ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ក្រសួងធម្មការ និងសាសនាកំពុងរៀបចំសេចក្តីព្រាងច្បាប់មួយស្តីពីសិទ្ធិសេរីភាព និងជំនឿសាសនានៅកម្ពុជាដែលបានអូសបន្លាយជាច្រើនឆ្នាំមកហើយ។ ក្រសួងធម្មការបានអះអាងថា សេចក្តីព្រាងច្បាប់នេះនឹងត្រូវធ្វើឡើងឲ្យចប់នៅចុងឆ្នាំ២០២៥នេះ។ ការពន្លឿនសេចក្តីព្រាងច្បាប់ស្តីពីសិទ្ធិសេរីភាព និងជំនឿសាសនានេះត្រូវគេមើលឃើញថា ទំនងស្របពេលដែលការគោរពជំនឿសាសនានៅក្នុងសង្គមខ្មែរបច្ចុប្បន្នបានបង្ហាញនូវភាពរញ៉េរញ៉ៃ និងពិបាកគ្រប់គ្រង។ https://www.facebook.com/photo/?fbid=1076918154477312&set=a.492095336292933
អាជ្ញាធរ​ខេត្ត​ស្ទឹង​ត្រែង​បាន​ឃាត់​ខ្លួន​បុរស​ម្នាក់​បញ្ជូន​ទៅ​សាលា​ដំបូង​ខេត្ត​ក្នុង​បទ​ចោទ​ពាក់​ព័ន្ធ​នឹង​ការ​កាប់​រំលំ​ដើម​ឈើទាល​ធំៗ​នៅ​ដែន​ជម្រក​សត្វ​ព្រៃ-ព្រៃឡង់ ស្ថិត​ក្នុង​ភូមិ​ទាល់ ឃុំ​អន្លង់​ភេ​ ស្រុក​ថាឡាបរិវ៉ាត់​។ សកម្មជន​ការ​ពារ​ព្រៃឈើ​ប្រចាំ​ខេត្តស្ទឹង​ត្រែង​បាន​គាំទ្រ​ចំណាត់​ការ​នេះ ​តែ​ពួកគេ​ចង់​ឃើញ​មាន​ការ​អនុវត្ត​ច្បាប់​ឲ្យ​បាន​ស្មើភាព​គ្នា​។ ​https://www.facebook.com/photo/?fbid=1076920667810394&set=a.492095336292933
Forwarded from Comfrel Adminlive
https://www.facebook.com/comfrel.org/videos/1368142684337925
==========================
ការផ្សាយឡើងវិញសំឡេងសង្គមស៊ីវិល(VOC)
សម្រាប់ ថ្ងៃទី០៤ ខែកុម្ភៈ ឆ្នាំ២០២៥
នេះជាកម្មវិធីប្រចាំថ្ងៃអង្គារ៍ «សិទ្ធិមនុស្ស និងប្រជាធិបតេយ្យ»
==========================
ប្រធានបទ ៖ សិទ្ធិ និងកាតព្វកិច្ចរបស់សង្គមស៊ីវិល
វាគ្មិនកិត្តិយស៖
១. លោក សេក សុជាតិ អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ
២. លោក យិន ម៉េងលី អនុប្រធានផ្នែកសិទ្ធិមនុស្ស និងដីធ្លី នៃសមាគមអាដហុក
អ្នកសម្របសម្រួល៖ លោក ស៊ិន ទិត្យសីហា
សមាគម​អាដហុក​ដែលជា​អង្គការ​សិទ្ធិ​មនុស្ស​ដំបូង​គេ​នៅ​កម្ពុជា​តែង​ទទួល​បាន​ជំនួយ​ភាគ​ច្រើន​ពី​កម្ម​វិធី​អភិវឌ្ឍន៍​អន្តរ​ជាតិ​សហរដ្ឋ​អាមេរិក​ (USAID)។ តែ​អង្គការ​មួយ​នេះនឹង​ត្រូវ​ទទួល​រង​ផល​ប៉ះពាល់​ធ្ងន់​ធ្ងរ​ ប្រសិន​បើ ​USAID ត្រូវ​បិទ​ទ្វារ​នៅក្រោម​អំណាច​របស់​រដ្ឋបាល​ ​លោក​ ដូណាល់ ​ត្រាំ។​ នេះ​ជា​ការ​លើកឡើង​របស់ ​លោក នី សុខា ប្រធាន​សមាគម​អាដហុក​។​ ទោះ​យ៉ាង​ណា ​នៅក្នុង​បទ​សម្ភាសជា​មួយ​វិទ្យុ​បារាំង​អន្តរ​ជាតិ RFI​ នាថ្ងៃ​ទី​៤ ខែ​កុម្ភៈ ​លោក នី សុខា អះអាងថា ​អាដហុក​ដែល​បង្កើត​ឡើង​តាំង​ពី​ថ្ងៃ​ទី១០​ខែ​ធ្នូ ឆ្នាំ​១៩៩១ នៅ​តែ​ដំណើរ​ការ​ទៅ​មុខ ​ទោះ​ប្រឈម​មុខ​នឹង​ការ​ខ្វះខាត​ថវិកា​ចំណាយ​លើ​គម្រោង​មួយ​ចំនួន​ក្តី​។ https://www.facebook.com/photo/?fbid=1077076711128123&set=a.492095336292933
ក្រសួងបរិស្ថាន តាមរយៈអ្នកនាំពាក្យ លោក ខ្វៃ អាទិត្យា បានអះអាងក្នុងថ្ងៃទី៣ កុម្ភៈថា ករណីធ្លាយប្រេងប្រមាណ ២ពាន់លីត្រចូលទឹកសមុទ្រក្នុងខេត្តព្រះសីហនុមិនបានបង្កផលប៉ះពាល់បរិស្ថានគួរឱ្យព្រួយបារម្ភទេ។ តាមលោក ខ្វៃ​ អាទិត្យា ក្រុមមន្ត្រីជំនាញបានចុះប្រតិបត្តិការសម្អាតទីតាំងដែលមានកំណកប្រេង ពិសេសនៅតាមបណ្តោយឆ្នេរទេសចរណ៍ព្រែកត្រែង។ អ្នកនាំពាក្យក្រសួងបរិស្ថាន​រូបនេះដដែលក៏បានបញ្ជាក់ដែរថា ទោះជាកំណកប្រេងត្រូវបានសម្អាតនៅលើផ្ទៃសមុទ្ររួចហើយក៏ដោយក៏ក្រុមជំនាញបរិស្ថាននឹងបន្តសម្អាតប្រព័ន្ធលូមួយចំនួនទៀតសិន មុននឹងបើកឆ្នេរព្រែកត្រែងឲ្យពលរដ្ឋ ឬភ្ញៀវទេសចរចុះមុជទឹកជាថ្មី។ https://www.facebook.com/photo/?fbid=1077078471127947&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ ព្រឹកថ្ងៃទី០៥ ខែកុម្ភៈ ឆ្នាំ២០២៥
នេះជាកម្មវិធីប្រចាំថ្ងៃអង្គារ៍ «សិទ្ធិមនុស្ស និងប្រជាធិបតេយ្យ»
==========================
ប្រធានបទ ៖ សិទ្ធិ និងកាតព្វកិច្ចរបស់សង្គមស៊ីវិល
វាគ្មិនកិត្តិយស៖
១. លោក សេក សុជាតិ អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ
២. លោក យិន ម៉េងលី អនុប្រធានផ្នែកសិទ្ធិមនុស្ស និងដីធ្លី នៃសមាគមអាដហុក
អ្នកសម្របសម្រួល៖ លោក ស៊ិន ទិត្យសីហា https://www.facebook.com/comfrel.org/videos/1919198862220713
អ្នកកាសែត​ជនជាតិ​អង់គ្លេស​ម្នាក់​គឺ​លោក Gerald Flynn ដែល​តែង​តែ​រាយការណ៍​ព័ត៌មាន​រសើប​អំពី​បញ្ហា​បរិស្ថាន​នៅ​កម្ពុជា​ត្រូវ​បាន​ហាម​ឃាត់​មិន​ឲ្យ​ចូល​ប្រទេស​កម្ពុជា។ https://www.facebook.com/photo/?fbid=1077589604410167&set=a.492095336292933
នៅ​ក្រោម​ការ​ដឹកនាំ​របស់​លោក ដូណាល់ ត្រាំ ​(Donald Trump) ប្រធានាធិបតី​អាមេរិកជា​លើក​ទីពីរ​នេះ កម្ពុជា​ត្រូវ​ប្រឈម​នឹង​ការ​ទទួល​យក​ជន​អន្តោប្រវេសន៍​ជា​ពលរដ្ឋ​ខ្មែរ ដែល​នឹង​ត្រូវ​បណ្តេញ​ចេញ​ពី​ទឹក​ដី​អាមេរិក​។ https://www.facebook.com/photo/?fbid=1077593687743092&set=a.492095336292933
កម្មករ និង​សហជីព​មួយ​ចំនួន​បារម្ភ​ពី​សុវត្ថិភាព​របស់​កម្មករ​នៅ​ពេល​ពួកគាត់​ធ្វើ​ដំណើរ​ទៅ​កន្លែង​ការងារ និង​ត្រឡប់​មក​ផ្ទះ​វិញ ដោយសារ​តែ​ឡាន​ដឹក​កម្មករ​ភាគច្រើន​ដាក់​មនុស្ស​លើស​ចំណុះ ហើយ​តៃកុង​ឡាន​ផឹក​គ្រឿង​ស្រវឹង​អំឡុង​ពេល​បើកបរ ដែល​បង្ក​ឱ្យ​មាន​គ្រោះថ្នាក់​ចរាចរណ៍​ជា​ញឹកញាប់។ ពួកគាត់​ស្នើ​ឱ្យ​រដ្ឋាភិបាល និង​ថៅកែ​រោងចក្រ​គិតគូរ​ពី​សុវត្ថិភាព និង​អាយុ​ជីវិត​របស់​កម្មករ។ https://www.facebook.com/photo?fbid=1077603617742099&set=a.492095336292933
សកម្មជន​ការពារ​ព្រៃឈើ នៅ​ខេត្ត​ស្ទឹងត្រែង លោក អ៊ុក ម៉ៅ អះអាង​ថា លោក​នឹង​មិន​សុំទោស​មន្ត្រី​បរិស្ថាន ដែល​ប្រព្រឹត្ត​អំពើពុករលួយ​ឲ្យ​មាន​ការ​កាប់​ឈើ​នៅ​តំបន់​ព្រៃ​ឡង់​ដាច់​ខាត បើ​ទោះ​បី​ប្រឈម​ជាប់​ពន្ធនាគារ​ក៏ដោយ។ ការ​លើក​ឡើង​នេះ ធ្វើ​ឡើង​បន្ទាប់​ពី​មន្ទីរ​បរិស្ថាន ខេត្ត​ស្ទឹងត្រែង ព្រមាន​ចាត់​វិធានការ​ច្បាប់​លើ លោក អ៊ុក ម៉ៅ និង​ឲ្យ​លោក​សុំ​ទោស​មន្ត្រី​បរិស្ថាន​នៅ​តំបន់​នោះ​ជា​សាធារណៈ។ https://www.facebook.com/photo?fbid=1077604807741980&set=a.492095336292933
អ្នកឃ្លាំមើល​បរិស្ថាន​ស្នើ​ដល់​អាជ្ញាធរ ឲ្យ​ស្វែងរក​ប្រភព​នៃ​ការ​លេច​ធ្លាយ​ប្រេង ដែល​អណ្ដែត​លើ​ឆ្នេរ​ព្រែកត្រែង ដើម្បី​រក​អ្នក​ទទួលខុសត្រូវ។ ការ​ស្នើសុំ​នេះ ធ្វើ​ឡើង​បន្ទាប់​ពី​អាជ្ញាធរ​ពាក់ព័ន្ធ ចុះ​សម្អាត​ប្រេង​ប្រមាណ​២ពាន់លីត្រ ដែល​បាន​អណ្ដែត​មក​លើ​ឆ្នេរ​ព្រែកត្រែង ក្នុង​ខេត្ត​ព្រះសីហនុ កាល​ពី​ដើមខែ​កុម្ភៈ។ https://www.facebook.com/photo?fbid=1077605864408541&set=a.492095336292933
អង្គការ​សិទ្ធិ​មនុស្ស​ជាតិ និង​អន្តរជាតិ​ថ្កោលទោស​រដ្ឋាភិបាល​កម្ពុ​ជា​ដែល​រារាំង​អ្នកសារព័ត៌មាន​អន្តរជាតិ​ម៉ុងហ្កាបេ (Mongabay) និង​ជា​ប្រធាន​ក្លឹប​អ្នកកាសែត​បរទេស​នៅ​កម្ពុជា (OPCC) លោក ជើរ៉លដ៍ ហ្វ្លីន (Gerald Flynn) មិន​ឱ្យ​ចូល​ប្រទេស​កម្ពុជា​ក្រោម​ហេតុ​ផល​ខុស​ឯកសារ​ឆ្លង​ដែន។ ក្រុម​អង្គការ​សង្គម​ស៊ីវិល​ថា​ការ​រារាំង​អ្នក​កាសែត​ជនជាតិ​អង់គ្លេស​រូប​នេះ​មិន​ឱ្យ​ចូល​ប្រទេស​កម្ពុជា​នឹង​កាន់​តែ​ធ្វើ​ឱ្យ​ស្ថានភាព​សេរីភាព​សារ​ព័ត៌មាន​នៅ​កម្ពុជា​កាន់​តែ​អាក្រក់។ https://www.facebook.com/photo/?fbid=1077606594408468&set=a.492095336292933
នៅថ្ងៃទី៤ ខែកុម្ភៈ ឆ្នាំ២០២៥នេះ នគរបាលច្រកព្រំដែនអន្ដរជាតិប៉ោយបែតបានចាប់បញ្ជូនជនជាតិថៃចំនួន ២៥នាក់ទៅកាន់ប្រទេសកំណើតវិញ។ តាមការបញ្ជាក់របស់នគរបាលច្រកព្រំដែនអន្ដរជាតិប៉ោយបែត ជនជាតិថៃទាំងនេះគ្មានលិខិតឆ្លងដែន និងរស់នៅធ្វើការដោយខុសច្បាប់នៅខេត្តបន្ទាយមានជ័យ។ https://www.facebook.com/photo/?fbid=1077616394407488&set=a.492095336292933
លោក ស៊ុន ចន្ធី ប្រធាន​គណ​បក្ស​កម្លាំង​ជាតិ​បាន​សម្រេច​ចិត្ត​មិន​ប្តឹង​ទាស់​ទៅ​តុលាការ​ជាន់​ខ្ពស់​នៅ​ក្នុង​សំណុំ​រឿង​របស់​លោក ​ដែល​លោក​ត្រូវ​បាន​កាត់​ទោស​ពី​បទ​ញុះញង់ ​ក្រោម​ហេតុ​ផល​ថា​ លោក​មិន​មានជំនឿ​ចិត្ត​លើ​តុលាការ​ក្នុង​ការ​ស្វែង​រក​យុត្តិធម៌​ជូន​រូប​លោក​។ ​នេះ​បើ​តាម​មេធាវី​ការ​ពារ​ក្តី​របស់​ប្រធាន​គណ​បក្ស​ជំទាស់រូប​នេះ​។ https://www.facebook.com/photo?fbid=1078384634330664&set=a.492095336292933
សកម្មជន​បរិស្ថាន និង​សហគមន៍​ព្រៃ​ឡង់ បាន​រក​ឃើញ​បទល្មើស​អារ​ឈើ​ថ្មីៗ ជាង ៥០ករណី នៅ​ក្នុង​តំបន់​ព្រៃឡង់ ខេត្ត​ព្រះវិហារ។ ពួក​គាត់​ថា ដើម​ឈើ​ធំៗ ដែល​ជន​ល្មើស​បាន​កាប់​នោះ មាន​ទំហំ​មុខ​កាត់​ពី ៤០សង់ទីម៉ែត្រ (៤តឹក) ដល់ ៩០សង់ទីម៉ែត្រ (៩តឹក) ដែល​បាន​ដេកដួល​ពាស​ពេញ​ដី ដោយ​គ្មាន​អាជ្ញាធរ​ពាក់ព័ន្ធ​ចុះ​ទប់ស្កាត់​ឱ្យ​បាន​ត្រឹមត្រូវ​នោះ​ទេ បើ​ទោះ​ជា​ករណី​នេះ​បាន​កើត​ឡើង​ដដែលៗ ក្ដី។ https://www.facebook.com/photo?fbid=1078389737663487&set=a.492095336292933
សម្ព័ន្ធ​សហជីព​ប្រជាធិបតេយ្យ​កម្មករ​កាត់ដេរ​កម្ពុជា (C.CAWDU) ថ្កោលទោស​ចំពោះ​ការ​ប្រើប្រាស់​អំពើ​ហិង្សា​លើ​ប្រធាន​សហជីព​ប្រចាំ​រោងចក្រ​ស្តាឡៃថ៍ អឹភេរែល (STARLIGHT APPAREL)។ មន្ត្រី​សង្គម​ស៊ីវិល និង​សហជីព ស្នើ​ដល់​អាជ្ញាធរ ឲ្យ​ពន្លឿន​តាម​ចាប់​ជន​ល្មើស​មក​ទទួល​ទោស​តាម​ច្បាប់។ https://www.facebook.com/photo?fbid=1078392417663219&set=a.492095336292933
ជនជាតិ​ដើម​ភាគតិច​កួយ​ចំនួន ២​ភូមិ នៅ​ខេត្តព្រះវិហារ​បន្ត​ប្រមូល​ផ្តុំ​គ្នា​តវ៉ា​ទាមទារ​ឱ្យ​អភិបាល​ខេត្ត​នេះ ដោះស្រាយ​ការរំលោភ​យក​ដី​ព្រៃ​ជំនឿ​ជាង ១​ពាន់​ហិកតារ (១.០៥០) ជា​ទ្រព្យ​ឯកជន ពី​សំណាក់​អភិបាល​រង​ខេត្ត​ព្រះវិហារ លោក អ៊ុក គឹមសាន។ https://www.facebook.com/photo?fbid=1078393200996474&set=a.492095336292933
រដ្ឋាភិបាល​ប្រទេស​អូស្ត្រាលី (Australia) ប្រកាស​តាមដាន​ដោយ​យក​ចិត្ត​ទុក​ដាក់ ចំពោះ​ករណី​ឃាតកម្ម​លើ​អតីត​តំណាងរាស្ត្រ​គណបក្ស​សង្គ្រោះ​ជាតិ​លោក លិម គិមយ៉ា។ តំណាង​សហគមន៍​ខ្មែរ យល់​ថា នេះ​គឺជា​ការ​ឆ្លើយតប​វិជ្ជមាន​មួយ​ដែល​អាច​ជា​សម្ពាធ​ទៅ​រដ្ឋាភិបាល​ថៃ និង​កម្ពុជា ឲ្យ​ស៊ើបអង្កេត​ករណី​នេះ​ឲ្យ​បាន ហ្មត់ចត់ និង​ឆាប់រហ័ស។ https://www.facebook.com/photo?fbid=1078395650996229&set=a.492095336292933
នៅថ្ងៃទី៥ ខែកុម្ភៈ ឆ្នាំ២០២៥នេះ សមាគមមីក្រូហិរញ្ញវត្ថុកម្ពុជាបានអះអាងថា កម្ពុជាកំពុងដោះស្រាយយ៉ាងសកម្មនូវបញ្ហាប្រឈមសំខាន់ៗក្នុងវិស័យមីក្រូហិរញ្ញវត្ថុនៅកម្ពុជា ពិសេសបញ្ហាបំណុលវ័ណ្ឌករបស់ពលរដ្ឋ។ តាមសមាគមមីក្រូហិរញ្ញវត្ថុកម្ពុជា វិធានការនេះជាគំនិតផ្តួចផ្តើមរបស់ធនាគារជាតិកម្ពុជា និងអង្គការសហប្រជាជាតិដែលមានការចូលរួមពីភាគីពាក់ព័ន្ធចម្រុះជាង ១០០ស្ថាប័ន។ តែអ្នកតាមដានសង្គមសង្កេតឃើញថា បញ្ហាបំណុលច្រើនលើសលុបនៅកម្ពុជាមិនទាន់ដោះស្រាយបាននៅឡើយទេ។ ​ https://www.facebook.com/photo?fbid=1078404824328645&set=a.492095336292933
បន្ទាប់ពីផ្ទះរបស់ពលរដ្ឋចំនួនបីបានបាក់ស្រុតនៅម៉ោងប្រហែល៩ព្រឹកថ្ងៃទី១ ខែកុម្ភៈ ប្រជាពលរដ្ឋ​នៅភូមិខ្ទរ សង្កាត់ព្រែកលៀប តាមបណ្តោយដងទន្លេមេគង្គ កំពុងតែទទួចឱ្យអាជ្ញាធរសាងសង់ច្រាំងដើម្បីបញ្ឈប់ការបាក់ដី។ អាជ្ញាធរ​អះអាង​ថា ការ​បាក់​រលំ​នេះ​ជា​លទ្ធផល​នៃ​គ្រោះ​ធម្មជាតិ។ https://www.facebook.com/photo?fbid=1078413634327764&set=a.492095336292933