ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ចាងហ្វាងសារព័ត៌មានអនឡាញម្នាក់ និងបុរសពីរនាក់ផ្សេងទៀតត្រូវបានរងការចោទប្រកាន់ពីបទព្រហ្មទណ្ឌចំនួនបី ជុំវិញការធ្វើឱ្យខូចទឹកចិត្តកងទ័ព រួមទាំងការបញ្ចេញមតិបង្ហាញការរើសអើងលើកងកម្លាំង។ អ្នកទាំងបីត្រូវបានឃុំខ្លួនបណ្តោះអាសន្ននៅពន្ធនាគារព្រៃស។ https://www.facebook.com/photo?fbid=1177035764465550&set=a.492095336292933
ការនាំចេញសត្វពាហនៈរបស់កម្ពុជា រួមទាំងសាច់ជាដើម បាននាំមកនូវប្រាក់ចំណូលប្រមាណ ២២៦លានដុល្លារក្នុងឆ្នាំ២០២៤។ ជាមួយនឹងការពិភាក្សាជាបន្តបន្ទាប់អំពីការនាំចូលសាច់សត្វពីប្រទេសដទៃ រដ្ឋាភិបាលកំពុងចាត់វិធានការដើម្បីបង្កើនផលិតកម្ម និងការផ្គត់ផ្គង់ក្នុងស្រុក ដោយមានផែនការជ្រើសរើសមន្ត្រីកសិកម្មថ្មីចំនួន ៣៥០នាក់ ដែលផ្តោតសំខាន់ក្នុងការជួយកសិករទូទាំងប្រទេស និងបង្កើនផលិតកម្មដែលមានសុវត្ថិភាព។ https://www.facebook.com/photo?fbid=1177036571132136&set=a.492095336292933
ក្នុងអង្គសមាជរដ្ឋសភា និងព្រឹទ្ធសភា រដ្ឋាភិបាលបានអំពាវនាវឱ្យមានការពង្រឹង និងលើកកម្ពស់ជំនាញបច្ចេកទេសសម្រាប់យុវជន ដោយផ្តោតជាពិសេសលើអ្នកដែលមកពីគ្រួសារដែលមានចំណូលទាប និងងាយរងគ្រោះ។ https://www.facebook.com/photo?fbid=1177037307798729&set=a.492095336292933
អតីតថ្នាក់ដឹកនាំបក្សប្រឆាំងដែលកំពុងនិរទេសខ្លួននៅក្រៅប្រទេសលោក សម រង្ស៊ី នៅថ្ងៃទី០៣ ខែមិថុនា ឆ្នាំ២០២៥នេះ បានបង្ហោះសារលើទំព័រហ្វេសប៊ុករបស់ខ្លួន ដោយគាំទ្រ និងជំរុញឱ្យរដ្ឋាភិបាលលើកយកជម្លោះព្រំដែនប្តឹងទៅតុលាការអន្តរជាតិ(ICJ)។ https://www.facebook.com/photo?fbid=1177038281131965&set=a.492095336292933
កម្ពុជា​បាន​ទូទាត់​បំណុល​ចំនួន ១១៧លាន​ដុល្លារ​ទៅ​ប្រទេស​ចិន ​ក្នុង​ត្រីមាស​ទីមួយ​នៃ​ឆ្នាំ២០២៥ ហើយនៅមានចំនួន ៣,៩៨ពាន់​លាន​ដុល្លារ​ទៀតមិនទាន់ទូទាត់សង។ ខណៈពេលដែលកម្ពុជាមិនទាន់ទទួលបានប្រាក់កម្ចីថ្មីពីចិននៅឆ្នាំនេះ អ្នកសេដ្ឋកិច្ច បញ្ជាក់ថា បំណុលនាពេលអនាគត «ល្អ ឬអាក្រក់» នឹងអាស្រ័យលើរបៀបដែលរដ្ឋាភិបាលគ្រប់គ្រងថវិកាជាតិ។ https://www.facebook.com/photo?fbid=1177109827791477&set=a.492095336292933
បញ្ហាមិន​ប្រក្រតីមួយចំនួននៃការផ្តល់ប័ណ្ណក្រីក្រ និងបញ្ហានៃការកំណត់អត្តសញ្ញាណកម្មជនក្រីក្រគឺជាប្រធានបទមួយ​ដែល​ត្រូវបានលើកទៅ​ជជែកដេញដោលគ្នា​យ៉ាង​ផុសផុល នៅក្នុង​អង្គសមាជរដ្ឋសភា-ព្រឹទ្ធសភា នាថ្ងៃទី២ ខែមិថុនា ឆ្នាំ​២០២៥។ ប្រធានអង្គសមាជ លោក ហ៊ុន សែន បានស្នើឱ្យរដ្ឋាភិបាលយកចិត្តទុកដាក់លើបញ្ហានេះ។ ចំណែក​ ប្រមុខ​រដ្ឋាភិបាលកម្ពុជា លោក ហ៊ុន ម៉ាណែត ក៏ទទួលស្គាល់ពីបញ្ហានេះដែរ។ https://www.facebook.com/photo/?fbid=1177136594455467&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី០៤ ខែមិថុនា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖គុណតម្លៃរបស់លទ្ធិប្រជាធិបតេយ្យ
វាគ្មិនកិត្តិយស៖
- លោក ឯម សុវណ្ណារ៉ា អ្នកស្រាវជ្រាវ និងវិភាគនយោបាយ
- លោក សេក សុជាតិ អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ
សម្របសម្រួលដោយ៖ កញ្ញា យ៉ឹង នីម https://web.facebook.com/comfrel.org/videos/1095124185814772
កងទ័ពកម្ពុជា និងកងទ័ពថៃបានប៉ះទង្គិចគ្នាដោយអាវុធមួយប្រាវកាលពីថ្ងៃទី២៨ ខែឧសភា ឆ្នាំ២០២៥ នៅចំណុចព្រំដែនមុំ៣ ក្នុងខេត្តព្រះវិហារ ដែលបណ្តាលឲ្យទាហានកម្ពុជាម្នាក់បាត់បង់ជីវិត។ ហេតុការណ៍នេះបានរុញឲ្យស្ថានការណ៍ព្រំដែនរវាងកម្ពុជា និងថៃ មានភាពតានតឹង ដោយកម្ពុជាបានចោទប្រកាន់ទាហានថៃថាបានលួចវាយឆ្មក់មកលើទាហានកម្ពុជា។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី០៤ ខែមិថុនា ឆ្នាំ២០២៥នេះ លោក ហូ វណ្ឌី ទីប្រឹក្សាសមាគមទេសចរណ៍កម្ពុជាបានសម្តែងនូវការព្រួយបារម្ភចំពោះហេតុការណ៍ដែលបានកើតឡើង និងថាហេតុការណ៍នេះនឹងប៉ះពាល់ធំធេង ដល់វិស័យទេសចរណ៍នៃប្រទេសទាំងពីរ ប្រសិនបើមិនមានដំណោះស្រាយ៕ https://www.facebook.com/photo?fbid=1178043287698131&set=a.492095336292933
មន្ត្រីជាន់ខ្ពស់រដ្ឋាភិបាលកម្ពុជាអះអាងថា កម្ពុជានៅតែប្រកាន់ជំហរជ្រើសយកយន្តការដោះស្រាយបញ្ហាព្រំដែនជាមួយថៃដោយប្តឹងទៅកាន់តុលាការយុត្តិធម៌អន្តរជាតិ(ICJ)ដដែល ខណៈកិច្ចចរចារវាងគណៈកម្មការចម្រុះព្រំដែន (JBC) និងគណៈកម្មាធិការព្រំដែនទូទៅ (GBC) ក៏នឹងបន្តធ្វើដូចគ្នា។ ការបញ្ជាក់ជំហររបស់កម្ពុជាបែបនេះ ធ្វើឡើងក្រោយរដ្ឋាភិបាលថៃបានចេញសេចក្តីថ្លែងការណ៍មួយនៅថ្ងៃទី៤ ខែមិថុនា ឆ្នាំ២០២៥ ដោយបង្ហាញចេតនាចង់ដោះស្រាយទំនាស់ព្រំដែនគោកជាមួយកម្ពុជាត្រឹមកម្រិតទ្វេភាគី ជាជាងរុញសំណុំរឿងឡើងដល់តុលាការយុត្តិធម៌អន្តរជាតិ។ https://www.facebook.com/photo?fbid=1178052357697224&set=a.492095336292933
ថ្ងៃទី៤ ខែមិថុនា ឆ្នាំ២០២៥ ជាខួបលើកទី៧៦ឆ្នាំ នៃការបាត់បង់ទឹកដីកម្ពុជាក្រោម ក្រោយបារាំងបានកាត់ទៅឲ្យវៀតណាម។ នៅព្រឹកថ្ងៃទី៤ មិថុនានេះដែរ សមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិវឌ្ឍន៍ បានរៀបចំពិធីតាមបែបព្រះពុទ្ធសាសនា ដើម្បីរំលឹកដល់ភាពឈឺចាប់របស់ពលរដ្ឋខ្មែរក្រោមចំពោះការបាត់បង់សេរីភាព ដែលធ្លាក់ទៅក្រោមការគ្រប់គ្រងរបស់វៀតណាម។ មិនថាពលរដ្ឋខ្មែរកណ្តាល ឬអ្នកនយោបាយ បានទទួលស្គាល់ពីភាពឈឺចាប់របស់ពលរដ្ឋខ្មែរក្រោម និងបានទទូចដល់ប្រមុខរដ្ឋាភិបាលកម្ពុជាជួយស្នើទៅភាគីវៀតណាម ឲ្យវៀតណាមជួយយកចិត្តទុកដាក់ដល់ពលរដ្ឋខ្មែរក្រោម។ https://www.facebook.com/photo?fbid=1178053391030454&set=a.492095336292933
កងទ័ពជើងទឹកកម្ពុជា នឹងរៀបចំការហ្វឹកហ្វឺនបាញ់គ្រាប់ពិតនៅលើដែនសមុទ្ររយៈពេល៣ថ្ងៃ នៅចន្លោះកោះពូលូវ៉ៃ និងកោះតាង នាភូមិសាស្ត្រខេត្តព្រះសីហនុ។ នេះបើតាមសេចក្តីជូនដំណឹងរបស់កងទ័ពជើងទឹកមូលដ្ឋានសមុទ្ររាមនាថ្ងៃទី៣ ខែមិថុនា ឆ្នាំ២០២៥​ និងដោយបានក្រើនរំលឹកឱ្យពលរដ្ឋ និងប្រជានេសាទផ្អាកការធ្វើដំណើរឆ្លងកាត់ ឬនេសាទជុំវិញតំបន់ហ្វឹកហ្វឺន។ https://www.facebook.com/photo?fbid=1178055587696901&set=a.492095336292933
ពលរដ្ឋងាយរងគ្រោះដោយសារទឹកជំនន់ជុំវិញបឹងទន្លេសាបប្រមាណ ៦០០គ្រួសារ បានទទួលបង្គន់អនាម័យសម្រាប់ប្រើប្រាស់ជាលើកដំបូង ដើម្បីលើកកម្ពស់ការរស់នៅ និងទប់ស្កាត់ការបំពុលទឹកអំឡុងពេលទឹកជន់លិច។ បង្គន់អនាម័យនេះជាជំនួយរបស់អង្គការ IDE កម្ពុជាដែលជាប្រភេទបង្គន់អនាម័យមានកម្ពស់ខ្ពស់ និងសុវត្ថិភាព ឬ Sky Latrine ធន់នឹងអាកាសធាតុ និងអាចប្រើប្រាស់បានគ្រប់រដូវកាល។ https://www.facebook.com/photo?fbid=1178056517696808&set=a.492095336292933
ក្នុងជំនួបរវាងនាយករដ្ឋមន្ត្រីកម្ពុជា និងនាយករដ្ឋមន្ត្រីជប៉ុន ប្រជាជាតិទាំងពីរបានសន្យាថានឹងសហការគ្នាដើម្បីប្រយុទ្ធប្រឆាំងនឹងការបោកប្រាស់តាមប្រព័ន្ធអ៊ីនធឺណិត បន្ទាប់ពីករណីចំនួនពីរបានកើតឡើងនៅក្នុងប្រទេសកម្ពុជា ដែលពាក់ព័ន្ធនឹងជនជាតិជប៉ុន។ https://www.facebook.com/photo?fbid=1178061684362958&set=a.492095336292933
រដ្ឋាភិបាលកម្ពុជាកំពុងស្វែងរក «ដំណោះស្រាយដោយយុត្តិធម៌ មិនលំអៀង និងមាននិរន្តរភាព» ចំពោះបញ្ហាជម្លោះព្រំដែនជាមួយប្រទេសថៃ ដោយសង្កត់ធ្ងន់ពីការសម្រេចចិត្តដ៏ម៉ឺងម៉ាត់របស់ខ្លួនក្នុងការរុញរឿងក្តីព្រំដែនដែលអូសបន្លាយជាយូរមួយនេះ នទៅកាន់តុលាការយុត្តិធម៌អន្តរជាតិ ICJ នៅទីក្រុងឡាអេ។ ដូច្នេះ​បញ្ហាព្រំដែន និងជម្លោះ​ទាំង​បួន​ ​មិនត្រូវ​បញ្ចូល​ក្នុង​កិច្ច​ពិភាក្សា​ព្រំដែនជាមួយប្រទេសថៃ​នៅ​ថ្ងៃ​ទី​១៤ មិថុនា នៅ​រាជធានី​ភ្នំពេញឡើយ។ https://www.facebook.com/photo?fbid=1178718210963972&set=a.492095336292933
ការបន្តពឹងផ្អែករបស់កម្ពុជាលើជីកសិកម្មដែលនាំចូលពីបរទេស បាននាំឱ្យភាគីពាក់ព័ន្ធក្នុងវិស័យមួយនេះ អំពាវនាវឱ្យមានការត្រួតពិនិត្យកាន់តែតឹងរ៉ឹងលើជីគីមី។ ស្របពេលជាមួយគ្នានោះ អ្នកជំនាញទទូចឱ្យស្វែងរកឱកាសដើម្បីទាក់ទាញការវិនិយោគផលិតជីក្នុងស្រុក និងលើកកម្ពស់ការប្រើប្រាស់ជម្រើសជីធម្មជាតិ ដើម្បីទ្រទ្រង់ជីវភាពកសិករ។ https://www.facebook.com/photo?fbid=1178718937630566&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃសុក្រ ទី០៦ ខែមិថុនា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ដំណើរការនៃការត្រួតពិនិត្យ និងតុល្យភាពនៃអំណាចរដ្ឋ ដូចករណីនៃការដកដំណែងប្រធានាធិតី យូន ស៊ុកយោល នៃប្រទេសកូរ៉េខាងត្បូង
វាគ្មិនកិត្តិយស៖
- លោក គល់ បញ្ញា ទីប្រឹក្សាអង្គការខុមហ្រ្វែល
- លោក យង់ គិមអេង ប្រធានមជ្ឈមណ្ឌលប្រជាពលរដ្ឋដើម្បីការអភិវឌ្ឍន៍ និងសន្តិភាព (PDP-Center)
សម្របសម្រួលដោយ៖ លោក ស៊ិន ទិត្យសីហា
==========================
កម្មវិធីសូមស្វាគមន៍ដោយរីករាយ https://www.facebook.com/comfrel.org/videos/712379137932786
មេដឹកនាំកម្ពុជា និងវៀតណាម បានបង្ហាញពីការឯកភាពគ្នាក្នុងការសាងសង់ស្តូបមិត្តភាព កម្ពុជា-វៀតណាម នៅក្នុងទឹកដីវៀតណាម។ ការរំលឹកពីការសាងសង់ស្តូបមិត្តភាពកម្ពុជា-វៀតណាម នៅក្នុងទឹកដីវៀតណាមនេះ ធ្វើឡើងនៅក្នុងជំនួបរវាងអនុរដ្ឋមន្ត្រីក្រសួងការពារប្រទេសវៀតណាមលោក ង្វៀន តិនគឿង និងលោក ហ៊ុន សែន ប្រធានព្រឹទ្ធសភាកម្ពុជាកាលពីថ្ងៃទី០៤ ខែឧសភា ឆ្នាំ២០២៥ អំឡុងពេលដែលលោក គឿង បំពេញទស្សនកិច្ចនៅកម្ពុជា។ https://www.facebook.com/photo?fbid=1179522597550200&set=a.492095336292933
ក្នុងសមាជព្រឹទ្ធសភា-រដ្ឋសភាកន្លងទៅ លោកនាយករដ្ឋមន្ត្រី ហ៊ុន ម៉ាណែត បានប្រកាសថា នឹងមានការកែសម្រួលក្រុមការងារដែលកាន់កិច្ចការពិនិត្យគុណភាពទំនិញ បន្លែផ្លែឈើពីក្រៅប្រទេសឡើងវិញ ដើម្បីបញ្ចៀសការជាន់ការងារគ្នា និងម្យ៉ាងដើម្បីធានាគុណភាពទំនិញនាំចូលផង។​ ការលើកឡើងរបស់ប្រមុខរដ្ឋាភិបាលយ៉ាងដូច្នេះ ត្រូវបានអ្នកសិក្សាស្រាវជ្រាវសង្គមសាទរចំពោះចំណាត់ការរបស់រដ្ឋាភិបាល។ តែទន្ទឹមគ្នានេះ អ្នកជំនាញទាំងនោះ​ក៏លើកសំណើឱ្យរដ្ឋាភិបាល ពិនិត្យ តាមដានជាប់ជាប្រចាំទៅលើមន្ត្រីតាមច្រកព្រំដែន​ ដោយធ្វើយ៉ាងណាតម្រូវឱ្យមន្ត្រីទាំងនោះ​ត្រួតពិនិត្យគុណភាពទំនិញឱ្យបានហ្មត់ចត់ ពិសេសពិនិត្យសារធាតុគីមីនៅលើបន្លែ ផ្លែឈើ ត្រី សាច់ដែលនាំចូលមកកម្ពុជា ព្រមទាំងទទូចឱ្យមន្ត្រីច្រកព្រំដែនជៀសវាងការប្រព្រឹត្តអំពើពុករលួយដែលបង្កហានិភ័យដល់សុខភាពពលរដ្ឋខ្មែរ។​ https://www.facebook.com/photo?fbid=1179530477549412&set=a.492095336292933
ក្រសួងពាណិជ្ជកម្ម កាលពីថ្ងៃទី៣ ខែមិថុនា ឆ្នាំ២០២៥ បានប្រកាសឲ្យដឹងពីការឯកភាពគ្នារវាងរដ្ឋាភិបាលកម្ពុជានិងវៀតណាម ចំពោះការអនុគ្រោះពន្ធ០% លើការនាំចេញនាំចូលទំនិញមួយចំនួនទៅវិញទៅមក។ សម្រាប់ភាគីកម្ពុជា គឺអាចនាំចេញទំនិញចំនួន២៨មុខទៅវៀតណាម ក្នុងអត្រាពន្ធ០% ដែលត្រូវធ្វើឡើងសម្រាប់ឆ្នាំ២០២៥-២០២៦។ រីឯវៀតណាមវិញ ទទួលបានការអនុគ្រោះពន្ធ០%ពីកម្ពុជា ចំពោះទំនិញចំនួន២៥មុខ ដែលភាគច្រើនជាបន្លែ និងផ្លែឈើ។ https://www.facebook.com/photo?fbid=1179536817548778&set=a.492095336292933
គរុសិស្ស នៃសាលាគរុកោលស្យ និងវិក្រឹតការ្យខេត្តបន្ទាយមានជ័យបាននាំគ្នាផ្សព្វផ្សាយឱ្យកាត់បន្ថយការប្រើប្រាស់ប្លាស្ទិក ដើម្បីចូលរួមថែរក្សាបរិស្ថាន និងកុំឱ្យប៉ះពាល់ពីការបំពុលដោយប្លាស្ទិក។ https://www.facebook.com/photo?fbid=1179536817548778&set=a.492095336292933