ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
កម្ពុជាប្រកាសផ្អាកដំណើរការល្បែងភ្នាល់អនឡាញនៅគ្រប់កាស៊ីណូទូទាំងប្រទេស​បណ្តោះ​​អាសន្ន ដើម្បីបង្កើនប្រសិទ្ធភាពបង្រ្កាបការឆបោកតាមអនឡាញ និង​ទុកពេល​ឱ្យ​មន្ត្រីពង្រឹងសមត្ថភាពត្រួតពិនិត្យល្បែងភ្នាល់ទាំងនេះ ដែលក្រសួងមហាផ្ទៃអះអាងថា​ពិបាក​គ្រប់គ្រង។ https://www.facebook.com/photo/?fbid=1579073284261794&set=a.492095336292933
អតីតស្នងការរងនគរបាលរាជធានីភ្នំពេញ លោកស្រី ជា រដ្ឋាត្រូវបានសាលាដំបូងខេត្តបន្ទាយមានជ័យសម្រេចឃុំខ្លួនជាបណ្តោះអាសន្នក្នុងរឿងនាំចូលទំនិញខុសច្បាប់ពីថៃចូលកម្ពុជា។ នេះបើតាមការបញ្ជាក់របស់មន្ត្រីតុលាការខេត្តបន្ទាយមានជ័យនៅរសៀលថ្ងៃទី៧ កញ្ញា។ បើតាមប្រព័ន្ធផ្សព្វផ្សាយក្នុងស្រុក លោកស្រី ជា រដ្ឋា ស្ថិតក្នុងចំណោមមនុស្សជាច្រើននាក់ផ្សេងទៀតដែលត្រូវបានចាប់ខ្លួន ក្នុងនោះក៏មានស្នងការរងនគរបាលខេត្តបន្ទាយមានជ័យម្នាក់ដែរ។ https://www.facebook.com/photo/?fbid=1579138860921903&set=a.492095336292933
សង្គមស៊ីវិល សហជីព និងសហគមន៍មូលដ្ឋានជិត ៥០ស្ថាប័ន បានរួមគ្នាគាំទ្រសេចក្តីថ្លែងការណ៍មួយ ដោយអំពាវនាវឱ្យតុលាការទម្លាក់ចោលបទចោទប្រកាន់ និងដោះលែងលោក ធី ថន ដោយគ្មានលក្ខខណ្ឌ បន្ទាប់ពីលោកត្រូវបានតុលាការផ្តន្ទាទោសឱ្យជាប់ពន្ធនាគាររយៈពេល ៧ឆ្នាំ ពីបទ «រួមគំនិតក្បត់»។ https://web.facebook.com/photo/?fbid=1579821070853682&set=a.492095336292933
តុលាការខេត្តត្រាត បានដោះលែងអ្នកនេសាទកម្ពុជា ២នាក់ ក្នុងចំណោម ៣នាក់ ដែលត្រូវបានចាប់ខ្លួនកាលពីដើមឆ្នាំនេះ ខណៈដែលអ្នកនេសាទម្នាក់ទៀត ដែលជាអ្នកបើកទូក នៅតែបន្តជាប់ឃុំ ហើយត្រូវបានគេរំពឹងថា នឹងត្រូវបានដោះលែងនៅខែវិច្ឆិកា។ ស្ថានភាពនេះបានជំរុញឱ្យអ្នកវិភាគសង្គមអំពាវនាវដល់កម្ពុជាឱ្យធ្វើការតវ៉ាតាមផ្លូវការទូត និងស្វែងរកយុត្តិធម៌ជូនដល់អ្នកនេសាទទាំងនោះ។ https://www.facebook.com/photo/?fbid=1579871007515355&set=a.492095336292933
លោកនាយករដ្ឋមន្ត្រី ហ៊ុន ម៉ាណែត បានបញ្ជាឱ្យផ្អាកសកម្មភាពបូមខ្សាច់ជាបណ្ដោះអាសន្ន នៅទីតាំងណាដែលកំពុងកើតមានការបាក់ច្រាំង និងមានអាជីវកម្មបូមខ្សាច់នៅក្បែរនោះ រហូតដល់អាជ្ញាធរ និងមន្ត្រីជំនាញបញ្ចប់ការសិក្សាវាយតម្លៃរកមូលហេតុច្បាស់លាស់។ https://www.facebook.com/photo/?fbid=1579977447504711&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃពុធ ទី០៩ ខែកញ្ញា ឆ្នាំ២០២៦
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖ ការអភិវឌ្ឍ និងការរក្សាអត្តសញ្ញាណវប្បធម៌ជនជាតិដើមភាគតិច
វាគ្មិនកិត្តិយស៖
1. អ្នកស្រី វ៉ាវ ឡាយស៊ាន លេខានៃសហគមន៍ជនជាតិដើមភាគតិចពូនង
2. លោក សោម គន្ធារី អ្នកសម្របសម្រួលគម្រោង នៃអង្គការជនជាតិដើមភាគតិចកម្ពុជា
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ ​https://www.facebook.com/share/v/1DnAsVdR5i/
លោក កូវ កឿត ប្រធានពន្ធនាគារខេត្តប៉ៃលិន និងមន្ត្រីពន្ធនាគារខេត្តនេះចំនួន ៣រូបទៀតត្រូវបាន​ផ្អាកតួនាទី បន្ទាប់ពីបែកធ្លាយវីដេអូ​អំពី​​ការធ្វើទារុណកម្មទៅលើ​អ្នកជាប់ឃុំក្នុងពន្ធនាគារខេត្តប៉ៃលិន កាលពីពេលថ្មីៗនេះ។ នេះជាការបញ្ជាក់របស់ លោក ឃៀង សុណាឌីន អ្នកនាំពាក្យ​អគ្គនាយកដ្ឋាន​ពន្ធនាគារ។ https://www.facebook.com/photo/?fbid=1580118837490572&set=a.492095336292933
ឯកអគ្គរាជទូតកម្ពុជា និងតំណាងភាគី​ថៃប្រចាំអង្គការសហប្រជាជាតិប្រចាំទីក្រុងហ្សឺណែវ បានឆ្លើយ​តប​ដាក់​គ្នា​យ៉ាង​ខ្លាំង​ ជុំវិញជម្លោះព្រំដែន ដោយចោទប្រកាន់គ្នាទៅវិញទៅមកថា មិនគោរពលក្ខខណ្ឌនៃបទឈប់បាញ់ រួមទាំងការរារាំងប្រជាពលរដ្ឋឱ្យវិលត្រឡប់ទៅលំនៅឋាន និងការធ្វើឱ្យស្ថានការណ៍កាន់តែតានតឹង។ https://www.facebook.com/photo/?fbid=1580769410758848&set=a.492095336292933
រដ្ឋមន្ត្រីក្រសួងមហាផ្ទៃ បានក្រើនរំឭកប្រជាពលរដ្ឋខ្មែរឥស្លាម ឱ្យមានការប្រុងប្រយ័ត្នខ្ពស់ នៅពេលធ្វើដំណើរទៅប្រទេសម៉ាឡេស៊ី ស្វែងរកការងារ ព្រោះថាកន្លងមកមានករណីពលរដ្ឋខ្លះត្រូវបានបោកបញ្ឆោត ដោយសន្យាថាមានការងារនិងប្រាក់ចំណូលខ្ពស់ ប៉ុន្តែពេលទៅដល់បែរជាត្រូវនាំទៅធ្វើការនេសាទនៅលើសមុទ្រ។ https://www.facebook.com/photo/?fbid=1580815967420859&set=a.492095336292933
ប្រាសាទព្រះវិហារបានរងការបំផ្លិចបំផ្លាញយ៉ាងធ្ងន់ធ្ងរស្ទើរទាំងស្រុងដោយគ្រាប់ប្លោងរបស់យោធាថៃនៅក្នុងសង្រ្គាមព្រំដែនរវាងកម្ពុជា និងថៃចំនួន ២លើកកាលពីឆ្នាំ២០២៥។ នេះជាការវាយតម្លៃរបស់អង្គការ UNESCO-ICOMOS ដែលបានឲ្យអ្នកជំនាញចុះទៅពិនិត្យទីតាំងប្រាសាទព្រះវិហារផ្ទាល់កាលពីថ្ងៃទី១ ដល់ថ្ងៃទី៦ មីនាឆ្នាំ២០២៦។ https://www.facebook.com/photo/?fbid=1580854704083652&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃព្រហស្បតិ៍ ទី១០ ខែកញ្ញា ឆ្នាំ២០២៦
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖ ការអភិវឌ្ឍ និងការរក្សាអត្តសញ្ញាណវប្បធម៌ជនជាតិដើមភាគតិច
វាគ្មិនកិត្តិយស៖
1. អ្នកស្រី វ៉ាវ ឡាយស៊ាន លេខានៃសហគមន៍ជនជាតិដើមភាគតិចពូនង
2. លោក សោម គន្ធារី អ្នកសម្របសម្រួលគម្រោង នៃអង្គការជនជាតិដើមភាគតិចកម្ពុជា
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ ​ https://www.facebook.com/share/v/1PS3g77ZeU/
កម្ពុជាបានទទួលប្រាក់កម្ចីជិត ១ ប៊ីលានដុល្លារពីធនាគារចិនមួយ ដើម្បីគាំទ្រដល់ការសាងសង់ព្រែកជីកហ្វូណនតេជោ ដែលមានតម្លៃ ១,៧ប៊ីលានដុល្លារ និងគ្រោងនឹងបញ្ចប់នៅឆ្នាំ ២០២៨។ https://www.facebook.com/photo/?fbid=1580951994073923&set=a.492095336292933
ការប្រមាថមើលងាយនៅលើបណ្តាញសង្គម បានជំរុញឱ្យកម្មករជិត ៦០០០នាក់នៅរោងចក្រយីដាក្នុងខេត្តកណ្តាល ផ្ទុះការតវ៉ាបិទផ្លូវនៅមុខរោងចក្រ រហូតបង្ខំឱ្យបុគ្គលិកផ្នែក រដ្ឋបាលម្នាក់សម្រេចចិត្តលាឈប់ពីការងារភ្លាមៗ នៅថ្ងៃពុធទី៩ ខែកញ្ញា ឆ្នាំ២០២៦។ ក្នុងការតវ៉ានោះកម្មករក៏ទាមទារឱ្យថៅកែក្រុមហ៊ុនដំឡើងប្រាក់ឈ្នួលដេរគិតបុងបន្ថែមដែរ ។ https://www.facebook.com/photo/?fbid=1581707160665073&set=a.492095336292933
ក្រោយការបង្ក្រាបប្រតិបត្តិការឆបោកតាមអនឡាញនៅក្នុងប្រទេសកម្ពុជា មានជនជាតិអាហ្វ្រិកជាច្រើននាក់ដែលជាជនរងគ្រោះនៃការជួញដូរមនុស្សនៅតែបន្តជាប់គាំងមិនអាចចាកចេញពីប្រទេសកម្ពុជា។ ការជាប់គាំងដោយសារតែពួកគេគ្មានលិខិតឆ្លងដែន លុយកាក់ ឬគ្មានឯកសារផ្លូវច្បាប់។ នេះជាព័ត៌មានចុះផ្សាយដោយសារព័ត៌មានអាល្លឺម៉ង់ Deutsche Welle នៅថ្ងៃទី៩ ខែកញ្ញា ឆ្នាំ២០២៦។ https://web.facebook.com/photo/?fbid=1581758263993296&set=a.492095336292933
ជម្លោះព្រំដែនដែលមន្ត្រីកម្ពុជាហៅថាជា «សង្គ្រាមឈ្លានពានរបស់ថៃ» បានបង្កវិបត្តិធំៗចំនួនបី គឺវិបត្តិមនុស្សធម៌ វិបត្តិបេតិកភណ្ឌ និងវិបត្តិនៃការរំលោភច្បាប់អន្តរជាតិ ខណៈផលប៉ះពាល់ជាច្រើននៅមិនទាន់អាចស្ដារឡើងវិញបានទាំងស្រុង។​https://www.facebook.com/photo?fbid=1581899397312516&set=a.492095336292933
អ្នកនាំពាក្យក្រសួងយុត្តិធម៌បានឲ្យដឹងនៅថ្ងៃទី១០ ខែកញ្ញា ឆ្នាំ២០២៦នេះថា រដ្ឋមន្ត្រីក្រសួងយុត្តិធម៌បានសម្រេចបញ្ជូនករណី «ចាប់មនុស្សច្រឡំ» នៅតុលាការខេត្តស្ទឹងត្រែងទៅកាន់ក្រុមប្រឹក្សាវិន័យនៃឧត្តមក្រុមប្រឹក្សានៃអង្គចៅក្រម។ ការសម្រេចរបស់រដ្ឋមន្ត្រីក្រសួងយុត្តិធម៌ពេលនេះធ្វើឡើង ស្របពេលពលរដ្ឋខ្មែរឥស្លាម ២រូបដែលអះអាងថាជាជនរងគ្រោះបានដាក់បណ្តឹងទៅកាន់ស្ថាប័នកំពូលច្បាប់មួយនេះ។ https://www.facebook.com/photo/?fbid=1581946987307757&set=a.492095336292933
ដំណើរទស្សនកិច្ចរយៈពេលពីរថ្ងៃរបស់លោក មីន អ៊ុងឡាំង (Min Aung Hlaing) មេដឹកនាំមីយ៉ាន់ម៉ា មកកាន់ប្រទេសកម្ពុជា ទទួលរងការរិះគន់ពីអង្គការឃ្លាំមើលសិទ្ធិមនុស្ស (Human Rights Watch)។ អង្គការនេះបានអំពាវនាវដល់រដ្ឋាភិបាលកម្ពុជា កុំឱ្យផ្តល់ភាពស្របច្បាប់ដល់មេដឹកនាំដែលទទួលបានការគាំទ្រពីយោធារូបនេះ ឬទទួលស្គាល់ការបោះឆ្នោតនៅមីយ៉ាន់ម៉ាដែលកំពុងមានភាពចម្រូងចម្រាស ព្រមទាំងអំពើហិង្សាដែលកំពុងបន្តកើតមាន និងការចោទប្រកាន់អំពីការរំលោភសិទ្ធិមនុស្ស។ https://www.facebook.com/photo/?fbid=1581992663969856&set=a.492095336292933
ថៃអះអាងថា ខ្លួនមានភស្តុតាងថា កម្ពុជាបានប្រើប្រាស់ប្រាសាទព្រះវិហារ ជាទីតាំងយោធា និងបានប្រើអាវុធពីតំបន់នេះប្រឆាំងនឹងកងកម្លាំងថៃ។ នេះបើតាមកាសែតថៃបាងកកបុស្តិ៍ ដែលបានចុះផ្សាយនៅថ្ងៃទី១៣កញ្ញា។ ការអះអាងនេះធ្វើឡើងបន្ទាប់ពីកម្ពុជាទាមទារឱ្យថៃបង្ហាញភស្តុតាង ដែលអាចផ្ទៀងផ្ទាត់បាន ពាក់ព័ន្ធនឹងការវាយប្រហារ និងការខូចខាត នៅប្រាសាទព្រះវិហារ ដែលជាសម្បត្តិបេតិកភណ្ឌពិភពលោក។ https://www.facebook.com/photo/?fbid=1584537037048752&set=a.492095336292933
គម្រោងថ្មីមួយដែលគាំទ្រដោយអង្គការ Oxfam និងទីភ្នាក់ងារស្វីសសម្រាប់ការអភិវឌ្ឍ និងកិច្ចសហប្រតិបត្តិការ (SDC) មានគោលបំណងលើកកម្ពស់អភិបាលកិច្ចមូលដ្ឋាននៅក្នុងប្រទេសកម្ពុជា ដោយធ្វើឱ្យថវិកាសាធារណៈ និងដំណើរការនៃការសម្រេចចិត្តមានតម្លាភាពជាងមុន ព្រមទាំងផ្តល់ឱកាសឱ្យប្រជាពលរដ្ឋមានតួនាទីកាន់តែសកម្មក្នុងការកំណត់ទម្រង់សេវាសាធារណៈនៅក្នុងសហគមន៍របស់ពួកគេ។ https://www.facebook.com/photo/?fbid=1584602800375509&set=a.492095336292933
អង្គភាពប្រឆាំងអំពើពុករលួយ (ACU) បានរកឃើញបេក្ខជន​ចំនួន​៣នាក់ បាន​ប្រើ​ប្រាស់​ឯកសារ​ក្លែងបន្លំ ដើម្បី​ដាក់​ពាក្យប្រឡង​​ចូលរៀនវិជ្ជាជីវៈមេធាវី ជំនាន់ទី២១ ដោយកំណត់កាលបរិច្ឆេទចាប់ផ្តើមលក់ពាក្យ កាលពី​ថ្ងៃទី៣ ខែសីហា និងបិទបញ្ចប់ការទទួលពាក្យ កាលពី​ថ្ងៃទី៣ ខែកញ្ញា ឆ្នាំ២០២៦។ https://www.facebook.com/photo/?fbid=1584706590365130&set=a.492095336292933