ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
រយៈពេល៤ខែ ក្នុងឆ្នាំ២០២៥ ប្រទេសកម្ពុជាបាននាំចេញសម្លៀកបំពាក់ ស្បែកជើង និងផលិតផលធ្វើដំណើរកើនឡើងប្រមាណ ៤,៥ពាន់លានដុល្លារ ស្មើនឹង ២១,៩ភាគរយ ធៀបទៅនឹងរយៈពេលដូចគ្នានៅក្នុងឆ្នាំ២០២៤។ កំណើននៃការនាំចេញសម្លៀកបំពាក់ ស្បែកជើង និងផលិតផលធ្វើដំណើររបស់កម្ពុជាពេលនេះ ត្រូវក្រសួងការងារអះអាងថាបណ្តាលមកពីកត្តាមួយចំនួនដូចជាសក្តានុពលនៃការផលិត ទំនុកចិត្តរបស់អ្នកវិនិយោគលើរដ្ឋាភិបាល និងកត្តាភូមិសាស្ត្រជាដើម។ https://www.facebook.com/photo?fbid=1182839460551847&set=a.492095336292933
អគ្គនាយកដ្ឋានសេដ្ឋកិច្ចឌីជីថល នៃក្រសួងសេដ្ឋ​កិច្ច​បានក្រើនរំឮកឱ្យពលរដ្ឋមានការប្រុងប្រយ័ត្នចំពោះករណីឆបោក តាមរយៈការប្រើប្រាស់បច្ចេកវិទ្យាទំនើបនៃបញ្ញាសិប្បនិម្មិត ឬ AI។ តាមសំណេររបស់ខ្លួននៅថ្ងៃទី៦ មិថុនា ឆ្នាំ២០២៥ អគ្គនាយកដ្ឋានសេដ្ឋកិច្ចឌីជីថលបានបង្ហាញពីសញ្ញាដែលគួរសម្គាល់ ដើម្បីជៀសវាងការចាញ់បោកក្នុងរូបភាពណាមួយ។ ដោយឡែកអ្នកតាមដានសង្គមស្នើឱ្យរដ្ឋាភិបាលផ្សព្វផ្សាយឱ្យកាន់តែទូលំទូលាយបន្ថែមទៀត ខណៈចង់ឱ្យមានការការពារសុវត្ថិភាព និងសីលធម៌ក្នុងសង្គម។ https://www.facebook.com/photo?fbid=1182840667218393&set=a.492095336292933
ចាប់ពីថ្ងៃសៅរ៍ទី៧ ខែមិថុនា ឆ្នាំ២០២៥ ថៃបានសម្រេចជាឯកតោភាគីបិទច្រករបៀងព្រំដែនជាមួយកម្ពុជា ខណៈច្រកទ្វារអន្តរជាតិនៅជាប់ខាងកម្ពុជាក៏ថៃដាក់កំហិតម៉ោងចេញ-ចូលផងដែរ។ ការណ៍នេះបានបង្កការលំបាកដល់ប្រជាពលរដ្ឋដែលរស់នៅតាមច្រកទាំងនោះ ដូចយ៉ាងនៅច្រកទ្វារអន្តរជាតិប៉ោយប៉ែត។ នៅថ្ងៃទី១០ ខែមិថុនា ឆ្នាំ២០២៥នេះ ហ៊ុល រស្មី អ្នកយកព័ត៌មានវិទ្យុបារាំងអន្តរជាតិ RFI កំពុងស្ថិតក្នុងតំបន់ច្រកទ្វារអន្តរជាតិ ប៉ោយប៉ែត ជាទីដែលការបើកច្រកទ្វារត្រូវបានប្តូរពីម៉ោង ៦ ទៅម៉ោង ៩ នៅពេលព្រឹក និងបិទនៅម៉ោង ៤រសៀល។ ពោលគឺខុសពីពេលមុនដែលច្រកទ្វារអន្តរជាតិប៉ោយប៉ែតត្រូវបានបិទនៅម៉ោង១០យប់។ https://www.facebook.com/photo?fbid=1182842853884841&set=a.492095336292933
លោក​នាយក​រដ្ឋ​មន្ត្រី​ ហ៊ុន ម៉ាណែត បាន​បញ្ជាក់​ឡើង​វិញ​នៅ​ថ្ងៃ​ទី​៩ ខែ​មិថុនា​ថា​ រដ្ឋាភិបាល​កម្ពុជា​នឹង​បន្ត​រក្សា​ទំនាក់​ទំនង​រវាង​ប្រទេស​កម្ពុជា និង​ថៃ តាម​គ្រប់​យន្ត​ការ​ដែល​មាន​ស្រាប់ ​ដើម្បីជា​ប្រយោជន៍​សម្រាប់​ប្រជា​ពលរដ្ឋ​នៃ​ប្រទេស​ទាំង​ពីរ​។​ បើ​តាម​ប្រមុខ​រដ្ឋា​ភិបាល​កម្ពុជា ​ក្នុង​ករណី​ចាំបាច់​ ដូចជា​ករណី​ប្រា​សាទតាមាន់​ធំ ​ប្រាសាទ​តាមាន់​តូច​ ប្រាសាទ​តាក្របី និង​តំបន់​មុំបី ​កម្ពុជា​នឹង​បញ្ជូន​សំណុំ​រឿង​នេះ​ទៅ​តុលា​ការ​យុត្តិ​ធម៌​អន្តរ​ជាតិ​(ICJ)​នៅ​ទីក្រុង​ឡាអេ​។ https://www.facebook.com/photo/?fbid=1182867723882354&set=a.492095336292933
វិធីបោកដោយផ្តល់ការងារក្លែងក្លាយជាមួយនឹងប្រាក់ខែខ្ពស់នៅហុងកុង បានអូសទាញនិស្សិតតៃវ៉ាន់ ២នាក់ ឱ្យធ្លាក់ក្នុងការបោកបញ្ឆោតនិងត្រូវបានគេជួញដូរមកកម្ពុជា និងបង្ខំឱ្យធ្វើការនៅក្នុងមជ្ឈមណ្ឌលបោកប្រាស់តាមអ៊ីនធឺណិត។ ពេលនេះ ពួកគេទាំង២ ត្រូវបានជួយសង្គ្រោះ និងត្រឡប់ទៅផ្ទះវិញដោយសុវត្ថិភាព។ https://www.facebook.com/photo/?fbid=1182872780548515&set=a.492095336292933
ការកាត់បន្ថយម៉ោងឆ្លងដែនជាឯកតោភាគីរបស់អាជ្ញាធរថៃនៅច្រកព្រំដែនបឹងត្រកួន នាព្រឹកថ្ងៃទី៩ ខែមិថុនា បានធ្វើឱ្យកម្មករ និងអាជីវករខ្នាតតូចខ្មែររាប់រយនាក់រងគ្រោះ។ ក្នុងនោះដែរ ពួកគេភាគច្រើនបារម្ភថាការបន្តភាពតានតឹង​នៅព្រំដែននេះគំរាមកំហែងដល់ជីវភាពរស់នៅរបស់ពួកគេ ជាពិសេសនៅក្នុងសហគមន៍ដែលកំពុងរងគ្រោះស្រាប់។ https://www.facebook.com/photo/?fbid=1182900663879060&set=a.492095336292933
មន្ត្រី​ច្រក​ទ្វារ​អន្តរ​ជាតិ​ប៉ោយ​ប៉ែត​ខាង​ភាគី​កម្ពុជា ​បាន​បដិសេធ​សំណើ​ផ្ទាល់​មាត់​របស់​មន្ត្រី​ច្រក​ទ្វារ​អន្តរ​ជាតិ​ខ្លង​លឹក​ខាង​ភាគី​ថៃ​ ដែល​ស្នើ​ឲ្យ​កម្ពុជា​បើក​ទ្វារ​ព្រំ​ដែន​នៅ​ម៉ោង​៨​ព្រឹក​វិញ​។​ ក៏ប៉ុន្តែ​មន្ត្រី​ច្រក​ទ្វារ​ខាង​ភាគី​កម្ពុជា​ឆ្លើយ​តប​ថា កម្ពុជា​នៅ​រក្សា​ជំហរ​ដដែល​គឺ​បើក​ទ្វារ​ព្រំ​ដែន​នៅម៉ោង​៩ព្រឹក​។​ ការ​ដែល​កម្ពុជា​ពន្យារ​ពេល​បើក​ទ្វារ​ព្រំដែន​បែប​នេះ ធ្វើ​ឡើង​បន្ទាប់ពី​ អាជ្ញាធរ​ថៃ​បាន​សម្រេច​ជា​ឯក​តោភាគី ​កាល​ពី​ចុង​សប្តាហ៍​មុន​ ដោយ​សម្រេច​បិទទ្វារ​ព្រំដែន​នៅម៉ោង​៤​រសៀល គឺ​មុន​ម៉ោង​ដែល​បាន​កំណត់​។ https://www.facebook.com/photo?fbid=1183584803810646&set=a.492095336292933
អ្នកឃ្លាំមើលលើកឡើងថា មូលហេតុដែលកម្ពុជាបានបរាជ័យក្នុងការចរចាបញ្ហាពន្ធលើការនាំទំនិញទៅលក់នៅសហរដ្ឋអាមេរិកម្ដងហើយម្ដងទៀតនេះ ដោយសាររដ្ឋាភិបាលមិនងាកមកដើរតាមគន្លងប្រជាធិបតេយ្យ និងមិនដោះស្រាយបញ្ហាពាណិជ្ជករចិនក្លែងបន្លំទំនិញដែលនាំចេញពីកម្ពុជាទៅលក់នៅសហរដ្ឋអាមេរិក។ https://www.facebook.com/photo?fbid=1183587300477063&set=a.492095336292933
ក្រសួងមហាផ្ទៃ បានណែនាំទៅអភិបាលនៃគណៈអភិបាលខេត្តជាប់ព្រំដែនកម្ពុជា-ថៃ ​ត្រូវត្រៀមវិធានការជម្លៀសប្រជាពលរដ្ឋដែលកំពុងរស់នៅប្រទេសថៃឱ្យវិលត្រឡប់មកប្រទេសវិញ ក្នុងករណីមានការប៉ះទង្គិចគ្នាដោយកម្លាំងប្រដាប់អាវុធកើតឡើង​។ https://www.facebook.com/photo?fbid=1183588780476915&set=a.492095336292933
សាលារៀនមួយនៅភូមិស្រែខ្ទុម ជាសាលារៀនដាច់ស្រយាលស្ថិតក្នុងភូមិទ្រាប ឃុំថ្មី ស្រុកចិត្របុរី ខេត្តក្រចេះ ដោយបច្ចុប្បន្នកំពុងប្រឈមការខ្វះខាតសម្ភារៈសិក្សា ខណៈកូនសិស្សដែលជាជនជាតិដើមភាគតិចនៅទីនោះមួយចំនួនប្រឈមការបោះបង់ការសិក្សាទៀតផង។ https://www.facebook.com/photo?fbid=1183589827143477&set=a.492095336292933
ធនាគារពិភពលោក នៅក្នុងរបាយការណ៍ខែមិថុនា របស់ខ្លួនបានកត់បន្ថយការព្យាការណ៍កំណើនសេដ្ឋកិច្ចកម្ពុជាមកនៅត្រឹម៤ភាគរយសម្រាប់ឆ្នាំ២០២៥ ដែលចំនួននេះជាការធ្លាក់ចុះពីការព្យាករណ៍លើកមុន ៥,៥ភាគរយ។ ការព្យាករណ៍នេះ ធ្វើឡើងក្រោយធនាគារពិភពលោកមើលឃើញថា តម្រូវការនៅកម្ពុជាធ្លាក់ចុះ ភាពមិនច្បាស់លាស់ក្នុងការនាំចេញទំនិញ គោលនយោបាយពាណិជ្ជកម្ម និង អស្ថិរភាពម៉ាក្រូហិរញ្ញវត្ថុពីសមាមាត្រកម្ចីមិនដំណើរការខ្ពស់។ https://www.facebook.com/photo?fbid=1183591937143266&set=a.492095336292933
ជួបគ្នាល្ងាចនេះ ជាមួយកម្មវិធី «សភា រដ្ឋាភិបាល និងអភិបាលកិច្ច »
នៃការផ្សាយសំឡេងសង្គមស៊ីវិល (VoC)
ប្រធានបទ ៖ គុណតម្លៃក្នុងនាមជាអ្នកនយោបាយខ្មែរ
កាលបរិច្ឆេទ ៖ ថ្ងៃទី១១ ខែមិថុនា ឆ្នាំ២០២៥ (៤:០០ ដល់ ៥:០០ ល្ងាច)
លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល។ https://www.facebook.com/photo/?fbid=1183611323807994&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី១១ ខែមិថុនាឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖គុណតម្លៃក្នុងនាមជាអ្នកនយោបាយខ្មែរ
វាគ្មិនកិត្តិយស៖
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
- លោក នី សុខា ប្រធានសមាគមអាដហុក
សម្របសម្រួលដោយ៖ កញ្ញា យ៉ឹង នីម
==========================
កម្មវិធីសូមស្វាគមន៍ដោយរីករាយ ​ https://www.facebook.com/comfrel.org/videos/1893562058136005
ប្រជាពលរដ្ឋខ្មែរពឹងផ្អែកលើប្រាក់ចំណូលដែលបានមកពីការឆ្លងដែនចេញចូលទៅធ្វើការ ឬលក់ដូរក្នុងទឹកដីថៃបានត្អូញត្អែរពីការលំបាកក្នុងការធ្វើដំណើរចេញចូលច្រកទ្វារអន្តរជាតិប៉ោយប៉ែត និងបារម្ភពីហានិភ័យដែលអាចកើតមានលើការងាររបស់ពួកគាត់។ តែមន្ត្រីនៅច្រកទ្វារអន្តរជាតិប៉ោយប៉ែតបានអះអាងថា ស្ថានភាពបិទបើកច្រកព្រំដែនខុសពីសព្វមួយដងជាឯកតោភាគីដោយភាគីថៃ មិនបង្កផលប៉ះពាល់ធំដុំ ដល់ប្រជាពលរដ្ឋខ្មែរទេ ពោលគឺប្រជាពលរដ្ឋ និងទេសចរនៅឆ្លងចេញចូលបានដដែល។ https://www.facebook.com/photo?fbid=1183715193797607&set=a.492095336292933
រដ្ឋាភិបាលកម្ពុជានៅថ្ងៃទី៦ ខែមិថុនា ឆ្នាំ២០២៥ បានសម្រេចបង្កើតគណៈកម្មការមួយសម្រាប់រៀបចំឯកសារប្តឹងទៅតុលាការយុត្តិធម៌អន្តរជាតិ ICJ លើសំណុំរឿងចំនួន៤ជុំវិញជម្លោះព្រំដែនជាមួយថៃ។ គណៈកម្មការនេះមានសមាសភាពចំនួន១៥រូប ដែលដឹកនាំដោយរដ្ឋមន្ត្រីការបរទេស និងមានក្រុមការងារចំណុះចំនួន២ គឺក្រុមការងារកាន់កិច្ចការផ្នែកច្បាប់ និងក្រុមការងារកាន់កិច្ចការផ្នែកការទូត។ https://www.facebook.com/photo?fbid=1183717387130721&set=a.492095336292933
រដ្ឋាភិបាលកម្ពុជាតាមរយៈក្រសួងមហាផ្ទៃនៅថ្ងៃទី១០ ខែមិថុនា ឆ្នាំ២០២៥ បានប្រាប់ឲ្យអាជ្ញាធរខេត្តដែលមានព្រំដែនជាប់ជាមួយថៃ ត្រៀមវិធានការជម្លៀសពលរដ្ឋខ្មែរដែលកំពុងស្ថិតនៅក្នុងទឹកដីថៃ ក្នុងករណីមានការប៉ះទង្គិចគ្នាដោយប្រដាប់អាវុធនៅតាមខ្សែបន្ទាត់ព្រំដែន។ អ្នកតាមដានសង្គមនានាយល់ឃើញថា ការត្រៀមវិធានការជម្លៀសពលរដ្ឋខ្មែរពីប្រទេសថៃជារឿងត្រឹមត្រូវ ប៉ុន្តែរដ្ឋាភិបាលក៏គួរតែមានការរៀបចំយន្តការផ្សេងៗទៀត ដែលធានាទៅដល់សុវត្ថិភាពរបស់ប្រជាពលរដ្ឋ។ https://www.facebook.com/photo/?fbid=1183721660463627&set=a.492095336292933
ការផ្សាយhttps://www.facebook.com/comfrel.org/videos/574077809091861ឡើងវិញសំឡេងសង្គមស៊ីវិល(VOC)
សម្រាប់ថ្ងៃទី១២ ខែមិថុនាឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖គុណតម្លៃក្នុងនាមជាអ្នកនយោបាយខ្មែរ
វាគ្មិនកិត្តិយស៖
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
- លោក នី សុខា ប្រធានសមាគមអាដហុក
សម្របសម្រួលដោយ៖ អ្នកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ
ចាប់តាំងពីរដ្ឋការលោកប្រធានាធិបតីសហរដ្ឋអាមេរិក ដូណាល់ ត្រាំ តម្លើងពន្ធលើមុខទំនិញពីប្រទេសផ្សេងៗនាំចូលអាមេរិកកាលពីខែមេសា ឆ្នាំ២០២៥មក វិស័យអចលនទ្រព្យកម្ពុជាបានទទួលរងផលប៉ះពាល់លើផ្នែកមួយចំនួន។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី១១ ខែមិថុនា ឆ្នាំ២០២៥នេះ លោកឧកញ៉ា សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានគូសបញ្ជាក់ថា អ្នកវិនិយោគលើវិស័យអចលនទ្រព្យកំពុងស្ថិតក្នុងស្ថានភាពរង់ចាំមើលនៅឡើយ ក្រោយការដាក់ពន្ធរបស់លោក ដូណាល់ ត្រាំ។ តាមលោក សន សៀប វិស័យអចលនទ្រព្យកម្ពុជាបានរងផលប៉ះពាល់ជាពិសេសលើប្រភេទអចលនទ្រព្យបែបឧស្សាហកម្ម។ https://www.facebook.com/photo/?fbid=1184237483745378&set=a.492095336292933
ប្រជាពលរដ្ឋខ្មែរដែលឆ្លងកាត់ច្រកទ្វារតំបន់បឹងត្រកួន ក្នុងខេត្តបន្ទាយមានជ័យ របស់កម្ពុជា ជាប់ខេត្តស្រះកែវ ប្រទេសថៃ លើកឡើងពីផលប៉ះពាល់ការដឹកទំនិញរបស់ពួកគេ ដោយសារការកាត់បន្ថយម៉ោងចេញ-ចូលខ្លីជាងមុន។ ពួកគេស្នើឲ្យរដ្ឋាភិបាលកម្ពុជា និងថៃ សម្រួលស្ថានការណ៍ឲ្យដូចដើមវិញ និងថាពួកគេក៏មិនចង់ឃើញសង្គ្រាមកើតឡើងនោះដែរ។ ដោយឡែក អាជ្ញាធរព្រំដែនកម្ពុជា បានប្រាប់ប្រជាពលរដ្ឋខ្មែរថា មិនគួរចូលទៅដីថៃទេ បើគ្មានការចាំបាច់។ https://www.facebook.com/photo?fbid=1184238913745235&set=a.492095336292933
ប្រជាពលរដ្ឋ៣៥គ្រួសារនៅឃុំត្រយ៉ង ស្រុកគូលែន ខេត្តព្រះវិហារ តាមរយៈតំណាងរបស់ខ្លួន បានរកអន្តរាគមន៍ពីក្រសួងរៀបចំដែនដីនគររូបនីយកម្ម និងសំណង់ ឱ្យជួយដោះស្រាយជម្លោះដីធ្លីជាមួយក្រុមហ៊ុនឯកជនមួយលើទំហំដីជាង១៧៥ហិកតា។ https://www.facebook.com/photo?fbid=1184248313744295&set=a.492095336292933