ក្រុម សង្គមស៊ីវិល ប្រជាពលរដ្ឋនិងអ្នកគាំទ្រ លោកបណ្ឌិតកែមឡី ជួបជុំគ្នាដាក់កម្រងផ្កានិងគោរពវិញ្ញាណក្ខន្ធលោក កែម ឡី នៅព្រឹកថ្ងៃទី១០ខែកក្កដាឆ្នាំ២០២៥នាស្តុបបូកគោ ខណ្ឌចំការមន រាជធានីភ្នំពេញ ។ ថ្ងៃនេះជាខួប៩ឆ្នាំនៃហេតុការណ៍បាញ់សម្លាប់ អ្នកវិភាគដ៏ល្បីល្បាញ លោក កែម ឡី។ ១០កក្កដា ២០១៦ - ១០កក្កដា ២០២៥។ https://www.facebook.com/photo/?fbid=1207406704761789&set=pcb.1207407244761735
តំណាងសមាគមវាយនភណ្ឌសម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា លើកឡើងថា កម្ពុជានឹងពិបាកប្រកួតប្រជែងផ្នែកវិស័យកាត់ដេរជាមួយវៀតណាមដែលនៅក្បែរខាងកម្ពុជា ដោយសារតែអាមេរិកយកពន្ធពីវៀតណាមតែ២០%។ ក្តីបារម្ភនេះកើតឡើងបន្ទាប់ពីសហរដ្ឋអាមេរិក នៅថ្ងៃទី៧ ខែកក្កដា បានប្រកាសយកពន្ធពីលើទំនិញកម្ពុជាក្នុងអត្រា៣៦% ពោលត្រូវបានបញ្ចុះពី៤៩%ដែលបានកំណត់កាលពីខែមេសា។ https://www.facebook.com/photo?fbid=1207423344760125&set=a.492095336292933
ក្រសួងការពារជាតិកម្ពុជាតាមរយៈអ្នកនាំពាក្យ លោក ឈុំ សុជាតិ បានអះអាងថា កម្ពុជាមិនធ្លាក់ទៅក្នុងអន្ទាក់របស់ថៃទេ ខណៈមួយរយៈចុងក្រោយនេះ ទាហានថៃតែងធ្វើសកម្មភាពបង្កហេតុនៅតាមព្រំដែន ដើម្បីឲ្យកម្ពុជាអត់ទ្រាំលែងបាន។ ការបញ្ជាក់របស់អ្នកនាំពាក្យក្រសួងការពារជាតិដូចនេះ ធ្វើឡើងក្រោយទាហានថៃ បានព្យាយាមនាំយកបដិមាព្រះចំនួន ២អង្គ មកដាក់នៅតំបន់ព្រំដែនច្រកទ្វារអានសេះ នៃខេត្តព្រះវិហារ នាព្រឹកថ្ងៃទី០៩ ខែកក្កដា ឆ្នាំ២០២៥នេះ។ https://www.facebook.com/photo?fbid=1207424014760058&set=a.492095336292933
កម្មកររោងចក្រស្បែកជើងឡឺក្រោនស៊ូជាង ៨០០នាក់បានធ្វើការតវ៉ាពីមុខរោងចក្រមានទីតាំងនៅស្រុកជើងព្រៃ ខេត្តកំពង់ចាម នៅថ្ងៃទី៩ ខែកក្កដា ឆ្នាំ២០២៥នេះ ក្រោយថៅកែបានបញ្ឍប់ពួកគេដោយគ្មានការផ្តល់ដំណឹងជាមុន។ តំណាងកម្មករបានអះអាងនៅថ្ងៃទី៩ កក្កដាថា ភាគីរោងចក្របានបង្ខំឱ្យកម្មករទាំងអស់ផ្តិតមេដៃលាឈប់ពីការងារ ខណៈភាគីកម្មករថារោងចក្រពុំបានទូទាត់សំណងសមរម្យសម្រាប់ពួកគេនៅឡើយ។ https://www.facebook.com/photo?fbid=1207424951426631&set=a.492095336292933
ការយករូបភាពក្លែងក្លាយដែលបង្កើតដោយ AI នៃជនក្រីក្រ និងក្រុមងាយរងគ្រោះ ហើយអំពាវនាវឱ្យសាធារណជនបរិច្ចាគថវិកា បានកំពុងចរាចរពាសពេញលើអ៊ីនធឺណិត ដែលជំរុញឱ្យមានការអំពាវនាវជាបន្ទាន់ឱ្យបង្កើនការយល់ដឹងអំពី AI និងចំណេះដឹងព័ត៌មានប្រព័ន្ធផ្សព្វផ្សាយ ។ https://www.facebook.com/photo?fbid=1207425801426546&set=a.492095336292933
មន្ទីរសម្រាកព្យាបាលឯកជនមួយនៅភ្នំពេញ ឈ្មោះ«មេត្តា សំណង់១២» ត្រូវមន្ទីរសុខាភិបាលរាជធានីភ្នំពេញ សម្រេចឱ្យបិទទ្វា ក្រោយអ្នកជំងឺជាកុមារវ័យ៨ខែម្នាក់បានស្លាប់។ បន្ទាប់ពីមានហេតុការណ៍នោះ អាជ្ញាធរនៃមន្ទីរសុខាភិបាលរាជធានីភ្នំពេញ បានប្រកាសថា ឃើញថាទីតាំងសម្រាកព្យាបាលឈ្មោះ មេត្តាសំណង់១២ គ្មានលិខិតអនុញ្ញាតពីក្រសួងសុខាភិបាល។ https://www.facebook.com/photo?fbid=1207427044759755&set=a.492095336292933
សាលាដំបូងខេត្តកំពង់ស្ពឺបានបើកសវនាការសួរដេញដោលឪពុករបស់អ្នកអធិប្បាយនយោបាយលោក ស៊ន តារា គឺលោក សុខ ស៊ុនណារ៉េត ពាក់ព័ន្ធបញ្ហាគ្រឿងញៀន ហើយគ្រោងនឹងប្រកាសសាលក្រមលើករណីនេះថ្ងៃទី៦ ខែសីហា ឆ្នាំ២០២៥ខាងមុខ។ https://www.facebook.com/photo?fbid=1207427791426347&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី១០ ខែកក្កដា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន!»
==========================
ប្រធានបទ៖ អបអរសាទរខែនៃមោទកភាព (Pride Month)
វាគ្មិនកិត្តិយស :
១. សុទ្ធ ពៅសំណាង សមាជិកក្រុមប្រឹក្សាយោបល់យុវជនអង្គការសហប្រជាជាតិ
២. ឈាង ជាតិត្រា អ្នកដឹកនាំគម្រោងមោទនភាពពួកយើង និងជានិស្សិតសកលវិទ្យាល័យ Bucknell University
អ្នកសម្របសម្រួល៖ កញ្ញា ស្រ៊ី លីដា https://www.facebook.com/comfrel.org/videos/749717217557711
សម្រាប់ថ្ងៃទី១០ ខែកក្កដា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន!»
==========================
ប្រធានបទ៖ អបអរសាទរខែនៃមោទកភាព (Pride Month)
វាគ្មិនកិត្តិយស :
១. សុទ្ធ ពៅសំណាង សមាជិកក្រុមប្រឹក្សាយោបល់យុវជនអង្គការសហប្រជាជាតិ
២. ឈាង ជាតិត្រា អ្នកដឹកនាំគម្រោងមោទនភាពពួកយើង និងជានិស្សិតសកលវិទ្យាល័យ Bucknell University
អ្នកសម្របសម្រួល៖ កញ្ញា ស្រ៊ី លីដា https://www.facebook.com/comfrel.org/videos/749717217557711
វៀតណាម តាមរយៈរដ្ឋមន្ត្រីការបរទេសរបស់ខ្លួន សង្ឃឹមថាភាគីកម្ពុជា-ថៃ អាចដោះស្រាយបញ្ចប់ភាពតានតឹងនៃជម្លោះព្រំដែន ក្នុងពេលឆាប់ៗខាងមុខ។ នេះបើតាមការចុះផ្សាយរបស់កាសែតរដ្ឋវៀតណាម (Vietnam Plus) នៅថ្ងៃទី៨ ខែកក្កដា ឆ្នាំ២០២៥។ ការលើកឡើងរបស់មេដឹកនាំវៀតណាមដូចនេះ គឺនៅក្នុងជំនួបជាមួយរដ្ឋមន្រ្តីការបរទេសកម្ពុជា និងថៃ ក្រោយកិច្ចប្រជុំរដ្ឋមន្រ្តីការបរទេសអាស៊ាន ដែលប្រព្រឹត្តទៅនៅក្នុងប្រទេសម៉ាឡេស៊ីចាប់ពីថ្ងៃទី៨ ដល់ថ្ងៃទី១១ ខែកក្កដា ឆ្នាំ២០២៥។ https://www.facebook.com/photo?fbid=1207592571409869&set=a.492095336292933
នៅថ្ងៃទី១០ ខែកក្កដា ឆ្នាំ២០២៥ ពលរដ្ឋខ្មែរចំនួន១៥នាក់ត្រូវប៉ូលីសថៃចាប់ខ្លួន ក្រោយពួកគេព្យាយាមឆ្លងដែនចូលទៅក្នុងប្រទេសថៃដើម្បីរកការងារធ្វើវិញ។ នេះបើតាមការចុះផ្សាយដោយកាសែតថៃ Khaosod និងបានបន្ថែមថា ការវិលត្រឡប់ទៅថៃរបស់ពលរដ្ឋខ្មែរទាំងនេះ ក៏ដោយសារតែពួកគេមិនអាចស៊ូទ្រាំនឹងភាពអត់ឃ្លាន និងកង្វះការងារនៅកម្ពុជា។ តែមន្ត្រីក្រសួងការងារកម្ពុជាថា ឱកាសការងារនៅកម្ពុជាមិនខ្វះខាតឡើយ។ https://www.facebook.com/photo?fbid=1207593841409742&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី១១ ខែកក្កដា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន!»
==========================
ប្រធានបទ៖ អបអរសាទរខែនៃមោទកភាព (Pride Month)
វាគ្មិនកិត្តិយស :
១. សុទ្ធ ពៅសំណាង សមាជិកក្រុមប្រឹក្សាយោបល់យុវជនអង្គការសហប្រជាជាតិ
២. ឈាង ជាតិត្រា អ្នកដឹកនាំគម្រោងមោទនភាពពួកយើង និងជានិស្សិតសកលវិទ្យាល័យ Bucknell University
អ្នកសម្របសម្រួល៖ កញ្ញា ស្រ៊ី លីដា https://www.facebook.com/comfrel.org/videos/723000363987120
សម្រាប់ថ្ងៃទី១១ ខែកក្កដា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន!»
==========================
ប្រធានបទ៖ អបអរសាទរខែនៃមោទកភាព (Pride Month)
វាគ្មិនកិត្តិយស :
១. សុទ្ធ ពៅសំណាង សមាជិកក្រុមប្រឹក្សាយោបល់យុវជនអង្គការសហប្រជាជាតិ
២. ឈាង ជាតិត្រា អ្នកដឹកនាំគម្រោងមោទនភាពពួកយើង និងជានិស្សិតសកលវិទ្យាល័យ Bucknell University
អ្នកសម្របសម្រួល៖ កញ្ញា ស្រ៊ី លីដា https://www.facebook.com/comfrel.org/videos/723000363987120
ក្រុមអង្គការសង្គមស៊ីវិល សកម្មជនសិទិ្ធមនុស្ស សមាគម គណបក្សនយោបាយ និងប្រជាពលរដ្ឋ បានប្រមូលផ្ដុំគ្នាគោរពវិវិញ្ញាណក្ខន្ធលោក កែម ឡី ដែលជាអ្នកវិភាគសង្គមម្នាក់ហ៊ាននិយាយការពិតពីបញ្ហាប្រទេសជាតិ។ ក្រុមពួកគេទាំងនោះ ចាត់ទុករយៈពេល ៩ឆ្នាំដែលគ្មានវត្តមានលោក កែម ឡី ធ្វើឱ្យអ្នកវិភាគមួយចំនួនរឹតត្បិតការសម្ដែងមតិ និងមិនហ៊ាននិយាយលើកឡើងពីបញ្ហាសង្គម និងផ្ដល់ជាដំណោះស្រាយដូចលោក កែម ឡី ឡើយ។ https://www.facebook.com/photo?fbid=1208184478017345&set=a.492095336292933
រដ្ឋសភា បានអនុម័តឯកច្ឆន្ទ លើសេចក្តីស្នើច្បាប់ ស្តីពីវិសោធនកម្មមាត្រា៣៣ នៃរដ្ឋធម្មនុញ្ញនៃកម្ពុជា ក្នុងសំឡេង១២៥ លើ១២៥ នៃសមាជិក សមាជិការដ្ឋសភាទាំងមូល នៅក្នុងសម័យប្រជុំរដ្ឋសភាលើកទី៤ នីតិកាលទី៧ នៅព្រឹកថ្ងៃទី១១ ខែកក្កដានេះ។ តាមរយៈការអនុម័ត នឹងបើកផ្លូវឱ្យមានការរៀបចំក្របខ័ណ្ឌច្បាប់ សម្រាប់ការដកសញ្ជាតិខ្មែរ ចំពោះពលរដ្ឋខ្មែរណា ដែលបានប្រព្រឹត្តអំពើក្បត់ជាតិ ធ្វើសកម្មភាពប៉ះពាល់ធ្ងន់ធ្ងរដល់ផលប្រយោជន៍ជាតិកម្ពុជា និងប្រជាពលរដ្ឋខ្មែរ ដោយឃុបឃិតជាមួយបរទេស។ https://www.facebook.com/photo?fbid=1208187288017064&set=a.492095336292933
កម្ពុជាបានបង្ហាញជាផ្លូវការនូវការព្រួយបារម្ភយ៉ាងខ្លាំងចំពោះការសាងសង់ប្រាសាទចម្លងពីប្រាសាទអង្គរវត្តទ្រង់ទ្រាយធំក្នុងខេត្ត បុរីរម្យ ប្រទេសថៃ នៅក្នុងសម័យប្រជុំលើកទី៤៧ នៃគណៈកម្មាធិការបេតិកភណ្ឌពិភពលោក នៅទីស្នាក់ការកណ្តាលរបស់អង្គការយូណេស្កូ ក្នុងទីក្រុងប៉ារីស កាលពីថ្ងៃទី១០ ខែកក្កដា។ https://www.facebook.com/photo?fbid=1208189441350182&set=a.492095336292933
ឯកអគ្គរដ្ឋទូតបារាំងប្រចាំកម្ពុជា លោក ហ្សាក់ ប៉ឺឡេ បានបញ្ជាក់ថា បារាំងត្រៀមខ្លួនជានិច្ចក្នុងការផ្ដល់ឯកសារពាក់ព័ន្ធនឹងបញ្ហាព្រំដែនកម្ពុជា-ថៃ។ ការបញ្ជាក់របស់ឯកអគ្គរដ្ឋទូតបារាំងដូច្នេះ ធ្វើឡើងអំឡុងពេលដែលលោកមានជំនួបជាមួយលោក ហ៊ុន សែន ប្រធានព្រឹទ្ធសភាកម្ពុជានៅថ្ងៃទី១០ ខែកក្កដា ឆ្នាំ២០២៥នេះ ដើម្បីសម្តែងការគួរសម ខណៈដែលលោកត្រូវបញ្ចប់បេសកកម្មការទូតនៅកម្ពុជា។ https://www.facebook.com/photo?fbid=1208193998016393&set=a.492095336292933
នៅថ្ងៃទី១០ ខែកក្កដា ឆ្នាំ២០២៥នេះ គឺជាខួប៩ឆ្នាំនៃឃាតកម្មលើលោក កែម ឡី អ្នកវិភាគបញ្ហាសង្គម និងនយោបាយដ៏ល្បីល្បាញនៅក្នុងប្រទេសកម្ពុជា។ នៅព្រឹកថ្ងៃនេះដែរ ក្រុមអង្គការសង្គមស៊ីវិល ព្រះសង្ឃ និងប្រជាពលរដ្ឋ ប្រមាណ២០០នាក់ បានជួបជុំគ្នាដើម្បីដាក់កម្រងផ្កា និងថ្លែងសាររំឭកពីវីរៈភាពរបស់លោក កែម ឡី នៅស្ថានីយប្រេងឥន្ធនៈកាល់តិចបូកគោក្នុងរាជធានីភ្នំពេញ ទីដែលលោក កែម ឡី ត្រូវឃាតករបាញ់សម្លាប់។ ភាពក្លាហាន និងស្នាដៃនៃការវិភាគបញ្ហាសង្គម និងនយោបាយរបស់លោក កែម ឡី ត្រូវបានក្រុមអង្គការសង្គមស៊ីវិល ចាត់ទុកថាជានិមិត្តរូបនៃសេរីភាពក្នុងការបញ្ចេញមតិ។ https://www.facebook.com/photo?fbid=1208194551349671&set=a.492095336292933
នៅព្រឹកថ្ងៃទី១០ ខែកក្កដា ឆ្នាំ២០២៥ តំណាងកម្មកររោងចក្រផលិតស្បែកជើង LeCrown Shoes ក្នុងខេត្តកំពង់ចាមបន្តទទូចឱ្យភាគីរោងចក្រទូទាត់សំណងសមស្រប ក្រោយថៅកែបានបញ្ឈប់កម្មករជាង ៨០០នាក់ នៅថ្ងៃទី៨ កក្កដា ឆ្នាំ២០២៥។ យ៉ាងណាមិញ តំណាងកម្មករខាងលើកត់សម្គាល់ថា ពួកគេនឹងបន្តរង់ចាំការដោះស្រាយពីគ្រប់ភាគីពាក់ព័ន្ធ។ https://www.facebook.com/photo?fbid=1208195064682953&set=a.492095336292933
តាមរយៈការផ្សាយបន្តផ្ទាល់របស់ទូរទស្សន៍ជាតិថៃនាថ្ងៃទី៩ កក្កដាម្សិលមិញនេះ លោក ថាក់ស៊ីន ស៊ីណាវ៉ាត់ បានប្រកាសផ្តាច់ទំនាក់ទំនងបងប្អូនធម៌ជាមួយលោក ហ៊ុន សែន ប្រធានព្រឹទ្ធសភាកម្ពុជា។ ការប្រកាសផ្តាច់ទំនាក់ទំនងជាសាធារណៈជាមួយលោក ហ៊ុន សែន របស់លោកថាក់ស៊ីន បែបនេះធ្វើឡើង បន្ទាប់ពីមានការបែកធ្លាយសំឡេងឆ្លើយឆ្លងតាមទូរស័ព្ទរវាងកូនស្រីលោកថាក់ស៊ីន គឺលោកស្រី ផែថងថាន ស៊ីណាវ៉ាត់ និងលោក ហ៊ុន សែន។ ការណ៍នេះនាំឱ្យ លោកស្រី ផែថងថាន ស៊ីណាវ៉ាត់ ត្រូវបានតុលាការធម្មនុញ្ញថៃសម្រេចព្យួរមុខងារនាយករដ្ឋមន្ត្រី។ ចំពោះលោក ថាក់ស៊ីន ទំនាក់ទំនងរបស់លោកជាមួយលោក ហ៊ុន សែន មិនអាចស្រោចស្រង់ឡើងវិញបានទេ។តើមានអ្វីនៅពីក្រោយការសម្រេចចិត្តផ្តាច់ទំនាក់ទំនងបងប្អូនធម៌របស់លោកថាក់ស៊ីនជាមួយលោក ហ៊ុន សែន? https://www.facebook.com/photo?fbid=1208198101349316&set=a.492095336292933
សហរដ្ឋអាម៉េរិកបានបញ្ជាក់សាជាថ្មីនូវការប្ដេជ្ញាចិត្តរបស់ខ្លួនក្នុងការគាំទ្រដល់ការប្រយុទ្ធប្រឆាំងនឹងការជួញដូរមនុស្សរបស់ប្រទេសកម្ពុជា និងបោសសម្អាតទីតាំងឆបោកតាមអ៊ីនធឺណិតដែលមានសក្ដានុពលប៉ះពាល់ពលរដ្ឋអាម៉េរិក ព្រមទាំងបរិយាកាសសេដ្ឋកិច្ចរបស់កម្ពុជា។ https://www.facebook.com/photo/?fbid=1208285841340542&set=a.492095336292933
អាកាសយានដ្ឋានអន្តរជាតិតេជោថ្មីគ្រោងបើកដំណើរការជាផ្លូវការនៅថ្ងៃទី៩ ខែកញ្ញា ឆ្នាំ២០២៥ ជំនួសអាកាសយានដ្ឋានអន្តរជាតិភ្នំពេញបច្ចុប្បន្ន ដែលនេះត្រូវបានគេចាត់ទុកថាជាព្រឹត្តិការណ៍ដ៏សំខាន់ក្នុងការអភិវឌ្ឍន៍ហេដ្ឋារចនាសម្ព័ន្ធជាតិ។ https://www.facebook.com/photo?fbid=1208287708007022&set=a.492095336292933