ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
កម្ពុជា និងអាមេរិកបានបញ្ចប់កិច្ចចរចាជុំទី១ លើបញ្ហាការដំឡើងពន្ធបដិការរបស់រដ្ឋបាលអាមេរិក។ នៅក្នុងកិច្ចចរចាជុំទី១ នេះ ភាគីកម្ពុជា និងអាមេរិកបានផ្លាស់ប្តូរយោបល់គ្នាត្រង់ទៅត្រង់មកលើការពង្រឹងបន្ថែមនូវទំនាក់ទំនងពាណិជ្ជកម្ម និងវិនិយោគ និងបានពិភាក្សាគ្នាស៊ីជម្រៅលើអត្ថបទនៃសេចក្តីព្រាងកិច្ចព្រមព្រៀងពាណិជ្ជកម្មបដិការ។ https://www.facebook.com/photo?fbid=1162204472615346&set=a.492095336292933
រាល់​៤០​នាទី​ម្ដង កម្ពុជា​មាន​មនុស្ស​ម្នាក់​ស្លាប់​ដោយសារជំងឺមហារីក​។ តួលេខ​នេះ​ត្រូវ​បាន​លោក​នាយក​រដ្ឋមន្ត្រី ហ៊ុន ម៉ាណែត ប្រកាស​​ឲ្យ​ដឹង​កាលពី​ពេល​ថ្មីៗ​នេះ។ អ្នក​ជំនាញ​ជឿ​ថា​ អាហារ​នាំ​ចូល​ដែល​មាន​ផ្ទុក​សារធាតុ​គ្រោះ​ថ្នាក់​ជាចំណែក​មួយ​នៃ​បញ្ហាបង្ក​ជំងឺ​មហារីក​​។ ដើម្បី​ថែរក្សា​សុខភាព​ប្រជា​ពល​រដ្ឋ រដ្ឋាភិបាល​កំពុង​ចាត់​វិធានការ​ត្រួត​ពិនិត្យ​បន្លែ និង​សាច់នាំចូល ខណៈ​ចំនួន​អ្នក​កើត​ជំងឺ​មហារីក​កំពុង​កើន​ឡើង​។​ https://www.facebook.com/photo?fbid=1162221235947003&set=a.492095336292933
មន្ត្រីនគរបាលម្នាក់ ដែលបានបើកបរក្រោម ស្ថានភាពស្រវឹងបានបង្កគ្រោះថ្នាក់ចរាចរណ៍ដ៏សោធនាកម្មមួយ បណ្តាលឲ្យមនុស្សម្នាក់ស្លាប់បាត់បង់ជីវិត និងរបួស ៥នាក់ បន្ទាប់ពីបើកបុករះ យានយន្តជាច្រើនគ្រឿង បង្កឱ្យមានការភ្ញាក់ផ្អើលដល់ប្រជាពលរដ្ឋ ទាមទារឱ្យរកយុត្តិធម៌ជូនជនរងគ្រោះ។ https://www.facebook.com/photo/?fbid=1162234082612385&set=a.492095336292933
ក្រោយការកាត់ទោសឲ្យជាប់ពន្ធនាគារចំនួន៤ឆ្នាំ កាលពីដើមខែឧសភា លោក រ៉ុង​ ឈុន ទីប្រឹក្សាគណបក្សកម្លាំងជាតិ ក៏ត្រូវបណ្តាអង្គទូតលោកខាងលិចមួយចំនួន ហៅទៅពិភាក្សាពីបញ្ហាសិទ្ធិមនុស្ស និងនយោបាយ នៅកម្ពុជា។ កាលពីថ្ងៃទី១៦ ឧសភា លោកបានជួបឯកអគ្គរដ្ឋទូតបារាំង និងឯកអគ្គរដ្ឋទូតសហភាពអឺរ៉ុបប្រចាំកម្ពុជា ដើម្បីលើកឡើងពីបញ្ហាប្រឈមផ្នែកនយោបាយក្នុងការអនុវត្តសកម្មភាពរបស់គណបក្សប្រឆាំង រួមទាំងសំណុំរឿងនយោបាយផ្ទាល់ខ្លួនរបស់លោកផង។ https://www.facebook.com/photo?fbid=1164529189049541&set=a.492095336292933
ប្រមុខរដ្ឋាភិបាលកម្ពុជា លោក ហ៊ុន ម៉ាណែត បានលើកឡើងថា រដ្ឋាភិបាលតាមរយៈក្រសួងអប់រំ និងក្រសួងការងារបានសម្រេចកំណត់បង្កើតកម្មវិធីជំនាញបណ្តុះបណ្តាលវិជ្ជាជីវៈដល់សិស្សនុសិស្សចាប់ពីថ្នាក់ទី១០ឡើងទៅ។ តាម លោក ហ៊ុន ម៉ាណែត សិស្សនុសិស្សអាចជ្រើសរើសបន្តការសិក្សាសញ្ញាបត្រមធ្យមសិក្សាទុតិយភូមិ ឬបែរមកសិក្សាជំនាញវិជ្ជាជីវៈវិញ។ លោកនាយករដ្ឋមន្រ្តីអះអាងថា កម្មវិធីតម្រង់ទិសជំនាញបណ្តុះបណ្តាលវិជ្ជាជីវៈដល់សិស្សនុសិស្សនេះ គ្រោងដាក់ដំណើរការជាផ្លូវការនៅចុងឆ្នាំ២០២៥នេះ។ https://www.facebook.com/photo?fbid=1164531172382676&set=a.492095336292933
មជ្ឈមណ្ឌល​សម្រាប់ការ​សិក្សា​អន្តរជាតិ​និងយុទ្ធសាស្ត្រ (CSIS)​ របស់​សហរដ្ឋអាមេរិក​ តាមរយៈគម្រោងគំនិតផ្តួចផ្តើមតម្លាភាពសន្តិសុខសមុទ្រ បានបញ្ចេញរបាយការណ៍ចុងក្រោយមួយដែលបន្តអះអាងថា ចិននៅមានតួនាទីសំខាន់ក្នុងការគ្រប់គ្រងមូលដ្ឋានកងទ័ពជើងទឹកសមុទ្ររាម ក្នុងខេត្តព្រះសីហនុរបស់កម្ពុជា។ តែនៅមិនទាន់​មានប្រតិកម្មពីកងទ័ពជើងទឹក​របស់​កម្ពុជានៅឡើយ។ https://www.facebook.com/photo?fbid=1164532662382527&set=a.492095336292933
ជនជាតិ​ចិន និងវៀតណាមចំនួន១០នាក់ ត្រូវបានសមត្ថកិច្ចខេត្តស្វាយរៀងឃាត់ខ្លួនបញ្ជូនទៅតុលាការ ពាក់ព័ន្ធករណីជួញដូរ និង​ប្រើប្រាស់​ដោយ​ខុសច្បាប់​នូវ​សារធាតុ​ញៀន និង​កាន់កាប់​អាវុធ​ខុសច្បាប់ក្នុងភូមិសាស្ត្រក្រុងបាវិតជាប់ព្រំដែនកម្ពុជា-វៀតណាម។ នេះបើតាមការ​ប្រកាសរបស់ស្នងការដ្ឋាននគរបាលខេត្តស្វាយរៀង នៅថ្ងៃទី១៨​ ខែឧសភា ឆ្នាំ២០២៥នេះ។ https://www.facebook.com/photo?fbid=1164533579049102&set=a.492095336292933
ខេត្តមណ្ឌលគិរីកំពុង មានឱកាសជាច្រើនក្នុងការជំរុញវិស័យទេសចរណ៍ ខណៈដែលភាគីពាក់ព័ន្ធកំណត់ទេសចរណ៍ផ្កាថាជាយុទ្ធសាស្ត្រដ៏មានសក្តានុពលក្នុងការលើកកម្ពស់ទេសចរណ៍របស់កម្ពុជា ស្របពេលដែលជំរុញសកម្មភាពលក់ផ្កាក្នុងស្រុក។ ភាគីពាក់ព័ន្ធក្នុងវិស័យទេសចរណ៍ និងអ្នកជំនាញសេដ្ឋកិច្ចមើលឃើញពីសក្តានុពលយ៉ាងសំខាន់ពីវិស័យនេះ ក្នុងការកាត់បន្ថយការពឹងផ្អែកលើផ្កាដែលនាំចូល។ https://www.facebook.com/photo/?fbid=1164538575715269&set=a.492095336292933
ជូបគ្នាល្ងាចនេះ ជាមួយកម្មវិធី «សំឡេងម្ចាស់ឆ្នោត»
នៃការផ្សាយសំឡេងសង្គមស៊ីវិល (VoC)
ប្រធានបទ ៖ ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៥
កាលបរិច្ឆេទ ៖ ថ្ងៃទី១៩ ខែឧសភា ឆ្នាំ២០២៥ (៤:០០ ដល់ ៥:០០ ល្ងាច)
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល។ https://www.facebook.com/photo?fbid=1164478802387913&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃចន្ទ ទី១៩ខែឧសភា ឆ្នាំ២០២៥
នេះជាកម្មវិធីប្រចាំថ្ងៃចន្ទ កម្មវិធី «សំឡេងម្ចាស់ឆ្នោត»
==========================
ប្រធានបទ ៖ «ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៥»
វាគ្មិនកិត្តិយស៖
- ឯកឧត្តម ខន កែវមនោ ទីប្រឹក្សា គ.ជ.ប និងជាអគ្គនាយករងនៃអគ្គនាយកដ្ឋានអប់រំ ព័ត៌មាន និងទំនាក់ទំនងសាធារណៈ
- លោក ស៊ិន ទិត្យសីហា អ្នកសម្របសម្រួលផ្នែកព័ត៌មាននៃអង្គការខុមហ្រ្វែល
សម្របសម្រួលដោយ៖ កញ្ញា យ៉ឹង នីម
=========================
អង្គការឃ្លាំមើលសិទ្ធិមនុស្សអន្តរជាតិ ឬ Human Rights Watch បានចេញសេចក្តីថ្លែងការណ៍នៅថ្ងៃទី១៩ឧសភាដោយជំរុញនាយករដ្ឋមន្ត្រីជប៉ុន លោក ស្ហ៊ីកេរុ អ៊ីស្ហ៊ីបា បរិហារបញ្ហាសិទ្ធិមនុស្សនៅកម្ពុជាក្នុងពេលដែលនាយករដ្ឋមន្ត្រីកម្ពុជាលោកហ៊ុន ម៉ាណែតទៅបំពេញទស្សនកិច្ចនៅប្រទេសជប៉ុននាចុងខែឧសភានេះ។ Human Rights Watch យល់ថា ក្នុងនាមជាដៃគូពាណិជ្ជកម្ម និងជាម្ចាស់ជំនួយធំមួយរបស់កម្ពុជា ជប៉ុនមិនត្រូវអោបដៃ ឬបើកភ្លើងខៀវឲ្យរដ្ឋាភិបាលកម្ពុជាបន្តយុទ្ធសាស្ត្រកៀបសង្កត់ និងរំលោភបំពានសិទ្ធិមនុស្សតាមតែចិត្តទៀតឡើយ។ https://www.facebook.com/photo?fbid=1165285668973893&set=a.492095336292933
កាសែតថៃ The Nation បានឲ្យដឹងកាលពីថ្ងៃទី១៧ ខែឧសភាថា កងទ័ពកម្ពុជាបានបន្តឈរជើងនៅទីតាំងដូចដើមត្រង់ចំណុច ៣សំខាន់ៗ គឺតំបន់ប្រាតាមាន់ដែលស្ថិតក្នុងខេត្តឧត្តរមានជ័យសម្រាប់ភាគីកម្ពុជា និងខេត្តសុរិន្ទសម្រាប់ភាគីថៃ ហើយនៅចំណុចពីរផ្សេងទៀតដែលជាប់នឹងខេត្តអ៊ូប៊ុនរាចឆាឋានីរបស់ភាគីថៃ។ អ្នកនាំពាក្យកងទ័ពជើងគោកកម្ពុជា លោក ម៉ៅ ផល្លាមិនឆ្លើយតបនឹងព័ត៌មានចុះផ្សាយដោយកាសែតថៃទេ តែថា ជាធម្មតា កងទ័ពកម្ពុជាតែងតែពង្រឹងកិច្ចការពារព្រំដែនរបស់ខ្លួន។ https://www.facebook.com/photo?fbid=1165288785640248&set=a.492095336292933
អូស្ត្រាលីខាងត្បូងមានបំណងចង់ធ្វើឱ្យទំនាក់ទំនងរបស់ខ្លួនជាមួយកម្ពុជាកាន់តែស៊ីជម្រៅបន្ថែមទៀត តាមរយៈការស្វែងរកកិច្ចសហប្រតិបត្តិការថ្មីក្នុងវិស័យសំខាន់ៗដូចជា ការអប់រំ ថាមពលស្អាត កសិកម្ម ទេសចរណ៍ និងការបណ្តុះបណ្តាលវិជ្ជាជីវៈ ខណៈដែលភាគីទាំងពីរបង្ហាញការប្តេជ្ញាចិត្តក្នុងការពង្រឹងទំនាក់ទំនងតាមរយៈពាណិជ្ជកម្ម ការផ្លាស់ប្តូរវប្បធម៌ និងការអភិវឌ្ឍធនធានមនុស្ស។ https://www.facebook.com/photo?fbid=1165294535639673&set=a.492095336292933
សាលាដំបូង​ខេត្ត​ស្ទឹង​ត្រែង បាន​សម្រេច​ចោទ​ប្រកាន់​ លោក អ៊ុក ម៉ៅ អ្នក​កាសែត​រាយ​ការណ៍​ពី​បរិស្ថាន​ ពី​បទ ​ញុះញង់​ឲ្យ​ប្រព្រឹត្ត​បទ​ឧក្រិដ្ឋ​ជា​អាទិ៍ និង​បទ​បរិហារ​កេរ្តិ៍​ជា​សាធារណៈ ថែម​ទាំង​បង្គាប់​ឲ្យ​ឃុំ​ខ្លួ​​ន​​​នៅ​ពន្ធនាគារ​ខេត្ត​ជា​បណ្ដោះអាសន្ន។ https://www.facebook.com/photo?fbid=1165297315639395&set=a.492095336292933
ក្រសួងសុខាភិបាលកម្ពុជា បានណែនាំជាថ្មីម្ដងទៀតដល់ប្រជាពលរដ្ឋឱ្យទៅចាក់វ៉ាក់សាំងបង្ការជំងឺកូវីដ-១៩ និងបង្កើនការប្រុងប្រយ័ត្ន ដោយសារព្រួយបារម្ភពីការរីករាលដាលថ្មីនៃប្រភេទ JN.1 ដែលត្រូវបានរកឃើញថាមានករណីឆ្លងថ្មីកើនឡើងដល់២១ករណីក្នុង​រយៈ​ពេលពីរសប្តាហ៍ក្នុងខែឧសភានេះ។​ https://www.facebook.com/photo?fbid=1165305475638579&set=a.492095336292933
សមត្ថកិច្ចនៃស្នងការដ្ឋាននគរបាលខេត្តបាត់ដំបង បានស្ទាក់ឃាត់រថយន្តមួយគ្រឿង ដោយដកហូតបាននូវគ្រឿងក្នុងជ្រូកខុសបច្ចេកទេស និងគ្មានលិខិតអនុញ្ញាតនាំចូលពីប្រទេសថៃចំនួន ២០កេស ដែលស្មើនឹង១០០០គីឡូក្រាមឬ១តោន កាលពីល្ងាចថ្ងៃទី ១៧ ខែឧសភា ឆ្នាំ២០២៥ ។ https://www.facebook.com/photo?fbid=1165307065638420&set=a.492095336292933
សូមលោក អ្នក ចំណាយពេលវេលាដ៏មានតម្លៃប្រមាណ២នាទី ដើម្បីចូលរួមការស្ទង់មតិ អំពីគុណភាព និងប្រសិទ្ធភាព (អត្ថប្រយោជន៍) នៃការពង្រឹងការយល់ដឹង និងការចូលរួមក្នុងដំណើរការប្រជាធិបតេយ្យ និងការបោះឆ្នោតក្នុងកម្មវិធីនានារបស់ខុមហ្រ្វែល ។
យើងខ្ញុំសូមអះអាងថា រាល់គំនិត យោបល់ ឬការយល់ឃើញ របស់ លោកអ្នកនឹងត្រូវរក្សាការសម្ងាត់ និងប្រើប្រាស់សម្រាប់តែការ សិក្សា នេះប៉ុណ្ណោះ។
សូមចុចលើតំណភ្ជាប់ (link)នេះ https://forms.gle/i6FnZsUN8QvjEHqU8 ដើម្បីចាប់ផ្ដើមការស្ទង់មតិ។