ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ក្រសួង​បរិស្ថាន​បាន​ប្រកាស​ជា​សាធារណៈ​នៅ​ថ្ងៃ​សុក្រ​ថា គុណភាព​ខ្យល់​ទីក្រុង​ភ្នំពេញ និង​ខេត្ត​មួយ​ចំនួន​ស្ថិត​ក្នុង​សន្ទស្សន៍​ខ្យល់​ពណ៌ក្រហម​ ដោយ​មាន​ការ​កើន​ឡើង​កំហាប់​ភាគ​ល្អិត​និចល ​ដែល​មាន​វិជ្ជមាឌ​តូច​ជាង​ ឬ​ស្មើ​២,៥​មីក្រូ​ម៉ែត្រ​ (PM25)​ នៅ​ក្នុង​បរិយាកាស។ ​ការ​ណ៍នេះ​ តម្រូវ​ឲ្យ​ប្រជា​ពលរដ្ឋ​ត្រូវ​មាន​ការ​ប្រុង​ប្រយ័ត្ន​ការពារ​សុខភាព​របស់​ខ្លួន។ https://www.facebook.com/photo?fbid=1070971338405327&set=a.492095336292933
អង្គការ​យូនីសេហ្វ​កម្ពុជា និង​ក្រសួង​អប់រំ​បាន​ប្រកាស​ដាក់​ឲ្យ​ប្រើប្រាស់​សៀវភៅ​ណែនាំបង្រៀន​អំពី​សុវត្ថិភាព​កុមារ​លើ​ប្រព័ន្ធ​អនឡាញ​ដើម្បីការពារ​កុមារ​ពី​ការកេង​ប្រវ័ញ្ច ការរំលោភ​បំពាន និង​ការ​គំរាម​កំហែង​តាម​អ៊ីនធឺណិត​ ខណៈ​ដែល​អំពើ​រុកកួន​តាម​អ៊ីនធឺណិតបាន​ធ្វើ​ឲ្យ​កុមារ និង​យុវជន​មួយ​ចំនួន​បោះ​បង់​ការសិក្សា និង​ប៉ុនប៉ង​ធ្វើ​អត្តឃាត​។ https://www.facebook.com/photo?fbid=1070973545071773&set=a.492095336292933
រដ្ឋាភិបាល​បារាំង​កំពុង​តែ​តាមដាន​យ៉ាង​យកចិត្ត​ទុក​ដាក់​ចំពោះ​ការ​ស៊ើប​អង្កេត​លើ​ករណី​ឃាតកម្ម​របស់​លោក ​លិម គិមយ៉ា​ ពលរដ្ឋ​ខ្មែរ-បារាំង​ និង​ជា​សមាជិក​គណបក្ស​ជំទាស់​នៅ​កម្ពុជា។ ​នេះ​បើ​តាម​សារ​បង្ហោះ​នៅ​លើ​ទំព័រ​ហ្វេសប៊ុក​ស្ថានទូត​បារាំង​ប្រចាំ​កម្ពុជា។​ https://www.facebook.com/photo?fbid=1070977528404708&set=a.492095336292933
អ្នក​ជំនាញ​បារម្ភ​ចំពោះ​ជីវភាព​ប្រចាំ​ថ្ងៃ​របស់​កសិករ​ខ្មែរ​មួយ​ចំនួន​ដោយសារតែ​បច្ចុប្បន្ន​ ខ្វះ​ទីផ្សារ​លក់​ផលិតផល​ឱ្យ​បាន​ទូលំ​ទូលាយ។ https://www.facebook.com/photo?fbid=1070981838404277&set=a.492095336292933
សហ​មេធាវី​ការពារ​ក្តី​ឱ្យ​លោក កឹម សុខា ទទូច​ឱ្យ​សាលាឧទ្ធរណ៍​ភ្នំពេញ​កំណត់​ថ្ងៃ​បន្ត​នីតិវិធី ឱ្យ​បាន​ឆាប់​ក្រោយ​ពី​សាលាឧទ្ធរណ៍​បាន​ពន្យារ​ពេល​ប្រមាណ៤ ខែ​មក​ហើយ។ សហ​មេធាវី​លើក​ឡើង​ថា ពួកគាត់​បាន​ធ្វើ​សេចក្ដី​ស្នើ​ទៅ​សាលាឧទ្ធរណ៍​ចំនួន ២​ដង​ហើយ ប៉ុន្តែ​តុលាការ​គ្រាន់​តែ​ឆ្លើយ​តប​ថា នឹង​ធ្វើ​នៅ​ពេល​ឆាប់ៗ។ មន្ត្រី​សិទ្ធិ​មនុស្ស​ថា ការ​ពន្យារ​ពេល​នេះ ប៉ះពាល់​ដល់​សិទ្ធិ​របស់​លោក កឹម សុខា ដែល​ទន្ទឹង​រង់​ចាំ​យុត្តិធម៌។ https://www.facebook.com/photo/?fbid=1070986798403781&set=a.492095336292933
នាយកមជ្ឈមណ្ឌលស្រាវជ្រាវសន្តិសុខតាមអ៊ីនធឺណិតរបស់សាកលវិទ្យាល័យ Sains Malaysia គឺលោកសាស្ត្រាចារ្យបណ្ឌិត Selvakumar Manickam បានចែករំលែកការយល់ដឹងរបស់លោកនៅក្នុងបទសម្ភាសន៍ជាមួយគិរីផូសថា លោកបានរកឃើញនូវ ចន្លោះប្រហោងផ្នែកច្បាប់ក្នុងតំបន់ និងអំពើពុករលួយបានជំរុញដល់ប្រតិបត្តិការណ៍បោកប្រាស់តាមអ៊ីធឺណិត កាន់តែកើនឡើង។ ទំហំនៃការបោកប្រាស់តាមអ៊ីនធឺណិតនៅក្នុងតំបន់ត្រូវបានវាយតម្លៃដោយកំណើនដ៏រឹងមាំ ដោយប្រមូលបានប្រមាណ ៦៤ ពាន់លានដុល្លារកាលពីឆ្នាំមុន។ https://www.facebook.com/photo/?fbid=1071004781735316&set=a.492095336292933
សន្និបាតគណៈកម្មាធិការកណ្តាលរបស់គណបក្សប្រជាជនកម្ពុជាលើកទី៤៥ ក្នុងរយៈពេល២ថ្ងៃបានបិទបញ្ចប់នៅល្ងាចថ្ងៃអាទិត្យទី២៦ មករានេះ។ នាឱកាសនោះ បក្សប្រជាជនកម្ពុជាបានវាយតម្លៃលើវិស័យសេដ្ឋកិច្ច សង្គម នយោបាយ និងទំនាក់ទំនងការបរទេសថា មានភាពល្អប្រសើរ និងខ្ពស់ត្រដែតលើឆាកអន្តរជាតិ។ នៅក្នុងកិច្ចសម្ភាសជាមួយវិទ្យុបារាំងអន្តរជាតិនាថ្ងៃអាទិត្យទី២៦ មករានេះ លោក សុខ ឥសាន អ្នកនាំពាក្យគណបក្សប្រជាជនកម្ពុជាបានបញ្ជាក់ថា សន្និបាតបានវាយតម្លៃនូវជោគជ័យខ្ពស់របស់រដ្ឋាភិបាលឈាមថ្មីដែលទើបចេញដំណើរបាន ១ឆ្នាំ និង៧ខែ។ https://www.facebook.com/photo?fbid=1071023885066739&set=a.492095336292933
ការចងក្រងសហគមន៍តម្បាញនៅតំបន់ក្បែរប្រាសាទបន្ទាយឆ្មារ ស្រុកថ្មពួក ខេត្តបន្ទាយមានជ័យនារយៈពេល ២៥ឆ្នាំមកនេះអាចជួយឱ្យស្ត្រីខ្មែរជាច្រើនគេចផុតពីការធ្វើការចំណាកស្រុកទៅធ្វើការនៅក្នុងប្រទេសថៃ។ សព្វថ្ងៃ សហគមន៍ស្ត្រីតម្បាញក្រមាសូត្រ ដែលគ្រប់គ្រងដោយក្រុមហ៊ុន Soieries du Mekong (ស័ររីឌុយមេគង្គ) មានបុគ្គលិកសរុបជិត ៦០នាក់។ ស្ត្រីអ្នកតម្បាញក្រមាសូត្រអះអាងថា ពួកគេពេញចិត្តនឹងជ្រើសយករបរមួយនេះដែលអាចផ្តល់ចំណូល និងលក្ខខណ្ឌរស់នៅល្អប្រសើរជាជាងចំណាកស្រុក។ https://www.facebook.com/photo?fbid=1071025978399863&set=a.492095336292933
នាយកអង្គការលើកកម្ពស់ និងការពារសិទ្ធិមនុស្សលីកាដូ លោក អំ សំអាត បានឱ្យដឹងនៅថ្ងៃទី២៦ ខែមករា ឆ្នាំ២០២៥នេះថា ថ្វីបើតុលាការដោះលែងសកម្មជនមួយចំនួនពាក់ព័ន្ធនឹងបញ្ហាCLV-DTA តែសកម្មជនទាំងនោះ ស្ថិតនៅក្រៅឃុំបណ្ដោះអាសន្នប៉ុណ្ណោះ មិនទាន់មានសេរីភាពពេញលេញឡើយ។ តែយ៉ាងណាលោកសារទរចំពោះការដោះលែងនេះ ព្រោះរដ្ឋសភាបានអនុម័តលុបចោលកិច្ចព្រមព្រៀងអភិវឌ្ឍន៍រួមCLVរួចរាល់ហើយ។ https://www.facebook.com/photo/?fbid=1071055845063543&set=a.492095336292933
ជួបគ្នាបន្តិចទៀតនេះ ជាមួយកម្មវិធី «សំឡេងម្ចាស់ឆ្នោត» នៃការផ្សាយសំឡេងសង្គមស៊ីវិល (VOC)
ប្រធានបទ ៖ ដំណោះស្រាយលើបញ្ហាកសិកម្ម
កាលបរិច្ឆេទ ៖ ថ្ងៃទី២៧ ខែមករា ឆ្នាំ២០២៥ (៤:០០ ដល់ ៥:០០ ល្ងាច)
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល ឬអាចចូលរួមហៅទូរស័ព្ទមកកម្មវិធី តាមលេខទូរស័ព្ទចូលរួម៖ 012 43 34 37 / 016 54 43 98។https://www.facebook.com/photo/?fbid=1071097275059400&set=a.492095336292933
Forwarded from Comfrel Adminlive
https://www.facebook.com/comfrel.org/videos/1308390200311524
==========================
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី២៧ ខែមករា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
ប្រធានបទ ៖ ដំណោះស្រាយលើបញ្ហាកសិកម្ម
==========================
វាគ្មិនកិត្តិយស៖
- លោក ជា សុភ័ត្ត នាយកអង្គការសកម្មភាពប្រជាជនដើម្បីការអភិវឌ្ឃ (PAD)
- អ្នកស្រី ហ៊ី សុចាន់ តំណាងសហគមន៍កសិកម្មអញ្ចាញរូងសម័យថ្មី
អ្នកសម្របសម្រួល៖ អ្នកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ ​
តាមរយៈ៖ វិទ្យុ FM102 MHz
លេខទូរស័ព្ទចូលរួម៖ 016 544 398 / 012 433 437
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី២៨ ខែមករា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
ប្រធានបទ ៖ ដំណោះស្រាយលើបញ្ហាកសិកម្ម
==========================
វាគ្មិនកិត្តិយស៖
- លោក ជា សុភ័ត្ត នាយកអង្គការសកម្មភាពប្រជាជនដើម្បីការអភិវឌ្ឃ (PAD)
- អ្នកស្រី ហ៊ី សុចាន់ តំណាងសហគមន៍កសិកម្មអញ្ចាញរូងសម័យថ្មី
អ្នកសម្របសម្រួល៖ អ្នកស្រី យ៉ឹង នីមhttps://www.facebook.com/comfrel.org/videos/1392640201705327
អ្នកជាប់ឃុំដែលរងបទចោទពាក់ព័ន្ធព្រឹត្តិការណ៍គម្រោង CLV ជាច្រើននាក់ ត្រូវបានដោះលែងឱ្យនៅក្រៅឃុំបណ្ដោះអាសន្ន ខណៈសកម្មជនកិច្ចព្រមព្រៀងទីក្រុងប៉ារីស ដែលរងបទចោទពាក់ព័ន្ធនឹងព្រឹត្តិការណ៍គម្រោងនេះដូចគ្នា ពួកគេបន្តនៅជាប់ឃុំខ្លួន។ យ៉ាងណាអង្គការសិទ្ធិមនុស្ស បន្តស្នើឱ្យអាជ្ញាធរដោះលែងសកម្មជនទាំងនោះ ពីព្រោះគម្រោង CLV នេះ ត្រូវរដ្ឋាភិបាលសម្រេចដកខ្លួនចេញហើយ។ លោក គីម ចាន់ចាវ រាយការណ៍ https://www.facebook.com/photo?fbid=1071206561715138&set=a.492095336292933
ក្រសួង​មុខងារសាធារណៈ និង​ទីភ្នាក់ងារសហប្រតិបត្តិការអន្តរជាតិកូរ៉េ (KOICA) ទំនាក់ទំនង​កម្ពុជា​កូរ៉េ តាមរយៈ​ការអនុវត្ត​គម្រោង​ស្តីពី​«​ការពង្រឹង​សមត្ថភាព​របស់​សាលា​ភូមិន្ទ​រដ្ឋបាល​សម្រាប់​ការធ្វើកំណែទម្រង់ និង​ការពង្រឹង​អភិបាលកិច្ច​នៃ​ប្រទេស​កម្ពុជា​»។ https://www.facebook.com/photo?fbid=1071199868382474&set=a.492095336292933
កម្ពុជា​និង​ចិន​គ្រោង​ធ្វើ​សមយុទ្ធ «នាគមាស» ឆ្នាំ ២០២៥ ធំ​ជាង​ឆ្នាំ​មុន ដើម្បី​ឱ្យ​ស្រប​ទៅ​នឹង​ទំហំ​កិច្ចសហប្រតិបត្តិ​ការស៊ីជម្រៅ​រវាង​ប្រទេស​ទាំងពីរ។ នេះ​បើ​តាម​លោក ថោង សូលីម៉ូ អ្នកនាំពាក្យ​អគ្គបញ្ជាការដ្ឋាន​កងយោធពល​ខេមរភូមិន្ទ។ https://www.facebook.com/photo/?fbid=1071668241668970&set=a.492095336292933
សាច់ញាតិ​ជន​ជាប់ឃុំ​ក្នុង​ពន្ធនាគារ​មួយ​ចំនួន​បារម្ភ​ពី​សុខភាព​សាច់ញាតិ​របស់​ពួកគេ ខណៈ​អាកាសធាតុ​ក្ដៅ នា​រដូវប្រាំង កំពុង​ឈាន​ចូល​មកដល់​។ ពួកគាត់ ស្នើ​ដល់​មន្ត្រី​ពន្ធនាគារ ឲ្យ​ស្វែងរក​ប្រភព​ទឹក​បន្ថែម សម្រាប់​ផ្គត់ផ្គង់​ការប្រើប្រាស់​ប្រចាំថ្ងៃ និង​ដាក់ចេញ​វិធានការ​ការពារ​នានា ស្របពេល​កម្ពុជា​កំពុង​រង​ការ​បំពុល​ខ្យល់។ https://www.facebook.com/photo/?fbid=1071678535001274&set=a.492095336292933
ទោះ​បីជា​អាជ្ញាធរ​អះ​អាង​ថា ចំនួន​អ្នក​ស្លាប់​ដោយសារ​គ្រោះថ្នាក់​ចរាចរណ៍​ក្នុង​ឆ្នាំ២០២៤ ថយ​ចុះ​ជាង ១៤​ភាគរយ បើ​ធៀប​នឹង​រយៈពេល​ដូច​គ្នា​ក្នុង​​ឆ្នាំ២០២៣ក៏ដោយ អ្នក​ឃ្លាំមើល​ថា គ្រោះថ្នាក់​ចរាចរណ៍​ដល់​ជាង ១៥០០​នាក់​ក្នុង​មួយ​ឆ្នាំ នៅ​តែ​ជា​បញ្ហា​ធំ​ក្នុង​សង្គម​កម្ពុជា និង​ចង់​ឃើញ​រដ្ឋាភិបាល បង្ហាញ​វិធាន​ការ​ទប់ស្កាត់ ឱ្យ​មាន​ប្រសិទ្ធភាព ជា​ជាង​ប្រឹង​អួត​ពី​តួ​លេខ​អ្នក​ស្លាប់​ធ្លាក់​ចុះ។ https://www.facebook.com/photo/?fbid=1071681915000936&set=a.492095336292933
លោក ហ៊ុន ម៉ាណែត នាយករដ្ឋមន្ដ្រីកម្ពុជាបានប្រកាសក្នុងថ្ងៃបិទសន្និបាតគណបក្សប្រជាជនកម្ពុជានាថ្ងៃទី២៦ ខែមករា ឆ្នាំ២០២៥ ថា រដ្ឋាភិបាលកំពុងរៀបចំផែនការបង្កើតគណៈកម្មាធិការអន្ដរក្រសួងដើម្បីដោះស្រាយបញ្ហាបោកប្រាស់ និងការក្លែងបន្លំតាមប្រព័ន្ធអ៊ីនធ័រនែត។ ការបង្កើតគណៈកម្មាធិការមួយនេះ ធ្វើឡើង បន្ទាប់ពីកម្ពុជាត្រូវបានគេចង្អុលថា មានករណីឆបោកតាមអនឡាញញឹកញាប់ និងករណីជួញដូរមនុស្ស។ https://www.facebook.com/photo/?fbid=1071689235000204&set=a.492095336292933
គុណភាពខ្យល់នៅតំបន់ជាច្រើននៃប្រទេសកម្ពុជាបានវិលមករកភាពប្រក្រតីវិញ រួមទាំងនៅរាជធានីភ្នំពេញផងដែរ បន្ទាប់ពីមានការបំពុលកើនឡើងមួយរយៈ ដែលបង្កឱ្យមានការព្រួយបារម្ភអំពីហានិភ័យដល់សុខភាពសាធារណៈ។ ទោះជាយ៉ាងណាក៏ដោយ នៅតែមានការអំពាវនាវឱ្យមានការចូលរួមកាន់តែច្រើនពីអាជ្ញាធរ និងសាធារណជនក្នុងការត្រួតពិនិត្យការបំពុលខ្យល់ឱ្យបានខ្ជាប់ខ្ជួន។ https://www.facebook.com/photo/?fbid=1071692564999871&set=a.492095336292933
ចាប់ពីថ្ងៃទី២២ ខែមករា ឆ្នាំ២០២៥ តទៅ បុគ្គលស្វ័យនិយោជន៍ដែលចង់ចុះបញ្ជីជាសមាជិក ប.ស.ស. ត្រូវភ្ជាប់មកបន្ថែមនូវវិញ្ញាបនបត្រអ្នកសេដ្ឋកិច្ចក្រៅប្រព័ន្ធ នេះជាយន្តការថ្មីរបស់រាជរដ្ឋាភិបាលក្នុងការកំណត់អត្តសញ្ញាណអ្នកប្រកបរបរសេដ្ឋកិច្ចក្រៅប្រព័ន្ធ។ តែអ្នកសេដ្ឋកិច្ចក្រៅប្រព័ន្ធថា យន្តការថ្មីនេះបង្កភាពស្មុគស្មាញ និងខាតពេលវេលាច្រើន។ https://www.facebook.com/photo/?fbid=1071693661666428&set=a.492095336292933