ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
សកម្មជន​ការពារ​ព្រៃឈើ​ដែល​តែងតែ​ចុះ​ស៊ើបអង្កេត​បទល្មើស​ព្រៃ​ឈើនៅ​ខេត្ត​ស្ទឹងត្រែង បន្ត​ចោទ​មន្ត្រី​បរិស្ថាន​នៅ​តំបន់​នោះ​ថា ប្រព្រឹត្ត​អំពើ​ពុករលួយ បើក​ដៃ​ឲ្យ​ក្រុម​ជនល្មើស​ចូល​កាប់​ឈើ​ធ្វើ​អាជីវកម្ម​ក្នុង​តំបន់​ព្រៃ​ឡង់​ដោយ​សេរី។ ការ​អះអាង​នេះ ធ្វើ​ឡើង​បន្ទាប់​ពី​សមត្ថកិច្ច​ចម្រុះ​ខេត្ត​ស្ទឹងត្រែង ចុះ​ទៅ​រក​ឃើញ​បទល្មើស​ព្រៃ​ឈើ​ទ្រង់ទ្រាយ​ធំ នៅ​ក្នុង​ដែន​ជម្រក​សត្វ​ព្រៃឡង់ ដែល​សកម្មជន​តែងតែ​ផ្តល់​ព័ត៌មាន​ពី​បទល្មើស​ព្រៃឈើ។ https://www.facebook.com/photo/?fbid=1076177174551410&set=a.492095336292933
សកម្មជន​បរិស្ថាន​ថា ការ​បាក់​ច្រាំង​ផ្លូវ​បេតុង និង​ផ្ទះ​សម្បែង​របស់​ពលរដ្ឋ​នៅ​តាម​មាត់​ទន្លេ​មេគង្គ​ជាច្រើន​ខ្នង​ចូល​ក្នុង​ទឹក ស្ថិតនៅ​សង្កាត់​ព្រែកលាប ខណ្ឌ​ជ្រោយចង្វា ដោយសារ​តែ​ការ​បូម​ខ្សាច់​នៅ​តំបន់​នោះ។ ចំណែក​អាជ្ញាធរ​ក្រុង​ភ្នំពេញ មិន​បាន​បញ្ជាក់​ពី​មូលហេតុ​នោះ​ទេ ដោយ​គ្រាន់​តែ​ឲ្យ​មន្ត្រី​ប្រញាប់​ទប់ស្កាត់​កុំ​ឲ្យ​បាក់​ច្រាំង នាំ​ឲ្យ​ខូចខាត​ផ្ទះសម្បែង​ពលរដ្ឋ​បន្ថែម​ទៀត។ https://www.facebook.com/photo/?fbid=1076178967884564&set=a.492095336292933
ជួបគ្នាល្ងាចនេះជាមួយកម្មវិធី «សំឡេងម្ចាស់ឆ្នោត» នៃការផ្សាយសំឡេងសង្គមស៊ីវិល (VOC)
ប្រធានបទ ៖ ព័ត៌មានក្លែងក្លាយ និងការបញ្ចេញមតិ
កាលបរិច្ឆេទ ៖ ថ្ងៃទី០៣ ខែកុម្ភៈ ឆ្នាំ២០២៥ (៤:០០ ដល់ ៥:០០ ល្ងាច)
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល ឬអាចចូលរួមហៅទូរស័ព្ទមកកម្មវិធី តាមលេខទូរស័ព្ទចូលរួម៖ 012 43 34 37 / 016 54 43 98។ https://www.facebook.com/photo/?fbid=1076180271217767&set=a.492095336292933
ព្រះសង្ឃ សកម្មជន​ខ្មែរ​ក្រោម និង​តំណាង​អង្គការ​សិទ្ធិ​មនុស្ស​អន្តរជាតិ បាន​នាំ​គ្នា​ដាក់​ញាតិ​នៅ​កុងស៊ុល​វៀតណាម​នៅ​រដ្ឋ (California) ដើម្បី​ទាមទារ​រដ្ឋាភិបាល​វៀតណាម ឱ្យ​ដោះលែង​ព្រះ​សង្ឃ​និង​សកម្មជន​សិទ្ធិ​មនុស្ស​ខ្មែរ​ក្រោម ដែល​ត្រូវ​វៀតណាម​ចាប់​​ដាក់​​ពន្ធនាគារ ដោយសារ​តែ​ពួក​គាត់​ទាមទារ​សិទ្ធិ​ជន​ជាតិ​ដើម។ ស្រប​ពេល​ដែល​ខ្មែរ​ក្រោម​ចាប់​ផ្ដើម​ធ្វើ​យុទ្ធនាការ​ទាមទារ​សហគមន៍​អន្តរជាតិ​ដាក់​គំនាប​វៀតណាម​ឲ្យ​គោរព​សិទ្ធិ​ខ្មែរ​ក្រោម​នេះ សហព័ន្ធ​ខ្មែរ​កម្ពុជា​ក្រោម ក៏​បាន​កំណត់​ទិសដៅ​ឆ្នាំ២០២៥ ដើម្បី​បន្ត​ទាមទារ​សិទ្ធិ​ស្វ័យសម្រេច។ https://www.facebook.com/photo/?fbid=1076182301217564&set=a.492095336292933
មន្ត្រី​មជ្ឈមណ្ឌល​សកម្មភាព​កំចាត់​មីន​កម្ពុជា (CMAC)​ឱ្យ​ដឹង​ថា ការ​សម្រេច​ផ្អាក​ជំនួយ​ភ្លាមៗ​របស់​សហរដ្ឋ​អាមេរិក​ធ្វើ​ឱ្យ​ប៉ះពាល់​ទៅ​ដល់​ដំណើរការ​ស្រាវ​ជ្រាវ និង​បោស​សំអាត​គ្រាប់បែក​ដែល​ទម្លាក់​ពី​លើ​យន្តហោះ​ ដែល​កំពុង​ប្រតិបត្តិ​ការ​ក្នុង​ខេត្ត​ចំនួន​៨ ​នា​ភាគ​ឦសាន​និង​ភាគ​ខាង​កើត​របស់​កម្ពុជា។ https://www.facebook.com/photo/?fbid=1076184781217316&set=a.492095336292933
ត្រឹមរយៈពេល១ខែដើមឆ្នាំ២០២៥ មនុស្សចំនួន១ ៣១១នាក់ ត្រូវបានសមត្ថកិច្ចចាប់ខ្លួន ពាក់ព័ន្ធនឹងការជួញដូរ និងប្រើប្រាស់គ្រឿងញៀន។ នេះបើតាមរបាយការណ៍របស់មន្ទីរប្រឆាំងបទល្មើសគ្រឿងញៀនចេញផ្សាយនាថ្ងៃទី០១ ខែកុម្ភៈ ឆ្នាំ២០២៥។ តាមសមត្ថកិច្ច គ្រឿងញៀនចំនួន៤២៣.៣គីឡូក្រាមត្រូវបានរឹបអូសពីជនសង្ស័យដែលបានចុះប្រតិបត្តិការបង្ក្រាបរយៈពេលពេញមួយខែមករា។ https://www.facebook.com/photo/?fbid=1076192251216569&set=a.492095336292933
កាលពីពេលថ្មីៗនេះ ការិយាល័យអន្តោប្រវេសន៍និងគយអាមេរិក បានបញ្ចេញតួលេខជនអន្តោប្រវេសន៍ខុសច្បាប់ក្នុងទឹកដីអាមេរិកដែលត្រៀមបញ្ជូនឲ្យប្រទេសសាមីវិញ ក្នុងរង្វង់ជាង១លាននាក់។ ក្នុងនោះពលរដ្ឋខ្មែរចំនួន ១៧៤៧នាក់ ក៏ប្រឈមនឹងការចាប់បញ្ជូនត្រលប់មកប្រទេសកម្ពុជា នាពេលខាងមុខនេះ។ អ្នកជំនាញផ្នែកទំនាក់ទំនងអន្តរជាតិ កត់សម្គាល់ថា នេះជាយន្តការរឹតបន្តឹងច្បាប់អន្តោប្រវេសន៍របស់រដ្ឋអំណាចអាមេរិក តែវាមិនបណ្តាលឲ្យប៉ះពាល់ដល់ទំនាក់ទំនងរវាងកម្ពុជានិងអាមេរិកឡើយ។ https://www.facebook.com/photo?fbid=1076193197883141&set=a.492095336292933
លោកនាយករដ្ឋមន្រ្តី ហ៊ុន ម៉ាណែត បានលើកឡើងពីការធានារកទីផ្សារក្នុងការលក់គ្រាប់ស្វាយចន្ទីរបស់ប្រជាសហគមន៍ ខណៈលោកចុះជួបជាមួយប្រជាសហគមន៍កសិកម្មទំនើបប្រាសាទសំបូរ ក្នុងស្រុកប្រាសាទសំបូរ ខេត្តកំពង់ធំ នៅថ្ងៃទី៣១ មករា។ បើតាមប្រមុខ​រដ្ឋាភិបាល ​ខេត្តកំពង់ធំគឺជាខេត្តអាទិភាពមួយរបស់រដ្ឋាភិបាលកម្ពុជា ក្នុងការទាក់ទាញអ្នកវិនិយោគការកែច្នៃគ្រាប់ស្វាយចន្ទីទៅលក់នៅទីផ្សារអន្តរជាតិ។ https://www.facebook.com/photo/?fbid=1076194051216389&set=a.492095336292933
Forwarded from Comfrel Adminlive
https://www.facebook.com/comfrel.org/videos/1092205859372029
==========================
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី០៣ ខែកុម្ភៈ ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
ប្រធានបទ ៖ ព័ត៌មានក្លែងក្លាយ និងការបញ្ចេញមតិ
==========================
វាគ្មិនកិត្តិយស៖
- លោក អំ សំអាត នាយកទទួលបន្ទុកកិច្ចការទូទៅនៃអង្គការលីកាដូ
- លោក ណុប វី ប្រធានសមាគមសម្ព័ន្ធអ្នកសារព័ត៌មានកម្ពុជា (CamboJA)
អ្នកសម្របសម្រួល៖ អ្នកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ ​
តាមរយៈ៖ វិទ្យុ FM102 MHz
លេខទូរស័ព្ទចូលរួម៖ 016 544 398 / 012 433 437
ការផ្សាយឡើងវិញសំឡេងសង្គមស៊ីវិល(VOC)
សម្រាប់ព្រឹកថ្ងៃទី០៤ ខែកុម្ភៈ ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
ប្រធានបទ ៖ ព័ត៌មានក្លែងក្លាយ និងការបញ្ចេញមតិ
==========================
វាគ្មិនកិត្តិយស៖
- លោក អំ សំអាត នាយកទទួលបន្ទុកកិច្ចការទូទៅនៃអង្គការលីកាដូ
- លោក ណុប វី ប្រធានសមាគមសម្ព័ន្ធអ្នកសារព័ត៌មានកម្ពុជា (CamboJA)
អ្នកសម្របសម្រួល៖ អ្នកស្រី យ៉ឹង នីមhttps://www.facebook.com/comfrel.org/videos/1304894724054367
សារព័ត៌មាន​អន្តរ​ជាតិ​បាន​ចុះ​ផ្សាយ​ជា​បន្ត​បន្ទាប់​ថា​ សហរដ្ឋ​អាមេរិក​កំពុង​តែ​រៀបចំ​ដាក់​បញ្ចូល​ទីភ្នាក់​ងារ​សហរដ្ឋ​អាមេរិក​សម្រាប់​ការ​អភិវឌ្ឍ​អន្តរ​ជាតិ ឬ​ហៅ​ថា​ USAID ទៅ​ដាក់​នៅ​ក្រោម​ការ​គ្រប់​គ្រង​របស់​ក្រសួង​ការ​បរទេស​អាមេរិក។ ការណ៍​នេះ​នាំ​ឱ្យ​អ្នក​តាម​ដាន​មើល​ឃើញ​ថា ​ជំនួយ​របស់​អាមេរិក​នឹង​កាន់​តែ​មាន​បែបផែន​នយោ​បាយ និង​បំពេញ​ទៅ​តាម​របៀប​វារៈ​អាមេរិក​ច្រើន​ជាង​មុន​ នៅ​ក្នុង​ប្រទេស​ទូទាំង​ពិភព​លោក ដែល​ក្នុង​នោះ​មាន​ប្រទេស​កម្ពុជា​ផង​ដែរ។ https://www.facebook.com/photo/?fbid=1076881334480994&set=a.492095336292933
មន្ត្រី​សិទ្ធិ​មនុស្សជំ​រុញ​ឱ្យ​កម្ពុជា​មានកិច្ច​សហការ​ល្អ​ជាមួយ​ភាគី​ថៃក្នុង​ការ​ស៊ើប​អង្កេតឃាត​កម្ម​បាញ់​សម្លាប់​លោក លិម គិមយ៉ា អតីត​អ្នក​នយោ​បាយ​គណ​បក្ស​ប្រឆាំង​ដែល​ត្រូវ​បាន​ឃាតក​របាញ់​សម្លាប់​កាល​ពី​ថ្ងៃ​ទី​៧ ខែ​មករា ឆ្នាំ​២០២៥ លើ​ទឹក​ដីថៃ ដើម្បី​លាត​ត្រដាង​ការណ៍​ពិត និង​ដើម្បី​កុំ​ឱ្យ​ប៉ះ​ពាល់​មុខ​មាត់​រដ្ឋា​ភិបាល។ https://www.facebook.com/photo/?fbid=1076883344480793&set=a.492095336292933
យុវជន​ចលនា​មាតា​ធម្មជាតិ និង​យុវជន​មួយ​ចំនួន​ទៀត រំលឹក​ពី​វីរភាព​របស់​សកម្មជន​ចលនា​មាតា​ធម្មជាតិ លោក លី ចាន់ដារ៉ាវុត ក្រោយ​លោក​ជាប់​ពន្ធនាគារ​ជាង​៧ខែ ដោយសារ​តែ​ភាព​សកម្ម​ក្នុង​ការ​ការពារ​បរិស្ថាន និង​ធនធាន​ធម្មជាតិ​នៅ​កម្ពុជា។ https://www.facebook.com/photo/?fbid=1076886351147159&set=a.492095336292933
តុលាការ​រាជធានីភ្នំពេញ​ពន្យារពេល​សវនាការ​សំណុំ​រឿង​របស់​កញ្ញា នួន តឿន ទៅ​ពេល​ក្រោយ​ដោយ​គ្មាន​ថ្ងៃ​កំណត់។ មន្រ្តីបក្សប្រឆាំង​ចាត់ទុក​វិធានការ​របស់​តុលាការនេះ​ថា ជា​ការ​ធ្វើ​ទុក្ខបុកម្នេញ ដាក់​សម្ពាធ​ឱ្យ​អ្នកជាប់ឃុំ​ធ្វើ​វីដេអូសារភាព ឬ​ចុះចូល​ជាមួយ​​បក្សកាន់អំណាច។ https://www.facebook.com/photo/?fbid=1076892184479909&set=a.492095336292933
អភិបាលខេត្តតាកែវ លោក វី សំណាង ជំរុញឲ្យអាជីវករលក់ជី និងថ្នាំកសិកម្មទាំងអស់ ត្រូវពិនិត្យមើលប្រភពនៃការនាំចូលឲ្យបានច្បាស់លាស់ មុននឹងទិញ យកមកលក់បន្តក្នុងប្រទេសកម្ពុជា។ https://www.facebook.com/photo?fbid=1076900917812369&set=a.492095336292933
ជិត១០ថ្ងៃបន្ទាប់ពីក្រសួងអប់រំ យុវជន និងកីឡា បានប្រកាសផ្អាកការប្រឡងសិស្សពូកែទូទាំងប្រទេសឆ្នាំ២០២៤-២០២៥ ទីបំផុត រដ្ឋាភិបាលបានសម្រេចដំណើរការការប្រឡងឡើងវិញ។ ទោះជាយ៉ាងណាក៏ដោយ ទង្វើនេះបានបង្កឱ្យមានភាពចម្រូងចម្រាស ដោយសាធារណជន និងអ្នកអប់រំបានហៅផែនការនេះថា «មិនច្បាស់លាស់ និងគ្មានទំនួលខុសត្រូវ»។ https://www.facebook.com/photo?fbid=1076899701145824&set=a.492095336292933
ក្រុម​គ្រួសារ និង​គណបក្ស​សង្គ្រោះ​ជាតិ​រៀបចំ​ពិធីបុណ្យ​បញ្ចុះសព​លោក លិម គិមយ៉ា នៅ​រសៀល​ថ្ងៃទី​៣ ខែកុម្ភៈ​។ អ្នក​ប្រជាធិបតេយ្យ​ប្ដេជ្ញា​ចេញ​តស៊ូ​មតិ​ឱ្យ​ខ្លាំងក្លា​ដើម្បី​ជំរុញ​រដ្ឋាភិបាល​បារាំង​ឱ្យ​យកចិត្តទុកដាក់​ថែមទៀត​ក្នុង​ការ​ស៊ើបអង្កេត​រក​យុត្តិធម៌​ជូន​លោក លិម គិមយ៉ា។ https://www.facebook.com/photo?fbid=1076895831146211&set=a.492095336292933
សៀវភៅប្រវត្តិវិទ្យាថ្នាក់ទី ៦របស់ក្រសួងអប់រំ យុវជន និងកីឡា ក្រោមចំណងជើងថា «ខ្មែរ និងដំណើរឆ្ពោះទៅកាន់វិបុលភាព» កំពុងរងប្រតិកម្មយ៉ាងខ្លាំងពីសំណាក់មហាជនក្នុងបណ្ដាញទំនាក់ទំនងសង្គម។ អ្វីដែលនាំមហាជនប្រតិកម្មនោះ គឺសៀវភៅនេះបានដាក់រូបស្តូបវិមានឈ្នះ ឈ្នះធ្វើជាគម្របខាងមុខ។ ចំពោះអ្នកស្រាវជ្រាវប្រវត្តិសាស្ដ្រ ការយករូបស្តូបវិមានឈ្នះ ឈ្នះមករចនាធ្វើជាគម្របសៀភៅថ្មីក្នុងប្រព័ន្ធអប់រំរដ្ឋ គឺជារឿងត្រឹមត្រូវ ព្រោះស្តូបវិមានឈ្នះ ឈ្នះជាកន្លែងប្រមូលផ្តុំប្រវិត្តសាស្ត្រពិតរបស់កម្ពុជា។ តែមហាជនខ្លះចាត់ទុកការធ្វើដូចនេះជាការកែប្រែប្រវត្តិសាស្ដ្រ និងបង្ហាញពីការដឹងគុណវៀតណាម។ https://www.facebook.com/photo/?fbid=1076904947811966&set=a.492095336292933
ក្រសួងធម្មការ និងសាសនាកំពុងរៀបចំសេចក្តីព្រាងច្បាប់មួយស្តីពីសិទ្ធិសេរីភាព និងជំនឿសាសនានៅកម្ពុជាដែលបានអូសបន្លាយជាច្រើនឆ្នាំមកហើយ។ ក្រសួងធម្មការបានអះអាងថា សេចក្តីព្រាងច្បាប់នេះនឹងត្រូវធ្វើឡើងឲ្យចប់នៅចុងឆ្នាំ២០២៥នេះ។ ការពន្លឿនសេចក្តីព្រាងច្បាប់ស្តីពីសិទ្ធិសេរីភាព និងជំនឿសាសនានេះត្រូវគេមើលឃើញថា ទំនងស្របពេលដែលការគោរពជំនឿសាសនានៅក្នុងសង្គមខ្មែរបច្ចុប្បន្នបានបង្ហាញនូវភាពរញ៉េរញ៉ៃ និងពិបាកគ្រប់គ្រង។ https://www.facebook.com/photo/?fbid=1076918154477312&set=a.492095336292933
អាជ្ញាធរ​ខេត្ត​ស្ទឹង​ត្រែង​បាន​ឃាត់​ខ្លួន​បុរស​ម្នាក់​បញ្ជូន​ទៅ​សាលា​ដំបូង​ខេត្ត​ក្នុង​បទ​ចោទ​ពាក់​ព័ន្ធ​នឹង​ការ​កាប់​រំលំ​ដើម​ឈើទាល​ធំៗ​នៅ​ដែន​ជម្រក​សត្វ​ព្រៃ-ព្រៃឡង់ ស្ថិត​ក្នុង​ភូមិ​ទាល់ ឃុំ​អន្លង់​ភេ​ ស្រុក​ថាឡាបរិវ៉ាត់​។ សកម្មជន​ការ​ពារ​ព្រៃឈើ​ប្រចាំ​ខេត្តស្ទឹង​ត្រែង​បាន​គាំទ្រ​ចំណាត់​ការ​នេះ ​តែ​ពួកគេ​ចង់​ឃើញ​មាន​ការ​អនុវត្ត​ច្បាប់​ឲ្យ​បាន​ស្មើភាព​គ្នា​។ ​https://www.facebook.com/photo/?fbid=1076920667810394&set=a.492095336292933