ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ខ្សាច់សមុទ្រ និងខ្សាច់គ្រប់ប្រភេទ នៅតំបន់សមុទ្រ ត្រូវបានហាមឃាត់ប្រើប្រាស់ដាច់ខាត ក្នុងវិស័យសំណង់ ដោយសារតែ ខ្សាច់ប្រភេទនេះមានកំហាប់អំបិលខ្ពស់ ដែលធ្វើឱ្យដែកឆាប់ច្រេះ ប៉ះពាល់ដល់គុណភាពសំណង់ និងគ្មានសុវត្ថិភាព។ https://www.facebook.com/photo/?fbid=1133166328852494&set=a.492095336292933
នៅថ្ងៃទី១០ខែមេសា ឆ្នាំ២០២៥ ក្រសួងពាណិជ្ជកម្មកម្ពុជាបានឲ្យដឹងថាអត្រាពន្ធលើមុខទំនិញកម្ពុជាដែលនាំចូលទៅអាមេរិក គឺត្រូវបង់ពន្ធគយក្នុងអត្រា ១០% ក្នុងរយៈពេល ៩០ថ្ងៃ។ បន្ថែមពីនេះ ក្រសួងពាណិជ្ជកម្មក៏បានបញ្ជាក់ដែរថាការអនុវត្តន៍ពន្ធ ១០%របស់អាមេរិកលើទំនិញកម្ពុជានេះ គឺជាការឆ្លើយតបដ៏វិជ្ជមានពីសហរដ្ឋអាមេរិកក្រោយការស្នើសុំចរចាពីនាយករដ្ឋមន្ត្រីកម្ពុជា លោក ហ៊ុន ម៉ាណែត កាលពីថ្ងៃទី០៤ ខែមេសា ឆ្នាំ២០២៥កន្លងទៅ។ https://www.facebook.com/photo?fbid=1134034205432373&set=a.492095336292933
ក្រុមមន្ត្រីគណបក្សប្រឆាំងថៃ គឺគណបក្សប្រជាជន(ថៃ) បាននាំគ្នាដាក់ញត្តិមួយទៅក្រសួងការងារថៃកាលពីថ្ងៃទី០៩ ខែមេសា ឆ្នាំ២០២៥ ដើម្បីទាមទារឲ្យមានសំណងជូនពលករ ដែលរងគ្រោះដោយការបាក់រលំអគារអំឡុងពេលរញ្ជួយដីកាលពីចុងខែមីនា ឆ្នាំ២០២៥។ ទន្ទឹមគ្នានេះ ក្រសួងការងារកម្ពុជា និងអង្គការសង់ត្រាល់ក៏បានអះអាងពីការប្រឹងប្រែងរៀងៗខ្លួនស្នើឲ្យអាជ្ញាធរថៃជំរុញឲ្យមានសំណងសមស្របដល់ពលរដ្ឋខ្មែរ ដែលបានរងគ្រោះនៅក្នុងហេតុការណ៍គ្រោះរញ្ជួយដីនោះ។ លោក កត្តា អ៊ន អ្នកនាំពាក្យក្រសួងការងារបានប្រាប់វិទ្យុបារាំងអន្តរជាតិ RFI នៅថ្ងៃទី១០ ខែមេសានេះថា ក្រសួងការងារ និងស្ថាប័នពាក់ព័ន្ធផ្សេងទៀតកំពុងធ្វើការយ៉ាងសកម្មជាមួយភាគីថៃ ដើម្បីធានាអត្ថប្រយោជន៍ដែលរដ្ឋាភិបាលថៃផ្តល់ជូនជនរងគ្រោះពីការរញ្ជួយដី។ https://www.facebook.com/photo?fbid=1134069472095513&set=a.492095336292933
ការផ្សាយឡើងវិញសំឡេងសង្គមស៊ីវិល(VOC) សម្រាប់ថ្ងៃព្រហស្បតិ៍ ទី១១ ខែមេសា ឆ្នាំ២០២៥ នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន» ========================== ប្រធានបទ ៖«ធានាសិទ្ធិសេរីភាពពេញលេញរបស់ស្ត្រីក្នុងវិស័យការងារ»
វាគ្មិនកិត្តិយស :
១.. លោកស្រី វុន សម្ភស្ស អគ្គលេខាធិការរងនៃសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA)
២. លោកស្រី ពាញ គឿន មន្ត្រីដោះស្រាយវិវាទនៃសហព័ន្ធសហជីពកម្ពុជា (CATU)
សម្របសម្រួលដោយ៖ កញ្ញា ស្រ៊ី លីដា https://www.facebook.com/comfrel.org/videos/973455121652080
ក្នុងរដូវប្រាំង ភូមិបណ្តែតទឹកនៃឃុំកំពង់ភ្លុក និងកំពង់ឃ្លាំង ជាទូទៅតែងប្រឈមមុខនឹងបញ្ហានេសាទ ដោយសារកម្រិតទឹកទាប។ ទោះជាយ៉ាងណាក៏ដោយ នៅឆ្នាំនេះ កម្រិតទឹកហាក់មានលក្ខណៈអំណោយផលសម្រាប់សហគមន៍ដែលពឹងផ្អែកលើការនេសាទនេះ រួមជាមួយនឹងសកម្មភាពទេសចរណ៍នានា។ https://www.facebook.com/photo/?fbid=1134201722082288&set=a.492095336292933
ប្រhttps://www.facebook.com/photo/?fbid=1134204535415340&set=a.492095336292933ធានាធិបតីចិន លោក ស៊ី ជីនពីង នឹងមកបំពេញទស្សនកិច្ចនៅកម្ពុជា នៅថ្ងៃទី១៧ ដល់ ១៨ ខែមេសា ខាងមុខនេះ ដោយរដ្ឋាភិបាលកម្ពុជារំពឹងថា នឹងមានកិច្ចព្រមព្រៀងជាច្រើននឹងត្រូវបានចុះហត្ថលេខា ដើម្បីជំរុញកិច្ចសហប្រតិបត្តិការរវាងប្រជាជាតិទាំងពីរលើវិស័យផ្សេងៗ ។
Forwarded from Yoeng Nim
ការផ្សាយឡើងវិញសង្គមស៊ីវិល(VOC)
សម្រាប់ថ្ងៃទី១១ ខែមេសា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ការផ្លាស់ប្ដូរគោលនយោបាយរបស់សហរដ្ឋអាមេរិក និងផលប៉ះពាល់លើប្រជាធិបតេយ្យនិងសិទ្ធិមនុស្ស
វាគ្មិនកិត្តិយស ៖
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
- លោក ឯម សុវណ្ណារ៉ា អ្នកស្រាវជ្រាវ និងអ្នកវិភាគនយោបាយ
សម្របសម្រួលដោយ៖ លោក ស៊ិន ទិត្យសីហា https://www.facebook.com/comfrel.org/videos/1755990011929870
បញ្ហាបំបិទសំឡេងបក្សប្រឆាំង ប្រព័ន្ធផ្សព្វផ្សាយឯករាជ្យ សិទ្ធិសេរីភាពបញ្ចេញមតិនៅកម្ពុជា នៅតែជាក្តីកង្វល់សម្រាប់អ្នកនយោបាយចាស់វស្សាលោក មាជ សុវណ្ណារ៉ា ដែលលោកចង់ឱ្យរដ្ឋាភិបាលគិតគូរកែលម្អឡើងវិញក្នុងអំឡុងពេល ៩០ថ្ងៃនៃការពន្យារពេលមិនអនុវត្តពន្ធថ្មីពីអាមេរិក។ រយៈពេល ៩០ថ្ងៃនេះ ប្រធានគណបក្សជំនាន់ថ្មី ក៏ចង់ឃើញរដ្ឋាភិបាលបង្កើតជំនួប ដែលមានគ្រប់មជ្ឈដ្ឋានពាក់ព័ន្ធចូលរួម ទាំងបក្សក្រៅរដ្ឋាភិបាល អង្គការសង្គមស៊ីវិល អង្គទូតនានា ដើម្បីសំយោគធាតុចូលក្នុងការកែលម្អប្រជាធិបតេយ្យ សិទ្ធិមនុស្ស ដ្បិតសហរដ្ឋអាមេរិកមិនភ្លេចឡើយឱ្យដៃគូពាណិជ្ជកម្មរបស់ខ្លួនអនុវត្តប្រជាធិបតេយ្យ​ និងសិទ្ធិមនុស្ស។ https://www.facebook.com/photo?fbid=1134216142080846&set=a.492095336292933
មន្ត្រីជំនាញនៃអគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប) បានរកឃើញបង្គាស្រស់មួយចំនួនដែលឈ្មួញលួចនាំចូលពីប្រទេសវៀតណាមមានចាក់សារធាតុគីមីហាមឃាត់ ក្រោយធ្វើតេស្ដបឋមបន្ទាប់ពីស្ទាក់ឃាត់ការនាំចូលតាមរថយន្ដមួយគ្រឿង។ https://www.facebook.com/photo?fbid=1134220675413726&set=a.492095336292933
ឱកាសនៃពិធីបុណ្យចូលឆ្នាំថ្មី ប្រពៃណីជាតិខ្មែរ កាន់តែខិតជិតចូលមកដល់នេះ ក្រសួងសុខាភិបាលនៅថ្ងៃទី១១ ខែមេសា ឆ្នាំ២០២៥នេះ បានអំពាវនាវទៅកាន់ប្រជាពលរដ្ឋត្រូវបង្កើននិងមានវិធានការការពារសុវត្ថិភាព សុខភាព ករណីជំងឺផ្តាសាយបក្សី ករណីពុលចំណីអាហារ និងពុលស្រា ជាមួយការបង្ការផ្សេងទៀតដើម្បីបញ្ជៀសហានីភ័យដែលអាចកើតមានជាយថាហេតុ។ https://www.facebook.com/photo/?fbid=1134232642079196&set=a.492095336292933
សហគមន៍ព្រៃឈើមួយកន្លែងស្ថិតនៅឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ កំពុងប្រឈមបាត់បង់ទាំងស្រុង ក្រោយពីរដ្ឋាភិបាលប្រកាសដកដីនៅតំបន់សហគន៍នេះទៅអភិវឌ្ឍន៍ធ្វើជាសួនកសិ-ឧស្សាហកម្ម។ https://www.facebook.com/photo/?fbid=1134234688745658&set=a.492095336292933
សួស្ដីឆ្នាំថ្មី ប្រពៃណីជាតិ!
ឆ្នាំម្សាញ់ សប្តស័ក ព.ស ២៥៦៩ សូមទេវតាឆ្នាំថ្មីនេះ ប្រទានពរជ័យដល់ប្រជាពលរដ្ឋខ្មែរ នូវសិរីសួស្ដី វិបុលសុខ សេចក្ដីចម្រើន សុភមង្គលគ្រប់ៗគ្នា 🙏🙏 https://web.facebook.com/photo?fbid=1134858118683315&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី២១ ខែមេសា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ការផ្លាស់ប្ដូរគោលនយោបាយរបស់សហរដ្ឋអាមេរិក និងផលប៉ះពាល់លើប្រជាធិបតេយ្យនិងសិទ្ធិមនុស្ស
វាគ្មិនកិត្តិយស ៖
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
- លោក ឯម សុវណ្ណារ៉ា អ្នកស្រាវជ្រាវ និងអ្នកវិភាគនយោបាយ
សម្របសម្រួលដោយ៖ លោក ស៊ិន ទិត្យសីហា https://www.facebook.com/comfrel.org/videos/1315417369531224
បុគ្គលិកវិទ្យុអាស៊ីសេរីប្រមាណ ៤០នាក់ ក្នុងនោះមានទាំងកម្ពុជាផងកំពុងប្រឈមនឹងការបញ្ជូនត្រឡប់មកប្រទេសដើមវិញ ក្រោយអស់សុពលភាពទិដ្ឋាការការងារនៅសហរដ្ឋអាមេរិកដោយសារតែការផ្តាច់ជំនួយរបស់រដ្ឋបាលលោក ដូណាល់ ត្រាំ។ សេចក្តីថ្លែងការណ៍របស់វិទ្យុអាស៊ីសេរីក្នុងថ្ងៃទី១៨ មេសាបានគូសបញ្ជាក់ថា បុគ្គលិកទាំង៤០នាក់នោះមានពេលត្រឹម៦០ថ្ងៃក្នុងការស្វែងរកការងារនៅកន្លែងថ្មីដើម្បីអាចបន្តទិដ្ឋាការការងាររបស់ខ្លួនបាន។ https://www.facebook.com/photo?fbid=1142285957940531&set=a.492095336292933
នាវារបស់កងស្វ័យការពារជើងទឹកជប៉ុនចំនួន២គ្រឿងចូលចតនៅមជ្ឈមណ្ឌលហ្វឹកហ្វឺនពហុសាសន៍មូលដ្ឋានកងទ័ពជើងទឹករាមក្នុងខេត្តព្រះសីហនុ នារសៀលថ្ងៃទី១៩ មេសា ឆ្នាំ២០២៥។ តាមទីភ្នាក់ងារព័ត៌មានជាតិកម្ពុជា AKP ការចូលចតរបស់នាវាជប៉ុននៅមូលដ្ឋានទ័ពរាមនាពេលនេះបានរូមចំណែកដល់ការសម្រេចបាននូវឥណ្ឌូ-ប៉ាស៊ីហ្វិកសេរី និងបើកចំហ ក៏ដូចជាការរក្សាសន្តិភាព ស្ថិរភាពនៅក្នុងតំបន់ និងអន្តរជាតិ។
ប្រធានសភាពាណិជ្ជកម្មអាមេរិកនៅកម្ពុជា លោក Casey Barnett បានវាយតម្លៃថា កម្ពុជានឹងបាត់បង់លទ្ធភាពក្នុងការនាំទំនិញចូលទីផ្សារសហរដ្ឋអាមេរិក និងបាត់បង់ការងាររោងចក្រជាង១០ម៉ឺនការងារ ប្រសិនបើកម្ពុជាមិនអាចគេចផុតពីការជាប់ពន្ធក្នុងអត្រាដល់ទៅ ៤៩ភាគរយដែលដាក់ដោយរដ្ឋបាលអាមេរិក។ https://www.facebook.com/photo?fbid=1142295561272904&set=a.492095336292933
ឯកអគ្គរដ្ឋទូតចិនប្រចាំកម្ពុជា លោក វ៉ាង វិនពីងបានបង្ហើបឲ្យដឹងថា កម្ពុជា និងចិនកំពុងពិភាក្សាគ្នាអំពីការតភ្ជាប់ផ្លូវដែកត្រង់រវាងប្រទេសទាំងពីរដើម្បីជួយសម្រួលដល់ការធ្វើដំណើរ និងការដឹកជញ្ចូនទំនិញ។ តែលោកឯកអគ្គរដ្ឋទូតចិននៅមិនទាន់អាចបញ្ជាក់បានទេថា តើគម្រោងសិក្សាផ្លូវដែកតភ្ជាប់ត្រង់មកកម្ពុជានឹងត្រូវឆ្លងកាត់តាមប្រទេសណាខ្លះទេ។ https://www.facebook.com/photo?fbid=1142300447939082&set=a.492095336292933
កម្ពុជាបានបញ្ជាក់ជំហររបស់ខ្លួនជាថ្មីម្តងទៀតពីការប្រកាន់ខ្ជាប់នូវ «គោលនយោបាយចិនតែមួយ» និងថា មានតែរដ្ឋាភិបាលក្រុងប៉េកាំងមួយគត់ដែលស្របច្បាប់ និងតំណាងឲ្យប្រទេសចិនទាំងមូល។ ការចេញមកបញ្ជាក់ជាថ្មីរបស់កម្ពុជាពេលនេះធ្វើឡើង ស្របពេលដែលអាជ្ញាធរកម្ពុជាបានចាប់បញ្ជូនជនជាតិតៃវ៉ាន់ចំនួន១៨០នាក់ ទៅចិននៅប៉ុន្មានថ្ងៃ មុនទស្សនកិច្ចផ្លូវរដ្ឋរបស់ប្រធានាធិបតីចិននៅកម្ពុជាកាលពីថ្ងៃទី ១៧ និង១៨មេសា ឆ្នាំ ២០២៥។ https://www.facebook.com/photo/?fbid=1142303464605447&set=a.492095336292933
ក្នុងនាមស្ត្រីជនជាតិដើមភាគតិចម្នាក់រស់នៅតំបន់ភាគឦសាននៃប្រទេសកម្ពុជាដែល​រងគំ​នាបច្រើនទាំងផ្នែកទំនៀមទម្លាប់ប្រពៃណី ទឹកដីភូមិសាស្ត្រ ឯឱកាសទទួលបានការសិក្សាក៏តិចថែមទៀតនោះស្ត្រីជនជាតិដើមចារ៉ាយម្នាក់បានស្ម័គ្រចិត្តបំពេញការងារជាអ្នកព័ត៌មាន។ រាយការណ៍អំពីបញ្ហាជាច្រើនដែលត្រូវបានគេមើលរំលង ហើយធ្វើជាគំរូជួយលើកទឹកចិត្ត ពង្រឹងភាពក្លាហានដល់ស្ត្រីដ៏ទៃទៀត ជាសកម្មភាពបង្កើតភាពរីករាយដល់នាង ឱ្យបំពេញការងារដោយមិនផ្តោតលើប្រាក់ចំណូលជាចម្បង។ https://www.facebook.com/photo?fbid=1142308014604992&set=a.492095336292933
ក្រុមការងាររុករកបានរកឃើញ ពលករខ្មែរម្នាក់ទៀត បានបាត់បង់ជីវិត ដោយសារគ្រោះរញ្ជួយដីនៅថៃ ដោយជនរងគ្រោះមានឈ្មោះ ផល្លា រតនា មានអាយុ ២៤ឆ្នាំ ជាកូនរបស់លោក សៅ ផល្លា និងលោកស្រី ឆាយ សោភ័ណ្ឌ។ នេះបើតាមសេចក្តី ជូនដំណឹងរបស់ក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី១៧ ខែមេសា ឆ្នាំ២០២៥។ https://www.facebook.com/photo?fbid=1142308907938236&set=a.492095336292933