ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ក្រសួងការបរទេសកម្ពុជា តវ៉ាជាផ្លូវការម្តងទៀត ប្រឆាំងនឹងសកម្មភាពខុសច្បាប់របស់កងកម្លាំងប្រដាប់អាវុធថៃ ដែលបន្តជារឿយៗ រំលោភលើអធិបតេយ្យ និងបូរណភាពទឹកដីរបស់កម្ពុជា តាមបណ្ដោយព្រំដែន។ https://www.facebook.com/photo/?fbid=1588370963332026&set=a.492095336292933
របាយការណ៍ស៊ើបអង្កេតថ្មីដែលចងក្រងដោយអ្នកជំនាញផ្នែកសន្តិសុខឌីជីថលបានរកឃើញថា ការផ្សាយពាណិជ្ជកម្មជ្រើសរើសបុគ្គលិកឱ្យធ្វើសកម្មភាពឆបោកអនឡាញនៅតែមាន ទោះបីជារដ្ឋាភិបាលបានអះអាងកន្លងមកថា កម្ពុជាលែងមានមជ្ឈមណ្ឌលឆបោកទៀតក៏ដោយ។ បើតាមរបាយការណ៍ ឆានែល ឬក្រុមតេឡេក្រាមមួយចំនួននៅតែបន្តមានសកម្មភាពមកដល់សព្វថ្ងៃ និងនៅតែបន្តជ្រើសបុគ្គលិកជាហូរហែរ ទោះបីជាទីតាំងឆបោកត្រូវបានប្តូរឈ្មោះ ឬផ្លាស់ទីទៅកន្លែងថ្មី។ https://www.facebook.com/photo/?fbid=1588424823326640&set=a.492095336292933
អង្គការសង្គមស៊ីវិលក្នុងស្រុកចំនួន ១២៥ស្ថាប័ននៅថ្ងៃទី១៨កញ្ញា​ បានចេញសេចក្តីថ្លែងការណ៍រួមគាំទ្រសំណើរបស់សហព័ន្ធសហជីព ក្នុងការស្នើដំឡើងប្រាក់ឈ្នួលអប្បបរមាសម្រាប់កម្មករនិយោជិតឱ្យដល់​ ២៥០.៦៦ដុល្លារក្នុងមួយខែ សម្រាប់ឆ្នាំ២០២៧។ សំណើកំណត់ប្រាក់ឈ្មួលថ្មីនេះ គឺកើនឡើងបន្ថែមចំនួន៤០.៦៦ដុល្លារ ពីលើប្រាក់ឈ្នួលបច្ចុប្បន្នចំនួន ២១០ដុល្លារ។ យោងតាមសេចក្តីថ្លែងការណ៍រួម ការស្នើដំឡើងប្រាក់ឈ្មួលសម្រាប់កម្មករនិយោជិត ពុំមានហេតុផលអ្វីផ្សេងក្រៅពីការ​ធានាដល់ជីវភាពរស់នៅ និងបំពេញតម្រូវការផ្សេងៗរបស់កម្មករនិយោជិត ដ្បិតថា ប្រាក់ឈ្នួលបច្ចុប្បន្នអាចគ្របដណ្ដប់បានប្រមាណតែ៦០%នៃការចំណាយជាមធ្យមរបស់គ្រួសារកម្មករប៉ុណ្ណោះ។ https://www.facebook.com/photo/?fbid=1591007843068338&set=a.492095336292933
កម្ពុជា នឹងដឹកនាំបណ្តាប្រទេសជាង២០ រួមទាំងស្ថាប័ន-អង្គការជំនាញចំនួន៦ ដើម្បីពិភាក្សាគ្នាធ្វើយ៉ាងណា កាត់ផ្តាច់ខ្សែច្រវាក់ឆបោកតាមប្រព័ន្ធបច្ចេកវិទ្យា​ (Online Scam)។ កិច្ចប្រជុំនេះ គឺធ្វើឡើងនៅរាជធានីភ្នំពេញ ពីថ្ងៃទី២៣-២៤ ខែកញ្ញា។ https://www.facebook.com/photo/?fbid=1591050389730750&set=a.492095336292933
តំណាងអយ្យការអមសាលាដំបូងរាជធានីភ្នំពេញ បានសម្រេចចោទប្រកាន់លោក រៀម រុំ មេឃុំព្រែកខ្សាច់ និងបក្ខពួក ២នាក់ទៀត ក្រោយសង្ស័យថា បានទទួលសំណូកពីជនជាតិចិនប្រមាណ ៨០០០ពាន់ដុល្លារ និងបានរៀបចំទីតាំងដីរបស់ខ្លួនធ្វើជាកន្លែងឆបោកអនឡាញ។ គួរជម្រាបថា កម្លាំង​របស់​អង្គភាពប្រឆាំងអំពើពុករលួយជាអ្នកចាប់ខ្លួន មេឃុំព្រែកខ្សាច់ និងបក្ខពួក។ https://www.facebook.com/photo/?fbid=1591174533051669&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃចន្ទ ទី២១ ខែកញ្ញា ឆ្នាំ២០២៦
កម្មវិធី «សំឡេងម្ចាស់ឆ្នោត»
==========================
ប្រធានបទ៖ ការការពារសិទ្ធិសេរីភាពពលរដ្ឋ និងគោលការណ៍លទ្ធិប្រជាធិបតេយ្យស្របតាមរដ្ឋធម្មនុញ្ញ
វាគ្មិនកិត្តិយស៖
1. លោកមេធាវី គង់ សំអុន ប្រធានការិយាល័យមេធាវីអាស៊ី
2. លោក ជន សុខធូធារាជ្យ សមាជិកកាហ្វេនយោបាយ
3. កញ្ញា ហ៊ន ថូវ៉ាន់ មន្ត្រីកម្មវិធីពលរដ្ឋអ្នកសារព័ត៌មាន នៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ
សម្របសម្រួលដោយ៖ ស៊ិន រតនា
==========================
កម្មវិធីសូមស្វាគមន៍ដោយរីករាយ ​https://www.facebook.com/share/v/1C9SgozkFc/
លោក​នាយក​រដ្ឋមន្រ្តី ហ៊ុន ម៉ាណែត បាន​​ស្នើ​ទៅ​កាន់​ភាគីថៃ​ឱ្យ​គោរពកិច្ចព្រមព្រៀង ដែលបានឯកភាពគ្នា ​ចូលរួមដោះស្រាយបញ្ហាព្រំដែនកម្ពុជា-ថៃតាមសន្តិវិធី ដោយផ្អែកលើច្បាប់អន្តរជាតិ ដើម្បីកាត់បន្ថយភាពតានតឹង កសាងទំនុកចិត្ត និងឈានទៅរកការស្ដារសន្តិភាពនៅតាមព្រំដែន។​ https://www.facebook.com/photo/?fbid=1591289793040143&set=a.492095336292933
ការផ្សាយឡើងវិញសំឡេងសង្គមស៊ីវិល(VOC) សម្រាប់ថ្ងៃអង្ការ ទី២២ ខែកញ្ញា ឆ្នាំ២០២៦ កម្មវិធី «សំឡេងម្ចាស់ឆ្នោត»
ប្រធានបទ៖ ការការពារសិទ្ធិសេរីភាពពលរដ្ឋ និងគោលការណ៍លទ្ធិប្រជាធិបតេយ្យស្របតាមរដ្ឋធម្មនុញ្ញ វាគ្មិនកិត្តិយស៖
1.លោកមេធាវី គង់ សំអុន ប្រធានការិយាល័យមេធាវីអាស៊ី
2.លោក ជន សុខធូធារាជ្យ សមាជិកកាហ្វេនយោបាយ
3.កញ្ញា ហ៊ន ថូវ៉ាន់ មន្ត្រីកម្មវិធីពលរដ្ឋអ្នកសារព័ត៌មាន នៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ សម្របសម្រួលដោយ៖ ស៊ិន រតនា ========================== កម្មវិធីសូមស្វាគមន៍ដោយរីករាយ ​https://www.facebook.com/share/v/19SrhKDNcU/?mibextid=wwXIfr
មជ្ឈមណ្ឌលពាណិជ្ជកម្មម៉ឺនជ័យ ឬ 8Park គឺជាទីតាំងរបស់ក្រុមឧក្រិដ្ឋជនឆបោកអនឡាញដ៏ធំមួយប្រចាំស្រុកកំចាយមារ ខេត្តព្រៃវែង។ តែក្រោយពីមានការបង្ក្រាបរបស់អាជ្ញាធរកម្ពុជាកាលពីខែកុម្ភៈ ឆ្នាំ ២០២៦ កន្លងទៅមក អតីតទីតាំងឆបោកដែលលាតសន្ធឹងលើផ្ទៃដីប្រមាណ ១២០ហិកតាមួយនេះប្រែជាស្ងាត់ជ្រងំ លែងមានសកម្មភាពឆបោកទៀតឡើយ។ លោក សួន សុម៉ាលីន អភិបាលខេត្តព្រៃវែងបានប្រាប់អ្នកកាសែត​នៅថ្ងៃទី២១ កញ្ញាថា អាជ្ញាធរបានដុតដៃដុតជើងយ៉ាងខ្លាំងដើម្បីបង្ក្រាបទីតាំងឆបោកដ៏ធំមួយនេះពីកណ្តាប់ដៃគ្រប់គ្រងរបស់លោក អៀង សុខលីម និងជនជាតិចិន ២នាក់ ជាមនុស្សជំនិតរបស់លោក ចេន ហ្ស៊ី។ https://www.facebook.com/photo/?fbid=1591925122976610&set=a.492095336292933
តំបន់ប្រតិបត្តិការសឹករងឧត្តរមានជ័យ អះអាងថា យោធាតាមបណ្ដាកងឯកភាព បានស្នើឱ្យយកថវិកា១២ម៉ឺនរៀល ដែលជារបបហូបប្រចាំខែ របស់យោធិនម្នាក់ ទៅបែងចែកក្នុងអាហារប្រចាំថ្ងៃវិញ។ ដូច្នេះ គ្មានការកាត់ប្រាក់ខែរបស់កងទ័ពឡើយ។ https://www.facebook.com/photo/?fbid=1591965186305937&set=a.492095336292933
សហរដ្ឋអាម៉េរិកបានដាក់កម្រិតទិដ្ឋាការលើបុគ្គលចំនួន ៣២នាក់ ដែលត្រូវបានចោទប្រកាន់ថាមានជាប់ពាក់ព័ន្ធនឹងការឆបោកតាមប្រព័ន្ធបច្ចេកវិទ្យាដែលកំណត់គោលដៅលើជនជាតិអាម៉េរិក ដោយពួកគេភាគច្រើនមានទំនាក់ទំនងជាមួយព្រីនស៍គ្រុបដែលជា «បណ្ដាញឧក្រិដ្ឋកម្មឆ្លងដែន»។ https://www.facebook.com/photo/?fbid=1592123502956772&set=a.492095336292933
នាយករដ្ឋមន្ត្រីថៃ លោក អនុធិន ឆានវីរៈគូន ប្រាប់អ្នកកាសែតថា ថៃបានត្រៀមរួចរាល់ដើម្បីតទល់ជាមួយកម្ពុជាលើបញ្ហាព្រំដែន បើសិនជាកម្ពុជាលើកយករឿងនេះទៅនិយាយនៅអង្គការសហប្រជាជាតិ។ លោក អនុធិន បាននិយាយដូចនេះ មុនពេលលោកធ្វើដំណើរទៅចូលរួមមហាសន្និបាតអង្គការសហប្រជាជាតិលើកទី៨១ នៅទីក្រុងញូវយ៉ក សហរដ្ឋអាមេរិក។ https://www.facebook.com/photo/?fbid=1592219036280552&set=a.492095336292933
រាជរដ្ឋាភិបាលកម្ពុជា បានធ្វើការតវ៉ាជាផ្លូវការយ៉ាងខ្លាំងបន្ថែមទៀត ចំពោះការបន្តរំលោភបំពានជា បន្តបន្ទាប់របស់ថៃ មកលើអធិបតេយ្យ និងបូរណភាពទឹកដីរបស់កម្ពុជា តាមបណ្ដោយព្រំដែន ដែល ចុង ក្រោយ នេះ ធ្វើឡើង តាម រយៈ យក ចម្លាក់ ព្រះពុទ្ធ ស៊ីម៉ងត៍ មកដាក់ នៅ ភូមិសាស្ត្រ ស្រុក អន្លង វែង ដើម្បី បង្កើត ស្ថានភាពថ្មី។ https://www.facebook.com/photo/?fbid=1592861669549622&set=a.492095336292933
លោក រ៉ុង ឈុន ទីប្រឹក្សាគណបក្សកម្លាំងជាតិ បានដាក់ពាក្យសុំច្បាប់ទៅតុលាការកំពូលដើម្បីទៅធ្វើបុណ្យភ្ជុំបិណ្ឌនៅស្រុកកំណើតក្នុងស្រុកស្អាងខេត្តកណ្តាលនាពេលខាងមុខ។ សូមរម្លឹកជូនថា លោក រ៉ុង ឈុន ដែលគេស្គាល់ជាអ្នករិះគន់មិនសំចៃមាត់លើបញ្ហាព្រំដែនត្រូវបានតុលាការកំពូលកាត់ទោសដាក់ក្នុងពន្ធនាគាររយៈពេល៤ឆ្នាំ ដោយព្យួរទោស និងហាមដើរចេញពីរង្វង់ទីក្រុងភ្នំពេញ។ https://www.facebook.com/photo/?fbid=1592899759545813&set=a.492095336292933
កម្ពុជាកំពុងរៀបចំសន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា។ នៅចំពោះមុខបណ្តាសហគមន៍អន្តរជាតិ លោក ហ៊ុន ម៉ាណែត​ នាយករដ្ឋមន្ត្រីកម្ពុជា បានបញ្ជាក់ជំហរជាថ្មីថា កម្ពុជាមិនមែនជាទីតាំងសម្រាប់ឲ្យឧក្រិដ្ឋជនប្រព្រឹត្តបទល្មើសឆបោកអនឡាញឡើយ។ តែទន្ទឹមនេះ លោក ហ៊ុន ម៉ាណែត បានទទួលស្គាល់ថា កម្ពុជាបានផុងខ្លួនទៅក្នុង​ឧក្រិដ្ឋកម្មឆបោកអនឡាញ ដោយសារតែកំណើនល្បែងអនឡាញ និងធុរជនដែលគ្មានភាពស្មោះត្រង់ចូលមកវិនិយោគនៅកម្ពុជា។ https://www.facebook.com/photo/?fbid=1593031992865923&set=a.492095336292933
លទ្ធផលស្ទង់មតិថវិកាបើកចំហ ឬ Open Budget Survey (OBS) ឆ្នាំ២០២៥ បង្ហាញថា កម្ពុជាទទួលបានពិន្ទុត្រឹម ២លើ១០០ សម្រាប់ការចូលរួមរបស់សាធារណជនក្នុងដំណើរការរៀបចំថវិកា។ ការវាយតម្លៃនេះ ពិនិត្យលើកម្រិតដែលរដ្ឋាភិបាលផ្តល់ឱកាសជាផ្លូវការឱ្យសាធារណជនចូលរួមនៅគ្រប់ដំណាក់កាលនៃដំណើរការថវិកា រួមមានការរៀបចំថវិកាដោយស្ថាប័នប្រតិបត្តិ ការពិនិត្យ និងអនុម័តដោយស្ថាប័ននីតិប្បញ្ញត្តិ ព្រមទាំងការត្រួតពិនិត្យដោយស្ថាប័នសវនកម្មកំពូល។​ https://www.facebook.com/photo/?fbid=1593078806194575&set=a.492095336292933
សំណើដំឡើងប្រាក់ឈ្នួល​កម្មករកាត់ដេរនៅ​ឆ្នាំ​២០២៧ ឱ្យដល់ ២៥០,៦៦ដុល្លាររបស់សហព័ន្ធសហជីព​នៅកម្ពុជា​​មានហេតុផលត្រឹមត្រូវ​ សមស្របសម្រាប់បរិបទសេដ្ឋកិច្ចកម្ពុជាសព្វថ្ងៃ។ ​នេះ​​តាមសេចក្តីថ្លែងការណ៍របស់ អង្គការClean Clothes Campaign។ សម្រាប់បណ្តាញអង្គការក្រៅរដ្ឋាភិបាលមួយនេះ​ ​​​ប្រាក់ឈ្នួលកម្មករកាត់ដេរ​នៅកម្ពុជា​បច្ចុប្បន្នមានកម្រិតទាប និងមិនអាចឆ្លើយតបការចាយវាយប្រចាំថ្ងៃរបស់កម្មករនោះឡើយ។ https://www.facebook.com/photo/?fbid=1593157882853334&set=a.492095336292933
នៅក្នុងថ្ងៃបើកសន្និសីទ ICCOS មន្ត្រីអន្តរជាតិបានកោតសរសើរចំពោះការបង្ក្រាបរបស់កម្ពុជាទៅលើទីតាំងដែលប្រើប្រាស់សម្រាប់ការឆបោកតាមអនឡាញ ប៉ុន្តែបានព្រមានថា ការគ្រាន់តែចុះបិទទីតាំងទាំងនោះមិនអាចបញ្ឈប់បណ្តាញបោកប្រាស់ឆ្លងដែនដែលមានទំនាក់ទំនងគ្នាយ៉ាងស្មុគស្មាញនោះទេ។ ពួកគេបានអំពាវនាវឱ្យមានការយកចិត្តទុកដាក់កាន់តែខ្លាំងលើលំហូរហិរញ្ញវត្ថុ រូបិយបណ្ណគ្រីបតូ និងកិច្ចសហប្រតិបត្តិការឆ្លងប្រទេស។ https://web.facebook.com/photo/?fbid=1594785236023932&set=a.492095336292933
ធនាគារអភិវឌ្ឍន៍អាស៊ីហៅកាត់ជាភាសាអង់គ្លេស ADB បានទម្លាក់ការព្យាករណ៍កំណើនសេដ្ឋកិច្ចរបស់ប្រទេសកម្ពុជាសម្រាប់ឆ្នាំ២០២៦ មកត្រឹម ៣,៩% ពោលទាបជាងការព្យាករណ៍កាលពីខែកក្កដា ឆ្នាំ២០២៦ ដែលមាន ៤,១%។ នេះបើតាមរបាយការណ៍របស់ ADB ចេញផ្សាយនៅថ្ងៃទី២៣ ខែកញ្ញា ឆ្នាំ២០២៦ ដោយពន្យល់ថា មូលហេតុនៃការទម្លាក់ចុះនេះគឺពីការចុះខ្សោយផ្នែកវិស័យទេសចរណ៍។ https://web.facebook.com/photo/?fbid=1594842029351586&set=a.492095336292933
ជនជាតិខ្មែរ និងបរទេស ដែលជាប់ពាក់ព័ន្ធក្នុងបទល្មើស ឆបោកតាមប្រព័ន្ធបច្ចេកវិទ្យា (Online Scams) ចំនួន៤ ៨៣៤នាក់ ត្រូវបានឃាត់ និងឃុំខ្លួនជាបន្តបន្ទាប់ក្នុងមណ្ឌល អប់រំកែប្រែ និងនៅ២៣ពន្ធនាគារទូទាំងប្រទេស។ តួលេខនេះ គិត ត្រឹមខែកញ្ញា ឆ្នាំ ២០២៦។ នេះបើតាមការបញ្ជាក់របស់លោកទូច សុឃៈ អ្នកនាំពាក្យរងក្រសួងមហាផ្ទៃ។ https://web.facebook.com/photo/?fbid=1595014816000974&set=a.492095336292933