ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
នៅថ្ងៃទី១៨ ខែមីនា ឆ្នាំ២០២៥ ពលរដ្ឋរស់នៅតាមបណ្ដោយផ្លូវរថភ្លើងក្នុងខណ្ឌទួលគោក និងខណ្ឌដូនពេញ រាជធានីភ្នំពេញបានទៅតាមដានលិខិតអន្តរាគមន៍នៅសាលាក្រុងស្តីពីផលប៉ះពាល់គម្រោងអភិវឌ្ឍន៍ផ្លូវរថភ្លើងថ្មី។ ពួកគេបានអះអាងថា ការឡើងមកតាមដានលិខិតដល់សាលាក្រុងនេះដោយសារតែពួកគេនៅមិនទាន់ទទួលបានសំណងខូចខាតនៅឡើយ ខណៈគម្រោងអភិវឌ្ឍន៍ផ្លូវរថភ្លើងនេះនឹងចាប់ផ្តើមក្នុងពេលឆាប់ៗខាងមុខ។ តែរដ្ឋបាលសាលាក្រុងភ្នំពេញបានបញ្ជាក់ថា អាជ្ញាធរបានចុះទៅសិក្សាពីផលប៉ះពាល់ ដោយសន្យាដោះស្រាយសំណងតាមការស្នើសុំរបស់ពលរដ្ឋ៕ https://www.facebook.com/photo/?fbid=1113237497512044&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី២០ ខែមីនា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ ៖ ការកសាងមូលដ្ឋានគ្រឹះសម្រាប់ប្រទេសជាតិ
វាគ្មិនកិត្តិយស៖
១. លោក ឯម សុវណ្ណារ៉ា អ្នកស្រាវជ្រាវ និងអ្នកវិភាគនយោបាយ
២. លោក ជន សុខធូធារាជ្យ និស្សិតឆ្នាំទី៤ ជំនាញរដ្ឋបាលធុរកិច្ច
អ្នកសម្របសម្រួល៖ អ្នកស្រី ខេន សុខលេន https://www.facebook.com/comfrel.org/videos/1024577376201398
ក្រុមអ្នកជំនាញបានលើកឡើងថា កម្ពុជាគួរតែធ្វើសច្ចាប័នលើអនុសញ្ញារបស់អង្គការសហប្រជាជាតិស្តីពីច្បាប់សមុទ្រ (UNCLOS) ដើម្បីអាចដោះស្រាយភាពតានតឹង និងធានាផលប្រយោជន៍នៃដែនសមុទ្រកម្ពុជាដែលកំពុងមានជម្លោះជាមួយថៃ។ ការស្នើរបស់ក្រុមអ្នកជំនាញយ៉ាងដូច្នេះធ្វើឡើង បន្ទាប់ពីពួកគេសង្កេតឃើញមានបញ្ហាព្រំដែនសមុទ្ររវាងកម្ពុជា និងថៃត្រង់តំបន់កោះគុជដែលថៃកំពុងគ្រប់គ្រងស្ទើរទាំងស្រុងនៅបន្តជាប់គាំងនាពេលបច្ចុប្បន្ន។ https://www.facebook.com/photo?fbid=1113244240844703&set=a.492095336292933
លោក កែវ រតនៈ រដ្ឋ​មន្ត្រី​ក្រសួង​រ៉ែ និង​ថាមពល បាន​អះអាង​ថា នៅ​រដូវ​ក្តៅ​ឆ្នាំ ២០២៥ នេះ កម្ពុជា​នឹង​មិន​ខ្វះ​អគ្គិសនី​ប្រើប្រាស់​ទៀត​ទេ និង​ថា​ក្រុម​ហ៊ុន ឬ​សហគ្រាស ឯក​ជន​ក៏មិន​ចាំបាច់​ទិញ​ម៉ាស៊ីន​ភ្លើង​មក​ត្រៀម​ទុក​ដែរ​។ ក្នុង​បទ​សម្ភាស​ជា​មួយ​វិទ្យុ​បារាំង​អន្តរ​ជាតិ​ RFI​ លោក កែវ រតនៈ បញ្ជាក់​ថា កម្ពុជា​មាន​សមត្ថ​ភាព​ផលិត​អគ្គិសនី​បាន​ជាង ៤ពាន់​មេហ្គាវ៉ាត់ និង​ដែល​តម្រូវ​ជាក់​ស្តែង​ គឺ​ប្រើអស់​តែ​ជាង ៣ពាន់​មេហ្គាវ៉ាត់​ប៉ុណ្ណោះ។​ ទោះជា​យ៉ាង​ណា លោក​ថា​កម្ពុជា​នៅ​តែ​ត្រូវ​ការ​ទិញ​អគ្គិសនី​ពី​ប្រទេស​ជិត​ខាង​ ព្រោះការ​ទិញ​អគ្គិសនី​ពី​ក្រៅគឺ​ចំណេញ​ដល់​ជាតិ​។ https://www.facebook.com/photo/?fbid=1113246070844520&set=a.492095336292933
ក្នុងឱកាសទិវាជាតិសង្គមកិច្ចលើកទី១ និងទិវាសង្គមកិច្ចពិភពលោកលើកទី១៨ នៅថ្ងៃទី១៩ ខែមីនា ឆ្នាំ២០២៥ លោកនាយករដ្ឋមន្ត្រី ហ៊ុន ម៉ាណែត បានបញ្ជាក់ថា កម្ពុជាមានសេចក្តីត្រូវការក្នុងការពិនិត្យធនធានរបស់រដ្ឋាភិបាលសម្រាប់កម្លាំងសេវាសង្គម ព្រមទាំងគួរបង្កើតផែនការយុទ្ធសាស្ត្រជាតិ រៀបចំក្របខណ្ឌច្បាប់ និងបណ្តុះបណ្តាលបង្កើនសមត្ថភាពអ្នកប្រើសេវាសង្គម។ តាមលោក ហ៊ុន ម៉ាណែត ចំនួនអ្នកអាជីពសង្គមកិច្ចកម្ពុជាបច្ចុប្បន្ននៅមានកម្រិតទាប បើធៀបនឹងសមាមាត្រក្នុងតំបន់អាស៊ាន។ https://www.facebook.com/photo/?fbid=1113270180842109&set=a.492095336292933
ការ​ព្រមាន​​ប្រឆាំង​នឹង​អំពើ​ពុករលួយ​ក្នុង​ប្រតិបត្តិការ​អាជីវកម្ម​ខ្សាច់​និង​ថ្ម ត្រូវបានចេញផ្សាយនាពេលថ្មីៗនេះ ដោយរដ្ឋមន្ត្រីក្រសួងរ៉ែ និងថាមពល លោក កែវ រតនៈ ប្រកាសថា មន្ត្រីរដ្ឋាភិបាល ឬសមាជិកគណបក្សប្រជាជនកម្ពុជាណា ដែលគេចពន្ធ ឬធ្វើសកម្មភាពក្លែងបន្លំ ប៉ះពាល់ដល់ផលប្រយោជន៍ប្រទេសជាតិនឹងត្រូវប្រឈមចំពោះមុខច្បាប់ជាធរមាន។ https://www.facebook.com/photo/?fbid=1113280427507751&set=a.492095336292933
អ្នកប្រើប្រាស់ប្រមាណ១០លាននាក់នៃកម្មវិធី TikTok នៅកម្ពុជា ឥឡូវនេះអាចរកចំណូលបានពីមាតិការបស់ពួកគេហើយ ប៉ុន្តែក៏មានការអំពាវនាវជាផ្លូវការឱ្យអ្នកបង្កើតមាតិកាទាំងឡាយរក្សាឱ្យបាននូវតុល្យភាពរវាងឱកាស និងទំនួលខុសត្រូវ ពោលគឺបង្ហោះតែខ្លឹមសារណាដែលផ្តល់ផលប្រយោជន៍ដល់សង្គមប៉ុណ្ណោះ។ https://www.facebook.com/photo/?fbid=1113283224174138&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី២១ ខែមីនា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន»
==========================
ប្រធានបទ ៖ ការចូលរួមរបស់យុវជនដើម្បីលើកកម្ពស់សមភាពយេនឌ័រ
វាគ្មិនកិត្តិយស :
១. លោក ជន សុខធូធារាជ្យ និស្សិតជំនាញរដ្ឋបាលធុរកិច្ច
២. លោក វ៉ិត ទិត្យឧត្តម សមាជិកក្រុមប្រឹក្សាយុវជននៃប្រតិភូសហភាពអឺរ៉ុបប្រចាំនៅកម្ពុជា
អ្នកសម្របសម្រួល៖ កញ្ញា ស្រ៊ី លីដា https://www.facebook.com/comfrel.org/videos/1644450419766504
សមាគមបណ្តាញយុវជនកម្ពុជា( CYN)បានជ្រើសរើសយកយុវជន ៦០នាក់ពីសកលវិទ្យាល័យផ្សេងៗគ្នាក្នុងរាជធានីភ្នំពេញ និងបណ្ដាខេត្តមួយចំនួនឲ្យចូលរួមនៅក្នុងកម្មវិធីបោះជំរំពីថ្ងៃទី ១៤ ដល់ ១៧ ខែមីនា ឆ្នាំ២០២៥ នៅព្រៃសហគមន៍ក្បាលខ្លា ក្នុងស្រុកសណ្ដាន់ ខេត្តកំពង់ធំ។ កម្មវិធីនេះធ្វើឡើងក្នុងគោលបំណងពង្រឹងសមត្ថភាព និងការចូលរួមរបស់យុវជន សហគមន៍ និងអាជ្ញាធរដើម្បីអភិរក្ស និងការពារព្រៃឈើ។ https://www.facebook.com/photo/?fbid=1114107257425068&set=a.492095336292933
គម្រោងសាងសង់ទំនប់វារីអគ្គិសនីថ្មីចំនួន ៣ នៅតំបន់ជួរភ្នំក្រវាញដែលកម្ពុជាទើបអនុម័តបាននាំឱ្យមានការព្រួយបារម្ភ និងចោទសួរអំពីការប្តេជ្ញាចិត្តរបស់រដ្ឋាភិបាលលើកិច្ចការងារអភិរក្សព្រៃឈើសម្រាប់ឥណទានកាបូនក្នុងគម្រោង «រេដបូកភ្នំក្រវាញ» និង «រេដបូកភ្នំសំកុស»។ តាមកាសែតបរទេសម៉ុងហ្គាបេនៅថ្ងៃទី១៩ មីនា ឆ្នាំ២០២៥ ការសាងសង់ទំនប់វារីអគ្គិសនីថ្មីនៅជួរភ្នំក្រវាញនេះត្រូវកាប់ឆ្ការព្រៃការពាររាប់ពាន់ហិចតាដើម្បីឈូសឆាយជាផ្លូវ សម្រាប់អាងស្តុកទឹក ខ្សែបញ្ជូនអគ្គិសនី និងហេដ្ឋារចនាសម្ព័ន្ធគាំទ្រទំនប់វារីអគ្គិសនី។ https://www.facebook.com/photo/?fbid=1114110684091392&set=a.492095336292933
ក្រសួងបរិស្ថានទាមទារឱ្យក្រុមហ៊ុនកែច្នៃដំណាប់ស្វាយ «Cangxinlong Food» ក្នុងខេត្តប៉ៃលិនសងការខូចខាតលើផលប៉ះពាល់បរិស្ថាន និងសុខភាពសាធារណៈដោយផ្អែកតាមការគណនាជាក់ស្តែងរបស់មន្ត្រីជំនាញ និងអនុលោមតាមក្រមបរិស្ថាន និងធនធានធម្មជាតិ។ ការទាមទាររបស់ក្រសួងបរិស្ថានដូចនេះធ្វើឡើង ក្រោយបានចុះត្រួតពិនិត្យក្នុងថ្ងៃទី១៨ មីនាឃើញថា ក្រុមហ៊ុនមួយនេះបានបង្ហូរសំណល់រាវចូលប្រភពទឹកសាធារណៈ និងបង្កជាការបំពុលបរិស្ថាន។ https://www.facebook.com/photo/?fbid=1114112387424555&set=a.492095336292933
ចាប់ពីថ្ងៃទី១៩ ដល់ថ្ងៃទី២១ ខែមីនា ឆ្នាំ២០២៥ នេះ តុលាការបារាំងបានបើកសវនាការលើសំណុំរឿងគប់គ្រាប់បែកចូលហ្វូងបាតុករអហិង្សាកាលពីថ្ងៃទី៣០ ខែមីនា ឆ្នាំ១៩៩៧ ដែលបណ្តាលឲ្យមានមនុស្សស្លាប់ និងរបួសជាច្រើននាក់នៅខាងមុខរដ្ឋសភាចាស់ក្នុងប្រទេសកម្ពុជា។ ជាសវនាការដែលធ្វើឡើងតាមបណ្តឹងមេដឹកនាំបក្សប្រឆាំងលោក សម រង្ស៊ី និងបានដាក់ការសង្ស័យទៅលើមន្ត្រីយោធាជាន់ខ្ពស់២រូប ដែលគ្រប់គ្រងកងអង្គរក្សរបស់អតីតនាយករដ្ឋមន្ត្រី ហ៊ុន សែន គឺលោក ហ៊ីង ប៊ុនហៀង និងលោក ហ៊ុយ ពិសិដ្ឋ។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី២០ ខែមីនា ឆ្នាំ២០២៥ នេះ លោក សុខ ឥសាន អ្នកនាំពាក្យគណបក្សប្រជាជនបានថ្លែងថា តុលាការបារាំងពុំមានយុត្តាធិការកាត់សេចក្តីពលរដ្ឋកម្ពុជា និងក៏គ្មានឥទ្ធិពលលាតសន្ធឹងលើប្រទេសកម្ពុជាដែរ៕ https://www.facebook.com/photo/?fbid=1114118057423988&set=a.492095336292933
ថ្លែងក្នុងពិធីបិទសន្និបាតការងាររបស់ក្រសួងមុខងារសាធារណៈនៅថ្ងៃទី២០ មីនានេះ លោកនាយករដ្ឋមន្ត្រី ហ៊ុន ម៉ាណែតបានអះអាងថា រដ្ឋាភិបាលកម្ពុជានឹងមិនបង្រួមក្រសួងស្ថាប័ន ឬកាត់បន្ថយមន្ត្រីដូចសហរដ្ឋអាមេរិក និងវៀតណាមឡើយ។ តាមលោក ហ៊ុន ម៉ាណែត រដ្ឋាភិបាលកម្ពុជាមានជំហរដឹកនាំវិស័យមុខងារសាធារណៈបែបខ្មែរ ដោយមិនយកតម្រាប់តាមប្រទេសណាទាំងអស់។ ​https://www.facebook.com/photo/?fbid=1114119724090488&set=a.492095336292933
ជប៉ុន​បាន​សន្យា​ផ្តល់​ថវិកា​ជាង​១០​លាន​ដុល្លារ​ដើម្បី​ពង្រឹង​សកម្មភាពសម្អាត​មីន​របស់​កម្ពុជា ដោយ​ជួយសម្រេចគោលដៅ​កម្ពុជាក្នុងការ​ឆ្ពោះទៅរកស្ថានភាព​គ្មាន​មីន​ត្រឹម​ឆ្នាំ​២០៣០។ https://www.facebook.com/photo?fbid=1114127660756361&set=a.492095336292933
មូលនិធិនេះ រួមទាំងគម្រោងប្រព័ន្ធធារាសាស្រ្តដើរដោយថាមពលពន្លឺព្រះអាទិត្យដែលដាក់ឱ្យដំណើរការនៅឃុំវត្តតាមិម ក្នុងខេត្តបាត់ដំបង គឺជាផ្នែកមួយនៃកម្មវិធីអាកាសធាតុតម្លៃ ៨០ម៉ឺនអឺរ៉ូ របស់រដ្ឋាភិបាលអៀរឡង់ ដែលគ្រប់គ្រងដោយអង្គការអុកស្វាមប្រចាំនៅកម្ពុជា ដើម្បីបណ្តុះបណ្តាលសហគមន៍កសិកម្មឱ្យប្រើប្រាស់បច្ចេកវិទ្យា និងការច្នៃប្រឌិតដើម្បីលើកកម្ពស់ផលិតភាព និងភាពធន់នឹងអាកាសធាតុ។ https://www.facebook.com/photo?fbid=1114132330755894&set=a.492095336292933
ធនាគារ អេស៊ីលីដា ភីអិលស៊ី បានចុះបញ្ជីមូលបត្របំណុលបន្ទាប់បន្សំទីពីររបស់ខ្លួននៅលើផ្សារមូលបត្រកម្ពុជា ដោយបានបញ្ចប់ការបោះផ្សាយមូលបត្របំណុលរបស់ខ្លួនដើម្បីប្រមូលប្រាក់សរុបចំនួន ១០០លានដុល្លារសម្រាប់ធ្វើជាដើមទុនជំរុញប្រតិបត្តិការធនាគារទូទៅ និងគោលបំណងសាជីវកម្មផ្សេងទៀត។ https://www.facebook.com/photo/?fbid=1114138364088624&set=a.492095336292933
ប្រជាពលរដ្ឋ​ប្រមាណជាង ៧០នាក់ តំណាង​ឱ្យ​ប្រមាណ ១៦០គ្រួសារ នៅ​តំបន់​កោះមាស ក្នុង​ខណ្ឌ​ច្បារអំពៅ រាជធានីភ្នំពេញ និង​ស្រុក​កៀនស្វាយ និងស្រុកល្វាឯម ខេត្តកណ្តាល មាន​អ្នក​ខ្លះ​បង្ហាញទឹកមុខញញឹមញញ៉ែម ឯខ្លះទៀត​មានទឹកមុខស្មើ ក្រោយពីបានជួប ស្ដាប់ និងនិយាយជាមួយមន្ត្រី​តំណាង​រដ្ឋាភិបាល​ អំពី​បញ្ហា​ដីធ្លី និង​ការអភិវឌ្ឍ​នៅ​តំបន់​ដែលពួកគាត់រស់នៅ។ https://www.facebook.com/photo/?fbid=1114166560752471&set=a.492095336292933
ប្រជាពលរដ្ឋមួយចំនួន បង្ហាញការ​​សាទរដែល​​ក្រសួងសុខាភិបាល គ្រោងនឹងបង្កើតច្បាប់ស្តីពីផលិតផលឱសថថ្មី​មួយ ដើម្បីទប់ស្កាត់​ការនាំ​ចូល​ឱសថក្លែងក្លាយ និង​ឱសថអន់គុណភាព ខណៈកា​រប្រើប្រាស់ឱសថក្លែងក្លាយ​ និង​ឱសថអន់គុណភាព បង្ក​ហានិភ័យ​ដល់សុខមាល​ភាព​របស់​អ្នកប្រើ​ប្រាស់។ https://www.facebook.com/photo/?fbid=1114160434086417&set=a.492095336292933
Forwarded from PISETH NEM
https://www.facebook.com/comfrel.org/videos/993991285581563
==========================
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី២១ ខែមីនា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ហេតុអ្វីប្រជាពលរដ្ឋ ខ្លះពេញចិត្ត តែអ្នកខ្លះក៏មិនពេញចិត្តជាមួយប្រជាធិបតេយ្យ?
វាគ្មិនកិត្តិយស ៖
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
សម្របសម្រួលដោយ៖ លោក ស៊ិន ទិត្យសីហា
==========================
កម្មវិធីសូមស្វាគមន៍ដោយរីករាយ
សមាគមធនាគារនៅកម្ពុជាបានអះអាងថា បំណុលដែលពលរដ្ឋខ្ចីពីធនាគារ ឬពីមីក្រូហិរញ្ញវត្ថុពុំមែនសុទ្ធតែអាក្រក់ឡើយ ដ្បិតថា បំណុលនៅកម្ពុជាត្រូវបានផ្តល់ឱ្យទៅឲ្យអតិថិជនមកពីវិស័យផ្សេងៗដែលចូលរួមជំរុញផលប្រយោជន៍សេដ្ឋកិច្ចជាតិ។ សមាគមធនាគារចេញមុខមកបំភ្លឺនាពេលនេះ បន្ទាប់ពីពលរដ្ឋ និងអង្គការសង្គមស៊ីវិលនាំគ្នាព្រួយបារម្ភពីបញ្ហាបំណុលវណ្ឌក។ ការិយាល័យឥណទានកម្ពុជា ហៅកាត់ថាCBC ថ្មីៗនេះបានចេញរបាយការណ៍មួយដោយកត់ត្រាថា គិតត្រឹមបំណាច់ឆ្នាំ២០២៤ ពលរដ្ឋខ្មែរបានជំពាក់បំណុលធនាគារ និងមីក្រូហិរញ្ញវត្ថុ ជិត៦០ពាន់លានដុល្លារអាមេរិក។ https://www.facebook.com/photo/?fbid=1114409937394800&set=a.492095336292933