ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
អ្នកតា​ម​ដាន​សង្គម កត់​សម្គាល់​ថា ​ប្រជា​ពល​រដ្ឋ​បាន​ចូល​រួម​ប្រព្រឹត្ត​អំពើ​ពុក​រលួយ​ដោយ​សារ​កង្វះ​ទំនុក​ចិត្ត​លើ​ប្រព័ន្ធ​យុត្តិ​ធម៌​ ដែល​ទាមទារឲ្យរដ្ឋ​យក​ចិត្ត​ទុក​ដាក់​ និង​អនុវត្ត​ច្បាប់ឲ្យមាន​ប្រសិទ្ធ​ភាព​ ដើម្បី​លុប​បំបាត់។ https://www.facebook.com/photo?fbid=1086792296823231&set=a.492095336292933
ក្រោយឃាតកម្មលើ​អតីត​តំណាងរាស្ត្រ​គណបក្សសង្គ្រោះ​ជាតិ​លោក លិម គិមយ៉ា ​នៅទីក្រុង​បាងកក ​ប្រទេសថៃមក​ អ្នកឃ្លាំមើលនយោបាយ​កម្ពុជា​បាន​នាំ​គ្នា​វាយតម្លៃ​បន្ថែម​ថា​ ប្រទេស​ជិត​ខាង​កម្ពុជា​មួយ​នេះ​នឹង​លែង​ជា​ទីសុវត្ថិភាព​សម្រាប់​ក្រុម​ជំទាស់​ដែល​ភៀស​ខ្លួនចេញ​ពីប្រទេស ​ដើម្បីគេច​ពី​ការ​ធ្វើ​ទុក្ខ​បុក​ម្នេញ។ ក៏ប៉ុន្តែ​ ទោះបី​ជា​កន្លែង​ជ្រកកោននេះបាន​ក្លាយ​ជា​បញ្ហា​មួយ​សម្រាប់​ក្រុម​អ្នក​ជំទាស់ក្តី​ ក៏គេ​មិន​ប្រាកដ​ថា​ ទឹក​ចិត្ត​នៃ​ការតស៊ូ​របស់​ពួកគេ​ដើម្បី​បើក​លម្ហ​ប្រជាធិបតេយ្យ​នៅ​កម្ពុជា​ នឹងថមថយ​នោះឡើយ។ https://www.facebook.com/photo?fbid=1086794500156344&set=a.492095336292933
អាជ្ញាធរ​ខេត្ត​តាកែវ​អំពាវនាវ​ឲ្យប្រជា​កសិករ​កុំធ្វើ​ស្រូវ​ប្រាំងលើកទី ​២ ដោយសារទឹកក្នុង​អាង​ទន្លេ​បាទីស្រក​ចុះ​ខ្លាំង ដោយ​មិន​អាចផ្គត់ផ្គង់​ដល់​ការ​ធ្វើស្រូវរដូវប្រាំងរបស់ប្រជាពលរដ្ឋ​បាន។ https://www.facebook.com/photo/?fbid=1086798923489235&set=a.492095336292933
ថ្មីៗនេះ សហជីពសាកល IndustriALL Global Union បានចុះហត្ថលេខាលើកិច្ចព្រមព្រៀងជាមួយក្រុមហ៊ុនម៉ាកយីហោល្បីៗចំនួន៣ ដើម្បីជំរុញភាគីថៅកែរោងចក្រដំឡើងប្រាក់ឈ្នួលដល់កម្មករខ្មែរឱ្យបានសមរម្យ និងមានលក្ខខណ្ឌការងារល្អជាងមុន។ ផ្អែកតាមកិច្ចព្រមព្រៀងនេះ សហជីពសាកលក៏រំពឹងដែរថា កិច្ចព្រមព្រៀងនេះ អាចរួមចំណែកលើកកម្ពស់កិច្ចសហប្រតិបត្តិការក្នុងចំណោមម៉ាកយីហោបញ្ជាទិញល្បីៗ និយោជក និងកម្មករនិយោជិតក្នុងប្រទេសកម្ពុជា ឱ្យធានាបាននូវខ្សែសង្វាក់ផ្គត់ផ្គង់ប្រកបដោយទំនួលខុសត្រូវ ពិសេសយន្តការដោះស្រាយវិវាទ។ https://www.facebook.com/photo/?fbid=1086803746822086&set=a.492095336292933
ក្រុម​ជំនាញ​ផ្នែក​បោស​សំអាត​មីន​របស់​មជ្ឈមណ្ឌល​សកម្មភាព​កំចាត់​មីន​កម្ពុជា (CMAC) បាន​រក ឃើញ​គ្រាប់​បែក​ធុន MK-82 ចំនួន ១​គ្រាប់ នៅ​តំបន់​ភាគ​ខាងត្បូង​នៃ​ខេត្ត​កណ្ដាល ​ហើយ​បាន​យក​ចេញ​ដោយ​សុវត្ថិភាព ​កាល​ពី​ថ្ងៃ​ទី​១៣ ខែ​កុម្ភៈ។ https://www.facebook.com/photo/?fbid=1086805903488537&set=a.492095336292933
ពលរដ្ឋ​មួយ​ចំនួន​បារម្ភ​ថា ករណី​បាញ់បោះ​នៅ​​កណ្ដាល​ទីក្រុង​ភ្នំពេញ ដែល​បង្ក​ឡើង​ដោយ​ជនជាតិ​ចិន​មួយ​ចំនួន កំពុង​ធ្វើ​ឲ្យ​ប៉ះពាល់​ដល់​កេរ្តិ៍ឈ្មោះ​កម្ពុជា ។ ពួកគាត់​ស្នើ​ដល់​អាជ្ញាធរ​ឲ្យ​ចាត់​វិធានការ​ធ្ងន់ធ្ងរ​លើ​ក្រុម​ជន​ល្មើស និង​រឹត​បន្តឹង​ការ​គ្រប់គ្រង​អាវុធ​ជាតិ​ផ្ទុះ។ https://www.facebook.com/photo/?fbid=1086806720155122&set=a.492095336292933
ក្រសួងបរិស្ថាននៅថ្ងៃទី១៥ កុម្ភៈ ឆ្នាំ២០២៥នេះ បានចេញមកច្រានចោលចំពោះការផ្សព្វផ្សាយរូបភាពពីផ្កាយរណបរបស់អង្គការ NASA ដែលបង្ហាញពីចំនួនចំណុចភ្លើងឆេះដ៏ច្រើនសម្បើមនៅទូទាំងប្រទេសកម្ពុជា។ សម្រាប់ ក្រសួងបរិស្ថាន ការចែករំលែកព័ត៌មានអំពីចំណុចភ្លើងឆេះ ដោយយកផែនទីមាត្រដ្ឋានតូច មិនអាចកំណត់បានជាកន្លែងណាមួយឱ្យច្បាស់លាស់នោះ គឺជាព័ត៌មាន និងរូបភាពមិនពិត ដែលវាហាក់បីដូចជាកម្ពុជាទាំងមូល ត្រូវបានឆេះក្រហមឆ្អៅ។ https://www.facebook.com/photo/?fbid=1086818426820618&set=a.492095336292933
អាជ្ញាធរបានអះអាងថា ប្រទេសថៃកាត់ផ្តាច់ការផ្គត់ផ្គង់សេវាទូរគមនាគមន៍ក្នុងខេត្តស្រះកែវ នៃប្រទេសថៃ ដើម្បីទប់ស្កាត់ការ​បោកប្រាស់ឆ្លងដែននេះ នឹងមិនប៉ះពាល់ដល់ក្រុងប៉ោយប៉ែតទេ ខណៈការស៊ើបអង្កេតរបស់ថៃបានចាត់ទុកខេត្តជាប់ព្រំដែននេះថាជាមជ្ឈមណ្ឌលនៃក្រុមឆបោកតាមអនឡាញ ។ https://www.facebook.com/photo/?fbid=1086821190153675&set=a.492095336292933
អង្គការយូនីសេហ្វ ក្នុងភាពជាដៃគូជាមួយរដ្ឋាភិបាលបានចាប់ផ្តើមដំណើរការ ParentingTips ដែលជាវេទិកាឌីជីថលឥតគិតថ្លៃ ផ្តល់ឱ្យឪពុកម្តាយ និងអ្នកថែទាំកុមារ នូវការណែនាំផ្អែកលើភស្តុតាងស្តីពីអាហារូបត្ថម្ភ ការថែទាំត្រឹមត្រូវ និងប្រកបដោយភាពវិជ្ជមាន។ https://www.facebook.com/photo/?fbid=1086822900153504&set=a.492095336292933
ស្ថាប័នរដ្ឋាភិបាល អង្គការសង្គមស៊ីវិល និងអ្នកនយោបាយមកពីគណបក្សនានា បានរួមគ្នាពិភាក្សាពីបញ្ហាប្រឈម និងអនុសាសន៍ ពាក់ព័ន្ធនឹងការបោះឆ្នោត ដើម្បីធ្វើឱ្យដំណើរការនៃការបោះឆ្នោតខាងមុខកាន់តែប្រសើរឡើង ស្របតាមគោលការណ៍បោះឆ្នោតដោយសេរី និងយុត្តិធម៌។ https://www.facebook.com/photo/?fbid=1086828340152960&set=a.492095336292933
កម្មវិធី «សំឡេងម្ចាស់ឆ្នោត» នៃការផ្សាយសំឡេងសង្គមស៊ីវិល (VOC)
ប្រធានបទ ៖ គុណតម្លៃនៃការនិយាយការពិតក្នុងសង្គមប្រជាធិបតេយ្យ
កាលបរិច្ឆេទ ៖ ថ្ងៃទី១៧ ខែកុម្ភៈ ឆ្នាំ២០២៥ (៤:០០ ដល់ ៥:០០ ល្ងាច)
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល ឬអាចចូលរួមហៅទូរស័ព្ទមកកម្មវិធី តាមលេខទូរស័ព្ទចូលរួម៖ 012 43 34 37 / 016 54 43 98។ https://www.facebook.com/photo/?fbid=1086833443485783&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី១៧ ខែកុម្ភៈ ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
ប្រធានបទ ៖ គុណតម្លៃនៃការនិយាយការពិតក្នុងសង្គមប្រជាធិបតេយ្យ
==========================
វាគ្មិនកិត្តិយស៖
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
- លោក សេក សុជាតិ អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ
អ្នកសម្របសម្រួល៖ អ្នកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ ​
តាមរយៈ៖ វិទ្យុ FM102 MHz
លេខទូរស័ព្ទចូលរួម៖ 016 544 398 / 012 433 437https://www.facebook.com/comfrel.org/videos/1321252975862375
ក្រុម​អង្គការសង្គ​មស៊ីវិល​បាន​ជំរុញ​ឲ្យតុលាការ​អនុញ្ញាត​ឲ្យ​សមាជិក​ទាំង​ ៥ នាក់​របស់​ក្រុម​ចលនា​មាតាធម្ម​ជាតិ​ បានស្ថិត​នៅក្រៅឃុំ​ជាបណ្តោះ​អាសន្ន ​ខណៈ​សវនាការ​លើ​សំណើ​សុំ​នៅ​ក្រៅ​ឃុំ​របស់​ពួកគេ​បាន​ចាប់​ផ្តើម​នា​រសៀលថ្ងៃចន្ទ។ https://www.facebook.com/photo?fbid=1087576353411492&set=a.492095336292933
ប្រជាពលរដ្ឋរស់នៅ​លើ​កោះ​មាសនិង​ម្ចាស់​ដីលើ​កោះ​ដែល​សម្បូរ​ដោយ​ការ​ដាំដុះ​ បាន​ប្រមូល​ផ្តុំ​គ្នា​កាល​ពី​ថ្ងៃ​អាទិត្យ​នៅ​លើ​កោះដែល​មាន​ភូមិ​សាស្ត្រ​ក្នុង​រាជធានី​ភ្នំពេញ​និង​ខេត្ត​កណ្តាល​ ដើម្បីទាមទារ​បណ្ណកម្មសិទ្ធិ​ដីធ្លី​ពី​រដ្ឋាភិបាល។ https://www.facebook.com/photo/?fbid=1087577010078093&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ព្រឹកថ្ងៃទី១៨ ខែកុម្ភៈ ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
ប្រធានបទ ៖ គុណតម្លៃនៃការនិយាយការពិតក្នុងសង្គមប្រជាធិបតេយ្យ
==========================
វាគ្មិនកិត្តិយស៖
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
- លោក សេក សុជាតិ អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ
អ្នកសម្របសម្រួល៖ អ្នកស្រី យ៉ឹង នីម https://www.facebook.com/comfrel.org/videos/1338663947160099
សាលា​ឧទ្ធរណ៍​ភ្នំពេញ​​​​បដិសេធ​សំណើ​សុំ​នៅ​ក្រៅ​ឃុំ​របស់​សកម្មជន​ចលនា​​​មាតា​ធម្មជាតិ​​​​​ទាំង​៥​ រូប​​​ ក្រោម​ហេតុ​ផល​ថា ពួកគាត់​នឹង​បន្ត​ប្រព្រឹត្ត​បទ​ល្មើស​បន្ត​ទៀត។ គ្រួសារ​ និង​សង្គម​ស៊ីវិល​ចាត់​ទុក​ថា ការ​សម្រេច​នេះ​គឺ​ជា​រឿង​អយុត្តិធម៌​​ ខណៈ​ដែល​ពួកគាត់​មិន​បាន​ប្រព្រឹត្ត​បទល្មើស​តាំង​​ពី​ដំបូង។ https://www.facebook.com/photo/?fbid=1087583253410802&set=a.492095336292933
ប្រជាពលរដ្ឋ​ដែល​កំពុង​រស់​នៅ​ពឹង​ផ្អែក​លើ​មុខ​របរ​នេសាទ នៅ​ស្រុក​បុទុមសាគរ ខេត្ត​កោះកុង អះអាង​ថា ក្រុមហ៊ុន អេសវី អ៊ែសេត (SV Asset) បន្ត​លួច​បូម​ខ្សាច់​នៅ​ពេល​យប់​ធ្វើ​ឲ្យ​ផល​ប៉ះពាល់​ដល់​​មុខ​របរ​នេសាទ​របស់​ប្រជាពលរដ្ឋ​នៅ​តំបន់​នោះ។ https://www.facebook.com/photo/?fbid=1087586146743846&set=a.492095336292933
មកដល់ពេលនេះ គណបក្សកម្លាំងជាតិប្រមូលទឹកប្រាក់បានរាប់ពាន់ដុល្លារ ដើម្បីជួយសម្រាលបន្ទុកបណ្តឹងសំណងផ្លូវចិត្ត ដែលតុលាការសាលាដំបូងរាជធានីភ្នំពេញ បានបង្គាប់ឲ្យលោក រ៉ុង ឈុន និងសកម្មជនពីររូបទៀត សងថ្លៃខូចខាត ទៅឲ្យគណៈកម្មាធិការកិច្ចការព្រំដែន ក្នុងទំហំទឹកប្រាក់ ៤០០លានរៀល ឬស្មើនឹង១០ម៉ឺនដុល្លារ។ អ្នកវិភាគនយោបាយខ្លះយល់ថា វាជាសញ្ញាសំដែងសាមគ្គីភាពជួយលោក រ៉ុង ឈុន ឲ្យអាចមានលទ្ធភាពបង់ទឹកប្រាក់ជំងឺចិត្តដ៏ច្រើនសម្បើមនេះ។ តែអ្នកវិភាគខ្លះ ថា វាជាបន្ទុកផ្លូវច្បាប់កាន់តែធ្ងន់ដល់ លោក រ៉ុង ឈុន បើសិនតុលាការរកឃើញថា ថវិកាទាំងនោះមានចំណែកពីអ្នកនយោបាយនិរទេស នៅក្រៅប្រទេស។ https://www.facebook.com/photo/?fbid=1087591043410023&set=a.492095336292933
ក្រសួងព័ត៌មាននៅថ្ងៃទី១៧ ខែកុម្ភៈនេះ បានជូនដំណឹងដល់ម្ចាស់ក្រុមហ៊ុនផលិត នាំចូល ចែកចាយ និងភ្នាក់ងារផ្សាយពាណិជ្ជកម្មផលិតផលគ្រឿងស្រវឹងទាំងអស់ ត្រូវទៅបំពេញបែបបទស្នើសុំការផ្សាយពាណិជ្ជកម្មផលិតផលគ្រឿងស្រវឹងឱ្យបាន មុនថ្ងៃ១៦ ខែមីនា ឆ្នាំ២០២៥។ ក្នុងសេចក្តីជូនដំណឹងរបស់ក្រុមការងារគ្រប់គ្រងការផ្សាយពាណិជ្ជកម្មផលិតផលគ្រឿងស្រវឹងរបស់ក្រសួងព័ត៌មាន រាល់ការស្នើសុំច្បាប់អនុញ្ញាតផ្សព្វផ្សាយពាណិជ្ជកម្មផលិតផលគ្រឿងស្រវឹង មិនត្រូវគិតកម្រៃសេវានោះទេ។ https://www.facebook.com/photo?fbid=1087593703409757&set=a.492095336292933
កិច្ចពិភាក្សាស្តីពីការផ្លាស់ប្តូររថយន្តប្រភេទដឹកទំនិញ ដែលដឹកកម្មករឈរ មកជារថយន្តប្រភេទដឹកអ្នកដំណើរ ឬកែច្នៃឱ្យមានកៅអីអង្គុយត្រូវបានធ្វើឡើងជាបន្តបន្ទាប់ ក៏ប៉ុន្តែមិនទាន់ចេញជាលទ្ធផលយ៉ាងណានៅឡើយ។ តាមគម្រោង យន្តការផ្លាស់ប្តូរការធ្វើដំណើររបស់កម្មករ និយោជិតពីរថយន្តដឹកទំនិញ ទៅជារថយន្តមានសុវត្ថិភាព ត្រូវធ្វើឲ្យចេញជាលទ្ធផលនៅឆ្នាំ២០២៧ខាងមុខ។ https://www.facebook.com/photo/?fbid=1087607083408419&set=a.492095336292933