ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
លោក សម សេរី នៅថ្ងៃ​ទី​៥ ខែ​មេសា ឆ្នាំ​២០២៥​ បាន​ប្រកាស​រំលាយ​ចោល​នូវ​«រណសិរ្យ​រំដោះជាតិ​ខ្មែរ ​និង​រដ្ឋា​ភិបាល​ជាតិ​ខ្មែរ​និរទេស»​ ដែល​លោក​ជា​ប្រធាន ​និង​សុំ​ការ​លើក​លែង​ទោស​ពី ​លោក ហ៊ុន សែន និង​លោកនាយក​រដ្ឋមន្ត្រី​ ហ៊ុន ម៉ាណែត​។​ ការ​ប្រកាស​រំលាយ​ចោល ​ចលនា​ប្រ​ឆាំង​នៅ​ក្រៅ​ប្រទេស​នេះ​ត្រូវ​បាន​ លោក សម សេរី អះអាង​ថា ​ធ្វើ​ឡើង​ក្នុង«​ស្មារតី​រួម​សាមគ្គី​ការពារ​សន្តិភាព»។ https://www.facebook.com/photo?fbid=1130535782448882&set=a.492095336292933
ប្រមុខរាជរដ្ឋាភិបាល​កម្ពុជា បានស្នើសុំចរចាជាមួយភាគសហរដ្ឋអាមេរិក និងព្រមបញ្ចុះអត្រាពន្ធគយលើទំនិញនាំចូលពីអាមេរិកចំនួន១៩មុខឬផលិតផល ពីអត្រា៣៥ភាគរយ មកត្រឹម៥ភាគរយ បន្ទាប់ពីអាមេរិកបានចុះហត្ថលេខាលើបទបញ្ជាមួយយកពន្ធលើទំនិញនាំចូលពីកម្ពុជាដល់ទៅ៤៩ភាគរយ។ ​ https://www.facebook.com/photo?fbid=1130547692447691&set=a.492095336292933
អ្នកជំនាញ និងសង្គមស៊ីវិល ស្នើរដ្ឋាភិបាលបង្កើតយន្តការសមស្រប​​មួយ ក្នុង​ការ​រៀប​ចំសណ្ដាប់​​​ធ្នាប់​សាធារណៈ និង​​ដោះ​ស្រាយ​ករណី​អាជីវក​រ​លក់​ដូរ​រំលោភ​ចំណី​ផ្លូវ ដោយឈរ​លើ​​ផលប្រយោជន៍​រួម ទាំង​អាជីវករ និងសាធារណជន។ https://www.facebook.com/photo/?fbid=1130549425780851&set=a.492095336292933
អាជ្ញាធរកម្ពុជាបានឆ្មក់ចូលបង្រ្កាបទីតាំងមជ្ឈមណ្ឌលឆបោកតាមអនឡាញមួយកន្លែងស្ថិតក្នុងរាជធានីភ្នំពេញ កាលពីថ្ងៃទី៣១ ខែមីនា ដោយបានឃាត់ខ្លួនជនបរទេសចំនួន ១៨៦ នាក់ ដែលត្រូវបានចោទ ពីបទប្រតិបត្តិការឆបោកតាម អ៊ីនធឺណិត។ នេះបើតាមការចេញផ្សាយរបស់អង្គភាពសារព័ត៌មាន Cambodia-China Times។ https://www.facebook.com/photo/?fbid=1130577692444691&set=a.492095336292933
នៅ​ថ្ងៃ​ទី​៧ ខែ​មេសា អង្គការ​អាយ​ឌីអ៊ី​កម្ពុជា(IDE)​ដែលធ្វើ​ការ​លើក​ផ្នែក​អនាម័យ​និង​បញ្ចប់​ភាព​ក្រីក្រ ​នៅ​ប្រទេស​កម្ពុជា ​បាន​អះអាង​ថា​ សេវា​កម្ម​ប្រមូល​សំរាម​ថ្មី​ត្រូវ​បាន​ពង្រីក​ទៅ​កាន់​ភូមិ​តាម​ជនបទ ក្នុង​ស្រុកបរិបូរណ៍​ខេត្ត​កំពង់​ឆ្នាំង តាម​រយៈ​គម្រោង​ពន្លឿន​ទីផ្សារ​គ្រប់​គ្រង​កាក​សំណល់​រឹង ដែល​គាំទ្រ​ដោយ​អង្គការ​អាយ​ឌីអ៊ី​។ ​ជាក់​ស្តែង ត្រឹម​រយៈ​ពេល​មួយ​ខែ​ដំបូង​ សេវា​ប្រមូល​សំរាម​ថ្មី បាន​យក​សំរាម​ពី​ផ្ទះ​ប្រជា​ជនប្រមាណ​២​ពាន់​គ្រួសារ​ជា​រៀង​រាល់​សប្តាហ៍ ពោល​កើន​ឡើង​ជាង​៤០០%​។ https://www.facebook.com/photo?fbid=1131448859024241&set=a.492095336292933
នៅព្រឹកថ្ងៃន្ទទី៧ ខែមេសា ឆ្នាំ២០២៥ លោកនាយករដ្ឋមន្ត្រី ហ៊ុន ម៉ាណែត បានអំពាវនាវឱ្យមន្ត្រីជំនាញចុះត្រួតពិនិត្យសំណង់អគារចាស់ៗឡើងវិញ បន្ទាប់ពីកម្ពុជាទទួលចំហាយគ្រោះរញ្ជួយដីក្នុងកម្រិតទាបពីប្រទេសជិតខាង។ ទន្ទឹមនឹងនេះ លោកក៏ណែនាំឱ្យ ក្រុមហ៊ុនម៉ៅការសំណង់ទាំងអស់មិនត្រូវធ្វើសំណង់ដែលខ្វះគុណភាព ហើយកិបកេងសម្ភារៈសំណង់ឡើយ។ ការណែនាំយ៉ាងដូច្នេះរបស់លោកនាយករដ្ឋមន្ត្រី ធ្វើឡើងបន្ទាប់ពីលោកសង្កេតឃើញសោកនាដកម្មស្លាប់មនុស្សជាច្រើននាក់ក្នុងហេតុការណ៍បាក់រលំអគារនៅប្រទេសថៃ និងនៅភូមាកាលពីសប្តាហ៍មុន ដោយសារតែគ្រោះរញ្ជួយដី។ https://www.facebook.com/photo/?fbid=1131457975689996&set=a.492095336292933
អាជ្ញាធរ និងតំណាងសហគមន៍ស្នើដល់ប្រជាកសិករឱ្យបញ្ឈប់ការប្រើប្រាស់ថ្នាំគីមី និងរក្សាគ្រប់ពូជបុរាណ ដើម្បីធានាពីសុវត្តិភាពចំណីអាហារ និងកុំឱ្យប៉ះពាល់ដល់បរិស្ថាន។ https://www.facebook.com/photo?fbid=1131593732343087&set=a.492095336292933
នារាត្រីរំលងអាធ្រាតម៉ោង ២ទៀប​​ភ្លឺ នាថ្ងៃទី១១ ខែមិនា ឆ្នាំ​២០២៥ថ្មីនេះ មានករណីចោរកម្ម​មួយ​បាន​កើតឡើង​នៅបន្ទប់​ជួលមួយកន្លែង ក្នុងភូមិ​ទួលគោក សង្កាត់ទួលសង្កែ២ ខណ្ឌឬស្សីកែវ រាជធានីភ្នំពេញ ដោយក្នុងនេះ ក្រុមចោរ​ បានលួចម៉ូតចំនួន ៤គ្រឿង នៅទីតាំងតែមួយ។ នេះបើតាមការ​អះអាង​របស់​និស្សិត​ស្រីមួយរូប ឈ្មោះ ហ៊ឹម រត្ថា អាយុ ២៣ឆ្នាំ ជាម្ចាស់ម៉ូតូមួយ​គ្រឿង​​​ម៉ាក Honda Dream ពណ៌ខ្មៅ ស៊េរី​​ឆ្នាំ​២០១០ ក្នុងចំណោម​ម៉ូតូ ៤គ្រឿង​​ ដែលត្រូវបានក្រុមចោរលួចទៅបាត់​ស្រមោល។ https://www.facebook.com/photo?fbid=1131595169009610&set=a.492095336292933
អ្នកបកប្រែម្នាក់និយាយថា លោកស្រីត្រូវបានគេរំលោភបំពានយ៉ាងឃោរឃៅនៅក្នុងអគារមួយ​ក្នុងបរិវេណមជ្ឈមណ្ឌលឆបោក ស្ថិតនៅក្រុងសំពៅពូន កំពុងទាមទារយុត្តិធម៌​ដោយលើកឡើងពីការពន្យារពេលរបស់ប៉ូលិស។ នគរបាល​ខេត្ត​កណ្តាល​បាន​ជួប​ជាមួយ​​លោកស្រី​កាល​ពី​ថ្ងៃ​ចន្ទ ​បន្ទាប់​ពី​លោកស្រីបាន​បង្ហាញ​ខ្លួន​តាម​ប្រព័ន្ធ​ផ្សព្វផ្សាយ​ក្នុង​ស្រុក​ ។ https://www.facebook.com/photo?fbid=1131597849009342&set=a.492095336292933
Forwarded from PISETH NEM
https://www.facebook.com/comfrel.org/videos/1882653255604861
==========================
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ ថ្ងៃទី០៨ ខែមេសា ឆ្នាំ២០២៥
នេះជាកម្មវិធីប្រចាំថ្ងៃអង្គារ៍ «សិទ្ធិមនុស្ស និងប្រជាធិបតេយ្យ»
==========================
ប្រធានបទ ៖ ការបញ្ចេញមតិតាមបណ្ដាញសង្គម
វាគ្មិនកិត្តិយស៖
១. លោក ណុប វី ប្រធានសមាគមសម្ព័ន្ធអ្នកសារព័ត៌មានកម្ពុជា (CamboJA)
២. ព្រះតេជគុណ ឡុង សុគា សមណនិសិ្សត ខេត្តបាត់ដំបង
អ្នកសម្របសម្រួល៖ អ្នកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ
ក្រសួងបរិស្ថាននៅថ្ងៃទី០៧ ខែមេសា ឆ្នាំ២០២៥ បានអំពាវនាវឲ្យពលរដ្ឋខ្មែរកុំកាប់រំលំដើម ដើម្បីប្រមូលផលផ្លែសំរង ព្រោះថា ទង្វើនេះជាការល្មើសច្បាប់ និងជាការបំផ្លាញធនធានធម្មជាតិដ៏ធ្ងន់ធ្ងរ។ ក្រសួងបរិស្ថានចេញសេចក្តីអំពាវនាវយ៉ាងដូច្នេះ បន្ទាប់ពីពលរដ្ឋតែងមានទំលាប់ប្រមូលផលសំរងនៅតាមសហគមន៍ តាមព្រៃ ក្នុងតំបន់ការពារធម្មជាតិ និងឧទ្យានជាតិនានា ដោយវិធីកាប់រំលំដើម។ https://www.facebook.com/photo?fbid=1132250195610774&set=a.492095336292933
ទីប្រឹក្សា​កំពូល​ផ្នែក​ពាណិជ្ជ​កម្ម​របស់​លោក ដូណាល់ ត្រាំ គឺ​លោក Peter Navarro បាន​ប្រាប់​ប្រព័ន្ធផ្សព្វ​ផ្សាយ​ព័ត៌​មាន​ Fox News នៅថ្ងៃ​ទី​៧​ខែ​មេសា​ថា អាមេរិក​មិន​យល់​ព្រម​បញ្ចុះ​ពន្ធ​ដល់​វៀត​ណាម​នោះ​ទេ បើ​ទោះ​ជា​ប្រទេស​កំម្មុយ​នីស្ត​មួយ​នេះ​ខំ​ទម្លាក់​ពន្ធ​លើ​ទំនិញ​អាមេរិក​ដែល​នាំ​ចូល​វៀត​ណាម​ដល់​សូន្យ​ភាគ​រយ​ក៏ដោយ​។​ ហេតុ​ផល​ធំ​ទី​១​ គឺ​វៀត​ណាមបាន​បន្លំ​នាំ​ទំនិញ​ចិន​ទៅ​អាមេរិក​ ជ្រក​ក្រោម​ស្លាក​ផលិត​ផល​វៀត​ណាម និង​ទី២ គឺ​ដោយ​សារ​តែ​ទម្ងន់​ជញ្ជីង​ពាណិជ្ជ​កម្ម​រវាង​ប្រទេស​ទាំង​ពីរ​ឃ្លាត​គ្នា​ច្រើន​ពេក​ដល់​ទៅ ​១២០​ពាន់​លាន​ដុល្លារ​ក្នុង​មួយ​ឆ្នាំ​។​ ចុះ​កម្ពុជា​វិញ តើ​កម្ពុជា​គួរ​ធ្វើអ្វី​ខ្លះ​ដើ​ម្បី​បញ្ចៀស​ កុំឲ្យ​ករណី​ទាំង​អស់​នេះកើត​ឡើង​ចំពោះ​កម្ពុជា​?​ https://www.facebook.com/photo?fbid=1132264312276029&set=a.492095336292933
នៅថ្ងៃទី០៨ ខែមេសា ឆ្នាំ២០២៥នេះ លោក ហ៊ុន សែន ប្រធានព្រឹទ្ធសភាកម្ពុជា បានយកឯកសារស្តីពីប្រវត្តិក្បត់របស់ឪពុកលោក សម រង្ស៊ី មកផុសលើបណ្តាញទំនាក់ទំនងសង្គម និងស្នើឲ្យមានការចែករំលែក។ ជាមួយគ្នានេះ លោក សម រង្ស៊ី ក៏ប្រើបណ្តាញសង្គមដូចគ្នាដែរដើម្បីផ្សព្វផ្សាយព័ត៌មានបង្អាប់បង្អោនរដ្ឋាភិបាលទីក្រុងភ្នំពេញទាក់ទងទៅនឹងបញ្ហា ដែលកម្ពុជាកំពុងប្រឈមនឹងការដាក់ពន្ធខ្ពស់របស់រដ្ឋបាលលោក ដូណាល់ ត្រាំ លើទំនិញកម្ពុជានាំចូលអាមេរិកជាដើម។ https://www.facebook.com/photo?fbid=1132272465608547&set=a.492095336292933
នាយករដ្ឋមន្រ្តីកម្ពុជានៅថ្ងៃនេះ បានថ្លែងសារឆ្លើយតបទៅកាន់អតីតថ្នាក់ដឹកនាំបក្សប្រឆាំងនៅក្រៅប្រទេសដោយថា វិធីសាស្រ្តឆ្លើយតបរបស់ប្រមុខដឹងនាំកម្ពុជាចំពោះមុខវិធានការដាក់ពន្ធរបស់សហរដ្ឋអាមេរិកគឺមានភាពចាស់ទុំ ពុំមែនដូចអ្វីដែលក្រុមប្រឆាំងរិះគន់នោះឡើយ។ បន្ថែមពីនេះ នាយករដ្ឋមន្រ្តីក៏ចំអកទៅកាន់ថ្នាក់ដឹកនាំបក្សប្រឆាំងចាស់វស្សានៅក្រៅស្រុកដែលថា ពួកគេចេះតែប្រើនយោបាយជាន់ពន្លិចគេងចំណេញប្រយោជន៍ផ្ទាល់ខ្លួនតែប៉ុណ្ណោះ ពុំដែលចូលរួមស្ថាបនាពេលប្រទេសជួបវិបត្តិធំៗដោយប្រការនេះ ខុសពីប្រទេសផ្សេងៗដែលបក្សប្រឆាំងចេះរួមសាមគ្គីជាមួយរដ្ឋាភិបាលដោះស្រាយបញ្ហាជាតិរួមគ្នា។ https://www.facebook.com/photo/?fbid=1132276792274781&set=a.492095336292933
អ្នកស្រី ហ៊ូ រុនអេង ដែលជាប់ឃុំខ្លួនដោយសារបញ្ចេញមតិយោបល់នៅលើទំព័រហ្វេសប៊ុកសម្ដេច ហ៊ុន សែន ក្រោយព្រឹត្តិការណ៍បង្ក្រាបអ្នករិះគន់គម្រោង CLV ត្រូវតុលាការសម្រេចឱ្យនៅក្រៅឃុំបណ្ដោះអាសន្ន ក្រោយពីធ្លាក់ខ្លួនឈឺ និងត្រូវសម្រាកព្យាបាលនៅមន្ទីរពេទ្យ។ ថ្វីត្បិតបាននៅក្រៅឃុំ ប៉ុន្តែមេធាវីការពារក្ដីថា តុលាការគួរតែទម្លាក់បទចោទលើអ្នកស្រី ហ៊ូ រុនអេង ឱ្យឆាប់ដើម្បីផ្ដល់សេរីភាពពេញលេញឱ្យអ្នកស្រី រុនអេង បានទៅព្យាបាលជំងឺនៅក្រៅប្រទេស។ https://www.facebook.com/photo/?fbid=1132292395606554&set=a.492095336292933
រដ្ឋាភិបាល និយោជក និងតំណាងកម្មករបានជួបជុំក្នុងកម្មវិធី Asia-Pacific Global Accelerator Policy Forum រយៈពេលពីរថ្ងៃនៅទីក្រុងភ្នំពេញ ដោយមានគោលបំណងកំណត់អាទិភាពដើម្បីជំរុញការអភិវឌ្ឍជំនាញ កំណើនការងារ និងការការពារសង្គមជាសកលនៅក្នុងតំបន់។ https://www.facebook.com/photo/?fbid=1132414438927683&set=a.492095336292933
តំណាងអ្នកវិនិយោគអឺរ៉ុបបានស្នើឱ្យកម្ពុជាលើកកម្ពស់បរិយាកាសវិនិយោគ និងដោះស្រាយបញ្ហាធុរកិច្ចសំខាន់ៗនៅក្នុងព្រះរាជាណាចក្រកម្ពុជា ក្នុងកិច្ចសន្ទនាវិស័យសាធារណៈ និងឯកជនលើកទី២ ដើម្បីទាក់ទាញការវិនិយោគរបស់អឺរ៉ុបកាន់តែច្រើន។ https://www.facebook.com/photo/?fbid=1132416135594180&set=a.492095336292933
ខណៈរដ្ឋាភិបាលមានផែនការអភិវឌ្ឍន៍សួនសាធារណៈទំហំ ៧០ហិកតានៅបឹងតាមោក ទទួលបានការគាំទ្រ អ្នកជំនាញបានសង្កត់ធ្ងន់លើតម្រូវការនៃគោលនយោបាយច្បាស់លាស់ដើម្បីធានាថាប្រជាពលរដ្ឋក្នុងតំបន់នេះមិនតម្រូវឱ្យផ្លាស់ប្តូរទីលំនៅ ឬរងផលប៉ះពាល់អវិជ្ជមានពីគម្រោងនេះ។ https://www.facebook.com/photo/?fbid=1132418328927294&set=a.492095336292933
ជួបគ្នាល្ងាចនេះ ជាមួយកម្មវិធី «សភា រដ្ឋាភិបាល និងអភិបាលកិច្ច »
នៃការផ្សាយសំឡេងសង្គមស៊ីវិល (VoC)
ប្រធានបទ ៖ ឥទ្ធិពលពីការកែសម្រួលអត្រាពន្ធរបស់សហរដ្ឋអាមេរិក
-----------------------------------------------
កាលបរិច្ឆេទ ៖ ថ្ងៃទី៩ ខែមេសា ឆ្នាំ២០២៥ (៤:០០ ដល់ ៥:០០ ល្ងាច)
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល ឬអាចចូលរួមហៅទូរស័ព្ទមកកម្មវិធី តាមលេខទូរស័ព្ទចូលរួម៖ 012 43 34 37 / 016 54 43 98។ https://www.facebook.com/photo/?fbid=1132451035590690&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី០៩ ខែមេសា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ ៖ ឥទ្ធិពលពីការកែសម្រួលអត្រាពន្ធរបស់សហរដ្ឋអាមេរិក
វាគ្មិនកិត្តិយស៖
១. លោក ឯម សុវណ្ណារ៉ា អ្នកស្រាវជ្រាវ និងអ្នកវិភាគនយោបាយ
២. លោក មឿន តុលា ប្រធានអង្គការមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស
អ្នកសម្របសម្រួល៖ លោក ស៊ិន ទិត្យសីហា
==========================
កម្មវិធីសូមស្វាគមន៍ដោយរីករាយ ​
វិទ្យុ (FM102 MHz)
លេខទូរស័ព្ទចូលរួម៖ 012 43 34 37 / 016 54 43 98 https://www.facebook.com/comfrel.org/videos/588695310855909