ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
មន្ត្រី​គណបក្ស​កម្លាំង​ជាតិ​ម្នាក់ នៅ​រាជធានី​ភ្នំពេញ​គឺ​លោក ប្រាក់ សីហា ត្រូវ​បាន​អាជ្ញាធរ​ចាប់ខ្លួន និង​បញ្ជូន​ទៅ​ឃុំ​នៅ​ពន្ធនាគារ​ព្រៃស ពី​បទ​ប្រមាថ​ព្រះមហាក្សត្រ។ ប៉ុន្តែ​គណបក្ស​កម្លាំង​ជាតិ និង​គ្រួសារ​ច្រានចោល​ការ​ចោទប្រកាន់ និង​ចាត់ទុក​ចំណាត់​នេះ​ថា ជា​ការ​គំរាមកំហែង​ផ្នែក​នយោបាយ និង​បំបិទ​សំឡេង​ប្រឆាំង ក្រោយ​ពេល​សកម្មជន​រូប​នេះ​មិន​ព្រម​ចុះចូល​ជាមួយ​បក្ស​កាន់​អំណាច។ https://www.facebook.com/photo?fbid=1013916110777517&set=a.492095336292933
រសួងយុត្តិធម៌​បាន​បង្កើត​ទំព័រ​ហ្វេសប៊ុក​​ «ប្រតិកម្មរហ័ស​រឿង​យុត្តិធម៌» ដើម្បី​ពន្យល់​ និង​បក​ស្រាយ​ទៅ​លើ​ការ​លើក​ឡើង​នានា​របស់​សាធរណជន និង​ការ​ចុះ​ផ្សាយ​ខុស​ឬ​មិន​គ្រប់​ជ្រុងជ្រោយ​របស់​សារព័តមាន។ ទំព័រ​ហ្វេសប៊ុក​នេះ​មិន​ទទួល​យកពាក្យ​បណ្ដឹង​ឬ​ប្រតិកម្ម​របស់​សាធារណជន​នោះ​ទេ។ https://www.facebook.com/photo?fbid=1013911964111265&set=a.492095336292933
សហគមន៍នៅតំបន់ដាច់ស្រយាលក្នុងប្រទេសកម្ពុជា ស្នើឱ្យក្រុមសង្គមស៊ីវិល និងរដ្ឋាភិបាលផ្តល់ថាមពលស្រូបពីពន្លឺព្រះអាទិត្យឡើងវិញនៅក្នុងតំបន់របស់ពួកគេ ដើម្បីផ្គត់ផ្គង់ជីវភាពប្រចាំថ្ងៃ បម្រើវិស័យអេកូរទេសចរណ៍ក្នុងស្រុក និងការពារប្រឆាំងនឹងការប្រែប្រួលអាកាសធាតុ។ https://www.facebook.com/photo/?fbid=1013916830777445&set=a.492095336292933
មេធាវី និង​ជា​សកម្មជន​សិទ្ធិ​មនុស្ស​ខ្មែរ​អាម៉េរិកាំង ដែល​កំពុង​ជាប់​ឃុំ​ក្នុង​ពន្ធនាគារ​កញ្ញា សេង ធារី បាន​ដាក់​ពាក្យ​បណ្ដឹង​ទៅ​អគ្គនាយកដ្ឋាន​ពន្ធនាគារ នៃ​ក្រសួង​មហាផ្ទៃ កាល​ពី​ដើម​សប្ដាហ៍​នេះ ពាក់ព័ន្ធ​នឹង​ភាព​មិន​ប្រក្រតី​នៅ​ក្នុង​ពន្ធនាគារ ជា​ពិសេស នៅ​មណ្ឌល​អប់រំ​កែ​ប្រែ «ម២»។ នេះ​បើ​តាម​ការ​អះអាង​របស់​មេធាវី​ការពារ​ក្ដី​របស់​កញ្ញា។ ឆ្លើយ​តប​នឹង​រឿង​នេះ មន្ត្រី​ជាន់​ខ្ពស់​ពន្ធនាគារ​ អះអាង​ថា អគ្គនាយកដ្ឋាន​ជំនាញ​បាន​ទទួល​ពាក្យ​បណ្ដឹង​របស់​កញ្ញា សេង ធារី រួច​ហើយ ហើយ​នឹង​ចុះ​ស្រាវជ្រាវ​ករណី​នេះ។ https://www.facebook.com/photo/?fbid=1013973030771825&set=a.492095336292933
សាលាដំបូង​ខេត្ត​ពោធិ៍សាត់ នៅ​ល្ងាច​ថ្ងៃទី៩ ខែ​វិច្ឆិកា សម្រេច​ឃុំ​ខ្លួន តំណាង​ពលរដ្ឋ​មាន​ទំនាស់​ដីធ្លី ២៤​គ្រួសារ នៅ​តំបន់​ភ្នំ១៥០០ ខេត្ត​ពោធិ៍សាត់ ពី​បទ កាប់ រុករាន និង​ឈូស​ឆាយ​ដី​ព្រៃ ក្នុង​តំបន់ការពារធម្មជាតិ។ មន្ត្រី​អង្គការ​សង្គម​ស៊ីវិល ចង់​ឃើញ​រដ្ឋាភិបាល ដោះស្រាយ​បញ្ហា​វិវាទ​ដីធ្លី​ជាមួយ​ប្រជាពលរដ្ឋ ដោយ​សន្តិវិធី ជៀសវាង​ការ​ប្រើប្រាស់​វិធានការ​ច្បាប់ ។ https://www.facebook.com/photo/?fbid=1013975197438275&set=a.492095336292933
ជួបគ្នាល្ងាចនេះ ជាកម្មវិធី «សំឡេងម្ចាស់ឆ្នោត» នៃការផ្សាយសម្លេងសង្គមស៊ីវិល (VOC)
ប្រធានបទ ៖ ភាពខុសគ្នារវាងពលរដ្ឋជាចលករ និងពលរដ្ឋជាឧបករណ៍នៃអ្នកដឹកនាំ
កាលបរិច្ឆេទ ៖ ថ្ងៃទី១១ ខែវិច្ឆិកា ឆ្នាំ២០២៤ (៤ ដល់ ៥ ល្ងាច)
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល ឬអាចចូលរួមហៅទូរស័ព្ទមកកម្មវិធី តាមលេខទូរស័ព្ទចូលរួម៖ 012 43 34 37 / 016 54 43 98 https://www.facebook.com/photo/?fbid=1014055144096947&set=a.492095336292933
នាយករដ្ឋមន្ត្រី​ថៃ អ្នកស្រី ផេថងថាន ស៊ីណាវ៉ាត់ (Pae Thongthan Shinawatra) អះអាង​ថា រដ្ឋាភិបាល​របស់​លោកស្រី កំពុង​រៀបចំ​បង្កើត​គណៈកម្មាធិការ​បច្ចេកទេស​រួម (JTC)នៅ​ពាក់កណ្ដាល​ខែ​វិច្ឆិកា នេះ ដើម្បី​ចរចា​ជាមួយ​កម្ពុជា លើ​បញ្ហា​តំបន់​ដែល​អះអាង​ថា «ត្រួតស៊ីគ្នា»។ អ្នកឃ្លាំមើល​បញ្ហា​ព្រំដែន ជំរុញ​ឱ្យ​រដ្ឋាភិបាល​កម្ពុជា គួរតែ​ត្រៀម​ឯកសារ និង​ភស្តុតាង​ឱ្យ​បាន​គ្រប់ជ្រុងជ្រោយ ដើម្បី​ឆ្លើយតប​ទៅ​នឹង​ការ​ទាមទារ​របស់​ថៃ និង​សើរើ​ទាមទារ​កោះគុត​ដែល​ថៃ​កំពុង​គ្រប់គ្រង​ផ្ដាច់មុខ យក​មក​គ្រប់គ្រង​វិញ។ https://www.facebook.com/photo/?fbid=1014080887427706&set=a.492095336292933
តុលាការ​ខេត្ត​តាកែវ​ចាប់​ខ្លួន​នាយក​ទីចាត់ការ​ផែនការ​វិនិយោគ​ខេត្ត និង​មន្ត្រី ២នាក់ ពាក់ព័ន្ធ​នឹង​អំពើ​ពុក​រលួយ ដែល​បាន​ឱ្យ​ក្រុមហ៊ុន​សាច់ញាតិ​ ឬ​បក្ខ​ពួក​ខ្លួន​ឈ្នះ​ការ​ដេញ​ថ្លៃ​លើ​គម្រោង​អភិវឌ្ឍន៍​ខេត្ត។ មន្ត្រី​សង្គម​ស៊ីវិល​ថា​ការ​ចាប់​ខ្លួន​មន្ត្រី​សាលា​ខេត្ត​តាកែវ​នេះ​គឺ​ជា​ករណី​តូច​មួយ ព្រោះ​ថា រដ្ឋាភិបាល​នៅ​មិន​ទាន់​ចាត់​វិធាន​ការ​ទៅ​លើ​អំពើ​ពុករលួយ​ទ្រង់ទ្រាយ​ធំ​នៅ​ឡើយ​ទេ។ https://www.facebook.com/photo/?fbid=1014082964094165&set=a.492095336292933
បំណុលសាធារណៈរបស់កម្ពុជា
#វីដេអូខ្លីពីVoC #ប៉ិចពិសីhttps://www.facebook.com/comfrel.org/videos/1149431266599758
Forwarded from Comfrel Adminlive
https://www.facebook.com/comfrel.org/videos/1214564419621851
==========================
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី១១ ខែវិច្ឆិកា ឆ្នាំ២០២៤
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
==========================
ប្រធានបទ៖ ភាពខុសគ្នារវាងពលរដ្ឋជាចលករ និងពលរដ្ឋជាឧបករណ៍នៃអ្នកដឹកនាំ
វាគ្មិនកិត្តិយស៖
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
- លោក យង់ គិមអេង ប្រធានមជ្ឈមណ្ឌលប្រជាពលរដ្ឋដើម្បីការអភិវឌ្ឍ និងសន្តិភាព (PDP-Center)
អ្នកសម្របសម្រួល៖ អ្នកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ ​
តាមរយៈ៖ វិទ្យុ FM102 MHz
លេខទូរស័ព្ទចូលរួម៖ 016 544 398 / 012 433 437
ការផ្សាយឡើងវិញសំឡេងសង្គមស៊ីវិល(VOC)
សម្រាប់ព្រឹកថ្ងៃទី១២ ខែវិច្ឆិកា ឆ្នាំ២០២៤
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
==========================
ប្រធានបទ៖ ភាពខុសគ្នារវាងពលរដ្ឋជាចលករ និងពលរដ្ឋជាឧបករណ៍នៃអ្នកដឹកនាំ
វាគ្មិនកិត្តិយស៖
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
- លោក យង់ គិមអេង ប្រធានមជ្ឈមណ្ឌលប្រជាពលរដ្ឋដើម្បីការអភិវឌ្ឍ និងសន្តិភាព (PDP-Center)
អ្នកសម្របសម្រួល៖ អ្នកស្រី យ៉ឹង នីម https://www.facebook.com/comfrel.org/videos/1622417252018183
លោក​នាយករដ្ឋមន្ត្រី ហ៊ុន ម៉ាណែត លើក​ឡើង​ថា ចលនា​ជាតិ​តស៊ូ​ដែល​លោក សម រង្ស៊ី ទើប​ប្រកាស​បង្កើត​ឡើង​នៅ​ក្រៅ​ប្រទេស​ថ្មីៗ​នេះ គឺ​ដើម្បី​ទាក់​ទាញ​ចំណាប់​របស់​ប្រជាពលរដ្ឋ​តែ​ប៉ុណ្ណោះ បន្ទាប់​ពី​អតីត​សមាជិក និង​អ្នក​គាំទ្រ​លោក សម រង្ស៊ី ងាក​មក​ចុះ​ចូល​ជាមួយ​គណបក្ស​ប្រជាជន​កម្ពុជា​ជា​បន្ត​បន្ទាប់។ ការ​លើក​ឡើង​នេះ ធ្វើ​ឡើង​ក្រោយ​ពី​ប្រធាន​ស្ដីទី​នៃ​គណបក្ស​សង្គ្រោះ​ជាតិ​លោក សម រង្ស៊ី កាល​ពី​ថ្ងៃទី៩ ខែវិច្ឆិកា បាន​ប្រកាស​អំពី​ការ​បង្កើត​ចលនា​ជាតិ​តស៊ូ និង​ទិស​ដៅ​បង្កើត​រដ្ឋាភិបាល​បណ្ដោះអាសន្ន​នៅ​ក្រៅ​ប្រទេស ដើម្បី​ការពារ​ទឹក​ដី​ប្រទេស​កម្ពុជា និង​ទាមទារ​សេរីភាព​និង​យុត្តិធម៌​សម្រាប់​ប្រជារាស្ត្រ​ខ្មែរ។ https://www.facebook.com/photo/?fbid=1014688430700285&set=a.492095336292933
ក្រុមប្រឹក្សា​ខេត្ត​គណបក្ស​ជំទាស់រិះគន់​អាជ្ញាធរ​ខេត្ត​ព្រះវិហារ​ថា មិន​បាន​យក​ចិត្ត​ទុក​ដាក់​ដោះស្រាយ​បញ្ហា​ជូន​ប្រជាពលរដ្ឋ​នៅ​ឃុំ​ស្រយង់ ពាក់ព័ន្ធ​ក្រុមហ៊ុន សិលាដាម៉ិច (Seladamex CO., LTD) ហាម​ឃាត់​ពលរដ្ឋ​មិន​ឲ្យ​ចូល​ទៅ​ប្រមូល​ផល​ស្រូវ និង​ដំណាំ​ផ្សេង​ទៀត​ នៅ​ក្នុង​បរិវេណ​ដី​ ដែល​ក្រុមហ៊ុន​អះអាង​ថា ជា​ដី​របស់​ក្រុមហ៊ុន។ អាជ្ញាធរ​ខេត្ត​ថា អាជ្ញាធរ​ថ្នាក់​ខេត្ត​មិន​ទាន់​ទទួល​បាន​លិខិត​ស្នើ​សុំ​កិច្ច​អន្តរាគមន៍​ពី​ពលរដ្ឋ និង​មន្ត្រី​គណបក្ស​ប្រឆាំង​ឡើយ។ https://www.facebook.com/photo/?fbid=1014685987367196&set=a.492095336292933
ពលរដ្ឋ​មាន​ទំនាស់​ដីធ្លី​ជាមួយ​ក្រុមហ៊ុន​វៀតណាម ឈ្មោះ​កាម៉ាដេនូ វេនឈ័រ (ខេមបូឌា) លីមីធីត (Kamdhenu Ventures Cambodia Limited) (KVCL) នៅ​ខេត្ត​ក្រចេះ បន្ត​ស្នើ​ដល់​អាជ្ញាធរ​ថ្នាក់​ជាតិ ពន្លឿន​ផ្ដល់​ដោះស្រាយ​ទំនាស់​ដីធ្លី​នេះ ក្រោយ​អាជ្ញាធរ​បង្ខំ​ឲ្យ​ពួកគាត់​វិល​ត្រឡប់​ទៅ​ផ្ទះ​វិញ ពេល​ពួកគាត់​ឡើង​ទៅ​ដាក់​ញត្តិ​ស្នើសុំ​កិច្ច​អន្តរាគមន៍​នៅ​ក្រសួង​ដែន​ដី និង​ខុទ្ទកាល័យ​នាយករដ្ឋមន្ត្រី ។ https://www.facebook.com/photo/?fbid=1014693377366457&set=a.492095336292933
កាសែត​ថៃ​ Bangkok Post ​បាន​រាយ​ការណ៍​ថា​ គ្មាន​ការ​ប៉ះទង្គិច​គ្នា​រវាង​កងទ័ព​របស់​ភាគី​កម្ពុជា​ និង​ថៃ​នៅ​កោះ​គុត​នោះ​ទេ​ ហើយ​ក៏​គ្មាន​ស្ថានភាព​តានតឹង​ផ្នែក​សន្តិ​សុខ​នៅ​កោះ​ទេចរណ៍​មួយ​នេះ​ដែរ​ ខណៈ​អាជ្ញាធរ​ថៃ​កំពុង​ចាត់​វិធានការប្រឆាំង​នឹង​បុគ្គល​ដែល​ផ្សព្វផ្សាយ​ដំណឹង​ក្លែង​ក្លាយ​តាម​ប្រព័ន្ធ​អនឡាញ​ដែល​ថា ​មាន​ការ​ប្រឈម​មុខ​ដាក់​គ្នា​រវាង​ទាហាន​កម្ពុជា ​និង​ថៃ​នៅ​ដែន​កោះ​នោះ។ https://www.facebook.com/photo/?fbid=1014696964032765&set=a.492095336292933
អតីត​មន្ត្រី​នគរបាល​ជាន់​ខ្ពស់​លោក ​មួង ឃីម ​និង​លោក ​អ៊ុត ធី ​ដែល​ប្រព័ន្ធ​ផ្សព្វ​ផ្សាយ​ក្នុង​ស្រុក​រាយ​ការណ៍​ថា​ ជា​អ្នក​ជំនួញ​ម្នាក់​ក្នុង​វិស័យ​សំណង់​ ត្រូវ​បាន​បញ្ជូន​ទៅ​សាលាដំបូង​រាជធានី​ភ្នំពេញ​ បន្ទាប់​ពី​ពួកគេ​ត្រូវ​បាន​ឃាត់​ខ្លួន​កាល​ពី​ថ្ងៃ​ទី៨​ ខែ​វិច្ឆិកា។​ នេះ​បើតាម​ការ​បញ្ជាក់​របស់​មន្ត្រី​ជាន់​ខ្ពស់​នៃ​អង្គភាព​ប្រឆាំង​អំពើ​ពុក​រលួយ។​ https://www.facebook.com/photo/?fbid=1014698194032642&set=a.492095336292933
មន្ត្រីសាលាខេត្តតាកែវចំនួន៣នាក់ ត្រូវបានឃុំខ្លួនបណ្តោះអាសន្នកាលពីថ្ងៃទី៧ ខែវិច្ឆិកា បន្ទាប់ពីត្រូវបានចោទប្រកាន់ពីបទរំលោភអំណាច និងភាពមិនប្រក្រតីពេលបំពេញភារកិច្ច។ យោងតាមអ្នកនាំពាក្យនៃអង្គភាពប្រឆាំងអំពើពុករលួយ (ACU)។ https://www.facebook.com/photo/?fbid=1014700644032397&set=a.492095336292933
អតីតឧកញ៉ា ស្រី ស៊ីណា ដែលបាញ់សម្លាប់ជនរងគ្រោះជាគូដណ្តឹងនឹងគ្នាស្លាប់២នាក់ និង២នាក់ផ្សេងទៀតរងរបួស នៅខណ្ឌច្បារអំពៅ រាជធានីភ្នំពេញ កាលពីអំឡុងខែមិថុនាកន្លងទៅ ត្រូវបានតុលាការសម្រេចចោទប្រកាន់ចំនួន៣សំណុំរឿង ក្នុងនោះមានបទ ឃាតកម្ម និងប្រើប្រាស់អាវុធដោយគ្មានការអនុញ្ញាត, បទ ប៉ុនប៉ងឃាតកម្ម និងប្រើប្រាស់អាវុធដោយគ្មានការអនុញ្ញាត និងបទ រំលោភលើលំនៅឋាន។ https://www.facebook.com/photo/?fbid=1014725127363282&set=a.492095336292933
ព្រឹទ្ធសភា បានសម្រេចបញ្ជូនសេចក្តីព្រាងច្បាប់ស្តីពី ការអនុម័តលុបចោល​កិច្ច​​ព្រមព្រៀង ​ស្តីពីការជំរុញ និងសម្រួលពាណិជ្ជកម្មតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម ទៅគណៈកម្មការកិច្ចការបរទេស សហប្រតិបត្តិការ​អន្តរជាតិ ឃោសនាការ និងព័ត៌មាន នៃព្រឹទ្ធសភា ដើម្បីពិនិត្យសិក្សា និងផ្តល់​យោបល់។ ការសម្រេចនេះ ធ្វើឡើងនៅក្នុង​កិច្ចប្រជុំគណៈ​កម្មាធិការ​អចិន្ត្រៃយ៍ ព្រឹទ្ធសភា ដែលដឹកនាំដោយលោក ហ៊ុន សែន នៅថ្ងៃទី១១ ខែវិច្ឆិកា។ https://www.facebook.com/photo/?fbid=1014702817365513&set=a.492095336292933
មកទល់បច្ចុប្បន្ន ធនាគារអភិវឌ្ឍន៍អាស៊ី (ADB) បានផ្តល់ហិរញ្ញវត្ថុជាង៥០០០លានដុល្លារអាម៉េរិក ដល់កម្ពុជាសម្រាប់អភិវឌ្ឍន៍សេដ្ឋកិច្ច និងសង្គមជាតិ។ ហិរញ្ញវត្ថុទាំងនេះ គឺមានជំនួយឥតសំណង កម្ចីសម្បទាន ជំនួយបច្ចេកទេស និងហិរញ្ញប្បទានពីវិស័យឯកជននានា។​ https://www.facebook.com/photo?fbid=1014701740698954&set=a.492095336292933