ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
លោក អ៊ាង សុផល្លែត រដ្ឋមន្រ្តីក្រសួងបរិស្ថានបានលើកឡើងថា កម្ពុជានឹងទទួលបានការគាំទ្រពីមូលនិធិអាកាសធាតុបៃតងសកល ឬ Green Climate Fund ក្នុងទំហំទឹកប្រាក់ ៤០លានដុល្លារសម្រាប់ការអនុវត្តកម្មវិធីរេដបូកជាតិ។ ការលើកឡើងរបស់លោករដ្ឋមន្ត្រីក្រសួងបរិស្ថានដូច្នេះធ្វើឡើងនៅក្នុងជំនួបជាមួយតំណាងធនាគារពិភពលោកនាថ្ងៃទី២៦ មីនា។ https://www.facebook.com/photo?fbid=1120520783450382&set=a.492095336292933
នៅខេត្តបាត់ដំបង ផ្សារមួយកន្លែងឈ្មោះ «ផ្សារប្រហុក» គឺជាទីតាំងកែច្នៃត្រីប្រហុក ផ្អកធំជាងគេសម្រាប់ផ្គត់ផ្គង់ទីផ្សារក្នុងស្រុក។ អាជីវករលក់ផ្អកត្រីប្រាក្នុងផ្សារប្រហុកបានប្រាប់វិទ្យុបារាំងអន្តរជាតិ RFI ថា ពួកអាចលក់ផ្អកពាក់កណ្តាលសម្រេចបានប្រមាណពី ២ ទៅ៣តោនក្នុងមួយថ្ងៃ។ តែទោះជាយ៉ាងនេះក្តី ពួកគេបានលើកឡើងពីទីផ្សារលក់ផ្អកហាក់នៅមានកម្រិត និងបានអំពាវនាវឲ្យពលរដ្ឋជួយទិញគាំទ្រ និងទិញផលិតផលក្នុងស្រុក។ https://www.facebook.com/photo?fbid=1120522230116904&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី២៨ ខែមីនា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន»
==========================
ប្រធានបទ ៖ ស្រ្តីក្នុងវិស័យនយោបាយ
វាគ្មិនកិត្តិយស :
១. លោកស្រី អេង ចាន់ឌី នាយិកាប្រតិបត្តិអង្គការយេនឌ័រ និងអភិវឌ្ឍន៍ដើម្បីកម្ពជា
២. លោកស្រី សឺនកេត សិរីលក្ខណ៍ អ្នកសម្របសម្រួលកម្មវិធីអប់រំ និងយេនឌ័រនៃអង្គការខុមហ្វ្រែល
អ្នកសម្របសម្រួល៖ កញ្ញា ស្រ៊ី លីដា https://www.facebook.com/comfrel.org/videos/3042012095948742
ក្នុងឆ្នាំ២០២៥ កម្ពុជាជាប់ឈ្មោះជាប្រទេសមានវិស័យអប់រំខ្សោយខ្លាំងនៅលើពិភពលោក ដោយជាប់ចំណាត់ថ្នាក់លេខរៀងទី១២០ ក្នុងចំណោមប្រទេសចំនួន ២០៣។ នេះបើយោងតាមការចុះផ្សាយរបស់គេហទំព័រ World Population Review ដែលបានដកស្រង់របាយការណ៍ប្រចាំឆ្នាំរបស់អង្គការសហប្រជាជាតិ។ ចំណែកនៅក្នុងតំបន់អាស៊ានវិញត្រូវបានរបាយការណ៍បញ្ជាក់ថា កម្ពុជាស្ថិតនៅបាតតារាង។ អ្នកស្រាវជ្រាវសង្គមក៏បានទទួលស្គាល់ពីប្រព័ន្ធអប់រំកម្ពុជានៅមានកម្រិតទាប បើធៀបនឹងបណ្តាប្រទេសជាច្រើនក្នុងតំបន់។ មូលហេតុត្រូវបានអ្នកជំនាញកត់សម្គាល់ថា គឺមកពីខ្វះកង្វះការស្រាវជ្រាវ កង្វះសម្ភារៈសិក្សា និងកម្មវិធីសិក្សាដែលក្រសួងដាក់ចេញនៅមិនទាន់សមស្របនឹងនិន្នាការបច្ចុប្បន្ន។ https://www.facebook.com/photo/?fbid=1120528900116237&set=a.492095336292933
នៅថ្ងៃទី២៧ ខែមីនា ឆ្នាំ២០២៥ គណៈកម្មាធិការជាតិប្រយុទ្ធប្រឆាំងអំពើជួញដូរមនុស្សបានបើកកិច្ចប្រជុំស្តីពីការប្រយុទ្ធប្រឆាំងអំពើជួញដូរមនុស្សឆ្នាំ២០២៤ និងលើកទិសដៅសម្រាប់ឆ្នាំ ២០២៥។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី២៧ ខែមីនា ឆ្នាំ២០២៥ នេះ លោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍នៃគណៈកម្មាធិការជាតិប្រយុទ្ធប្រឆាំងអំពើជួញដូរមនុស្សបានថ្លែងថា អំពើជួញដូរមនុស្សនៅក្នុងឆ្នាំ២០២៤ កន្លងទៅមានការកើនឡើងដល់ទៅ ២០% ធៀបនឹងឆ្នាំ២០២៣។ កំណើននេះត្រូវបានលោកស្រី ជូ ប៊ុនអេង បញ្ជាក់ថាគឺជាបញ្ហាប្រឈមសម្រាប់ពិភពលោក ពោលមិនចំពោះតែប្រទេសណាមួយទេ៕ https://www.facebook.com/photo?fbid=1120526326783161&set=a.492095336292933
សហរដ្ឋអាម៉េរិកកំពុងក្លាយជាប្រទេសនាំចូលដ៏សំខាន់ពីកម្ពុជា ដោយអ្នកពាក់ព័ន្ធសំខាន់ៗក្នុងស្រុកសន្យាពង្រឹងចំណងមិត្តភាពបន្ថែមទៀត។ បើយោងតាមប្រធានសភាពាណិជ្ជកម្មសហរដ្ឋអាម៉េរិកប្រចាំនៅកម្ពុជា (AmCham) បានឱ្យដឹងថា ការនាំចេញរបស់កម្ពុជាទៅកាន់សហរដ្ឋអាម៉េរិកត្រូវបានព្យាករថានឹងកើនឡើង ២៥ភាគរយ។ https://www.facebook.com/photo/?fbid=1120550663447394&set=a.492095336292933
Forwarded from PISETH NEM
https://www.facebook.com/comfrel.org/videos/1151489136708196
==========================
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃសុក្រ ទី២៨ ខែមីនា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ហេតុអ្វីប្រជាពលរដ្ឋ ខ្លះពេញចិត្ត តែអ្នកខ្លះក៏មិនពេញចិត្តជាមួយប្រជាធិបតេយ្យ?
វាគ្មិនកិត្តិយស ៖
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
សម្របសម្រួលដោយ៖ លោក ស៊ិន ទិត្យសីហា
==========================
កម្មវិធីសូមស្វាគមន៍ដោយរីករាយ
អង្គភាពស៊ីម៉ាកបាន និងកំពុងបើកប្រតិបត្តិការបោសសម្អាតសំណល់យុទ្ធភ័ណ្ឌមិនទាន់ផ្ទុះនៅទីតាំងនៃគម្រោងព្រែកជីកហ្វូណន។ ប្រធានអង្គភាពស៊ីម៉ាក់ លោក ហេង រតនា បានប្រាប់វិទ្យុបារាំងអន្តរជាតិ RFI នៅថ្ងៃទី២៧ មីនាថា ប្រតិបត្តិការនេះនឹងបិទបញ្ចប់នៅមុនការចាប់ផ្តើមសាងសង់គម្រោងព្រែកជីកហ្វូណនជាផ្លូវការដើម្បីធានាសុវត្ថិភាពសម្រាប់ដំណើរការជីកព្រែកដ៏ធំមួយនេះ។ https://www.facebook.com/photo/?fbid=1120784413424019&set=a.492095336292933
រញ្ជួយដីនៅប្រទេសជិតខាងកម្ពុជារួមមានថៃ វៀតណាម និងភូមា បង្កជាការព្រួយបារម្ភមកដល់ប្រទេសកម្ពុជាដោយសារតែមានការបញ្ជូនរូបភាពនៃការបាក់រលំសំណង់អគារខ្ពស់នៅថៃតាមបណ្តាញសង្គមអំឡុងពេលនៃការរញ្ជួយដីនៅថ្ងៃទី២៨ ខែមីនា ឆ្នាំ២០៣៥នេះ។ បុគ្គលិកក្រុមហ៊ុនឯកជន ធនាគារនៃអគារខ្ពស់មួយចំនួននៅក្នុងប្រទេសកម្ពុជាត្រូវបានប្រកាសឲ្យចាកចេញពីអគារបណ្តោះអាសន្ន ដើម្បីការពារសុវត្ថិភាពបើទោះណាជានៅមិនទាន់មានសញ្ញា ឬមិនទាន់មានភាពច្បាស់លាស់នៃការរញ្ជួយដីកើតឡើងក៏ដោយ។ លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយបានប្រាប់វិទ្យុបារាំង RFI ថាមកទល់រសៀលថ្ងៃសុក្រនេះថានៅកម្ពុជាជាពិសេសនៅភ្នំពេញមិនទាន់មានសញ្ញានៃការរង្គើនៅឡើយ និងថាក្រុមជំនាញរបស់គណៈកម្មាធិការជាតិគ្រប់គ្រងគ្រោះមហន្តរាយកំពុងបន្តតាមដានយ៉ាងយកចិត្តទុកដាក់។ https://www.facebook.com/photo/?fbid=1120787076757086&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី៣១ ខែមីនា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ហេតុអ្វីប្រជាពលរដ្ឋ ខ្លះពេញចិត្ត តែអ្នកខ្លះក៏មិនពេញចិត្តជាមួយប្រជាធិបតេយ្យ?
វាគ្មិនកិត្តិយស ៖
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
សម្របសម្រួលដោយ៖ លោក ស៊ិន ទិត្យសីហា https://www.facebook.com/comfrel.org/videos/1182639543361325
ថ្មីៗនេះ មានករណីហៅទៅសួរនាំ និងឃាត់ខ្លួនអ្នករិះគន់បញ្ហាសង្គមជាហូរហែ។ ជាក់ស្ដែងនៅថ្ងៃទី២៧ មីនា មានការឃាត់ខ្លួនម្ចាស់គេហទំព័រ Business Advisor ដោយមិនទាន់ដឹងពីមូលហេតុច្បាស់លាស់។ ចំណែកស្នងការនគរបាលរាជធានីភ្នំពេញបានកោះហៅលោក ប៊ុន ផាក ដែលជាអ្នកមានឥទ្ធិពលលើបណ្ដាញសង្គមម្នាក់ទៅសួរនាំ ក្រោយពីលោកបានរិះគន់បញ្ហាអសន្ដិសុខសង្គម។ អ្នកជំនាញសិទ្ធិមនុស្ស និងប្រជាធិបតេយ្យចាត់ទុកទង្វើនេះថាជាការរំលោភលើសិទ្ធិបញ្ចេញមតិ។ តែគណៈកម្មាធិការសិទ្ធិមនុស្សកម្ពុជាលើកឡើងថា ការឃាត់ខ្លួន និងហៅបុគ្គលមួយចំនួនទៅសួរនាំ គឺជាការអនុវត្តច្បាប់ ពោលមិនមែនជាការរំលោភសិទ្ធិសេរីភាពនោះទេ។ https://www.facebook.com/photo?fbid=1123320856503708&set=a.492095336292933
នៅថ្ងៃសៅរ៍ទី២៩មីនា ភរិយារបស់លោក សាំងលី សារ៉ាក់ដែលជាអ្នកអត្ថាធិប្បាយបញ្ហាសង្គមតាមប្រព័ន្ធអនឡាញបានចេញមុខមកសុំទោសជាសាធារណៈ និងស្នើសុំឲ្យនាយករដ្ឋមន្ត្រីកម្ពុជាអន្តរាគមន៍ដោះលែងសា្វមីរបស់ខ្លួនឲ្យមានសេរីភាពឡើងវិញ។ ការចេញមកសុំទោសនេះធ្វើឡើង បន្ទាប់ពីលោក សាំងលី សារ៉ាក់ ត្រូវបានអាជ្ញាធរខេត្តកណ្តាលចាប់ខ្លួនកាលពីថ្ងៃទី២៧ មីនាដោយមិនបញ្ជាក់ពីមូលហេតុ។ https://www.facebook.com/photo/?fbid=1123323169836810&set=a.492095336292933
សមាគមស្វាយចន្ទីកម្ពុជាបានឱ្យដឹងថា មានក្រុមហ៊ុនតៃវ៉ាន់មួយឈ្មោះ Ju Hu Chang International Co., LTD បានចុះកិច្ចព្រមព្រៀងបញ្ជាទិញគ្រាប់ស្វាយចន្ទីកែច្នៃរួចពីកម្ពុជាចំនួន ៣ពាន់តោនក្នុង ១ឆ្នាំក្នុងរយៈពេល ៣ឆ្នាំ។ តែសមាគមព្រួយបារម្ភថា ការផ្គត់ផ្គង់ឱ្យក្រុមហ៊ុនអាចនឹងមិនគ្រប់គ្រាន់ ដោយសារតែទិន្នផលគ្រាប់ស្វាយចន្ទីឆ្នាំនេះធ្លាក់ចុះបណ្តាលមកពីវិបត្តិអាកាសធាតុ។ សមាគមយល់ថា ការណ៍នេះជាហេតុធ្វើឱ្យគ្រាប់ស្វាយចន្ទីឡើងថ្លៃ ខណៈក្រុមហ៊ុនកែច្នៃពិបាកក្នុងការប្រមូលទិញ។ https://www.facebook.com/photo/?fbid=1123332003169260&set=a.492095336292933
នៅថ្ងៃអាទិត្យទី៣០ មីនានេះ កម្ពុជាក្នុងនាមជាប្រទេសសមាជិកអាស៊ានម្នាក់បានផ្តល់ជំនួយបន្ទាន់ដំបូងចំនួន១០ម៉ឺនដុល្លារឲ្យប្រទេសភូមាដែលបានរងគ្រោះដោយហេតុការណ៍រញ្ជួយដីកាលពីថ្ងៃសុក្រ ទី២៨ មីនា។ ជំនួយនេះធ្វើឡើងតាមរយៈបទអន្តរាគមន៍របស់លោក ប្រាក់ សុខុន ប្រមុខការទូតកម្ពុជានាពេលដែលលោកចូលរួមកិច្ចប្រជុំពិសេសបន្ទាន់របស់រដ្ឋមន្ត្រីការបរទេសអាស៊ានស្តីពីគ្រោះរញ្ជួយដីនៅភូមា។ https://www.facebook.com/photo?fbid=1123352229833904&set=a.492095336292933
ការិយាល័យរដ្ឋអាជ្ញាប្រចាំសង្កាត់ Manhattan សហរដ្ឋអាមេរិកនៅថ្ងៃទី២៦ ខែមីនា បានប្រគល់វត្ថុបុរាណខ្មែរចំនួន២បន្ថែមទៀតមកឱ្យកម្ពុជាវិញ ក្រោយគេលួចអស់រយៈពេលជាង៥០ឆ្នាំ។​ វត្ថុបុរាណទាំង២នេះ ត្រូវបានការិយាល័យរដ្ឋអាជ្ញាប្រចាំទីក្រុងញូវយ៉ក ជាអ្នករឹបអូសបាន អំឡុងពេលស៊ើបអង្កេតលើបណ្តាញក្រុមឧក្រិដ្ឋជនរត់ពន្ធវត្ថុបុរាណអន្តរជាតិ​មួយដែលមានមេខ្លោងឈ្មោះថា Subhash Kapoor ជាជនជាតិឥណ្ឌាមានសញ្ជាតិអាមេរិកដែលជាអតីតម្ចាស់វិចិត្រសាលសិល្បៈអតីតកាលនៅManhattan ។ https://www.facebook.com/photo?fbid=1123372539831873&set=a.492095336292933
ក្រុមហ៊ុនផលិតកម្មនៅក្រុង Los Angeles ដែលមានឈ្មោះថា Bright Bay Creative គ្រោងនឹងថតវីដេអូបែបផ្សងព្រេងនៅតំបន់ប្រាសាទអង្គរវត្ត និងទីតាំងនានាក្នុងខេត្តសៀមរាប ដោយគម្រោងនេះត្រូវបានរចនាឡើងដើម្បីរំលេចនូវបេតិកភណ្ឌដ៏សម្បូរបែបក្នុងតំបន់ និងទាក់ទាញភ្ញៀវទេសចរអន្តរជាតិ។ https://www.facebook.com/photo/?fbid=1123385379830589&set=a.492095336292933
អតីតប្រជាសហគមន៍បឹងតាមោក លោក ស៊ា សម្បត្តិ និង​លោក ស៊ួន សៅ កំពុង​ប្រឈម​នឹង​ការ​គំរាម​ចាប់​ខ្លួន បើគ្មានប្រាក់បង់ពិន័យ​ចំនួនមួយ​លាន​រៀលឱ្យបានមុន​ថ្ងៃ​ទី ២២ ខែ​មេសា ក្រោយពីតុលាការ​កំពូល​បាន​ច្រាន​ចោល​បណ្តឹង​សាទុក្ខ​របស់ពួកគេកាលពី​ឆ្នាំ​មុន​។ https://www.facebook.com/photo/?fbid=1123400089829118&set=a.492095336292933
ថ្ងៃទី៣០ មីនា ឆ្នាំ ២០២៥ នេះជាខួប ២៨ឆ្នាំនៃព្រឹត្តិការណ៍គប់គ្រាប់បែកដៃចំនួន ៤គ្រាប់នៅខាងមុខអគាររដ្ឋសភាកាលពីថ្ងៃទី៣០ មីនា ឆ្នាំ ១៩៩៧។ ព្រឹត្តិការណ៍កាលណោះបានបណ្តាលឲ្យស្លាប់មនុស្ស ១៦នាក់ និងរបួសជាង ១០០នាក់។ នៅព្រឹកថ្ងៃទី៣០ មីនា ឆ្នាំ២០២៥ដែលជាខួបគម្រប់ ២៨ឆ្នាំ មានការជួបជុំគ្នាតាមបែបព្រះពុទ្ធសាសនាដូចរៀងរាល់ឆ្នាំនៅមុខចេតិយមួយកន្លែងក្បែរវត្តបទុមវតីដែលជាទីតម្កល់អដិ្ឋធាតុជនរងគ្រោះ។ គណបក្សក្រៅរដ្ឋាភិបាលមួយចំនួនដែលមានវត្តមាននៅក្នុងពិធីរំលឹកវិញ្ញាណក្ខន្ធលើកឡើងថា ពួកគេមិនអាចភ្លេចព្រឹត្តិការណ៍ថ្ងៃទី៣០ មីនា ឆ្នាំ ១៩៩៧ និងបន្តអំពាវនាវឲ្យរដ្ឋាភិបាលស្វែងរកឃាតករទៅកាត់ទោស។ https://www.facebook.com/photo?fbid=1123560893146371&set=a.492095336292933
មន្ទីរ​ប្រឆាំង​គ្រឿង​ញៀន​បាន​បង្ក្រាប​ករណី​ជួញ​ដូរ​គ្រឿង​ញៀន​ដែល​ប្រព្រឹត្ត​ដោយ​ជន​ជាតិ​ចិន​៣​នាក់ និង​ជន​ជាតិ​ភូមា​២នាក់​ដោយ​រឹប​អូស​បាន​គ្រឿង​ញៀន​ជាង​១០០​គីឡូ​ក្រាម​កាល​ពី​ថ្ងៃទី​២៦ ខែ​មីនា​ ឆ្នាំ២០២៥​។ ប្រតិបត្តិការ​បង្ក្រាប​គ្រឿង​ញៀន​នេះ គឺ​ជា​ការ​រួម​សហការ​រវាង​កម្លាំង​ជំនាញ​នៃ​ស្នងការ​ដ្ឋាននគរបាល​រាជ​ធានី​ភ្នំពេញ និង​ខេត្ត​ព្រះសីហនុ​។​ ចំណែក​គ្រឿង​ញៀន​ទម្ងន់ ១០១​គីឡូក្រាម​ដែល​រឹប​អូស​បាន​មាន​ប្រភព​មក​ពី​តំបន់​ត្រីកោណមាស​ដែល​គ្រោង​ដឹក​បន្ត​ទៅប្រទេស​ទី​៣ តាម​លម្ហសមុទ្រ​កម្ពុជា​។ https://www.facebook.com/photo/?fbid=1123564436479350&set=a.492095336292933
Forwarded from Yoeng Nim
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី៣១ ខែមីនា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
ប្រធានបទ ៖ គុណតម្លៃនៃការនិយាយការពិតក្នុងសង្គមប្រជាធិបតេយ្យ
==========================
វាគ្មិនកិត្តិយស៖
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
- លោក សេក សុជាតិ អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ This project is co-funded by @European Union in Cambodia
#EUfunded
#PromotingAccountableGovernment
#FreeFairElections
#Smartvoter
អ្នកសម្របសម្រួល៖ អ្នកស្រី យ៉ឹង នីម https://www.facebook.com/comfrel.org/videos/2062088734613370