ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
មន្ត្រីអង្គការសង្គម​ស៊ីវិល​មួយ​ចំនួន ​បាន​ថ្លែង​ចេញពីវេទិការ​អ៊ីន​ធឺណិត​ភ្នំពេញ​ថា ច្បាប់​និង​សេចក្តីព្រាងច្បាប់​មួយ​ចំនួន ​​ដែល​ត្រូវ​បាន​ដាក់​ឱ្យ​ប្រើប្រាស់ និងកំពុង​ស្ថិតក្នុងដំណើរការ​ធ្វើ​សេចក្តីព្រាង​ គឺ​បាន​រឹតត្បិត​សិទ្ធិ​សេរីភាព​បញ្ចេញ​មតិ​ ធ្វើ​ឱ្យសកម្ម​ជន​ដែល​ធ្វើ​កិច្ចការងារ​សង្គម​​មាន​ការ​ភ័យ​ខ្លាច​លែង​សូវ​ហ៊ាន​បញ្ចេញមតិ​​ដើម្បី​ចូល​រួម​ស្ថាបនាសង្គម។ https://web.facebook.com/photo?fbid=1587304426772013&set=a.492095336292933&_rdc=1&_rdr#
ក្នុងរយៈពេលជាង ៩ខែនៃឆ្នាំ២០២៦ មានកម្មករប្រមាណជាង ៣ម៉ឺន៥ពាន់ បានរងគ្រោះក្នុងវិវាទការងារក្នុងប្រទេសកម្ពុជា។ នេះជារបាយការណ៍កត់ត្រាដោយអង្គការសង់ត្រាល់។ តាមសង់ត្រាល់ បញ្ហាប្រាក់ខែមិនបានទូទាត់ ភាពយឺតយ៉ាវនៃការបើកប្រាក់ខែ បញ្ហាប្រាក់បំណាច់កិច្ចសន្យា និងអត្ថប្រយោជន៍នានាតាមច្បាប់ការងារ នៅតែជាបញ្ហាដ៏ធំ ញ៉ាំង ឲ្យកម្មករចេញតវ៉ា ឬ ធ្វើ កូដកម្មដើម្បី ទាមទារផលប្រយោជន៍ពួកគេ។ https://www.facebook.com/photo/?fbid=1587342533434869&set=a.492095336292933
ក្រោយអវត្តមានឯកអគ្គរដ្ឋទូតពេញសិទ្ធិប្រចាំកម្ពុជាអស់រយៈពេលជាង២ឆ្នាំ សហរដ្ឋអាមេរិកត្រៀមបញ្ជូនលោក Christopher Anderson មកបំពេញបេសកកម្មការទូតនៅរាជធានីភ្នំពេញ ខណៈបញ្ហាសន្តិសុខ និងការប្រយុទ្ធប្រឆាំងបណ្តាញឆបោក ស្ថិតក្នុងចំណោមអាទិភាពការងាររបស់លោក។ https://www.facebook.com/photo/?fbid=1587460240089765&set=a.492095336292933
សាលាឧទ្ធរណ៍ភ្នំពេញ សម្រេចតម្កល់សាលក្រមរបស់តុលាការជាន់ទាបទុកជាបានការដដែល ក្នុងសំណុំរឿងបរិហារកេរ្តិ៍ ដែលបង្គាប់ឱ្យលោក​ ទាវ វណ្ណុល ប្រធានបក្សភ្លើងទៀន បង់ប្រាក់សំណងជំងឺចិត្តដល់រាជរដ្ឋាភិបាល ចំនួន​៦ពាន់​លាន​រៀល ឬប្រហែល ១,៥លានដុល្លារអាមេរិក។ https://www.facebook.com/photo/?fbid=1587512230084566&set=a.492095336292933
កម្ពុជាត្រៀមខ្លួន​បន្តទៅជំហានបន្ទាប់នៃដំណើរការផ្សះផ្សាដោយ​បង្ខំ​ក្រោមអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) បន្ទាប់ពីកិច្ចប្រជុំលើកដំបូងបានបញ្ចប់ ខណៈការលើកឡើងរបស់រដ្ឋមន្ត្រីការបរទេសថៃ ដែលលាយបញ្ចូលបញ្ហាព្រំដែនគោកជាមួយបញ្ហាដែនសមុទ្រ ត្រូវបានអ្នកសារព័ត៌មានថៃជើង​ចាស់​មួយរូបចាត់ទុកថាមានលក្ខណៈ «វាយ​ប្រហារ»។ https://www.facebook.com/photo/?fbid=1587578713411251&set=a.492095336292933
សមាជិកសភាអាមេរិកចំនួន២រូប បានស្នើឲ្យមានការដាក់ទណ្ឌកម្មលើឥស្សរជនមួយចំនួនក្នុងជួររដ្ឋាភិបាលកម្ពុជាពាក់ព័ន្ធនឹងឧក្រិដ្ឋកម្មឆបោកអនឡាញ តាមរយៈច្បាប់បង្កកទ្រព្យសម្បត្តិ (Global Magnitsky Act) រួមមាន លោក នេត សាវឿន ឧបនាយករដ្ឋមន្ត្រីទី១ លោក ស សុខា រដ្ឋមន្ត្រីក្រសួងមហាផ្ទៃ អ្នកឧកញ៉ា ហ៊ុន តូ និងមន្ត្រីមួយចំនួនទៀត។ https://www.facebook.com/photo/?fbid=1588187023350420&set=a.492095336292933
លោកនាយក​រដ្ឋមន្រ្តី ហ៊ុន ម៉ាណែត បានបញ្ជាក់​ថា បញ្ហា Online Scams បាន​ឈាន​ដល់ចំណុច​ក្រហម​ ត្រូវកម្ទេចមិនឱ្យ​ងើប​ឡើង​វិញ​ទេ ហើយ​អ្នកពាក់ព័ន្ធមួយ​ចំនួន មាន​ចៅហ្វាយ​ស្រុក និង​ស្នងការ​រង ត្រូវបាន​ដូរ​ចេញ ចំណែក​កម្លាំងជំនាញ​ ក៏​កំពុង​ស្រាយ​ជ្រាវ​ស្វែង​រក​អ្នកពាក់បន្ថែម​ទៀត​ ព្រោះនេះជា​រឿង​មុខមាត់ និងកិត្តិយស​ប្រទេសជាតិ​ទាំង​មូល គ្មានការ​លើក​លែង​​នោះ​ទេ។​ https://www.facebook.com/photo/?fbid=1588231496679306&set=a.492095336292933
អាជ្ញាធរមីនកម្ពុជា អំពាវនាវដល់សហគមន៍អន្តរជាតិ និងដៃគូអភិវឌ្ឍ ដែលមានបទពិសោធន៍និងជំនាញ បន្តផ្តល់ការគាំទ្រទាំងផ្នែកបច្ចេកទេស និងធនធាន ដោះស្រាយផលប៉ះពាល់ និងបោសសម្អាតគ្រាប់បែកចង្កោមស៊េរី M ទើបរកឃើញថ្មីៗនៅលើទឹកដីកម្ពុជា ដែលបន្សល់ទុកក្នុងអំឡុងជម្លោះតាមព្រំដែនកម្ពុជា–ថៃកន្លងទៅថ្មីៗនេះ។ https://www.facebook.com/photo/?fbid=1588280863341036&set=a.492095336292933
ក្រសួងការបរទេសកម្ពុជា តវ៉ាជាផ្លូវការម្តងទៀត ប្រឆាំងនឹងសកម្មភាពខុសច្បាប់របស់កងកម្លាំងប្រដាប់អាវុធថៃ ដែលបន្តជារឿយៗ រំលោភលើអធិបតេយ្យ និងបូរណភាពទឹកដីរបស់កម្ពុជា តាមបណ្ដោយព្រំដែន។ https://www.facebook.com/photo/?fbid=1588370963332026&set=a.492095336292933
របាយការណ៍ស៊ើបអង្កេតថ្មីដែលចងក្រងដោយអ្នកជំនាញផ្នែកសន្តិសុខឌីជីថលបានរកឃើញថា ការផ្សាយពាណិជ្ជកម្មជ្រើសរើសបុគ្គលិកឱ្យធ្វើសកម្មភាពឆបោកអនឡាញនៅតែមាន ទោះបីជារដ្ឋាភិបាលបានអះអាងកន្លងមកថា កម្ពុជាលែងមានមជ្ឈមណ្ឌលឆបោកទៀតក៏ដោយ។ បើតាមរបាយការណ៍ ឆានែល ឬក្រុមតេឡេក្រាមមួយចំនួននៅតែបន្តមានសកម្មភាពមកដល់សព្វថ្ងៃ និងនៅតែបន្តជ្រើសបុគ្គលិកជាហូរហែរ ទោះបីជាទីតាំងឆបោកត្រូវបានប្តូរឈ្មោះ ឬផ្លាស់ទីទៅកន្លែងថ្មី។ https://www.facebook.com/photo/?fbid=1588424823326640&set=a.492095336292933
អង្គការសង្គមស៊ីវិលក្នុងស្រុកចំនួន ១២៥ស្ថាប័ននៅថ្ងៃទី១៨កញ្ញា​ បានចេញសេចក្តីថ្លែងការណ៍រួមគាំទ្រសំណើរបស់សហព័ន្ធសហជីព ក្នុងការស្នើដំឡើងប្រាក់ឈ្នួលអប្បបរមាសម្រាប់កម្មករនិយោជិតឱ្យដល់​ ២៥០.៦៦ដុល្លារក្នុងមួយខែ សម្រាប់ឆ្នាំ២០២៧។ សំណើកំណត់ប្រាក់ឈ្មួលថ្មីនេះ គឺកើនឡើងបន្ថែមចំនួន៤០.៦៦ដុល្លារ ពីលើប្រាក់ឈ្នួលបច្ចុប្បន្នចំនួន ២១០ដុល្លារ។ យោងតាមសេចក្តីថ្លែងការណ៍រួម ការស្នើដំឡើងប្រាក់ឈ្មួលសម្រាប់កម្មករនិយោជិត ពុំមានហេតុផលអ្វីផ្សេងក្រៅពីការ​ធានាដល់ជីវភាពរស់នៅ និងបំពេញតម្រូវការផ្សេងៗរបស់កម្មករនិយោជិត ដ្បិតថា ប្រាក់ឈ្នួលបច្ចុប្បន្នអាចគ្របដណ្ដប់បានប្រមាណតែ៦០%នៃការចំណាយជាមធ្យមរបស់គ្រួសារកម្មករប៉ុណ្ណោះ។ https://www.facebook.com/photo/?fbid=1591007843068338&set=a.492095336292933
កម្ពុជា នឹងដឹកនាំបណ្តាប្រទេសជាង២០ រួមទាំងស្ថាប័ន-អង្គការជំនាញចំនួន៦ ដើម្បីពិភាក្សាគ្នាធ្វើយ៉ាងណា កាត់ផ្តាច់ខ្សែច្រវាក់ឆបោកតាមប្រព័ន្ធបច្ចេកវិទ្យា​ (Online Scam)។ កិច្ចប្រជុំនេះ គឺធ្វើឡើងនៅរាជធានីភ្នំពេញ ពីថ្ងៃទី២៣-២៤ ខែកញ្ញា។ https://www.facebook.com/photo/?fbid=1591050389730750&set=a.492095336292933
តំណាងអយ្យការអមសាលាដំបូងរាជធានីភ្នំពេញ បានសម្រេចចោទប្រកាន់លោក រៀម រុំ មេឃុំព្រែកខ្សាច់ និងបក្ខពួក ២នាក់ទៀត ក្រោយសង្ស័យថា បានទទួលសំណូកពីជនជាតិចិនប្រមាណ ៨០០០ពាន់ដុល្លារ និងបានរៀបចំទីតាំងដីរបស់ខ្លួនធ្វើជាកន្លែងឆបោកអនឡាញ។ គួរជម្រាបថា កម្លាំង​របស់​អង្គភាពប្រឆាំងអំពើពុករលួយជាអ្នកចាប់ខ្លួន មេឃុំព្រែកខ្សាច់ និងបក្ខពួក។ https://www.facebook.com/photo/?fbid=1591174533051669&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃចន្ទ ទី២១ ខែកញ្ញា ឆ្នាំ២០២៦
កម្មវិធី «សំឡេងម្ចាស់ឆ្នោត»
==========================
ប្រធានបទ៖ ការការពារសិទ្ធិសេរីភាពពលរដ្ឋ និងគោលការណ៍លទ្ធិប្រជាធិបតេយ្យស្របតាមរដ្ឋធម្មនុញ្ញ
វាគ្មិនកិត្តិយស៖
1. លោកមេធាវី គង់ សំអុន ប្រធានការិយាល័យមេធាវីអាស៊ី
2. លោក ជន សុខធូធារាជ្យ សមាជិកកាហ្វេនយោបាយ
3. កញ្ញា ហ៊ន ថូវ៉ាន់ មន្ត្រីកម្មវិធីពលរដ្ឋអ្នកសារព័ត៌មាន នៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ
សម្របសម្រួលដោយ៖ ស៊ិន រតនា
==========================
កម្មវិធីសូមស្វាគមន៍ដោយរីករាយ ​https://www.facebook.com/share/v/1C9SgozkFc/
លោក​នាយក​រដ្ឋមន្រ្តី ហ៊ុន ម៉ាណែត បាន​​ស្នើ​ទៅ​កាន់​ភាគីថៃ​ឱ្យ​គោរពកិច្ចព្រមព្រៀង ដែលបានឯកភាពគ្នា ​ចូលរួមដោះស្រាយបញ្ហាព្រំដែនកម្ពុជា-ថៃតាមសន្តិវិធី ដោយផ្អែកលើច្បាប់អន្តរជាតិ ដើម្បីកាត់បន្ថយភាពតានតឹង កសាងទំនុកចិត្ត និងឈានទៅរកការស្ដារសន្តិភាពនៅតាមព្រំដែន។​ https://www.facebook.com/photo/?fbid=1591289793040143&set=a.492095336292933
ការផ្សាយឡើងវិញសំឡេងសង្គមស៊ីវិល(VOC) សម្រាប់ថ្ងៃអង្ការ ទី២២ ខែកញ្ញា ឆ្នាំ២០២៦ កម្មវិធី «សំឡេងម្ចាស់ឆ្នោត»
ប្រធានបទ៖ ការការពារសិទ្ធិសេរីភាពពលរដ្ឋ និងគោលការណ៍លទ្ធិប្រជាធិបតេយ្យស្របតាមរដ្ឋធម្មនុញ្ញ វាគ្មិនកិត្តិយស៖
1.លោកមេធាវី គង់ សំអុន ប្រធានការិយាល័យមេធាវីអាស៊ី
2.លោក ជន សុខធូធារាជ្យ សមាជិកកាហ្វេនយោបាយ
3.កញ្ញា ហ៊ន ថូវ៉ាន់ មន្ត្រីកម្មវិធីពលរដ្ឋអ្នកសារព័ត៌មាន នៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ សម្របសម្រួលដោយ៖ ស៊ិន រតនា ========================== កម្មវិធីសូមស្វាគមន៍ដោយរីករាយ ​https://www.facebook.com/share/v/19SrhKDNcU/?mibextid=wwXIfr
មជ្ឈមណ្ឌលពាណិជ្ជកម្មម៉ឺនជ័យ ឬ 8Park គឺជាទីតាំងរបស់ក្រុមឧក្រិដ្ឋជនឆបោកអនឡាញដ៏ធំមួយប្រចាំស្រុកកំចាយមារ ខេត្តព្រៃវែង។ តែក្រោយពីមានការបង្ក្រាបរបស់អាជ្ញាធរកម្ពុជាកាលពីខែកុម្ភៈ ឆ្នាំ ២០២៦ កន្លងទៅមក អតីតទីតាំងឆបោកដែលលាតសន្ធឹងលើផ្ទៃដីប្រមាណ ១២០ហិកតាមួយនេះប្រែជាស្ងាត់ជ្រងំ លែងមានសកម្មភាពឆបោកទៀតឡើយ។ លោក សួន សុម៉ាលីន អភិបាលខេត្តព្រៃវែងបានប្រាប់អ្នកកាសែត​នៅថ្ងៃទី២១ កញ្ញាថា អាជ្ញាធរបានដុតដៃដុតជើងយ៉ាងខ្លាំងដើម្បីបង្ក្រាបទីតាំងឆបោកដ៏ធំមួយនេះពីកណ្តាប់ដៃគ្រប់គ្រងរបស់លោក អៀង សុខលីម និងជនជាតិចិន ២នាក់ ជាមនុស្សជំនិតរបស់លោក ចេន ហ្ស៊ី។ https://www.facebook.com/photo/?fbid=1591925122976610&set=a.492095336292933
តំបន់ប្រតិបត្តិការសឹករងឧត្តរមានជ័យ អះអាងថា យោធាតាមបណ្ដាកងឯកភាព បានស្នើឱ្យយកថវិកា១២ម៉ឺនរៀល ដែលជារបបហូបប្រចាំខែ របស់យោធិនម្នាក់ ទៅបែងចែកក្នុងអាហារប្រចាំថ្ងៃវិញ។ ដូច្នេះ គ្មានការកាត់ប្រាក់ខែរបស់កងទ័ពឡើយ។ https://www.facebook.com/photo/?fbid=1591965186305937&set=a.492095336292933
សហរដ្ឋអាម៉េរិកបានដាក់កម្រិតទិដ្ឋាការលើបុគ្គលចំនួន ៣២នាក់ ដែលត្រូវបានចោទប្រកាន់ថាមានជាប់ពាក់ព័ន្ធនឹងការឆបោកតាមប្រព័ន្ធបច្ចេកវិទ្យាដែលកំណត់គោលដៅលើជនជាតិអាម៉េរិក ដោយពួកគេភាគច្រើនមានទំនាក់ទំនងជាមួយព្រីនស៍គ្រុបដែលជា «បណ្ដាញឧក្រិដ្ឋកម្មឆ្លងដែន»។ https://www.facebook.com/photo/?fbid=1592123502956772&set=a.492095336292933
នាយករដ្ឋមន្ត្រីថៃ លោក អនុធិន ឆានវីរៈគូន ប្រាប់អ្នកកាសែតថា ថៃបានត្រៀមរួចរាល់ដើម្បីតទល់ជាមួយកម្ពុជាលើបញ្ហាព្រំដែន បើសិនជាកម្ពុជាលើកយករឿងនេះទៅនិយាយនៅអង្គការសហប្រជាជាតិ។ លោក អនុធិន បាននិយាយដូចនេះ មុនពេលលោកធ្វើដំណើរទៅចូលរួមមហាសន្និបាតអង្គការសហប្រជាជាតិលើកទី៨១ នៅទីក្រុងញូវយ៉ក សហរដ្ឋអាមេរិក។ https://www.facebook.com/photo/?fbid=1592219036280552&set=a.492095336292933