងបរិស្ថាននៅថ្ងៃទី៣ ខែសីហា ឆ្នាំ២០២៦ ថាអាចជាលទ្ធផលមួយដ៏វិជ្ជមាន។ វិជ្ជមានដោយសារតែមានការអរគុណពីក្រសួងបរិស្ថាន ចំពោះការចូលរួមការពារធនធានធម្មជាតិរបស់លោក និងសហគមន៍។ តែសកម្មជនរូបនេះ អះអាងថាលោកនៅតែបន្តសកម្មភាពរបស់ខ្លួន ក្នុងការការពារព្រៃឈើ។ https://www.facebook.com/photo/?fbid=1547156660786790&set=a.492095336292933
ម្ចាស់ក្រុមហ៊ុននាំចេញសត្វគោម្នាក់ ប្ដឹងស្នងការនិងស្នងការរងនគរបាលខេត្តព្រៃវែង ទៅកាន់​ក្រសួង​មហាផ្ទៃ និងអគ្គស្នងការនគរបាល​ជាតិ ដោយចោទអ្នកទាំង២រូប​នោះ​ថា បានទារប្រាក់​១ម៉ឺន​ដុល្លារ​អាមេរិកប្រចាំខែពីលោក ដើម្បី​សម្រួល​ដល់ដំណើរការអាជីវកម្ម។ https://www.facebook.com/photo/?fbid=1547262504109539&set=a.492095336292933
ធនាគារអភិវឌ្ឍន៍អាស៊ី (ADB) បានអនុម័តប្រាក់កម្ចីចំនួន ២៥០លានដុល្លារសម្រាប់ប្រទេសកម្ពុជា ក្រោមកម្មវិធីមួយ ដែលជាផ្នែកមួយនៃគោលនយោបាយគាំទ្របន្ទាន់របស់ស្ថាប័ននេះ ដើម្បីជួយដល់កិច្ចខិតខំប្រឹងប្រែងរបស់រដ្ឋាភិបាលក្នុងការកាត់បន្ថយសម្ពាធអតិផរណា ដែលបណ្តាលមកពីការកើនឡើងនៃតម្លៃប្រេងឥន្ធនៈដោយសារជម្លោះនៅតំបន់មជ្ឈិមបូព៌ា។ https://www.facebook.com/photo/?fbid=1547908220711634&set=a.492095336292933
ក្រុមអ្នកសង្កេតការណ៍អាស៊ានប្រចាំកម្ពុជា (ASEAN Observer Team–Cambodia: AOT-KH) បានចុះដល់តំបន់ព្រំដែនកម្ពុជា-ថៃ នៅចំណុចបង្គោលព្រំដែនលេខ៣៧ ដែល​ស្ថិតនៅភូមិក្តិបថ្ម ឃុំគោករមៀត ស្រុកថ្មពួក ខេត្តបន្ទាយមានជ័យ​ ដើម្បីសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពជាក់ស្តែងតាមបណ្តោយព្រំដែន កាលពី​ថ្ងៃទី៤​ សីហា​ ។ https://www.facebook.com/photo/?fbid=1548080014027788&set=a.492095336292933
រូបភាពដែលថតចេញពីប្រព័ន្ធផ្កាយរណប​​​​បានបង្ហាញថា កងកម្លាំងយោធាថៃបានឈូសឆាយផ្ទះសំបែងរបស់ពលរដ្ឋខ្មែរយ៉ាងហោចណាស់ ៦២៧ខ្នង។​ ជាការឈូសឆាយដែលធ្វើឡើងក្រោយការប្រកាសបទឈប់បាញ់កាលពីខែធ្នូ ឆ្នាំ២០២៥។ ​នេះបើតាមសេចក្តីប្រកាសព័ត៌មានរបស់អង្គការការពារសិទ្ធិមនុស្សលីកាដូ ចេញផ្សាយនៅថ្ងៃទី៥សីហានេះ។​​ អ្នកតាមដានសង្គមវាយតម្លៃ​ថា រូបភាពទាំងនេះនឹងក្លាយជាឯកសាររឹងមាំដែលបញ្ជាក់ពីអំពើឧក្រិដ្ឋរបស់កងទ័ពថៃមកលើពលរដ្ឋកម្ពុជា។​ https://www.facebook.com/photo/?fbid=1548837760618680&set=a.492095336292933
អ្នករាយការណ៍ពិសេសរបស់អង្គការសហប្រជាជាតិទទួលបន្ទុកស្ថានភាពសិទ្ធិមនុស្សនៅកម្ពុជា បានបញ្ចប់​បេស​ក​​កម្មរយៈពេល១២ថ្ងៃរបស់លោក កាលពីសប្តាហ៍មុន ដោយបាន​ជួប​ជាមួយ​ពលរដ្ឋ​ភៀស​​សឹកដោយ​សារ​ជម្លោះព្រំដែនជាមួយប្រទេសថៃ មន្ត្រីរដ្ឋាភិបាល សកម្មជន និងអ្នកសារព័ត៌មានដែល​កំពុង​​ជាប់ឃុំ។ https://www.facebook.com/photo/?fbid=1549021833933606&set=a.492095336292933
ក្រុមហ៊ុន OpenAI បានប្រកាសថា ខ្លួនបានបង្ក្រាបប្រតិបត្តិការឆបោកមួយដែលមានមូលដ្ឋាននៅកម្ពុជា ដែលបានប្រើប្រាស់គណនី ChatGPT ដើម្បីគាំទ្រដល់ការបោកប្រាស់ពាក់ព័ន្ធនឹងការវិនិយោគ ការឆបោកដោយប្រើប្រាស់ទំនាក់ទំនងស្នេហា និងការក្លែងបន្លំជាមន្ត្រីអនុវត្តច្បាប់ ព្រមទាំងបានចាត់វិធានការដើម្បីធ្វើឱ្យក្រុមឆបោកនោះកាន់តែពិបាកក្នុងការទទួលបានសិទ្ធិប្រើប្រាស់សេវាកម្មរបស់ខ្លួនឡើងវិញ។ https://www.facebook.com/photo/?fbid=1549125433923246&set=a.492095336292933
គណៈកម្មាធិការ​ជាតិ​រៀប​ចំការ​បោះ​ឆ្នោត ហៅ​កាត់ថា ​គ.ជ.ប. បាន​ឱ្យ​ដឹង​នៅ​ថ្ងៃព្រហស្បតិ៍​ ទី៦ ខែសីហា​ថា ​ប្រជា​ពល​រដ្ឋ​រាប់​ពាន់នាក់​​ដែល​ជា​ជន​ភៀស​សឹក​ក្នុង​ជម្លោះព្រំដែន​​រវាង​កម្ពុជា-ថៃ ជួប​ការ​លំបាក​ក្នុង​ការ​ចុះ​ឈ្មោះ ដែល​ការ​ចុះ​ឈ្មោះ​បោះ​ឆ្នោត​នេះនឹង​ត្រូវ​ធ្វើ​ឡើង​នៅខែ​តុលា ខាង​​មុខ សម្រាប់​ត្រៀម​ការ​បោះ​ឆ្នោត​ឃុំ-សង្កាត់ នៅ​ឆ្នាំ​ក្រោយ​។ https://www.facebook.com/photo/?fbid=1549777123858077&set=a.492095336292933
ពលរដ្ឋប្រមាណ ៦០នាក់ តំណាងឱ្យពលរដ្ឋ ៨៧៥គ្រួសារដែលបានទិញដីឡូតិ៍ពីគម្រោង ពៅ វណ្ណា ក្នុងឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ បាននាំគ្នាទៅសាលាខេត្តបន្ទាយមានជ័យ ដើម្បីស្នើឱ្យអាជ្ញាធរជួយអន្តរាគមន៍ និងពន្លឿនការដោះស្រាយវិវាទដីធ្លី។ ពលរដ្ឋទាំងនោះ​អះអាងថា ពួកគេ​បានទិញដីឡូតិ៍​​ក្នុងគម្រោង ពៅ វណ្ណា ជាច្រើនឆ្នាំមកហើយ ប៉ុន្តែមិនទាន់ទទួលបានដីពិតប្រាកដនៅឡើយ។ ឆ្លើយតបសំណើរបស់​ពលរដ្ឋរងគ្រោះ ​អាជ្ញាធរខេត្តបន្ទាយមានជ័យបាន​អះអាងថា នឹងស្វែងរកដំណោះស្រាយ​ឱ្យបាន​ក្នុងខែសីហានេះ តាមដែនសមត្ថកិច្ចខ្លួន កាលពីព្រឹកថ្ងៃទី៦ សីហា។ https://www.facebook.com/photo/?fbid=1549834157185707&set=a.492095336292933
អ្នករាយការណ៍ពិសេសរបស់អង្គការសហប្រជាជាតិ (UN) ស្តីពីស្ថានភាពសិទ្ធិមនុស្សនៅកម្ពុជា លោក ថម អាន់ឌ្រូស (Tom Andrews) បានចេញមកបកស្រាយជាសាធារណៈចំពោះការរិះគន់របស់ភាគីថៃ ដោយបង្ហើបថា លោកបានផ្ញើសេចក្តីព្រាងផ្នែកពាក់ព័ន្ធនឹងជម្លោះព្រំដែនទៅឱ្យរដ្ឋាភិបាលថៃពិនិត្យ ពីរថ្ងៃមុន ការចេញសេចក្តីថ្លែងការណ៍ ប៉ុន្តែមិនទទួលបានការឆ្លើយតបឡើយ ខណៈលោកបញ្ជាក់ថា នឹងបន្តស្វែងរកទស្សនៈរបស់ថៃ មុនបញ្ចប់របាយការណ៍ផ្លូវការដាក់ជូនក្រុមប្រឹក្សាសិទ្ធិមនុស្ស UN នៅខែក្រោយ។ https://www.facebook.com/photo/?fbid=1549953137173809&set=a.492095336292933
អង្គការអ្នកកាសែតគ្មានព្រំដែន (RSF) បានស្នើឲ្យអាជ្ញាធរកម្ពុជាដោះលែង លោក​ លួត សុផល អ្នកកាសែតអនឡាញ ដែលត្រូវបានសមត្ថកិច្ចក​ម្ពុជាចាប់ខ្លួនកាលពីថ្ងៃទី១៣ ខែ​កុម្ភៈ ឆ្នាំ២០២៦ និងត្រូវបានតុលាការចោទប្រកាន់ពី បទញុះញង់ឲ្យមានការរើសអើង ចំពោះការផ្សាយព័ត៌មានពាក់ព័ន្ធនឹងស្ថានភាពលំបាកនានា​របស់កងទ័ពនៅព្រំដែន។ https://www.facebook.com/photo/?fbid=1552453693590420&set=a.492095336292933
កម្ពុជា-អាមេរិក ពង្រឹងកិច្ចសហប្រតិបត្តិការកងទ័ពជើងទឹក និងត្រៀមធ្វើលំហាត់ហ្វឹកហ្វឺនការ៉ាត់ឡើងវិញ រួមទាំងការផ្លាស់ប្តូរទស្សនកិច្ច ការបណ្តុះបណ្តាលធនធានមនុស្ស ការប្រយុទ្ធប្រឆាំងអំពើភេរវកម្ម ឧក្រិដ្ឋកម្មឆ្លងដែន និងការរុករកអដ្ឋិធាតុយុទ្ធជនអាមេរិកដែលបាត់ខ្លួនក្នុងសង្គ្រាម។ https://www.facebook.com/photo/?fbid=1552514086917714&set=a.492095336292933
លោក Chris Anderson ដែលជាទីប្រឹក្សានយោបាយមកពីរដ្ឋ Wisconsin ត្រូវបានអនុម័តតែងតាំងជាឯកអគ្គរដ្ឋទូតសហរដ្ឋអាម៉េរិកប្រចាំកម្ពុជានៅថ្ងៃទី ៧ ខែសីហា។ https://www.facebook.com/photo/?fbid=1552609506908172&set=a.492095336292933
Forwarded from Sin Rathana
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃចន្ទ ទី១០ ខែសីហា ឆ្នាំ២០២៦
កម្មវិធី «សំឡេងម្ចាស់ឆ្នោត»
==========================
ប្រធានបទ៖ ការអប់រំសីលធម៌ចំពោះយុវជន
វាគ្មិនកិត្តិយស៖
1. លោកបណ្ឌិត ប៉ា ចន្ទរឿន ប្រធានវិទ្យាស្ថានប្រជាធិបតេយ្យកម្ពុជា
2. សួន វីន ប្រធានក្រុម យុវជនលិខិតអម
3. កញ្ញា តឿប ទេវរេវ យុវជន
សម្របសម្រួលដោយ៖ លោក ជា ចាវឡុង
==========================
កម្មវិធីសូមស្វាគមន៍ដោយរីករាយ ​
https://www.facebook.com/comfrel.org/videos/4660400644285259
ក្រសួងមហាផ្ទៃនឹងស៊ើបអង្កេតស្វែងរកការពិតលើករណីនគរបាលប្រឆាំងបទល្មើសសេដ្ឋកិច្ចខេត្តស្វាយរៀងទទួលសំណូកសូកប៉ាន់ប្រាក់ចំនួន ៩ពាន់ដុល្លារ។ នេះជាការអះអាងរបស់អ្នកនាំពាក្យរងក្រសួងមហា​ផ្ទៃ ក្រោយមានការចែករំលែកព័ត៌មានលើ​បណ្តាញទំនាក់ទំនងសង្គមដែលបង្ហាញថា លោកវរសេនីយ៍ទោ ឈុន ឆាង នាយការិយាល័យប្រឆាំងបទល្មើសសេដ្ឋកិច្ចខេត្តស្វាយរៀងបានទទួលយកលុយពីម្ចាស់រថយន្តចំនួន ៩ពាន់ដុល្លារជាថ្នូរនឹងការដោះលែងរថយន្តដឹកកំណាត់ ២គ្រឿង។ https://www.facebook.com/photo/?fbid=1552738253561964&set=a.492095336292933